Ka Nupepa Kuokoa, Volume LIX, Number 46, 18 Nowemapa 1921 — Page 4
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUKOA, T. H. POALIMA, NOVEMABA 18, 1921.
NUPEPA KUOKA
SOLOMON HANOHANO, LUNAHOOPONOPONO HOOPUKAIA I NA KAKAHIAAKA TOALIMA APAU
POALIMA . . . . . . . . NOEVAMABA 18, 1921
KA LA HOALOHALOHA I KE AKUA.
Ma keia Poaha ae e hoea mai ana, he la Hoomaikai a Hoalaohaloha ia i ke Akua. i hookaawaleia ae. ma ke kuahaua a ka Peresidena o Amerika Huipuia, ame ke Kiaaina o Hawaii nei. he la a na makaainana o Hawaii nei, e waiho aku ai i ka lakou mau hana kino, a waiho aku, i na leo hoomaikai. i ke Akua. ka Mea Nana i haawi mai i na pono ame na pomaikai `o keia noho honua ana.
Ua hookumu mua ia keia la hoomaikai, e na kanaka Paionia o Maerika. na kanaka i komo aku iloko o ka oihana mahiai, mamuli o ko lakou manaoio ana. aole he mea e ae nana i kokua mai i ka holomoua o ka lakou oihana. aka na ke Akua ma ka lani, ka Mea a lakou i nana mau aku ai me ka manaoio, mai Iaia wale mai no na pomaikai e loaa ai i ke kanaka ma keia oihana.
Ua malama keia poe kanaka Paionia, i kekahi la iloko o ka makahiki. i la no ka haawi ana aku i na hoomaikai ame ka hoalohaloha ana i ke Akua. ma ka hoakoakoa ana mai i na hua o ka lakou mau meakanu, a malama i kekahi anaina haipule, e hoole`a ana i ke Akua, me na leo mele ame na leo pule, he hana kilakila loa hoi i lawelaweia e kela poe kanaka o ke au kahiko; ka mea i lilo i kumu alakai no kakou i keia la.
Ua hoea ami keia hana ia kakou ma Hawaii nei; ua malama mau ia ka Poaha hope iloko o ka mahina o Novemaba i la no ka hoalohaloha ana aku i ke Akua. a ma ka Poaha e hoea mai ana, he la ia i makemakeia ai kakou apau, e hoakoakoa ae i na huaai ame na hua apau o ka kakou mau meakanu, maloko o na wahi i hookaawaleia no na anaina haipule, aloe nae me ka manao, e lilo ia hoakoakoa ana, i hana hoikeike wale no, a i hana paha e mahaloia mai ai, aka i hana. e hoikeike ana i ko ke Akua hoopomaikai ana mai i ke kanaka, ma o na hua la o na meakanu.
Oia nae, o keia ka hana maa i na kanaka paionia i ka lawelawe mau ia, a hoea wale mai no ia kakou, na makaainana o Hawaii nei; iloko o keia la i hookaawaleia o ka makahiki; o ka ke Kuokoa e kauleo aku nei ia kakou na Hawaii, aole mamuli wale no o na hoopomaikai, i loaa mai ia kakou. no ka kakou mau maekanu, e pono ai kakou e hoomaikai, a e hoalohaloha aku ai i ke Akua, aka no ka iakaika, ke ola ame ko kakou mau pomaikai lehulehu, i loaa mai, mamuli o Kona lokomaikai.
He poe kekahi o kakou aole he mau hana mahiai ka lakou e lawelawe nei; aka he mau hana lehulehu he nui wale, o ka holomua o ia mau hana like ole. o na pomaikai i loaa mai, ame ka holomua : he mea pono e loaa ka noonoo iloko o kakou, he kuleana nui ko ke Akua. iloko o ia mau mea. e konoia ai kakou, e komo pu iloko o na hana i hoolaaia no keia la ano nui.
Ke ike nei kakou iloko o keia mau la. i ke kulana emihope o ka oihana kanu ko ma Hawaii nei, ke lohe nei hoi kakou i na olelo no ke poho o ke kopaa. o ia mau kulana i halawai mai me keia oihana ma keia mau paemoku. aole no ke Akua ka hewa. aka ma ko kakou aoao no, ko na kanaka ; me ka makaukau mau o ke Akua i na wa apau. e haawi mai i na kokua ana, ke khoopau kakou, i ko kakou mau pilika iho, a hoao e hooko i ka hapa o ka aelike ma ko kakou aoao, pela no auanei ke Akua. e hooko mai ai i ka hapa o Kana aelike.
