Ka Nupepa Kuokoa, Volume LIX, Number 35, 2 September 1921 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moole no

Wileba Danuba

a i ole

Mai ke Kulana Haahaa a i ka Hanohano

He Moolelo i Piha me na Hana

Hoopahaohao

 

            "Ua hooko aku ka Madame De Galacia, i na a'o ana a ke kuhina Amerika, nolaila, i kekahi la, hoolaunaia aku la au imua o ka madame; a oiai e makaukau ana no hoi au no ka huli hoi ana mai no Amerika nei, nolaila ua holopono no kukakuka ana mawaena o makou, no ko'u lilo i lolo a i akena hoi no ka Madame De Galacia. Iloko o keia manawa e hoolalaia nei no keia huakai holo mai no Amerika nei, ua loaa ae la ke kanoha i ke kuhina Amerika no ka hoi mai, nolaila i ka haalele ana aku o ka mokuahi ia Parisa no Nu loka, ua kau ke mai la makou apau maluna o kela mokuahi, a ma ke kakahiaka o nehinei i ku mai ai ko makou moku, a kau no maluna o ke kaaahi no Wakinekona nei, mamuli o ko'u manaoio, o ke alahele pokole loa e hoea aku ai no ka Mokupuni Fula, mai keia wahi aku no ia.

            "Ma ka po nei makou i hoea mai ai no keia hokele, a oiai na hele ka Madame De Galacia a maluhiluhi loa, ua hoi koke no oia e hiamoe, a hele aku la au e ninaninau i ka poe hana oloko nei o keia hoekle, no ke alahele e hoea ai i ka Mokupuni Fula: a iloko o ko'u kahaha, i hoohui pu ia me ka hauoli loa ma la ia'u ka ike, eia o Kapena Fula ke noho nei ma keia hokele.

            "Iloko no o kela aumoe o ko makou hoea ana mai, ua ulu koke ae ka makemake iloko o'u, e hele mai e hui pu me oe ma kela manawa, i ko'u wa nae i ninau aku ai nou, hoikeia mai la, ua hala oe i ka hana keaka. Ma keia kakahiaka nae, i ka wa i maopopo ai ia'u ua pau kou ai ana i kou aina kakahiaka, o ko'u hele mai nei no ia e hui pu kaua elike me kau i ike ai."

            Ma keia wahi o na kamailio ana a ka loio opio, komo ana no kekahi o na kauwa lawelawe a ninau mai la in a paha aia o Wileba Danuba maloko o kela rumi kahi i noho ai, a i ka haawiia ana aku o ka ae, hoike mai la oia i kana misiona, o ia ke ala ana mai o ka Madame De Galacia, ua pau kona ai ana i ka paina kakahiaka, a u makemake oia e hui pu me ka loio opio maloko o kona keena hookipa.

            Ku ae la ka loio opio iluna, me ka nonoi ana mai ia Kapena Fula, e kala aku iaia, o kona hemo aku la no ia iwaho, no ka hele ana aku e hui pu me ka madame; a i ke koe hookahi ana iho hoi o ke kapena aooo, hoohala oia i kona manawa, ma ka noonoo ana, i na mea apau ana i lohe ai mai ke kanaka opio aku, me ka nui o kona kahaha, no ka oili ana mai o na mea ana i moeuhane mua ole ai.

            No na minuke he iwakalua paha kela noho hookahi ana o Kapena Fula, ua weheia mai la ka puka o kona rumi, a komo hou ana no o Wileba Danuba me ka i ana mai:

            "Ua hoike aku nei au i ka Madame De Galacia no ko'u halawai ana me me oe i keia kakahiaka, a ua makemake nui loa oia e hele aku oe e hui pu me ia i ka manawa kaawale mua loa e loaa ana ia oe ma keia kakahiaka."

            "Ua makaukau au e hui pu me ia i keia manawa, a alakai aku ia'u imua o ka madame," o ke ku ae la no ia o Kapena ula iluna, a ukali mai la mahope o ke kanaka opio.

 

Mokuna XV.

            Alakai pololei aku la o Danuba i ke kapena aoo, al@ki i ke keena hookipa o ka Madame De Galacia, e noho ana ua wahine nei maluna me ka hoolauna ana aku o Danuba i kana malihiin imua o ka Madame, me keia mau olelo.

            "E ae mai e ka madame, e hoolauna aku au imua ou ia Kapena Fula, o ka Mokupuni Fula; a e kuu kapena maikai, o ka Madame De Galacia keia."

