Ka Nupepa Kuokoa, Volume LIX, Number 48, 2 December 1921 — Page 1
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Hopuia Kekahi
Koa no ka Hewa
Pepehikanaka
-----
Hoike Oia i Kekahi Mea Okoa
Kona Pepehi Ana i Kona
Hoa a Make ma Puuloa
------
AOHE KUMU MAOPOP
NO KELA KARAIMA
-----
Hooloalaia ka Hana Aihue i Ke-
kahi Halekuai--Ukali Nae ka Make i Kona Hoa
-----
Mahope iho o ka noii pono ana no kekahi niau mahina ae nei i hala, i hoopukaia ae ai he palapala hopu, ma ka Poakahi nei no kekahi haole koa o Clifford T. Jones ka inoa, nolalo ae nei o Puulloa, no ka hewa pepehikanaka in a ke degere ekahi.
O ka mea i pepehiia a make, he ha ole koa no o Robert Fiander ka inoa,ua pepehiia kela haole a make, ma ka po o ka la @ o ka mahina aku nei o Augate i hala, a ma ke kakahiaka ae o kekahi la mai i loaa aku ai kona kino make, a mai kela manawa mai ka paaia ana o Clifford T. Jones, ma ke ano hoohuoi, ahiki wale no i ka hoo-pukaia ana ae he palapala hopu nona.
Ma ka oleloia, ua hoike okoa aku o Jones imua o kekahi mea, no kona ha-na maoli ana i ke karaima pepehikana-ka, eia nae, ua hana ka oihana makai i ka hoike ana ae i ka inoa o ke ka-naka a Jones i huaʻi pau aku ai i ke karaima ana i hana ai maluna o kona hoa koa.
I kulike ai nae me na mea a kela koa o ka hoike ana aku, ma ke ahiaʻi o ka la 3 o ka mahina o Augate, ua koi aku la oia ia Fiander e uku mai i ka huina o $13, he mau dala hoi a Fiander o ka aie ana, o ka pane a Fiander, aole ana dala e uku mai ai i kona uie, a mahope nae o ko laua ku-kakuka pu ana, i hooholo like ai kela mau haole koa, e hele e powa a e aihue i kekahi halekuai ma kela po.
Me kela manao iloko o ua mau ha-ole koa nei, @@@@@@@ iho la laue i ko laua wahi mua i kukakuka ai, me ka lawe pu ana i ka laua mau pu raifela, e hele ana hoi maloko aku o ka mala-ko, a ia laua ka e hele la iloko o ka malako, i hookomo iho ai o Jones i ka elua i kana pu, a ma kekahi ulia, ua loaa aku la ka papalina o Fiander i ka elua o ka pu, a loaa kekahi eha kukonukonu.
Mamuli ka o keia cha i loaa i kona kokoolua, ua lilo ia i kumu hoopilikia @nai i kona noonoo, a i kumu e nalo ai kela poino, ua hoomaka aku la ka o Jones e hou i ka a-i o kona hoa me ka clau o kana pu me ka ikaika, a i wahi hoi e hemo mai ai kana pu, mai ke kino mai o kona hoa, ua ki okoa aku la oia i kekahi poka o kana pu.
Iaia i ike ai ua make o Fiander a i ka hemo ana ae hoi o kana pu raifela mai ke mai o ka mea i make, ia wa i kaulako aku ai oia i ke kino @nake no kahi o ka auwai o ka ma-hiko, malaila i wehewehia ai ke pa-laka a me ka paleili, o ka mea i make, a huli hoi aku la o Jones no kahi hoo-moana o na koa.
Ua lawe pu aku oia i ka elau o ka pu a huna aku la malalo o ka pela o kekahi o na koa, a no ke palaka hoi me ka paleili, ua hookomoia aku la ilo-ko o ke kapuahi puhi opala, a kii aku la oia i palaka hou me ka paleili hou, a lawe mai la e hookomo maluna o ko kino o ka mea i make.
I ka holopono ana o na mea a kela koa i hana ai, maluna o kona hoa i make. i huli hoi aku ai oia no kahi hoomoana, me ka manao e nalo ana ke karaima ana i hana ai, aka nae ma kekahi la ae i loaa aku ai ke kino make ma kela wahi no a Jones o ka waiho ana, a ua loaa pu aku hoi na raifela elua ma ka aoao o ka mea i make.