E hooko kakou i ka hana i manaoia no keia la e pono ai. Ina paha aole e hiki ana ia kakou apau. e akoakoa ma na anaina haipule hoomanao e malainaia ana ma kela la. aka e hoolilo i kekahi manawa uuku o kela la. no ka malama ana i mau anaina hoomanao, a hoalohaloha ma na home, e haawi ana i na leo hoomaikai, a mahalo, i ke Akua nona ka lani ame ka honua ame na mea apau i piha ai, no na pono nui a kakou na makaainana, e noho aie nei i Kona lokomaikai.
NA AINA HOOPULAPULA MA MOLOKAI.
Ma ka huakai aku nei a na Komisina Hoopulapula no Molokai, ua lokahi na lala apau o kela komisina. pela hoi me na kanaka loea ma ka oihana maihai, a hanai holoholona, aole loa he kanalua ana. no ka ukaliia o ka hana hoopulapula me ka holomua.
Iloko nae o na makahiki elima e ikeia ai ka hookoia o ia manaoio o lakou ame ka ole, a maluna iho o na kanaka Hawaii. ka hooko ana aku i ka hana. e hiki ai ke hoomauia aku ka hana hoopulapula ame ka ole.
Ua manaoio ka ahaolelo lahui o Amerika Huipia. i na hoike i waihoia aku ma Wakinekina, no na kumu emi o keia lahui kanaka; o ia manaoio i haawina mai ai i mauawa maikai loa no ka hoopula ana i ka lahui. ma kolakou hoi ana ma na aina kuaaina e noho ai, a iho aku na lima iloko o ka honoa. elike me ka hana a na kupuna. ka hana nana i hoolaupa`i i ka aina. a i hoomauahua hoi i ka ulu ana o ka lahui. I ka nana aku, ma keia hana hoopulapula i ku ai ka manaolana hope loa no kakou ka lahui Hawaii. ina no ka holomua ole o ka hana hoolaupa'i i ka aina. a hoopulapula hou i keia lahui kanaka, alaila e paniia, ae ana ka ipuka a paa, no ka loaa hou he pomaikai o keia ano. e haawiia mai ana ia kakou na Hawaii.
Ua kupono maoli o Molokai no keia hana hoopulapula. no ka mea o kela ka mokupuni i ku ole na oihana mikiala ano nui iloko nei a ko aina ; he mokupuni hoi he kaikahi loa na lahui e, mawaho ae o na Hawaii ; nolaila ina no paha e hiki ole ana. ke kukuluia ka oihana mahiko a oihana kanu halakahiki paha, aka he koohaki mea nui, e loaa ana na home o na Hawaii, i ike mua ole ia mea he home : a mawaho ae olaila. e ike ana lakou. i ka noho kuokoa ana no iho.
Elike no me ka keia pepa i a`o mau aku ai, maluna o keia ninau hoopulapula, ma na helu ae nei i hala ; o na kanaka Hawaii wale no i makaukau no lakou iho, na kanaka i loaa i`o ka manao e hookuonoono, ma ka hooikaika kino ana me ka hoomanawanui, o lakou ka poe kupono e hoi ma kela mau aina i keia wa; aole o ka poe e kauka`i ana e hoi wale aku no ma Molokai e noho ai, a na ha`i e lawelawe mai i na hana i manaoia no ka aina hoopulapula, no ia poe, ua ahona ka noho ana ma ko lakou mau ano i keia wa, o lilo auanei ka lakou mau hana hoohemahema, a hoopalaheha, iloko o keia mau makahiki hoao mua elima, i mea e paniia aku ai ka ipuka. no ka wehe hou ia aku o na hana hoopulapula ma keia mua aku, no ka heluna nui o na Hawaii kupono i'o, e hoi aku ai a noho ma na aina kuaaina, a kukuli i mau home no lakou.
Nolaila maluna iho o kakou na Hawaii ke ko`iko`i o ka holomua o keia hana hoopulapula ame ka ole : a i hoea mai i ka weheia aku o kela mau aina ea. mai hoohakalia ka poe makee i ka noho kuokoa ana, a i ka noho kuonoono ana, ma ka hoi koke ana aku maluna o na aina, i makaukau, a hoohana koke aku, mana hana apau e ku ole mai ai ka hoonaikola auhooiloilo. no ka holopono ole o keia hana.
HE NUHOU HOOLANA MANAO.
