Ka Nupepa Kuokoa, Volume LIX, Number 34, 26 August 1921 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

A I Ole

Ka HooWalaewaleia Ana o Alebotona

 

            Hoko o keia manawa e waiho ana o Robaka i ka ma'i, @aka@kahi loa kona manawa noho liuliu iho maloko o ka rumi a Robaka e waiho ana me ka nawaliwali loa, he mea hoehaeha mai i kona noonoo ka ike aku i ke na ame ka waiho oni ole o ke keiki, a e hookaawale mau ana oia iaia mawaho aku o ka rumi, no ka mea ua ike iho oia iaia ia manawa aohe mea hiki iaia ke hana aku, no ka pono o kana keiki, oiai nae, i na la o ko Robaka hoomaka ana mai e ma'i ua lilo no oia i mea kokua nui ma kekahi mau mea.

            Mamuli o keia kaumaha loa o Mr. Lanakasa ua ulu ae na manao hopohopo iloko o Mrs. Elawoka e loaa ana ka elemakule i ka ma'i, a elua ana paha auanei ana mau ma'i e malama ai iloko o ia manawa, no ka mea nia kana nana aku i ka elemakule, aohe ona ai nui mai a ua hoomaka mai no hoi ke emi pu o kona kino no ka pili kaumaha loa i ke keiki, ka mea hookahi wale no ana i aloha ai a i hilinai ai hoi oia kona hooilina, ke hala aku oia ma kela ao.

            He hana hiki ole ke pai aku i ke kii o ko Mr. Lanakasa helehelena ame kona noonoo oiai oia e noho ana mahai o ka moe o ke keiki a e nalu nui ana i na mea i hanaia iloko o kona ola ana elua makahiki i hala. I na e hiki ana i kona ehaeha ke hoopau ae i kona hoowalewaleia ana ame kona hoi iloko o ia manawa ina la ua mihi oia me ka oiaio loa e holoiia ae ai ia mau paumaele ona iloko o ia mau la.

            Ma keia manawa i hoike ae ai ka Iede Elawoka i kona makaala loa ame ke kiai ana ia Robaka. No elua la ame elua po kona noho paa mau ana ma ka aoao o ko Robaka moe me ka haalele ole koe wale no kona manawa e hele aku ai e hookomo mai i ko waho ialoko. i loaa ae ai ka ikaika iaia.

            O na laau lapaau a ke kauka o ka haawi ana mai ua waiho loa ia me ka hoao ole ia e hanai aku, i ka mea ma'i, no ka mea, ua ikeia ka hana ole o ka laau iloko o ka mea ma'i e lilo ai ka laau i mea waiwai a e hoomau aku ai i ka hanai ana @ ia manawa o ka moe lolo wale iho no ka Robaka, me ka hiki ole ke komo aku kekahi meaai a me ka pakalikali wale no e hanai aku ai, a i kekahi manawa aohe moniia aku o@ka meaai e haawiia aku ai. o na wawae no hoi keia ame na lima ua pau ka hiki ana ke oni a he hoohuli kanaka maoli ka hiki ke huli ae ma kekahi aoao.

            O na meaai ono loa i hoomakaukauia mai e Mrs. Satevana no ka hanai ana aku ia Robka e waiho mau ana @a ka aoao o ka moe i kela ame keia manawa e hiki ana ke hanai aku, e haawi mau aku ana o Mrs. Elawoka hookahi puna i ke la ame keia minuke, me keia manao o ka mahuahua o kahi mea komo aku iloko o ke kawaka opio oia ka mau o ka @kaika ame ke ola iloko o ka mea ma'i, a eia nae, i kekahi manawa e moniia aku ana ka meaai, a i kekahi manawa e mumu wale ia ana no maloko o ka waha. me ia holopono ole no o kana hanai ana aku ole no oia i hoopau a i ole manaka paha i ka hanai ana.

            "E hoao ana au e hoopakele ae i kona ola ina he mana kekahi iloko o ke kanaka e hoopakele ae iaia." i pane ae ai o Mrs. Elawoka i ke kaikoeke'i kekahi la no elua a ekolu manawa," a ina no kona ola nei, alaila e pono ia Mr. Lanakasa e panai mai i ola no ke ola." wahi ana me ka manaopaa.

