Ka Nupepa Kuokoa, Volume LIX, Number 38, 23 September 1921 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

            Eia nae. mamua o ka haalele ana iho o ua o Mrs. Elawoka ia hale, huki mai la oia ia Mrs. Alena a maloko o kekahi rumi, a ninau aku la i kekahi ninau lehulehu e pili ana i na kauwa, he poe maikai a hoopono paha lakou a aole. paha, a pela hoi me na lako hale ame kekahi mau mea e ae, o ka mea oiaio no nae no kekahi manao okoa loa ae kona kumu o ka ninau ana aku ia Mrs. Alena.

            Iloko o kela manawa a laua o ke kamakamilio ana inau aku la oia ma ke ano me he mea la he malihini haalele loa oia, i ka i ana aku iaia:

            "La'u i hoea mai nei me Mr. Jenina he le@e ka'u o ka ik@ ana mai nei me ka aahu kilika wailiula ahiahia o ka oili ana ae nei, a hele aku la a ma kekahi kihi o ka lanai noho; oia anei kekahi o kau mau malihini e noho nei ma keia hale?"

            "Ae; oia kekahi malihini e noho nei maanei, o Mrs. Simoe kona inoa. Oia ame kana kaikamahine ka hoea like ana mai ianei a noho pu me makou i ka hooilo aku la ahik,  i ka pau ana, a i hai aku au ia oe he mau mea oluolu, lokomaikai, a kulana kiekie laua, aole oia wale no, aka, he mau lede kulana kiekie a hanohano laua me ka nani pu o ko laua mau helehelena, aneane no e kulike loa kona helehelena me ko kana kaikamahine," i pane mai ai o Mrs. Alena.

            "Ua hele o Miss Simoa aia i kekahi wahi i keia manawa. Ua hele aku nei i ka holoholo; a nona, i hoike aku au ia oe. Aole ma ke ano e pai aku ana. Oia kekahi o na opua hiki ahiahi. ua like kona ui me ka liula o ke kakahiaka nui ame ke ahiahi, o wale mai no ka ula ma kona mau papalina, a no kona opiopio no hoi paha ea, he oi aku kona ui mamua o kona luaui makuahine. aka nae, iloko o ka aoo no o ka makuahine, he oia mau no nae ke opaona iluna."

            ua eha loa o Mrs. Elawoka no nei mau olelo mahalo a pai a Mrs. Alena no na lede. A mrs. Alena nae e ike ole mai la; koe wale no kona hoohuoi heaha la ke kumu nui o ko keia lede o ka ninau ana aku iaia no na mea e pili ana no makaleka ma.

            "He manao no anei ko laua e noho mau loa iho maanei?" i ninau aku ai o Mrs. Elawoka me ka pupuku iki aua ae o kona lae, a upiki iho la i kona mau lehelehe me he mea la e aaki iho ana i kona kui ia manawa.

            "pela ko'u manao. No ka mea, ia laua i hoea mai ai ianei he wahine nawaliwali o Mrs. Simoa i ka'u nana aku, ua hele kona helehelena a mae me ka haikea pu: iloko aku nei keia o ka mahina no Novemaba i hala, eia nae, aohe i liuliu loa ia noho ana mai a laua ua pii mau ae la kona maikai a like me ia au i ike aku la i keia la.

            "He ola maikai kona i nei manawa i ka nana aku eia nae, ma kana olelo mai ia'u ua kauoha mai ka kona kauka iaia aole e haalele iho i keia wahi a loaa ka palekana loa mai ka ma'i mai on a i loohia ai, i maopopo loa kona ola loa.

            "Ina pela, aole pono iaia ke noho mau iho maloko o keia hale, in a e lilo ana keia hale ia'u ma ka hoolimalima." i pane aku ai o mrs. Elawoka, me ke koikoi o kona leo o ia hoole ana aku ia Mrs. Alena.

            Ua hoopihaia aku o Mrs. Alena i ke phaohao ia manawa no nei hoole ana aku ia a Mrs. Elawoka aohe pono ia Mrs. Simoa ke noho mau iho maloko o ia hale ma kona manawa e lawe ai i ka hoolimalima o ia hale, a no kona pahaohao ninau okoa mai la oia iaia:

            "Ua ike mua no nae oe ia Mrs. Simoa mamua?"

            "Ae: ua ike au iaia a ua kamaaina no hoi, he imau makahiki lehulehu i kaahope aku nei," wahi a Mrs. Elawoka o ka pane ana aku. Alaila me ka akaaka ana iho o ke ano e ikeia mai ai he mau enemi kahiko laua. i hou aku la "Ua pau ae la no, aole o'u makemake e hoomau aku i ka kaua kamailio ana ma ka mea e pili ana nona, ko'u ike a kamaaina paha iaia a pela aku a no ka mea. he kaikamahina ka'u aia aku la no ika hale kahi i noho ai, a e kali loa ana paha auanei oia ia'u, in a e hooloihi loa iho ana a'u i ko'u noho ana maanei i nei manawa."

