Ka Nupepa Kuokoa, Volume LIX, Number 41, 14 ʻOkakopa 1921 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

Helena Simoa Lanakila Ana

A I OLE

Ka Hoowalewaleia 'Ana o Halebatona

            "Kupanaha kela kanaka o ka noonio ana ihi e hele ae e noi ia mama e lilo aku @ana me kona ike no he wahine mare kane oia a mamuli o ia hana ana i kaawale ai kuu mama mai kona home aloha aku a mai kela kane aku hoi ana i aloha nui ai, a ma ia hana ana i hooneleia ai au i ka malama ana mai a ko'u makuakane ame kana hoomalu ana, me kona pakui ana iho i kekahi hewa hou ma o ka hana ana e kaawale aku ai o Robaka mai a'u aku. O, kela kanaka ino lokoino! O, e Robaka aole i pau kuu makemake ame kuu aloha e hoomanao mau nei nou!"

            Ua haalele aku kakou ia Mrs. Simoa ame kana kaikamahine, ua loaa ko laua home e noho ai, ae ua palekana laua maloko o ka hale o ke kanaka mahiai ma lonaka, a ia laua e noho ana malaila ua pii mau ae ko Mrs. Simoa ikaika mahope o ka hala ana o elua pule. a ma ka la @ mai o Okatoba ua loaa iaia ka ikaika maikai e holoholo ai ma o a maanei me ka loaa pu o na paona io hou iaia. mamuli o ka honi aku i na ea maikai ame ka mahuahua aku hoi o na wahi meaai i komo iaia. a no ka noho ana aku paha hoi kahi ma kahi oluolu o ke ea. aole hoi elike me kahi mua a laua i noho ai ka hahana mau o ka wela.

            O kela kunu ikaika mau on a ua aneane e haalele loa mai iaia. a ua polapola mai kona maka me ka piha mai o kona mau papalina hohoma mamua aku.

            Iloko nae o ia pii mau ae o kona maikai aole no i apono loa kona kauka iaia e noho ma ia wahi. no ka mea, in a e hiki mai ana i na la anu o ka hooilo. he nui loa ke anu o ia wahi e hiki ole ai i ka mea nawaliwali o ke koko ke ku aku i ke anu o ka hooilo. kekahi no hoi ke kokoke loa ia wahi i ke kuahiwi.

            Ua ao mia ke kauka iaia e hoi ilalo i ka Hema e noho ai maloko o kekahi o na mokuaina. o kahi kupono loa ia Mrs. Simoa e hele aku ai a noho no kekahi manawa oia ka mokuaina Kolorado. a no hookahi makahiki e noho ai malaila, in a nae e hiki ana ia Mrs. Simoa ke uku i na hoolilo apau o kona noho ana ma ia wahi.

            "Ua maopopo ia'u in a no kou hoi aku ma kela mokuaina e noho ai, ma kahi kokoke aku i na mapunawai wela o Kolorado. e loaa ana ia oe ke ola maikai. ke hoolohe oe i keia ao aku a'u ia oe." wahi a ke kauaka o ka olelo ana ae iaia oiai laua e kuka ana no ka mea pono a ua o Mrs. Simoa e hana aku ai nona.

            "Aole i hoopoinoia kou mau akemama oia hoi. aole i loaa i ka ma'i. koe wale no ua nawaliwali. a ua hiki ole ke hoohana aku me ke kupono ke loaa hou i ke anu. Ke hoomaka ae nei hoi oe e oluolu loa. ke pii mau ae nei kou maikai. eia nae, in a e hoomau loa iho ana oe i ka noho ana ma keia wahi. e lilo ana kena maikai au e ike iho la i nei manawa. i mea hoopoino hou ia ke hoea mai ka hooilo.

            "No'u iho. aohe o'u makemake e hoouna aku i kekahi mea ma'i elike me oe i kekahi mokuaina o ka Hema. no ka mea o ke ea o ia wahi he ano ikaika no ka wela ikekahi manawa. aka nae. o kahi kupono loa ia ia oe i ka manawa anu. a e aho ka hoololi ana i kou wahi e noho ai mamua hoi o kou noho mau iho ma keia wahi. Ke paa nei kuu manao o Kolorado kahi kupono loa ia oe e noho ai. nolaila mai keia manawa aku e noonoo oe no ka malaelae o kou alahele no ka nee ana aku no ia wahi."

            "E hele kaua i Kolorado." wahi a @lelena me ke pi@oihoi. me ke ku pu ana ae on a iluna me ka lele i o a ianei. a i lilo ai ia hana ana i mea no ka makuahine e nee ae ai i ka akaaka.

