Ka Nupepa Kuokoa, Volume LIX, Number 42, 21 October 1921 — KA UKUHANA O NA LIMAHANA MAHIKO [ARTICLE]

KA UKUHANA O NA LIMAHANA MAHIKO

Ua hoopuka ae nei ka Ahahui o ka Poe Kanuko, i ka papa 1 ukuhana o na limahan'a ma na mahiko, he iwakalua-kumamaōno elala no ka mahina, me na uku manuahi o umi pakenpka no ka mahina; he ukuhana haahaa no kela, ke J?,ookukui.a ae me na ukuhana e loaa nei i na Hmahana, i'aa;ikekahi mau hana mawaho nei; aka ke laweia mai a hookuku, ke ano o ka noho ana o na limahana mawaho nei, me ko na mahiko, ua oi loa aku ke kulana oluolu a laki o na limahana mahiko. O ka poe e noho hana mai nei ma na mahiko i keia manawa, he hana hawawa loa na iakou ka manao ana 5 haalele aku i»na hana a lakou e lawelawe mai nei i keia manawa, ma na mahiko, ua ahona, ka hoomanawanui ana me ka uku e haawiia aku ana ia lakou, mamua o ka hoi ana mai iwaho nei, e noho hoaa ai, me ka nui o na hoolilo, o ka noho ana. Ua maopopo ia kakou apau 2 eia ke kopaa ma ke kahua, e loaa ole ai na pomaikai i na haku mahiko, mamuli o ke emi loa o ke kumukuai, a a ke kumu no hoi ia i hoemiia mai ai ka ukuhana e na limahana, i keia wa; o ka mea maopopo loa ina aole kela makee o ka poe kanuko, e ku mau aku kela oihana iloko nei o ka aina, ina ua aliona, ka hoopau ana i ka oihana mahiko, mamua o ka halawai ana me na poho, ma keia manawa e nee nei. Ke haalele mau nei na limahana Kepani, i ka noho hana ana ma na mahiko, mamuli o keia Lkuhana haahaa; o kela kekahi noonoo hawawa, me ka maopopo ole o ka lakou mau hana e lawelawe aku ana, koe wale 110 paha, ko lakou huli hoi aku no lapana. O ka manao ana.mai o na limahana Kepani e noho mawaho nei, a huli akū i mau hana hou na lakou; aole no ia he ninau maalahi, no ka mea, ke ku mai nei ke kanawai kuloko ame ke kanawai federala, aole loa e hoohanaia na Kepani ma-na hana o ke aupuni, koe wale no a liio oia he kupa makaainana Amerika. O ka lawelawe ana aku i ka lakou mau hana ponoi iho, aole no ia he hana maalahi. he nui no na Kepani e paa mai nei ia mau hana, e lawe ole ai ka hoolako ana aku i kekahi heluna mahuahua; nol'aila he oi loa ae ka palekana, o ka hoomanawanui ana, i na hana o na mahiko. malia, he manawa no ma keia mua aku, e pii hou mai ai ke kopaa iluna, o ka hoopii hou ia ae no ia o na ukuhana. O kekahi kumu ko'iko'i no hoi. e hoomau aku ai i ka noho hana ana ma nā.mahiko, o ia 110 kekahi mau pono loaa wale mai, e lāa ka hale e noho ai, ka.wahine ka ame ka lapaauia me ka uku ole, he mau hoolilo nui no kela, ina mawaho nei ka noho ana; e lilo ana no na ukuhana nunui, i mea ole, me kela mau hoolilo kumau o ka noho ana o na limahana; o ka pilikia wale no, o ia ka pipii o na kumukuai, eia nae, me ia uuku no o ka ukuhana, a pipii hoi na meakuai, he oi ae no ka nui o na elala i hoahuia e na limahana mahiko, mamua o ka na limahana mawaho nei, e ohi ana i na ukuhana nunui o ka mahina.