Ka Nupepa Kuokoa, Volume LIX, Number 39, 30 September 1921 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

He moolelo no

WILEBA DANUBA

a i ole

Mai ke Kulana Haahaa a i ka Hanohano

He Moolelo i Piha me na Hana

Hoopahaohao

"Ae, ua loihi iʻo ko olua kaahele ana i keia la, aka nae, e hana aku au i na mea nona e pono ai. Aole e kala kahiko i pau ai ka makou ai ana i keia ahiahi, he ekolu hora mamua o ko olua hoea ana mai nei; aka nae, e hele koke aku au e hoomakaukau, i kekahi mau meaai kupono na olua," o ka ih oaku la no ia o Miss Pinelop ilalo, a lawe mai i kekahi mau huamoa, a e hopu mau hoi i kekahi moa opipio. Iho malie aku la hoi ke kapena aoo, ahiki i kahi a ka  Madame De Galacia e noho mau la, a i ka ike ana mai o ua wahine nei i ke kapena, ku ae la oia iluna. me ka ninau ana mai: "Pehea ke kulana o ka lunakanawai?ʻ wahi ana me ka nana pono loa ana mai ma na maka o kona hoaloha. "Aole he manaolana i koe nona e ka madame, he manawa wale no nona e haalele mai ai i keia ola ana, nolaila aole e hiki iaʻu ke kamailio aku iaia, no ka hana nui a kaua i hele mai nei e hui pu aku me ia. He mea pono e hoao aku kaua i kekahi lunakanawai hou ae!" "O wai ka inoa o keia lunakanawai hou aku?" "O Elinafoda kona inoa, a ma kaʻi mai mea i lohe nona, aole he maikai o kona noonoo no Konela Gawila, no na  kumu nae i maopopo ole iaʻu, koe wale no, malia paha, no

kona makemake e hoolaulana iaia hio, i wahi e mahaloia ai, he kanaka oia e ku ana ma ka aoao o ke kanawai." "Ina o ke ano iho la ia o kena lunakanawai ea, alaila aohe manaolana no kona ae mai e hooko i na mea a kaua i he manaolana no kona ae mai e hooko i na mea a kaua i hoolala ai no ka hookuuia mai o Konela Gawila e noho mawaho nei, aihki i ka wa e hooloheia ai o kona hihia." "Ma na mea e pili ana i ke aloha i ka hoakanaka, he uuku loa kahi mea a kaua e manao aku ai no kela lunakanawai; aka nae malia mahope o kona lohe ana mai i na mea a kaua e hoakaka aku ana imua on a, e ae mai ana no oia e hoouku ia Gawila malalo o ka bela, aohe hewa o ko kaua hoao. Mai kinohi mai o kou hoakaka ana mai i kou manao imua oʻu, no na mea e pili ana i ka nalowale ana o kau kaikamahine, he liilii loa kahi manaolana iloko oʻu, no ka oiaio o kela mau hoakaka, aka o kaʻi wale no e hoike aku ai ia oe, aohe a kaua hoe hope hou ana, aka e hele aku imua, ahiki i ka halawai ana me ka haawina pomaikai, a manaolana poho paha." "Elike me kau i manao ai e kuu kapena, o kaʻu ia e hooko aku ai, a ke kalokalo ae nei au ma ka inoa o na lani, e kokua mai no ka holomua o na mea apau." Oiai no nae laua e kamailio ana, komo hou mai ka o Miss Pinelope, a kono mai la i ka Madame De Galacia, e komo aku noloko o kekai rumi moe, no ka wehe ana ai i kona papale, a holoholo wale la no maloko o ka holo, no ka hapalua hora paha kela holoholo ana, a ua kapena nei, komo mai la ka Madame De Galacia me Miss Pinelope, o ko lakou komo like aku la no ia noloko o ka rumi aina kahi e waiho mai ana o na meaai, i makaukau iloko o ka manawa pokole, o ka hoomoʻaia ana mai me ka awiwi. i loko o ka pololi o na kamahele, me ka ono no hoi o kela mau meaai e waiho la imua o ko laua alo, aole e hiki ia laua ke ai nui aku, no