Ka Nupepa Kuokoa, Volume LIX, Number 47, 25 Nowemapa 1921 — Page 3

ʻaoʻao PDF (1.53 MB)

This text was transcribed by:  Kamehameha Schools Gift To Dr. Chun
This work is dedicated to:  Dr. Michael J. Chun

Ka Nupepa Kuokoa

KE KILOHANA POOKELA NO KA LAHUI HAWAII.

MOOLELO O KA AHAHUI KULA SABATI O MAUI, MOLOKAI ME LANAI KAU O SEPT. 1921

(Hoomauia mai).

La Hana 3 Sept. 16, 1921.

Noho hou ka aha elike me ka hoopaneeia ana. Peresidena J. W. Kalua @ ka noho, a weheia ke anaina ma ka himeni I.. II., 145 ame ka pule a ka Peresidena J. W. Kalua.

Hapaiia ka hoike komite a na komite @ na hoike Kahu Kula Sabati Nui: Na J. P. Inaina i ka hoike hapa a ia komite. Ua noi mai o L. A. Kanae e apono i ka hoike a ke komite, alaila @ula ka noho. Ua ao ikaika mai ka noho, mai hana hou aku na komite a keia aha e koho ai i kekahi hana o keia ano, e pono e hana like, aole e hana kahi a e hana ole kekahi, a ma ka ninauia ana, ua aponoia ka hoike a ke komite me keia mau hooponopono ana.

Hapaiia mai ka hoike komite o na hoike komite hoeueu o na Kula Sabati: Na Moses M. Kahiapo i ka hoike hapa a ia komite, a ua waiho mai oia i ka inoa o Mrs. Kalohelani i komite @ueu no Maui Hikina ma kahi o L. A. Kanae. Ua aponoia keia inoa. Nolaila o Mrs. Kalohelani oia ke komite hoeueu o na Kula Sabati o Maui Hikina.

Na J. F. Welch he noi e laweia mai ka hoike a ke komite a e noonooia, o la na hoike komite hoeueu o na Kula Sabati. a ua aponoia.

Wahi ana ma kela hoopunaolelo a ke komite hoeueu o Molokai, e lolelo ana penei: Aole ke Kula Sabati o Kaluaba i haawi mai i ka manawa no ke komite hoeueu e hana ai @ kana hana, aohe pololei o ia mau olelo.

Ua nui na kike olelo ana maluna o keia hoike, a oiai aole ke komite ho@ imua o ka hale ia manawa, no@ ua kapaela keia hoike komite hoeueu o Molokai no ka manawa, me keia manao e ninaninauia ke komite hoeueu elike me ka manao o na lala o ka aba i hooholo ai. Ua aponoia elike me ia.

Na L. A. Kanae he noi e kapa@ na rula, ua aponoia. Nana no i waiho mai he olelo hooholo a e heluheluiapenei:

Olelo Hooholo:- E hooholoia, mahope iho o ka uku ana i na hoolilo kumau o keia aha, i keia kau o Sepatemapa. he mea pono o na koena loan apau @ koe iho. e holo aku no ia no ka ekalesia o Wainee, Lahaina.

Ma ke noi a R. J. K. Nawahine, e apono loa ia ka olelo hooholo, a ua apono loa ia elike me ia.

Hapaiia ka hoike komite o na hoike Elele Kula Sabati apana: Na Joseph F. Welch i ka hoike hapa o ia komite, ma ka hoike a ke Komite ua ikeia ka nui o ka hemahema o na hoike elele, o kekahi mau Kula Sabati, a wahi a ke komite e lilo na kahu a komite paha, i mea kokua aku i na hoike elele o kona mahele, mamua ae o ka hele ana mai imua o keia aha.  Pela pu me ke Kahu Kula Sabati Nui, Ame ke Kahu Kula Savati Apana, o la mahele.

