Ka Nupepa Kuokoa, Volume LIX, Number 40, 7 October 1921 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

KA PANE A KA MAKAI NUI PUA NO KONA HIHIA

            Solomon Hanohano, Lunahooponopono o ka Nupepa Kuokoa, Aloha kaua a nui:-Ua ike iho la au i kau e pili ana I kuu hihia, a ua lawe mai no hoi oe elike me ka mea I hoolahaia e na nupepa haole o Honolulu.

            I kumu e maopopo ai i ka lahui o kaua, na mea apau e pili ana I ala mai ai o keai hihia ke noi nei au I kou oluolu e hookomo mai oe apau pono ka’u pane imua o ak aka hookolokolo, I ka la o’u I makemakeia ai e pane I ka hihia, ma ko’u aoao.

            O ka’u pane ua hoolahaia no ia e ka nupepa namu Post Herald o Hilo hei, a eia au ke hoouna aku nei ia oe I loaa ia oe na mea apau, elike me keia malalo iho nei:

Ka Pane i ka Aha

            E oluolu mai Kou Hanohano: Oiai o ka’u pane ma kea no ua hewa no a hoeha ana maluna o Shimabukuro, ua kupono ole ia ma kea no ku I ke kanawai, ke makemake nei au e hoike aku imua o Kou Hanohano, aole au i nele I na hoapono ana, ma ka hoopa’i ana ia Shimabukuro ma keia Manawa, a no na mea e pili ana I keia, ke kumu a’u e waiho aku nei I keia hoakaka.

            No kekahi mau pule mamua aku o keia mea i hanaia, ua loaa mai la a ike ia’u, aia kekahi mau lono lauahea apuni na wahi kokoke, e lawe ana ai i na dala ki-pe no ka hoopakele ana I ka poe kuai waiona. Na kuu ma hoaloha, ka poe i hilinai ia’u, i hoike mai I keai mau lono lauahea, a oiai ua maopopo no ia’u, he mau lono oiaio ole ia, ua loaa iho la ia’u ka koomaopopo ana, aia au ma kahi e pau mai ai ka mahalo anao ko’u mau hoaloha, ame ka hilinai ana a ka lehulehu, ke ole e waiho aku au ia’u iho ma kekahi kulana e ikeia ai ka hoopunipuni o keia mau moolelo. No ka hookaawale ana ae ia’u iho mai keia mau hana hookahihi wake, ua hooholo iho la ko’u manao e hookolo aku ma hope o keia poe kuai waiona, a ua haawimai ka Loio Amerika Huber i kana mahalo kiekie ana ia’u no ka hana a’u I lawelawe ai no keia mea, a ua ike Kou Hanohano, ma kea no je Komisina Amerika no ka huina nui on na hihia a’u i lawe mai ai i ka aha. E hoomanao Kou Hanohano, aole I kaa mai keia ha@a maloko o na mahele hana ma kea no he makai nui, aka he hana ia na na luna oihana federala.

Lohe no ka Ukuia

            Oiai au e hopuhopu ana i keia mau wahi hana rama ku-e kanawai, lohe iho la au, ua lawe kekahi o ko’u mau makai I na uku mai keia poe kuai waiona mai, a ma ka hapanui o keia mau hana, ua manaoio keia poe poe kuai waiona, ua hanai keia mau uku ana mamuli o ka’u kanoha. O ka mea oiaio, ua hoike mai kekahi poe a’u i hopu ai, i ka poe a lakou i uku aku ai, ma ia mau hana, ua hoopau koke aku au ia mau makai. Hoomaopopo koke iho la au ia wa, o ka hoomaemao ana i ko’u keena oihana ponoi, ua oi a eke ano nui loa, mamua o ka hopuhopu ana i na wahi puhi @ama, a loaa mai la ka ike ma ia hana ana, i na kahua oiaio i ku ai keia mau lono lauahea i hapalaia mai maluna o’u. Ma ka Manawa a’u i hoopau aku ai i na makai apakee ua ike au, ua hole mai la keia poe kuai waiona i ka hoike ana i na inoa o na makai a lakou e uku ana i ked ala, ka mea a lakou i manaoio ai he mea hoopakele, a ma ia ano I ake’ake’aia mai ai ka’u hana, no ka hoomaemae ana aku I ka oihana, oiai iloko o keia mau hooikaika ana no ka hookaawale ana ae ia’u iho mai keia mau hooikaika ana no ka hookaawale ana ae ia’u iho mai keia mau hooikaika ana no ka hookaawale ana ae ia ia’u iho mai keia mau hookahihi wale ana no ka alunu, a no ka hoopakele ana i ka lehulehu main a makai apakee mai, ua hopu iho la au ia Shimabukuro ma ke ano he mea kuai waiona. O keia kanaka, oia kekahi o na alakai iwaena o ka puulu o ka poe kuai waiona, a he kanaka ino hoi iwaena o na Kepani. Ke manaoio nei au, ua lawe mua ia mai ka lohe imua o kou Hanohano, no ka hoao ana o Shimabukuro e ku-e mai i kuu wa I hopu ai iaia a lawe mai no kuu keena.