na kumu lehulehu, o ia no hoi ko laua mau manao kaumaha no ka laua mau keiki. ame ke kaumaha pu hoi no ka on a nona kela home, e waiho mai la ma kaʻe o ka lua kupapau. o ko laua ai hoi ia ahiki i ka maona ana, ia wa i huli mai ai ke kapena imua o kamadame, a kamailio mai la: "ua lohi loa keia manawa no ko kaua hele ana aku imua o ka lunakanawai elinafoda. ina ua loaa ia oe ka maha kupono, alaila e hoihoi aku au ia oe no ke kakela, alaila hoi hou mai au, no ke kiai ana i kuu hoaloha i keia po, ma ka aoao o kona moe. aia hoi a ka la apopo, ka la okoa, o ko kaua manawa ia e hele aku ai e hui pu me kela lunakanawai." Haawi mai la ka madame i kona apono. ma ke kuonu ana mai imua o Kapena Fula, ia wa i kauohaua aku ai o Miss Pinelope, e lawe mai i ka papale o ka madame a iloko o ka manawa pokole aia laua maluna o ke kaa kahi i kau ai, a holo pololei aku la no kahi o ka waapa, a hoihoiia aku la laua no ka Mokupuni Fula. Ma kela hoea ana aku no ke kakela, haawi aku la ke kapena i ke kauoha i ka wahine malama hale, e makaala i ka pono o kana malihini a e hana mai hoi i na mea apau ana i makemake ai, alaila hoi hou mai la ua kapena nei no ka home o ka mekia. Ma kela noea hou ana aku o Kapena Fula, no ka home o ka Mekia Buna, ua halawai aku la oia me ke kahunapule, a ninau koke aku la no oia i ka i ana aku: "Pehea ke kulana o ka mekia i keia manawa?" "Ua kuu kona luhi ua loaa ka maha he hapaula hora ae nei i hala, i haalele iho ai oia i keia ola ana." I ka lohe ana no o ke kapena aoo. i na hoakaka a ke kahunapule, o kona noho iho la no ia ilalo, a hookahe i kona mau waimaka, o ke kaumaha no kona hoaloha. "Ua konoia mai au e haalele iho i keia home. mamuli o ka nui o ka poe mai au e hele aku ai e ike i keia po: o kau wale no e noi aku nei ia oe, e oluolu oe e noho pu iho me na kauwa a e kaa aku ka hooponopono ana o  na mea apau iloko o kou mau lima oiai he mau wahine wale no, na mea hiki ke noonoo no kekahi mea e pono ai." "O kou manao no ia o ka hoi hou ana mai nei, aka no ke kaikamahine opio eia oia ihea?" "Aia oia malao o ke kiai makaala ana a Miss Pinelope ua laweia aku kela kaikamahina. e hoonana no kekahi wahi maloko nei o keia home no ka hoomalielie ana i kona mau manao kaumaha. He mea maalahi loa ka hoomalielie ana i ke kaumaha o ka poe opiopio, in a no e loaa ana ka hiamoe o ka pau ae la ua ia aole elike me ko ka poe kanaka makua he hana nui ka imi ana aku. i wahi e akakuu mau ai ko lakou kaumama. ua lawa keia kamailio ana o kaua aka in a he mea kekahi e hiki ana iau ke hana aku no ka la apopo mai poina i ka hoike ana ea; nolaila o ke aloha no kou e kuu kapena maikai!" Ma kela po holookoa ua ili aku ke koikoi o ke kiai ana i ke kino o ka mekia Buna maluna o Kapena Fula, a i ke ao ana ae ma kekahi la mai. hooponopono koke aku la  no oia i na mea e pili ana no ka hoolewa, o ia hoi. ma ke kolu o ka la. e lawelaweia ai kela hana. Mamuli o kela makekoke ana o ka mekia. ua hoopaneeia ka huakai hele a ike i ka lunakanawai elinafoda. ahiki i ka nalo ana aku o ka Mekia Buna, a ma ka olelo pokole ana ae aole i holopono kela huakai. no ka mea. ua @ paakiki loa mai kela lunakanawai, aole i hookuu ia Konela Gawile malao o ka bela.

