Ka Nupepa Kuokoa, Volume LIX, Number 39, 30 Kepakemapa 1921 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no ko Kelena Simoa Lanakila Ana a i ole Ka Hoowalewaleia Ana o Halebatona

            "No'u iho he aloha mau au i na mea apau, a he makemake no hoi au e hoike mau aku i ko'u hilinai maluna o lakou i kela ame keia manawa," wahi hou a Mrs. Lamasona. "aka nae, ua maopopo no ia oe a ua pinepine no hoi kou lohe i ka olelo mau ia o kei mau olelo, 'aole loa e ikeia ana kekahi uwaki ke ole ke ahi.'"

            "Ua kamailio aku nei au ia oe no ko'u manaoio i na olelo apau a Mrs. Simoa i hoike mai ai ia'u, a no na olelo hoi a kela wahine imihala Mrs. Elawoka, aole hookahi o kana mau olelo i hiki ia'u ke manaoio aki, no ka mea, e hoomaopopo pu aku no kaua i kona mau ano he ohiohi o ke ano hoopunipuni," i pane aku ai o Mrs. Alena me ke ano hiki ole iaia ke hoomanawanui i kona inaina, he wahi ano i ma'a ole iaia mai mua mai o kona launa ana me Miss Lamasona.

            "I mea e hoopauia aku ai kou manoaoio i na olelo a Mrs. Elawoka ea. e hoike aku ana au i keia mea oiaio ia oe, oia hoi, ua ikemaka au ika palapala mare o Mrs. Simoa, ua hoikeike mai oia ia'u, nolaila aia mahea iho la ka oiaio o na olelo hakuepa a Mrs. Elawoka he wahine lalau o Mrs. Simo, a he keiki poo ole o Helena, kana kaikamahine?

            "Eia hou aole no hoi auanei e hiki ia oe ke ike aku i ke kahuna ole o na olelo a Mrs. Elawoka?" wahi a Mrs. Elawoka i olelo mai ai ia'u, "he wahine o Mrs. Simoa i mare kane ole: e hoole aku ana au i ka oiaio o ia mau olelo ana, no ka mea, ua ike kuu mau maka nei i ka palapala mare, nolaila, mahea iho la ka pololei o kana olelo, he kaikamahine makuakane ole o Helena Ea, e noi aku ana au ia oe, ano, e hoopau loa i kou hoomau ana aku i ke kamailio i kekahi poe i na mea oiaio ole, a e hoike aku oe i ka poe e noho mai new maanei, o na olelo hoopunipuni mahaoino apau a Mrs. Elawoka, aohe he oiaio."

            "Malia paha o kau e hoike mai nei oiaio, eia nae he hana hiki wale no i kekahi poe la ke hana i kekahi palapala mare ma ke ano hoopunipuni a olelo mai he palapala mare la, he hana hiki loa ia ke hanaia; no ia palapala aole no ia he mea nana e hoopau ae i ko'u manaoio i ka Mrs. Elawoka mau olelo. Owai ka inoa la o ke kane ana i mare ai i hoopaaia maloko o kela palapala mare au o ka nana ana?" i ninau mai ai o Miss Lamasona. "Heaha kau i olelo mai new no ka inoa o kela kanaka?"

            "Aole au i hoakaka aku nei ia oe i ka inoa o ke kane ana o ka mare ana," i pane koke aku ai o Mrs. Alena. "no ia ninau aole i loaa ia'u ke kuleana e hoike wale aku ai i kona inoa, oiao nae, ua hoikeike mai o Mrs. Simoa ia'u ia palapala mare on a, a no ka inoa o ke kane aua o ka mare ana he mea huna ia ana i noi mai ai ia'u. o kana wale no o ka olelo ana mai, o ko'u ike iho i palapala mare ua lawa ia no ka hooiaio ana mai ia'u he wahine oia i mare kane, a he kaikamahine hoi o Helena i loaa iloko o kona manawa mare."

            "O, alaila he kane inoa ole anei ia ana o ka mare ana, a he kaikamahine hoi o Helena i maopopo ole kona makuakane? Kupanaha no ka! Ua ike aku la hoi oe i ka palapala mare, nolaila, aole no e nele ana kou ike iho i ka inoa o ia kane ana o ka mare ana. O ka hakuwahine hou o keia hale ka mea i maopopo i ka moolelo holookoa, nolaila e ninau aku ana au iaia i na mea apau, a no ka mea, he makemake loa au e loaa ka mole o keia moolelo kupanaha."

