Ka Nupepa Kuokoa, Volume LIX, Number 36, 9 September 1921 — Page 7

Ka Nupepa Kuokoa

 

 

He Moolelo no

WILEBA DANUBA

a i ole

Mai ke Kulana Haahaa a i ka Hanohano

He Moolelo i Piha me na Hana

Hoopahaohao

 

Ke lana nei ko’u manao, aole oe e hoole mai ana i ka’u kono no kou hoea mai i ke kakela i keia ahiahi, no ka nanea pu ana me makou,” i kamailio aku ai o Kapena Fula maiuka aku o ka aina.

“Ina aole a’u mau hana o keia ahiahi, malia o hoea mai au,” i pane aku ai ka Mekia Buna, me ka leo ano kakanalua.

Ma kela mau olelo mawaena o na hoaloha a elua, o ka huli hoi aku la no ia o ka moku a koe iho la hoi o Kapena Fula me kana mau malihini, a o ia ka ua kapena nei i namunamu iho ai:

“Aia kekahi pilikia nui i loaa i ka Mekia Buna. Aole e hiki ia’u ke noono pono i ke kumu loli loa o kuu hoaloha, koe wale no paha. ke ano opulepule o kona noonoo.”

 

MOKUNA XVI.

 

Pii awiwi aku la lakou nei a hoea no ke kakela, ke nana la o Kapena Fula, ua paa na puka o ka hale i ke paniia, aohe he maaloalo mai o na kanaka, o ka hele aku la ua kapena nei, a hookani aku la i ka bele kahea, me ka hoonaukiuki, aole no hoi i emo iho, ua weheia mai la ka pika, a oili mai la o Mana, kekahi o na kauwa lawelawe, a o ia ka ua kapena nei o ka ninau ana aku:

“Eila ihea ko mau haku, e nalowale nei- Aia anei laua mahope o ak hale, kahi i nanea ai. E alakai koke aku ia makou noloko o ka rumi hookipa, alaila kii aku i ko mau haku, no ak hele ana mai e halawai me na malihini!”

No ka nui loa o kela mau ninau i ka manawa hookahi, ua pioo maoli ke kauwa, me ka hiki ole iaia ke pane mai, alaila pane hou aku la ke kapena i ka i ana aku:

“I aha ana ka hoi oe e ku mai nei, heaha kou mea hele ole aku e kii i ko mau haku e hele mai?”

“E kii ae au ia Miss Hiki, oia ka mea kupono nana e hoike mai i kou mau manao apau.” i pane mai ai ke kauwa, me ke komo koki ana aku iloko o ka hale, alaila huli ae la o Kapena Fula a kamailio mai la i ka Madame De Galacia:

“E huikala mai oe ia’u, no keia ano o ko kakou hookipaia ana aku, he keu maoli ka hemahema o na kauwa, aka nae, na’u no e lawe aku ia olua noloko o ke keena hookipa,” o ko lakou nei komo aku la no ia iloko, me ke alakai ana au o ke kapena aoo i kana mau malihini noloko o ke keena hookipa, a hoonoho aku la i ka Lede De Galacia maluna o kekahi koki.

“E hoomanawanui iho oukou, ma ka noho ana maloko nei o keia keena, a hele ae hoi au e nana, eia la ka poe o keia hale ihea e nalowale nei. He hookahi kumu a’u e koho nei, o ko kakou ike ole i na opio, aia paha laua ma kekahi wahi, kahi i nanea ai, a no kela kaikamahine Paele, ua puiwa maoli paha oia, no kei hoea ana mai nei o kakou, me ka maopopo mau ole iaia.”

Ma keia wahi, he mea pono i ka mea kakau moolelo, ke hoakaka iki aku. I kela wa o ka hoohuli ana mai o ka moku holo, aia mau ka hopohopo iloko o ka Mekia Buna e halawai ak i ana kona hoaloha ame kana mau malihini, me kekahi haawina kaumaha loa, no kela noonoo nui iloko ona, i hoohuli hou mai ai oia i ka moku no ka uwapo, a lele aku iuka, me ka pii ana mai no kahi o ke kakela.

O ke ku ae ia o Kapena Fula, a hele aku no ak huli ana i kana mau keiki, komo ana no ka Mekia Buna, ma ka hele pololei ana aku a paa ma ka poohiwi o ke kapena aoo, a ka mailio aku me ka leo malioe loa, i ka i ana aku:

“E kala mai oe ia’u e kuu kapena maikai, no keia ukali ana mai la mahope ou, aka nae, ke nonoi aku nei au ia oe, e hele ae kaua ma kekahi wahi mehameha, oiai he mea ano nui loa ka’u i makemake ai e hoike aku ia oe, me ka lohe ole mai o kekahi poe.”

“O e waiho aku kau hana amahope, aole he mea nui e ae iloko o kuu noonoo, no ka pono no ia o ka’u mau malihini.”