Ua hoolohe malie mai kela lunakanawai i na hoakaka a ka Madame De Galacia, pela hoi me ke kakoo ana aku o Kapena Fula, i kela mau hoakaka, elike no me ia a kaua e ka makamaka heluhelu i ike mua ae nei ma kekahi mokuna i hala, alaila pane mai la ua lunakanawai la, i ka pane ana mai: "O keia mau mea apau a loua e hoakaka mai nei, he hana ia na na kiure e noonoo mai ai me ke akahele; aole @ i @ mai keia mau hoakaka, i kaʻu hana, ma ke ano he lunakanawai/" "aole anei e hiki ia oe ke ike mai, in a i waiho ia keia ike ma ka manawa e naninauia ana ka hihia i kinohi. aole loa e loaa kekahi kumu hoopii e kue ana ia koneia gawile, a oki loa aku hoi kona hoounaia ana maloko o ka halepaahae e hoopaaia ai," wahi a kapena fula, me kona piha maoli i ka huhu i kela lunakanawai a ka uahoa nui wale. "ma ia wahi, i like ole ai koʻu manao me kou, aole no ia ke kumu e hoopaa ole ia ai o konela gawila maloko o ka halepaahao no kona hookolokoloia aku. o kona pili i ka heaw, a heaw ole paha o na kiure wale no ka mana, e hooholo ai ia ninau. oiai ua ku ke kumu hoopii i keia manawa a ua hoopaa ia aku hoi o keona gawila i loko o ka halepaahao, aohe mea hou aku e hana ai nona." "Ma kau mau mea a pau e hoakaka mai nei, ke ike aku la au, ua nele loa oe i ka mana. e hoololi ae ai i ka mea i hanaia aku maluna o konela gawila; o kaʻu nae e noi aku nei imua ou, mamuli o keia mau ike a maua o ka wauhoana aku la imua o kou hanohano, e ae mai oe  e hookuu ia konela gawila e noho mawaho, malalo o ka bela ahiki i ka hoolohe maoli ia ana o kona hihia. ua makaukau au e haawi aku i ka huina o hookahi haneri kaukani dala, ma ke ano he bela no ka mea i hoopiiia a me ke kanalua ole no hoi au ke olelo ae, ua makaukau kela lede e haawi aki i ahuina hookahi, in a ia he mea e hookuuia ae ai o konela gawila mei kona noho paahao ana. ʻIna no o kuu mau waiwai apau, ka i makemakeia mai e waiho aku, ma ke ano he bela, no ka hookuuia mai o ke kanaka opio, ke hauoli nei au e waiho aku ia mau mea apau," i pane mai ai ka madame, no ke apono ana, i ka manao o ke kapena elemakule. "Ke kaumaha loa nei au i ka hoike ana aku imua o olua e na hoaloha he mea hiki ole ke aeia aku kekahi bela no kekahi paahao i hoopiiia. no ke karaima pepehikanaka. in a paha he mau hihia okoa ae, aole aʻu mea e hoole aku ai, a no ka hoike ana aku i ka mea oiaoi ea, aole loa e hiki i na waiwai o ka nohua nei ke bela i kahi e hookuuia mai ai ka paahao!" no kela hoakaka hope a ka lunakanawai elinafoda he mea makehewa wale no ka pakuʻikuʻi olelo ana aku nolaila me na manaolana poho i ku ae ai o kapena fula me ka madame a haalele aku la i ka lunakanawai.