No ka makemake ana o ka Peresidena e kamailio maluna o ke hoie a ke komite, ua haawi oia i ka noho i ka Rev. Isaac D. Iaea; a hoakaka mai la oia i kona nianao, me ke kauoha pu ana i na Kahu Kula Sabati Apana ame elele o na Kula Sabati i hoomaopopo ole i ke ano o ka hana ana i ka lakou mau hoike, e hele ae e kii i na hoike elele ame hoike papahelu o na kula, i loaa ke apono piha ana ia o ka lakou mau hoike ma ke ano helu ekahi, o ia no na kula o paia, Kaluaaha, Haliimaile ame Kaahumanu. Ua apono loa ia

Mamuli o na ulia o ka manawa a he nuhon hoolelehauli no hoi ma@ o ka haalele ana mai i keia ola ann o Mrs. K. Kaina, kekahi makuahine hoomanawanui i ka hana a kona Haku aloha.

Oiai oia kekahi o na elele i hoomaia mai e kona ekalesia, ma ke ano he elele C. E., ma keia kau o Sepatemaba A. D. 1921, a ua make oia ma Lahaina. ma ka po o ka la 15 o Sepatemaba, 1921, a okan kino ua hoihoiia aku no Wailuku, a malailai malamaia ai na hana hoomanao hope loa nona.

Ua ili iho maluna o ka Peresidena Hon. J. W. Kalua .ame ka Hope Peresidena ka Hon. M. P. Waiwaiole, ke ko'iko'i o keia nuhou, oiai o Mrs. K. Kaina, oia kekahi o na lima akau iloko o ka ekalesia o kaahumanu.  Mamuli o keia kumu, ua waiho mai la laua i na hana o ka aha ma ka waiho ana mai o ka Peresidena J. W. Kalua i ka inoa o Rev. Isaac D. Iaea, i kokua peresidena, a he inoa hoi i apono lokahi ia e na lala ame na hoa apau.

Mamua ae o ka nee ana o na hana a ka aha imua na hoakaka mai ke kokua peresidena i kona inanno: Ke manao nei au, o na kumuhana ko'iko'i ame na hana i pau ole a keia aha, e wuihoia no na ka peresidena e hoopao a oiai ma kuu manao he hana maikai na keia aha, ka malama ana i halawi haipule hoalohaloha, no D. W. Napihaa, ame Mrs. K. Kaina kekahi mau hoa paahana o keia mau aha.

Ma ke noi a Joseph F. Welch e laweia i kumuhana na keia aha, ua kokuaia e Moses M. Kahiapo, a ua apono loa ia.

Na ke kokua Peresidena Isaac D. laua i na inoa o ka poe na lakou e malama i keia halawai: J. P. Inaina, Moses M. Kahiapo, Joseph F. Welch, J. S. Poepoe, J. P. Erdman, ame S. K. Kaailua.

Ua weheia keia halawai haipule me ke mele ana i na pauku apau o ka Holu Ao, aono 48 ame ka pule a J. P. Erdman.

Heluhelu Baibala, na ka Makua Isaac D. Iaea. Na Mokuna heluhelu: Ioba, mokua 7:1.21 14: 1-22., ame ka Halelu 23. Himeni L. H. 197. Alaila: ua hoolauna mai la ka Makua I. D. Iaea i ka Rev. Moses M. Kahiapo, a kakauolelo hoi o na Ahahui C. E., o Maui Molokai ame Lanai imua o ke anaina.

Wahi ana o ka makuahine i haalele mai i keia ola ana, Mrs. K. Kaina, oia ka elele C. E., o ka ekalesia o Kaahumanu, i hoounaia mai ma keia kau o Sepatemaba A. D. 1921, a oiai oia ma Lahaina nei no na hana a kona Haku aloha ua halawai iho la me ka poino.

Ma ka lohe i hoikeia mai ia'u, ua laweia mai ka mea poino maluna o ke kaa a mawaho nei o keia Luakini me ka manao o ka mea iloko o na popilikia, in a he mau hana kekahi ma ka aoao o na haipule nona, a oiai e paa ana kakou i na hana a ka aha ia manawa, a nole no he lohe i hoikeia mai ia wa, nolaila ua hoihoila aku oia no ka haukapila o Lahaina, a malaila i haalele mai ai oia i keia ola ana.