“O, e kuu kapena maikai, e waiho malie iki aku oe i kau mau malihini no kekahi mau minuke, ahiki i kou lohe ana i ko’u mau manao hoakaka.”

“Aohe a’u hoolohe ana aku i kau mau olelo, aia hoi paha la, ua opulepule maoli no oe, no kou inu nui i ka waiona,” i paakiki mai ai no o Kapena Fula, me ka hoolohe ole mai i ke noi aku o ka Mekia Buna, e hoolohe aku, i kana mau mea i makemake ai e hoike mai iaia.

“O oe ka’u e olelo ae. i ke opulepule, aole ou wahi mea a hoohe mai i ke kamilio aku. Aole loa au e ae ana e haawipio i ko’u mau manao, ahiki i kou ae ana mai. a i hoopaakiki oe ea, aia e kamailio okoa ae ana au a nui ka leo e lohe mai ai ko mau malihini.”

“Heaha keia hana nui e hiki ole ai ia oe ke kakali, ahiki i ka hookupono ana o ka’u mau malihini maloko o ko lakou mau rumi, a mahope hoi o ka ike ana i ka’u mau keiki?”

“Ina hoi paha e maliu mai ana oe i ka’u loe uwalo, alaila e hele like ae kaua maloko o ke  keena heluhelu buke malaila au e hoakaka aku ai ia oe i na mea apau, au no e hoomaikai mai ai ia’u, no keia mea ano nui.”

“He keu aku no hoi kou paakiki e kuu mekia, pehea la e hiki ole ai ia oe ke hoomanawanui, ahiki i kuu hoolauna ana aku i ka Madame De Galacia imua o Dane kaua kaikamahine. a pela hoi imua o kana hunona?. Ua lohe mau no oe i ko’u kamailio, no ko’u manaoio, ua puka mai kuu Dane. mai kekahi ohana Palani hanohano mai, ua hoea mai i ka hooiaioia ana o ia manaoio o’u, o keia iho la ke kumu, e hiki ole ai ia’u, ke ae aku i kau koi mai, e hele aku e kamailio politika me oe, a e ole hoolohe aku paha i kekahi mau manao e ae. He mea pono ia’u ke noho maanei, a na’u ponoi no e hoohui ae i ke kaikamahine me kona makuahine.

“He hookahi wale no nae mea nana i hookahaha loa mai i kuu manao i keia manawa, eia la kuu Dane ihea e nalowale nei pela hoi me kana kane.” me ka hele mai la o Kapena Fula, a piha i ke kuaki, i ke kakali loihi o kana mau malihini.

“O e na Lani!” i hooho ae ai ka Mekia Buna, me ka hiki hou ole iho iaia ke hoomanawanui, i ka hoike ana aku i ka mea oiaio. ‘Aole e hoea mai ana o Dane, elike paha me kau e manao aku nei.”

“Ea, heaha kau mea i kamailio mai la?” mamua nae o ka loaa ana aku o ka pane a ka Mekia Buna, weheia mai la ka uka, a komo ana no o Mana, ka wahine Paele, a mahope mai hoi ona, e ukali mai ana o Miss Hiki, ka wahine malama hale. i kela ike ana mai no o Miss Hiki i ke kapena aoo. holo mai la oia me ka piha i ke pihoihoi, a puliki mai la iaia, me ka ha’uha’u uwe ana iho.

“o, e Dane! E Dane!” i pane ae ai o Miss Hiki me ka mau u oi ka uwe haalo’ulo’u ana iho.

“Eia o Dane ihea? I’a loohia anei oe i kekahi ma’i ikaika loa?” wahi a Kapena Fula me ka hele a kunahihi kona helehelena.

“O ua make oia, ua pepehiia e kuu kapena maikai!”

“Aole loa i make kuu Dane, aole oia i pepehiia!” i puoho binai ai o Kapena Fula, me ka hoike ana mai o kona helehelena i ka pihoihoi me ke kaumaha.

“O ka mea oiaio loa keia a’u e hoike aku nei ia oe e kuu kapena! Ua pepehi maoli ia oia a make maloko o kona rumi moe, a ua kaualako aku kona kino make a kiolaia iloko o ke kai.”

“Aole loa e hiki ia’u ke manaoio aku i kena mau olelo au e Miss Hiki. Aole i make kuu Dane! Eie ihea kana kane, o Konela Gawila?”

“O Konela Gawila maoli no ka mea i pepehi aku i kana wahine a make. Ma kela po no o ko laua hoi ana mai no ke kakela nei, i hanaia ai kela karaima puuwai eleele, a ua paa oia i ak hopuia, no ke karaima pepehikanaka, a ke paa mai nei maloko o ka halepaahao, no ke kakali ana, o ka hoea mai i ka wa e hooloheia ai kona hihia.”