MOKUNA XXI. Ke nauki loa mai nei paha oe e ka makamaka heluhelu no ka ike hou ole ia dane nolaila e hookolo aku kaua mahope o kona meheu, a e waiho malie hou kaua ia kapena fula ame ka madame de galacia. ma ka manawa i hoea aku ai o ka moku ma na olina, ua hoopaa loa ia o dane maloko o ka rumi kapena, mahope o ka moku o venuka wale no ka wahine paela ke aeia e ke kapena e noho pu me ia eia nae e paa mai ana ka puka i ke kiia a e lawe mau ana no hoi ke kapena i ke ki me ia. he mau la kela o ke ku ana o ka moku, ma kekahi wahi mamao iki aku mai ke kalanakaihale mai, a ua lilo hoi kela nohopio, i mea nauki loa i ko dane noonoo. o ka manao paa iloko o ua o dane, ma kona manawa e hooleleia aku ai nouka o ka aina e hoao ana oia e kahea me ka leo nui i na kokua i kona wa e halawai aku ai me kekahi mea mauka o ka aina a ma o lakou la e uwalo aku ai oia i ka lakou mau hoopakele ana mai iaia ma o ka lunakanawai la ua lilo kela noonoo iloko ona i mea nana e hoolana mai i kona mau manao kaumaha i pilihua. mamuli nae o keia hoopaa mau ia on a iloko o ka rumi ma ke ano he pio a he mau la mahuahua hoi keia a ka moku e ku la me kona hoolele ole ia aku iuka o ka aina ua aneane maoli oia e ku a pupule o ia no oe o kekahi holoholona ahiu i hoopaaia maloko o kekahi pahu e ake wale ana no e loaa iaia ka hele lanakila ana. ma kekahi kakahiaka nae lawe aku la o neuku i na meaai a dane o ka hora ewalu paha ia a hawanawana aku la ka wahine paele iaia i ka i ana aku: "he nuhou kaʻu e hoike aku ana ia oe e ke kaikamahine ua hala aku nei ke kapena maluna o ka waapa nouka o ka aina a ua hoonohoia iho nei ka malamamoku no ke kiai ana i ka moku nei." "he oiaio anei kena au e kamailio mai la ua hala aku anei ke kapena no ke kulanakauhale?" wahi a dane me ka manaolana iloko on a no ka hoea mai i ka manawa e hookuuia ae ai oia mai kona noho pio ana. "Ei kakou ma kahi mamao loa mai ke kilanakauhale mai nolaila aole no ke kulanakauhale ka huakai a kela kapena aka no kekahi mau wahi i noho nui ia e na kanaka ino." aohe a dane pakuʻikuʻi olelo hou aku aka hoomaka iho la oia e ai i kona aina kakahiaka me ka malie a i kona maona ana kii mai la ka wahine paele no ka hoihoi ana aku e holoi i na pa me ka hawanawana hou ana mai nae. e noho oe e kuu kaikamahine me ka hoomanawanui iaʻu auanei e hoea ai noluna o ka oneki e hoolohe loa ana au i na mea e kamailioa ana e na kanaka a e makaala pu ana hoi i ka lakou mau mea e hana ai aia au a lawe mai i kau mau meaai no ka aina awakea ia wa auanei au e hoike aku ai ia oe i kaʻu mau mea apau i ike ai." ma kela hala ana mai hoi o venuka noho aku la o dane me ka noonoo nui ana no kona palekana. i kinohi ua manao oia ma ke kulanakauhala la oia e hooleleia aku ai iuka o ka aina, o ke kumu ia o ke kau ana aku o kona mau manaolana no kona pakele i keia lohe ana aku nae mai ia venuka mai he wahi okoa loa kela a ka moku i ku ai a ua hala aku hoi ke kapena no ka hui pu ana me na kanaka ino ke hopohopo loa la oia no ka hiki iaia ke pakele mai kela kapena mai a mai ka puulu mai paha ana i makemake ai e hele e hui pu me lakou. no ka maopopo ole o kekahi alahele e loaa ai iaia ka palekana mai ka mana mai o ke kapena o kela moku hoi aku la ua o dane noluna o kona wahi moe a nana aku la iwaho o ka puka aniani me ka hiki ole nae i ka peo mawaho mai ke ike iaia nei oiai ua paa i ka pale lihilihi. ke nanea la ua o dane i ka nana iwaho e honi aku ana hoi i na ea oluolu e pa pono mai ana ma ka puka aniani. ua puiwa loa ia mai la oia. i kona lohe ana aku i ka nakeke mai o ka waapa nolaila kiei aku la oia iwaho eia ka o ka