            "O, e Miss Lamasona no hoi, manao anei oe ua hoikeike ae o Mrs. Simoa ame kaua kaikamahine ia laua iho ma ke ano hookiekie a ma ke ano hoi e ikeia aku ai ua oi ae ko laua hanohano ma ua ano apau, mai ko laua manawa i hoea mai ai i kea wahi? O ka'u mea i ike maopopo no laua, a pela no me oe, e olelo ae au pela, o laua kekahi o na le@e i hoikeike mai o ko laua kulana le@e oiaio, ua hoike mai laua ma ke ano o ka laua kamailio ana, a pela hoi me ke no o ko laua noho ana he mau lede laua i hoonaauao kiekie ia a mawaho ae o ia mau ano maikai o laua, au no e hooiaio iho ai nou iho, he mau hoaloa oiaio loa laua no na mea apau mai ka poe kiekie a ka poe haahoa.

            "No ia mau ano makai loa o laua e hiki ole ai ke hoohuoiia kekahi mea pono ole i hanaia e laua, aole anei ou manao he kumu maikai no hoi ia nou e kanalua nui iho ai i ka oiaio ole o ka Mrs. Elawoka mau olelo hoopunipuni o ka holopuni ana ae maloko o keia hale a ma keia wahi, he mau olelo manaoio wale no, malia oia no hoi paha kekahi wahine i hana i na hana lauwale o ka maopopo ole hoi o kona moolelo o ka wa i hala?" wahi a Mrs. Alena, me ka pii ae la o kona wela ia manawa.

            "Ha, no Mrs. Simoa ke manao nei au e hoomau aku no ke kapa ana iaia ma kela ino, no ka mea, aohe mea i ike i kona inoa oiaio, a i ka nana aku i new manawa he lede hiki ole loa oia ke nanaia aku ma ke kupono a maikai new; a no kaua kaikamahine ua like ole no ka maikai o kona moolelo me ko kona makuahine.

            "Aka nae, ma kekahi ano, me mau lede maikai laua i ka nana aku, a in a he oiaio keia moolelo i loheia no laua aneane hiki ole i ka lehulehu ke nana aku ia laua ma kekahi ano kupono e ku ai i ka mahaloia mamuli o ko laua mau moolelo o ka wa i hala e hiki ole ai ke nanaia aku.

            "O, in a pela kau olelo, alaila ua ike no hoi au i kekahi poe e hoohhuoi ana me ka ninau i ke ano o kekahi poe he mau moolelo maikai ole no nae ko lakou i na manawa i hala e waiwai ole ai no ka noii wale ana aku," i pane aku ai o Mrs. Alena me ka poo ae la o kona huhu e aneane hiki ole ai iaia ke uumi iho.

            "E ae mai oe ia'u e ninau aku i ka manao maoli o kena mea au i kamailio mai la?" i nana pono mai ai o Miss Lamasona no kona hoohuoi ia manawa no ka manao o ka mRs. Alena mau olelo o ke kamailio ana aku la iaia, me ka hulili o kona mau maka, no ka mea, oia pu kekahi i pii ae la ka wela ia manawa no na olelo a Mrs. Alena o ka pahu okoa ana aku la iaia, no ka mea, nona ponoi no ka Mrs. Alena mau olelo o ka pane ana aku.

            "Ua kamailio ae la au ma ke ano laula no kela ame keia mea, aole no ka mea hookahi," i pane aku ai o Mrs. ALena ma ke ano hoihoi ole.

            "Ahe, in a oia kou manao ua pau ae la." i pane mai ai o Miss Lamasona. a huli aku la kona alo a hoi pololei aki la noloko o kona rumi me ka piha i ka huhu. me kona makemake loa ia manawa e loaa iaia ka inoa pololei loa o Mrs. Simoa, no ia mea. hooohiki iho la oia e hui aku me Mrs. Elawoka i kekahi manawa kupono a e noke aku i ka hooHuahualau iaia. i huai mai ai o Mrs. Elawoka i na mea apau ana i ike a i maopopo ai no Mrs. SImoa, oia hoi. e pauma aku ia Mrs. Elawoka ahiki i kona maloo ana, i hemo mai ai na mea apau mai iaia mai."

            "O keia iho la ke ano o Miss Lamasona, ka wahine i olelo iaia iho he aloha a he manaoio i ka maikai loa o kela ame keia mea, eia nae, oia ke hioke nei i kona ku-e i kana mea o ke kamailio ana mai, a Mrs. Alena o ka nalu ana iho iloko on a," eia nae, ke manaoio loa nei au e hoea mai ana no ka la. ka manawa hoi a Miss Lamasona ame Mrs. Elawoka e uhuia ai no ka lau mau hana manaoino o hakuepa."