 

MOKUNA XXXIII

E NOI MAI I KAU MEA I MAKEMAKE AI

 

            Aohe wahi leo loheia aole no hoi he nakeke maloko o ka rumi o ka mea ma'i, aole no hoi maloko o ka hale holookoa, a ke hookokoke mai la na hora o ke aumoe. Ma kekahi kihi o ka rumi e a mai ana kekahi ipukukui ua hoemiia ka a a uuku loa. a he ano pohina ula wale no oloko o ka rumi mamuli o ka uhi e pale ana i ka mlamalama o ke kukui ua waheia na puka aniani o ka rumi a hamama i komo mai ai kahi oaniani makani e pa mai ana mai ke kai mai.

            Ua pauhia ka elemakule Lanakasa i ka hiamoe maluna o ka ahamaka ma kekahi o ka rumi ua ala aku a u amaluhiluhi me ka piha pu i na manao kaumaha a no ka nawaliwali mai no hoi kekahi i kona ola kino ia manawa.

            No Mrs. Elawoka hoi aia mau no oia ma ka aoao o ka moe o Robaka, ua hele kona helehelena a hai kea, a o na maka no hoi ua hele a poopoo a ua aneane e haalele mai ka ikaika i kona kino, a e kiai mau ana no hoi i ka hapai pu o ko Robaka hanu, me ka hoomau no nae i ka hanai ana i ka mea ma'i.

            Maluna o kekahi wahi pakaukau uuku kana uwaki pakeke e kau ana, a i kela ame keia manawa e kiei mau'ake'ana oia i ka manawa me ka pihoihoi mau a anohinoni mau o ka noonoo, oia ka manamana kuhikuhi hora e hookohoke mau ae ana i ka hora umi-kumamalua.

            @e elima minuke i koe a kani ae ka hora umi-kumamalua. uumi iho la oia i kona hanu no ka mea, ua nana aku la oia i ka mea ma'i ua aneane loa e haalele mai ka hanu ola iaia, a ua kokoke mai hoi ka manawa e kailiia ae ai-ka hauu ola mai ia Robaka ae.

            He la ikaika loa ia o ka wela ma kela aina, aka nae, i ka wa i loli ae ai ka pa ana mai a kamakani mai ke kai mai ua uhiia aku o Robaka me kekahi huluhulu lahilahi i ole ai oia e loaa i ke anu.

            Ua kaahope aku la ka elima minuke a Mrs. Elawoka i manao ai o ka manawa ia e lele loa ae ai ko Robaka hanu, eia nae oia mau no ke kamau o kahi hanu, ua hoomau aku la no na manamana o ka uwaki i ke kaapuni ana i ka papalina o kahi uwaki, oia mau no nae ko Robaka hanu ana me ka loli ole ae o ka helehelena o ka mea ma'i i ka maikai a i ole i ka haalele mai paha i keia ola ana.

            Ia manawa hookomo aku la o Mrs. Elawoka i kekahi lima on a ma lalo ae o ke kua o Robaka a hapai iki ae la iaia iluna, o ke kaumaha iho no hoi o ke kino o Robaka, me ka hau@ @@@ @@@oia o ia hapai ana ae a oiai oia e paa ana i ke kino o Robaka ke ike la oia i ka anu o ke kua, ke ano o ka mea e haalele mai ana i keia ola ana.

            Ia manawa me he mea la ua loaa ae la paha iaia kekahi mana kupanaha mai ka lani mai. alaila hooho ae la oia i keia mau huaolelo me ka maile loa:

            "O aloe oia e make ana! Aole oia e haalele mai ana i keia ola ana! Ina e aloha mai ana na lani iaia e ola ana no oia. aole oia e make ana!" wahi ana oiai no oia e hoomau ana i ka paa o kona lima mala@o o ke kua o Robaka.

            Alaila huki mai la oia i kona lima a paa mai la i na lima o ke kamaka ma'i, iloko o kona a no kona maluhiluhi loa. ua ike ole oia i kona hiamoe ana, eia ka ua hina mai la kona poo ihope o ka noho paipai me ia mau no o ka paa o ua lima o Robaka iloko o kona.

            Oka mea nana oia i hoala ae aole oia i maopopo, ia makiii aua ae o kona mau maka, i wale iho la no i@i iho" ua hiamoeia iho nei ka hoi a'u," a hooikaika wale ae la no i ke ala oia nae kona mau maka oia mau no ka hele a polu@@@@ i ka makehiamoe.