waapa o ka moku e huli hoi mai ana maiuka mai o ka aina a ike aku la no hoi oia i ke kapena e noho ana mahope o ka waapa a ma kona aoao hoi e noho ana kekahi kanaka malihini. i ka pili ana mai o ka waapa i ka moku o ka pii mai la no ia o ua mau kanaka nei iluna me ka hele ana mai nohope o ka moku ke kuikuilima pula ua mau kanaka nei a ke lohe aku la no hoi o danel i ko laua noke i ke kamailio me ka maopopo ole aku nae iaia nei o ka laua mau mea e kamailio ana. i ke kaa pono ana ae nae o ua mau kanaka nei maluna o kahi a dane e moe ana lohe pono aku la oia i ka ninau ana ae o ke kanaka maluhini i ke kapena : "He oiaio anei kau mea i hoike mai nei iaʻu o kela kekahi o na wahine opio huapala." "aole oʻu manao, he wahine opio ui kekahi au i ike ai mamua, elike me keia, aia no hoi oe la a ike pono aku iaia, e komo koke ana ka manao hoohihi iloko ou nona." "o koʻu manao maoli ia o ka hoea kino ana mai la noluna nei o kou moku e kuu kapena no ka ike pono ana i ka helehelena o keia wahine opio a in a ua kulike kona uʻi me kaʻu mea i manao ai alaua ia wa kaua e kamailio ai no kona kaa mai malalo oʻu." "e ike aku ana oe iaia, aka e hoike mua aku no nae au ia oe ea aole he maikai o ka noonoo o zora e kapa mau ana oia iaia iho ma ka inoa o kekahi mea okoa aku." "Aole no kena he mea malihini iaʻu oiai he wahine kekahi o ka noho pu ana me aʻu mamua aku nei, a e kapa mau ana kela wahine, he wahine mare oia na ke kiaaina. owai ka inoa a keia wahine opio e kapa ai iaia iho?" "I kekahi manawa, e kapa ana oia iaia iho o mrs.puluka gawila, a i ikeia hoi ma kekahi inoa e ae o ka mademosele de aglacia, kekahi o na wahine huapala o ka hoea ana ae no wakinekona. "ke hoomanao nei au no kela wahine opio oiai ma wakinekona au ia wa a he mau manawa lehulehu kaʻu o ka ike ana iaia maloko o ka halekeaka." " ke hoopau manawa wale nei no kaua maanei nei, e lawe aku au ia oe e ike maka i keia kaikamahine, malia paha o ka wahine opio au i ike mua ai, a i ole he wahine okoa loa no paha keia." ke lohe pono loa aku la o  dane i na olelo apau e kamailioia la mawaena o ke kapena o ka moku ame ke keonimana malihini, me ka maopopo loa mai la iaia, aole he wahi manaolana iki iloko ona no kona pakele. i loko no nae o kela mau manaolana pho, oiliili mai la kekahi noonoo iaia malia paha he oi aku ka pono o kona noho malie loa ana, a kaukaʻi aku, in a nei no kona kaa malalo o ka malu o keia keonimana hou, alaila e kakali malie oia ahiki i ka pae ana iuka o ka aina o kona manawa ia e uwalo maoli aku ai imua o ua kanaka nei e hookuu ae iaia ma ka hoike ana aku i kona kulana oiaio me ka haawi pu aku hoi i kekahi huina dala mahuahua i kela kanaka i paumi ia ae i ka huina ana e uku aku ai i ke kapena o kela moku, no ke kuai ana iaia nei a lilo aku iaia. E noonoo ana no nae ua o dane i kana mau mea e hana aku ai i wahi nona e hoea hou aku ai imua o kana kane ame kona mau hoaloha. wehe ia mai la ka puka o kona ruhi a komo ana no o venuka me ka hopu ana mai o kekahi lima iaia nei a hiolo mai la no hoi na kulu waimaka mai ua wahine paele mai me ka hoopuka ana ae i keia mau huaolelo: "auhea oe e kuu keiki i hele mai la au no ka hoike ana aku ia oe ua lilo oe i ke kuaiia a in a paha aole i ukuia mai kekahi huina dala i ke kapena o keia moku aka e hoea mai ana i ka manawa e lilo aku ai oe i kekahi haku hou. ua hoounaia mai nei au e hooponopono ia oe, alaila lawe aku noluna o ka oneki." "ua maopopo mua iaʻu kena mau mea au e kamailio mai nei e venuka no ke mea ua lohe aku nei au e kamailio ana mawaena o ke kapena ame ke keonimana o ka hoea ana mai nei mai iuka mai