Ka Nupepa Kuokoa, Volume LIX, Number 37, 16 Kepakemapa 1921 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

WILEBA DANUBA

a i ole

Mai ke Kulana Haahaa a i ka Hanohano

He moolelo i Piha me na Hana

Hoopahohao

------

MOKUNA XVIII

 

            "Auhea oe e ka madame, he liilii loa kahi manolana i koe no ka mea elike me a'u nei ka elema@ule."  wahi a Kapeha Fula, me ka luliuli ana ae o kona poo.  "O ka haalele koke ana mai nei no ia o ka Mekia Bun@ ia'u a mai iaia mai, i lohe ai au i ka moolelo o keia hana pohihihi.  He lunakanawai kana oihana, a oia ka i hoea mai, ma ka manawa i noii pono ia ai na mea e pili ana i ka tuake ana o kuu Dane, a ma kana mau mea apau i hoakaka mai ai imua o'u.  Aole loa he wahi manolana iki, no ko'u ike hou i na maka o kuu Dane."

            "Ua lohe pu no au i na mea apau, elike me ia i hoikeia aku ai ia oe e kuu hoaloha hoomanawanui, me ia mau mea no nae apau, aole au i nele i na manao lana he nui," wahi a ka Madame De Galacia me ka leo kuoo.

            "Heaha kau mau mea i lohe ai e ka madame?"

            "Na mea apau loa, me ke koe ole aku o kekahi mea!"

            "Ua hoikeia aku anei ia oe, ke kulana o ka rumi moe o Dane, i ka wa i loaa aku ai ma ke kakahiaka ana ae?"

            "Ae, ua hoikeia mai ia mea ia'u, ame na mea oiaio i loaa aku, ma ka manawa e noho ana ka aha nieniele."

            "Ua hoike pu ia aku anei ia oe, na ike, no ka ili ana aku o na hoohuoi ana no ke karaima maluna o Konela Gawila kuu keiki?"

            "Aole loa he hookahi mea i koe, i maopopo ole ia'u,ua lohe au i na mea apau au e niele mai nei."

            "Me kela mau mea maopopo loa no, ke mau la anei kou manaolana, aole i pepehiia kuu Dane, a aole hoi i kau aku na ahewa ana maluna o Konela Gawila? Ina e hiki ana ia oe ke hoola hou ae i ka manaolana i make iloko o'u, owau kekahi kanaka kino ikaika loa, mai kela manawa aku, aka heaha na kumu au i hookahua ai i kou mau manaolana? Heaha kou manao, no ka paio hahana i hanaia maloko o ka rumi moe o Dane, ka mea nana i hoomokaki aku i na lako hale apau maloko o kela rumi?"

            "Eia no ka mea oiaio loa, aole he mau hakoko ikaika i hanaia maloko o kela rumi, malia paha e hookahahaia aku ana kou manao, no keia hoakaka, aka eia na hooiaio maopopo loa, no ka pololei o keia mea a'u e hoakaka aku nei imua ou, aole loa he leo kahea, aole he kaplili, aole he nakeke ma kekahi ano i loheia. he oki loa no ma na ano apau. Pehea i hoe ai kekahi kauwa . e moe ana maloko nei o keia hale, i kekahi naekke ma kela po? Aole loa he hookahi mea i lohe he wahi nakeke, he maluhia wale no na mea apau; nolaila e ike mai oe e kuu hoaloha o na hiona i ikeia maloko o ka rumi moe o Dane, pela na hoailona, o ke karaima i loaa aku maloko o kahi waiho lole o Konela Gawila, he mau hana maalea ia ma ka aoao, o ka poe i komo iloko o ka ohumu, no ka hoopoino ana i ke ola o na opio, i wahi e alakai hewa ia ai ka noonoo o ka lehulehu.

            "He hana maalahi loa na kekahi mea, ka hoohina ana i na noho a mokaki ilalo, me ka lohe ole ia o ka nakeke, pela hoi ka uhaehae ana i na pale puka aniani, me he mea la ua lawelaweia kekahi hana aumeumeme mawaena o ka mea pepehikanaka me Dane."

            "Heaha kau hoakaka e pili ana no na kihe'ahe'a koko maluna o ka papahele?"

            "He mau kulu koko kela mai ka lima mai o kekahi mea iwaena o ka puulu o ka poe kolohe, i wahi e nalowale ai ka lakou mau hana kolohe."

            "Ua hooiaioia mai kahi o kela mau kulu koko i hoea mai ai, ma o na mea oiaio la, i loaa aku maloko o kahi waiho lole o Konela Gawila."

