Ka Nupepa Kuokoa, Volume LIX, Number 39, 30 September 1921 — E HOOMAEMAE E NA MAKAAINANA! [ARTICLE]

E HOOMAEMAE E NA MAKAAINANA!

Ua hoopuka ae nei ko kakou kiaaina, he kuahaua, no ka lilo o ka pule mai keia Poakahi ae ahiki i ka Poakahi o kela pule aku, i manawa no ka hoomaemae ana o na makaainana, i ko lakou mau wahi iho, e komo ana na luna oihana o na aupuni kuloko o lakou iloko o ia hana hookahi, ma na mea pili i ko ke aupuni mahele ma na waiwai o ka lehulehu. He mau makahiki i hala ae nei, i hoomaaia ai keia hana hoomaemae maloko iho nei o keia kulanakauhale, a ua ike maoli ia aku na manao ohohia o ka lehulehu, ma ka hoomaemae ana i ko lakou mau pa; e hookaawale ana hoi, i na mea hoopilikia apau, iloko o ka manawa pauahi; o ua hana la, ke kono hou mai nei ko kakou kiaaina i na makfainana apau, e ala like, a e hooko aku i kekahi hana nui, i kau iho ke ko'iko'i maluna o kela ame keia makaainana. He oiaio, o ke kulana maemae o ka noho ana, 0 kekahi ia o na mea mahalo nui ia e kakou, he hana hoihoi ole no paha na kela ame keia ka hoomaemae mau ana i kela ame keia manawa, aka nae', i ke oho like ana mai o na mea apau me na manao lokahi, no keia hana hoomaemae, mamuli o keia leo kuanaua a ko kakou kiaaina, aole e hiki i kekahi ke hoole ae, i ke kupono i'o o ka hoomaemae ana aku i ko lakou mau home, na pa-hale ame na iiiea e hoopilikia mai ana i ke ola o ka lehulehu, a e eha ai hoi ka maka ke nana aku. Ua. ipomaikai maoli na makaainana ē noho nei keia kulanakauhale, no ka hoea mau ana o na kaa lawe opala ma ko lakou mau wahi he elua manawa o ka pule; me ia hoea mau no nae, ua lilo ka hana hoomaemae, i mea hoopalalehaia e kekahi mahele nui o na makaainana, me ke ku no o ke ahua o na opala kini ame kekahi mau mea pelapela e ae, ma kekahi mau wahi, Ē ike aku ana no kakou, iloko o ka pule hoomaemae ae nei, i ka nUi o na opala, he hoike ana mai ia i ka noonoo ole o kekahi poe, no na hopena poino e hoea mai ana, mamuli o ko lakou hoohemahema. No ke pale ana ae nae ia mau poino, e laa ka manawā /o ka pauahi, na ulia no hoi, ame ke kulana pelapela riiaoH> e kipa mai ai na ma'i, he mea pono i na mea- apau e komo #ike iloko o na hana hoomaemae ma na la i hookaawaleia o.keia pule ae, ma ia hana ana, e loaa ai ia kakou na mahao haaheo, no ko kakou kulanakauhale, leahi e kipa mau ia mai iiei ena malihini makaikai. j Aole he olelo ana no ka poe hoomaemae mau 1 ko lakōu mau home ame na pa-hale, ua hoike poe, i ko lakou hooko ana i ka hana nui i pili loa i kela ame r keia ohana; aka no ka poe ole, no.lakou ka keia pepa e hoeueu ikaika aku'nei, mai; hoalo i ka hooko ana aku i keia hana, ma keia pule ae, no ka mea he pono ia no ka lehulehu, aole no ka mea hookahi. Ua haaheo kakou, i ke kapaia o ko kakou aina, "Ka Paredaiso o ka Pakipika", pehea nae e kohu pono ai ia inoa maluna iho o ko kakou aina, ina aole he maemae ke kulana o ko kakou noho ana? Eia o Hawaii.nei, ma ke alahele e kipa mai ai na Hīalihini makaikai honua, a e launa pili oihana kalepa ai hoi me na aupuni like ole o ka honua nei; he mau mea ano nui loa keia, a kakou e makee ai i ke kulana o ko kakou noho ana, ma ke an©».be lahui; no keia mau kumu, a no ka inoa nei, ame ke kulana maemae no hoi r o ko kakou noho ana, ua ili iho maluna o kakou apau, ke ko'iko'i, o ka lawe ana ae i na keehina hoopakele apau, e haaheo ai kakou, na makaainana o Hawaii nei.