            O ka mea uana i hoomakahia a loa ae la iaia ia manawa. oia kona ike ana iho i ka pumehana o ua lima o Robaka a@@ e paa ana, a ke ike la oia i ka pulu o na lima o Robaka i ka hou no ka paa paha iloko o kona mau lima.

            Nana aku la oia i ka helehelena o ke kanaka ma i e moe ana no me ka pili o na maka, oia mau no ka hapai o kona umauma i ka manawa e hanu ae ai, oiai nae he nawaliwali loa ka hanu ke hanu ae, a he mea la nae he oluolu makai ia manawa ana e moe ana. Alaila kiei aku la oia i kana uwaki o ka hapalua ia o ka hora umi-kummalua, nolaila ike @ho la oia he mau minuke lehulehu maoli kana o ka pauhia loa ia ana i ka hiamoe, a oiai oia e hiamoe ana o ka manawa ia ana i noonoo iho ai, i loaa ae ai ia Robaka kahi loli iki.

            He oiaio ua loaa ae ia Robaka kahi loli iki i ka maikai eia nae o kona ola ia manawa aia maluna o kekahi lopi liilii loa kahi lewalewa ai, in a no e moku ana o ka pau ana no ia o kona hanu ola a no keia ike ana o ka Iede i ka loli ana ae ana ae o ko Robaka kulana ma'i ia manawa, mamuli paha o ka oluolu i kahi oaniani makani mai ke kai mai, a i ole na meaai paha i komo liilii aku ai iloko on a, aole hiki ia Mrs. Elawoka ke hoomaopopo ia manawa, aka, hookahi niea ana i ke a hoomaopopo ua loli ae ko Robaka ola ana. a @o ia loli i hooholo iho ai ka Iede i kona manao aole o Robaka e make ana, ake, e ola aku ana oia.

            Ai maluna o kekahi wahi pakaukau uuku he ipukukui uuku hoopumehana e ku ana ma kona aoao, a i wai hoia no hoi malaila no ka hoomahanahana ana i na meaai, o kona ho-a aku la no ia, a i ka a ana, kau aku la i ke koena o na o na meaai ana o ka hanai ana ia Robaka a koe, iluna o kahi ipukukui, me ka palanehe loa, no ka hoomakaukau ana keia i meaai na Robaka, i kona manawa e ala ae ai ua makaukau.

            Aohe no hoi i liuliu loa ia kau ana aku ua mehana ae la na meaai@ He mau minuke mahope iho o ka hora ekahi o ia wanaao, akahi o Robaka a aoka ae kona mau lehelehe no ka manawa mau loa iloko o na hora he kanaha-kumama walu, a aiai ua nawaliwali maoli oia ia manawa e hiki ole ai ke hoohulu n@ai i kona poo ma kekahi aoao, eia nae ua lilo kana leha ana mai e nana i ka Iede i mea na ka le@le e hoomanao aku ai ua makemake oia i kekahi mea.

            Ua hauoli ae la ka Iede ia manawa no ia nana ana mai a Robaka iaia, a ua hoike aku la oia ia hauoli on a ma @ka olelo ana aku i ka mea mai e hoolana i ka manao, me koa@ nana pu ana aku i ke kanaka opio me ka hoihoi o kona helehelena.

            O ko ka Iede haawi aku la no ia i kekahi puna i piha me ke kai supa i hoomahanahanaia iho la a kau aku la ma na lehelehe, a inu malie aku la no ho ka mea ma'i, a leha mai la i ke kiaha a ka Iede e oaa ana i kekahi lima me he mea la o noi mai ana e haawi hou aku.

            Elike me ka hiki ia Robaka k@ moni aku pela no ka nui o ka Mrs. Elawoka o ka haawi @@@ aku i ka mea ma'i a ia pau ana no o ka haule hou aku la no ia o ke kanaka opio ma'i i ka hiamoe kulioolipo Maila loaa ae la ka manaolana hauoli i ka Iede ua komo aku la na maka o Haloa.

            Ika ike ana aku o ka Iede i ka hiamoe o ke kanaka ma'i. uhi ho@ aku la oia i kekahi huluhulu moe kehau o Miloiii @@aluna on a, i ole e loaa ka mea ma'i i ke anu, a kikepa ae la no hoi oia i kekahi kihei huluhalu maluna o kona kua. a hina aku la ihope o ka noho paipai, me ka maha o kona uhane no ka ike ana aku i ka loaa o ka maha i ke kanaka ma'i, a e hooluolu iki hoi oia no kekahi manawa, no ka mea, ia manawa ua hele mai la kona mau maka a oolea i ka ua mea o ke ala, a ua maluhiluhi maoli no hoi no ka okuu mau iluna, me ka @oaa ole o kahi hiamoe a hooluolu maikai.