            Iloko o na la e ma'i ana o Mrs. Simoa ua lilo o Helena i mea kokua nui i ka makuahine ma na mea apau, a ua kaa aku no hoi iloko o kona lima na hooponopono ana o ka laua mau meaai. ame ko laua mau pono aahu. aole hoi ka holoi ana. na ka wahine kauwa ia e hana mai no laua. eia nae, o ko laua hemahema nui oia ka lawa ole o ka laua wahi @ala e hiki ai e uku i ko laua mau hoolilo o ka noho ana aku ma Kolorado.

            "Pehea la kou manao, e mama. aole anei ou manao he hoonui lilo wale aku no na kaua ka hoohala ana i kekahi hooilo ma Kolorado?" wahi ana.

            "Heaha auanei ka hoonui lilo no ka mea. aohe no hoi i nui loa ko kaua mau lilo o ka noho ana iho nei maane@ i i. keia makahiki. nolaila ke manao nei au e lawa ana no ko kaua mau hoolilo o ka noho ana aku ma kela wahi elike me ka ke kauka e makemake mai nei ia kaua e holo no laila."

            "Ina o ka hapa a i ole ka elua hapkolu paha o ka kaua mau @ala i nei manawa oia ka kaua e hoolilo ai no ka noho ana aku ma kela wahi. e koe nui iho ana no ke @ala no ko'u hoala hou ana aku i ka hana elike me ia a'u i hana ai mamua. oia hoi ke kukulu ana i halehana kela lole. a ke lana nei no kuu manao e holopono ana no ia hana ke hoi hou mai kaua i Nu Ioka nei.

            "Heaha ka Kaua nana nui aku no ia dala. o kou ola paha ka mea nui. O kekahi mea maikai ma ia hele ana aku o kaua oia ko kaua ike aku i kekahi wahi o ko kakou aina nui aole maanei wale iho no e noho ai a uhi iho ka lepo."

            Ua kulike keia manao o Helena me ka olelo hooholo a ka makuahine ia manawa no ko laua hele. a ma ka pule hope o ka mahina o Okatoba ua holo aku la laua no Kolorado. a o kahi i laki loa ai o ko laua hoea ana aku ilaila oia ka loaa ana i mau rumi no laua e noho ai ame kahi hoi e loaa ai o ka laua ai. no ka mea he hale ko Mr. Alena i kapaia ka Villa Hoaka. elike me ia i ikeia ne nei ma kekahi o na mokuna mamua. a @@ ia hale i hookipaia aku ai laua me ke ohaoha ame ka pumehana e Mrs. Alena. ka makuahine o ia home nani. a ua hoike mai no hoi ia makuahine i kona mau ano maikai a pau e hauoli ai ka manao o kana mau malihini. a malaila laua i noho ai ahiki i ka hoea ana aku o ka lelo hokai Mrs. Elawoka. elike me kekahi manu hoike ouli ino. a kaiehuia aku la lana mai ia home aku a laua i noho aloha ai me na kamaaina.

            Ia Mrs. Simoa âme Helena i noho aku ai ma kela home nani ua pii mau ae la ka ikaika o kona kino. mohala maikai mai la kona helehelena. piha pono mai la kona mau papalina i hele a hohoma mamua aku. a ua manao laua o ko laua home ia e noho @@ a hiki i ko laua hoi hou ana ak@ i ko laua home ma Nu Ioka. eia ka hoi e lele ana. laua he hale okoa aku. mamuli o ka hoea ana aku o Mrs. Elawoka ame kana kaikamahine a noho ilaila.

            He hoao nui keia i loaa ia Helena ame kona makuahine no ka mea ua lilo o Mrs. Alena i mea aloha na laua. a ua loaa no hoi he home maikai a maluhia no laua e noho ai oiai @@@@ e noho ana malaila. a mamuli wale no o ka hoea ana mai o k@ @@@@ hokai i lele ai @@@@ mai ko laua noho @@ ana me ia maloko o ka home hookahi eia n@e. ao'e no i pili kaumaha loa laua ia manawa. no ka mea. ua like no ke Mrs. Foasai malama ana ia laua me ka Mrs. Alena. a na ike iho no hoi laua i ko Mrs. Foasai hoike mau mai i kona mau ma@@0 maikai ame kana mau hana ma ke ano he hoaloha oiaio no laua.

            Aka nae no ko lana mau enemi ame ka noe imi kumuhana hoohakaka e ae ua hoonui mau aku la lakou i ka lakou (whole line missing) hoaloha maikai lakou i ka wa o ka noho like nei. a i keia manawa o ka noho mokuahana ana pale mai la na madame me ka hoohuli mau mai i ke kua ia laua nei me ka haawi mau mai i ka poohiwi anuanu whai a ka olelo.

