Ka Nupepa Kuokoa, Volume LIX, Number 41, 14 October 1921 — ELUA MAU PAKE I HOPUIA NO KA MALAMA OPIUMA [ARTICLE]

ELUA MAU PAKE I HOPUIA NO KA MALAMA OPIUMA

Iloko o ka panipaniia. o na puka e komo mai ai o ka opiuma ,eia nae, ke komo mau mai nei no; ua ikeia keia mamuli o ka paa ana ae o kekahi mau Pake i ka hopuia ma ka Poakahi nei e na kanaka hookapu waiona. He opiuma ame ka inisi ka i loaa aku inaloko o kekahi rumi e nolioia ana e Chun King, ma ke alanui Hokele me ia a kekahi luna hopuhopu opiuma o ka hoike ana ae. Maloko o kekahi rumi e nohoia ana e Tan Chee i loaa pu atu ai kekahi mau opiuma a laweia ae, wahi hou a ia luna aupuni. O ka rumi halawai o ka Ahahui Pake ma ko alanui KukUi ame Aala kekahi i komo pu ia e huli e na kanaka o ke aupuni, a malaila i loaa aku ai he mau lako puhi opiuma. Aohe i paa ka ona nana ia mau lako puhi opiuma. Ho lono hauwawa ka i holopnuni ae ua hoololiia aku o AUan, ka luna aupuni nana e hopuhopu mai nei na opiuma no ka hoihoi hou ana aku iaia i ,a i ka ninauia ana aku nae keia ma ka Poakahi nei, ua hoole mai oia i ka oiaio o ia lono, me kona hoike pu mai aoho ona makemake e haalele iho i ke teritore nei. " :