            No ekolu manawa ma ia hope iho kona hanai mau ana @@@ i ke kanaka opio me ke kai supa, a ua hoomahuahua mau aku no hoi ke kanaka ma'i i kana ai ana me he mea la ua have mai kona puu i ka ai ia manawa. no ka mea ua loihi na la o ka waiho hakahaka ana o kona opu, me ke komo nui ole aku o kahi meaae, a i ka manawa e wehewehe mai ana o kaiao, oia ko Robaka manawa i pauhia hope loa aku ai i ka hiamoe kulipolipo loa. a i ka ike ana o ka Iede ua moe maikai loa o Robaka. kii aku la oia e hoala ia Mr. Lanakasa, a lawe aku la iaia iwaho no ka mea aole on a makemake e kamailio laua maloko o ka rumi a ke kanaka ma'i e hiamoe ana i nanea.

            "Heaha kau mea i makemake ai e kamailio mai ia'u?" wahi a ka Mr. Lanakasa ninau me ka leo haalulu. "Ea, kupanaha no hoi oe, no ke aha oe i hookuu ai ia'u e hiamoe i keia po a o ke ao ae no ia. heaha kou mea hoala ole mai ia'i? Ea, ua hala ane@ oia?" wahi o na ninau lehulehu a ka elemakule.

            "Hamau! Mai kamailio nui ae oe!" i papa aku ai ka Iede, me ka paa ana aku ma ka lima." e pono oe e kamailio liilii iho. Ua oluolu iki o Robaka: no kekahi mau manawa lehulehu kona ala ana ae i keia po iho la a ua mahuahua no, in a pela iho @ oia e lawe liilii aku ai i na meaai i kela loa no hoi kana mau wahi meaai o ka ai ana, a ma ko'u maame keia manawa, e hoi hou mai ana kona ikaika me ia. a e kaahope aku ana na la kupilikii loa."

            Pela? Ua loli ae anei oia i ka maikai iki? ua maopopo anei ia oe ia mea? O, in a pela, he nuhou hoohauoli maoli kena au e hoike mai nei." i pane aku ai o Mr. Lanakasa, me ka hoihoi a mohala maikai ae la o kona helehelena.

            "Ke hoike aku nei au ia oe pela. ua maopopo loa ia mea ia'u, a no ka mea ua loaa ia'u kekahi ike e hooia@o iho ai au pela, a ke paa nei no kuu manao in a e haawi aku ana kakou i ka malama maikai loa iaia e ola ae ana oia." wahi a Mrs. Elawoka o ka pane ana mai, alai'a hoakaka mai la oia no kana mu mea o ka ike ana i ka po iho la i hala i kona manawa i ike aku ai i ka loli o ke kanaka opio.

            Alaila hopu mai la ka elemakule i na lima o ka Iede e mau aku ana uo ka paa ana i kona lima a hapai ae la i kona mau lehelehe, he mea hoike no kona hauolii a no ke ahonui ame ka malama maikai loa ana o ka Iede i kana mea aloha ia po a i na manawa no i hala aku.

            "Na ke Akua lokomaikai e hoopomaikai mai ia oe! Ua hoopakeleia kona ola e oe!" wahi ana me kona mahalo piha. "Eia nae, he hana pono nau k@ hoala ana ae ia'u no ke kaana pu ana i ka manawa ala me oe, aole hoi @ oe wale no ke ala ae hiamoe au. Mamuli o ko'u kaia loa ia ana i ka hiamoe ua hana au i kekahi hana aloha ole loa ma ke auo makoaa a noonoo ole no kou pono e Mrs. Elawoka."