            "He mau hana maalea wale no kela, i hanaia no ka hooili ana aku i na ahewa ana, maluna o ka mea hewa ole."

            "Alaila, e olelo mai ana anei oe, aole i lihi lauana aku o Koneala Gawila, kuu keiki, ma keia karaima pohihihi?"

            "Aole loa he wahi lihilihi i ki o ka hewa i kau aku maluna on a! He keiki oia nau, ua aloha aku oia ia Dane me kona puuwai apau, pehea oe i manao ai, e hana oia i ke karaima pepehikanaka maluna o kana wahine mare?"

            "Na ke Akua e hoomaikai mai la oe, no kena mau olelo e ka lede maikai, no ka mea ua ike au, aole e hana kuu keiki i keia hana karaima!"

            "Ke olelo hou aku nei au imua ou e kuu kapena, aole loa he karaima pepahikanaka i hanaia, aka ua lawe aihua maoli ia o Dane, a no ka uhi ana i kela karaima ekaeka o ka hilahila ole. ua waiho iho ka poe aihue mahope nei, i na hoailona maopopo loa e hiki ole ai ke kanaluaia ua pephi aku ke kane i kana wahine a make.

            "E hoolohe mai oe i ke kumu nui i ko'u manaoio ana, ua aihue maoli ia kuu kaikamaine, aole i pepehiia a make. Hemea pono nae ia'u ke hoihoi aku i ka'u mau hoakaka ana ihope, i na kamalii a kuu kaikamahine. Malia paha ua hoakaka aku kuu loio imua ou, i ka moolelo, o ka lawe aihueia ana o kuu kaikamahine. a na wahine kilokilo. aole anei pela e kuu kapena?"

            "Ae, ua hoakaka mai oia ia mea ia'u."

            "Pehea, ua hoike aku anei oia, i ke kumu o ke ala ana mai o kela hana aihue?"

            "Aole ana mea i hoakaka mai ai. mawaho ae, o kela lawe aihueia ana."

            "Aole he mea e ae i maopopo i ke kumu o kela aihueia ana o kuu kaikamahine, i kona wahi wa liiliii loa, owau wale no o kona makuahine. Ua ike au i ka mea nana kela hana, ame ke kumu o kona hana ana pela. ua hiki loa ia'u ke hua'i ae i na mea oiaio, pili ana i ka hana i hookoia aku maluna o kuu keiki.

            "Ma na mea apau e hoopuni ana i keia ola ana, ua lawa loa au i na hooiaio. no ka hookau ana aku i na ahewa'ana maluna o kekahi kino kanaka, o ka mea wale no nana i kaohi mai, i ko'u hana ana aku pela. aole he mau hooiaio ma ke kanawai, e hiki ai ke ahewaia ua kanaka nei.

            "Aole loa au i hoike aku i keia mea a'u e kamailio aku nei ia oe, i kekahi kino okoa aku mawaho ae ou ' o ko'u hana ana aku pela, he hooiaio okoa ana ae no ia i ka'u puupepa hahau, mamua o ko'u paani ana aku, a ma kekahi olelo ana ae hoi, he haawi ana aku ia i ka mea hana karaima, i manawa nona e hoomakaukau ai iaia iho ; ke paa nei have kuu manao, ua hiki ia'u ke hilinai aku maluna ou. no ka nalo o keia meahuna."

            "E kau mai i kau mau hilinai ana apau maluna o'u e ka madame. O ke aloha iloko o'u no kau kaikamahine, he mea auanei ia nana e kaohi mai i na manao uilani iloko a'u no ka hua'i wale ana ae i kekahi mea, e kau aku ai na hopoino ana maluna on a."

            "Aole o'u kanalua iki no kou malama loa i keia meahuna, nolaila akahi au a hoomau aku i ka'u moolelo. O ke kanaka i komo kuhohonu iloko o keia hana karaima ekaeka loa, oia no ke kaikaina muli loa o kuu kane, ka Makuika De Galacia i keia manawa. Ua manaoio loa au, mamuli o ka makemake o kela kanaka, i lawe aihueia ai kuu kaikamahine mai ia'u aku, no ka manawa mua loa."

            "Auwe no ka hoi e! O ka makuakane hanauna ponoi anei o Dane, ka mea kupono loa e lawe aku i kaikamahine nana, me he mea la nana ponoi, oia anei ka mea nana kela hana puuwai eleele, oiai nae, o ka mea pono, e lilo i makuakane no Dane, ma kahi o kona makuakane i make? Heaha iho la ke kumu nui o ka hoopoino ana o keia makuakane i kana keiki?"