            "E hoopakele ia mai au mailoko mai o ia mau ano ku pono ole apau o kela mau wahine, o laua no ke auamo ana i ke ko'iko'i o ka laua mau hana, a aohe no he mea i lulu i nele ka ohi i kana mea o ka lulu ana, a oiai nae oia e noonoo ana no ia mau mea, oia mau no ka "a o ke ahi" ame ka puka ana o ka "uwahi ma o maanei" no ke ahi" ame ka puka ana o ka "uwahi" ma o a maanei" no kekahi mau pule lehulehu mahope mai, e pili ana no na lede Simoa.

MOKuna XXXVII- Ka Makuakane o Helena

            Ma ke kakahiaka o ka Poakahi mai haalele mai la o Mr. Alena ma ia Colorado no ka laua huaka'i makaikai i Europa.

            Ma ia la hookahi no hoi ilawe ae ai o Mrs. Elawoka i ka mana o ka hale "Villa Hoaka" malalo o kana malama ana ma ke ano oia ka haku whine o ia hale, a mai ka manawa mai o kona lawe ana ae ia hale malalo o kana hookele ana he mau hooponopono hou ka i hanaia i loli loa ae mai ka Mr. Alena ma malama a hooponopono ana, no ka noho o na malihini e noho aku ana ma ke ano hoolimalima ia hale.

            Ua nui ka ehaeha, ke kaumaha ame ka hilahila pu o Mrs. Elawoka no ka pau loa ana o kana mau bila o ka hoomoe ana iloko o na hui, ka loli no hoi o kona kulana mai ka hanohano, ka lako, ka waiwai a i ka aneane ana e nele loa, a hana kinookoa i mea e pono ai ke ola ana, oiai nae he hana ia ana i hoowahawaha ai i kona mau la ae oia ua hiki ole nae iaia i nei manawa ke alo ae, no ka mea, ua kokoke loa mai ka ilihune ma kona mau puka.

            Ma kahi o kona lilo he wahine laiwale a e ike mai ia ana hoi maloko o na aha lealea, na aha hulahula, a pela aku, a e hooikaika mau ana hoi oia e hoohauoli aku i ka lehulehu, he wahine oia i haule loa mai kona kulana hanohano mai o na la i hala aku a i ka lilo ana he kauwa na ka lehulehu i nei manawa.

            He helehelena o ke kaumaha ma kona mau maka ke nana aku. Kukule mai kona ano, kela ano haulani on a a e hoihoi mau ana hoi na kamailio, he wahine hakanu oia i new manawa me he mea la aohe ana mea hoihoi.

            Ma kona helehelena ke nana aki aia mai kekahi manao ano nui iloko on a kahi i hana mau ai, oia manao nui oia no ka loaa nui mai o ke dala iaia, a no keia ike on a i kona ilihune ua hoomamao mau oia iaia iho mai ka poe mai ana i kamaaina ai mamua, i ole e nemaia mai kona maua ano haahaa ia manawa.

            O kekahi mea nui ana o ka noonoo ana, malia paha e loaa ana iaia ka pomaikai a pau kona hooluhiia ana, ke loaa iaia kekahi kanaka eli gula a lanahu waiwai a ma@e aku ia kanaka, a i ole kekahi kanaka lawelawe oihana kalep waiwai paha, aohe ana nana ana no ke ano o ia kanaka, o kona mare wale aku no i kahi o ia mau ano kanaka, i kaawale aku ai na haawe kaumaha o ka ha@ kino ana me ka hooikaika ana mai iaia aku.

            O kana kaikamahine o Makoli pu kekahi i loli loa i keia manawa. Ua hohoma mai kona mau papalina; kela ano hoihoi mau a piha eleu on a i na la mamua aku aole ia mea iaia ia manawa; he oluolu no ia ia kekahi hapa o na malihini e noho ana maloko o ka hale hoolimalima a lau, aka i kekahi hapa aole on a hoihoi aku a e hoomamao mau ana oia mai ia poe aku.

            I ka manawa a ka makuahine e noi mai ai iaia e haawi aku i kekahi kokua e pakike mau aku ana oia me ka aaka ame ka piha inaina pu i ka manawa e kamailioia aku ai kekahi mea iaia e hana mai, a i ka manawa hope loa ua ulu ae la he paee mawaena o laua no na manawa lehulehu, ma kahi mamao aku mai na malihini a i ole imua no o na malihini e noho ana maloko o ka hale, mai o na malihini i ka paee hahana o ka makuahine me ka@a kaikamahine , aka. o ka hopena iho la no paha ia i loaa ia laua elike me ke ano o ko laua la i hanauia ai.