            Haawi aku la o Kapena Fula i kona kunou ana, ma ke ano piha paa rula, aka pahola mai la ka Madame De Galacia i kona lima imua, a pane mai la:

            "E kuu kapena, he mea pono e hopu aku au i kou lima no ke aloha ana, aole e pono ia kaua ke hoomalihini, aka e hookamaaina kaua ia kaua iho. No'u iho, ua noho aie au ia oe, a oi aku imua o kuu ola nei; ka makua o kuu keiki, a o ka hoopakele hoi o ka h@@ nawaliwali; pehea la e hiki ai ia'u, ke hookaa aku i kuu aie ia oe?

            Hopu aku la o Kapena Fula i ka lima o ka madame, me ke kunou hou ana aku hoi imua on a, eia nae, aole he huaolelo ana i pane aku ai, a o ia ka ka Madame De Galacia o ke kamailio hou ana mai:

            "E oluolu oe e noho iho ilalo, a e hoakaka mai ia'u, i ke alahele kupono aku e hooiaio aku ai i ka nui o ko'u mahalo, no kau mau hana maikai ku i ke aloha oiaio no ka'u keiki," me ka hopu okoa ana aku o ka madame i ka noho a uwai mai la i kokoke i kona noho.

            'Auhea oe e ka madame, aohe ou aie au e manao ai e hookaa mai. O ka loaa ana o kau kaikamahine ia'u, o ko'u lawe ana mai hoi iaia i kokoolua no ko'u noho mehameha ana, ua hoopihaia mai kuu uhane me ka hauoli, a oi aku, mamua o @a huaolelo hiki ia'u ke kamailio ae. He hookahi wale no mea nana i hookaumaha loa mai ia'u, oiai au e noho ana iloko o ka hauoli, no ka lilo ana o kau kaikamahine i malamalama no ko'u ola ana, a i momi makamae hoi no ko'u home, ua kau aku na haawina o ka ehaeha maluna ou, ka mea i kuleana maoli, i na hauoli he nui, aole hoi owau o kaua ke noho iloko o ia hauoli."

            "He mea oiaio loa, o na lani wale no ka hoike oiaio, no ka nui o na kaumaha ame na auwe ana he nui a'u i hoomanawanui ia. I kela la, i keia pule, i kela mahina a i keia makahiki, no na makahiki loihi, e hookahe mau ana au i ko'u mau waimake o ke aloha ame ka makee keiki. He mau po lehulehu i alaia e a'u, me ka hiki ole i na lihilihimaka ke upo'i iho, no ka hoomanao mau ana no kuu lei makamae he keiki.

            "Ia'u iloko o ia mau haawina hoehaeha o ke kaumaha, aia mau na manao hopohopo no na hopena awahia i kau aku maluna ona : e ukali ana paha na nele, ka hune ame ka pololi mahope o na, na ia mau hiona ku i ka ehaeha noonoo, i kono okoa mai ia'u, e nonoi aku i ka lokomaikai o na lani, ua ahona ka lawe ana aku o ka make iaia, mamua o ka auamo i na hana hoomaewaewa a ka poe loino o ke aloha ole.

            Ina he kanalua kekahi iloko ou, no keia mau mea'a'u e hoakaka aku nei e kuu kapena alaila e nana mai ma kuu helehelena, ua hiki ia oe ke heluhelu mai i na hoailonaa maopopo loa o na hana hoomaewaewa he nui maluna o'u."

            "Aohe a'u mea e hoohewahewa aku ai, no ka oiaio o na olelo apau i puka mai nei mai kou mau lehelehe mai, in a no owau ma kou wahi, e ike ana no au i na haawina hookahi, i kau aku maluna ou e ka madame. Ua hala aku la nae ia mau makahiki, aia ke waiho mai le he mau makahiki lehulehu imua o kou alo, oiai he opiopio no oe, e hoolilo aku ia mau makahiki i mau makahiki no ka hauoli, e hoopuniia ana e ke aloha o kau kaikamahine i piha me ka maemae ame ka maikai."

            "Pela ka manaolana iloko o'u, e lilo ana ka loaa ana o kuu kaikamahine i mea nana e hoauhee aku i na manao kaumaha apau mai ia'u aku. O kona lilo ana i kaikamahine maemae a maikai, o kona malamaia ana me na pulama a ka makua i makee iaia me he keiki ponoi la nana, ahiki i ka wa a kona makuahine nei e ike aku ai iaia ua noho aie aku au ia oe e kuu e konoia mai ana au. e molia aku i kuu ola nei. no kau mea i hana aku ai maluna on a, ua makaukau au e hooko aku" alaila hiolo iho la na kulu waimaka o ka makuahine. no ka h@ ana mai la o ke aloha no kana keiki nalowale.