            Akaaka a@u la ka Iede me ka nana pono ana ae i na maka o Mr. Lanakasa a pane ae la:

            "Ua maopopo ia'u ua kaumaha oe a ua maluhiluhi pu no hoi. a o ka hiamoe no ka hooluolu ana ia oe, oia kau i makemake loa ai; eia hou, aole i like ke ahonui o na kane me ko na wahine." wahi ana. "Aole au i hoala aku ia oe, no ka ame, ua ike no au aole waiwai o ia hoala ana aku, a eia no hoi kekahi, aole pono i elua kaua e ala i ka manawa hookahi, o lilo ko kaua kamailio ana i mea hoala aku ia Robaka, no ka mea, aole o'u makemake e ioheia kekahi hamumu maloko o kela rumi, ua ike no oe ua nawalewali lo oia e makemake ole ai o Robaka e lohe ia kekahi hamumu a nakeke paha, he mea hooluhua aku no ia i ke mea ma'i.

            "Aka nae. i keia wa. in a ua loaa ia oe ka oluolu maikai mamuli o kou hiamoe ana. alaila o oe ke noho me Robaka a e hoi ae h@@@u e hooluolu iki. Pehea la keia manao i kau nana mai!"

            "O. oia ka mea kupono loa @ou. ke hookuu aku nei au ia oe e hoi e hooluolu a owau ke pani aku ma kou wahi." wahi a Lanakasa o ka pane ana aku.

            "E pono oe e hoi e hooluolu no ka mea, ke nana aku nei au i kou helehelena ua haikea maoli, o kou mau maka ua hele a poopoo, a he hiohio no hoi kou o ka mea ua kaa wale i ka ma'i mamuli o ko ala ana me ke kiai makaala loa ama i ke kamaka opio ma'i no na hora he kanaha-kumamawalu i kaahope aku, nolaila ke hookuu aku nei au ia oe, a owau ke pani aku ma kou wahi." me ka noonoo ana iho o ka elemakule aole oia i ike i ka ui o ka Iede mamua aku e like me ia minuke a laua e kamailio aua.

            @lamua o ko Mrs. Elawoka hoi ana aku e hooluolu hoakaka mua mai la oia i ka Mr. Lanakasa mau mea e hana aku ai no ka pono o ka mea ma'i. oia h@i ka mea e pili ana i ka hanai ana ia Robaka, me ka papa pu mai iaia aole e kamailio aku i hookahi huaolelo i ke kanaka ma'i.

            "O kau hana wale no o ka makaala i ka hanai aku iaia, hookuu oe iaia e hiamoe, e like me ka lihi ana e makemake ana, a in a oia e ala ae ea, ia manawa oe e haawi aku ai i ke kai supa. Mai ae iki oe iaia e hoikai ka ae ma kekahi ano, aole no hoi kona noonoo ana no kekahi mea, ahiki i ka loaa ana iaia o ka ikaika kupono e kamilio mai ai.

            Ia pau ana no o kana kamailio ana, haawi mai la oia i kekahi kuonu o ke ano hoomahie a huli aku la e hele no kona rumi moe, a hakalia no iaia a kau ke poo i ka uluna o welehu ka malama, puhala ka ihu nana i ke Kaao. a pau ka oni ana a no ka mea, na ka maluhiluhi ame ka nui makehiamoe i hoohiki wawe loa i kona hiamoe ana aku.

            No elua hora kona hiamoe kulipolipo loa ana a i kona ala ana ae a ike iho he hana nui kana e hiki ole ai iaia ke hookaa wale mai ia hana koikoi mai o kona ku ae la no ia a hele mai la no ka rumi e waiho ana o ke kanaka ma'i.

            Iaia i komo mai ai, a me he mea la ua loaa maoli ia Robaka ka maha. mai kela manawa mai no ana i haalele iho ai ahiki ia manawa, oia mau no ko Robaka hiamoe ana, aole oia i ala iki hookahi manawa.

            Alai'a hookuu mai la oia ia Mr. Lanakasa e iho i ka haleaina malalo no kona aina kakahiaka, a noho iho la e kiai i ke kanaka ma'i elike me kana o ke kiai ana ia po ahiki i ka wanaao.

            Ke hoomaopopo iho, a e ike ana no oe. e ka makamaka heluhelu. ma keia hana a Mrs. Elawoka ua nui maoli ka aie o Mr. Lanakasa i nei Iede a pela no hoi me ke kanaka opio ma'i, e hiki ole ai ia laua ke alo ae mai ka haawi ana aku i kekahi uku ke koiia mai.

