Ka Nupepa Kuokoa, Volume LIX, Number 34, 26 August 1921 — HE $90,000 A OI I UKUIA AKU I KA PAPA ULIA POINO. [ARTICLE]

HE $90,000 A OI I UKUIA AKU I KA PAPA ULIA POINO.

O na ulia poino i ikeia mai ka la 1 mai o lulai, 1920 a i hoikeia ae a i ninoninau pono ia hoi c ka papa o na. po'ino ulfti ua hiki aku ka huina. i ka .3285. Ua like ia ma ka averike ana me 10 mau ulia i ka la hookahi, me ke komo pu ole o na la Sabati a he huina hoi i oi hou ae mamua o ko ka makahi'ki mamua aku.

No ka heluna o ka poe i halawai me na ulia o na Kepani mamua loa, he 997 ka nui, o na Pukiki aku ka helu elua he 551, a o na Hawaii aku ke kolu 511. 0 keia heluna ae la 15<J5 he poe i mareia a 1719 pue.niare ole. No na wahine i loaa. na ulia 119 kō lakou heluna, a mailoko ae o keia huina he 43 malalo o ka i8 makahiki a he 35 o lakou he poe i mareia. Aneane he 60 pakeneka o keia heluna ae la oia hoi 1927, i loaa ka eha a i hoi hou aku nae i ka lakou mau hana mahope iho o leā ehiku la o ke kali ana o ko lakou hookuuia ana aku.

Hookahi kaukani hookahi haneri ame umi-kumamahiku i hiki ole ke hoi hou aku i ka hana a hala na pule elua a ekolu, he 28 i make a i hoolilo hoi i ka lakou mau wahine i poe kaukai aku i ko lakou mau pono ia hai, a he 24 mau keiki liilii, 2 mau makuakane a hookalii makuahine. He poe i make aolie o lakou mau ohana e kaukai mai ai i ko lakou mau pono maluna o ia poe.

O ka huina o na dala i ukuia aku iloko o ka makahiki no keia poe i halawai m e na ulia he $90.723.02.