            "Eia no ke kumu nui, o ka puniwaiwai, ame ke ake hanohano! Ma ka make ana aku o kuu kane, a makuakane hoi o Dane, ua holo mai la kona mau waiwai apau maluna o kana kaikamahine wale no, a hooneleia aku la kona kaikaina, nolaila in a e make ana kuu kaikamahine alaila e holo hou aku ana na waiwai apau ihope i ka ohana o kona makuakane oia no kona kaikaina ponoi."

            "O, e kuu lede maikai, mamua o kou hoahewa wale ana aku i kekahi mea he pono, e maopopo ia oe kau mea e kamailio nei!" me ka eeke ana aku o Kapena Fula, no ka piha manene, i keia moolelo ku i ka hoehaeha ana e hoolohe mai la.

            "Ua maopopo loa ia'u keia mea a'u e hoike aku nei ia oe, o ka mea wale no i koe, o ia ka nele i na hoike oiaio loa, malalo o ke kanawai, no ka hooiaio ana i na mea apau. E oluolu oe e hoolohe hou mai! I ka wa i make aku aio kuu kahe, ua holo aku la kekahi waiwai nui maluna on a, pela hoi me ka inoa hanohano i kau aku maluna o kuu kane iaia. He kulana ilihune ko keia kanaka, a ua komo nui oia iloko o ka aie, o ka alahele e hookaaia ai o kela aie, hookahi wale no ka mea i kuleana i kekahi waihona dala nui, ame kekahi mau aina e ohi ana i kekahi loaa makahiki mahuahua.

            "I wahi e hookaaia aku ai kona mau aie apau, pela hoi kona noho iloko o ka hanohano ame ka waiwai, he mea pono, e kaawale loa kuu kaikamahine, ka mea e ku la mawaena ona ame ka waiwai.

            Ma ka manawa o kona hoea ana ae no ke Kakela De Galacia, no ka hooponopono ana i ka hoolewa o kona kaikuana, a no ka noho on a ana aku no hoi maluna o kekahi mau waiwai, ua noi mai la oia ia'u e ae aku e noho mai maloko o ke kakela ma ke ano he malihini, elike me ka loihi ana i makemake ai. "Aole o'u hoihoi iki i kela kauaka mai kinohi loa mai no o ko'u ike ana iaia, he manao no hoi ko'u, e hoole aku i kana noi. o ka nana ae hoi he@@@@@ia no ke kaumaha, he mea maikai ole no'u 'a hoike okoa aku i ko'u manao hoihoi ole iaia, ua haawi @@@@ la au i ka ae, e noho pu mai no oia me makou, no kekahi manawa, a hala ae na la o ke kanikau.

            "He ekolu wale no pule, o kela noho pu ana o makou, ua nalawale honua iho la kuu kaikamahine, ma kekahi ano kupaianaha loa. eia nae o ka manaoio o na mea apau, ua make kuu kaikamahine, mamuli o ke piholo ana iloko o ka wai.

            "He malie maikai kela manawa a makou e noho ana. me ka hookuuia o kuu kaikamahine, e hele e holoholo ma na wahi apau o ka pa, malalo o ka malama ana o kona kahu hanai, oia no o Ela. kela wahine e noho pu nei me a'u. Ma kekahi la, ua hele loa aku la ka laua holoholo ana ahiki i kapa o ka muliwai, he wahi hoi i ulunui ia e na kumulaau ame na laauhihi.

            "Malalo o kekahi kumulaau nui, i noho iho ai o Ela, no ka hoomaha ana, a hookuu aku la i kuu kaikamahine e hele e ako i na pua, e ulu mokaki mai ana ma kela wahi. E ako ana kuu kaikamahine i na pua a nui. alaila hoihoi mai la ia Ela, a pela aku ana e hele ai, a hoihoi mai ana no a haawi i na pua ia Ela ; i kekahi hele ana aku nae, ua hala okoa kekahi manawa loihi, me kona huli hoi ole mai, ahiki i ke ku okoa aua ae o Ela iluna, a kahea aku la me ka leo nui o kuu kaikamahine, oiai he aliali ka wai ke nanaia aku.

            No ka pane ole ia ana mai o kela leo kahea, holo okoa aku la oia iloko o ka nahelehele. me ke kahea ana no me ka leo nui, aole nae he wahi mea a loheia aku o kekahi pane. Komo okoa aku la oia iloko o na laau hihi, ke kiei la me ka huli ana, aole he wahi hoailona iki. no ka loaa o ke kamaiki iaia.