Mahope mai on a o J. P. Erdman o ka Papa Hawaii, mai iaia mai kekahi haiolelo naauno loa, he haiolelo hoi i hoopaia ka uhane o na mea apau.

Wahi ana, ma ke ano nui: o D. W. Napihaa, ame Mrs. K. Kaina, e pono e kapaia aku laua ma ka inoa hoohanohano, ka wiwoole o na wiwoole, a no ka mea, ia laua maluna o ke kahua kaua uhane, ma ka laina pale ekahi o ka laina holookoa, ua haule iho la laua, no ka hanohano o ke Ke'a aloha, o ko kakou Haku Iesu Kristo.

Mahope mai on a o J. S. Poepoe, mai iaia mai i hoikeia mai ai ke kulana kristiano oiaio maoli o Mrs. K. Kaina, ame kana kane e ola nei Mr. Kaina. Wahi ana oiai o Mr. ame Mrs. Kaina e noho ana ma Kihei i na makahiki i haahope aku nei aole halepule ma Kihei ia manawa, na ulu ae ka manao iloko o laua e kukulu i halepule no Kehei, mai ka liilii a hiki i ka nui loa ma o ia manao o laua, a i mea e ku io ai ke kumuhana a laua i hoolala ai, ua hui mai laua me a'u ame ka poe e noho ana ma Kihei i keia manawa a hoomaka koke no ka hana ana, ma na alahele apau e loaa ai ke dala, a ua loaa io a oia ke ku nei ka halepule o Kihei, a laua i hooikaika ai, a ua lilo ia i kiahoomanao nona, ame kana kane e ola nei na na hanauma apau, a ua aie nui na hoahanau o Kihei i keia makuahine hoomanawanui.

Nolaila ke ike nei keia anaina o Mrs. Kaina ame kana kane o laua na mea na laua i hookumu i ka luakini o Kihei e ku nei i keia la.

Nolaila ma ka aoao o ka ekalesia o Kihei, kona mau hoahanau, kona mau haumana Kula Sabati, ame na lala o na Ahahui C. E., kekomo aku nei a auomo pu me oe e ke kane wahine make.

Mahope mai on a, o S. K. Kaailua ame J. P. Inaina a o ua hana haiolelo hope i ka Makua Isaac D. Iaea, ke kokua peresidena o na hana a ka aha ma keia la, a hookuu ka halawai me ka himeni L> H. 91 me ke mele ana i ka pauku i ame 2, a me ka pule a J. P. Erdman.

(Aole i pau).

 

HOOPULAPULA OIAIO.

Solomon Hanohano, Aloha oe:-- E oluolu mai ko'u ahonui in a he wahi kaawale kekahi o ka kaua nunu ahai lono, e hai ae ma na kihi eha o Hawaii aina, a hala loa aku ma na hapa poepoe o ka honua, o ia hoi keia:

Ma ka ukaiuiu o Pahoehoe, Kaupokii hookahi kama hoopulapula, na Mrs. Mary Kamealoha he kaikamahine mohaha maikai.

Ma ka aekai hoi o ia wahi no, hamau na Malia Kamano ia mau la no he keikikane ma Kaohe, hana ma Mrs. Hawila he kaikamahine: ma Waiea hoi hanau na Mr. Ropata ame Mrs. Ropata, elua keia mau pulapula, he wahine me ke kane, i keia mau la no: o ia ka hoopulapula oiaio no Hawaii lahui ame Hawaii aina. Ke hooiaio nei keia makapeni o ia maoli ka hoopulapula lahui, nolaila ke kalokalo ae nei au, i na mana lani e haawi koke mai i aina no keia mau pulapula. i lepo aina no keia mau opio, aole hoi i hoopulapula ma kekahi auo e ae.

He mau opio wale no keia poe apau i hiki aku i ka 16 ame 18 makahiki. He mohaba ko lakou mau ano, ua like no me ma pua lehua o Pinaonao, a he mohaha no hoi, na pulapula me ka mahiehie.

He ma'u wahi meahou ia o ka aina o kaua.