            Aole i halawai o Makole ame Helena ma keia manawa, oiai nae he mau pule lehulehu i hala aku ko laua noho puana maloko o ia wahi mai ka manawa mai o Makoli ame kona makuahine i hoea mai ai ilaila, aka nae, ma kekahi la a Makoli o ka hoi ana mai ke kaona mai, kahi ana o ka hele ana e kuai i kekahi mea a ka makuahine i makemake ai, hoike aku la ua o Makoli i ka makuahine no kona ike ana ia Helena e kau ana maluna o kekahi kaalio nani me kona makuahine me kekahi ohana waiwai e holo pu ana me laua, oiai nae aole lakou i ike mai iaia, oia nae ka i ike aku ia lakou.

            Mamuli o ka hoihoi o ka ua o Makoli mau olelo i loaa iho ai ka ike i ka makuahine oia mau no ko Makoli makemake ia Helena, noaila ua papa ikaika aku la oia i ua o Makoli aole oia e halawai hou me Helena, aole e kamailio pu, a oli loa aku hoi ko laua hele pu ana, elike me na la a laua i hui pu ai ma kahi home o Helena ma ka Adironadaka.

            "Aole o'u makemake e hui hou oe me kela kaikamahine elike me kou hui ana me ia i na la mamua a olua e hui ana, e hoao mau oe e hookaawale loa mai kela mau mea mai, no ka mea, no laua kekahi moolelo maikai ole, no ia kumu, aole o'u makemake e lilo ko laua mau ano maikai ole i mea e a'oia mai ai oe."

            "O, in a au e makemake ana e kamailio aku ana no au ia Helena, heaha auanei kau mea a papa mai ai ia'u, no ka mea, aole oia i hana hewa mai ia'u? Ina e loaa ana ia'u ka manawa kupono e hui aku ai me ia e kamailio aku ana au," i pane pakike aku ai o Makoli i ka makuahine, eia nae, ma ka mea oiaio aohe no he makemake i'o o ua o Makoli e halawai me Helena, no ke kumu no, ua ike oia aohe makemake hou o Helena e hui me ia, mahope o kona hoao ana e kaili i ka noonoo o Robaka, ka Helena mea i eha ai ka umauma, no ka ua o Makoli hana hewa ponoi no i hilahila ai oia i ka hui hou aku me Helena.

            Eia nae, he mau manawa lehulehu ma ia hope mai i ulu mau ae ai ka makemake iloko o ua o Makoli e hui a e halawai me Mamalahoa ka U'i, ka nohea, ka waipahe ame ka "maemae kailolohoia, he hiwahiwa na ka la'i luahine," aka, ua lilo nae kana mau hana o na la i hala aku i puu nui nana e alai mai iaia mai ka ike ana aku ia Kelena Simoa.

            E nalu mau iho ana oia iloko on a pehea la i hoea mai ai o Mrs. SImoa ma ia wahi a i ka wa hea la ko laua hoea ana mai. Ina paha oia i lohe i k ekmailioia o na lede Simoa, elike me ia i ikeia ae nei mamu, aole la oia e ninau ana iaia iho ia ninau.

            "Heaha la ka manao o kela lono i hoikeia ae ai oiai makou ma Europa ua marei o Helena me Habati Alekona, elike me ia a Mr. Lanakasa i hoike mai ai ia'u e mareia ana laua, a pehea la ka mea i hanaia i pau ai ia mare?" wahi a Makoli iaia iho.

            Ma keia manawa oia mau no ka pahola o ka lono ma o a maanei o kela hale mawaena iho o na malihini no ka moolelo e pili ana ia Mrs. Simoa ame kana kaikahine, pela hoi me ko lau kipakuia ana mai Hale Hoaka aku, no ka makemake ole o Mrs. Elawoka ia laua e noho iho maloko o ia hale mamuli o ko laua mau ano maikai ole i hoomuoiia.

            Ma kekahi la, oiai ua o Makoli e moe ana maluna o ka ahamaka maluna o ka lanai, lohe aku la oia i ke kamailio o kekahi poe o lakou i ka mea e pili ana no Mrs. Simoa ame kana kaikamahine me Helena, a no ka hiki hou ole iho iaia ke hoomanawanui i ka lohe aku i na olelo hoinoino no Kelena ma, aea ae la kona poo iluna mai ka uluna ae a huli aku la e kamailio i ka wahine ana o ka lohe ana aku e kamailio ana ma ke ano nema ia Mrs. Simoa, a i aku la:

            "Ma ko'u mana'o he hana hilahila loa na kekahi mea ke kamailio hoinoino mau ana i kekahi mea mahope o ke kua! "Ua ike au a kamaaina hoi ia Helena Simoa au i kamailio ae la ma ke ano hoohenehene, a ke hai aku nei au ia oe aole kuleana iki o kakahi mea e kamailio i no ai nona--he kaikamahine maemae oia mai ke poo a na wawae, a mailoko hoi a waho; o kena mau olelo au i olelo ae la he kaikamahine maopopo ole oia o kona makuakane, aohe pololeo o ia olelo:

            "E Makoli, aohe kumu o kena puiwa ana ou a hoopihoihoi@ aku hoi no na mea i kamailioia ae la no kela kaikamahine," i pane mai ai o Miss Lamasona ka wahine nana i pahola ae ka lono mawaena o na malihini apau e noho ana maloko o kela hale. "ke apono aku nei au ia manao au i hoakaka mai la. he kaikamahine u'i a maemae i'o no o Helena Simoa, aka nae--"

            "Aohe kupono iki o ka huaolelo 'aka' e hoopuka ae ai e ku-e ana iaia, a no ka mea, oia kekahi o na kaikamahine oluolu, akahai, naauao, a puuwai hamama i na mea apau, aole e nele ana kou ike ia mau ano maikai on a, no ka mea, ianei hoi laua i noho pu ai me oukou i kela mau manawa loihi hoi laua i noho pu ai me oukou i kela mau manawa loihi aku nei i hala," i pane aku ai o Makoli.

            "Ina oukou apau e hoopau ana i ka oukou wa olelo hoinoino ana no kela kaikamahine a i ole kona makuahine paha, a e noonoo iho oukou me ke akahele loa no ko laua mau ano maikai, e ike ana oukou aole loa he mea hookahi oukou e hiki ana ke hooiaio i kena mau olelo hoinoino no lau," i pane aku ai o Makoli me ke ano kalakala o kana olelo ana.

            "Mai oi aku kou maikai in a oe i a'o iho ia oe i ke ano oluolu a makaala pu nou iho, me kou nana ole mai i ko ka'i kee, e Miss Hookiekie," wahi a Miss Lamasona o ka pane ana mai me ka leo huhu, me ka pii hoi o ka ula ma kona mau papalina ia Makoli.

            "Ke manao nei au o ko'u mau ano maoli no ia i nei manawa," i pane aku ai o Makoli me ka leo e hoike aku ana ua piha oia i ka huhu. "Aka in a nae e oluolu mai ana oe e hoolohe mai i ka'u olelo, no ka mea, ua piha maoli au i ka inaina no ka lohe ana aku i na olelo hoinoino a hakuepa o ke ano hilahila ole no kela mau lede maikai a'u i ike a i kamaaina ai, e lohe aku ana oe ia ka mea oiaio.

            "He home nani ko na lede Simoa aia ma kahi kokoke aku i ka lalani mauna Adironadaka, ilaila au i ikemaka ia home o laua, a o ko laua wahi no hoi ia e hoi mau ai e hoomaha i ke kau makalii, a i ha'i aku au ia oe i keai mea oiaio, aole laua he mau mea ilihune, aole no hoi laua he mau mea haahaa, aka he mau lede laua i lako i na mea e pono ai o ko laua noho ana a o na kanaka apau e noho mai la ma kela home kuahiwi o lau, ua nana mai lakou maluna o laua ma ke ano he mau lede i hinuhinu a lilelile, aole hoi he hapapau elike me kakahi poe e walaau wahahee nei no laua.

            "Malia paha aole i maopopo i na kanaka o kela wahi ko Mrs. Simoa moolelo o ka wa i hala aku; malia paha aole i maopopo i kolaila poe ko Mrs. Simoa inoa pololei ame kona moolelo; o ko makuahine ka mea i maopopo i ka moolelo o kela wahine, a nana i hoike ae i ka moolelo e pili ana no Mrs. Simoa ame kana kaikamahine, molaila, in a he makemake kou e lohe i ka moolelo piha e pili ana no kela mau le@eea, e ninau aku oe i ko makuahine, ka mea i maopopo."

            Me keia mau huaolelo hope a Miss Lamasona ku ae la oia a hoi pololei aku la noloko o kona rumi, mahope nae o ka leha iki ana mai ia Makoli me na maka i po i ka ula no ka piha mai i ka ukiuki.

            Ia Miss Lamasona maloko o kona rumi ua hoalaia ae la ka iini a nui iloko on a e huli aku ma ka ninaninau ana i mea e loaa ai iaia ka mole a o ka mea pohihihi hoi e pili ana i ko Mrs. Simoa ola ana o ka wa i hala nolaila i ka loaa ana iaia o ka manawa kupono e hui aku ai me Mrs. Elawoka. noke aku la oia i ka nieniele iaia ma na mea apau ana i makemake ai e loaa mai a Mrs. Elawoka mai aole nae i loaa, no ka mea ua hoakaka mai o Mrs. Elawoka iaia i na mea apau ana i ike ai ma na mea oiaio wale no.