“Ke hoole paakiki aku nei au imua ou e Miss Hiki, aole i make kuu Dane, o na olelo kahihi wale no, e pili ana i kona make ana, a i pepehiia e kana kane, aole loa he oiaio o ia mau mea. Eia no kuu Dane ke ola mai nei, ua oi aku ke aloha o Konela Gawila iaia, mamua o na momi makamae ma ka honua nei. ( ), aia laua ma kekahi wahi, kahi i hoohala ai i ko laua mau la o ka hauoli! ( ), e Dane, e Dane hoi kuu keiki, eia oe eiha kahi i nalowale ai?” me ke kuwo okoa ana ae o Kapena Fula, a kula’i aku la ia Miss Hiki, o kona holo pupule aku la no ia iloko o ka hale, me ka loheia mai hoi o kela leo kuwo o Kapena Fula, e ka poe apau oloko o ka hale.

“He keu aku oe a ka wahine hupo nui wale!” i huli mai ai ka Meika Buna, a nuku ia Miss Hiki, me ak piha maoli i ka huhu.”Ua kamaaina no au i kou ano hupo, aole nae au i manao, e oi aku ana kou lapuwale, i kela mau ano kahiko ou, me he mea la, ua lilo na mea i hanaia maloko nei o keia kakela, i mea nana e kaili ae i na noonoo maikai mai kou poo ae, a o na aho lapuwale wale no ka i koe iho iloko ou.

“Ua hoolilo aku oe ia Kapena Fula, i kanaka hehena, ke lohe la anei oe i kona kuwo, me ke kahea ana i kana kaikamahine.” wahi a ke Mekia Buna, me ka hele ana aku e huki i ke kapena, e noke la i ke kahea ia Dane, maloko o na rumi moe o kela kakela.

Ma kela hala ana aku hoi o ka Mekia Buna, i loheia aku ai kekahi leo kahea mailoko mai o ke keena hookipa, i ka pane ana mai:

“E koua! E kokua! Ua mauleia ka madame!” wahia ka wahine kauwa a ka Madame De Galacia.

“E loaa ana anei kekahi kiaha waina! Ewiki, aole he he anu i koe iloko o ka madame!” i holo mai ai o Mr. Danuba iwaho. a kauoha ikaika aku la ia Miss Hiki, e kii aku i kekahi haha waina, no ka hoohainu ana ae i ka Madame De Galacia.

“Ua ike oe e Mana i kahi i waiho ai o ka waina, e dii oke aku oe i keia manawa a lawe mai. owau pu kekahi iloko o ke kulana kupilikii!” i kauoha ae ai o Miss Hiki, me ona hooikaika ana ae e ku iluna, a noho aku la ma kekahi oho. me ka pinapina’i ana o kona hanu.

Aole no hoi i emi iho. hoea mai la o Mana, me ka omole nina ame ke kiaha o ka ninini iho la no ia o Mr. Danuba ka waina iloko o ke kiaha. me kona kukuli ana iho ma ka a o ka madame, a hoohainu aku la i ak waina, me ke komoana aku he mau kulu ma ka waha o ka Madame De Galacia.

“Eia oe ihea e Dane? ( ), e kuu Dane, ke hoaa wale no au ia oe!” i loheia aku ai ka leo kahea o Kapena Fula ma loa o na rumi o ke kakela, a ilaila i loaa aku ai ua kapena nei i ka Mekia Buna.

Aia no o Kapena Fula ke kahea mau la i kana Dane me ka hoopuka ana hoi i na olelo kaukau ku i ke aloha. ia ka ka Mekia Buna o ka hookokoke ana aku i kona hoaloa, a pane aku la:

“Ua ike au i ka nui o kou ehaeha e kuu kapena maiai.” me ka hookau ana aku o kekahi lima, maluna o ka poohiwi Kapena Fula. “O ka’u e a’o aku nei ia oe e hoomanawanui, e rumi i ka manao aloha!”

“O e hookuu ae oe ia’u, ua makemake au e ike i Kuu Dane. Aole loa he mea nana e hoomaalili mai i kuu mau manao @ maha, ahiki i ka loaa ana o kuu Dane ia’u. O e Dane. eia @ oe ihea. eia au la ua makaukau e apo aku ia oe! Aia ka @ a loaa he nuhou hauoli na’u e hoike aku ai ia oe o kou wa@ la ia e nalowale ai,” alaila papale’ae la oia i ka lima @ Mekia Buna, a hoomaka aku la e holo hou no ka hale mala@

Iho awiwi aku la o Kapena Fula ma ke alapii, o kona @ aku no hoi koe i ke anuu hope loa, paa mai la no oia @ hopuia e Mr. Danuba, me ka pane ana mai:

“Auhea oe e kuu kapena. e hoomaalili i kou mau mau kaumaha. Ina he oiaio na mea apau a kakou i lohe iho alaila, no ka pono o kau mau malihini, ke nonoi aku nei kou oluolu, e hoao oe e hoomalielie i kou mau manao ulupuia.”