Iloko o na la aku la i hala, i hoea mai ai he hoike i Hawaii nei, mai ia Mr. Walter Dillingham, mai kekahi o na lala o ke komisina hoopae limahana, aia he manaolana nui, no ka hoea mai i ka wa a ka ahaolelo lahui, e lawelawe koke mai ai i na hooponopono ahaolelo, e hoopakeleia ae ai ka oihana kanuko o Hawaii nei, ma ka hookamo ana mai i ka limahana, no na mahiko maanei nei.
Ke kauka`i aku nei kakou, i na limahana Pake. no ke pani ana ae i na makalua, o na limahana Kepani ame na Pilipino, i haalele aku ai na hana apau i pili i keia oihana mikiala. O ka hookomoia mai o na limahana Pake, no ka noho hana ana ma na mahiko, no kekahi mau makahiki i kau palenaia, o kekahi ia o na hana a na Kepani maanei nei, i makemake ole ai; aole no kekahi kumu e ae, aka no ko lakou ike, he alahele ia, e hooko ole ia ai ko lakou iini, e ohi i na ukuhana nunui ; ka mea i a`oia aku ia lakou, e na lakai o ka hui uniona, he pono pilipaa ia i loaa i na limahana.
Ma ka haiolelo a kekahi o na Kepani ko`iko`i o ka hoea ana mai no keia kulanakauhale. i na la aku nei i hala, au olelo ae oia, aole loa e hiki. ke panii aku ka puka, no ka hookomo ana mai i na limahana no ua mahiko ma Hawaii nei, o ka hoopakele wale no ia, e pono ai e hanaia no ka oihana mahiko, a o ka hoao ana o na Kepani e ku-e aku. he hana hiki ole loa ia e hookoia.
O ka hana pono o na limahana na Kepani maanei wahi ana. o ia no ko lakou hoikeike ana ae. ma ka lakou mau hana iho, ua oi ae ko lakou ana kiekie o ke kupono mamua o na limahana e ae, no ia ano auanei o lakou, e haawiia mai ai na mahalo ana a koonei poe iloko o na oihana mikiala nunui, no lakou a e loaa ai hoi he nohona kuikai ana mawena o na hakuhana ame na limahana.
O kela kekahi o na a`o naauao loa i na limahana Kepani e noho hana ana ma na mahiko. no ka mea o ka poe i hoikeike maoli ae i ko lakou mau ano kupono, a makaukau, ma ke ano he mau limahana. ua loaa aku ia lakou he mau kulana ko'iko'i malalo o na mahiko. e ohi ana hoi i na uku maikai o ka mahina.
O ka ninau limahana Kepani, aole ia iloko o ka noonoo o na ona o na mahiko i keia wa, koe wale no a hoi lakou e hana ma na mahiko, mamuli o ko lakou manao iho: nolailai o ka manaolana o keia Teritore iloko o keia wa, o ia no ka hua mai o na hooikaikai ana, a na komosina, a ko kakou ahaolelo kuloko, i hoouna aku ai i Wakinekona.
Ma keia helu o ke Kuokoa e puka aku nei, ua hookaawaleia he kookahi aoao o keia pepa no na manao i kakauia, no na hana hoopulapula i ka lahui Hawaii, a e ku mau aku ana ia aoao, no kela hana no kekahi manawa loihi : o ka makou e a`o aku nei i na Hawaii, e heluhelu mau i na manao hoonaauao, ame na alahele apau e pono ai ka hoi ana aku ma na aina hoopulapula, maloko o kela aoao. O ka mea nui no nae, in a ua koho ka manao e hoi ma nna aina e hookaawaleia o Molokai, a Hawaii paha. e waele mua no i ke alahele, a malaelae, i ole ai e nihi mahope aku, aka e ku ae maluna o na wawae, me ka makaukau, a ka`i aku, no kahi i manaoia. ilaila ke kuonoono. ke kuokoa ame ke ola !
Iloko o na la ekolu, o ka pule hope o keia mahina, e hoomaka ana mai ka la 28 a pau ma ka la 30. he mau la ia i hookaawaleia, no ka haawi ana o na makaainana o Honolulu nei. i na kokua elike me ka hiki, no kekahi waihona dala. no ka malama ana aku i na ahahui, na home leulehu. maloko o keia kulanakauhale, i kaa aku ai ke ko`iko`i o ka malama ana ia mau wahi maluna o ka lehulehu. A hoea mai ia mau la ea, mai komo iho ka manao pi me ka au`a, aka e haawi ma ka mea e hiki ana, no ka mea. o ia mau kokua e haawiia ana e kakou, no ka pono kekahi o ko kakou mau Hawaii iloko o ka pilikia a ka ma maloko o na wahi i hookaawaleia no lakou, a no na keiki ma na home o na keiki makua ole, ame kekahi mau home e ae.