Ahewa i ka Makai Nui Pua

            I ko’u wa i ninaninau ai iaia no kona uku ana I na dala ki-pe, ua hoahewa mai la oia ia’u @o ka loaa ana mai o kela dala ia’u, a ua ike hoi i na mea apau e pili ana ia mea, a I kuu wa I hoike aka-ai iaia, i kona hoopunipuni, ua hole mai la oia I ka hoike ana ae i na inoa o ka poe ana i uku aku ai i keia mau dala. O kona ae ana mai ua uku aku oia i na dala ki-pe, o kona hole ana mai i ka huhu iloko o’u no ka mea hoomaopopo iho la au, o ke kulana elike iho la me keia, ke kumu on @ana hookahihi wale maluna o’u, a o kekahi no hoi, he mea aho nui, no ka hoopakele ana i ka lehulehu mai ua makai apakee mai, e like au i keia mai uakai alunu. Kea e aku nei au, ua hooweliweli aku au ia Shimabukuro, mahope iho o o kona hoike ole ana mai i na inoa o keia mau makai, aka aole loa he wahi manao iki iloko o’u, e hookau aku i kekahi hoopa’i pili kino. Me @@ mea ia i ka nana aku, ua manao mai paha o Shimabukuro e hoeha aku ana au iaia, a i ole ua huhu paha oia, a malia paha ua makemake oia e pakele elike me ia i hoikeia aku ai iaia e kona loio ma ku ole i ke kanawai ia hopuia ana, no ka mea aole a’u palapala hopu no ka mea me ka maopopo mua ole, ua lele mai la oia maluna o’u, a hopu mai la ia’u ma ka -----ma ia hana ana i loaa maoli ai ia’u ka eha, E waiho ana he newa a ka makai maluna o ko’u pakaukau hopu aku la’au, a hahau aku la iaia no na Manawa lehulehu.

            ‘Aole e hiki ai’u ke hoomanao i paha ua hookuu ae oia I kana paa ana ia’u, ma ka hahau mua ana, a i ole, na kela hahau mua ana paha I hookuu ae ai oia I kona paa ana ia’u, aka he mea oiaio nae, ua hahau aku au iaia me ka ikaika no elua a ekolu Manawa, oia luna o ke kino mahope iho o @@kaa hookuu ana ae.

Laweia Mai ka Haha Panai

            Ua a’oia mai au e ko’u @@oio Mr. Russel, o na koi ana mai a ke kanawai no ke kupale ana, aole ia e ae ana i ka pana’i ana aku a oi aku mamua o na mea kupono maoli e ikeia ana, a pehea la ke kupono o kela hoopa’iia ana aku o Shimabukuro,e waihoia aku k@ hoopa’i ana i na mana, i ka wa pomo o ka hooponopono ana i ke kaulike. Ke manaoio nei au, i ka wa i loaa ai ia’u ke kulana kupilikia, me ka nui o ka eha i loaa ia’u, ua lawa loa ke kumu kupono, imua o kela Aha Hookolokolo e ku aku ai, a ina aole a’u malalo o kekahi kulana pakalaki o ka lilo ana i luna oihana i hoohikiia e hooko i ko kakou mau kanawai i hauaai e ke kanaka, aohe a’u mihi ana no ka’u mea i hana ai. Ke hoomaopopo nei au, ma ke ano he makai nui no ke Kalana, ua hoopiia mai au no ka hooko pono ole i ke kanawai, ina no ia i ku-e i ka pono maoila, mamua, ina aole au e paa ana i ke kulana a;u e paa nei, a mamuli wale no o keia ke kaumaha loa nei au a minamina no keia hana.

Kau kauwa haahaa.

                                                            SAMUEL K. PUA,

                                                Makai Nui, Kalana o Hawaii.

IKE I KA NANI O NA HULI KOOLAU

            Mr. Solomon Hanohano, ke kapena opio ahonui nana e hookele nei ka manu nunu lawe meahou o na kaiaulu aloha ou e Hawaii, o ia ka Nupepa Kukoa; Aloha kaua me ka mahiehie. Ke oluolu mai hoi oe e hookipa aku ma kekahi rumi kaawale o ka kaua nunu lawe meahou, no kahi poomanao e kau ae la maluna o ia keia:

            Mamuli o ko’u ike i ka nani o ka mokupuni o Kakuhihewa nei, pela i uwila ae ai ka houpo o kou meakakau nei e hoike aku imua o na maka o ko ke Kuokoa poe heluhelu mai ka la puka ma Ha’eha’e (Hawaii) a ka welona a ka la i Lehua (Niihau) ma keia aina i hoohuaia mai ai kuhi hua a ka A’o o ia kou mea kakau nei, pela au i puana ae ai i keia wahi hooheno: Aia i Niihau kuu Pawehe, ka moena e pahee ai kuu ili; Hauna noeau na ka mikioi, Ka makani nowelo piko o Lehua. Elua maua me kuu aloha, Na ulu hua noho i ka hapapa; E ake ka manao a e ikemaka, Na ke ko eli-lima o Halalii. Ailana o Kaula noho i ka mole, Home pohai mau a na manu; He aloha Nihoa i ka ehukai, Aka naulu a e hooipo nei. O oe kuu ipo alo o ke anu, Na ale holu mai o Kaulakahi, Hookahi a’u lei a e lei nei, O ke ahi kau mai o Anaki. Anoai ka manao ke ike aku, i ke ahi kaulana a o Kamaile. E kala mai i keia makapeni, o ka mea nae ia e nani ai.

            Ma ke ahiahi o ke Sabati, o ia ka la 4 o Sepetemaba, ua hoea mai la ma ko’u home ma Pua Lane nei kekahi kaikamahine a kekahi o ko’u mau hoa e noho nei ma keia aina, oia o Mrs. L. Lanakila; ua nonoi mai la oia ia’u e hele makou i ke kaapuni ma na huli Koolau; ua haawi aku la au i ko’u ae, oiai o ka makamua loa keia o ko’u ike ana i na Koolau, a ma ke kakahiaka ae o ka Poakahi, la 5, o ia ka la o na limahana, ua hoea mai la ua moku kaa nei i ko’u home, hora 8 a. m. Ia, ua liuliu ae la au ame ka’u kaikamahine no ka hele ana ma keia huakaihele no na Koolau; aia maluna o keia kaa o Mr. D. Kaleiki ame kana wahine, Mr. H. Kaleiki ame kaua wahine, Mrs. H. Kaleiki ame ka laua mau keiki liilii elua ame Mrs. L. Lanakila, a kau aku la kou meakaku nei ame ka’u kaikamahine Miss K. Keoholani.