Kou no a mau,

J. W. L. KAHUNAAINA,

VERSAILLES, Palani, Nov. 12--Ua olelo ae ka loio ma ka aoao pale i keia la, e hoaoia aku ana e hooiaio ua pupule o Henri Landru, ka "umiumi holu o Gambais" ka mea i hoopilia no ka hewa pepehikunaka, no ka make ana o na wahine he umi-kumamakahi, he umi o kela mau wahine i oleloia ae, ua ae aku oia a mare ia lakou.

 

HOALOHALOHA NO D. W. NAPIHAA A KA AHAHUI KULA SABATI O NA MOKUPUNI O MAUI MOLOKAI AME LANAI KAU O SEPT. A. D. 1921

Mr. Peresidena âme ua lala o keia aha:-- Pela i ko ai ka olelo i i mai ai: o ke kaula kala ua mokumoku liilii. O ke Kiaha Gula ua okaoka me he lehu la. Ua naha ka bakeke o ka loko maikai ma ka punawai. Aole leo hou @ pa'e mai ana nou a no na hana a keia aha: no ka mea: ua niniu aku la ka huila o keia ola ana, iloko o ka luawai o keia hopena. E hoi ana ka lepo i ka honua, elike me ia mamua, a o ka uhane e hoi aku ia i ka mea nana i haawi mai. E hoomaikaiia Kona inoa!

Luuluu wale! Ua hala o David William Napihaa, mao ko kakou hoapaahana nui, ko'iko'i o ka hana a kona Haku aloha. Ua nalo loa uku kona helehelena mai ka papalina aku o ka ili o ka honua. a mai na paia aku o keia aha me ka minamina nui ia.

Ma ka la 29 o Augate i hala aku la, i kipa ae ai ka anela o ka make ma na paepae kapu o ke kino o ko kakou hoaloha, hoa hoomanawanui o ka hana a kona Haku aloha, hoa pauaho ole i ka hana me ke kunukunu ole, e hele ana i o a ianei, i ka loa ame ka laula, i ka la ame ka ua, i ka @ ame ke ao, i ka malie ame ka ino, i ka wa ma'i ame ka wa ikaika. Ua hoomanawanui wale ia no oia a hala wale aku la no!

He koa wiwoole no Iesu, e hele ana i ke kaua uhane no ka hana o ke aupu ni lani, me ka hopo ole i na mea ino o ke kino, e hoopuni ana iaia. Iloko o ka moe nawaliwali e kau ana maluna o kona kino, uilani ae ka leo o kona Haku iloko on a, he leo kahea no ke koena o kaua hana ma ka Hoike Kula Sabati Hui o na Kula Sabati ma Kipahulu, aloha wale!

A i ka hoopau ana i ka hana a kona uhane i iini nui loa ai. alaila ko ae la ka leo kono a kona Haku aloha, e o ana: Ma ka hale o ko'u Makua, he nui loa na wahi e noho ai, in a aole pela, alaila, e kii mai no au ia oukou a e noho oukou ma ko'u wahi e noho ai.

Moe iho la kona kino ma kahi ana i hanau ai, e moe ana i ka moe kau a kau, me kona mau makua me ka ohana, e kali i ka leo o ka pu, no ke alahou ana.

Ua kau aku maluna o kona mau poohiwi i na makahiki lehulehu, ke kulana Kahu Kula Savati Nui no Maui Hikina, a keia aha i hookau aku ai maluna on a me ka ewaewa oole a ua hooko aku oia ia kulana me ka hanohano nui, a kou iho la kona luhi, o hoomaha ana i kana hana me ka hoomaha mau loa, me ka minamina pau ole ae.

Ua hanauia o D. W. Napihaa ma Hao'u, Hana, i ka ua lanihaahaa, a elike me ka nee ana o ke au o ka manawa, alaila hookahua ae la oia i kona noho ana ma ka Waikau o Keanae, a mamuli o kona eleu, ame ka piha noeau naauao ma ka olelo o kana hoonee ana i na pohaku iliili o kona alahele nomua, kapaia ae la oia ma ka inoa hoohanohano ma o kela mau hua kumu la on a D. W. o ia hoi ke Duke hao o Welinakona Napihaa, o ke kumu no ka piha me ka puuwai hamama, ame ka lokomaikai palena ole, e hookipa ana mai ke kiekie a i ka haahaa @. He home no ka malihini me ka leo ole.