I kinohi, o ka manaoia ana, i ka wa i loaa aku ai ke kino make, ua lawe maoli ae no kela koa i knoa ola iho. a o kekahi manao, ua powaia oia, me ka hiki ole nae ke hookauia aku na ahewa ana maluna o kekahi mea, a ma-muli wale no ka loihi o ka noiiia ana o kela hihia, i hoea mai ai i ka hua'i okoa ana ae o ka mea hewa i kana ka-raima i hana ai
----------
Ma kahi kokoke i ke alanui Kekau-like i liopuia ai he Pake mamuli o ka loaa ana aku he mau kini opiuma ma-loko o kona hale a ua manaoia he mau kini opuma kela o ka loaa ana mai iaia o ke kiolaia ana iloko o ke kai, mailuna mai o ka mokuahi Kina, ma-mua koke aku nei
Haalele Aku na
Kepani o Maui i
ka Hui Uniona
-----
Hoike na Limahana o ka Mahiko
o Puunene i ko Lakou Manao
e Kokua i ka Mahiko
-----
PAU KA PILI ANA ME NA HUI UNIONA E AE
-----
Haawi na Limahana i ka Mahalo
i ka Lunanui no na Hana
Maikai Maluna o Lakou
-----
Ma ka noho ana ae o na Kepani Limahana o Puunene, Maui ma ka ha-lawai o ka malamaia ana ma ka Poa-ono aku la i hala, i hoike okoa ae ai kela mau limahana i ko lakou hoopau loa ana i ka hui uniona o na Kepani, i kukuluia malaila, mamua aku nei, me ka koakaka akea ana e hoi, no ka pau loa o ko lakou pili ana mai me ka hui uniona o na Kepani ma Honolulu nei, ma kekai ano.
Ma kela halawai o ka malamaia ana e na limahana Kepani o Puunene, i apono pa ia ae ai kekahi olelo hooholo, e hoopaa ana kela mau limahana ia la-kou iho no ke ku ana aku ma. ka aoao o ka mahiko o Puunene, iloko o keia wa kupilikii o ka oihana kanu ko, a kokua i ka mahik@, ma ka lawel@we ana aku i na hana apau, elike @@@ ka @kuhana e loaa nei i na limahana ma-hiko apau.
E hoole loa ana kela poe limahana Kepani, i ka oiaio o na mea i oleloia ae, no @a hoao ana o na Kepani, e noho mana aku maluna o ka oihana kanu ko ma Hawaii nei, aka e hoolaio mai ana lakou, no ko lakou hooikaika ana, ma na ano apau, e loaa ka holomua i kela oihana maanei nei, iloko o na maka-hiki aku nei i kaahope.
Penei iho ka manao nui o ka olelo hooholo, i pa@oia, a i kakauinoaia e ka komite i @ohoia, o na Kepani lima-hana apau, e noho ana ma na wahi like ole o ka mahiko o Puunene:
"O makou, o na limahana Kepani @ @@ hui @@@@@@ Commercial ame Sugar Company, ma ka halawai akea i malamaia i Novemaba 20, 1921, ua hooholo i ka olelo hooholo malalo iho nei:
"1. Ke haawi aku nei makou i ka mahalo i ka lunanui o ka II. C. & S. Co., no na hana maikai o oluolu ana i hookau mai ai maluna o makou ma ke ano hui ia a pili pakahi, ma ka mana-wa i hala;
"2. Ke noi aku nei makou e hoike hou ia mai ia makou ia hana maikai a oluolu, ma ke ano paamau ma keia mua aku;
"3. Mamuli o ka maopopo aua i ka pokole o na imahana ma ka mahiko, ke hoopaa nei makou ia makou iho, e hana;
"4. Noko o keia manawa emi loa o ke kumukuai o ke kopaa. e auamo like no makou me ka hui i ke kulaua pili-kia, i wahi e mau aku ai ke ku ana o ka oihana, a e hoea aku ai i kahi e ho-lomua ai;
"5. Ke hooiaio aku nei makou, no ka hoopauia ana o ka Aiyukwai, ka hui uniona o Puunene, a ke kukala aku nei, aole o makou kuleana i koe e pili aku ai me ka hui uniona o Honolulu ma kekahi ano.