            "Ea, e Mrs. Elawoka aohe i maopopo loa aku la ia'u kou manao la," wahi a Mrs. Alena o ka pane ana mai. "Ua hoea mai keia mau lede ianei me ka loaa pu mai o @a hoomaikai a Mr. Beniona mai ke kulanakauhale mai o Nu Ioka, ka mea nana laua i hoouna mai ianei. a mai ko laua hoea ana mai ianei ahiki i nei manawa, o laua kekahi o na mahilihini hanohano a maikai loa a'u o ka malama ana, a no laua no hoi au e hoomaikai mau nei. a ua lilo no hoi laua i mau hoaloha oiaio, me ka hoolana pu mai ia'u e loaa mau ai ia'u ka hauoli i na mawana e loaa ai ia'u na manao kaumaha. He mau lede oiaio laua i hoonaauao kiekieia, a he ike no hoi i na loina o ka noho hoaloha ana a hoolauna ana. a he kulana ko laua i kulike aku me ko kekahi kamaliiwahine.

            "Pela paha i ka nana mai a kekahi poe aka, ma ka mea oiaio i hai aku au ia oe. he mau mea kulana haa haa @@a laua, ua hoikeike wale mai no laua i ko laua mau ano maikai i manao a i nanaia aku ai e ka lehulehu he mau lede oiaio ma ka mea oiaio nae ea, he mau mea hiki ole loa ke helu pu ia aku me ka poe hanohano." wahi a Mrs. Elawoka me ke ano hookae i ka nana mai a kona hoakamailio a i hou mai la no hoi iaia:

            "E ae mai oe e hoike aku au i ka mea oiaio aole o Mrs. Simoa kona inoa. A o kela kaikamahine ana he kaikamahine poo ole oia aohe on a makuakane. "Ua maopopo aku la ia oe ke kumu o ko'u hoole ana i ko laua noho mai maloko o keia hale. Ke lilo keia hale ia'u ma ka hoolimalima: a hooki iho la kana kamailio ana me ka inoino o kona helehelena e hoike okoa aku ana no i kona hoakamailio no ka nui o kona lili ame kona inaina ia Mrs. Simoa, ka mea ana e olelo hoinoino ana i na manawa apau.

            Ua haikea loa ae la ko Mrs. Alena helehelena iaia e noho mai ana hoolohe i na mea apau e kamailioia aku ana a he helehelena kona o ka mea i piha loa i ka inaina, a no ka hiki ole iaia ke uumi iho i mai la:

            "E Mrs. Elawoka he oiaio ke kaumaha loa nei au i kou hoike ana mai la ia'u i keia mea e pili ana no kela lede Mai ka hoea ana mai o keia mau lede i o maua nei a i keia la aohe i loaa iki ia'u kekahi mea e hoohuoi ai no laua. mai ka makuahine a i ke kaikamahine pu; he mau lede oiaio @@ua. Ka nana aku, ua malama mau lana i ko laua kulana ame ko laua mau inoa maikai, a me ia ano no laua a'u e nana mau aku nei ahiki i keia ila a kaua e kamailio nei.

            "I na he mau hemahema kekahi i hapaia e laua i ka wa i hala, a'u no nae e manaoio ole nei i kau mau olelo hakuepa o ke ano lili a m@naoino i kou noonoo ilio he hana lokoino loa a aloha ole loa hoi ka hapai ana mai i kekahi mooielo e pili ana no laua o ka wa i hala. Na kela ame keia e auamo i kona, hala iho.

            "A eia hou. ua papa mai ka olelo ia kakou aole e nana aku i ka pula iloko o ko ha'i maka. malia. he kaola no hoi ka iloko o ko kaua mau maka ponoi iho. Ke kaumaha loa nei au i kou lawe ana i keia moolelo ianei a i keia manawa hoi oiai laua e noho ana ia nei. i na paha laua i kaawale aku la ma kekahi wahi e pono ia hoi kau kamailio ana mai i kena moolelo maikai ole au.

            "Pela no aka, e puka ae ana no nae ia moolelo i kekahi la iwaena ae o kekahi poe, me ka kanalua ole au e olelo ae ai no ia mea i nei manawa." wahi a Mariena Elawoka o ka pane ana mai me ka luli o ke poo, no kona hoihoi ole iho la i ke kokua o Mrs. Alena ia Mrs. Simoa.