            "Auhea oe e ka madame. he kanaka au i nui na makahiki. o ke ola ana. ke kokoke aku nei au ma ka'e o ka lua kupapau, a he hookahi no uku nui a'u e upu aku nei. aia maluna ma ka lani No na mea e pili ana i kau kaikamahine. ua hoike mua aku nei no au i ko'u manao imua ou. ua uku pono a mai au. mamuli o kona lilo ana, i mea hoohauoli loa mai ia'u ka mea hoi i loaa mua ole ia'u ahiki i ko'u lawe ana mai iaia malalo o ko'u malu. O ka mea pololei maoli ma ko'u aoao e hana aku ai, o ia no ka nonoi ana aku i kau mau huikala ana mai, no ko'u noho ana iloko o ka olioli, oiai hoi oe e hoomananawanui ana i na haawina hoehaeha he nui."

            "E kuu kapena, ua lilo kou ano oiaio. ame na maikai he nui iloko ou, i mea e makehewa ai ko'u hoohulihuli ana i kou noonoo; nolaila ke nonoi aku nei au ia oe e hoakaka mai i na mea e pili ana i kuu kaikamahine!"

            "O kou makemake anei. o ia ko'u hoike ana aku ia oe. i ka moolelo piha o ko'u hookama ana iaia. a lilo mai he kaikamahine na'u?"

            "Ae o ko'u manao maoli ia, ua hele au a piha me ka pouliuli e noho aku nei. a ua piha pu no hoi me ka iini, e lohe i ke ano o kona kaa ana mai malalo o kau malama ana."

            Ma kela wahi, i hoomaka mai ai o Kapena Fula, e hoomaka i kana moolelo mai kinohi loa mai. o kona kamaaina mua loa ana me Dane, kona lawe ana mai i kaikamahine hookama nana, ka lilo ana o ko laua noho kokoolua ana, i mea hoohauoli mai i kona mau la elemakule; pela hoi kona hoonaauao ana iaia, ame ko laua holo ana no Parisa, me ka mana e loaa ana ka ohana oiaio o Dane.

            Ma kahi nae o ka haulehia ana o Dane i ke aloha no Puluka Gawila. pela ka mare ana aku o kela mau opio. ua huna iho la oia i ka hoike ana mai ma ia hapa o ko Dane ola ana. eia nae ke hoomaopopo aku la no ka Madame De Galacia. aia kekahi mea a ke kapena elemakule, i huna aku ai mai iaia aku. a o ia ka ua wahine nei o ka pane ana aku:

            'Aia kekahi mea au i makemake ole ai e hoike mai ia'u. no kuu kaikamahine, pehea, ua halawai anei kuu keiki me kekahi haawina maikai ole?"

            "He maikai ke ola kino o kau kaikamahine, a ua hoopuniia hoi kona ola ana me na haawina pookela loa o ka hauoli. no ka mea o kena hoohui koke ia ana iho nei no ia ma ka beri@a o ka mare me Konela Gawila."

            "Auwe no ka hoi e! E olelo mai ana anei oe, ua mare kuu kaikamahine i ke kane?" "Ma keia wahi e ka madame maikai, ke nonoi aku nei au i kau mau huikala ana mai ia'u, no ka mea ua mare aku kuu Dane i ka'u keiki hanauna me kou ae ole mai. ka mea i kuleana maoli iaia." alaila hiolo okoa mai la na waimaka o Kapena Fula, nona hoi ka uwe, he hookahi ke kupenui like ana me ka Madame De Galacia.

            Ua piha ka madame me ke kahaha. i owili pu ia me ka mahalo, no ka moa a kela kanaka i hana aku ai no kaua kaikamahine, ka mea nae ana i kuhihewa loa ai. e apo mai ana la oia, i kana keiki, ma ke ano he mea i like ole i ke kane, eia ka he mea i mare, a ua loaa hoi kana keikikane, alaila lalau mai la ua wahine nei i ka lima o Kapena Fula: a pane mai la me ka ha'uha'u ana iho me ka uwe ana:

            "E kuu hoaloha maikai loa aohe a'u mea e hana aku ai. o ka haawi wale aku no i ka'u mau mahalo kiekie ana maluna ou. Ua lawe mai oe i kuu keiki, me he kaikamahine ponoi la nau, ua hoonaauao aku iaia, a o ka mea oi loa aku. !a kou huli ana aku i makua nona, oia kau keiki hanauna."

            "O keia keiki hanauna a'u. oia kekahi o na kanaka opio kupono loa, he konela kona kulana iloko o ko maou mau pualioa, me ka lilo o Dane i mea nui iaia. aka ma ko laua kulana oiaio nae iwaena o ka pohai o ka pe hanohano, ua oi kelakela aku kuu Dane, maluna o kana kane."

            "Heaha hou aku kekahi mau mea hiki. ia oe ke hoakaka mai no kuu kaikamahine? Mahea. a i ka manawa hea oia i mare ai i ke kane?"

            "ua mare kuu Dane, maloko o ka Luakini Sana Ioane, maloko o keia kulanakauhale, he elima wale ae nei no la i hala."