            Ua haalele iho la i na luhiehu o ko’u home, ua oni aku la ua mokukaa nei, ke lawe nei o Pilahi, he holu ana i Koiuiu, haukawewwe ana i Leleo, i ka lokowai, pili ana i ka makeke o ke Kalana, no ne kuai ana i mau mea e pono ai keia huakaihele; mai keia wahi aku a ka makeke i ke alanui Moi me Kekaulike, a i ka lawa ana o na mea a ka manao i makemake ai, ua haalele iho la i ka nani o ke kaona, aia ua mokukaa nei ke haulani nei ma ke alanui Nuuanu, oiai hoi ke nakani ame ka ua kilihune e nou mai ana mamua pono o ke alahele, he holu ana i Kaopuana, kauaheahe ana i ka piina o Maemae.

            Oiai hoi he nani ka hiona o keia mau wahi a’u e nana nei, a he nani no hoi ka lau o na laau e luhe iho ana ma o a maanei o ke alanui, a he oluolu no hoi i ka maka o ke kamahele. Ke nana aku i na nani like ole o na pua o kela ano keia ano, oiai hoi ke ala onaona waianuhea, e halihaliia mai ana e na aheahe lau makuni o keia mau kaiaulu, aia hoi iloko o ko’u lunaikehala na mahalo a nui, no na nani like ole a ko’u maka e ike nei ma keia alahele, me ia nanea no ia la nehe ana ua mokukaa nei i ka nuku o Nuuanu, a puana ae la au i keia wahi hooheno: A ka nuku maua a o Nuuanu, hoi no ke aloha i Ilaniwai; Ilaila huli hope ko’u manao, E ike i ka wai alialia, Alia oe a e pulale mai, A hala e ka ua ka mea maka’u; He maka’u nui ko’u o loaa pono, I ka manu heahea pili o ke ao. @@ ke kali ana i kekahi mokukaa a hiki mai, hookahi ka hele like ana ma keia huaka’i, aia hoi au ke nana nei i ka nani o na Koolau ame kona mau luhiehu; me na manao hialaai, hoea ana u mokukaa nei me kana mau ukana makamae, oia o Mr. E. K. Kaohelaulii, Mr. Hoolikelike me kana pili aoao, Mrs. R. Hoolikelike ame Mrs. M. Kealahuna, ua makaukau ae la ua mau mokukaa nei a iho aku la no ke ala pali o Nuuanu, ke nanea nei au i ka lawe a ka mikini, e lawa no oe o ka auhau o ka puu o ahi o Kamaile! Ka nihi nowelo i Makuaiki, He iki ko aloha eha kuu kino, Kaulana Nualolo i ka haka lewa, I ke ala kunihi a ma malihini. E ake ka manao a e ik@maka, I ka wai kaulana o waialoha; E aloha ae ana’i ke Koolau, Ka makani noho lae o Kikiopua.

            Aia hoi ke aui hope nei ke alahele, pali o Nuuanu, eia ua mau mokukaa nei ke haulani nei, i ke kula o Panioi, ke haukawewe nei hoi i ka uluwehi o Kaneohe, eia hoi na He@ia ke kauaheahe mai nei mamua, hoea ana i ka hale wili hala o Wailau, he nui no na inoa o keia mau wahi, eia nae, aole he maeopopo i na hoahele, o kou meakakau nei, ma na wahi i maopopo, o ia ka keia makapeni, e hoakaka nei.

            Eia makou i ke kaha o Kualoa e haulani nei, he nani a he u’i keia mau kaha, ke nana aku, a he oluolu maikai ke ea o keia mau wahi, a he maikai no hoi ke alanui e moe nei ma keia mai lihi kahakai. Ke aui hope nei o Kahana, hoea ana makou i Hauula, ua ku iho la ua mau mokukaa nei i ka hale kamaaina, aia au ame Mrs. E.K. Kaohelani ma keia lihi kahakai kahi ma ka’ika’i ai, ma ka nana ana a kou meakakau nei i keia one, ua like me ke one o Maninihola i Haena, Kauai, nona keia hooheno: Kaua i ke one o Mananihola, Kuu ipo i ke kai holu o Makua; Ulu hala o Naue ka’u aloha, I ka nou hala ole a ka Lupua, he aloha na lehua o Luluupali, Noho ana i ka poli o Kaumaka; Hiki aku i ke one o Hoohila, Hiki aku i ke one o Hoohila, Huepau e ke kai o Kealahula.

            Ua hoi aku la a ka hale kamaaina, ua makaukau na meaai, ua noho iho la hoohipa i ka lua o ka inaina, ke lawe nei ka akua pii ka hema, oia walawala no ia la hooku’i ana me Keoni Bulu, ku nana ka le.

            Ua hoomaha liilii iho la me na kamaaina no ka manawa, ua liuliu ae la no ka huli hoi ana, haawi na aloha lululima, kau i ka mikini, o ka hora 2 p.p. ia. Haalele ia Hauula hao ke kalaiwa i kana hana, ke hoononoho nei au i muliwaa, ke aui hope nei na Laie, hoea ana i ka halekula o Waialee, he nani ke kahua o keia halekula ame ka home o na keiki e noho nei; kaalo ana i Waimea, haukawewe ana i Waialua, a hoomanao ae la au i ka wehi o ua wahi nei:

Hoohihi kahi manao,

I ka ehukai o Puaena;

Kai hawanawana i ka poli,

I ka poli wale o Waialua.