Ua haalele iho oia mahope nei he hoapili, kana mea aloha he wahine e paiama ana me na waimaka e hiolo makawalu ana. Aole he wahine aka he makuahine e kiai ana i ka pono o ka hana a ko laua Haku aloha. ma kahi a laua e Lawelawe ana. He kokua nui no ke kane e pono ai. Luuluu wale oe e Akowai e, kalima akau o kau kanae aloha ma na hana apau. Ua hala ua nalo. Aole e hoea hou mai, ua naha ka hale kino. ka makamaka o a@ moe e kipa mai ai, ua like @ Ua pii ae me he aeko la ma na ehu lani o ka manaolana mau loa.

Nolaila i ua ili iho maluna ou e Mr. Peresidena ame na lala o keia Ahahui Kula Sabati o na Mokupuni o Maui, Molokai ame Lanai, keia haawe nui ko'iko'i ame ke kaumaha o ka manao no keia hoapaahana hoomanawanui lua ole ka auamo pu ana i keia mau haawina ehaeha o keia ola ana.

Nolaila, e hooholoia o makou o na komite hoalohaoha a keia aha i koho ai, no lakou na inoa malalo iho nei, ke konio pu aku nei me oe e ka wahine kanemake i hooneleia i ka makua, ame ka ohana holookoa ame ka lehulehu e nonoi nui ae ana i ka lokomaikai o ka makua Lani e hoomama ae i na naau luuluu a kaumaha, ka olelo hoolana a ko kakou Makua he nui loa na wahi e noho ai.

E hooholo hou ia: E hoounaia aku keia hoalohaloha i ka Nupepa Kuokoa ame ka Hoaloha. a i hookahi kope i ka wahine kanemake.

O makou iho kou komite,

ISAAC D. IAEA,

MRS. ANNIE MAKAHIO,

MRS. M. P. WAIWAIOLE,

MRS. ANNIE MITCHELL,

WILLIAM E. SAFFERY,

HOIKE HUI O NA KULA SABATI AME C. E. O MAUI HIKINA.

E malamaia ana kai Hoike Hui o na Kula Sabati ame na C. E., o Maui Hikina, ma ka la 25 o Dec. A. D., 1921, ma ka luakini o Wananalua, Hana.

Na haawina: Wahinepee haawina o Iualai, C E.. na mana no o ia mahina; Keanae, haawina o Aug.. C.E, na mmane no o ia mahina. Nahiku haawina o Sept., C.E., na mane no o ia mahina hana haawina o Oct. C.E., na mane no o ia mahina; Kipa hulu, haawina o Nov C.E. na mane no o ia mahina; Kaupo haawina o Dec., C.E., na mane no o ia mahina.

Nolaila, e na Kula Sabati ame C. E., e hana mai i ua haawina ame na himeni me ka miomio, a ke makemake pu ia nei no hoi ua lunanui o na Kula Saabati ame C. E., e akoakoa pu mai ma ia la: a e malama pu ia ana no hoi he halawai Kalikimaka ma ia la: hoomaka ana ma ka hora 9 a. m., a ka hora 10 a. m., na J. P. Inama, J. P. Kalohelani, ame S. K. Kaailua e malama na hana oia halawai.

Hoomaka na hana hoike Kula Sabati ma ka hora 10 a. m., a ka hora 12 a. m. Paina awakea. Hoomaka na hana Hoike C. E., ma ka hora 1:30, p. m.. no ka lulu dala o na C. E., e hoohui pu ia ana i ka manawa lulu dala o ke Kula Sabati.

Ka manawa 10 minuke o kela ame keia Kula Sabati a pela pu no me na C. E.

E malama pu ia ana ho ahamele ma ka po o ka la 24 ma ka hora 7:30 p. m. Nolaila e na Kula Sabati ame na C. E., e hele mai me ka makaukau me na himeni ahamele.