            Ia Mr. Lanakasa i hoi mai ai hoomakaukau iho la o Mrs. Elawoka i kekahi mau meaai na ke kanaka opio a ia pau ana hele aku la e kokua ia Mrs. Satevana. kona kaikoeke, i ke komo ana i kona lole, a no ka hoike pu ana aku no hoi kekahi iaia i ka nu hou hauoli, oiai laua e ai ana i ka laua aina kakahiaka o laua wale no.

            Ua like key mea hou i ka Lede Salevana i nawaliwa'i me kekahi laau lapaau e hoolana loa aku ana i kona manao, no ka mea, oia pu kekahi i loohia i ka ma'i iloko o na pule aku i hala, o kana mea i kaumaha loa ai oia ka hiki ole ana iaia ke haawi mai i kekahi kokua i kona kaikoeke ma ka malama ana i ke kanaka ma'i oiai oia pu no hoi kekahi iloko o ia haawina hookahi.

            Mahope o ka pau ana o ko laua aina kakahiaka hoi hou aku la ka Iede Elewoka noloko o kona rumi moe e hooluolu ai, aole no hoi oia i ala iki mai ahiki i ke awakea.

            Iaia i hoi hou mai ai i ka rumi o ke kanaka opio ma'i, ua ala ae o Robaka. a ia ike ana mai iaia minoaka mai la eia nae, no ka nawaliwali loa aole hiki ke puai mai i kekahi huaolelo o ke ao@ha kakahiaka iaia, a ia manawa haawi aku la oia i ke kiaha waiu hou loa ana o ka lawe pu ana mai na ke kanaka ma'i.

            Mai kela manawa mai ka hoomaka ana o Robaka e pii mau ae ka ikaika no ka mea, elike me ka pii mau ana ae o kona wahi ikaika. pela no kona makemake mau i kekahi meaai e haawiia aku iaia, a iloko o ka pule hookahi ma @a hope mai ua hiki iaia ke ala mai kona moe ae a e okuu iluna. He mea hoohauoli loa kela i ka manao o na mea apau.

            I ka hala ana no hoi o ka pule hookahi ma ia hope mai, ua hiki loa iaia ke holoholo maloko iho o kona hale e noho ana ia manawa, a no ia ikeia aku on a i ka holoholo ua loaa iho la ka manao i ka makuakane, in a e loaa ana i pule hou aku, e hiki pono ana ia Robaka ke hoomau i ka hele ana me ka nui o lakou ma ak lakou huakai kaahele honua no Kalakata, ma o ke hele ana aku a ia wahi aku a ia wahi aku me ka loaa o kekahi mau la hoomaha liilii m@i ia mau wahi, a ia wahi e hui aku ai me ka nui o lakou i hala e aku a e hoea ae ana ilaila ma ka mahina o Maraki, a malaile e noho ai no kekahi mau pule no ka makaikai ana i ke kulanakauhale o na Halealii."

            Ua hoike muaia aku i ka nui o lakou @ haalele mai ai ka @@hou hauoli no ke ola loa ana'ae o Mrs. Satevana a pela hoi me Robaka, a i ka manawa i hoikeia aku ai i kela poe kahi ame ka manawa e halawai ai lakou, ua hoopihaia aku la ka hapauni o lakou i holo pu ai i ka @@kaikai me na manao hauoli no ka halawai hou ae a ike aku a ike mai.

            Iloko o keia manawa a pau oia mau ko Mrs. Elawoka lawe i kona kulana ma ke ano he alakai a he mea hoohauoli i na manao o ko lakou poe ma na ano a pau e hiki ana iaia.

            Hoko o keia manawa o Robaka i ola ae ai he hana haule ole na Mrs. Elawoka ka hoao ana mai e hoohauoli i ka naau o ke kanaka opio ma na ano apau e luia aku ai na manao pilihua o na ia i hala a e nana aku i na la e olino mai ana ka hauoli @o@a mamua.

            Iloko o keia mau pule o ko Robaka hoola ma'i ana ae ua lilo o Robaka i mea malama a mikiala mau na Mrs. Elawoka hoike mau aku aha i kona ano makaukau mau e hiki ana no ke noonoo ae, e hoomakaukau m@@ ana oia i na meaai ono loa e hoowalewaleia aku ai ko ke kanaka opio puu e have mai i ka ai no kekahi mau hora o ka la e hoohala ana oia ma ka heluhelu ana aku i kekahi  mau moolelo maikai, a pela hoi me na mea hou o kela ame keia aupuni e ikeia iho ana maloko o na @upepa, a e hoohauoli mau aku ana no hoi i ka noonoo o ke kanaka opio ma @a manawa apau e lilo ai oia i kukuna malamalama no ka hoolana mau ana aku i ka manao i koko@o  o ke kanaka opio a he punawai hoi kahi e loaa ai ka wai huihui i ke kamahele maloko o ka waoakua iloko o na la loihi o ke kali ana me ka inea.