            Ke makaikai nei ko’u maka i nani o keia mau wahi, me ka hialaai nui, ke maalo hope nei ka hokele o Haleiwa me kona mahiehie, hoea ana i ke Kula o Leilihua, hooiho ana i Waikakalaua, kaalo ana i Waiau me Waimalu, kikaha ana i Kalauao me Aiea, haukawewwe an i Halawa, aia hoi o Kapukaki ke kauaheahe mai la ma mua, iho ana i Moanalua ha’ikeau, hoa pili o Kahauiki hemo ka umoki, nehe ana i ke kula loa o Kalihi laua o Kaiwiula kikiipau, hoola’ila’i ana i Kapalama lo’i laiki, laua me Keoneula malu i ke kiawe; lululima pu ana me Pua Lane.

            Ku iho la ua mokukaa nei i ko’u home, me ka maikai o na mea apau, ua lele aku la au me ka’u kaikamahine.

            Me keia mau manao, ua lawa keia makapeni no ka manawa, a uwila hou aku.

            Ke haawi nei au i ko’u mahalo a nui i na keiki o ka papapa’i ame ka Lunahooponopono ke aloha a nui.

                        Kou oioio,

            J.W KEAHIAOKALANI.

E NOHO ANA KA HUI MAKAHIKI A NA MOREMONA.

            E hoomaka ana ma ka hora ehiku me hapa o keia ahiahi. Poalima e wehe ana ka hui makahiki o ka Hoomana e Iesu Kristo o ka Poe Hoano o na La Hope Nei, maloko o ka luakini ma Auwaiolimu, ma ke alanui Puowaina, ma ka malana ana ae ke ahamele nui, a ua konoia ka lehulehu o keia kulanakauhale e hoea ae malaila, no ka mea he ahamele kela e paneeia mai ana limua o na mea apau me ka uku ole.

            I kulike ai me ka papakuhikuhi o na mele i hoomakaukauia no kela ahamele, he umi-kumamakolu ka nui o na himeni, a e meleia mai ana hoi ia mau himeni apau e na puukani  keia kulanakauhale, me ke komo pu hoi o kekahi poe lehia ma ka hookani pila.

            Ma ka hora umi o ke kakahiaka Poaono ae, e noho mai ai ka halawai no ka hoolohe ana i na himeni, a Hui Manawalea o na Wahine, o hana e malamaia ana, o ia na haiolelo a pela aku.

            Ma ka hora elua hoi o ka auwina la e noho ai ka aha Kula Sabati, me ka hoike ana mai na apana like ole mai.

            Ma ka hapalua  ka hora ehiku o ke ahiahi ana iho, e noho ae ai ka halawai a ka Hui Opio. He mau hana himeni, me na haiolelo ke lawelaweia ana, pela hoi me kekahi mau haioltlo paio, maluna o ke kumu paio; “Hooholoia ua hooiaio mai ka moolelo e nee nei ke noho nei kakou i na la hope.”

            Ma ke Sabati ae, e hoomala ana ma ka hora umi, e malamaia ana he hoike Kula Sabati, me ke komo mai o na Kula Sabati like ole moloko o ia hoike ana.

            Ma ka hora elua o ka auwina la, e malamaia ai ke anaina pule nui, a pela ma ka hapalua o ka hora ehiku o ke ahiahi ana iho.

            Ma ka Poakolu nei, i noho ae ai ka aha Euanelio o ka Mokupuni o Oahu nei ma ka luakini o Liliuokalani ma Waialua.

            HANA NANE.

            Aia la! aia la!! o ka iʻa a maua me kuu makuakane he hinalea.

            Hoi aku la a ka lua lapuu mai, i lapuu la i ka ino!

            Aia la! aia la!! o ka iʻa a maua me kuu makuakane he uhu.

            He hookeke mai nei i ka niho, i keke ka niho la i ka ino!

            Aia la! aia la!! o ka niu a maua me kuu makuakane, i kanu i ka moana, i ulu i ka moana, i hua i ka moana, i oo i ka moana.

            Ke uwi mai nei ka leo o ka niu la i ka ino! Kahala! Nawai hoi kau inu wahahee e ke keiki o ke kanu ana i ka moana, a ulu i ka moana, a hua a oo no i ka moana!

            O ka lanalana nae paha o na auwaa o makou i hoaia ai kau ni e ke keiki e olelo mai nei i ka uwi o ka lea o ka niu i ka ino ea! Ke niu la no hoi ha, ninau keia e ninau ai i ka niu ulu i ka moana. E kuhi ana ka au he kaula kowali ka lanalana o ko oukou mau waa!

            Mr. Lunahooponopono o ka hiwahiwa o ka lahui; Aloha oe:-Ina ua hakahaka kahi wahi o kou oneki, e pono no nialaila aku au je kau no kahi huki kaula omua ua lawa ia, a i loaa koʻu oluoluia mai e oe, alaila, e lilo ana jou oneki i kahua heihei no mi nei, a o ke alahele hoi aʻu e hookolo ai mahope o ka meheu o ke keiki o Puuanahulu, a o ke aiwaiwa hoi no@a na kino pukonakona ewalu, e haaheo mai la ma ka inoa, ka ohu kau mai i ka piko o na kuahiwi ekolu i Hawaii.