Nolaila, ke kono pu ia aku nei na hoaloha ame na makamaka e naue ae e ike i na hana hoike Kula Sabati ame C. E., a pela pu no hoi me na hana ahamele: he oki loa ka lohe pepeiao o ka ike maka, kua mea maikai.

Nolaila, e o'u mau Kula Sabati ame ua C. E., e ku like mai kakou, ma ke alualu ana i ka home nani mao a o ka lokahi, o ia ka ikaika.

O maua no,

J. W. KAWAAKOA.

K. K. S. Nui o Maui Hikina.

D. W. WAILEHUA,

Komite Hoeueu o no C. E. Maui, Hikina.

 

HE AHAHUI LULU HAPAUMI MALAMA OLA MA KAMALO, MOLOKAI.

Ia oe e Mr. Sol. Hanohano, ke kuhoe hookahi nana e pailaka nei i ka Nupepa Kuokoa, ka wahaolelo hoi a ka lahui Hawaii, Aloha kaua a nui loa:-- No ka lana ana mai o ko'u manao, e noi aku i kou oluolu, in a he wahi rumi kaawale kekahi o ka hiwahiwa a ka la hui no ka'u wahi meahou o kuaaina nei, nona hoi ke poomanao e kau ae la maluna, a nau hoi ia e hoike ae ma ke akea, i ike mai ai ko kaua lahu Hawaii, e noho ana ma Hawaii nei, a nona iho nei mau hoakaka malalo nei:

Ma ka la 1 aku nei o Mei, o keia makahiki, i lawe mai ai o Mrs. Kalei S. Kekoa i kekahi manao o ia hoi e pono e kukuluia kekahi ahahu lulu hapaumi malam ola ma Kamalo, Molokai, a mamuli o ka noonoo ana o na hoa apau, ua ku i ka pono keia manao a keia lede i lawe mai ai, a mai iaia mai no, e pono no e kohoia ua lunanui a ua hooholo hou ia, a ua kohoia na lunanui no lakou keia mau inoa malalo nei:

Mrs. Kalei Sam Kekoa, peresidena; Mrs. Kea Chas. Kaanoi, kakauolelo; Mrs. Hattie Kam Chee puuku; Mr. Chas Kaanoi lunahooia.

O keia mau inoa apau he 4 ko lakou nui o lakou iho la na poonui o keia ahahui lulu hapaumi malama ola, a malalo iho nei, o ia no ka inoa o na lala o keia hui e ku nei ma Kamalo nei:

Mr. Joe Kekipi, Mrs. Nowelo Kekipi, Mr. Same Kekoa, Miss Sarah K. Dudoit, Sam Kekoa Dudoit, Mill Lily N. Medero, Miss Aver Kam Chee, Aloi Kam Chee, Mr. Keanu Kahai, Miss Ida Kahi, Miss Kaili Kahai, Miss Kakalina Kahai, Mr. Alaiki Apana, Mrs. Ena Pana, Mrs. Liilii Petes, Mr. Jas. F.Welch, Mrs. J. F. Wlch, Mrs. D. Maikui Umi, Mr. Kauai Naauao, Mrs. Mary Ah Tim, Mrs. Anni Aiat, Mr. K. Namealoha, Mr. Sam K. Namealoha, Miss Kalihilihi Namealoha, Mr. Dan Hooili, Mrs. Kaluna Hooili, Miss Wahine Hooili, John Kalama, Mr. David Kailianu, Mr. J. Kukalahiwa, Mr. David Umi.

Ke noi aku nei i ka oluolu o ka poe apau e noho nei ma Kamalo nei i kono ole mai iloko o keia hui ano ka wa e komo mai kakou apau iloko o keia hui, oiai he pono keia nou e kuu io ame kuu koko iloko o kou la o ka pilikia, a oiai no hoi, he uuku kahi auhau o ka pule he 5e wale no, a no oukou hoi e ka poe i komo iloko o keia hui ko'u mahalo nui, a ke pule nei au i ko kakou Makua Kiekie ma ka lani, e hooloihi mai oia i ko kakou mau la ma keia no a Nana hou no e hooloihi aku i ke ku ana o keia hui lulu hapaumi a hiki aku i kona hopena.