            Holo okoa aku la oia nolalo o ke kahawai, ua hele o kapa o ke kahawai a paa loa i na laauhihi; e hiki ole ai i kekahi keiki uuku, ke hele ma kela wahi, aka nae ma kekahi wahi ponaha uuku, ike aku la oia i ka momoe o ka nahelehele, iaia o ka hoea ana aku ma la wahi, o ka mea mua loa i halawai mai me ka ike a kona mau maka, o ia no ka mae o ka mauu, me ka hakihaki hoi o na lala liilii o kekahi laau. hoomanao iho la keia, ua haule paha ke kamaiki

            "Me kela manao kuhihewa, ua piholo kuu kaikamahine iloko o ka wai.

            I mea e hoopauia ai kona pohihihi, kiei aku la oia iloko o ka wai, he oiaio, e lana mai ana kona papale, a e kau ana hoi iluna o kekahi lalalaau, he apana o ka lole o ke kamaiki, aole nae he wahi hoailona, no ka ikeia aku o ke kino make iloko o ka wai, ua uwe kaplili ae la o Ela, me ka holo awiwi ana mai no ke kakela, a pahola ae la i ka nohou kaumaha, no ka poino ana o kuu kaikamahine, i piholo iloko o ka wai, a ua nalowale kona kino."

            Ma kela wahi, hiki hou ole aku la i ka Madame De Galacia ke kamailio, no ka mea, ala mai la kana mau hoomanao ana, no kela mau makahiki loihi o ka ehaeha ana i hoomanawanui ai i ke aloha o kana kaikamahine.

            Ua komo pu aku iloko o Kapena Fula, kela manao aloha, elike me ia i loaa i ka madame, ke noho mumule mai la no nae oia, me ka pane ole mai. a i ka hala ana nae o kekahi manawa pokole. o kela noho hamau ana, ia wa i hoomau hou mai ai ka Madame De Galacia i kana kamilio ana:

            "He mea hiki ole paha ia'u ke hoike neepapa aku, i na mea i hanaia mahope mai, ame ke ko'iko'i o na haawina i ili iho maluna o'u. Ua hiki no nae ia oe ke hoomaopopo mai, ame ke ko'iko'i o na haawina i ili iho maluna o'u. Ua hiki no nae ia oe ke hoomaopopo mai, i ka wa i pohala ae ai ka lono hoohikilele, no ke piholo ana o kuu leialoha iloko o ka wai, ua holo koke aku la na mea apau oloko o ke kakela no kahi o ka muliwai. me ka laweia ana mai o ka papale, @ laweia aku e ka wai a paa mawaena o kekahi mau pohaku nunui.

            "Ua noke ia ke kino o kuu lei i ka huli, me ka luuia ana oloko o ka wai, aole nae he mea i loaa aku. Ua hoomaloo okoa ia ka wai mahope mai. me ka nui o na hoolilo no kela hana nui. aole no he kino i loaa aku. nolaila o ke kiolaia ana o ka papale iloko o ka wai. pela ka uhaeia ana o kekahi apana o ka lole, a kau iluna o ka lala laau, he mau hana wale no kela no ka pulapu ana mai i ka lehulehu, i wahi e manaoia aku ai. ua piholo maoli no kuu lei iloko o ka wai a make loa.

            "Mamuli nae o kela hoomalooia ana o ka wai o ke kahawai. a hui pu me na mea e ae i hoomaopopoia, ua lokahi ka manao o na mea apau, aole i lihi launa aku kuu kaikamahine i kahi o ka wai. O kela mau hana neii apau. pela me na manao i komo aku iloko o ka lehulehu. uo ka ualowale ana o kuu lei ma ke ano pohihihi loa. @@@ owau pu kekahi iloko o ia mau hana apau, e waiho ana no au iloko o ko'u ehaeha me ke kaumaha. Ehac@a hoi no ka hala ana aku o kuu kane, ma kela ao. a ehaeha hoi. no ka nalowale ana o kuu keiki i aloha nui ia.