            No keia mau hana aloha a honui a Mrs. ETlawoka ua hoike ae la o Mr. Lanakasa ma kekahi la aohe wahine hoomanawanui e aku e loaa mai o Mrs. Elahoka, he wahine ike i ka malama ana i ka mea ma'i iloko o ka manawa nawaliwali a he haawi pau hoi i kona manawa. kona noonoo ame kona ikaika no ka pono o ka mea i loohia i ka nawaliwali.

            Ua manaoio maoli no oia in a aole ke ahonui o Mrs. Elawoka, in a ua make kahiko o Robaka, aka. mamuli o ka nui hoomanawanui ame ka ike i ka malama ana i ka mea ma'i. pela i puka m@i ai, he lua ole hoi ana i ike ai ma ka ahonui e loaa mai o Mrs. Elawoka.

            E ike iho ana no oe, e ka makamaka heluhelu ma keia ua make loa ka noonoo o ka elemakule Lanakasa, i hakalia wale no i ke noi aohe hoopupu ana iho ma ka aoao o ka elemakule, no ka mea. ua lilo na hana maikai a Lanakasa no i hooiaio iho ai. i mau mea e hoomamao loa ia aku ai ke pi ka maua. ka hoowahawaha ma iaia aku no ka mea ua ike oia i kona aie nui i ka mea hoomanawanui.

            Aole o keia mau hana maikai wale no a Mrs. Elawoka i hana ai na mea a ka elemakule Lanakasa i maha'o ai, aka o o ka hoomaemae pu kekahi ialoko o ka hale. kahi a lakou e noho ana ia manawa, o kekahi kumu no hoi paha o ke ku o ka hoomaemae ea, o kekahi no ia o na hale nani @@loko o ia wahi, a no ia mau hana maikai ana ua hoomahuahuaia aku ka hauoli ame ka oluolu o na naau o ka hapanui ae o ia ohana. i ko Mrs. Satevana noonoo iho ua lilo maoli kona kaikoeke i mea haohao nui nana. no ka mea, ma keia mau la, me ia @oo no o Mrs. Elawoka eia nae. ua like oia me kekahi kaikamahine nona na makahiki he iwakalua wale no ka laiwale e eleu ana oia ma o a maanei, e miki ana i kela ame keia hana o ka hale, ma kahi e loaa ai iaia ka malamalama o ka la an@@@@@@@@ o kekahi paha hoi ea ua hala aku na la omamalu o ke @@@@ a ua lo'i mai na la o ka malamalama. kela mau la e @@@@ iloko o ka poluluhi ma Ela Asia.

            Ua loaa nae ia Mrs. Satevana ka manao maopopo @@@@@@ kumu o ke ano alunu mahope aku o keia mau ano h@@@@@@@ o kona kaikoeke, a ua manao maoli iho no oia ua @@@@@ ia mau kumu iaia; a eia nae me ia ike no on a, ua @@@@@@ no nae oia me ke kahaha no ka loaa o ka ike i ke kai@@@@@@@ hoomanawanui. ma ke kino a ma ka noonoo ma na ai @@@@@ hauoli a oluolu hoi a pau a ke kaikoeke i hoike mai a@@@@@ "Aole au e hoahewa ana i kuu kaikoeke no kona @@@@@@ mai ia mau ano maikai on a apau." wahi a Mrs. Satevana o ke kamailio wale ana iho no iaia iho ma kekahi l@@@@@ e noonoo ana no keia loli ano e loa o kona kaikoeke @@@@ ka mea, in a he mea nui kekahi ana e noonoo mai nei@@@@@ pono ma nei mua aku, ke nana aku me he mea la e@@@@@@ ana no ia makemake on a, no ka mea ua hana oia i keka @@@@@@ kupanaha loa e hookahahaia aku ai no ka noonoo.