“E hookaawale koke ae oe ma kahi e, o kula’iia aku a nei oe e a’u ilalo a eha loa. Ke makemake nei au e i kuu Dane! Ina no ua aleia aku oia e ke kai a e ka ho@ paha, aole loa he mea nana e hoomaalili mai i ko’u manao. ahiki i kona loaa ana ia’u. E hookaawale kok@ oe mai ko’u alahele ae no ka mea, i ka wa e kau aku ai mau lima maluna o kekahi mea, o kamake wale no ka pena e halawai aku me ia.” alaila papale okoa ae la i ke kanaka ipio, me ka holo ana aku imua, no ka hale e huli ma na keena malalo o kona kakela, a i ka hoea o ua kapena nei ilaila, loheia aku la kona leo e noke ana i ke kahea i kana Dane, me ke ku maoli i ka ehaeha.

“Aole e hiki ia’u ke hookuu hookahi aku iaia. o hana aupo mai auanei oia iaia iho. ( aka e hele aku ai e nana. i na mau hana, a ia’u e hala aku ai, e hoouna aku i ke kauka, no ka hele ana mai.” i pane ai ai ka Mekia Buna ia Mr. Danuba.

“Pehea nae ke kulana o ka madame?”

“Aia oia iloko o ke kulana kupilikii e waiho mai la, nae. ua hoihoi aku nei ka wahine lawelawe iaia nolu@ kahi moe, o ua hoouna aku nei au i kekahi mea, no @ ana i kauka. nolaila aole au noonoo ana no ke kauka ke manao nei au, o kaua a elua ke hele aku no ka ho@ lielie ana i ka kapena, aole e hiki ia oe hookahi wale ke hana aku i kekahi mea. e maliu mai ai kela kapena ia.

O ko laua nei hoea aku no hoi koe no na rumi ma@ oili mai la o Kapena Fula, a hoomaka aku la e hele kahua akea, aia no oia ke noke la i ke kahea i kana Dane a he ku maoli i ke aloha ke nana aku i kela kapena no hoi laua nei ke hookokoke aku la mahope ona ma mamao mai, me ka makaala mau o hoopoino auanei kapena i kona ola iho.

Aia o Kapena Fula ke kaapuni la i ka mokupuni, e kaa ana i na wahi apau ana i manao ai, aia paha ma kahi i noho ai o Dane: no kekahi mau hora kela hele @ auwa ana a ua kapena nei, me ka noke mau ana hoi i ke @ i ka inoa o dane, mai ka nui mai ahiki i ka nawaliwali hoomanao mai la na kanaka elua, aole he ikaika i koe ilo Kapena Fula, o ko laua hookokoke mai la no ia iaia, a ho@ la kekahi ma kekahi aoao, pela hoi kekahi i hopu mai @ kekahi aoao, o ko laua hoihoi mai no ia i ke kapena @ kakela, me ke kamailio ana, iho hoi o ka Mekia Buna, i na hoolana i ka pane ana aku:

“Pehea la oe e kuu kapena maikai. i haawipio ai ia o@ mamuli o ka manao aloha? Ua ku aku oe a paio imua enemi he hookahi kaukani: ua hiki hoi ia oe ke ku aku a ho i kou mau enemi maluna o na kahua kaua. no keia enemie kahi wale no nae, ua aneane loa oe e lilo i pio. Ina ua wai i’o kau kaikamahine me ka make ea: alaila e hookoe ikaika. no ka hookau ana aku i kou inaina. maluna. o kawai eleele. nana e kaili ae i ke ola makamae mailoko ae.

Aole i lilo kela mau olelo a ka Mekia Buna, i mea no@ Kapena Fula, e maliu mai ai, me he mea la, ua lilo ia mau olelo, i mea e hoihoi hou ia mai ai ka ikauka iloko o ua kapena nei, o ka noke ae la no ia i ke kupaka, ahiki i ka hemo ana mai ka paa ana aku a kona mau hoaloha iaia.

Hoomaka aku la ua kapena nei e holo, me ke kahea ana no i ka inoa o Dane, eia nae, ua hiki loa i na kanaka elua, ke hoomaopopo aku, he wahi ikaika hookanaaho wale no kela o ua kapena nei e hooikaika la, a i ka hoea ana aku mamua pono mai o kona kakela, hina aku la oia, me ka palaha ana o ke alo ilalo. a ke mau la no i ke kahea:

“E Dane! E Ane kuu keiki! Aole e hiki ia’u ke huli hou aku ia oe, no ka mea ua kokoke loa mai i ko’u hopena, a ke hauoli nei nae au, pela wale no paha e halawai koke ai kaua.”