            "Malia paha pela, aka nae, ka'u mea i noonoo ihola, he mea kaumaha no ka makemake nui o kekahi poe e pahola koke ae i ka hewa ame ke ino o kekahi poe a lakou i ikemaka ole ai, ma ka lohe wale no, a hooiaio iho la ia lohe. a loaa ka mea e kamailio ai. oiai nae, o ka lakou hana pono loa oia no ka uhi ana ia hewa o hai a ma na mea maikai e kamailio ai no ka hoakanaka.

            "Eia ka'u i nalu iho; ke lana nei kuu manao aole oe e kamailio aku ana i keia moolelo i kekahi poe e aku, a no ka mea, me ka nana ole i kau mea i hoakaka mai la ia'u, e hoike hou aku ana no au ia oe i keia, he mau lede o Mrs. Simoa ame Miss Simoa i hiki ole ke kohoia aku kekahi mea maikai ole no laua, a no ka mea he mau lede oiaio loa laua.

            "Pela paha, maikai a maikai ole laua aloe no ou make make ia laua e noho iho maloko o keia hale." i pane mai a o Mrs. Elawoka, me ka hulili o na maka ame ka paa o kona manao elike me ia ana o ka olelo ana mai la, ano ka mea ua hoopiha loa ia aku la oia i ka huhu no na olelo mahalo a Mrs. Alena ia Mrs. Simoa me he mea la e kapaia aku ana oia i ak wahine holoholo olelo imihala a pela aku.

            Alaila. hoomau hou mai la ua o Mrs. Elawoka i kana kamailio: "He hana pono a naauao na kekahi makuahine ka hoopakele ana i kana kaikamahine ame kona inoa maikai, nolaila, aole o'u makemake e hoopoino a i ol@ alakai hewaia paha oia, a i ole lohe aku paha i ka moolelo maikai ole o kela mau mea mamuli o ko laua noho ma@ maloko o keia hale. Ina e lilo ana keia hale ia'u e pono laua e hookaawale aku ma kekahi wahi okoa, i kaawale loa mai a'u a mai kuu kaikamahine aku."

            "Pela no ka hoi paha, aohe a'u kamailio ana kau no ia mea, no ka mea, o kou kuleana kou ma na mea apau o ka hale, a e hookipa mai ai i na malihini au e makemake ai, in a no ka lilo o keia hale ia oe, aka." alaila ku ae la o Mrs. Alena a pololei, a nana pono mai la i na maka o ka wahine maka huhu e ku aku ana mamua o na ai mai la "Eia hou keia mea a'u e kamailio aku ia oe no kela mau lede. au e hoohaahaa loa nei me kau mau olelo hoinoino ua loaa mau ia'u keia manao ua hoohanahanoia mai au ma o ka noho ame ka loaa ana o ia mau lede o laua kekahi iloko o ko'u ohana, a e hoomau aku ana au ia manao ana pela, in a no kou noho nei aole hoi e holo aku ana i Europa."

            Ke noonoo la o Mrs. Elawoka ia manawa o kona mana wa kupono loa ia e hoi aku ai no kona hokele, no ka mea ke nui mau aku la na olelo a Mrs. Alena e hoomahuahua mau aku ai i ka ukiuki iloko on a.

            Ua ike maoli iho la oia iaia iho i kona ano lapuwale ma o kona huai ana ae i na kee o Mrs. Simoa, kona enemi a ua lilo oia i mea hoahewaia aku e kona hoakamailio. ina no he moolelo hakuepa ole kana mai ka mua a i ka hope a hakuepa paha.

            Wehe ae la oia i kana uwaki a nana iho la a i mai la ua kokoke loa i manawa i ka aina awakea a ua makemake no hoi oia e kamailio pu no kekahi mau mea ana i manao ai me Mr. Alena mamua o kona hoi ana aku.

            Ukali aku la o Mrs. Alena iaia ahiki i ka rumi hookipa kahi a Mr. Alena ame Mr. Jenina e u kamailio pili kalai aina ana a me na manao hoowahawaha e nohoalii ana iloko on a, hoi loa aku la ua oia me ka naluea o ka noonoo noloke o kona rumimoe. me kona manaolana aole o Mrs. Elawoka e kamailio hou aku ana i kekahi mea e aku i ka moolelo hookahi no ana i kamailio mai ai ia e pili ana no na lede.

            Eia nae, oia manaolana ana ua ko ole, no ka mea. he mau pepeiao e ae kekahi i lohe i na mea apau i kamailioia ma waena o olua.