            "Mai naua aku kaua i kela poe e hoino mai nei ia kaua." i pane aku ai ka makuahine ia Helena i kekahi la me ka hoihoi o na maka, i ko Helena manawa i hoakaka aku ai iaia i ka lawe hele o Mrs. Elawoka ame Miss Lamasona i na olelo hakuepa o ka manao lokoino ino loa no laua. ma na wahi apau o kela kulanakauhale.

            "Ua ike kaua a maopopo i ko kaua pololei ma ko kaua aoao. nolaila heaha ka kaua nana ana aku i ka laua mau olelo hailuku a hoopunipuni ino loa? He oi aku ko kaua hanohano ke noho malie aku kaua nana i ka laua mau hana hino. me ko kaua hoao ole aku e ku-e i ka laua mau hana. no ka mea, aohe mea i lulu i nele ka ohi i ka hua. aohe no hoi he mea i eli i ka lua i nele ka haule iloko olaila. a pela no hoi, aohe mea i mano aku i ka pohaku i nele ka hoi hou mai maluna on a.

            "Uumi malie ka inaina a mai hana wale aku; he la no ko ka ilio." wahi a ka olelo; he oi aku ko kaua pono ma ke kulana a kaua e ku nei mamua o ke kela poe e hoe haeha mau mai nei ia kaua. Ma ka mea oiaio, e Helena. ke kaumaha nei au no kela mau wahine. a no ka poe no hoi i noho a i maa i ka palaualelo maloko o na hale hoolimalima, elike me kela. aohe a lakou hana o ka noho wle iho no e hoopu manawa a dala ai, me ka hooikaika ole e loaa kekahi hana e waiwai ai ke ola ana; he ola waiwai ole, ahookahi hana o ka holoholo olelo. ka hakuepa. ka niania pela aku. me ka hoolilo ia lakou i poe lapuwale a waiwai ole o ke ole ana."

            "Eia hoi paha e hoolilo ana lakou i kekahi mea hala ole i mea hoehaeha mau ia o ka noonoo i na mawa a pau." wahi a Helena o ka pane ana mai. oiai oia e noonoo aua no ko Miss Lamasona nana ana mai iaia me na maka hookokoke a makue ma kekahi manawa mamua koke iho o ia la.

            "E ao iho kaua i ka noho malie. e helena, aole no e loihi loa ana na la e hala a ike aku no kaua i ka poe hoino mai nei ia kaua e hookokoke mai ana. Ke ike nei au ia'u iho i nei manawa i ka ikaika maikai loa ae la o ko'u ola kino a ke manao nei au i ka pau ana o ka makahiki hookahi o kaua noho ana maanei alaila hoi kaua. a ia manawa au e hoomaka hou aku ai i ka'u hana mua i lawelawe ai. kela ano o ko kaua ola ana me ka hoopilikia ole aku ia ha'i. a i noho mau ai hoi kaua me ka hauoli, a oiai kaua e paa mau ana i ka hana, e poina loa ae ana keia mau mea hoehaeha a pau i ko kaua mu noonoo. Aole kua e hoi mamua ae o ia manawa. me ia ike iho no nae o'u i ka maikai loa o ko'u ola kino, no ka mea aole o;u makemake e waia ae kekahi mau olelo mahope nei i hoi aku kaua mamuli o ko kaua kipaku okoaia ana, a i ole no ko kaua hilahila paha." i pane aku ai ka makuahine ia Helena.

            Nolaila hoomau aku la no laua i ka noho ana me ka oluolu maikai me ko laua hakuhale me ka hauoli, elike me ia a Mrs. Alena i ao mai ai ia laua. me ia nana aku no nae o ko laua mau enemi ia laua me na maka inoino a hoowahawaha. me ka hapai mau ae hoi i ko lakou mau poohiwi i ka manawa e ike mai ai ia laua nei.

            Me ia lana malie wale o ko laua noonoo ame ka hauoli mau hoi o ko laua noho ana ka hoomauan aaku o laua i ka noho a hala ke kupulau ame kekahi hapa o ka makalii. a ke hookokoke mau mai la hoi ka la kulaia. ka La pua. he la i hauoli a i malama nui ia e na mea apau.

            Iloko o keia manawa, oiai o Makoli e noho ana me ka maikai ole o kona noonoo a e makemake mau ana hoi e kaawale oia mai kela hale aku. kahi o na hana hooluhi. wahi ana iaia iho. halawai aku la oia me kekahi kauka opio. he kanaka u'i nona ka inoa o Mr. Balaki, a iloko o kela halawai ana a laua no kekahi manawa pokole ua komohia like na manao makemake iloko pakahi o laua.

