Ka Nupepa Kuokoa, Volume LIX, Number 39, 30 September 1921 — KE KULANA ELELE LAHUI. [ARTICLE]

KE KULANA ELELE LAHUI.

Ua maopopo loa ia kakou, ko ka Elele Kuhio j hoike akea ana ae i kona manao, elike no me kana mau hoakaka ma kona manawa e kaahele ana, ma na hana hooikaika baloka, aole oia e holo hou ana-.no ke kulana elele lahui i ka aHaolelo ma Wakīnekona i keia kau ae; nolaila ua ili iho ke ko'iko'i maluna o na mana koho apuni keia Teritore, o ka wae ana ae, a koho aku, i panihakahaka ma kona wahi. No na makahiki he iwakalua, o ko ka Kuhio paa ana ma kona kulana elele mai Hawaii aku nei, ua nui no na ku-e i hoalaia aku e pili ana i kana hana ma Wakinekona; aka nae, iloko 0 ia mau ku-e ana, aole no i nele, ka haawiia ana mai o na mahalo kiekie ana iaia, mai ka poe no na lakou i ku-e aku iaia; o ka mea oiaio no nae, na ke ano o kana mau liana ma Wakinekona, ma kona ano he elele lahui, i hoohanohano mau aku iaia, e paa i kela kulana i ma kau koho baloka apau i kaahope ae nei. He makahiki okoa e kakali aku ai kakou, alaila hoea mai i ka manawa e malamaia ai ke koho haloka no na mohe elele lahui, nolaila ua kakahiaka loa keia no ke kamailio ana ae i keakhi mau moho kupono no kela kulana, kōe wale no nae ka hoike ana ae, i ka manao minamina, no ka waiho ana mai o ka Elele Kuhio, i ka hanohano a na makaainana koho baloka, i hookau mau aku ai maluna ona. Ma kekahi ano no nae ke nana ae, o ka noho paa.ana 6 Kuhio ma Hawaii nei, e lawelawe ana hoi i kekahi mau kulana oihana, i makemake nui ia aku ai kana mau kokua ana, no ka pono o kona lahui kanaka, me he mea la he oi ae ia o ka pono, i hiki ai iaia ke hooko aku, i na mea ana 1 kamailio mau ai, no na alahele e pono ai na kanaka Hawaii. Ua nui na moho a kekahi poe i kukulu ae nei, no ke kupono ma ke kulana elele lahui, ma ka manaoio nae o ke Kuokoa, aia a hoea mai i ka wa hoopuka kalaiaina, e loaa ana no i ka aoao Repuhlika, he molio elele kupono loa, e kau aku a\ ka liilinai ana a na makaaiixana koho baloka, maluna ona, no ka hiki iaia ke hiipoi, i ka hanohano e hookauia aku ana maluna ona, e lilo ole ai oia, i mea kumakaia i ka poe na lakou i koho aku iaia.