            "Eia oia ihea i keia manawa?"

            "Ua huli hoi aku oia me kana kane no ka Mokupuni Fula. ko'u home, n oka hoohala ana i ko laua mau la mahina meli.

            "I ka manawa hea au e ike aku ai iaia?"

            "Ina he mea okoa ka mea nana i waiho mai i kena ninau imua o'u, o ka'u pane aole e hiki ia oe ke ike iaia. ahiki i ka piha ana o na la elima. no ka mea he eha la mai keia manawa aku. e loaa ai kekahi moku. e holo pololei ana no ka Mokupuni Fula : aka hoi, ua ike au i ka nui makemake iloko ou. e hui koke me kau kaikamahine. aia no he alahele e hoea koke ai oe no kela mokupuni. in a nae aole ou pilikia. ma ke kaahele ana no kekahi alahele loihi ma ka aina. Ua hiki ia kakou ke kau maluna o kekahi kaa hoolimalima. e holo pololei ai no Konapoka, he elua okoa la e kaahele ai. a hoea aku no kela wahi. a ilaila e hoolimalima ai i kekahi mokuahi, nana e lawe aku ia kakou ahiki i ka Mokupuni Fula, iloko o na hora elua wale no.

            "Ua makaukau au no ka hele ana ma kekahi huakahi loihi, me ka nana ole ae i ka nui o na pilikia, he hookahi wale no iini iloko o kuu puuwai. o ia ka ike aku i na maka o kuu kaikamahine, ka mea a'u i kanikau mau ai no na makahiki he nui i kaahope ae nei."

            "He mea pono paha. e loaa he mau hora nou e hoomakau kau ai no keia huakai hele a kakou!"

            "No'u iho, aohe a'u mau hoomakaukau ana. he o ia mau no ko'u mau ukana apau iloko o ka pahu. ua lawa no au i kekahi mau mea kupono a'u i hookomo ai maloko o ko'u paiki paalima : aka e kala mai oe ia'u. malia paha, o oe o kaua ke hoomakaukau nou iho. no keia luakai!"

            "Ua makaukau ko'u mau ukana apau iloko o ka pahu. o ko'u kau aku ia maluna o ke kaa. no ka holo ana i ka hale hoolulu kaaahi, hoea e mai nei kou loio. a hala ka manawa kupono no'u e huli hoi aku ai. nolaila ua makaukau au i na wa apau, no kekahi huakahi."

            "Ina pela, e hele aku oe e Mr. Danuba e kauoha i kekahi kaa no kakou no keia huakai loa. a iloko no hoi o kou wa e hala aku ai. e kii aku au i ko'u papale me ka hoomakaukau ana ia'u iho."

            "Owau no kekahi e kii ae i ko'u papale. a hele mai no ke kokua ana aku i kekahi mau ukana ou," i pane mai ai o Kapena Fula.

            Huli hoi awewe aku la ka Madame De Galacmia no kona rumi, a i aku la i kana kaikamahine lawelawe: "E hoomakaukau mai oe i kekahi mau lole kupono o'u, a hookomo maloko o kekahi paiki. no ka mea e hele ana kakou ma kekahi huakai loihi o elua la. e wiki. no ka mea iloko o ka hapaha hora wale no. e haalele iho ai kakou i ka hokele nei!"

            Eleu aku la ka wahine kauwa lawelawe a ka Madame De Galacia, ma ka hookomo ana mai i na mea i makemakeia no kela huakai, maloko o ka paiki. a o ia ka ka Madame De Galacia o ka pane hou ana aku:

            "O e Ela. iloko o na la elua mai keia la aku. e puili mai ana au i kuu kaikamahine : pela hoi oe e apo pu aku ai i ko hanai."

 

Mokuna XVI.

            Pehea la ka loihi o kekahi alahele, he mea liilii wale no ia i ka mana o ke dala, nolaila iloko o ka hora hookahi wale no, ua holopono na mea no kela huakai, o ka mea i ike ia, o ia no ka hoea ana mai o kekahi kaa nui, e hukiia ana e kekahi mau lio ikaika elua, a ku ana mamua o ka puka o ka hokele.

            Mawaho ae o keia kaapio, he mau lio kekahi i lawe pu ia mai a oiai ia makaukau mua ka Madame De Galacia me @@ pu ia mai hoi e Ela ka wahine kauwa, a kau ae la ka madame me ke kauwa maluna o ke koapio, a kau aku la hoi o Danuba me Kapena Fula maluna o na lio, a i ka makaukau pono ana o na mea apau, o ka haalele iho la no ia o na kamahele, ua ko lakou alahele loa.

