Ka Nupepa Kuokoa, Volume LIX, Number 38, 23 September 1921 — Nuhou Kuloko [ARTICLE]

Nuhou Kuloko

Maloko o ka Luakini o Kawaiahao ka hoike Kula Sabati ma keia 6abati iho, he hoike hapaha keia ,elike me ia i malama mau ia ai ma na hapaha makahiki apau. Aole he bana mawaho o Kapiolani Paka ma keiā airwina la Sabati iho, e lilo ana ka bana ima kela la mauka ae nei o Kalihi-uka, ma ka home o na keiki makua ole. Ahiki aku la i ka Poakahi nei, he iwiakalua-ikumam(alitaa> ka nui : o na hih'ia okimare i hooloheia imua o ka aha hookolokolo, mai ka la ekahi mai □ei o keia mahina. Ua hele na palapala a na anakamaka o ka hoouna a®a mai i keia keena a kupa'i e waiho nei, e oluolu mai no e hoomanawanui, ahiki i ka loaa ana o kahi ikaawale o ka nupepa no keia pule ae. L T a hoike ae ka Elele Kalanianaole, aole oia e huli hoi hou aku ana i ka ahaolelo ma Wakinekona, koe wale no a makemakeia mai oia, e hoea aku no na mea e pili ana i ka olelo hooholo, no ka hoopae ana mai i na limahana Pake no Hawaii nei. L T a hoopuka ae nei o Kiaaina Farrington, he kuahaua ma ka Poalua nei, e hookaawale ana i 3ca pule mua o ka mahina ae nei o Okatoba, he pule nb ka hoomaemae ana o na makaainana i ko lakou mau pa-hale. Oiai e holo aku ana ka mokuahi Mauna Kea, no Kapalakiko, no ka hooponopono hou ana ae i kekahi imau wahi pilikia, o ka mokuahi Kilauea ke pani aku ana ma kona wahi, e hoomaka -ana ma ka Poa*kolu o keia pule ae. 3Xa ke kakahiaka o ka Poakahi iho nei i lawe ae ai ka Loio 01iver P. Soares i kana hoohiki oihana, mamua o ka lawelawe ana aku i na hana o kona kulana hou, he hope loio Amerika, no ka aha federala. Mahope iho o ka hoohala ana i kekahi manawa ma ka mokupuni o Hawaii i huli hoi mai ai ka Hope Loio Kuhina Atkinson, a wahi ana, he mau kaukani dala o na auhau uku ole ia i hookaaia mai e ka poe hoohemahema i ko lakou auhau ma kela mokupunL Mamuli o ka wafe ana ae o Kiaaina I Farrington i ka Mea Hanohano A. Liewia Jr., i puuku 'ho ke Teritore, ma ' kahi o ka Puuku Metzger, ua lilo ia i I mea e hoohauoliia aku ai ka manao o j kekahi poe lawelawe oihana o keia kulanakauhale, zuamuli o ko lakou manaoio ana, o kela ke kanaka kupono h(Tokahi ma ia kulana.

Ma ka mokuahi Niagara o ka haalele ana aku ia Hilo ma ka Poaono i hala i kau aku ai o Mr. ame Mrs. 6eorge L. Desha Sr., no 3ca ike ana i ka laua keiki ma Nu Kilani, e hala ai he mau mahina eono ia laua malaila, maanua o ka huli hoi hou ana mai no Hawaii nei. Ma na leka lehulehu i hoea mai i keia kulanakauhale, mai na hoa mai o ka ahaolelo lahui, u& maopopo loa 'ka haawi mai o kekahi heluna nui o na hoa kaukanawai o na hale a elua i na kokua ana, no ka hooholoia o ka bila, e hookomo mai i na limahana Pake no Hawaii nei. Ma ka hoike Kula Sabati i malamaia ma Kalihi, ma ke Sabati aku nei i hala, ua hiki aku na loaa lulu ma ia la, i ka ekolu kaukani ekolu haneri me ka iwakalua. me ke komo ole mai o kekahi mau loaa e ae, mai na meaai i kuai hooliloia aku mahope iho o ka hoi ana o ka lehulehu. He noi ka i waihoia mai i keia keena e hoike aku i na hoahanau o ka Ahahui Kokua ame Manawalea o. na Poola i ka wa e loaa ai kekahi hoahanau i ka ma'i e hoike koke ae i ke komite ola o ka ahahui, Joseph Kaahea, ma ka Hālepule 6 Kawaiahao, ma o ka hele kino ana ae a. i ole ma ke kahea ana ae paha iaia ma ke kelepo■ua , Helu 3267.