            Ma ka Mrs. Elawoka mau mea o ke kamailio ana mai iaia ua mahalo mai oia ia Mrs. Simoa ma na ano apau iloko o  ko laua manawa e hele pu ana i ke kula, a pela hoi ka Mrs. Simoa mau hana aloha iaia mahope iho o kona hemo ana mai ke kula mai a hoi mai oia e noho pu me Mrs. Simoa no ka makahiki a oi, a eia wale no kona ike ana i ko Mrs. Simoa hewa i ka manawa i mare ai oia i ke kane. No keia mau hoakaka a Mrs. Elawoka ua lilo ka "pauma ana aku a maloo' wahi a ua o Miss Lamasona i olelo iho ai iaia iho, oia hoi, ka nieniele ana aku ia Mrs. Elawoka e huai mai ai oia i na mea apau ana i ike ai no Mrs. SImoa imua on a, i mea waiwai ole, no ka mea ma ia mau hoakaka apau a Mrs. Elawoka aohe wahi hewa a kiko eleele iki ana i ike iho ai maluna o Mrs. Simoa.

            "Ina pela ua pau ae la no ko'u makemake ninau aku ia oe ma ka mea e pili ana no kela wahine," wahi a keia moiwahine o ka poe palaualelo i olelo iho ai iaia iho, i ka manawa i ike iho ai oia i ka hoohokaia ana o kona manao. "E loaa mai ana no ia'u ka moolelo piha o kela mau lede mai kekahi mea mai iloko o kekahi o keai mau la iho. Aole au e hooki ana i ka nowelo ana aku i na mea apau e pili ana i kela mau lede ahiki i ka loaa ana ia'u o ka mole o ka moolelo piha e pili ana no laua, no ka mea, akahi iho la ka hoi ko'u piha i ka inaina no ko'u oleloia mai i ka hakuepa ame ka holoholo olelo. Aole a'u hana mamua i noii aku ai a nele ka loaa ia'u o ka mea oiaio no na kanaka a'u i makemake ai e loaa ko lakou mau moolelo piha nia kakahi ano."

            Ia manawa ke noonoo ma'i la oia aole e hoopalaleha me ka makaala ole a ua hooholo iho no hoi oia iloko iho on a e lilo ia i hana nana ke kau mau ana aku o kona mau maka maluna o na lede Simoa. Mamuli o ia manao on a, hooholo iho la oia i kona manao e hele okoa aku oia e hui me Mrs. Foasai, ka on a nona ka hale a Mrs. Simoa ma e noho ana ia manawa. Ua kamaaina no oia ia Mrs. Foasai, no ka mea, he mau wahine hele like laua i ko lana halepule hookahi.

            Me ka hoihoi wale ua o Miss Lamasona o ka hele ana aku a hui me Mrs. Foasai, a oiai he mau hoaloha kahiko laua. a he mau hoahanau hoi no ka ekalesia hookahi, ua hookipaia aku la oia me ka ohaoha, me ka manao o Mrs. Foasai he manao ano nui o ko'iko'i la ko ua o Miss Lamasona o ka hoea ana aku. Aole o Miss Lamasona i hoike iki aku i ka mano nui o kana huakai o ka hoea ana aku ahiki mamua koke iho o kona makaukau ana e hoi.

            "Eia ka ke noho nei me oe na lede Simoa." i pane aku ai ua o Miss Lamasona. alaila wehe ae la i kekahi apana pepa a waiho iho la iluna o ke pakaukau.

            "Ae, eia me a'u e noho nei, a ke manao nei au ua kaumaha aku la no hoi paha oukou i ko laua kaawale ana mai ianei. I ha'u aku au ia oe. o laua kekahi mau lede maikai loa a makou e noho nei, he mai mea oluolu, a he mauao no hoi ma ko laua ano o ka noho ana a ma ke kamailio ana, a ua lilo no hoi laua i mau mea hoohauoli nui mai ia'u: ua lilo pu laua i mau malihini mahalo nui ia e ka poe apau e noho nei maanei," i pane mai ai o Mrs. Foasai, me ka awihi iki ana mai o kona maka.

            "A e, he mau mea maikai no lau i ka nana aku, eia nae, ua lohe makou i kekahi moolelo e pili ana no laua o ka manawa i hala.' i pane aku ai o Miss Lamasona me ke @@@ kanalua: "he moolelo ko laua i ku ka hohono e hiki @@ iho ai ke nanaia aku laua ma ke ano he mau lede kulan@ hanohano."

            "Pela anei ka mea oiaio?" i ninau mai ai o Mrs. Foasai.