            I kuia mai ka laki ke kaulana o Waialeale.

            I na halekuai laki o Hauailiki,

            E hoao ae hoi au i pau koʻu kuhihewa,

            He uluhua au i ke ahilele o Kamaile,

            I ka lele pua-o no lele me ka auhau,

            Owau no ka ihupani o ia nahele loa,

            He aloalo kuaua au no Hanalei,

            He huea, he eueu au no Kamanomano,

            He laau lala ole no Luaiki,

            Ua @ulaia a oki ka pua,

            He koa hoopa-ki-pa-ki-wai ua na Pueo,

            He koa oniu owala laau no Puukapele.

            Auhea mai no oe e ke keiki o Kona a o ka eueu hoi o Puuonioni, Puuwaawaa elua laua, a nana mai no i ka papakonane hooleilei hua noni a ke keiki o Kauakukalahale o Honolulu, he eweewe no ka aina e kunihi mai la i ke ahe a ka makani, in a mai, ina iho, ke au aku la i ke kai loa, a o ka hookui ana auanei o ka haokila me ka paea-lo iluna o ka piko o na kuahiwi ekolu o ka aina, ua lawa ia no ka uuina o ka lae o ko Kauai keiki apuni na moku, a eia mai:

            Papa konae mua: O koʻu ʻI. He mea i makaʻu a i weliweliia, he enemi a he mea hoopilikia i na lahui o ka honua. Noho au iloko o ke kai, ma ka aina a ma ka lewa. Owai au i ko ke ao nei!

            Haina. M. O keia ko kino pukonakona mua iloko o ua huapalapala kumu o ka kaua olelo makuahine e nee nei.

            Wehewhe ana. O ke ano o ka huaolelo. M, ua heluhelu ia, o ia hoi he akua, he mea makaʻuia e kanaka, he enemi io no no ke kanaka mahiai, he iʻa kekahi ano, aia i loko o ke kai, a ke manu no hoi kahi kino on a e noho nei ma ka aina a ma ka lewa.

            Ka lua. Koʻu 2, he mea ai i makemake nui ia e na mea apau, a e olelo ana hoi ma ka olelo a na kanaka ame na anela he kauwa hoolohe, e huli mai iaʻu, a loaa e hiolani ana ma na towera kamahao ame na kakela nai. Owai koʻu inoa.

            Haina. O. O ka lua keia o ko kino e ke keiki O hawaii moku o Keawe.

            Wehewehe ana. Maloko o na piramida kaulana, na towera kiekie, na hokele nunui a liilii, aole e nele ia mea he o, a no ka mea, o ia ame pahi na hoalaoha pilipaa loa o apana iʻo @ipi palaʻi i ka wa a ka mahu e sukusuku ana, a ma ka olelo ana hoi a na (eepa) anela ia huaolelo hookahi no, i lilo ai ia i kauwa hooko pololei.

            Ke kolu. Ko'u ekolu, he kokua no na mea ola apau, ke ole nae au in a ua pilikia ko ak honua nei, he pookela au no ka honua nei, a aia iloko o'i he ola. Owai au ia oukou.

            Haina. A. O keia ke kolu o na kino kamahao o ua keiki la o ke kai malino o Kona. Ke holo nei ka a ana o ka malamalama o ka la, ka mahina ame ua pilikia ko ka honua nei, he pookela ia i lilo ai i mea kokua nui mai i na mea hanu ola apau, a i pookela hoi no ka honua holookoa, a wahi h@i a Hiiaka i pahapaha ae ai penei:

            Panaewa nui mokulehua,

            Ohia kupu hao'eo'e i ka lani,

            @ ka ua lehua ula i ka ua,

            E @a wi a ka manu e,

            Po wale Hilo i ka uwahi o kuu @ina,

            Ola ia kini, ke a mai la ke ahi e.

            Ka ha. O ko'u 4, he elele au e ha'i mai ana i ko ka honua apau i na poino e hiki mai ana, ua noho au iwaena o na lahuikanaka, na holoholona, ame na manu o ka lewa, a e ike mai no oukou ia'u he aiwaiwa no ke ao nei. Owai au ia oukou.

            Haina. N. O ka eha keia o na kino o ke keiki o Puuanahulu i ka iuiu.

            Wehewehe ana. O ka manao o ka huaolelo N., ua laweia mai ia e ka mea kukulu nane ma ke ano he mea hou, o ia hoi na nuhou ma na nupepa, kelepona, a pela aku, ua hoohalike ae oia i ka nuhou me he eleele la, in a paha he inu hauoli a kaumaha paha ia.

            Ua noho neia mea he nu iwaena o na kanaka, iwaena hoi o na holoholona puaa, ua kapaia aku lakou i kela au i okikilo loa he nu, a pela no hoi i kahi mau manu o ka lewa.

            Ka lima. Ko'u 5, he mea au i mahalo nui ia, he koa punahele, a owau ame ia:

            I ka malu a ke ao,

            Ke ahi o Wailuku,

            Ke paniwai o Iao.

            Owai kuu inoa ia oukou.

            Haina. I. O ka elima keia o na kino pilikua o na keiki la i ka la hooilikaua i panila ai ka wai o @@o a hoi hou ka wai iuka.

            Wehewehe ana. O ka manao o ka huapalpala I, ua pili aku no ia i keia lahui, he inoa kumu mai okikilo loa mai no, a he inoa hoi no kekahi pualikaua kaulana loa iloko o ka moku o Kama i waeia mailoko mai o na kanaka koa loa.

            Ke ono. Ko'u 6, aia au i ka lipolipo o ka moana, maluna o ka honua, a ma ka lewa iuiu, ua piha ke ao nei i ko'u nani. Owai kuu inoa ia oukou?