            "I ka hala ana uae o na la o ko'u kanikau ame ke kaumaha, no ka'u mau mea aloha, a hoi pono mai la @@ ikaika i ko'u kino, me ka hoomaopopo pu ana iho i ke kulana oiaio mawaena o'u. ame ka makuika hou. ua hoomaka akula au e ninaninau ma na wahi apau, in a paha ua ike@a kekahi kaikamahine uuku, me ka lauoho ulaula, o ka mea i hoikeia mai ia'u, o iano ka ikeia ana he kaikamahine o kela ano e hele pu ana me kekahi puulu o ka poe kilokilo. Me ka hoohakalia ole iho, hookolo aku la au mahope o kela puulu, ua hookolo aku au ia lakou a hoea loa no Ladana, ma keia mau wahi apau a'u i kipa aku ai, o ka pane i hoikeia mai no ka'u mau ninau. o ia no ka ikeia ana he kaikamahine uuku ulaula o kona lauoho, e hele pu ana me ka puulu o ka poe kilokilo. Maloko nae o Ladana, i nalowale ai kela poe, me ka maopopo ole o ko lakou wahi i hele aku ai."

            ?Ma ia wahi, he hana maalahi loa ka hoomaopopo ana, i ko lakou wahi i hele aku ai, o ia no ko lakou hele ana no Livapulu, a kau aku maluna o kekahi mokuahi e holo ana no Amerika, pela paha oe i lohe hou ole ai no lakou." i pane mai ai o Kapena Fula.

            "Ae, ua koho au pela, a o ke kumu no hoi ia. o ko'u holo ana no Europa, malaila e hoomau aku ai ka huli ana i kuu kaikamahine nalowale. Aole nae he mea a'u i ikenona iloko o na makahiki he umi a oi, o na hooikaika ana. a ma ka ulia laki wale no. i ike ai au i kona kii ma Italia.

            "Aole loa au i huli hoi hou aku no ke Kakela De Galacia, mai kela manawa mai a'u i haalele aku ai i ka home o kuu kane. ahiki i keia manawa a kaua e kamailio nei. Ua paa maoli no kuu manao o ka Makuika De Galacia, ka mea nana i hoolimalima, kapuulu o ka poe kolohe, na lakou e aihue i kuu keiki, me ko lakou ukuia aku i kekahi puu dala mahuahua.

            "Aole a'u mea e ae i hoakaka aku ai i keia mea o oe wale no, a ua hakilo au no kekahi manawa i na hana a kela kanaka, ua hooiaio mai ka'u mau mea apau i noonoo ai nona ame kana mau hana, koe wale no nae, ke kaa ole mai malalo o ko'u malu, na hooiaio, no kona hewaia malalo o na kanawai o ka aina.

            "Ua loaa ia'u na kumu kupono apau e manaoio ai, ma kona ano he kanaka hanohano loa no Palani, ua komo pu aku oia iloko o ka puulu o kekahi hui hana i na karaima puuwai eleele, mai na kane a na wahine, a aia ko lakou keena po maloko o Parisa, me ka hoonohoia nae o na akena ma na kulanakauhale nunui aupuni ka honua nei. Aia iloko o na puulu like ole, mai ka poe hanohano ahiki aku i ka poe haahaa keia mau akena kahi i noho ai, ma keia hana ekaeka, he poe hoi i hoohiki ia lakou iho. no ka hoolilo ana i ko lakou mau hoa kanaka. i mau pio na lakou. ma ko lakou aina ilio. a ma na aina mamao, ma ka aina hoi a ma ke kai. he mau puulu hoi. i kamaaina i na makai, aka i hiki ole nae ke kau aku na lima o ke kanawai maluna o lakou, mamuli o ko lakou piha i ka maalea ame ke akamai loa."

            "O keia moolelo au e ka madame e kamailio mai nei ia'u, he ku maoli i ka menemene," wahi a Kapena Fula.

            "O keia maoli no ka mea oiaio @oa e kuu hoaloha ; ma o na akena la o keia puulu lapuwale, i hookoia ai ka hana aihue maluna o kuu kaikamahine, no ka elua o ka manawa, aka e hoi hou kaua ihope, i kahi a kaua i haalele aku nei.

            "no ka hooiaio ana aole he karaima pepehikanaka i hanaia, ke noi aku nei au ia oe e noonoo, i ke kulike loa o na mea i waihoia iho e ka poe kolohe, ma kela aihue mua ia ana o kuu keiki, me keia aihue elua ia ana. Ma keia mau hana a elua ua kulike loa, ma ke ano, he make ka mea ka mea i hanaia. oiai nae. aloke o ia ka mea oiaio, aka he mau hana hoopuhili wale no ia e hoohuoi ole ia aku ai kela puulu kolohe. Ma ka nalowale mua loa ana o kuu keiki, ua waihoia iho ka hoike no ka make ana, mamuli o ke piholo ana iloko o ka wai ; a ma keia hana elua hoi, ua waiho hou ia iho ka hoailona o ka make, i pepehiia e ke kane mare."