            "He mea oiaio, aole nae o'u kuleana e kamailio aku ai @@ ia mea, a owau ana no hoi ka wahine hope loa maloko o k@ ao e kamailio ku-e aku ai i kekahi mea, aka. oiai ke kuleana kaokoa no kou ma kau hana, ke manao nei au ke m@ maikai no na kekahi mea ke a'o mua ana aku ia oe e makaala nou iho. o hihia auanei oe i na olelo pahele a k@@ mau wahine, a i ole ai hoi e lilo ka ino o kou hale i m@ hoowaiaia mamuli o kela mau lede."

            "E haawi aku ana au i ko'u mahele ia oe no ia manao maikai ou.' i kahamaha koke mai ai o Mrs. Foasai, "ak@ nae, i hoike aku no au ia oe, aole o'u maka'u iki no ka h@@ waiaia o ka ino o ko'u hale nei mamuli o ko laua noho ana mau maanei. I ha'i aku au ia oe he mau punahele laua ma'u e noho nei maanei, aole oia wale, ua hanohano loa pu a@ @ ka loaaana o laua kekahi iloko o ko'u ohana, a ua lilo @@ no hoilaua i mau mea punahele na ka poe apau e noho @@ maloko o keia hale: no ko laua moolelo o ka wa i hala @@ a eia ka'u e hoike aku, aole paha hookahi mea o kakou @ ola nei i nele i na moolelo hemahema, ua maopopo ia oe @ mea, nolaila o ka nana ana aku i ko ha'i hemahema a lilo ia i mea e kamailio nui ai i kela ame keia manawa, he mea hoomakae wale no ia i na hoaloha, oiai he hewa no k@ iloko o kela ame keia."

            Ua eha maoli o Miss Lamasona no nei mau olelo a Mrs. Foasai o ka pane ana mai la iaia, a no ia eha on a kulou iho la kona poo olalo, a liuliu wale, i mai la, e hoi ana oia, o ke ku ae la no ia on a a hele aku la, me ka maikai ole o kona helehelena.

            "Heaha la hoi ka manao o kela wahine o ka olelo an@ mai nei he mau moolelo hemahema no ko kela ame keia. ke makemake loa nei au e maopopo i kona manao." i namunamu iho ai ua o Miss Lamasona, oiai oia e hoi ana ma ke alanui me ka maikai ole o kona manao.

            I loko o kei amau la aohe maikai iki o ko Makoli noonoo, ua nui na mea hoouluhua i kona noonoo. I kela ame keia manawa e ulu mau ae ana iloko on a keia nanao, oia hoi, ka waiwai ole o kona ola ana, no ka mea, e kamailio mau aku ana kona makuahine i na olelo hoonaukuiki ia@, pela no hoi i na kauwa, a he nui wale aku na h@@a hoololiloli like ole a Mrs. Elawoka ma ka malama a hoohele@a ana o na hana o ia hale i like ole me na wa @@@@@@ @@@@.

            Ua lilo ka hana i kauohaia aku ia ua o Makoli e makaala mau, i hana hoonaukiuki mau aku iaia, no ke kumu mai aohe ae o ka makuahine e komo mai kekahi mea okoa e koku iaia, ma ia ano ua hana o Makoli i na hana i hookaawaleia nana e hana me ka kunukunu mau, he mau hana hoi ana i hoihoi eole ai, no ka mea, ma kana nana iho ua ko'iko'i loa ia mau hana nana hookaki e hana ai.

            Mamuli o keia ua ulu mau ae kekahi manao iloko on a e loaa kekahi manawa kupono iaia i kaawale aku mai kela hale aku, a mai ke alo aku hoi o kona makuahine ma ke kahi ano, a e kaawale koke aku oia ma kekahi manawa ku pono kokoke loa e loaa aa@ iaia, oia kona makemake.

            "O, in a e hiki ana ia'u ke hoi aku a noho me Anate Eliza hauoli maoli!" wahi ana me ke kaniuhu ana iho no kekahi mau manawa lehulehu; a ia manawa hookahi no nae ua ulu ae la ka hilahila iloko on a in a no kona haalele iho i kona makuahine e lawelawe hookahi i na hana o ia hale. a e hoi aku oia ma kahi e loaa ole ai iaia no hana ko'iko'i. o ka noho palaulelo wale iho no i ka hale a na ha'i e hana mai nona, a na ka makuahine hookahi no ia e hakaka hookahi i kana kaua me ka ilihune a in a no ka holopono o kana hookele ana e puka laelae aku ana oia ma kela aoau a lanakila oia, aka, i hiki ole, nana hookahi no ia e auam@ i kona mau kaumaha apau.