            He mau malihini e ae kekahi e noho ana maloko o ka Villa Hoaka" (o ka inoa keia o ka hale o Mr. Alena) ia manawa. Aia ma kahi kokoke i ka puka aniani, kahi Mrs. Alena ma e kamailio ana. he lede, nona ka inoa Lamasona a nona hei na makahiki i maopopo ole, he wahi ne i maa i ka holohoo olelo. he wahine lolohe o ka pepeiao i na mea apau e kamailioia mai ana, oiaio a oiaio ole a no na hoi na maka noii nowelo a kilo i na mea apau ana e ike aku ai, mawaho mai oia o ka lanai ma kahi kokoke i ka puka aniani, kahi i noho ai.

            Oiai oia e noho ana malaila na lohe mai la oia i na me apau e kamailioia ana mawaena o na lede, oiai nae aole @ke aku o na lede iaia, o i ala ka i lohe mai i ka lana mau olelo.

            La Mrs. Alena ma no a hala mai. o kona ku ae la no ia lalau iho la i kana mau nupepa, na pepa ana o ka heluhelu ana, nana mai la ia Mrs. Elawoka. ka wahine holoholo olelo. a i kona ike ana mai ua nalowale loa mai laua ma kahi e hiki ai ke ike aku iaia, a hoomaka mai la hele me ke kau o na maka iluna a kon@o aku la iloko o ka hale, mahope o kona kaalo ana ae mamua o Mrs. Simoa oiai no oia e noho ana mawaho o ka lanai ia manawa, me ka pane wahi huaolelo ole iho, a kunou hoi iaia, he oki loa Oiai nae. I na hora mamua aku o kona hoakamailio no i a hehe na aka, i keia hoi he ola loa.

            Aohe ike wale iho i Malio

            I ka huhuki lawe a uwekahuna.

            Mamua o ka aina awakea, ua holopuni koke ae la ka loha ma o a maanei, mawaena o ka poe e noho ana maloko o ia hale, no ka mea maikai ole e pili ana ia Mrs. Simoa elike me ka Miss Lamasona i lohe ai mai a Mrs. Elawoka aku, oia hoi ko Mrs. Simoa moolelo o ka wa i hala aku e like me ia au e ka makamaka heluhelu e hooinanao @a a pela hoi me ko Helena Simoa moolelo he kaikamahine poo ole oia aohe i maopopo kona makuakane, a ua hoo numu@ wale auu o Miss Lamasona i na olelo kupono ole no Mrs. Simoa ma.

            Ma ke awakea o kekahi la ae e like me ai@ amapa ana a ka uwila, pela iho la ka pahola hikiwawe ana aku o ka lono no keia moolelo, a lohe ka poe e noho kokoke mai a@@ Ua hooiaio loa ka poe i lohe i keia moolelo, a mai ia ma nawa aku ua nanaia mai o Mrs. Simoa ame kana kaikamahine ma ke ano he mau mea hana hewa a he mau mea hoowahawahaia. oiai nae, he mau malihini laua i mahalo nui ia i ka maemae, ke kulana hanohano, ke kulana lede oiaio. a pela aku i na la mamua aku.

            Ma kahi o ko Mrs. Simoa ame Helena nanaia mai he mau hoaloha me he mea la he mau enemi laua i nei manawa no ka poe apau malaila, koe o Mr. ame Mrs. Alena  no ka mea aole o laua manaoio i ka Mrs. Elawoka moolelo a ua hooiaio ia ko laua manaoio me ka hilinai i ko na lede mau ano maikai mahope mai.

            Ma ia auwinala ua wawa loa ia ae la keia moolelo maikai ole a lohe o Mrs. Simoa, a no kona ehaeha loa me ka hilahila. Pu hele aku la oia e heuli ia Mrs. Alena a i ka loaa ana ninau aku la in a paha e hiki ana iaia ke hoakaka mai iaia no kana mea i lohe ai e pili ana nona, a heaha la ka manaoa o ia mau mea a pau e kamailio ana nona.

            Alaila me kela ano o ka hoaloha oiaio a poipoi ole iho no hoi i ka mea oiaio, hoakaka mai la oia mai ka mua a hiki aku i ka hope ma na mea apau a Mrs. Elawoka i kamailio aku ai iaia nona, oiai laua maloko o ka rumi.

            Aka," me ke kani ana iho o kana uhu," O ka'u o ka ninau ana ia'u iho, pehea la i loheia ai na inea apau a Mrs. Elawoka i kamailio mai ai ia'u, ke maopopo ole nei ia'u ke kumu o ka loheia ana, a no ka mea, aole a'u mea hookahi i kamailio aku no kela mau olelo a pau a Mrs. Elawoka i kamailio mai ai ia'u?" wahi a Mrs. Alena o ka pane ana mai iaia me ka oluolu.

