Ka Nupepa Kuokoa, Volume LIX, Number 39, 30 Kepakemapa 1921 — UA APONOIA KE KII O KE ALANUI HOLOPUNI. [ARTICLE]
UA APONOIA KE KII O KE ALANUI HOLOPUNI.
Ma ka Poaha o ka pule aku la i hala ka hoike ana ae o ka enekinia kulanakauhale ame kalana Fred Orht no ke apono ana o ka luna nui o na hana hou o ke aupuni Lyman H. Bigelow i na kii ame na kuhikuhi no ke alanui holopuni o Oahu. Mai kahi aku i koe o ke alanui konakalika i hanaia ai ma Heeia o hoomaka aku ai ka hana ana he kowa mamao o eha mile ahiki i Kaalaea, hookahi mile ame hapa ma o aku o ka halehana halakahiki o ko hui o Libby McNeill & Libby. Ke pau ia wahi o ke alanui holopuni o ka pau ana ia o kela wahi inoino loa o ia alanui a hookahi waiho o ka nani mai ka pali aku o Nuuanu ahiki i Kaalaea. O na lilo no ka hana ana i kela mau mile eha ua koho wale ia o ke keena o ka enekinia kulanakauhale he $250,000, o ia huina dala ua hiki ke loaa i nei manawa.