            O kela kekahi o na ia maikai, he h@'ih@'i ke ea e pa mai ana, a he oluolu kupono hoi kanoho ana oluna o ke kaa, a hui iho paha me ke ake nui loa o ka Madame De Galacia e hui pu me kana kaikamahine, he helehelena hoihoi maoli kona ma kela huakai, me he mea la, ua hoi hou mai kona ano kahiko, a ikela ame keia manawa, e kahea mau aku ana oia ia Kapena Fula; e hoopilipili mai ma ka aoao o ke kaa, no kona makemake e ninau aku i na mea ano nui ana e ike aku ana, ma kela huakai hele.

            He mea maikai wale no kela i ka manao o ke kapena a@@: aole oia i maa i ke kaahele ana maluna o ka lio, ma keia huakahi nae, ua like pu oia me kekahi kanaka opio, ka eleu maoli, a hoihoi no hoi kona mau ano apau.

            No kela komo mau o ke kapena aoo, iloko o na hookaau olelo ana me ka Madame De Galacia, ua komo maoli ka makemake iloko o ua kapena nei no kela wahine, a i kona manawa e hoi mai ai mahope o k@ kaa ; e loheia aku ana kona leo namunau i ka olelo ae:

            "Ea, ua like pu ka hoi au me kekahi kanaka opio, ka loaa o na manao hoohie, a in a penei iho la ke koi mau mai o ka makuahine o kuu Dane, e pili mau aku au ma kona aoao, aole ana e nele ko'u haulehia i ke aloha no keia wahine, mamua o ko'u hoomaopopo ana i ko'u ano maoli.

            Ua hele no hoi a ka auwina la, ma kela la mua o ko lakou kaahele ana. hoea aku la lakou ma kekahi hale hookipa iloko o ka ululaau. malaila i hoomaha iho ai ka kamahele. no ka hanai ana i na lio. a no ka hooluolu iki ana no hoi, a maha pono na lio.

            I ka uhi ana mai o ka po, hoomakaukau hou iho la lakou nei  no kahele ana, no ka mea o ka wa oluolu maikai ia no lio, a ma ka hora umi-kumamalua o kela po, i hoea aku ai lakou no kekahi @aona, malaila i hoaumoe iho ai lakou, no ka haawi ana i manawa e hooluolu ai ke kino ame na holoholona.

            Hakalia no a pau ka lakou ai aua i ka paina kakahiaka, o ka hoomau aku la no ia i ka lakou huakai hele. a ma ka hora umi-kumamalua o kela la. hoea aku la no kekahi kulanakauhale uuku. malaila i hoomaha hou ai. no ka hanai ana no i na lio, a no ka hoomaha ana no hoi ahiki i ke ahiahi.

            Elike no me kela la mua loa, i ka wa i uhi mai ai ka po. o ko lakou nei hoomau aku la no ia i ka hele ana, aole no he loihi loa o kahi i koe, alaila hoea aku no ka pahuhopu o ka lakou huakai, nolaila ma kela hoomau ana i ka hele me ka hoomaha ole ma ia po, hoea aku la lakou, no ke kulanakauhale o Konapoka.

            Oiai ua kamaaina o Kapena Fula i kela kulanakauhale, hele aku la oia e hui pu me kaona o kekahi hokele, no ka hoolimalima ana i mau rumi no lakou, me ka imi pu ana aku hoi, i wahi kupono no na lio. e malamaia ai ma kela wahi.

Ma ke kakahiaka nui wale o kekahi la ae, ala o Kapena Fula ke hele la ma ke alanui. no ka huli ana i kekahi moku, nana e lawe aku ia lakou no ka Mokupuni Fula. Oiai nae oia e hookokoke aku ana i ka uwapo, kahi o na moku lehulehu e ku ana. ike aku la oia i ka Mekia Buna, o ka oili ana ae mai kekahi alanui ololi mai e awiwi ana no hoi kana hele ana, ia wa i kahea koke aku ai o Kapena Fula iaia i ka pane ana mai:

            "Ihea ke awa o kou moku e holo nei, i hele ai na pe'a a pohu pono i ka makani? E ka hoaloha, aole ka hoi wahi mea a ka'uka'ulua iho."

            Huli ino mai la ka Mekja Buna ihope, a ike ana mai i ka hele aku o aKpena Fula, ku iho la oia, me kona kahaha pu, no ko laua halawai ana. me ka maopopo mua ole. "Ea, ua hookahaha loa mai oe ia'u e Kapena Fula, no keia hoea ana mai la ou. i ka manawa i manao mua ole ia!"

            "Aole paha o kena na olelo kupono, e kamailio mai ai i ka hoaloha. he keu no hoi, o ka mahamaha mai, me ka haawi mai i ke aloha, oiai ua loihi na la o ke kaawale ana, akahi no ka hui hou."

            "Alaila, aole ka paha oe i lohe i ka meahou ea?"