Me ka malie loa, i hookokoke aku ai na kanaka a elua, ahiki i ke ku ana iho ma ka aoao o Kapena Fula, aole wahi mea a onioni ae o ua kanaka la, ua maule maoli oia, o ko laua ka’ika’i ae la no ia iluna, a hoihoi aku la noloko o ke kakela, me ka hoomoe ana aku maluna o kekahi moe.

“Pehea, e wehe ae anei au i kekahi aakoko. He makaukau ko’u ma ia hana a ua makaukau au me kekahi pahi o ka oihana kauka, malia he mea ia e hoi mai ai ka ikaika ame ka noonoo maikai iloko ona?” i huli ae ai ka Mekia Buna, e kamailio ia Mr. Danuba.

“Ke manao nei au, e waiho malie no kaua iaia pela, malia o hoi mai no kona noonoo maikai, a ina no hoi aole, alaila e waiho aku na ke kauka, o lawelawe mai i na hana apau e pono ai oia, o kau mai auanei na ahewa ana maluna o kaua, ina nei no ka halawai o ke kapena me ka hopena poino,” wahi a Mr. Danuba o ka pane ana aku.

Ua apono aku la ka Mekia Buna, i ka manao o ke keonimana opio, nolaila noho iho la laua e kiai ma ka aoao o ka moe o kekino o Kapena Fula e waiho mai ana, me he mea la, aole he ola i koe iloko ona.

Aole no nae i loihi loa kela kakali ana a laua, hoea mai la ke kauka, a o kana mea mua loa o ka ha@a ana mai no ka pono o ka mea poino, o ia no ke oki ana i kekahi aakoko, elike me ia a ka Mekia Buna, i hoakaka mai ai, he oiaio, iloko o na minuke helu wale no. ua ikeia aku la ka pinapina’i o ka hanu ana o ua kapena nei, ia wa i hoopaaia iho ai kahi o ke aakoko i okiia, a haawi pu ia aku la no hoi kekahi laau hooikaika kino. a o ka mea i ikeia, o ia no ka loaa ana he hiamoe maikai i kela kapena.

I ka pau ana o na hana a ke kauka, maloko o kela rumi, haawi mai la oia i ke kauoha i na kanaka elua, e noho no laua e kiai ia Kapena Fula, alaila hele aku la ua kauka nei, no ka nana ana i ka Madame De Galasia, maloko o kona rumi.

Ua pohala ae kela wahine mai kona maule ana, a e noho aku ana hoi ma ka aoao o kona moe, o Miss Hiki, me Ela ka wahine lawelawe o kela wahine, eia nae he kulana nawaliwali kona, nolaila haawi aku la ke kauka i kekahi laau no ka hooikaika ana i ke kino, me ke kuhikuhi ana aku i kela mau wahine, i ka laua mea e hana ai.

Oiai he loa kahi e hoi aku ai, a he mau ma’i ano nui loa no hoi keia, nolaila hooholo iho la ke kauka, maloko oia o ke kakela e noho ai, ahiki i ke ao ana ae ma kekahi la mai, nolaila hoi aku la oia noloko o ka rumi hookipa e noho ai. aia no hoi kekahi koki maloko o kela rumi, e hiki ai no iaia ke hiamoe.

Mawaena nae o Kapena Fula ame ka Madame De Galacia. o ka Madame De Galacia, ka mea mua loa i hoi mai kona mau noonoo maikai, he manawa pokole, mahope iho o ka hoohainuia ana aku o ka laau hooikaika iaia.

He nui na kumu o ka pohala koke ana mai o kela wahine, o ka mua, o ia no ka opiopio o kona kino, me ka ikaika pu o na meapaahana oloko ona, o kekahi no hoi, ua kamaaina oia i ka auamo ana i na haawina kaumaha, a hui pu iho me ke kaawale ana o kana kaikamahine mai iaia aku no na makahiki loihi, nolaila, ua oi ae kona pihoihoi, mamua o ka haawina kaumaha. aia no hoi iloko ona he wahi manaolana uuku, no ka halawai hou me kana kaikamahine.

I ka wa i hoi pono aku ai ka noonoo maikai iloko ua wahine nei, huli mai la oia imua o Miss Hiki, a kamailio mai la:

“Ke ole au e kuhihewa e ka madame, o oe ka mea i kamailio ae, no ka hopena poino o kuu kaikamahine! Owau ka makuahine nonoi o Dane, a o ka’u kaikamahine hookahi wale iho no ia. E oluolu anei oe, e hoakaka piha mai, i ke ano o ka halawai ana o kuu keiki me ka make?”

“Aole e hiki ia’u ke hooko aku i kau noi e ka madame, no ka mea ua kapaia mai au e ka Mekia Buna, i ka naaupo ame ka lapuwale, i kuu wa i hoike aku ai imua o ke kapena, i ka hopena o kana kaikamahine.”