o ka aina. e hoopau i ka awe ana e kuu venuka maikai a e kau aku i ka kaua hilinai ana maluna o ke akua nana no e waele ae i ke alahele a malaelae noʻu e palekana ai." "o kou kaawale ana mai iaʻu aku aole ia he wahi mea uuku loa oiai ua hele a pipili paa koʻu noonoo maluna ou. o ka mea oi loa aku o ka pilikia o ia no koʻu ike hou ole aku i kou helehelena. he oiaio keia mau mea aʻu e kamailio aku nei imua ou ua like maoli au me kekahi wahi mai a kanuia aku ana ma kekahi mau wahi okoa me ka waiho ole ia iho a loihi e kokolo aku ai na aa iloko a ka lepo." "ke hoomaopopo aku la au i ka manao o kau mau mea apau e hoike mai nei iaʻu o ka olelo hoolana wale no imua au o ia ke kau ana aku i na manaolana no kela aina mao kahi e kanuia ai kekahi kumulaau me ka mea ole nana e uhuki hou ae aka e mau aku kona ulu ana me ka ikaika a e hoohua mai hoi ia i na hua ohaha he nui" alaila hopu mai la o dane i ke poo o ka wahine paele a hoopili aku la imua o kona umauma. "e hooponopono aku au i kou mau lauoho ame kou lole ma ke ano e hoohihi mai ai ke keonimana malihini ia oe in a aole au e hana aku ana pela alaila e ili mai ana ka inaina o ke kapena maluna oʻu i kou wa e haalele mai ai i keia moku." ma kela wahi i hoomaka koke aku ai o venuka i kana hana o ia ke kahi ana i ka lauoho o dane, alaila kii aku la i kekahi lole i hoomakaukau mua ia e ke kapena maloko o kekahi ume a lawe mai la me ke koi ikaika ana aku ia dane e komo i kela lole hou. "ea, maihea mai kena lole i loaa ai? ke hoomanao nei au, aole he lole i lawe pu ia mai me aʻu ma ka manawa a keia poe kanaka ino o ka lawelawe ana i ka lakou mau hana lapuwale maluna oʻu" wahi a dane me kona piha me ke kahaha iaia e nana aku ana i ka lole a venuka e hoomakaukau ana e hookomo mai iaia. "aohe mea i maopopo iaʻu e kuu keiki me he mea la nae eia na mea like ole maluna nei o keia moku no ka mea ma ke kauoha a ke kapena i loaa ai iuʻu ka ike eia ka he lole wahien kekahi maloko o ka ume aʻu o ke kii ana aku nei i keia lole a lawe mai nou." "ea e aha ana olua e keia mau wahine e lohi mai nei e kakali aku nei au ahiki i ka po ana o keia la no ko olua pii mai?" i loheia aku ai ka leo o ke kapena i ke kamailio ana mai mawaho o ka puka o ka rumi a laua nei e noho ana. "ua kokoke maua e makaukau he mau minuke wale no koe alaila pii aku maua noluna o ka oneki o ka moku" i pane aku ai o venuka mailoko mai o ka rumi me ka huli ana mai hoi o ua wahine paele nei a kamailio aku la ia dane. me ka leo huhu: "e wiki oe e apa mai nei aole he manawa hou aku au e hookololohe ai i lohe oe ea in a kaua epii koke aku @ noluna o ka oneki o ka moku e ili mai ana ka inaina o ke kapena maluna ou" wahi a venuka oiai ne nae he mau olelo hoonuinui wale no kela ma ka aoao o ka wahine paele no ka pulapu ana aku i ke kapena aole he wahi manao aloha iki iloko o na no dane. no na minuke elima paha kela hoolalau wale ana iho no a laua nei o ko laua pii aku la no ia noluna o ka oneki o ka moku a hele pololei aku la no kahi a ke kapena ame ke keonimana malihini e ku mai ana kamailio. i kela kau ana aku i laua iluna o ka oneki o ka moku ua ike koke aku la o dane i ke kanaka malihini he keonimana aoo oia i hoololoa i kona mau umiumi eia nae he helehelena oluolu no kona ke nana aku. e komo ana oia i kekahi paalole ahinahina a he papale kalepono hoi ma kona poo. hele pololei aku la o dane a ku iho la mamaua o ua mau kanaka nei, aia wale no kona noo ilalo kahi i kulou ai @ mahope pono aku hoi o kona kua o venuka kahi i ku ai me ke kupenu ana i kona mau maka me @ @. "eia imua o kou alo ke kaikamahine @ i kamailio