Nuhou Kuloko
Ua hoopaneeia ka hoopuka ana aku i kekahi mau palapala a na@niakamaka, a loaa kahi kaawale o ku nupepa ma keia pule ae.
Ma keia Poalua ae, e huli hoi mai ai ka Lunanai Chas. Crane o keia nupepa, mahope iho o kona hoohala ana i kekahi mau mahina ma Amerika.
Ma ka Poakolu iho nei ka la hanau o ka Moi Kalakaua, au hoopaneeia na hana heihei moku liilii, mamuli o ka nui ole o ka poe i lako i na moku. no ka hooheihei ana.
Ma kahi kokoke i ka Papu Limaikaika makai ae nei o Kaakako, i loaa aku ai ke kino o kekahi Pake, e lewalewa ana Huna o ke kumu kiawe, i ka awe no iaia iho a make.
Ma ka Poaha, o ka pule aku nei i hala, i hanau mai ai na ka wahine a Senatoa Wni. Ahia he keikikane; o keia iho la ka elua o kana mau keiki me ka wahine hou.
O Kiaaina Farrington, ka mea haiolelo, ma ka halawai haipule, maloko o ka Halepule o Kawaiahai, ma ka po o keia Sabati iho, Nov. 20. O kana kumuhana, "Ka Manao Hoolaulea."
Ma keika Poaha ae, ka la ai Pelehu o na haole, ka la Hoomaikai a Hoaloahaloha i ke Akua. E malamaia ana na hana hoomanao maamau maloko o na luakini lehulehu o ke kulanakauhale nei.
Ma ka hona ekahi o keia auwina la, e noho ae ai ka halawai a kapapa o na lunakiai o ke Kulanakauhale a Kalan o Honolulu nei, no ka noonoo ana i ka pupu ukuhana o na limahana no ka hapa mua o ka mahina.
Ma ka aha kukakuka a Kiaaina Farrington, o ka noho ana ae ma ka Poalua iho nei, me na poo @ na keena oihana Teritore, ua no@@@@@@ aole @@ kumu kupono, no ke kaheaia aku i ahaolelo kuikawa no keia @@@ aku.
Ua hoakaka ae o Mr. A. Lewis Jr., ka puuku hou o ke Teritore, e lawe ae a@a i kona kulana oihana, maka la mua o keia mahina ae, e hanaia aku ana he mau hoololiloli iloko o na keena auhau, i kaa aku ka mana malalo ona.
No ka poe e makemake ana e hoi aku a noho ma na aina hoopulapula, aohe hewa o ka alawa ae, i na hoolaha no na lako kukulu hale, ame na lako mahiai, a mau lako hale, o na hui nui o keia kulanakauhale, e puka aku nei ma kekahi mau wahi o keia papa.
Mamuli o ke kono a na luuanui o ka Ahahui Hoeueu o ka Ekalesia o Kawaiahao, ua makemakeia na lala apau o ka Ahahui Kaahumanu. e hele ae i ka pule ma Kawaiahao, i ke ahiahi Lapule, Nov. 20 1921, i ka hora 6:30 e akoakoa ai maloko o ka pa o Kawaiahao.
E alawa ae e ua Hawaii, ma ka aoao i hookaawaleia o keia pepa, no na manao i kakauia, no na hana hoopulapula i keia lahui kanaka. E heluhelu i kela mau manao, me ka malama a hoohana aku i na mea e loaa ai ka holomua, ame ka noho kuokoa ana.
Ma ke Kalaulina, o ke kakahiaka Subati iho nei, hoea mai ai ka Lunakiai Jos. U@ @@@i o Molokai, @ @ hookhala iho a @ oia i keia mau la ma ke kulaunakauhale nei, a ma ka Mika hala o keia Poalua ae e huli hoi aku ai oia no kona home ma Kaunakakai, Molokai.
NA MARE.
Lum Akana ia Mrs. Kalei Kahana,
Nov. 3
David K. Kema ia Mrs. Lucy Sheldon,
Nov. 12
Solomon Chong ia Ah Kyau Kong,
Nov. 12
Edward C. Bode ia Anna Saunders,
Nov. 12
Roy Bradley ia Cecelia Keolanui,
Nov. 14
NA HANAU.
Na Mr. âme Mrs. William Anaina
Kaha, he keikikane, Nov. 7.
Na Mr. âme Mrs. Hali Kahili, he kai-
kamahine. Nov. 7.
Na Sin Yin Young ame Alice Kipa-
pa. he keikikane, Nov. 9.