            Haina. A. O ka eono keia o na kino o Uwahi, a o ke ka'ea'ea hoi o ka la'i a Ehu o ke kai halai lana malie.

            Wehewehe ana. Ke noho nei ka weli maloko o ke kai me kona a ana i ka po, pela no hoi ka mahina, ame na hoku, ma ka lewa, e ana ko lakou malamalama maluna iho o ka honua akea, a ua holo ae keia mau nani apuni ke ao holookoa.

            Ka hiku. Ko'u 7, he pookela luaole, a kamahao, he moolelo kaulana mai kahi hanauna a kahi hanauna, ai, inu a hoomano mai ia'u. Owai au ia oukou?

            Haina. L. Eia hou no nei kino eepa ou, a o ke kumu no paha keia ou i loaa ole mai nei i kahi o olua, eia nae, full power no ua keiki la o ka wai o Haliilua.

            Wehewehe ana. O ka la ke kuhikuhi, ame ka malamalama o na mea kino ola honua apau, a he moolelo io no kona i hoikeia ma ke Kauoha Kahiko, a ma ko lakou mau moolelo ponoi no hoi, e ili a e kau aku ana kona moolelo i ka hanauna hope loa o ke ao nei, i ole ka la, in a ua piha ka honua me ka popo, ame ka palaho mau loa.

            Ka walu. Ko'u 8, e loaa no au ia oukou ma na wahi apau o ka honua. Owau no i kinohi loa, a owau no i ka hopena loa o ke ao nei. Owai kuu inoa ia oukou?

            Haina. A. O ka muli, a o ka elua kauna kino hookalakupua keia o ke keiki o na hilana o Puuanahulu i ka ehuehu; ka mea hoi nona na kino pukonakona ewalu, e noi mai nei e hoikeia ae kela mau kino pakahi on a, a eia mai ke hele aku la:

            Wehewehe ana. Ua hoakaka ae kela, Buke Nui penei: Owau no ka Alepa ame ka Omega, ke kumu, ame ka welau ka mua ame ka hope.

            I ka hoohuia ana o nei mau kino pakahi apau, mai ka 1, 2, 3, 4, 5, 6, 7, 8, e loaa no ka inoa piha a ua keiki uhai puaa la o Hualalai, o "MOANIALA."

            Pehea ke keiki o Kona. mokole aku la paha oe i ke kai o Hana, hulipu i ke kai o Muolea, e ole la hoi, he hao na ka makani.

            O ka lau, o ka lihi;

            O ka niao o ka makani,

            Aia la i Naue,

            I na haa kaalewa i ke kai,

            A naue ka makani,

            Makani o Naue la!

            Nana mai no e ua keiki la o ka uka lae laau, i hala oe i keia hauna oniu owala laau a'u, e hoomanao iho no, eia mai no au ahiki aku. Aka hoi, in a ua papani aku la ke o, holu ka aiana, oni naue na moku, haehae ka manu, ke ale nei ka wai, alaila aole no ou wahi e alo ae ai, no ka mea,

            Ke hao nei la e hao,

            Hao mai na ale a ke Kipuupuu,

            He laau kalaihi ia na ke anu,

            I o-o no i ka nahele o Makahiki,

            Kou no a-mau.

J. W. K. KAKELAMALUKALEO

            Ua hele mai la ke o a papani i ka mino olu, ke holu la ka aiaua, ua wali ka papa auwae i ka Pali keiki. O ke kiina iho la ia a ke akamai, ke hele la a ku pono i ka piko. Kiiia mai ko makana, o eono mahina lawe wale i ka Nupepa Kuokoa! --I. H.

Na MARE.

            Harry S. Ku ia Susan Kauhi, Sept. 24.

            Wm. Martin Lee ia Gertrude C. Adams, Sept, 24.

NA HANAU

            Na Wm. W. Blaisdell ame Malie K. Merseberg he keikikane, Sept. 30.

            Na D. B. Haumea ame Georgiana Kane he kaikamahine, Sept. 30.

            Na Mr. âme Mrs. John W. Kalaukoa, he kaikamahine, Oct. 2.

NA MAKE

            Gabriel Lono, ma ke kihi o na alanui. Muliwai ame Kukui, Oct. 1.

            Kaina Kaimana, ma ka halema'i Moiwahine, Oct. 1.

            Mrs. KKaola Peelua, ma ke alanui Lemon, Oct. 2.

            Kalaka, ma ka Home Lunalilo, Oct. 4.

HE AKUA E KE KANE E, HE IKEOLE E KA WAHINE E!

            Houkaka:-He moolelo keia no ke kahi mau mea elua, he kane ame ka wahine. Mamuli o kekahi kuhihewa i hanaia e ke kane, i kahea mai ai ka wahine i keia huaolelo: "he akua ke kane e"! la wa pu no hoi ke kane i hooho mai ai: "He ikeole e ka wahine'!

            Nolaila o na aui lalau o ke kui ma keneki o ke panana ame na lalahu paewa o ka makapeni, e oluolu e ke kapena, ame kuu unea heluhelu e huikala iho i ka meakakau.

            Aia no i ke au e noho ana na kupuna o kakou aole i hiki mai o Kahaolekaukau ma, e noho ana ka Mokupuni o Molokai, malalo o na ohana alii elua e noho ana i Kalae. He mau ohana 'lii maikai loa keia, aole ku-e, a imi, i kumu e mokuahana ai aka, o ka laua i hana ai, ua kukulu ae kela ame keia o laua i na hale halau Loha, ame na kahua Maika, ma o a maanei o ka aina, i wahi no ko laua mau makaainana, i wahi no ko laua mau makaainana e hauoli ai, a he mau ohana alii puni lealea maoli no i ka nana aku, no ka mea, i na la o ka lealea i hookaawaleia, i ke ao, iluna o ke kahua maika, ame na kumu pili na aoao elau e pili ai a @@u na pili alaila, maika na moho olo@e@a ulu.