            "He kanaka opio maikai oia," wahi a na olelo hoomaikai a ke keonimana nana i hooia aku a i hoolauna aku hoi i ke kanaka opio i ua o Makoli. a o ke kanaka no hoi e kauoha mau aku ai i ke kauka opio e hele mai e lapaau i kona ohana ke loaa i ka ma'i no na manawa lehulehu i kaahope aku.

            "He nui a lehulehu na ma'i a kela kauka opio i lapaau ai maloko o keia kulanakauhale, a he pa ola wale no hoi kana poe ma'i e lawelawe nei, a ma ka nana aku e lilo ana oia i kauka akamai a kaulana ma nei mua aku. no ka mea ke pii mau aku nei ke kuku@ia o kona kaulana ma na wahi a pau, a i keia manawa ke loaa nei iaia a eha haneri dala i kela ame keia mahina."

            He uni nei mau olelo pai a mahalo a nei kanaka no ke kauka opio Balaki, e hiki ole iho ai ia Makoli ke uumi i ka makemake, a oiai. o kona makemake nui ia ia manawa o ka loaa koke o kana kane a mare koke aku. i mea nona e kaawale aku ai. aole oia i hoohala wale i na minuke maikai o kon aola ana me ka hoopalaleha wale. aka, e makaala mau ana oia i mea e hookoia ai kona iini.

            Mahope iho o keia manawa e hoea mau ae ana ke kauka opio i ka hale Villa Hoaka i kela ame keia la. a oiai oia pu kekahi i hihia ma ka uniuni i ka ui o ke kaikamahine a Mrs. Elawoka. e lawe mau aku ana oia ia Makoli i ka holokaa me ia. i na manawa kaawale apau e hiki ana e loaa iaia. me kona hoohemahema a hoopalaleha ole i kana hana.

            No keia pili mau o laua. a ua komo like no hoi ke aloha iloko pakahi o na opio. nonoi okoa aku la ua kauka opio la ia Makoli e lilo i wahine nana. I kinohi ua hiki ole ia Makoli ke hooholo iho no kana mea pono e hana aku ai. Oia mau no kela eha on a no ka lilo ole ana o Robaka i kane nana, oiai o kana kane ia i makemake loa ai ehiu a lilo nana. aka i kona ike ana i ka manaolana ole o ko Robaka lilo mai iaia, noonoo iho la oia he hana naaupo loa nana ka hoopalaleha wale ana i keia manawa maikai loa. o kona mare koke aku i ke kuka opio oia ka pua koke o kona hooluhiia ana, a ia manawa e lilo ai oia i makuahine no ka home a maloko o ak home kana hana e malama ai.

            Eia nae, iaia e pili mau ana me keia kanaka opio, he kanaka u'i no i kana nana aku. aole no nae i oi kona makemake ame ke aloha iaia. elike me kona aloha ame kona makemake ia Robaka; aole on a hoowahawaha i ke kauka opio. he maikai no ko laua launa ana. he hauoli no hoi ke hui ae laua. a ua manao iho nae ua o Makoli in a paha no ka laua launa mau e lilo ana ke kanaka opio i mea makemake a aloha nana.

            He kanaka naauao ke kauka Balaki. he keonimana ma na ano apau. he paa rula a he oluolu. he maikai ma kona mau ano apau, nolaila aohe kee a puu nui ma ka aoao o ke kauka opio e hoohalahala iho ai o Makoli. ua kupono ma na ano apau. a in a paha e kamaaina a e ike pono iho ana ke kauka opio i na ano @epa ma ko ua Makoli aoao. o ke kanaka opio ke lole mai ana i kona mau kee. a o i ala ke haalele mai ana iaia iloko o ke anu.

            Ua lilo pu ke kauka opio i mea makemake na Mrs. Elawoka, mamuli o ka nui o na ano maikai i loaa i ke kauka opio. a huipu iho no hoi me ka nui o na ma'i a ke kauka opio e lapaau ana ia manawa. me ka loaa pu iaia o ka uku mahina kiekie ekolu haneri dala.

            Ua lilo ke kauka i mea makemake nui ia e Mrs Elawoka a ua hooholo oia nona iho o ka lilo koke o ke kauka opio hoi na Makoli. ke kaikamahine e paee mau ana me ia i na manawa apau ana e hoounauna aku ai. o ka mare koke aku o Makoli i ke kane oia kona kaawale koke mai iaia aku, no ia kumu hooholo iho la oia i kona manao e hoomare aku ia Makoli i ke kauka opio. kuakane, Mrs. Satevana he wahinekanemake nona kekahi waiwai nui he mau haneri kaukani dala ka waiwaiio.