            "Auhea oe e ka madame, he hookahi mea nana i hoopohihihi loa mai i ko'u noonoo, pehea la keia poe i hoopakele ai i ke ola o kau kaikamahine i kona wa liilii, pela hoi ma keia manawa i kanakamakua ai oia, me ko lakou pepelii ole iaia a make oiai e noho ana malalo o ko lakou malu. Aole he hana nui na lakou, ka hoopokole ana ae i ke ola ana o ka lakou pio, in a ia he mea e nalo ai ka lakou mau hana karaima."

            "ma ia mea au e hoakaka mai nei e kuu kapena. o ka'u mea i lohe ai, aia kekahi kanawai paa iloko o kela puulu o ka poe puuwai eleele aole loa lakou e hookahe i kekahi koko, koe wale no no ke kupale ana i ko lakou mau ola iho. Aole i maopopo ia'u, ke kumu nui, o ka hanaia ana he kanawai paa o kela ano, aka o keia nae ka'u mea i lohe ai apuni o Parisa. Ma keia mau mea apau a'u i hoike aku nei imua ou, e hoomaopopo mai ai oe i ka mea oiaio maoli, o kela mau hoailona, no ka hanaia ana o ke karaima pepehikanaka, he mau hana pulapu wale no ia. no ka uhi ana i ka lakou hana kolohe.

            "Eia hou keia, o ka holopono ana o ka hana a keia puulu, i ka nana aku, aia maloko ponoi nei o kou home kekahi poe, na lakou i lawelawe i na hana, e hoomaalahiia ai ka hana aihue, e laa ka hookomo ana i ka laau hoohiamoe, iloko o ka waina, e inu ai o na opio, a i ka hoolulumi ana o ka makehiamoe maluna o kau mau keiki, o ko lakou wa ia e komo aku ai maloko o ko laua rumi, a hana i ka lakou mau mea apau i makemake ai me ka holopono loa. O keia maoli ka mea oiaio e kuu kapena maikai a hoaloha hoi iloko o ke kaumaha, e manaoio mai oe ia'u, no ko kaua hoea ana mai i ka moali pololei e hookolo aku ai mahope o kela puulu, ahiki i ka loaa ana o Dane me ke kanalua ole."

            "Ke kalokalo ae hei au i na lani, e hoea mai i ka hookoia ana o kena mau mea apau au e hoakaka mai nei. Ua haawi i'o mai oe he manaolana. a e loaa hou ana i kuu kino ka ikaika,, ka mea hiki ole i na laau a na kauka ke hana mai. No na kokua maloko nei o kuu home, ke pohihihi nei au, no ka mea he poe kauwa kahiko lakou apau, i loaa ole he mau hoohuoi ana mai ia'u aku no kekahi o lakou!"

            "Aole anei au mau kauwa hou, o ka hoolimalima ana mawaho ae o kela poe maua?" "Alaila e noonoo ae au!" me ka wa'uwa'u ana ae o Kapena Fula i kona poo. "He oiaio he wahine Palanai lawelawe, ka i hele pu mai me Dane mai Parisa mai, a o ka lua he kuku a'u o ka lawe ana mai Wakinekona mai, o keia ka mea malihini o ka noho hana ana mai ma kuu home nei."

            "O kekahi o keia mau kauwa, ke kokua o kela poe kanaka aihue, a i ole o laua no paha a elua. O ka'u kauoha wale no ia oe o ia ke kahea ana aku i kela mau kauwa, e hele koke mai i keia manawa, no ka niele ana aku ia laua."

            "Ke ike aku la au i ka naauao o kena hoakaka au, a e hoea mai ana kela mau kauwa me ka hakalia ole," wahi a ke kapena aoo, me ka hookani ana aku i ka pele kahea me ka ikaika.

            Aole i loihi kela kakali ana aku, oili mai la o Mana, ka wahine Paele, a o ia ka Kapena Fula, o ka i ana aku me ka leo kuoo. "Ke makemake nei au e hele koke aku oe e hoike i ka wahine Palani, lawelawe o Dane. pela hoi me ke kuku Palani e hele mai i keia manawa!"

            "E kala mai oe e kuu haku aole kela mau kauwa maloko nei o ke kakela, aka ua haalele mai laua i ka noho hana hou ana maanei nei.

            "He oiaio anei keia mea au e kamailio mai nei ia'u?" wahi a Kapena Fula, me ka hoike okoa ana mai o kona ano i ke pihoihoi.