`"6. Oiai e hoole ana i ka pahola ana o kekahi hana, no ka manaʻo ana o na limahana Kepani e kaili ae i ka oihana anikiala o Hawaii nei, ke nonoi aku nei makou e hoomaopopoia mai keia mea oiaio, ke kokua nei makou, no ka holomua o keia oihana."
-----
NU IOKA, Nov.--O ke emi loa eono mau kanaka hana i make a he iwaka-lua i hoehaia i keia la i ka manawa i hiolo ai ka halekeaka e ka halekeaka e kukuluia ana ma ke kihi o na alanui Bedford ame Park, Burkeline. Ma na koho mua no ka poe i make ua hiki aku ka huina i ka 25 a e hooiaioia ana nae ia ke huliia aku na kino make iloko o na laau ame na pohaku o ka hale i hiolo ai, he hana hoi e hala ana paha he pule. Ua hopuia ka poe no lakou ka aelike no ke kukulu ana ia hale malalo o ke kumuhoopii i hookomoia ae no lakou he laweola.
-----
WAKENEKONA, Nov. 29.--Ua hoo-pukaia ae e ka Persidena Harding i keia la he kuahaua e hookaawale ana i ka pule o Dekemaba 4 a 10 ma ke ano he pule hoonaauao aku i na Ame-rika. E hoi ana ia kuahaua i na ma-kaainana e kokua ma ke hooikaika ana e hoemi mai i ka poe makaukau ole o ka ike i na buke maloko o Amerika.
Hookuuia Aku
Mahope o ka Paa
Ana Elua Pule
-----
Hopuia he Hawaii no Kekahi
Karaima Koʻikoi na Kona Loio
Nae i hoopakele Ae Iaia
-----
NO KA MAKE ANA HE
HOA KANAKA KE KUMU
-----
Aole Nae he Hoopii Ku-e i Loaa
Aku ma ka Ninaninau Pono
Ana a na Kiure Kiekie
-----
Mahope iho o ka paaia ana ma ke ano he lawehala, me ke kuleana ole no na pule elua, i hookuuia mai ai o Heluekahi Puulei, ma ka Poaono aku la i hala, mamuli o kona koho ana ia W.T. Rawlins i loio nona.
He mau pule lehulehu ae nei i hala, o Puulei kekahi me ka nui ae o na kanaka maloko o kekahi hale, e koko-ke ana i Puuloa, ia lakou o ka haalele ana aku i kela hale, ua hoomaka ae la ke ahi e a i ua hale nei, ahiki i ka lilo ana i puulehu.
Mamuli mai nae o ka pau ana o kela hale i ke ahi, i loaa aku ai he @lia i kekahi kanaka Hawaii okoa aku, o ia kona wela ana i ke ahi, ka pilikia hoi i make ai oia mahope mai.
Ua kanuia kona kino, eia nae ua oili ae, la kekahi moolelo mahope mai no ka lawelaweia ana o kekahi hana ho-eha maluna o kela kanaka, a o ke ku_mu oiaio ka ia o kona make ana, ma-muli o kela moolalo, i paa ai o Puulei i ka hopuia, me ka huʻe hou ia ana o ke kino i kanuia ai iloko o ka lepo.
Ua laweia mai ke poo o ka mea i make no Honolulu nei, no ka huli pono ana aku, in a paha he eha kekahi ma-luna o kela poo, e maopopo ai he hoeha kekahi i hanaia, elike me ka moolelo, ma kela nanaia ana nae, aole he wahi hoailona iki, e hoike mai ana, no ka lawelaweia ana o kekahi hana hoeha maluna o ke kino o kela kanaka.
Ma ka la 9 o ka mahina o Novemaba aku la i hala, ua noho ke kiure kiekie, e ninaninau pono i ka hihia o Puulei, ma kela ninaninau ana i waiho ae ai kela kiure i ka hoike, no ka loaa ole ana he kumu hoopii e kue ana ia Puulei.
Me kela hoike no nae a ke kiure kiekie, no ka loaa ole he kumu hoopii, e ku-e ana ia Puulei, aole oia i hoo-kuuia, aku ua paaia no oia maloko e ka halepaahoa no na pule elua, a ma-muli wale no o kona koho ana ia Raw-lins i loio nona, pela i hana aku ia kona loio i ke alahele e hookuu loa ia mai ai oia, mai ka malu mai o na kanaka o ke aupiuni.