            Eia nae aole o Makou e hooholo e ana i kona manao no ka mare koke aku me ke kauka opio ahiki i ka loaa ana mai o kekahi pane mai kona anate mai. o Mrs. Satevana, no ka mea he kumuhana ano nui ia i kona manao a oiai ua kakau aku oia i kekahi leka i ka anate e hoakaka aku ana @ na mea oiaio apau. a in a no ka haawi mai o kona anate i kona apono. a@@@ ia manawa e hoolala ia aku ai na mea e pili ana i ko laua hoohuiia ae ma ka mare ana.

            Ua hoea mai ka poe a laua i haalele aku ai mahope i Kapalakiko ma ka manawa i loaa aku ai o ka leka i ka anate, eia nae. aole lakou e hoea koke mai ana i Kolorado ahiki i ka mahine o Augate. elima a eono mahina paha mahope aku.

            Ma ka leka, a ka anate on a o ka pane ana mai aohe ana kue ana mai, ina nae he oia o na mea apau a ua o Makoli i hoakaka aku ai. a in a io He kanaka maikai ahiki ke hilinaiia ke kauka opio. he manaoio kona e lilo ana ke kane ana o ka hoike ana aku i mea nana e malama maikai iaia iloko o kona mau la apau o ke ola ana.

            Mamuli o na ano maikai apau o ke kanaka opio a ua o Makoli o ka hoakaka ana aku ua hiki iaia ke haawi mai i kona apono me kaua hoomaikai pu. a ia manawa e hoomakaukau ai laua i ka home no ko laua noho ana ma ia hope aku i ko laua manawa e mareia ai; e pono i ua o Makoli e koho i ka hale ana i makemake ai no ko laua noho ana aku. a nana e hoolako mai ia home o laua me na lako hale apau no laua a e hoolako pu mai hoi ia Makoli me na lako apau i kupono nona. o keia ka pane a ka anate.

            he mea hoohauoli loa keia i ko Makoli noonoo. a eia nae. no ka manao o ua o Makoli o halawai hou paha auanei oia me Robaka. ke hoi mai lakou mai ka lakou huakai makikai mai. me ka mau no o na hoomanao ana nona. a i kona hoi ana mai a lohe ua hoopalauia oia me ke kauka opio Balaki. ua haawi aku oia i kana hoohiki i ke kauka no ka mare. a ua hooholoia ko laua la e mare ai oia. na la iwaena o ka mahina o Okatoba, ua lilo keia i mea hoonaluea i kona manao.

            He mau mile kakaikahi mai ke kulanakauhale aku, aia malaila kekahi wahi piha mau ia e na kanaka, he wahi nani i makemake nui ia e na kanaka no ka hele ana e hoomaha a i ikeia hoi ka Borodamoa. aia malaila kekahi hokele nui. me na halenoho lehulehu e hoopuni mai ana ia hokele.

            Ma keia wahi iloko o na la ikiiki o ka makalii. e haawi mau ia ana kekahi ahamele me na mea kani. me ua hoikeike kii ma kela ame keia auwina la o ka pule. a ma ke ahiahi iho he mau aha hulahula koe na la Sabati; ia manawa e hoololiia ai ka papahana no ia pule aku, a ma na la Sabati o na himeni kupono wale no no na anaina haipule ke malamaia.

            Ma kekahi ahiahi halawai ae la o Helena me Makoli ma kekahi o na aha hulahula i haawiia. He mea kupanaha no ko laua halawai mua ole  ana mamua aku. oiai no laua e noho like ana maloko o ke kulanakauhale hookahi. a oiai hoi ua kamaaina like no hoi laua i na wahi apau o kela kulanakauhale; o ke kumu no o ka laua halawai ole ana mamua no ko laua hele like ole ma kekahi mau po i hala aku.

            Ma keia po ua lehulehu na hula nui a laua o ka hula pu ana. a e kaalo mau ae ana no hoi kekahi ma ka aoao o kekahi. maluna o ka papahale no kekahi mau manawa lehulehu. eia nae, no ke kulou mau o ko Makoli poo ilalo i ka wa e kokoke mai ai ia Helena. pela oia i ike ole mai ai ia Helena, oiai nae, e pa mau mai ana no ka hu'a o kona lole ia Helena oiai laua e poniuniu ana ma ka aoao o kela ame keia. ma ia ano iho la i loaa ole ai he manawa ia Makoli e ike mai ai ia Helena.