            "Ae, mahope koke iho o kela hoopuia ana o Konela Gawila, ua hoike mai la laua uo ka makemake ole e noho hou iho mahope ka pepehiia aku laua a make, a o kekahi no hoi, aole o laua makemake e hoohihia wale ia aku no kela karaima pepehikanaka. Me ka nana ole ae no ko laua uku, no ka hapaha mua o ko laua hana ana maanei nei, koi paakiki mai la kela mau mea ia Miss Hiki, e hooku aku ia laua, nolaila i ka wai i ku mai ai ka mokuahi, ka la mamua aku o nehinei, o ko laua kau aku la no ia, holo aku la no kahi i maopopo.

            "Aia hoi paha la, he hooiaio ana mai kela i ka polol o ka'u mau mea apau i hokaka aku ai imua ou e kuu kapena, na kekahi poe maloko nei o keia home i kokua a@ i ka holopono o ka hana puuwai @@@@@@@ ua @@emi," i pau mai ai ka Madame De Galacia. "Ihea ke awa a ka mok@ahi iholo aku ai?"

            O kona awa maamau e holo ai, i ke kulanakauhale ia o Holakimoa, kekahi awakumoku ano nui loa ma ke aupuni."

            "Ina pela, he hookahi wale no mea ano nui a kakou e noonoo ai i keia manawa, o ia no ka imi ana aku ma na ana apau, i wahi e loaa ai o Dane. He hana ka kuu loio ma @@ kulanakauhale o Nu Ioka, ma ka la apopo oi e haalele mai ai no kela kulanakauhale, maluna no oia o kela ka nana i lawe mai ia kakou i nehinei. E hoomakaukau kau i kekahi olelo hoolaha, a waiho aku iloko o kona mau lima no ka hookomo ana maloko o na nupepa apau. me ka haawi ana i kekahi uku makana kiekie i ka mea e hoike m@@ ana, i kahi e oaa aku ai ka kaua kaikamahine/nalowale No kaua hoi e kuu kapena maikai, e noho no kaua ma kela wahi, me ka hoomaka ana aku e noii pono, i na mea apau e pili ana i ka hana hookauia aku maluna o Dane. Ao@@ o'u kanalua, no ka loaa o kekahi hale hoolimalima kupono e noho ai no kekahi wau la."

            "Ua maikai kena manao ou e ka madame no ko kau hoomau ana i ka noho ma keia wahi, a iloko no hoi o manawa hookahi, e hoomaka koke aku e noii pono i na mea apau, e hoopuni ana i keia hana pohihihi, a o keka@@ no hoi, no ka haawi ana aku i na hooluolu ana i keka@@ mea e noho mai nei iloko o ke kaumaha. a i hookauia aku hoi na ahewa ana maluna on a. Ke mailio nei au i Konela Gawila."

            "Ae, kuu keiki! Ke apono aku nei au i kou manao kuu kapena maikai."

            "Auhea oe e ka madame, ke lana nei ko'u manao. aole @@ e hoehaeha mai ana ia'u. ma kou hoao ana e imi aku i wa hou e noho ai ; aka e hoomau aku oe i ka noho ana ma ke home nana e hoomalumalu nei i ko'u poo elemakule. Ao@@ no he kupono o ko'u home nei, no ka hookipa ana mai oe, no ka mea, ua oi loa aku @@ nani ame ke kilakila o k@@ mau home. ma Italia ; aka. malia ua oi ae ka oluolu o @@ noho ana maanei, mamua o na ha @@ hoolimalima.

            "He kanaka au i maa i ka noho hookahi, aka nae, e kekahi wahine, i maa i ka malama hale ana, nolaila ao au hopohopo ana ke noho iho maloko o keia home, a o ka'u e nonoi aku nei i kou oluolu, e hoolilo oe i keia home i home nou, oiai oe e noho ana maanei nei."

            "Ke hoomaikai aku nei au ia oe e kuu hoaloha, a @@ nani hoi ia, ua kono mai la oe ia'u, e noho aku ma kou home nei, ke haawi hou aku nei au i ko'u mahalo he nui ia o@ E noi aku ana au ia oe e kuu kapena maikai, e hookuu @@ ia'u no kekahi mau hora. no ka hui kukakuka pu ana @@ ko'u loio." me ke ku ana ae o ka madame iluna, a haalele mai la laloko o kena keena, no ka hele ana aku e hui @@ me Mr. Danuba.