Na S. Santos ame Julia @. Helina, he
keikikane, Nov. 10.
Na P. Y. Kim ame Lily Kanui, he
keikikane, Nov. 10.
Na Charles Aina âme Sarah Keau-
puni, he kaikamahine, Nov. 11.
Na John Ahuna âme Julia Hiapo, he
Keikikane, Nov. 11.
Na John Papa âme Rose Alakini, he
kaikamahine, Nov. 12.
Na Samuel Kahaloa âme Pahoa Aka-
na, he keikikane, Nov. 12.
NA MAKE
Kanealii Palihea, ma ka Home Leahi.
Nov. 9.
Rebecca Mossman, ma ke alanui @@-
so. Nov. 11.
He bebe na Samuel Kahaoa, ma Ho-
nolulu, Nov. 12.
Moses Kaneho, ma ke alanui Kame-
hameha IV, Nov. 14.
Miss Rebecca Kahumeku, ma ke ala
nui Moi, Nov. 16.
Jim Kaleleiki. ma ka Halema`i Moi-
wahine; Nov. 16.
Nuhou Kuwaho
WAKINEKONA, Nov. 9 -- Ua hoopuka ae ka Peresidena Harding he hoakaka i keia la, e noi ana i na kanaka Amerika, e kokua me ka manao lahalaha i na hooikaika no ke Ke`a Ulaula. e hoomaka ana i Novemaba 11.
WAKINEKONA, Nov. 9. -- Ua hoike ka Lunamakaainana Royal C. Johnson he Repubalika no Dakota Hema. a he aliikoa mua maloko o Palani. i keia la, aole i loaa iaia na hooiaio, aka nae he mau kumuahana i manaoio ai. o na koa i lilo i poe kipi. i poe hohewale; a i ole, ua kupono ole maoli e lilo i mau koa, ua ki maoli ia lakou e ko lakou mau hoa i ka pu, oiai e halawai pu ana me na enemi.
BOISE, Idaho, Nov. 9. -- Ma keia po i hoea mai ai o Mrs. Lydia SOuthard me ka Makai Nui Sherman, ame kekahi paahao Mekiko. Ua ake nui loa oia e hoomaka koke i ka hana ana no kona hoopa`i hoopaahao o umi makahiki, ahiki i ka pau ana o kona ola, a ua paa loa kona manao, e malinia mai ana no kana hoolahalaha.
MULHALL, Okla., Nov. 10. -- He eono poe i eha kukonukonu loa a he lehulehu ka poe i loaa na eha malani mai, ma keia la, ma ka ha ana o ke kaaahi halihali ohua o ka hui alahao Santa Fe, e kokoke ana ianei. Ua loaa mai kela ulia, mamuli o kekahi alahao haki, pela ka mea i hoikeia ae.
WAKINEKONA, Nov. 10. -- Ua haawaiia aku ke kauoha paa i na koa Marina e kiai ana i na ekeleka, i keia la e hoohana aku i ka lakou mau lako kaua, ma ke ki ana, ina no ia he mea e make ai kekahi. Ua ala mai keia kauoha, mamuli o ka nui o na hana powa i na ekeleka.
KAPALAKIKO, Nov. 11. -- I`a hoike ia ae i keia la, ka hoemiia aku o ke kumukuai o kekahi mau lako kukulu hale i keia la, elike me ka hoemiia ana o na ukuhana, e ka Ahahui Mikiala o Kapalakiko. Ua hanaia keia hoemi, i hiki ai ke kukuluia aku na hale hou, a i loaa ai ka hana na na kanaka hana ole he mau haneri.
WAKINEKONA, Nov. 11. -- He elua mau hoonei ola`i i paa maloko o ka mea ana ola`i ma Georgetown ma ka hora 1:55 o keia auwina la. O ka hoonei ola`i mua, @@ hoomauopopoia aia ma kahi o ka 2,500 mile ka mamao. a o ka lua, ma kahi o 1,600 mile, me he mea la, aia ma Amerika Hema.
HAVANA, Cuba, Nov. 11. -- Hookahi kanaka hana i make, a he makai ka i noke ia i ka pepehi maanei nei i keia la, ma kekahi haunaele i ala ae me ka poe pulumi alanui, ka poe e koi ana i ka lakou mau ukuhana i hala ka wa e uku ai. @ai ke keena mai o na hana hou.
GALENA, Nov. 11. -- Makona home i make ai o Mrs. Samantha Minton, nona na makahiki he 37, a nona hoi ke kaumaha i oi aku i ka 600 paona. Ua manaoioia, oia kekahi o na wahine kaumaha loa ma ke ao nei. O ke ana waena o kona kino, na hiki aku i ka ewalu kapuia.