“Aole au i lohe i kana mau olelo i kamilio mai ai ia oe!”

“Pela i’o, ua maule ka hoi oe: o ka mea oiaio loa ea, ua kapa mai oia ia’u i na inoa inoino loa, me ka ehaeha no hoi o ko’u naau ia mau olelo; me kona kapa pu ana mai ia’u, owau, ka mea nana i hoouluku loa aku i ka noonoo o ke kapena, ahiki i kona ku a pupule maoli ana. Nolaila, e ike mai oe e ka madame, ina oe e ano e ana, mahope iho o ka lohe ana i ka’u hoakaka, e ili mai ana na hoahewa kiekie ana maluna iho o’u.”

“Aohe au hopohopo ana, no ko’u maule hou, ua hala aku la ka poino, he puiwa hikilele maoli ko’u, i ka wa i lohe aku ai kau hoakaka ua make kuu kaikamahine. Ina ua maopopo ia oe, na mea i hanaia aku maluna o kuu kaikamahine, e hoike koke mai i keia manawa me ka hoohakalia ole, a ke hooia aku nei au imua ou, e hiki ana ia’u. ke hoomanawanui, ma ka rumi ana i na manao maikai ole apau, e ala mai ana iloko o’u.”

Ua pololei i’o na mea a ka Mekia Buna, i kapa aku ai i kela wahine i ka hupo: ua lilo na mea i hanaia maloko o ke kakela, i kumu e uilani ai na manao o kela wahine, elike no hoi me ka hapanui o na wahine, i ka paha ole iho o ko lakou mau waha.

 

Elike me na wahine puniwale, pela iho la o Miss Hiki, i hoomaka aku ai e hoike, elike me kana mau mea apau i ikae ai, maloko o ka rumi moe o Dane, pela hoi ka loaa ana o ka mea nenehikanaka, aole malaila wale iho la no pau, kana mau mea i kamailio aku ai, aka hu’epau aku la oia i na mea apau e pili ana i ko Dane ola ana, ka lawe hookamaia ana e Kapena Fula, ka haulehia ana i ke aloha ia Konela Gawila, ahiki i ko laua mareia ana, ka maopopo loa o na ike, no ka pili o ka hewa pepehikanaka ia Konela Gawila, pela hoi ka noho ana o ka aha ninaninau, ahiki i ka hoopuka okoa ia ana o ka palapala hoku, me ka hahaoia ana aku o Konela Gawila maloko o ka halepaahao.

Aia ka Madame De Galacia, ke hoolohe pono mai la i na mea apau, me ka kahamaha ole mai, a i ka hooki ana iho o ka Miss Hiki, hoakaka ana aku, i kana mau mea, i ike no ke karaima pepehikanaka, i hanaia maluna o Dane, akahi no ka madame a pane mai:

“Alaila, ua manaoio loa no anei oe o Konela Gawila, ka mea nana i lawelawe i ke karaima pepehikanaka?”

“Aole o’u wahi kanalua iki no ka pili o ka hewa iaia.”

“No’u iho, aole o’u manaoio, ua pili ka hewa ia Konela Gawila.” i pane aku ai ka Madame De Galacia me ka leo kupo.

“Heaha na kumu o kou manao ana pela?” wahi a Miss Hiki, me ke ano puiwa.

“Aole paha e hiki ia’u ke hoakaka aku i na kahua o ko’u manaoio ole ana, no ka pili o ke karaima pepehikanaka ia Konela Gawila. koe wale iho no keia. aole loa o’u manaoio, he karaima kekahi i hanaia.”

“Auhea oe e ka madame e noonoo mai oe, no na kulu koko i ona aku maluna o ka papahele. pela hoi ka mokaki o na lako oloko ka rumi moe, he mau hoike oiaio loa kela. no kekahi hana aumeume, mawaena o ka mea pepehikanaka, ame ka mea i penehiia.”

“O kena mau mea apau au e hoakaka mai nei. he mau mea hiki wale no kela ke hanaia, no ka hoolaulau ana i ka noonoo, o ka poe e huli pono aku ana i ke karaima, oiai nae he okoa loa ka mea i hanaia. Eia hou kekahi, ina he aumeume ka mea i hanaia maloko o kela rumi me ka mokaki o na lako hale i o a ianei, alaila pehea i lohe ole ai ka poe e hiamoe ana maloko o ke kakela nei i kela nakeke?”

“Eia ko’u manao maoli, aole i pepehiia kuu kaikamahine, aka ua lawelaweia kekahi hana ekaeka loa maluna ona, ma ka hoohanuhanuia ana me ka laau hoohiamoe, a ua laweia aku oia no kekahi wahi okoa loa, me kona ike ole ae i ka mea i hanaia aku maluna one. Ke paa nei no hoi ko’u manao, ua hoohanuhanu pu ia no kana kane i kekahi laau hoohiamoe, a i ole, ua hookomoia iloko o na meaai; a ua pololei na mea a Konela Gawila, i hoakaka mai ai, no kona hiamoe ana maluna o kona noho, me ka lohe ole ae i kekahi nakeke.”