            Hele pololei loa aku la ka Madame De Galacia noloko ke keena waiho buke. alaila kauoha aku la i kekahi kauwa lawelawe e hele mai e hoike ia Mr. Danuba. no kona makemake e kukakuka pu me kela keonimana opio, no @@ mea pono e hana aku ai. i wahi e loaa ai o Dane.

           

MOKUNA XIX.

 

            Ma ke kakahiaka o kekahi la mai, i kulike ai me na @@ i kukukaia mawaena o ka Madame De Galacia a@@ Kapena Fula, ua haalele iho la lakou i ke kakela ; ua @@ hou aku la ko loio opio no Wakinekona, a hala aku la @@ o Kapena Fula me ka Madame De Galacia no ke kulanakauhale, i hoopaaia ai o Konela Gawila he paahao no karaima pepehikanaka.

            No kaua nae e ka makamaka heluhelu, e hookolo @@ kua mahope o ka meheu o Kapena fula ame kona koko lua.

            Ua haalele iho kela mau mea, maluna o kekahi kaa @@mama oiai o ke alahele wale no ia e hiki aku ai i ke kulanakauhale kahi hoi o Kanela Gawila i hoopaa ia ai.

            O ka mamao e holo aku ai mai ka Mokupuni Fula makahiki i ke kulanakauhale ihoopaaia ai o Konela Gawila aia ma kahi o ka iwakalua mile, eia nae, mamuli o ka ikaika o na lio e huki ana i ko laua nei kaa, ma ka @@umi-kumamalua no o kela la, i hoea aku ai no ke kulanakauhale, a holo pololei loa aku la no kahi i ku ai o ka hal@@paahao.

            Aole he pohihihi o kahi i ku ae o kela hale, aia ma kekahi o na alanui ano nui o ke kulanakauhale, a ma ka aoao akau mai hoi o ka halepaahao e ku ana ka hale hookolokolo a ma kekahi aoao mai hoi ka makeke o ka lehulehu.

            Aole he hookolokolo ma kela la a alaua nei o ka hoea ai aku, aole no hoi ia he la no na kanaka mahiai e lawe mai ai i ka lakou mau mea kuai no ka makeke, nolaila, he k@@ kaikahi wale no na kanaka e holoholo ana ma ke alanui ia lana nei i hoea aku ai.

            Ma keia ku ana aku o ko laua nei kaa mamua pono o @@ halepaahao, kahea aku la oia i kekahi kiai e hele mai. haawi aku la i kona pepa inoa. no ka laweia aku e haa@@ i ka lunapaahao nui, aole no hoi i loihi aku kela haalele ana mai a ke kiai, huli hoi hou mai la oia. a olelo mai ua ae mai ka lunapaahao iaia e komo aku iloko.

            Lawe pololei aku la ke kiai ahiki i ke keena i hoopaa ai o Konela Gawila, ia wa i pane aku ai ke kiai i kana pahao: "Eia kekahi keonimana, i makemake ike ia oe alaila wehe ae la ke kiai i ka puka, a hookomo aku la Kapena Fula iloko.

            I kela komo ana aku a ke kapena aoo. ike koke iho oia i ke aho o kela keena. he hookahi wale no wahi pukaaniani uuku, mailaila mai ka malamalama e komo ai iloko o kela rumi uuku me ha haiki pu. Ke @@ pu la no @@ oia i kekahi moe, i like aku me ko ka na koa. pela me kekahi wahi pakaukau uuku. ame kekahi noho laau.

            Aia o Konela Gawila ke ku la ma ka puka aniani n@@ iwaho. ai kela komo ana aku a Kapena Fula iloko, h@ mai la oia nana. a i kona ike ana mai no i kona makuakane o kono holo mai la no ia, a puili mai la ma ka ai o kona makuakane.

            "O ka'u no ia e kakali aku nei o kou hoea mai e k@@ makuakane!"

            "Ae e kuu keiki owau no keia!"

            O kela ae la na olelo hikimua o ka hoolauna mawaena o ke keiki ame ka makuakane. alaila hoomau hou mai o Konela Gawila. i kana kamilio ana:

            "Mamuli o keia hoea ana mai la ou e kuu makua pehoi ke ano o kou ike ana mai la @@@ ihoike @@@ mai oe, no ka oiaio ole, o na kumu hoopii i kahihiia mai maluna o'u: pela anei e kuu makuakane maikai?"

            "Aole loa o'u manaoio iki he wahi lihi iki kekahi o @@ ahewaia maluna ou e kuu keiki a ke hoahewa loa nei @@ i ka Mekia Buna, no kona kakauinoa ana i ka palapala hoopaahao ana ia oe.

            (Aole i pau.)