            "Heaha auanei ia meahou: aole a'u wahi mea iki i lohe, e hoike koke mai e kuu mekia maikai?"

            "Ina hoi ha aole oe i hohe i kekahi meahou, alaila heaha ke kumu o kou hoi awiwi ana mai nei?"

            "Aole kena he ninau maikai e waiho mai ai imua o'u, aka no ka pane ana aku nae ea, eia no ka haina. No ke kumu o ko'u hoi ana mai nei, owau wale no ka mea kuleana, i ka'u mau mea a bana ai: a na ka lio au i halihali mai nei.

            "He nui wale no nae na kumu o keia huakai awewe a'u. o ka mua, 'o ia no ka loaa ana ae o ka leka kauoha ia'u. mai ia Konela Gawila ae, no ko'u huli hoi awiwi ana mai. me he mea la, aole e hiki i kuu mau keiki ke noho mehameha o laua wale no, ke ole o ko laua makuakane pu kekahi." alaila unuhi ae la o Kapena Fula mailoko ae o kona pakeke. a haawi aku la i ka leka. a Konela Gawila o ke kakau ana i kona makuakane hanauna.

            Nana iho la ka Mekia Buna i na manao i kakaui maloko o kela leka, a o kana mea i hoomaopopo iho ai. he leka kela i kakauia e Konela Gawila maloko o ka halepaahao. eia nae. ua kauia ka Mokupuni Fula ma ke poo o ka leka. me ka @oakaka ole ia hoi maloko o ua leka nei. ke kau ana aku o na poin@ maluna on a ame kana wahine opio.

            "Ua ike iho la no oe i na manao maloko o kela leka. aole e hiki i ka'u mau keiki ke noho o laua wale iho no. He hoea mua mai ko'u i nehinei, aka nae mamuli o kekahi mea ano nui a'u e hoakaka ole aku ia oe i keia manawa, pela iho la au i hooholo ai, ma ka aina mai e kaahele ai a hoea no keia wahi. E hiki ana anei ia oe ke hoike mai ia'u, i kahi e loaa ai he mokuahi, no ka lawe ana aku ia'u ame ka'u mau malihini i ka uwapo kahi i pili ai, ua hiki loa ia'u ke lawe aku ia oe no k@@ kakela."

            "Pehea, e hiki ana anei ka'u mau malihini ke hele pu mai me a'u, he hookahi lede, me kana wahine lawelawe. a he keo!imana opio."

            "Ua hiki ia'u ke lawe aku ia oukou apau. a in a he poe hou ae no kekahi. aole ia he mea e piha ai kuu mokuahi."

            "Me ka mahalo a nui ia oe e kuu mekia. Ea, he kulana ma'i maoli kou a'u e ike aku nei. heaha kela pilikia nui i loaa ia oe ekuu mekia?"

            "Ua loohia au i kekahi eha maanei nei," me ke kuhikuhi ana iho o ka Mekia Buna. ma kahi e kokoke ana i kona puuwai.

"Aole hoi ha kena he eha. he piha makani wale no kena o kou opu, e hele ae kaua noloko o ka helaina. ke loaa iki no kahi wai wela, o ka hehee no ia o kena eha ou."

            "Aole he ko'iko'i loa keia eha. e hiki ole ai i ka laau ke hoola! E hele ae au e hoomakaukau i ko'u moku. a iloko o ka wa kupono. e hoike aku no au ia oe i ko kakou manawa e haalele iho ai i ka uwapo nei." o ke kaha aku la no ia o ka Mekia Buna hele, me ka namunamu ana iho:

            "Aole e hiki ia'u ke hoike aku imua on a. i ka hopena ehaeha i kau mai maluna o kaua mau keiki. O ka hauoli nui ilok o'u, o ia no ke kaa ana aku o ke ko'iko'i maluna o kekahi mea okoa, oia ka mea nana e hoike mai ia Kapena Fula. no na mea e pili ana i kana mau keiki. aole hoi owau."

            "@e keu aku moli ke ano e o ka Mekia Buna. ke ole au e kuhihewa. ua nui loa kona inu ana i ka mama. akahi no a puoho mai oia mai ka on a mai. i kau a mea o ke kunahihi maoli o kona helehelena," i pane ae ai ho o Kapena Fula, oiai oia e nana aku ana i ka mekia i ka hele no kahi e ku mai ana o kona

            Huli hoi aku la ua kapena nei no ka hokele, me ke komo ana ae maloko o ke keena i@@@ama, a malaila oia i haawi aku i ke poo kuene, e hoomakaukauia mai i m@@ meaai nana ame kona mau hoa.