KAUAHEAHE KA BALUNA ILUNA O KA LEWA
Ma ka Poakolu nei, ma ke kakahiaka ahiki i ka po ana, a me he mea la, ma ia po iho no paha, na ikeia aku kekahi baluna e kauaheahe mai ana i ka lewa, me he popo nui la, na ka Papu Limaikaika i hoolele ae ia baluna i ka lewa me ka hoopaa ia i kekahi uweu, a ao ke kiekie loa o ia blauna i ka lewa, me he mea la he kakaikahi wale no ka poe i ike. Ma ka la i nehinei ua hoopaaia ae ka uwea i hoopaaia ai ia haluna i kekahi kao a lawela aku i waho loa o ka moana o maka kikipu na na pu ki mokuea.
O keia kekahi o na hana hoomaamaa a ka oihana kaua, ua lilo ka baluna i maka na na mokulele e hoohaule iho ai i ka lakou mau poka pahu, a ua lilo pu hoi ua baluna i hanaia i maka na ua pu ki mokuea e ki ae ai no ka hoomaumaa ana.
O ka baluna i ikeia aku ma ka Poakolu nei e kauaheahe mai ana i ka lewa, ma ka Papu Limaikaika ae nei no ia kahi i hanaia ai, o na apana o na baluna mua i hanaia ai a nahenahe oia no ka i hana hou ia ae a loaa keia baluna a mahope o ka hoopihaia ana me ke gas (ea mama), mahope iho o ka hoopa@@@ ana me ka upena uwe@@ mawaho lua hookuuia ae la ia e lele i ka lewa Ma kekahi manawa i hala koke aku nei he baluna no i like me keia ka i hanaia a hoopihaia me ke gas. eia uae, ua moku ke kaula i hoopaaia ai ia baluna a lele aku la a nalowale i ka moana.
HALE O NA ALII O HAWAII.
E malaihaia ana ka halawai kumau o ka Hale o na Alii o Hawaii, (Ahahui Poo), ma ka Phoenix Hall i keia Sabati, Nov. 20, hora 2 p. m.
E malamaia ana ka oihana hoolaa maluna o kekahi poe komo hou.
Ma ke kauoha a ka Iku Hai.
WM. J. COELHO
Ika Kau.
6478--Nov. 18.
HOOLAHA PA AUPUNI
E kuaiia aku ana ma ke kudala akea. ma ka Poaono, Novemaba 19, ma ka hora 12 awakea. hookahi hoki hauliuli i hoopaaia maloko o ka pa hoopaa holoholo ma Kalihi, alanui Moi ame Kamehameha IV.
HOOLOLIIA KE KANIKELA KEPA NI O HAWAII NEI.
Ma ka Poalima aku nei i hala i loaa mai ai he kelekalapa mai Tokio mai i ke Kanikela Kepani C. Yada, ma Hawaii nei, no kona hookohuia ana mai nei i kuhina noho no lapana ma Siam, a iloko o na pule elua e haalele iho ai keia luna oihana kiekie o ke aupuni o Iapana ia Hawaii nei no Iapana.
Maloko o kela kelekalapa hookahi, e hoakaka mai ana ia e waiho aku ke Kuhina Yada, i na hana apau i pili i koua keena i ka mau e pani ae ana ma kona makalua maanei nei.
Oiai nae e kakali ana ahiki i ko hoea ana mai o ke kanikela hou, e kaa aku ana ka lawelawe ana i na hano o ke keena kanikela ma Hawaii. nei i ka Hope. Kanikela Naito.
I ka hoakaka ana ae no na mea e pili ana i kona noho ana ma Hawaii nei, ua olelo ae ke Kanikela Yada i ka nui maoli o kona minamina no keia ki@kooia ana mai la ona, e holo aku no ka lawe ana ae he kulana hou, no ka mea, wahi ana, au nui maoli kona mau hoaloha ma Hawaii nei, iloko o keia manawa pokole o kona noho ana maanei, me kona ohana.
No ka hooko ana aku nae i ka hana a kona aupuni i hooli mai la maluna o kona mau pooniwi, ua olelo hou ae no hoi oia, malia paha he ai aku ke pono o kona hoi ana aku a noho ma Siam, no ka mea, ma ia ano, e hiki ana iaia ke haawiau i na kokua ana no ka pono o kona aupuni.