No kela hoopaaia ana o Puulei me ke kuleana ole, Mahope iho o ka loaa ole ana o kekahi kumu hoopii e ku-e ana iaia, e lilo ana i hana na kona loio, ka noonoo ana i kekahi hana, e koi aku ai i ke aupuni, no ka hoo-paaia ana o kona haku me ke kuleana ole malalo o ke kanawai.
-----
$231 KA POKOLE O KA WAIHONA
O KA HALEMAʻI MOIWAHINE.
-----
I kulike me ka hoike a ka lunahoo-hana nui o ka Halemaʻi Moiwahine George C. Poter o ka Hale-maʻi Moiwahine no ka mahina o Oka-toba mamua o na loaa,o ia hoi ma ke-kahi olelo ana ae ua pokole ka waihona o ia halemaʻi.
Ma ka aoao o ke aupuni kalanakau-hale ame kalana he $2853 na hoolilo, he huina i oi loa aku amamua o kekahi mahina mamua aku mai ka weheia ana o ka halemaʻi. O ka huina nui o na dala i loaa ae i ka halemaʻi mai ka poe maʻi ae a mai kekahi mau ala-hele e ae he 417,500.25, a o na hoolilo no ka malama ana ia halemaʻi he $17,-731.30 no ka Mahina o Okatoba.
O ka huina o ka poe maʻi koikoi loa o na pilikia i okiia he @@, a no ka poe liilii mai o na poino o okiia he 69. O ka huina o na maʻi i hoihoiia aku ilai-lo no ka lapaauia mai he 288, a he 271 ka heluna i hookuuia mailaila mai, a he 414 ka nui o na maʻi i lapaauia, he 48 mau maʻi i lapaauia, he 48 mau maʻi a ke kalana.
O na rumi i hookaawaleia no na maʻi e hoonohoia maloko o na rumi kaawale ua hooneeia aku ma kekahi mau wahi e ae o ka halemaʻi a he mau hoololi hou no kekahi e hanaia mai ana ma keia mua aku, oiai ma nei mua aku e wawahiia ana ka hale ka-hiko ma ka wowo ma Ewa, a e kukuluia ae ana he hale hou ma ia wahi, elike me ia i hoolalaia ai ma kekahi mau mahina lehulehu aku nei i hala.
Hopuia o Kubey
Me ka loaa o na
Waiwai Aihueia
----
Mai Amerika Mai ke kauoha i
Paa Ai Oia i ka Hopuia e na
Luna Oihana Maanei Nei
----
HOOKUUIA NAE OIA
MALALO O KA BONA
----
E Hoomakaukau Ana o Kubey e
Holo no Iapana Loaa e Mai
Nae ke Kauoho e Hopu Iaia
-----
Ma ka Poalima o ka pule aku la i hala i paa ao ai o Joseph Kubey i ka hopuia e ka Makaikiu McDuffie no ke kumuhoopii i hookomola ae nona o ia ka lawe ana aku i na waiwai aihue. He kokua lunaleka mua o Joseph Ku-bey no ka oihana leka ma Honolulu nei ma kekahi manawa i hala.
Mamuli o kekahi lono ma ke keleka-@apa uweaole o ka loaa ana ae i ka Makaikiu McDaffie mai na luna aupuni mai ma Kapalakiko e hoakaka ana aia ipo lakou kekahi palapala hopu no Joseph Kubey ao ka hewa feloni. Ma-hope iho o ka paa ana o Kubey i ka hopuia ua belaia ae oia he $5000 a na Lorrin Andrews, ka loio o Kubey i noi ae i kekahi palapala hookuu kino no ua o Kubey.
O keia hopuia ana iho la o Kubey mamuli no ia o kona hoopiiia ana ae ia oia ka akena o ka hui ma Amerika lawelawe hana ana mawaena o Ameri-no kona huipa ana me kekahi hui e ka ame Iapana, ma ka hoouna ana i kekahi mau @iionioni i manaoia ua hiki aku ka waiwaiio mai ka $100,000 ame $250,000. Ma ka oleloia ua hoo-unaia aku na kiionioni i lapaua, a mailaila i pai hou ia ai a hoounaia aku na kii hou i paia ma kela ame keia wahi ma ke ano he mau kii mua loa la-kou i hanaia i kinohi.