            Mahope o ka pau ana o kekahi o na hula hula nui lawe aku la ke kauka Balaki ia Makoli iwaho ma ka lanai no ka hoomaha liilii ana, a ua mamalama no hoi owaho o ka lani i na kukui ma na lanai apau e hoopuni ana nia na aoao ekolu o ke hokele. a @@@noho aku la i ua o Makoli ma ka aoao o kekahi pakaukau. a hele aku ka ke kauka opio e hoolale i kekahi mau pa aikilima na laua.

            Ma keia wahi o Helena. oiai oia e paa ana ma ka lima o kona hoa o ka hulahula ana mai. i halawai ai me ua Makoli.

            Aohe i loli ae ko Helena helehelena mai ko kela manawa hope loa mai a laua o ka haawi ana i na aloha hope loa, elua makahiki i hala aku. ma kahi home o Helena ma ka mauna Adironadaka. koe wale no aia mau ma kona mau maka ke nana aku he haawina o ke kaumaha. e hoike okoa mai ana no i ka mea iloko o kona naau no kona ehaeha no ke kaumakaia ana o kona hoaloha kahiko iaia.

            Ia ike ana mai a ua o Makoli ia Helena i ka he'e aku. a no kona ike no paha ua hewa oia. haikea e wale ae la no kona helehelena ia manawa. a hoomaka ae la nae e ku iluna a i mai la: "@ Helena!" eia nae aohe loheia aku o kona leo. a mai hauoli loa paha oia ia manawa. in a e hamama koke ae ka papahele a ale kokeia iho oia a nalowale mai ka ikeia ana aku ia manawa.

            Noi ae la o Helena i kona hoa e hele pu ana e hookuu ae iaia i kona manawa i ike aku ai ia Makoli ia ku ana ae. alaila hookokoke loa aku la oia i ua o Makoli. me ka haawi ana aku i kona lima me ka minoaka e hoike aku ana ma kona mau lehelehe i kona hauoli.

            "O Makoli!" wahi ana me ka leo o ka hoaloha oiaio. "Ua loihi na la i hala o ko'u lohe ana eia olua i keia kulanakauhale pu kahi i noho ai. o ka apiki nae aohe o kaua manawa iki i halawai ai he alo a he alo mamua elike me keia. Makoli. ke hauoli loa nei au i ko'u halawai ana me oe. Ua maopopo ia'u ua holo aku oe i Europa eia ka ua hoi mai oe!"

 

Mokuna XXXIX.

He Hanohano I Manao Mua Ole Ia

            Ua hauoli like na kaikamahine elua ia manawa no ka ike ana aku a ike mai. eia nae. he hauoli wale no ia o laua mawaho. koe ko laua mau naau. oia mau no ka manaoino iloko o kela ame keia mea pakahi o laua.

            Ina oia mau no ko Mrs. Elawoka hoomaau i ko Helena makuahine no ka hewa ana i hana ai i ka manawa i hala, a oia mau no kona hoomauhala me ka manao e hoopoino aku paha ia Mrs. Simoa. aole e kauia mai ke koikoi o kana mau hana hewa @ o i hana ai maluna o Makoli. no ia kumu aole o Helena i manao ua pili kekahi hewa ia Makoli no ka hewa a kona makuahine i hana mai ai i kona makuahine.

            Aohe a Helena kumu iki e hoohuoi iho ai no Makoli ua hana hewa mai oia iaia. koe wale no ua hoao o Makoli e kaili i ke aloha o Robaka mai iaia aku. a ua loaa iho no hoi ka manao iaia malia, ua lilo io paha ko Robaka aloha iaia. aka hoi ina, mamuli o kela launa wale ana no o laua oiai laua e kaahele like ana ma na aina e aole nae ia he mea no Robaka e haawi ai i kona naau a lilo ia Makoli me ka manao nei e mare aku me ia. laila aohe ana kumu iki e hoopau ai i kona launa ana me Makoli ma ke ano he hoaloha.

            A ohe no he manawa iki mamua i hoike aku ai oia i kona aloha ia Robaka imua o Makoli. koe wale no ua hoike aku oia ia Makoli he hoahele kula pu o Robaka nona. a mawaho ae o ia aohe oia i manao ua loaa ka ike ia Makoli ua aloha oia ia Robaka. koe wale no ka ike ana o Makoli i ke kii o Robaka he mea huna nae i hiki ole iho ai ia Makoli ke hooiaio ua lilo mua ko Roboka naau iaia a o kona ia Robaka. a malia. mamuli o ko Makoli ike maopopo ole i ka paa o ke aloha mawaena on a ame Robaka i manao ai o ia Robaka i ua o Helena ma ka leka ua lilo ia he puu nui nana e alai i ka noho aloha ana mawaena o laua oia o Helena e hoomanao mau ana nana o Robaka. a i ko Makoli hoike ana mai i kona aloha no Robaka ua lilo ia i mea h@@ ehaeha mai i ko Helena noonoo. a mai ia manawa mai no hoi ko laua holo leka hou ole ana eia nae. me ka nana ole aku ia mea i hanaia o ka wa i hala. ua kapae ae la no o Helena i kona mau manao niniau a pau. a hookomo iho ia ma ka makalua o ia manao maikai ole he aloha. me ka hoomau ole i ka manao lili e lilo ai i mu e ai ana iloko o k@ na puuwai. a e lilo ai hoi i kumu hoomailo i kona kino. O Robaka kana o ka hoahewa ana iho aole o Makoli.