mua aku nei ia oe pehea kou manao rona?" i huli ae ai ke kapena a kamailio aku la i ke keonimana aoo. "he kaikamahine maikai no keia aka o ka pilikia @ aʻu e nana aku la o ia no kona ano nunuha" i nane ae ai ke keonimana aoo me ka hoopinanapu ana ae i kona mau kaemana ma ke ano e imi ana i wahi e lilo aku ai o dane iaia me ke kumukuai oluolu. "alaila aole oʻu hoihoi i na wahine nunuha elike me keia he nui wale o lakou i halawai mai me aʻu a ua lilo no hoi hana nui ma koʻu aoao ka imi ana aku i wahi e hookoia mai ai ka u mau mea apau e makemake ai. eie hou kekahi pilikia aʻu e hoomaopopo nei o ia no kela ano uluahewa iloko on a au no o ka hoakaka mua ana mai nei iaʻu a i koʻu hoohuihui ana ae i keia mau mea a elua ua aneane e hiki ole iaʻu ke ae aku i kau kumukuai i kau mai ai nona" wahi a ua keonimana aoo nei me akuimoimo ana ino o kona mau maka oiai nae aia ka hoohihi iloko on a no dane o ka lilo aku iaia. "heaha kau kumukuai e haawi mai ai no keia wahine opio?" i ninau aki ai ke kapena mahope iho o kona hakilo pono ana aku i ke ano o ke keonimana malihini pela pu hoi ka lohe ana aku i kona manao hoakaka no dane. "O oe ke kuleana e kau ai i ke kumukuai maluna on a aole loa he manawa au i komo hokai wale aku ai i ke kuleana o haʻi ma ke kau ana i ke kumukuai o ka lakou mau waiwai kalepa" wahi a ka malihini no kona hopohopo o nui loa auanei kana dala e haawi mai ai mamua o ke kumukuai a ke kapena i makemake au e ukuia aku no kela kaikamahine. "ke manao nei au ua ili aku ke koikoi maluna ou o ka hoike ana mai i kau kumukuai e uku ai no keia kaikamahine no ka mea ua maopopo no ia oe in a nei no koʻu lawe aku i keia kaikamahine no nu loka a waiho aku ma ke ano kudala e nui ana ka poe koho iaia nolaila e ike mai oe ke haawi aku nei au i manawa maikai loa nou e haawi mai ai i kekahi kumukuai kupono nona mamua o ka waihoia ana aku imua o ke akea" oiai kela mau olelo e kamailioia ana mawaena o na kanaka elua ua hele ka helehelena o dane a haikea a ua anane hoi e hiki ole iaia ke ku aku a hoolohe ia mau olelo ku i ka hoohaahaa ike mai la o venuka i kela ano o dane me he mea la e hehee iho ana oia ilalo a maule nolaila hopu mai la kekahi lima o venuka ma ka puhaka o dane a hilinai aku la no hoi ka wahine opio iluna on a me ka hoomanawanui ana e ku maluna o kona mau wawae a e hoauhee aku hoi i na mea maikai ole apau e hoonawaliwaliia mai ai kona noonoo maikai. he hookahi kumu nui o kela haikea ana o ko dane helehelena o ia no kona lohe ana aku i na hoakaka a ke kapena noko ia nei laweia aku ma kahi kudala he hana ku ia i ka hoohaahaa a i ka hoohilahila o ka iini nui iloko on a o ia no kona laweia aku no ke kulanakauhale malia o hiki iaia ke halawai aku me kekahi poe malaila a uwalo aku imua o lakou e hoopakela ae iaia ma ka hoike ana aku i ka lohe imua o kona mau hoaloha. "aole anei ou ike mai e mr.kapena ua lilo kau mau olelo hoomakaʻukaʻu e pili ana i ka hana kudala i wahi e hoopilikiaia aku ai ka noonoo o keia kaikamahine ipio? aole loa i maa na kaikamahine o marelana i na hana ku kudala elike me na kaimahine o ko kakou aina nei nolaila he makehewa wale no kou hoao ana e hoolalau i o a ia nei e kau i kau kumukuai maluna o kau waiwai ponoi!" i pane mai ai ke keonimana aoo. "auhea oe e mr.rumeioda mamuli o kau kauoha ponoi no koʻu lawe mai i kekahi kaikamahine huapala imua ou i hooko aku ai au ia noi au ma ke kuai ana i keia kaikamahine a lawe mai imua ou no ka nana aua in a paha ua kulike oia me kau mea i makemake ai aole paha. in a oe e hoole mai ana alaila e lawe aku ana iaia imua o ka lehulehu no ke kukulu ana