            No laila o kekahi alii ame ka poe pili kakalalo ma@@e  on a ma kekahi  aoao, a pela no h@@ kekahi aoao, mamuli o keia mau hana o keia mau alii, ua unua mai na p@naka o na pali Koolau, a pela no ho@@ko ka huli Kona, ahiki i Halawa, oia manao no o ka loaa o ka laki, hoi puolo i ke alo o ka wahine me ka ohana.

            I ka wa e pau ai o ka maika ana, o ka poe i laki, hoi puolo no, a o ka poe no hoi i kahi ka eno, olalo ka la; he mea lealea wale iho, la no ia i keia mau ohana alii.

            Ia wa, e kahea mai ai ka luna o na lealea o ka la, "E ka Aoliko, e ka humakaainana, aia ka le'ale'a o keia po i ka hale halauloha o Hanakamuimui; ua lohe aku la hele ae, i ike i na kaikumahine o ka makani Popokapa o Kaelea waa, me na Pupukanioe o ka uka o Waialala, na hinihini kani kuamauna i ke alo o Paniohio, na iwa anaimaka a ka ikioe i Hoolehua, na lehua lihilihikuku i ke alo o Kaana me Kukalia, kihene pua koki'o a ka makani lawelalawemaile, ame na u'i ililahilahi o na la'i elua a ka manu, o keia poe apau la, he poe puu le'a wale no, in a he manu oo kekahi mai na Koolau mai, a pela no hoi wai ka huli Kona mai, e hui aku me ka mea iaia ka hana o keia po.

            Eia na le'ale'a e malamaia ana 1 he poniu, he hula keia, he olioli, he ohelo, he kilu me ka maile ume i ka pili o ke aumoe. Nolaila hui ka aha.

            Mamuli o keia mau hooko'iko'i olelo. ua louia ae la ka puuwai o na malihini ame na kamaaina pu e ka hanoli, no ia hauoli, ko peki iho la ka manao e noho a ike kumaka i ka le'ale'a, kono mai la kamaaina, hoi kauhale aku la, kamau ke'a, i Kahalauaola, kali aku o ka wa o ka hana, i ka noe ana o ke ano ahiahi, aia na mea apau i ke kahua, ua hele a piha aia na lemalema hua kukui ke aa nei ma-o a maanei, e hoahuwale ana i na mea apau.

            I ka wa e hoomaka ai o na le'ale'a, aia keia anaina nui makolukolu ua piha me ka uhane o ka hauoli, a i ka hope loa o na le'ale'a, o ia ka ume, a na keia le'ale'a hope, e hoohui ae i ka opua me ka la, a poeleele ka mahina i Kukuipahua, a i ka pau ana i ko lakou wahi, me ka haanou ana o na olelo, hu no hoi i ke kula o Kaiolohia ka le'ale'a o ke alo'o na alii o Kalae, ka hele ia o ka lihilihi lehua o Kaana, a nei i ke kula pilipiliula.

            O ka kekahi hoi, o ka'u makemake no a o ka pupukani o Waialala, o ia no oe o ka mea e hoouweuwe mai ana a ke hopu mai i ka ii ua kohu huewai Ihiloa, e ukuhiia ana iloko o ke kiowai, ka kekahi hoi, o ka nani no nana i kaili aku i ko'u hoohihi, o ka hula poniu a ka Ikioe i Hooluehua, nana aku oe i ke kino o ke kanaka, o ia no oe e ka mea i mahele hapa ia oluna, o ke ku no a ke alopali kalahale o kaua nei la, a olalo hoi, o ia no oe o ka ale a ke kai i ke one o ka i'a ka wawae o Hilia, in a e hiki iho i ka ai hoopau, kapalili ka hu'a o ka pau, i ke alo u ha, o Umeumelehelhe, ilaila no oe e lupeala iho ai, a palupalu, waliwali ihe, a owai ke mele, wahi a ka poe noho hale i he poniu ka hula, a o ke mele.

            Poahi no poahi ka mauna,

            Ano mai ka nahele,

            Niniu mai ka pua,

            Alohi i kuu maka,

            Ma'u i lawe a-,

            Ka uka o na-u-,

            U ike anu e-,

            Oia ke oki,

            Ma-aha-ke,

            Ma-aha-ke.

            Ke nana aku oe i keia poe hula, me he mea la, aohe iwikuamoo, i paa i ka alualu ili, a oiai lakou la e hehihewa mai ana i ke kihi laula o Kealia, ua poina ae la kauhale nei, aohe hoomanao wahi hulilau ana, eia nae hoi, wahi a ka poe noho hale hoi mai la oukou, i ko kauhale nei e akiku ai.

            Eia no hoi ka olelo le'a a keia ka uka, heaha auanei hoi, o kela @a, he e huwawae ia no ka huakaihele, hoi mai la no hoi paha, nanali no i kahi alualu hoonanea o Puheemiki, ma ka inoa. haae ka moni, aia ka pona o ka pa@@u o ka houpo, hala ka @@@@@ o ke kalana mahina. @@@@ o ka wai i ke kula pili o Kai@@@@ he mau la hoomakaukau keia wahi kumu.