Pehea nae ke ano o kona wahi hou e noho aku ai me koua ohana, aole oia e hoopoina no na hookipa maikai a Hawaii nei i hana aku ai ia kakou, a he manaolana kona, ina e loua ana ke kahi manawa maikai ma keia hope aku, a hoea hou mai ana no oia no Honolulu nei, no ka hookamaaina hou ana me kona mau hoaloha lehulehu.
No ka mea hoi e pani ae ano ma kona makalua maanei nei, wahi hou a ke Kanikela Yada, oia kekahi o na kanaka makaukau loa, au noho mua oia ma Nu Ioka, a ma Kikako, a au lana kona manao, ma ka manawa e hoea mai ai o keia luna oihana kiekie o Iapana no Hawaii nei. e loaa ana no iaia na hookipa ohaoha ana a koonei poe iaia, a e loaa pu ana no hoi he mau hoaloha lehulehu nona.
HE $15,000 I HOOKAAWALEIA NO KE KOMISINA LIMAHANA
O na dala he $15,000 i hookaawaleia ai e ka ahaolelo no na hoolilo o ke Komisina Limahana aohe peni i koe ma ka waihona. O na bila i koe e ukuia aku ana mailoko ae o ka waihona o na pilikia kuloko o ke Kiaaina e ukuia aku ai.
O Walter F. Dillingham wale no, ka lunahoomalu o ke komisina, koe e noho la ma Amerika, aka nae. o ka hena a ke komisina, i manaoia aku ai nana e hana aole i kokoke aku i kahi e holopono ai ka mea i upula aku. Noko o kela kau a ka ahaolelo e noho mai la aohe e hooholo hau ia ana ka olelo hooholo hui i waihona aku ai e ke komisina imua o ke komite i ka hale o na Iunamakaainana maluna o no hau@ e pili na i hoopae ana hiai i na lahui e i mau limahana.
Ua loaa ka manaoio i na komisina ina aole na la hoonaha he 30 i hooholoia ai e ka ahaolelo iloko o ka makalii i hala, ina au aponoia ka olelo hooholo i waihoia aku ai i kela manawa, aka nae. mahope o ka hiki ana ke hoopauia aku kekahi mau hana e ku ana mamua o ka hale ia manawa mahope o ka hoomaa ana, au komo mai la ke kumuhana e pili ana @ ka hoomakaukau ana no ka ahakukakuka hoopau lako kaua, me kakhi noi pu mai ke keena aupuni mai e hoopanee ia ka noonoo ana i ka olelo hooholo ahiki i ke kaawale ana aku o na ninau ano nui mawaena o na lahui.
No ia kumu, aohe hana pono e @@ @ ke komisina e hana ai o ka huli hoi wale mai no i Hawaii nei, a hoi. houi aku i Wakinekona i keia hooilo ae. mahope o ka wehe hou ana o ka uhaolelo ma ke kau o Dekemaha, o ka ninau i ala ae, nawai e uku ana i na hila@ I`a pau na dala a ka ahaolelo Teritore o ka hookaawale aua no na hoolilo o ke komisina, no ke koena aku o ka hana, oiai aohe i launa aku i kahi e pau ai ka hana i makemakeia o ka hana wale no e hiki ai e loaa ke dala uo ka uku ana aku i na hoolilo i koe oia ka unuhi ana mai i kekahi dala mailoko mai o ka waihona o na pilikia kuloko o ke Kiaaina.
He elua mau luina oluna o ka @@ kuahi Buckeye i paa ae i ka hopaia e na makai no ka lawe aihue ana i kekahi kaa otomobile o Mrs. M. R. Capps ma ka Poalua nei.
Kuai I na Nupepa me na Buke Nupepa
BUY YOUR MAGAZINES NEWSPAPERS AND PERIODICALS BRAIN FOOD FISHER'S NEWS CART REGISTERED TRADEMARK FISHERS NEWS AGENCY, P. O. BOX 1224, HONOLULU, T.H. WE TAKE SUBSCRIPTIONS
Ma ke Kaa Lawe Meahou a Fisher
HOOPANEEIA KA HEIREI MOKU LIILII A NO KEKAHI WA AKU.
He hana malama mau i na @@ kahiki i hala ka hoomanao ana @ @@ La Hanau o ka Moi Kalakaua ma @@ la 16 o Novemaba o na makahiki apau. iloko o ke au moi he la kulaia au@@@ ia, he mau papaahaaina ka i mala@@@ ma ua wahi like ole o ke aupuni, @ kekahi o na hana haule ole i ka n@@ maia ma ia la o ia no k heihei @@@@ liilii ana maloko ae nei o ke awa a @ ke no me ka loli ana o ke au o @@ manawa mai ma la mai o na moi @@ no ka mea e ikeia nei i keia mau la.