            Alaila me kela ano oluolu a aloha o Mrs. Alena hoakaka mai la oia i na mea apau a Mrs. Elawoka o ke kamailio ana aku iaia i ka manawa a laua e u kamailio ana maloko o ka rumi i ka i ana mai:

            "Ke maopopo ole nei ia'u ke kumu o ka hikiwawe loa ana o kana moolelo hakuepa o ka pahola ana aku. no ka mea, aole hookahi a'u mea i kamailio aku, o kekahi no hoi aole au he wahine maa i ka lawe olelo, a ia Mrs. Elawoka i kamailio mai ai ia'u i na mea e pili ana nou, ua hoopiha koke ia mai au i ka ukiuki. ua maopopo ia'u he mau olelo oiaio ole a manaoino wale no kana mai ka mua a ka hope."

            "Ke manzo nei au ua maopopo ia'u ke kumu," i pane aku ai o Mrs. Simoa , ia olua iloko o kela rumi o Miss Iamasona ke noho ana mawaho o ka lanai ma kahi o ka puka aniani kokoke loa ia olua ma kela aoao o ka hale, no ka mea, ia olua i haalele aku ai ia rumi, i ka hele mai no ia on a a kaalo ae la mamua o'u me ke kani ole iho o kahi e ia'u, aohe ana wahi huaolelo hookahi, a oia hele no on a me ke mama loa a komo aku la iloko o ka hale.

            "Ma ka'u mea e noonoo nei ua lohe oia i ka olua mau olelo a pau, i a Mrs. Elawoka no a h@i aku o kona komo koke aku la no ia iloko o ak hale," i pane aku ai o Mrs. Simoa.

            "A. nana io ka i hoolaha ae i kela mau olelo a Mrs. Elawoka i kamailio mai ai ia'u e pili ana nou, no ka mea, ke hoomanao io nei au ma kahi kokoke i ka puka aniani ko maua wahi i ku ai kamailio," wahi a Mrs. Alena.

            Hoomau hou mai la no oia i kana kamailio ana i ka i ana mai: "Ma ka'u hoolohe aku i na olelo a pau a kela wahine ua ike koke aku au he manaoino kona ia oe, o kana mau olelo a pau i kamailio mai ai ia'u aole hookahi i komo mai iloko o ko'u waihona noonoo, oia hoi. aole o'u manaoio hookahi no ia mau olelo ana.

            "Aole anei ia he hewa koikoi loa no na kanaka. a he mea ku no hoi i ka hoowahawahaia ka lawe hele i na olelo oioio @le a hakuepa ma o a maanei mamuli o ka manao lili a hoomauhala paha. a hoolaha aku ma o a maanei, oiai nae he mau hewa no hoi paha kekahi o ka mea e niania ana i oi loa @ku mamua o ka mea i manaoionoia?"

            Ua hele ae la ko Mrs. Simoa helehelena ia manawa a keokeo pu, oia no oe o ka lole keokeo i hoopiliia aku ma kona mau papalina, me ka piha pu i ka inaina a e haloiloi mai ana hoi na waimaka ma kona mau lihilihi.

            Aole o Mrs. Simoa i nana nui nona iho. aka nae, o ko Helena hooliloia i mea hoinoia a e hoowahawahaia mai ai @oi e ka lehulehu, oiai nae aohe wahi kiko eleele iki maluna on a, oiai he kaikamahine oia i loaa iloko o kona mare ana me keoni Wilekona, a ua nui loa keia mau olelo hakuepa @ ua lilo hoi i mea hoeha eha loa i kona noonoo. elike no hoi me na makua e ae e makee ana i ka inoa maikai o ka @akou mau keiki, ua lilo ia i mea ehaeha loa no kona noonoo.

            "He oiaio, ua ike o Mrs. Elawoka ia'u a ua maopopo i ko'u noho ana ame ko'u mau ano a pau no kekahi mau makahiki lehulehu i hala," i pane aku ai o Mrs. Simoa. "He hoakula oia no'u a he hoaloha no hoi a'u i aloha nui ia iai maua e hele pu ana i ke kula hookahi.

            Mahope mai, i kona manawa i nele ai i ka home. a nele no hoi ma na ano apau, ua hoihoi mai la au iaia maloko o ko'u home ponoi, a hoolako aku la iaia maloko o ko'u home ponoi, a hoolako aku la iaia ma na mea a pau on a i hemahema. oiai maua e noho pu ana ua piha oia @ ka lili kohu ole ia'u. a no ia manao ino on a ia'u ua hoolala oia i kekahi hana e hoopoino ai i kuu ola.

            "O kana mau mea apau i kamailio aku ai ia oe, ma ke kahi hapa, ua oiaio no, a ma ka hapanui nae o kana moolelo he hoopunipuni ino loa, ina no e hiki ana ia oe ke hoomaopopo iho ma ke ano o kana mau olelo o ke kamailio ana mai ia oe."