            Mahope o ko Helena ike ana aia aia maloko o Kolorado o Mrs. Elawoka ame kana kaikamahine kahi i noho ai. ua ninau oia iaia iho no kekahi manawa. no ke kumu o ko laua hoea ana mai ilaila a hoolilo ia laua i mau mea ho@ limalima haleaina. a no ke aha la i haule ai laua mai k@ laua kulana hanohano a kiekie mai. oiai ua manaoio @@ he wahine waiwai o Mrs. Elawoka. eia nae, i nei manawa ana e ike nei ke noho hana nei oia ma ke ano he mea ma lama hale hoolimalima. he kauwa paha ma kekahi ano olelo ae ai. he hana hoi aole na a @poe waiwai e hana. aka no ka poe haahaa a ilihune. aole hoi na laua.

            O kekahi ninau ulu mau ae iloko o Helena. no ke aha i haalele aku ai o Makoli ma i ka nui o lakou mahope a h@@ mua mai hoi laua a aia la ihea ka hapanui o ka huakai a lakou o ka hele ana e noho mai la ia manawa? Ina ua hoopalauia o Makoli me Robaka. alaila aia ihea ke kanaka opio. i hiki ole hoi iaia ke hoopakele ae i kana wahine h@@ palau mai ka noho kuapaa ana ia manawa?

            Ua pane iho no nae oia ia ninau ana i ka i ana iho. ma@@a paha ua makaala hou no o Mr. Lanakasa; elike no me ka@@ i hana ai i kona manawa i ike ai ua lilo ko Robaka noonoo iaia. a ua paa hoi ko Robaka mamao e mare me ia. a no @ ikaika oia ma na ano apau e hookaawale loa ia Robaka mai iaia aku. i ole ai laua e hui hou. o kekahi kumu no h@@ o kela lawe hele ana ia Robaka i na aina e malia he alahe@ ia e pau ae ai ko Robaka hoomanao hou ana mai no@@ a loaa aku hoi ka Robaka wahine ma na aina e a o@@ ua haule loa o Mrs. Elawoka a ke kulana haahaa a ilihune pela paha oia i hoole ai i ko Robaka mare me Makoli.

            Me keia mau manao like ole e hana ana iloko o Helena hooholo iho la oia i kona manao e hookaawale loa aku i na manao maikai oi@ o ka wa i hala. a e huikala aku hoi @a Makoli mai na hewa ae apau ana i hana hewa mai ai iaia. a e noonoo wale iho no ma na mea @ikai no kona hoaloha aua i haawi ai i kona hilinai me kona aloha pu. in a makahiki elua i hala aku mamua.

            Mamuli o ia manao. iaia i halawai ai me Makoli maloko o ka hale hulahula. ua hoike aku la oia iaia iho ma ke an@ oia mau no kona aloha ame ka hilinai ia Makoli. aole kela hoomaka e. aole ka helehelena makue a inoino e loaa koke aku ai no ka ike ia Makoli ua inaina oia iaia: i kela hui ana ae a laua i aku la o Helena.

            "Ke hauoli loa nei au i ka halawai hou ana me @@." o kona manaoio maoli no ia elike me ia ana o ka pane ana mai. a ma ka hoihoi o kona mau maka i hooiaio ia mai @@ kana mau huaolelo apau o ia pane ana mai.

            "O oe io no anei ia e Helena Simoa?" i ninau mai ai o Makoli ma ke ano hoohaohao. a ia manawa like haka pono loa mai la kona mau maka me ke akenui e hooiaioia ka mea a kona mau maka e ike aku ana; eia nae. aole no i @ele ka wiwo a mae o kona helehelena. ke ano o ka mea @ hana hewa a i piha hoi me ka hilahila.