Ia  hooki ana iho o ke kamailio ana mai a ka Madame De Galacia, nui iho la ka hanu o Miss Hiki, me ka pane ana aku: “Ina he wahi noonoo iki kekahi o’u, eia no o Dane ke ola mai nei, owau ka wahine oi loa aku o ka hauoli.”

“He oiaio loa ka’u mea e hoike aku nei ia oe, aole i make kuu kaikamahine, ke ola nei no oia, me ka loaa ole o kekahi wahi poino mauna ona. He nani hoi ia, ua hoi pono mai ka ikaika i ko’u kino i keia manawa, ke makemake nei au e ike i ke kapena!”

“Eia o Kapena Fula, ke waiho mai nei i kekahi ma’i ikaika loa, ua lilo ka nuhou kaumaha e pili ana no kana kaikamahine hanai, i kumu nona e kaumaha loa ai, ahiki i kona maule okoa ana, a mamuli wale no o ka laau hooikaika a ke kauka, i mau ai kona ikaika, aia ka Mekia Buna ame ke kanaka malihini opio ke kiai mai la iaia. “Ina pela, ma ke kakahiaka o ka la apopo, i ka wa e ala ae ai kona hiamoe, he mea pono e hui pu aku au me ia, no ka mea mahope auanei o kona lohe ana i ko’u manao hoakaka, e hoopau ai oia i kona mau manao kaumaha apau, a hooikaika ae e ikaika kona kino ame kona noonoo, ka mea hiki ole i na laau a na kauka ke hana aku nona.”

“Ina he makamake kou e ike i ke kapena ea, alaila he mea pono e loaa ka hoolualu maikai ana ia oe, a e hoopau ko kaua kamailio ana, maluna o keia kumuhana. Ua hiki mai i ka manawa e ai hou ai oe i kou laau, nolaila he mea hooi ae keia i kou ikaika, a e hoololo oe, me ka kamailio hou ole mai ia’u,” wahi a Miss Hiki, me ka ninini ana iho i ka laau iloko o ke puna, a hoohainu mai la i ka Madame De Galacia.

“Ke manao nei au, he oleloa’o maikai loa kena, a’u e ku-e ole aku ai, o ka inu ae la no ia o ka Madame De Galacia i ke puna laau, a haule iho la hiamoe.

Aia no o Miss Ela, ke noho mai la maluna o ke koki, a hoi aku la hoi o Miss Hiki, maluna o kekahi noho paipai nui, no ka makaala ana mai no i ka mea ma’i.

Aole i loihi kela hoololo ana aku a ka Madame De Galacia, okona pa’uhia aku la no ia i ka hiamoe, malalo o ka mana o ka laau o ka haawiia ana aku iaia, a iaia i puoho ae ai ma kekahi la mai, ua awakea maoli.

Alaalawa ae la oia maloko o ka rumi, aole ona ike aku ia Ela ame Miss Ake, o kanan mea o ka ike ana aku he wahine Paele e noho mai ana maluna o kekahi noho, kahea aku la oia i kela wahine, e hele mai e kokua, ma ka hookomo ana i kona lole, eia nae, holo aku la ua wahine Paele nei iwaho, no ke kii ana ia Miss Hiki, aole no hoi i loihi, oili mai la o Miss Hiki, me ka lawe pu ana mai he pola kope me kekahi mau apana palaoa.

“Pehea oe i keia kakahiaka?” i ninau mai ai o Miss Hiki, me ka noho ana iho ma ka aoao o ka moe, oiai hoi o Mana, ka wahine Paele, e hoomakaukau mai ana i ke pola kope.

“Ua maikai loa au i keia manawa, a ua makaukau au no ke komo ana i ko’u mau lole, aka pehea o Kapena Fula?”

“Ua hoi pono mai kona noonoo maikai i keia manawa, a ua ike oia i kona hewa loa, ma kana mau mea i hana ai i nehinei. Aia oia maluna o kona noho kahi i noho ai, a i ka la apopo, e hele aku ana oia e ike ia Konela Gawila, aole he as iki o ke kauka, e haalele iho oia i ke kakela nei i keia la.”

“E oluolu anei oe e hele aku e ninau iaia, ina paha ua makaukau oia no ka hookipa ana aku ia’u? E ninau pu aku i ka manawa ana i manao ai, o ka wa kupono ia a’u e hele aku ai no ka hui pu ana me ia!”