O ka Poakolu iho nei. ka la 16 @ la hanau o ka Moi Kalakaua, @@ manaolana ke Keikialii Kalania@@@@ e malamaia ana na hana hoomana@@@ ia e ka poe i lako me na moku @@ ao ka hooheihei ana. eia nae, @@@ ona na lakou ia mau moku, kekahi @@ aohe hiki e loaa aku a e hoaka@@@@ ae ia lakou no ia hana, a he kakaih@@ wale no hoi ka poe i koe i lakoe nie@@@ moku liilii, a o ia mau moku nae @@@ i makaukau, ua waiho hoohemahema wle ia, nolailia ua manaoia e lawa@@@ ku makaukau i ka poe na lakou moku liilii i makukau ole malo@@@@ hookahi pule mai keia pule aku.
Ma ke ano he hana i maa ma@ @@@ mai lehulehu o au Hawaii i hele aku @ Wakiki i ka hale o ke Keikial@ Kalanianaole ma ka Poakolu nei @@ @ komo pu ana aku ma na hana hoo@@ nao i ka la hanau o ka Moi Kalakaua Ma ka home or Mr. ame Mrs. G@@@ P. WIlder ma ke Rickie o Makiki @@ ke ahiahi Poalui nei i hoomaka @@@@ hoomanaoia ana o ia la @ nia ka n@@@ ana he anaina hoohauli hoola@@@@@ he lehulehu na Hawaii i hoea aku @@ ko laua home no ka hauoli pu @@@ me na ona o ia home oia na Kaik@@@ hiue ame na Keikikane a na Puk@@@ Hawaii, a me kekahi olelo ana ae @@ lala o ka Ahui Mawakakaua.
NA HIHIA OKIMARE IMUA O KA LUNAKANAWAI DE BOLT
Ekolua mau hihia okimare i hool@@@@@ e ka Lunakanawai De Bolt ma ka Poalua nei. Ma ka hoopii a Mrs. @@@ Silva e hoi ana e hookaawaleia m@@@@ mai kana kane mai. Antonio J. Silva no ke kumu aohe malama o ke @@@@ i kona ola, ua apo@oia mui kana @@ He keiki ka laua, a oihi he palapala hoopii ka laua imua o ka aha @@ @@ hookamaia o ke kamaiki @@ hoo@@ @@ wahine i ka hoihoi ana mai i ke @@@ me ia.
O ka lua o na hoopii i hoolo@@@@ @@. Lunakanawai De Bolt, oia ka Mrs. Malakena, ke kumu o kona mala@@ ole ana i ka wahine. no ka loaa ole @ @ana hana. Ua noi ae ka loio Mr Smith o ka mea hoopii e hoopaaii @@@ o Solomon Makalena i ka halepaah@@ uo ka hoowahawaha i ka @ha. oiai @@ hoole o Makalena i ka hooko i ke kau ohaia a ka aha e malama i kana wahine, mumuli o ka lokomaikai o ka aha, ua hoopaneeia ka hoolohe @@ @@@ i keia hihia ahiki mai i ka @@@@ @@ keia auwina la.
O ke kolu o na hihia i hoolohe@@ @@ ka hoopii a Mrs. Jenie Pedro e @@@ ana ia John Pedro uo ka uk@ @@@ @@ i ka uka hoomau a malania ola o @@@ wahine. Ua hoakaka ae o John Pedro i ke kumu o kona hooko ole ana i ke kauoha a ka aha no ka nui e kona mau aie, lehulehu kana mau @ila @ uku aku ai, he pianola kekahi ana @ hookaa liilii ana, a oia ka ka @@@@@@ nawai De Bolt o ke a`o ana mai @@@ e hoihoi hou aku i ka pinaola i ka ona @@@@ ia a e hoopau i ka hookaa ana a o na dala ana e hookaa ai @@ @@ pianola oia kana e haawi ae ai na @ wahine. Mahope iho ua aelike na @@@@ o na @o@o elua e uku o John Pedro ka wahine i $7.50 i kela ame @@@ pule, i $50 no ka uku o ka @@@@ @@ na lilo koina o ka aha.
KA VICTORIA
-Ka Meakani Mele Kilakila - he meakani e pono e loaa ma kou home. Kauoha mai i na buke hoakaka o na Pahuolelo ame na Papa L@@ Mele.
NA PIANO PAANI
NA ROLA PAANI
NA PEPA MELE HOU
NA PILA AHA