aku iaia imua o ka peo e makemake ana e uku i kekahi kumukuai maikai loa nona eia ua kaikamahine nei imua o kou alo e nana iaia mailuna mai o kona poo ahiki aku ikona mau wawae a e hoike loa ia no keia kaikamahine" wahi a rumefoda oiai nae ua makaukau oia e uku mai i ka huina i papaluaia iho maluna o kana kumukuai i hoakaka mai ai. "ua pupuleia paha oe e mr.rumefoda i manao ai he hookahi kaukani dala wale no au e uku mai ai no keia kaikamahine!" i puoho mai ai ke kapena me ka leo okalakala. "ua paumiia ae ka waiwaiio o keia kaikamahine i ke kumukuai au i hoike mai la no ka mea e ike mai oe mawao ae o kona helehelena uʻi ua hiki iaia ke himeni elike me na manu a ke hulahula  hoi elike me na kaikamahine oloko o na halekeaka a o ka mea oi loa aku ua hiki iaia ke heluhelu me ka pahee e nanea ai oe i ka hoolohe iaia. "he umi kaukani dala ke kumukuai o keia kaikamahine aole e emi iho malao o kela huina aka hoi mamuli o koʻu kamaaina loa ia oe a no ka hoomaalahi ana mai no hoi i kaʻu hana ke ae nei au e kuai hoolilo aku iaia no ka huina o elima kaukani dala oiai no nae eia mai no ilalo ka huina ana i makemake ai e loaa aku iaia no kela kaikamahine. "ke ike aku la au ua kaokoa loa kou manao mai koʻu mai a ua like ole hio ka kaua kumukuai kupono i manao ai no keia kaikamahine" wahi a ke keonimana aoo me kona nana ana aku i kahi e. "ina aole oe e ae mai ana e uku i ka huina o elima kaukani dala no keia kaikamahine ea alaila he hookahi wale no aʻu alahele e manao nei o ia no ka lawe ana aku iaia no nu olina a waiho aku malalo o ke kudala. auhea oe e zora ua pau ae la no koʻu makemake ana ia oe e hoi hou oe noloko o kou rumi e noho ai!" "pela iho aole i pu kaua kamailio ana no keia kaikamaine! he nani hoi ia aole ou ae e lawe aku i ke kaukani dala hookahi ke haawi aku nei au i elima haneri dala hou iho ua like pu me umikumamalima haneri dala aʻu e uku aku ai ia oe nona" "e hoihoi aku oe e venuka ia zora no ke keena mahope o ka moku!" i huli ae ai ke kapena a kailio aku la i ka wahine paele, i kela manawa nae e pane hou mai ai o mr.rumefoda. "Ua opulepuleia paha oe e kuu hoaloha i maliu ole mai i oe i kaʻu kumukuai i haawi aku la no kena kaikamahine? heaha kau kumukuai maoli i makemake ai nona? "Ua lohe mua aku nei no oe i kaʻu kumukuai aka no kona nono nae e kuu hoaloha e lawe no au i ka huina o eha kaukani elima haneri dala he kumukuai oluolu loa keia." "o koʻu ae ana aku e uku i kena mau dala ua like pu @ me kekahi kanaka pupule aka e haawi no au ia oe i elua kaukani dala" ma kela ano iho la na keonimana elua i noke ai i ke kamailio ahiki i ko laua lokahi ana ma kekahi huina dala o ka hooholoia iho la ua ia e hoolilo aku ia dane i keia keonimana aoo no ka huina o elua kaukani me alime haneri dala. MOKUANNA XXII ma ka aoao o ke kapena o ka moku ua piha loa oia i ka hauoli no ka loaa ana o kela kumukuai maikai loa no dane no ka mea mawaho ae o kela mau kaukani dala e loaa pu mai ana iaia he huina dala mahuahua mai ka mea mai nana i hoolimalima iaia e lawe aihea ia dane nolaila ua papaluaia iho kona pomaikai a he kanaka waiwai maoli oia ma kekahi ano ke nanai aku. o Mr. Rumefoda no hoi kekahi i hoolauoliia aku mamuli o ka hoopono loa o kela kukakuka ana a laua me ke kapena no kana kumukuai e uku aku ai no dane. no ka mea ua maopopo i ua kanaka nei ina nei no ke kuai kudala ia aku o dane ma nu olina e hiki aku ana ke nui o na dala e haawiia mai ana no kela kaikamahine ma kahi o ka ehiku a eono kaukani dala. nolaila ua makepono maoli oia i ka lilo ana aku o dane no elua kaukani me elima haneri dafa wale. (aole i pau)