Me oe e kuu Mr. Sol. Hanohano ame na keiki limahei o kou keena pa'i ko'u mahalo nui, no ko oukou ae laelae ana mai i ka'u wahi meahou e komo aku ma ka Nupepa Kuokoa me ke aloha

Owau iho no,

DAVID UMI.

Kamalo, Molokai, Nov. 10, 1921.

 

The Oldest Bank in Hawaii

O na lala o ko Makou Kalau Karisimaka i hoololi i ko lakou wahi noho mahope iho o ke komo ana mai i ke Kalapu ke noiia aku nei e hoike mai i ko makou keena hoahu liilii i ko lakou wahi e noho nei i keia wa.

He mea kupono keia i ole ai e houlolohiia ka loaa ana aku o ka oukou kikoo dala Hoahu Kalapu Karisimaka e hoounaia aku ai ma ka leka i Dekemaba 12, 1921.

---MAU KAUKANI BANAKO---

The Bank of Bishop & Co., Ltd.

Kumuwaiwai Keu ame na Puka Mahele Ole Ia-$1,593,626.10

Lala ma:                      Keena Poo:                  Lala ma

Hilo, Hawaii                Honolulu                     Waimea, Kauai

Waialua, Oahu                                                                       

                                    --Na Keena Ohi--

Kahuku, Oahu             Koloa, Kauai               Pahoa, Hawaii

Makaweli, Kauai         Kekaha, Kauai                        Olaa, Hawaii

 

B of B

Co LTD          

 

TERITORE O HAWAII

Keena o ka Puuku, Honolulu, Oahu.

Ma ka hana e hoopau ana i ka HAWAII SEISHU KAWAISHA, LIMITED.

OIAI, o ka HAWAII SEISHU KAWAISHA. LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pno e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 24 o Ianuari, 1922, a o kela ame keia ame e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea, o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

DELBERT E. METZGER.

Puuku, Teritore o Hawaii.

Honolulu, Novemaba 12, 1921.

6478--Nov. 18, 25: Dec. 2, 9, 16, 23, 30, 1921: Jan 6, 13, 20, 1922.

 

TERITORE O HAWAII.

Keena o ka Puuku, Honolulu, Oahu.

Ma ka hana e hoopau ana i KA MAUI LAND AND RAILROAD COMPANY, LIMITED.

OIAI, o KA MAUI LAND AND RAILROAD COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii i kulike ai me ke kanawai i hoomakaukauia ma ua hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

NOLAILA, ma keia ke haawia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia e pono e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 28 o Dekemaba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleoia.

DELBERT E. METZGER,

Puuku, Teritore o Hawaii.

Honolulu, Okatoba 19, 1921.

6474--Oct. 21, 28: Nov. 4, 11, 18, 25: Dec. 2, 9, 16, 23.

 

TERITORE O HAWAII.

Keena o ka Puuku, Honolulu, Oahu.

Ma ka hana e hoopau ana i ke KULA PLANTATION COMPANY, LIMITED.

OIAI, o ke KULA PLANTATION COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaiola i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano i loko o ka hui i oleloia, e pono e waiho ma i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 19 o Dekemaba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo. iho maloko o ka Hale Mana Hooko, Honolulu. ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.

DELBERT E. METZGER,

Puuku, Teritore o Hawaii.

Honolulu, Okatoba 12, 1921.

6473--Oct. 14, 21, 28: Nov. 4, 11, 18, 25: Dec. 2, @, 16.

 

TERITORE O HAWAII.

Keena o ka Puuku Honolulu, Oahu.

Ma ka hana e hoopau ana i ka OOKALA AGRICULTURAL COMPANY, LIMITED.

OIAI, o ka OOKALA AGRICULTURAL COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i aka hui i oleloia, hui pu me kekahi palapala i hooiaioia i hoohui pu ia me ia elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 10 o Ianuari, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko. Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.

DELBERT E. METZGER.

Puuku, Teritore o Hawaii.

Honolulu, Novemaba 2, 1921.

6476--Nov. 4, 11, 18, 25; Dec. 2, 9, 16, 23, 30, 1921; Jan 6, 1922.