            "Aole maikai o keia manao, eia paha ka manao maikai." wahi ana iaia iho: "e huli aku au i kekahi kanaka nui o ke @ala a mare aku me ia; alaila, kii mai ia mama a hoihoi ae me a'u e noho ai, a ia manawa e pau ai kana hana ana a na na kauwa e hana mai nona." O kona manao kei@ o ka hooholo hope ana iho, oiai nae ia manawa hookahi ke ulu pu ae la no ka manaolana poho iloko on a no ka loaa aku o kana kane waiwai, a no ka ikaika loa o kona noonoo no ke kane, ala mai la iloko o kona noonooo na hoomanao ana no Robaka Egelakona, ka mea ana i aloha aku ai me kona uhane ame kona ikaika apau a i lilo ole ai hoi.

            I nei manawa ke maka'u nui la oia no ka hoea mai o ke koena aku o ka poe o lakou a laua o ka haalele ana aku mahope. i Kolorado, a no ka mea, in a no ka hoea mai o ia poe ilaila, he mea maopopo loa i kana noonoo iho e halawai hou ana o Robaka me Helena, a ia manawa e hoaka kaia aku ai na manao pohihihi mawaena o laua a hiki i ka maopopo ana o kela ame keia i ke kumu i lilo ai laua i mau mea hoomakae iloko o na mahina lehulehu i hala aku.

            Ua lilo no hoi ka lono no ko Helena mare @@@ @@ Ha@@@@ i mea hoouluhua mau i kona noonoo, a no kona makemake loa e ike i ke kumu o ko Helena kaawale ana mai a Ha@a@i mai. a e lohe aku no hoi i na mea apau e pili ana i kana me ka pio ole aia no a hui hou aku me Helena, nolaila mea i lohe ai no laua ua hoouluku mau ia kona noonoo hooholo iho la oia i kona manao e hele oia e ike ia Helena me kona nana ole ae i ka papa a kona makuahine iaia aole e hui a kamailio hou me Helena.

            Eia ane, iloko o keai manawa ana e noonoo ana no ka hele ana aku e hui me Helena, aole no i nele ka hoehaehai@ o kona noonoo iaia e hoomanao ae ai no kana mau hana hewa ame kona kupono ole ke launa hou me kona mau hoaloha oiaio o na la i hala aku, no ka mea ua ike maoli iho no oia i kona mau ano maikai ole, ua lilo oia he hoaloha holehole iwi.

            No Helena hoi, ma kona aoao, aia pu iloko o kona naau ka ehaeha no keia mau ano hana maikai ole. a no ka mea oia mau no kona makemake ame ke aloha pu ia Makoli, a ua makemake no oia e launa hou me Makoli. me ia nana ole ae on a i ka lilo o Makoli i puu nui nana e alai ae ia Robaka mai ka lilo ana mai nana. mahope o ko Makoli hoike ana ae i kona aloha no Robaka.

            Ua lilo pu no hoi i mea haohao na Helena ke kumu o k@ Makoli ma hoea ana mai a noho ma Kolorado, oiai aia mau iloko on a ka noonoo aia no laua me ka poe o lakou ma na aina e kahi i kaahele ai ma na aupuni like ole, me Lanakasa ame Robaka.

            Ua ninau mau iho oia iaia iho no ke kumu o ko Mrs. Elawoka ma hoi koke ana mai a haalele aku i ka poe o lakou mahope, a in a ua hoi like mai lakou alaila ua hoi loa aku ka paha ka hapanui o ka lakou huaka'i i Nu Ioka a ua noho iho o Mrs. Elawoka ma ma Kolorado no kekahi kumu @@ a laua i ike ai he kupono ia wahi i ko laua manao. Hookahi mea maopopo loa i ka Helena noonoo iho oia hoi ua hala wai o Makoli ma me kekahi haawina pakalaki. no ka mea ina aole pela. aole o Mrs. Elawoka e lawe mai ana i ka hale o Mrs. Alena ma ma ke ano hoolimalima a hoolilo iaia i mea malama hale no ka poe e noho aku ana ilaila, @ ma ia hana e loaa ai ko laua pono o ke ola ana.

            A in a ua hoi nui mai lakou apau alaila aia la ka ihea @ Mrs. Satevana, ka wahine ana i maopopo ai he nui k@ waiwai a e lilo ai hoi oia i puuhonua no Mrs. Elawoka ma i ko Mrs. Elawoka wa e halawai ai me ka nele? Ua nui keia mau mea hoopahaohao i ko Helena noonoo. a in a aole na olelo hoinoino a mrs. Elawoka o ka pahole ana ae e pili ana no laua, oiai nae, ua huna loa o Mrs. Simoa ia waleia mai oia e hele aku e huli ia Makoli i kekahi la.

(Aole i pau.)