            O kahi e wahiia nei keia mau @@@ aia ia i Kalaupapa, eia iloko a @@@ hale walaau, he elemakule, ua palupalu au paha e kuu mea heluhelu @@@@ iho ai, ua pau ka pono a Kak@@a.

            Aole o ka ia nei pono no ka i @@@ he pa-u kahi kapa pane mai la ua @@ makule nei, auhea oukou e @ @@@@@@ha o na la iho la no kena o ka @@@@a o i lana ke koko, he pono wae@@ @@@@ mai mua mai, aole mahope aku @@a mai e na moo ia'u e noho aku @@ @ opeope ka'u mau mea apau, a kau @ paia aka no kena mea o ka olo@@ ma no ka ikaika ia'u, e noho aku la a laila aia a ka la e pii ai, kii @a kuu ikaika, a hele pu me oukou @@@ ikaika ia, kaumaha na kua o @@@a i ka waiwai.

            Hookahi no ke pa'i a na eheu o Ka manuolalo, i ka wa okeia mau h@@kaaa olelo, eia iloko o keia anaina. ka mea nona keia moolelo, a, ke lohe nei i keia mau ma apau, aole no i hoo@@@@ ia kona manao e na olelo a ka poe he@@ e pili ana ia.

            Pau makemake ia Maleka,

            I ka wiliokai a ka @lulaau i ka @@@,

            Niniu Molokai poahi Lanai.

            I ka ua nanahu a eha Molokai.

            Ike akikuia e Puuola'i,

            La'i iho la ke kuahiwi o Lihau.

            No ka mea, he ahui pola hi@ai@ no ka ia nei, wahine no ka lae o Kapeno, a he hua ohia noho mala no ka awawa o Waikolu, au e hoolawa aku ai i keia i kohu ka inau.

            He inoa keia no ka Waikolu,

            Ekolu mino ono i ka puuwai,

            Nawai no e meo aku o Huila,

            O kana hana mau no ka niniu,

            E niniu poahi ka pua lehua,

            I ka ai kikoni a na manu,

            Manuahi ko ihu e pua Rose,

            Ke ala ka i like me ka onaona.

            Nolaila, ua lawa no ke kanaka i ka ipukai a Kulukulua, o Haili o Mokuela he mau aina kuahiwi ole he kuahiwi no ko Hilo o Panaewa, aka, i ka wa on a i lohe aku ai i na olelo a Kuialau ahi (ka inoa o ka olomana) ua puaehu ae la ke kamalena o ka hauoli iloko on a, no keia kaumaha o ke kua i ka waiwai.

(Hoomauia aku)

UA WEHE AE NEI HE KEENA KUAI AINA.

            Ma kekahi wahi o keia pepa e p@@@ aku nei, he hoolaha no kekahi keena oihana hou, i wehe a ae nei e @@@@. Hardy ame Spencer, he poe i hana aina i keia kulanakauhale, ma ke an@ he poe lawelawe ana iloko o na ha@@ apau i pili aku i na waiwai paa aina na waiwai lewa.

            Aia ko lakou keena hana, ma ke alanui Papu, ma ka aoao ma Ewa kokoke aku la i ke alanui Pa@@a a mauka iho hoi o ka hale kuai pua o Stranss; ua maka i @@ lakou e hookipa aku i ka poe apau makemake ana e loaa he mau kuka@ ka ana maluna o na mea pili i na waiwai paa ame na waiwai lewa a mau mea pili dala paha, a i ole @@@ luhale paha.

            O na hana ano nui e lawelaweia i na e keia poe, o ia no ke kuai ana aku, ame ka hoolilo ana i na waiwai pa@ ame na waiwai lewa; ka moraki ana no hoi i na aina hihia ole, ka hoo@@@ m@@ lima ana aku i na aina; a huli a na aina pohihihi e waiho mai nei.

            Ua hiki ia lakou ke hoaie dala, ma lalo o na mea hoopaa kupono, a ke kukulu hoi i na home, no ka poe i ma kaukau ole me ke dala.

            Ina no aia na aina a mau waiwai ae paha, ma na wahi like ole o @@@ Teritore kuhi i waiho ai, ua hi@@ ia lakou ke hana aku elike me ka mea i makemakeia mai ai, ke loaa mai na kauoha ia lakou mai na makaa@@aka mai.

            I wahi e loaa aku ai na hoak@ka piha ana no na hana a keia poe, e l@@@ ae no ma ko lakou keena hana. Helu 1124, Alanui Papu, elike me na h@aka ka maluna ae.

            PARIS, Oct. 2.-Ma keia la ke Ke nerala John J. Pershing, imua o kekahi ahakanaka nui, komo pu ka l@@@ sidena Millerand ame ka poe ko'@@@@ e ae o Palaui, i kau aku ai i ka ame dala hoohanohano a ka ahaolelo. Amerika maluna o ka he kupapau o kekaha koa Palani i maopopo ole kona inoa Malalo o ka pio nui o ka Lanakila i lawelaweia ai na hana hoomanao @@ na koa i make.

            He pualikoa nui i aneane e like @@ me ka pualikoa hookahakaha o ka @ Lanakila mahope iho o ka pau ana o ke kaua, ka i ukali aku i ka hua@@ 'i hoomanao i na koa. Na kekahi @@@ liona o ua koa Amerika i alakai i ka huaka'i hookahakaha.

            Ua hiki ole i ke Kenerala Pershing ke uumi i kona aloha ma ka unana@a ana o ka haawi ana aku i ka we@@@. Ua hiolo mai no waimaka ma na @@@@ lina o ke koa kahiko iaia i kau aku ai i ka hoailona o ke kanaka Pa'ani koa maluna  ka he i maopopo ole ka inoa.