            Minoaka iho @a oia me ka walania nui no nae o kona naau. iaia i hoopuka aku ai i keia mau olelo: alaila i ka hala ana o kekahi manawa hoomau mai la i kana kamailio @na i ka i ana mai:

            "He oiaio aole o Mrs. Simoa ko'u inoa pololei. Ua kau @ho au ia inoa maluna o'u i mea e huna ai ia'u iho. i ka wale ia ae ai au e kela ame keia. mahope iho o ko'u hookaumaha loa ia ana, he haawina ehaeha hoi i kau mai maluna o'u mamuli o ka hana imihala a kela wahine. no na olelo a kela wahine e hoole ana aohe makuakane o Helena. aohe pololei o ia olelo, no ka mea, ua hanau o Helena mahope koke iho o kuu haalele ana aku i ko'u home.

            "O keia ka mea nana i hoopiha loa iho ia'u me ke kaumaha, no ka mea. ia'u i ku mai ai a hele. a haalele aku la i kuu home, e hapai ana au ia Helena ia manawa. a he mahina wale no a oi ma ia hope mai hanau aku la o Helena, a o kela olelo hoopunipuni o kela wahine he kaikamahine poo ole o Helena, kuu kaikamahine. e hoike aku @u ia oe i keia manawa, a maanei no hoi. he wahine au i mare kane.

            "O kela hanau ana o Helena ua kaawale loa oia mai na @oohuoi mai a pau a ka lehulehu, o na olelo hoino a kela wahine, he kaikamahine makuakane ole o Helena aohe oiaio o ia mau olelo, a oiai, ke nana aku nei au ia oe, e Mrs. Alena ma ke ano o oe ko'u hoaloha oiaio. a e naioana no hoi ka'u mau meahuna ia oe, a e lilo ana no hoi oe i mea kokua nui ma ko'u aoao, e hoikeike aku ana au ia oe. he hana hoi a'u i hilinai ole aku ai i kekahi mea, o kuu kane hookahi wale no ka i ike, owau nei ame ke kahunapule nana mamua i mare, i kuu palapala mare.

            "Mamua nae o kuu hoikeike ana au ia oe i keia palapala mare. e noi mua aku ana au ia oe mai hoike wale aku hoi oe i ka inoa o kuu kane i mare ai a pela hoi me ke kahunapule nana maua i mare, no ka mea, aole au hoike @ki i keia palapala ia Helena, aole no hoi o'u makemake e ke oia i ka inoa o kona makuakane. no kuu maka'u o ike oia a hele e huli iaia."

            I ka hooki ana iho o kana kamailio ana, huki aku la oia ia Mrs. Alena ma kekahi kihi o ka rumi, alaila huki ae la oia i kekahi wahi eke kilika uuku mailoko aku o kona poli, @ i ka hemo ana ae o ke eke, wehe ae la i kekahi apana pepa mailoko ae o ke eke i opiopiia a uuku, a haawi aku la ia Mrs. Alena.

            No ia noi au ke hoike aku nei au ia oe me ka oiaio loa aole au e huai ae ana ia mau inoa, elike me ia au i papa mai la. no ka mea, he hana aloha ole loa peha hoi ia a'u e hana ai. e Mrs. Simoa." ia Mrs. Alena i wehewehe malie ae ai i ka pepa a hoomaka iho la e heluhelu i na mea maloko o ka palapala mare.

            "Aohe waiwai o keia mea ia'u no ka hooiaio ana mai ia'u elike me kau i papa mai nei. a no ka mea o kau mau olelo apau ua manaoio au, a oiai hoi ua ike maka iho la au i kou palapala mare, e ae mai oe e lilo au i mea kokua aku ia oe ma o ke kue ana aku i na olelo apau e kela wahine ame kana mau olelo hakuepa. me ko'u hoike ole aku i na inoa oloko o kela palapala i kekahi poe." i pane mai ai o Mrs. Alena. i ka manawa ana i hoihoi hou mai ai i ka palapala mare ia Mrs. Simoa.

            "O ko'u makemake maoli ia o kou kue aku i na olelo apau a kela wahine manaoino a hoomauhala, i mea e hoopakeleia ae ai ko Helena inoa. a no ka mea. nona au e ehaeha loa nei, no kona oleloia he kaikamahine poo ole. A oiai ua wawaia ae nei hoi keia moolelo pupuka ke manao nei au he mea pono ia maua ke nee aku i kekahi hale okoa, e ike mai oe i keia he mea maikai ole ko maua noho ana iho ianei a o kela wahine i manaoino ia'u oia ko maua hakuwahine, a malalo aku on a maua e noho ai, in a no aole oia i hoike ae i kona manao makemake ole ia maua e noho iho maanei," a hooki iho la o Mrs. Simoa i kana olelo ana. me ka ula mahanahana o ka mea i piha loa i ka huhu ame ka hilahila pu ma kona mau papalina.