 

TERITORE O HAWAII.

Keena o ka Puuku, Honolulu, Oahu.

Ma ka hana e hoopau ana i ke CENTRAL MILL COMPANY, LIMITED.

OIAI, o ke CENTRAL MILL COMPANY, LIMITED, he hui ia i kukuluia a e ku ana malalo a ma ka hana o na kanawai o ke Teritore o Hawaii, i ka like ai me ke kanawai i hoomakaukauia ma na hana o keia ano, ua waihola mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka pulapala noi i oleloia maloko o keia keena, mamua ae o ka hora 12 awakea o ka la 19 o Dekemab, 1921, a o keia ame keia mea e makemake ana e hooloheia aku maluaa o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hoeko. Honolulu, ma ka hora 12 awakea o ka la i oleloia, a e hoike mai i ke kumu, in a he kumu kehahi, i wahi e ae ole ia aku ai ka palapala noi i oleloia.

DELBERT E. METZGER.

Puuku, Teritore o Hawaii.

Honolulu, Okatoba 12, 1921.

6473--Oct. 14, 21, 28; Nov. 4, 11, 18, 25; Dec. 2, 9, 16.

 

TERITORE O HAWAII.

Keena o ka Puuku, Honolulu, Oahu.

Ma ka hana e hoopau ana i ke W. C. PEACOCK & COMPANY, LIMITED.

OIAI, o ke W. C. PEACOCK & COMPANY, LIMITED, he hui ia i kekuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ak hui i oleloia, hui pu me kekahi palapala i hooiaia i hoohui pu ia me ia elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano i loko o ka hui i oleloia, e pono e waiho mai i na ku e ana no ka aeia aku o ka palapala noi i ole loia maloko o keia keena, mamua ae o ka hora 12 awakea o ka la 19 o Dekemaba, 1921, a o kela ame keia mea e makemake ana e hooloheia aku maluna o ia mea, he pono e hora kino ae mu ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi o ae ole ia aku ai ka palapala noi i olelola.

DELBERT E. METZGER.

Puuku, Teritore o Hawaii.

Honolulu, Okatoba 12, 1921.

6473--Oct. 14, 21, 28; Nov. 4, 11, 18, 25; Dec. 2, 9, 16.

 

TERITORE O HAWAII.

Keena o ka Puuku, Honolulu, Oahu

Ma ka hana e hoopau ana i ke KAPAA LAND AND COMPANY, LIMITED.

OIAI, o ke KAPAA LAND COMPANY. LIMITED. he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihola mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooialoia i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia e pono e waiho mai i na ku e ana no ka aeia aku o ka palapala noi i oleloia maloko o keia keena mamua ae o ka hora 1:00 p. m., o ka la 12 o Dekemaba, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka Hale Mana Hooko, Honolulu, ma ka hora 1:00 p. m., o ka la i oleloia, e hoike aiai i ke kumu, in a he kumu kekahi i wahi e ae ole ia aku ai ka palapala noi i oleloia.

DELBERT E. METZGER,

Honolulu, Okatoba 3, 1921.

6472--Oct. 7, 14, 21, 28; Nov. 4, 11, 18, 25; Dec. 2, 9.

 

TERITORE O HAWAII.

Keena o ka Puuku, Honolulu, Oahu.

Ma ka hana e hoopau ana i ka NAHIKU LAND COMPANY, LIMITED.

OIAI, o ka NAHIKU LAND COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleoia, hui pu me kekahi palapala i hooiaioia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i an kanaka apau, he mau kuleana mamuna e kuleana nei paha i keia manawa ma ke kahi ano iloko o ka hui i oleole. e pono e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 19 o Dekemaba, 1921, a o kela ame keia mea e makemake ana e hooloheia aku maluna. o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ma he kumu kekahi, i wahi e ae ole ia aku ai ka palapala noi i oleloia.

DELBERT E. METZFER,

Puuku, Teritore o Hawaii.

Honolulu, Okatoba, 12, 1921;

6473--Oct. 14, 21, 28; Nov. 4, 11, 18, 25; Dec. 2, 9, 16.