            Oiai nae oia e ku ana. aia hoi he elua mau ke@n@mana ma keakhi aoao aku o kela rumi. e inu rama ana laua, a e noke ana no hoi i ke kamailio ia wa hookahi. a o keia kana mau mea i lohe aku ai ia laua e kamailio ana:

            "Oia maoli no ka mea nana i lawelawe i kela hana, aole loa he mea e ae mawaho on a. Aole he mea kuleana e ae e komo ai maloko o kona rumi moe. oia wal@ no. Ina aole oia ka mea nana i lawelawe i kela hana, alaila ihea oia i ike ole ai i ka mea i hanaia? No kela moolelo, e pii ana i kona hiamoe ana maluna o ka noho paipai, o kekahi o na moolelo hoopunipuni ino lea.

            "Aole loa au i lohe iki i kekahi moolelo, no ka hiamoe ana o ke kane maluna o kona noho. ma ka po mua loa ana. i hoihoi mai ai i kana wahine. Ina owau kekahi kiure nana e hoolohe i kona hihia. ua maopopo loa ka'u olelo hooholo. he hoopa'i wale no maulna on a. no kona ku i ka hewa."

            "Ua kulike loa ko'u manao me kou. a o ka lunakanawai kekahi e noke i ka akaaka. i kona wa e lohe ai i kena moolelo. Ina aole he mau hooia'o kupono loa, no kaona pili ole i ka hewa. ua maopopo loa e lewalewa ana oia iluna o ka amana li kanaka."

            "Mai kamailio nui ae oe, aia ke kapena ke ku mai la. o lohe mai auanei oia i ka kaua mau olelo," i pane mai ai ka mea mua loa o ua mau kanaka nei o ke kamailio ana ae i kona hoa, me ka lohe maopopo loa nae o Kapena Fula. i ka laua mau mea apau e kamailio ana.

            Ua hele o Kapena Fula, a piha loa i ke pihoihoi, iaia i lohe aku ai i na olelo mawaena o kela mau kanaka elua. a' ua manao no oia e hele mai e ninau ia laua, i ke ano o ka laua mau mea e kamailio ana. hookahi wale no kumu o kona ninau ole mai. o kapaia mai auanei oia i ka mahaoi: a o kekahi kumu nui hoi. he nui loa na paamare hou, aole o kana mau keiki wale no.

            Mamuli o kona ike maopopo maoli no, i ka pipilipaa o ka manao o kana mau keiki kekahi i keikahi. aole he wahi hoohuoi iki i'oko on a. no laua na mea a kela mau kanaka @ kamailio ana. a no kona makemake ole e lohe hou aku i ka laua mau olelo. huli hoi okoa aku la oia no ka rumi hookipa o ka Madame De Galacia, kahi ana, i kauoha aku ai i ke pook@ene, malaila ae lawe ae ai i na meaai.

            "E oluolu anei oe e kuu kapena maikai, e hoike mai i ko kakou manawa e haalele iho ai i keia wahi, no ka hele ana aku e halawai me kuu kaikamahine?" i ninau koke mai ai no ka Madame De Galacia, i ka wa i ike mai ai ia Kapena Fula.

            "I hakalia wale no ko kakou haalele iho i keia wahi, i ka makaukau mai o ka moku a'u i kauoha aku nei. Me he mea la, aole no e lohi loa ana. oiai he mau hemahema liilii wale no ko kela moku, e hooponopono ae ai. o ka makukau no ia: hohe hewa o ko kakou pau e i ka ai, kakali aku, ahiki i ka wa e hoea mai ai o kekahi mea no ke kii ana ia kakou."

            Aole i li'uli'u iho kela noho ana a Kapena Fula. komo ana no ke kuene. me ka li@@makaukau ana mai i ke pakaukau. a lawe pu mai la no hoi i na meaai. a i ka hoea ana mai o Mr. Danuba. o ko lakou nei ai iho la no ia. aole nae lakou i maona, hoea mai ka la elele, i hoounaia mai e ka Mekia Buna, ua makaukau ka moku. i hakalia wale no i ko lakou nei hoea aku.

            "O ka Mekia Buna anei ka mea nona ka moku a kakou e kau aku ai?" wahi a ka Madame De Galacia.

            "Ae, oia ka mea nona ka moku, aole nae i hoolimalimaia aku nei e a'u, aka ua kokua wale mai nei no oia : he hoaloha oia no'u, a i kona loaa ana aku nei ia'u i ka uwapo, a ninau aku nei au i kahi e loaa ai ka moku nana e lawe ia kakou. o kona haawi mai nei no ia i kona moku." wahi a Kapena Fula, alaila huli mai la imua o ka elele. a kamailio aku la :

            "E hoi aku oe a hoike i ka mekia, aia a pau ae ka makou ai ana, alaila hoea aku makou no ka uwapo, aole no e loihi loa, me he mea la iloko paha o ka hapalua hora."

            Iloko o ka hapalua hora, ua maona ae la lakou nei, o ka haalele iho la no ia i ka hokele, a iho aku la no ka uwapo, e kakali i'o mai ana ka Mekia Buna, me kona mau kanaka.