            "O ko kaua manna like aku la no ia, no ka mea, heaha auanei kou maikai ke noho iho ianei me kela wahine maluna ae ou. o kekahi no hoi ua piha loa au i ka hoowahawaha i ka poe e noho nei maanei. no ko lakou hoolilo mai ia oe i enemi no lakou, me ka hoohulipu mai i ko lakou kua ia oe, mamuli o ko lakou manaoio i na olelo hoopunipuni a kela wahine malihini, a mahope hoi o ko kakou noho like ana me ka hauoli iloko o na mahiua lehulehu i hala hope aku nei.

            "Ina aole i hanaia ka palapala aelike hoolimalima a makaukau i nei manawa, a aole no hoi i kakauinoa na aoao elua maluna o ia palapala aelike, manao au he hiki no ia'u ke noi aku ia Mr. Alena e hoopau i ka hoolimalima ana i ka hale i kela wahine, aole hoi e hihi ua paa mua, a ua kaa mai no hoi ke dala. nolaila, e apono loa akuana au i kou manao e nee olua i kekahi hale okoa e noho ai.

            "Aole o'u kanalua iki he wahine imi hoohakaka kela, no ka mea, ma ka hoomaopopo aku ma kana olelo. a ma kona mau ano no hoi ke nana aku, he wahine imi kela i kekahi mea e mokuahana ai ka noho ana mawaena o na hoaloha," wahi hou a Mr. Alena.

            "Aohe o'u kanalua iki no ia mea. a no ka mea ua ike maka au i kana mea i hana mai ai no'u, a o ke kumu nui hoi o ko'u haalele ana au i ko'u home ame kuu kane, a kuewa hele i ke ala me ka waimaka. a me ka hoomanawanui wale no au i aloalo ai i na makahiki lehulehu i hala me ka hoomanawanui ahiki i ka loaa ana ia'u o kekahi hana ame ia hana i loaa ai ko'u pono me ka'u kaikamahine," wahi a Mrs. Simoa me ke kani ana iho o kana uhu e hoike aku an ai ka nui o kona kaumaha.

            "Mai nana aku oe iaia. e ka hoaoha; mai haawi iki oe i manawa nona e hookaawaleia aku ai oe mai keia kulanakauhale aku: elike no me kou ano ka noho malie me ka malama mau ikou kulana lede, pela no oe e noho aku ai nana iaia; elike me kau hana maikai mau oiai oe me a'u ka hoomakamaka aku i kela ame keia, pela no oe e noho aku ai; o ka poe apau e ike mai ana i kou malama mau i ko@ kulana me ka hoolilo i na mea apau i mau hoaloha nou. pela no oe e hoomau aku ai, a i ko lakou manawa e ike mai ai ia olua i ka noho malie me ka hauoli ame ka noho aloha me na mea apau, o lakou no ka poe e kokua mai ana ia olua.

            "Aole e loihi ana ka manawa e ike mai ana no ka poe e nei i ke ano o kela wahine, a @ lilo mai ana oia i enemi no lakou i kekahi la, a e lilo ana kela wahine imihala a hoopunipuni i mea hoowahawaha na lakou i kekahi la, a e pono no oia e lilo i mea hoowahawahaia, no ka mea, ua hana no oia i kona mea e hoowahawahaia mai ai."

            "O, me ka mahalo nui ia oe, e Mrs. Alena, no kau mau olelo i hoolana loa mai la ia'u. oiai ua ku maoli au i ka hilahila mamuli o na olelo hakuepa a kela wahine, aka hoi. oiai ua lohe aku nei oe i na mea oiaio apau mai a'u aku, a e lilo ana oe i mea kokua nui a i mea hoike aku hoi i ka oiaio ma ko'u aoao, ua hoolana loa ia ae la ko'u noonoo ma kekahi ano.

            "Eia hou, ua hooholo au i ko'u manao aole au e haalele i keia kulanakauhale, no ka mea, ua ike maoli hoi au i ka maikai o ko'u ola kino i keia wahi, a oiai aohe o'u makemake e noho hou iho maloko o keia hale, e noi aku ana au ia oe, in a he mea pono ia, e hiki ana no anei ia oe ke hoakaka mai no kekahi wahi kupono a maua e nee aku ai. oia hoi kekahi hale maikai a kkupono o ka noho ana aku me kekahi ohana? Eia nae, ke kanalua nei no au i ka loaa aku o kekahi hakuwahine i like ka oluolu, ka maikai o ka launa ana ame ke ano hoaloha maoli no me oe, e Mrs. Alena," a hooki iho la kana kamailio ana, me ka minoaka ana aku oiai no nae na waimaka e haale mai ana ma kona mau lihilihi.

