Ka Nupepa Kuokoa, Volume LIX, Number 34, 26 August 1921 — NA MEAHOU O KA HOOMANA NAAUAO O HAWAII. [ARTICLE]

NA MEAHOU O KA HOOMANA NAAUAO O HAWAII.

Mr. Lunahooponopono, Solomon Hanohano; Aloha oe: Me ka malu mai ke Aknu mai, Amene:—E oluolu mai hoi oe i kekahi wahi kaawale o ke kino o ka elele ahailono o na mea hou. penei ia: O maua na komite i koho pono ia e ka Ekalesia o ka Hoomana Naanao o Hawaii, Honolulu, T. H., ma ka la 14 o Augate, 1921, ma ke ano he mau komite hoike meahou a hoomaikai no na mea i hanaia e ka Ahahui Euanelio Paeaina, o ka Hoomana Naauao o Hawaii, ma keia kau o Iulai, la 25, 1921; o ia hoi keia: 1. Ua wae ae ka Ahahui Euanelio Paeaina ia Rev, W. E. Edmonds i mea pani hakahaka ma kahi o ka makua Rev. J. Kekipi Maia i hala aku la. 2. Wae pu ae hoi keia Ahaliui Euanelio Paeaina i mau lala no ka Papa Kahu Waiwai o ka Hoomana Naauao o Hawaii, i kulike me ka manao o ka pauku eha (4) o ke kumukanawai a no lakou na inoa malalo iho nei: Peresidena, Rev. W. S. J. O. Makekau; Hope Peresidena, C. W. J. Kahawai Sr.; Kakauolelo, R. L. Kekuewa; Puuku, Mrs. L. K. Baker, na lala o ka papa kahu waiwai: Rev. David Shaw, Rev. Samuel Keanu, Rev. J. P. Kapihe, Rev. W. E. Edmonds, Rev. Alexander George. Ua waiho aku kou mau komite i keia mau inoa o ka Papa Kahu Waiwai ma ka lima o ka mea hanohano, Delbert E. Metzer, Puuku o ke Teritore o Hawaii ma ke keena puuku i ka la 17 o Augate 1921. 3. Ua koho pono ia hoi o Mrs. L. T. Puuku, Mrs. Lahela Iokia ame Mr. David Shaw i mau komite imi dala no na mea e hooluolu ai i na lala o keia Ahahui Euanelio Paeaina; a ua hana hoi lakou i ka lakou hana me ke ahonui a loaa mai keia huina dala he $113.05 no ka holomua o na hana a ke Akua iloko o ka Hoomana Naauao o Hawaii. 4. Ua loaa mai hoi na kokua mai ka Mokupuni mai o Hawaii ame ka Mokupuni o na Maui huiia nona ka huina he $78. 5. Ua kaa ka malama ana o keia mau hana o ka Ahahui Euanelio Paeaina, ma ka lima o ke komite Malama Ola, Mrs. Rebecca Nicholas ame na komite hookipa, Samuel Keanu ame Albert K. Iokia. Nolaila ke haawi nei kou mau komite i ka hoomaikai palena ole i na mea apau i hoikeia ae la maluna, e pili ana i keia Ahahui Euanelio Paeaina, me ka manaolana mau; e kau mai ka ke Akua hoomaikai ana i oi aku i ka maua a ua Oia mau ka Makua, Oia mau ke Keiki, oia mau ka Uhane Hemolele, na lakou auanei e kau mai na hoopomaikai palena ola maluna o na mea apau. O maua iho na me ke aloha. REV. A. GEORGE, REV. D. A. KAAIAHUA,