He Kepani i maopopo i ka oihana makai, o @@@@@ kona inoa, ma ka olclo-ia nana e hoouna ae i na kii mai Seattle a i Iapana. O na makaikiu ma Kapala-kiko e huli ana mahope o keia hihia ma ka oleloia ua loaa ia lakou na kelekalapa i hoounaia mawaena o Shi-ma ame Kubey. Ua manaoioia o Ku-bey ma ke ano laula, ke kanaka maa-nei nana e hoouna aku ana i na kii mai nei aku, a o kela lono ma ke kelekalapa uweaole o ka loaa ana ae i ka makai-kiu McDuffie e hoike ana ia i ke kumu-hoopii e kue ana ia Kubey i kekahi palapala hoo-kuu nona no ka holo ana i ka Hikina.
Mamua o ka Lunakanawai Cornell S. Franklin hoolohei ai ke noi no ka palapala hookuu kino no Kubey ma ka la 9 o Dekemaba oia ka Poaono o keia pule ae.
----
E WAIHO MAI ANA KA LUNAKA-
WAI FRANKLIN I KA HANA
----
I kulike ai me kekahi lono i hiki ke hilinaiia aku mai kekahi alahele mai i hiki ole ke kanaluaia, e waiho mai ana ka Lunakanawai Kaapuni Frank-lin i kona kulana a ua kelekalapa aku oia i ke keena o ka lunakanawai kie-kie ma Wakinekona no ia waiho aku on a i ka hana.
Ua hoomaopopoia ko ka Lunakana-wai Franklin manao e holo aku no Shanghai, Kina, a malaila e hoomaa-maa kanawai ai. He mau mahina lehu-lehui hala aku nei i ka Hikina la oia, a oiai oia malaila ua hoopukaia ae e ka Advertiser kekahi lono no kona na-na a kau ana i ka manaolana no ka loaa o kekahi kahua ana e hoomaamaa kanawai ai malaila, a in a no ka loaa o kekahi wahi kupono ana e ike ana ma Shanghai no ka hana ana i manao-lana ai, e waho aku ana oia i kona kulana @punakanawai a hoi aku ao Shanghai, a malaila e hoomaamaa ka-nawai ai.
Ma ka la 3 o Iune o ka 1919 i hoo-kohuia mai ai ka lanakanawai Frank-lin e ka Peresidena Woodrow Wilson no eha makahiki, a e pau ana kona ma-nawa ma ka la 30 o Iune o ka 1923 e hiki mai ana.
----
He ekolu mau keiki o ka holo ma-huka ana mai ke kula mai o Waialee ma ka poakahi nei, no ko lakou mau home ma keia kulanakauhale, i waiho-la ae e ko lakou mau ohana malalo o ka malu o ka oihana makai, a ma ka Poakolu nei i hoihoi hou ia aku ai lakou nolalo o Waialee.
Kiolaia Mai ka
Opiuma Mai ka
Mokuahi Mai
-----
Makaala Loa na Kanaka o ka Oi-
hana Kukeawa i ka Poe Hoo-
pae Malu i ka Opima
----
IKEIA HE WAAPA I KA
HOLO MA KA MOANA
-----
Maopopop Ole Nae ka Loaa Ana o
ka Opiuma i Kela Waapa o
na Kepani âme ka Ole
-----
I kulike me kekahi lono o ka loaa ana ae i na luna o ka oihana kukeawa ma ka Poalima o ka pule aku la i hala ua kiolaia iho he mau kini opiuma ilo-ko o ke kai mailuna iho o ka mokuahi Kina ma ka auwina la Poaha aku, mawaho ae o Kalaeloa, ma ka mana-wa ana e holo mai ana no ke awa o Kou.
Aohe opima i hoopae malu ia mai i ke awa ma ka manawa o ia makuahi o ke ku ana mai i ka uwapo, elike me ka hoakaka a ua kanaka o ka oihana kukeawa, no ke mea ua makaaia loa lakou i ka manawa i kaa mai ai ka moku malalo o ko lakou mana ma ka uwapo hoomalu maʻi.