            "O, loaa ia'u kekahi hale kupono no olua e noho aku ai, e haalele ana kekahi ohana ia Mrs. Foassai i keia la a e l@ aku ana no ko lakou home. He hale maikai no ko Miss Foasai e malama mai nei a he makaala loa no hoi oia i kana poe e hookipa aku ai i kona hale, no ak@ mea oia @ kekahi mea malama hale hoolimalima. o ka poe maikai wale no kana e ae ai e noho aku ma kona hale.

            "E hele koke aku ana au e hui me ia a hoakaka aku @ i keia manao ou. a in a e hiki ana e loaa mai @ kekahi mau rumi kaawale o kona hale no, olu. loaa ko olua wahi e noho ai," i pane mai ai o Mrs. Alena me ka hoihoi. i awili pu ia me ke aloha ia Mrs. Simoa ma.

            "A, pehea ana in a e lohe ana o Mrs. Foasai i kela @ moolelo hakuepa a Mrs. Elawoka e pili ana no'u, aole ana anei kela e hoole mai ana?" i ninau aku ai o Mrs. Simoa. me ke kani ana iho o kana uhu. he leo e hoike aku ana i kona kanalua me ke kaumaha pu.

            "Mai kanalua oe no ia mea. na'u e hoakaka aku ia Mrs. Foasai i na mea apau au i kamailio mai nei ia'u. a oiai he mau hoaloha kaua. a'u no hoi e aloha nui nei nou. no kekahi mau makahiki lehulehu. ke manaoio nei au e hoolohe mai ana no oia i ka'u a e manaoio pu mai ana no, a no ka mea, he hoaloha no oia no'u. a e lilo ana oia i hoahui a i mea hoopakele ia oe ame kau kaikamahine," i pane mai ai o Mrs. Alena me ka hooiaio pu mai i kana mau o ke kamailio ana mai al.

            O ko Mrs. Alena hoomakaukau koke iho la no ia no ka hele ana aku e hooko i kana mau mea o ke kamailio ana mai la. a ua hala he hapalua hora o ia hele ana aaku ana. hoi mai ana a hoike mai la ia Mrs. Simoa he elua mau rumi nani i kaawale maloko o ka hale o Mrs. Foasai no laua e hoi aku ai ilaila, a mamua o ke awakea o kekahi la ae. aia o Mrs. Simoa ame Helena maloko o ko laua home hou. he hale hoi i aneane loa no elike k maikai me ko Mrs. Alena ma hale, koe wale no, he ahua hoi kahi i ku ai o ko Mrs. Alena ma hale, a no ko Mrs. Foasai hale hoi he kahua haahaa a palahalaha ko ko laua hale wahi i ku ai, aole no nae i mamao loa mai ko Mrs. Alena ma hale aku.

            Iloko o na la elua a ekolu hoi mahope mai na nui ka Mrs. Alena hana ma ka hoomakaukau ana no ko laua hele aku a haalele iho i ka hale ia Mrs. Elawoka, eia nae, iloko o ia manawa aole oia i hoonele i ke ku e mau ana aku i na olelo apau e hoinoino ana ia Mrs. Simoa. kona hoaloha, me ka olelo pu aku i ka poe e kamailio mai ana iaia he mau olelo hakuepa a manaoino wale no ko Mrs. Elawoka o ka hoolaha ana ae i kana moolelo oiaio ole.

            Eia nae, iloko no o ka nui o kona kue aku i ka poe e kamailio mai ana iaia i na olelo hoinoino no Mrs. Simoa aohe no ia he mea e pio iho ai o ko lakou manao. no ka hui pu iho me ko Mrs. Elawoka noho haku ana maloko o ka hale o Mrs. Alena ma. a he poe noho hoolimalima aku mea. ua manaoio loa lakou i ka Mrs. Elawoka mau olelo. a ka hapanui o na malihini malalo aku on a, ua lilo kana mau hoakaka a hoike aku hoi ka mea oiaio. i mea hoolohe o'e ia mai.

            "he mau olelo wale no kela ma ka aoao o ka mea hookahi e pili ana i keia moolelo." wahi a Lamasona. ka wahine nana i pahola ae i ka nuhou maikai ole no Mrs. Simoa ma mawaena o ka poe e noho ana maloko o ia hale. he wahine hoi i maa i ka holoholo olelo, ka imihala ame na ano ino no apau. a o ka wahine no hoi a Mrs. Alena i huki aku ai a ma kekahi rumi o laua wale no, a kamailio aku la iaia i ka oiaio ole o kana mau mea o ka hoolaha ana ae e pili ana no Mrs. Simoa.