            "Ua loaa ia'u keia manao ina no ko kaua hui hou aole paha oe e kamailio mai ana ia'u. elike me ko kaua ano mai kai o ka manawa i hala. mahope hoi o ko maua hoea ana mai i keia wahi. a wawaia ae kekahi mau mea e. pili ana mai i keia wahi. a wawaia ae kekahi mau mea e. pili ana ia olua. Ua makemake loa au e hele aku e ike ia oe. aka no ko'u papa ikaika loa ia ana mai e mama ua noho pu wale iho la no au. me ka mau no nae o ka manao iloko o'u e hele aku e hui me oe." a kulou iho la kona poo ilalo oiai o Helena e haka mau aku ana ma kona mau maka maluna ona.

            "Ua maopopo ia'u ke kumu o kou hele ana ae e ike ia'u e Makoli." i pane aku ai o Helena "aohe o'u manaolana iki e loaa ana kekahi manawa no kaua e hui ai. no ke kumu no au i hoakaka mai la. Aka nae, me ka nana ole aku i ka mea i hanaia mai no maua e ko makuahine awahua nui wale. aohe kumu iki ma ko'u aoao e hoopale loa ai au ma@ ka ike hou ana aku ia oe; ma kuu noonoo iho he hana he wa loa na'u ka hoahewa ana aku ia oe no ka hewa a h@i i hana ai."

            "Eia o mama maanei i keia po aia iloko o ka @umi hula lua; ina he makemake oe e ike iaia ea. alaila kii ae au a lawe mai iwaho nei. He makemake no anei oe e ike iaia?" i ninau aku ai o Helena. iaia i kiei aku i ilooko o ka @@@@ hulahula ma ka puka aniani i hoomalamalamaia me na kukui.

            "Ae, aka aohe paha auanei o i ala makemake mai e ike ia'u." wahi a ka Makoli pane. me ka pii o ak ula ma k@@@ mau papalina.

            "O. aole ia mea he hoomauhala i loko o mama." wahi a Helena o ka pane ana mai; aole oia e hoahewa mai ana me ka ike ole mai ia oe. no ka hewa ako makuahine i h@@@ aku ai iaia."

            "Ua maopopo ia'u ia mea. aka--" a oki pu iho la ka Makoli kamailio ana aku iaia.

            Alaila, i kona huli ana ae e nana ma kekahi aoao o k@ lanai a ike aku la ia Mr. Balaki e hele mai ana. me ka haha@ mai o kekahi kuene mahope on a. a e paa ana i kekahi pa nui me na pa aikilima ame kekahi mau meaono pu. e h@@ kokoke mai ana ia laua.

            Ua hauoli iho la oia ia manawa no ka hoea koke ana ma@ o Mr. Balaki no ka hoopau kokeia ae o ka laua kama@@@ ana me Helena. no ko Helena manao e lawe aku i ua o Makoli e noikeike imua o ka makuahine.

            "A, ke ike aku nei au i kuu hoaloha ke hoi mai nei no laila e kakali au a kekahi manawa okoa aku alaila ike ak@ iaia." wahi ana ia Helena. o ia hiki wawe o ka pane ana a@ "E haawi aku ana au i ko'u mahalo ia oe. e Helena. no k@@ ike ana mai nei ia'u. Haawi aku oe i kuu aloha ia Mrs. Simoa. a he manaolana ko'u e ike aku ana au iaia n@ ke kahi manawa kaawale."

            Huli koke aku la oia i kahi o ka pakaukau e ku mai an@ kahi ana o ka noho ana mamua iho. a hui koke mai la@ hoi ke kauka opio me ia ia manawa. a ia Helena hoi i h@@ hou aku ai i kahi a kona pakana e ku mai ana kakali iaia. me ke aka o ka pahaohao nui e naholo ana ma kona mau maka.

            Mahope wale iho. i ka manawa a ua o Helena e kamailio pu ana me ka makuahine no kona halawai ana me Makoli aohe i hoakaka mai ka makuahine i kekahi mea no ka papa ana mai i ua o Helena a i ole ku-e aku paha ia Makoli. Aohe ona makemake e ao aku ia Helena i kana mea e hana aku ai no kekahi mea. aka nae. ua loaa no ka ike ka makuahine. mai ka manawa mai o ke kaawale ana o Robaka mai a Helena aku. ua lilo o Makoli i mea k@@@ hokai mawaena o Robaka ame Helena. ua lilo na leka a ua o Makoli o ke kakau ana mai ia Helena. na lilo na leka a ua o Makoli o ke kakau ana mai ia Helena a Mrs. Simoa i heluhelu ai. i mea hoanoe i kona noonoo; na loaa iaia ka ike aole o Makoli he hoaloha oiaio no Helena. no@@@@ @ nei manawa. o ka makemake maoli iloko on a  ao aku ia Helena aole e hui hou me Makoli. eia nae, aole oia i ao aku ia Helena no ia mea.

 

(Aole i pau.)