“Ua makaukau oia i na manawa apau e ike ia oe. O ka mea mua loa ana i ninau ae ai, i kona wa i ala mai ai i keia kakahiaka, o ia no kona makemake ia oe, aka ua papa ikaika aku ke kauka iaia, aole e hoouluhua wale mai ia oe.”

“Ina hoi ha o ka mea oiaio ia ea, e hele koke aku oe e hoike iaia, e hoea aku ana au imua ona, iloko o na minuke he umi, mai keia wa aku, ke pau ae ko’u inu kope ana.”

“E hele koke oe e Mana, a hoike aku i ko haku, e hoea aku ana ka madame no ka hui pu ana me ia, iloko o na minuke he umi, nolaila e hoomakaukau oia iaia iho no ka hookipa ana aku i kana malihini!”

Hala aku la o Mana no ka hooko ana i ke kauoha, o ke ala ae la no ia o ka Madame De Galacia iluna, a komo awiwi iho la i kona lole, a o kona makaukau ana iho no ia, komo hou ana ua kauwa Paele nei, a hoike mai la, ua makaukau o Kapena Fula e hookipa aku iaia, i hakalia wale no i kona hoea aku.”

“E oluolu anei oe e Miss Hiki, e alakai aku ia’u no ka rumi o ke kapena e noho mai la?”

“Ae, e hele i’o aku au me oe e ka madame,”o ke ku ae la no ia o Miss Hiki iluna, a oili aku la iwaho, me ka hele pololei ana aku no ka rumi o Kapena Fula, oiai hoi ka madame e ukali aku ana mahope ona. O keia rumi a Miss Hiki, o ke alakai ana aku i ka madame, aia mamua pono mai o ka rumi o Dane, he rumi nui akea i hookaawaleia no na malihini.

E noho ana o Kapena Fula maluna o kekahi noho paipai nui, ma ka puka aniani a e waiho ana no hoi na meaai maluna o kekahi pakaukau, i hoopa ole ia, i ka wa i @ mai ai o ua kapena nei, i ke komo ana aku o ka madame @ ae la oia iluna, me ka pono hooikaika wale ae no, alaila noho hou iho la ilalo, me ka nawaliwali maoli o kona kino ke nana aku.

Hele pololei aku la ka Madame De Galacia imua o ua kapena aoo nei, nana aku la maluna ona, me na manao aloha, me ka hopu ana aku la maluna ona, me na manao aloha, me ka hopu ana aku i kona mau lima a elua, alaila, pane aku la i na olelo hoolana:

“E hoolana i ka manao e kuu hoaloha maikai, no ka mea aole i make ko Dane; aole loa he hooiaio no konamake ana, aole no hoi he mau kumu kupono a kaua e manaoio aku ai, ua make oia. Ma kuu manaoio, eia no oia ke ola mai nei, aole au o kona makuahine, e puni wale i na hana pulapu, i waihoia iho, e ka mea pakaha, no ka ili ana aku o na ahewa ana maluna o ka mea hewa ole!”

“Ina o kena mau mea apau au e kamailio mai nei, o ka mea oiaio ia, aole i papahiiia kuu Dane a make, alaila eia oia oia ihea e nalowale nei?” i ninau mai ai ke kapena, me ka ninau ana mai.

“Ua paa loa kuu manao, ua lawe aihueia oia, me ka hoohanuhanuia i ka laau hoohiamoe, elike no me kela lawe aihue mua ia ana oia, a o ka poe na lakou kela hana lokoino, o kela poe mua no, na lakou i kaili aku i kuu kaikamahine, mai ko’u alo aku. E hoolana nae i ka manao e kuu kapena, e malama i ka ikaika o kou kino, pela wale no e hiki ai ia kaua ke ike hou aku iaia.

“E hoomanao oe, aole oia he hehe i keia manawa, e lilo ai i pio na ka poe kolohe, aka he wahine kanaka makua oia, ua ike oia i ka mea pono e hana ai, a elike me kona ano a’u i heluhelu aku ai maloko o kona kii. he wahine oia, i makaukau. e imi aku i na alahele apau, e pakele mai ai oia mai ka poe na lakou oia i lawe aihue aku.

“O ka kaua mea mua loa e hana ai. o ia no ka hookomo ana i ka hoolaha, maloko o na nupepa apau, me ka haawi ana i na ukumakana nunui. i ka poe, e hoike mai ana no Dane. Ke olelo hou aku nei au ia oe e kuu kapena, e hoolana i ka manao! Ua loihi maoli keia mau makahiki, o ko’u kakali hoomanawanui ana no kuu kaikamahine nalowale, a ua ae mai na Lani, e hoihoi hou mai iaia imua o’u, nolaila mai lilo keia nalowale hou ana ona, mai ia kaua aku, i kumu e hoopau ai o ko kaua mau manaolana, aka e hilinai aku maluna o ke Akua. Nana no auanei e kokua mai ia kaua, ma keia hana pohihihi.”

(Aole i pau.)