            "O ka Madame De Galacia keia. a o ka Mekia Buna hoi keia. ko'u hoaloha." i hoolauna aku ai o Kapena Fula. i kana malihini. imua o kona hoaloha.

            "He ohana pili loa ka Madame De Galacia nei no kuu Dane," i hoakaka hou aku ai ke kapena. me ke kunou ana mai no hoi o ka Mekia Buna.

            "E hoolauna aku ana au imua ou, i kuu hoaloha Mr. Danuba," wahi hou a Kapena Fula.

            "Auwe, ua kulike maoli oe me kekahi hoaloha a'u. a ua hookahaha loa ia mai hoi ko'u manao, no ka like koa o ko olua mau helehelena. Ke hauoli loa nei au i ka hookamaaina ana aku me oe e Mr. Danuba. a in a no ko olua ku like mai i kahi hookahi me kuu hoaloha. aole e hiki ia'u ke ike aku i ko olua like ole, a e kuhihewa ana au i@ oe, o kuu hoaloha." wahi a ka Mekia Buna. me ka lalau ana aku i ka lima, o ke kanaka opio.

            "Owau paha ka mea mua loa i kuhihewa ia Mr. Danuba o ka'u keiki. a mamuli wale no o ka loaa ana o kekahi mea a'u i hilinai ai. nana i hooiaio mai. aole keia keonimana o ka'u keiki. pela i hoopauia ae ai ko'u pohihhi." wahi a Kapena Fula.

            Oiai ka moku e holo nei. me ka malie maikai o ka moana. aia ka Madame De Galacia ke kilohi mai la i na hiona nani o ka aina, a lakou e haalele la ihope. aia hoi ka Mekia Buna, me Kapena Fula ma ko laua wahi llike kahi i noho ai. a ke ninau aku la o Kapena Fula. i ka mekia:

            "Ua ike hou anei oe i kuu Dane, mahope o kona mare ana?"

            "Aole la, e kuu kapena maikai."

            "Ke ole au e kuhihewa. he o ia mau ka maikai o kona ola kino."

            "Aohe mea hiki ia'u ke pane aku no kena ninau. no ka mea aole au i ike iaia no kekahi manawa loihi."

            "Auhea oe e kuu mekia. o oe hoi ka mea i ninau mai nona. a ma ka'u koho aku. ua hki ia oe ke hoike mai nona."

            Aohe ka Mekia Buna kamailio ana mai @o kela mau olelo ia wa ipii ae ai kahi kai o Kapena Fula, a pane aku la :

            "Aia kekahi pilikia e ka Mekia Buna, a'u e hoohuoi nei nou. Ua loohia anei kuu Dane i kekahi ma'i ko'iko'i, i h@@a ai oe, mai ka hoike ana mai ia'u, i ka mea oiaio loa?"

            "Ma kuu ola ana, aole loa he mea i maopopo ia'u nona. Aole loa au i lohe ua loohia oia i ka ma'i. a ke manaoio nei au, he o ia mau ka maikai o kona ola kino, elike me ka'u ke hope ana iaia."

            "E kau aku ko kakou manaolana. he maikai kona ola kino," i pane mai ai ka Lede Kalacia. i ka wa i lohe mai ai ke kamailio o na keonimana elua e pili ana no Dne.

            "Ke kokua ku nei au i kou manao e ka madame. o ko'u manaoio mau no @a, aka no ka elemakule mai paha hoi, he keu aku a ka pihoihoi mau. pela i puka ae nei na olelo kikoola mai ia'u aku. Auhea nae oe e ka madame, ke ike la oe i ka nenee mai o ka ululaau, me he mea la ua pili i ka ilikai. o ka Mokupuni Fula ia : aole @e loihi o ka manawa i koe, o ko kakou hoea aku no ia, a apo aku oe, me ka puili ana m@ i kau kaikamahine iloko o kou poli."

            Ua poina loa o Kapena Fula. me ke akahele ole i ke ano kana mau olelo e kamailio ai. no ia noonoo ole. ua loaa aku ka ike i ka Mekia Buna eia ka o ka wahine e kau pu nei maluna o ka moku me lakou. o ka makuahine ia o Dane. aole nae on a niele wale mai. aka ke malama malie la oia. i kana mau mea i hoomaopopo mai ai iloko wale iho no on a.

            O ka hele hoi ia a hookomo ko ilakou nei mku i ke awa. a pili aku la ma ka uwapo. e pilimau ai na moku. o Kapena Fula. ka mea mua loa o ka lele ana aku iuka o ka aina. alaila kokua aku la i ka madame. a na Mr Danuba hoi, i hoomaopopo mai ka pono o ka wahine kauwa.