Elua mau paiki opiuma i kiolaia iho mawaena o Leahi ame Makapuu e ka mokuhi Taiyo Mare, elue me kekahi lono hou i hoikeia ae i ka oihana ku-keawa ua o ka lunakukeawa H. E. Murray la.
Ua loaa paha ia mau kini opiuma i kiolaia iho ai iloko o ke kai aole paha aole i maopopo aka nae, ua makaala loa na kanaka o ka oihana kukeawa i na waapa lawaiʻa o ka mokuahi Taiyo Maru o ka holo ana aku ma ia wahi, a no elua a ekolu ka manawa a ia waa-pa o ka ikeia ana aku e holo kaapuni mai ana a holo aku la iwaho i ka nkioana a no kahi nae o ia waapa lawaiʻa Ke-pani o ka pae ana aku he ninau po-hihihi loa ia.
Ke makaala loa mai nei ka oihana kukeawa i ka hoopuhili ana aku i ka hana a ka poe hoopai malu i ka opiu-ma eia nae o ka ninau paakiki pehea la e nui mai nei na Pake e hopuhopuia mai nei no ka loaa ana aku o ka opiu-ma malalo o ko lakou malu, aole hoo-kahi wale no kini, aka ma na kini lehlehu ka hapauui e paa ae nei i ka hopuia.
He nui na kanaka e hana mai nei ma lalo o ka lunakukeawa nui a ke huipu mai nei lakou me ko lakou poo ma ka hooikaika ana e hoopuhili aku i ka hana a na hui hoopae malu i ka opiuma iuka nei o ka aina. O ka ninau po-hihihi e pili ana i na kini opiuma e kiolaia ana iloko o ke kai owai la ke auamo ana ia poho in a no ka loaa ole o ia mau kini opiuma i kekahi poe ouka nei o ka aina, i loaa ole aku i na lala o ka hui hoopae opiuma malu, a i nele hoi ka loaa ae o ia mau kini opiuma i ka mea nana ia opiuma o ka hoounaia ana mai.
Hookahi hana i hoomaopopoia o ia hoi mai Honolulu aku nei ke dala i hoounaia aku ai i Kina kahi e kuaiia ai o ka opima, a ma ka oleloia he $28 ke kumukuai o ke kini opiuma hoo-kahi. I ke kaa ana mai i ka lima o ka hoahui maluna o ka moku ua palua iho oia i ke kumukuai o in hoi he $56, o kei palua ana iho i ke kumukuni o ka uka ia o ka hoahui iloko o ka moku e kuai mai ana i ka opima ke holopno kana kuai ana mai ke loaa pono i ka poo ouka nei o ka aina, a i ka pae pono ana mai o ka opiuma iuka nei o ka aina ua pakolu a i ole pa-ha-ia iho ke kumukuai.
----
MANAOLA NO KA IPUHAO
PUHI OKOLEHAO KE KUMU O KE AHI.
----
Ma ka manaoio o ka oihana kinai-ahi no kekahi ipuhao puhi okolehao ke ahi i pau ai kekahi halelaau ma ke alanui Desha mahope koke iho o ka ho-ra i o ka auwina la Poakolu aku nei.
O ka waiwaiio o ka hale i hoopoi-noia e ke ahi, ma ke koho a ka luna kinaiahi he $1000. Elua mau hale ae mawaho ae o ka hale i holapuia ai e ke ahi, i hopoinoia aku e na ulaahi. Ua hoea aku na kaa kinaiahi eia nae, aohe mea hiki ke hana aku o ka hoo-pakele wale no i na hale e ae e ku kokoke mai ana i ka lilo ana i puulehu.
No D.G. Paoo kekahi o na kanaka hana o ka haleleka, ka mea nona ka hale poino i ke ahi. Ekolu mau ohana kepani e noho ana maloko o ia hale ma kela manawa, a ma ka olelo a ka poe e noho kokoke mai ana i kela hale ua hele na Kepani apau loa i kekahi wahi, aohe mea hookahi maloko ma ka manawa o ke ahi o ka hoomaka ana ae. Aohe mea i hopuiu ma ia la o ka ipuhao puhi okolehao nae ame na rama i hoawaawaia ka i loaa aku i na ka-naka kinaiahi.
Lawe ka Puuku
Hou i ka Mana
Hookohu Iai
----
Mahaelua Kona Manao me ko
Komite Kuwaena Repubaika
ma na Hookohu Oihana
----
HOOPAUIA AKU EIA
O THOS TREADWA@
----
Hookohu Nae ke Kiaaina Ia M@
Treadway i Lunahooia ma ka
Makalua o ka Lunahooia Mua
----
Ma nehinei, ka la i o ka unahina Dekemaba nei, i lawe ae ai o A@ Lewis Jr., i ke kulana puuka no Terotore, a e hoohana aku ana oia i mana hookohu oihana i haawila a iaia, elike ma kana i ike ai he kipou me kona nana ole ae i na mea a komite Kuwaena o ka aono Repubalic e kauoha aku ana iaia, a i ole e a aku ana paha iaia e hana mai, ma ka o kela mau hookohu oihana.
Ua ikeia keia ano kuokoa o ka P@ ku Abe Lewis Jr., ma ka manawa loaa ai he kukakuka ana mawaena ke komite Kuwaena Repubalika me i maluna o ka ninau no na hookohu o hana, me ka pane okua ana aku o k@ Puuku Lewis Jr., imua o ke komite in he kuleana kekahi o ke komite, komo hokai wale aku ai no ma kan@ mau mea i makemake ai e hooaku alaila ua makaukau loa oia e waiho aku i ka noho puuka ana no ke Teri@tore, a e koho aku i kanaka okoa m kona makalua.
I ka hoi ana aku nae ihope, i k manawa o ke kohoia ana o na lala ke komite kuwaena o ka aoao Repuba lika o ikeia no noa mea oiaioa looa, o i ka nohoalii ole ana o ke kuikahi iloko ka aoao kalaiana.
Ma ka manawa i @@@@@@ ai ka Perasidena Republika, @@ ke poo o @ hookele, aupuni ana o Amerika Hupuia o ke komite kuwaena Repubalika hikimua, ma ka waiho ana aku i nainoa, no ke kulaue kiaeina o Hawaii nei, iloko hoi o ia manawa hookahi hooikaika aku ai ua kanaka lawelawe oihana, o keia kulanakauhale i ka inoa o W.R. Farrington e hookuhuia mai kiaaina, me ka nona ole mai i ka mana o ke komite kuwaena a o ka hopena oili ae, o ia no ka hookohuia ana mai o W.R. Farrington i kiaaina no Ha waii nei.
Ma ka manawa hoi i pii ao ai ke Kiaaina Farrington, ma ke poo o ke aupuni Teritore, ua waiho aku la oia i ka inoa o Raymond C Brown i ka kauolelo no ke Teritore, me ka amkemake ole no nae o ke komite kuwaena i kela inoa, aka nae, ua hiki ole i ke komite ke alo ae, nolaila haawi aku la kela komite i kana kakoo ana, i ke kanaka i makemake ia e ke kiaaina.
Aole ma ke kau ana ae o kela mau kanaka elua, ma na kulana ano nei e ke Teriotre, malaila iho la pau na hoo-ikaika ana a ka puulu, na lakou i hookainohi, aka iloko o ka hamumu o ke aheahe malie ua oili ae la ka inoa o Abe Lewis Jr., i puuku no Keia Teritore.
i Ka lohe ana o ke komite kuwaena i keia nuhou, ua konoia ka puuku hou e loaa he manawa e kukakuka ana, no na mea pili hookohu oihana i hoike okoa ae ai ka Puuku Lewis i kona nano ole i ke komite, aka e hooko aku ana oia, elike mo kana mea i ike ai he ku-pono, ma na hoololiloli oihana, maloko o kona keena, a ma na keena oihana e ae i kaa aku ai ka mana hookohu iloko o kona lima.
Ma kela kukakuka ana, aole i huna iho ka Puuku Lewis i ka hoike ana ae i kona manao ponoi o ia no kona hoo-pau aku ia This Treadway, mai ka pau aku ia Thos. Treadway, mai ka noho hana ana maloko o ke keena puu-ku he kulana hoi ana i paa ai no na makahiki he umi-kunamakahiki me ka makaukau ame ka maholia.
Komo ke Kiaaina e Kokua
I ka loaa ana o ka ike i ke kiaaina, no ka hoololi i manaoia e ka Puuku
(E nana ma ka Aoao 4.)