            "He hana ku i ka mahalo nui ia kana i hana aku @@@@@ Robaka pono, a ua hana pu mai no hoi oia i ka maika@@@@ He wahine piha noonoo oia, a @olaila ma@ ko'u manaw@@@@@@@@ paani mai nei oia i kekahi hana@aalea a a@@mai @@@@@@@@@ e lilo ai ka elemakule Lanakasa iaia ua @@@@ @@@@@ i @@@@@@ hoa ana aku no ka mea he mau mea kuleana like @@@@@@@@ a ua kulike no hoi kekahi na kekahi. O ka'u i @@@@@ la oia-"

            Ua hoopokoleia ae la nae kana kamailio ana @@@@@@@@@@@@ komo koke ana mai o ke kaikoeke a ku ana iloko @@ ka @@@@@@ nolaila ua hookoeia kana mea huna iloko wale iho no @@@@@

            No ka hoomau ana aku i ka lakou huakai ne@ im@a@@@@@@@ Lnakasa i hopohopo ai aole e holopono ana mam@@@@@ Robaka nawaliwali ua ikeia nae ka lilo ana o ia n@@@@@ lakou i mea hooikaika loa ae la i ko Robaka ola ki@@@@@@ mau ae la kona maikai ame ka ikaika i kela ame k@@@@@ ma ka manawa a lakou i hui aku ai me ka nui o ka @@@ @@@@@ ma Kalaka@@ ua ikaika maoli o Robaka, koe wale @@@@@ pilalahi loa ma ia manawa no ka mea, aole i piha @@@@@@@ kona kino i ka ai, ua loihi na la o ke komo ai ole @@@@@ nui no hoi ka laweia aku o kona kino e ka ma'i.

            O ke ano no hoi o ka mea i kaa wale i ka ma'i la @@@@ mai o ka helehelena a nanakea, pela iho la no o K@@@@@ manawa. eia @@e ua ikaika elike me mamua a ma ke @@@@@ olelo ae la oia i ka nui o lakou: "I ka'u na@a iho ia'e @@@@@ manawa ua like au me ke kanaka hou loa akahi a @@@@@@@ a ku elike me ke ano o ke kanaka.

            Ma kela hui ana aku o lakou i hele mua ai. he hal@@@@@@@@@@@ oli loa ia no ka mea. o ua mea i manaoia e make ana @@@@@@@ a ua pakele mai ka waha mai o ka mke.

            A no ia hui ana ae o lakou me ka hauoli loa ua ho@@@@@@@ kau koke ia iho la kekahi papa ahaaina nui no ka @@@@@@@ o na mea i loohia i ka ma'i a i ola hou mai.

            Maloko o kekahi o ua hokele nui a nani maloko o ke ku@@@@@@@ kauhale o Kalakata i noho ai lakou apau. a maloko l@@@@@@@@@ kahi rumiaina kaokoa i hookaawaleia i malama ai lak@@@@@@@@ lakou papa paina, a malaila i @uia ai ke ola o na mea @@@@@@@@@@@@ a i ola hou me ka haawina o kekahi mau huaolelo a mau @@@@ kalo ana i na mana lani me ka hoomaikai nui aku no ka @@@ pakeleia ana mai o na ola o na mea i halawai me na popilik@@ ma ke alahele. Ua inuia ka waina no ka hoomaikai ana aku no ko Robaka pakele ana mai ka make mai, a no ko lak@@ hui hou ana ae hoi me na ola maikai a ike aku a ike mai @@ kahi i kekahi.

            Ua hoi hou mai la ko Makoli ui a lamalama o ak helehel@@@ elike me ia mamua aku. He lole hou ko Makoli i hanaia @@ ia manawa, a i ka nana aku iaia he lamalama mai hui kau @@ ka helehelena me ka piha hauoli ame ka maha o ka naau, @@ ka ike wale ana mai no keia ia Robaka.

            No Robaka nae ua makaala loa oia iaia iho aole i h@@nu loa aku i kona hauoli mamua o ka mea kepono no kona ike iho iaia ia manawa aole i ikaika pono loa ae kona kino @@@ nae ua hoike aku la no oia i kona ohaoha iaia elike me @a @ na hoa e ae apau, a i ka manawa mahope iho o ka pau ana @ ko lakou aina ahiahi, hoi nui ae la a loko o ka rumi hul@hula a malaila i hoohehelo ai na mea apaau no ka hoohauoli ana na malihini o ka hale aia hoomaha ana iho a lakou hele aku la o Robaka e hoolauna iaia iho i na Iede opio apau ana i ike ai.

            Iloko o keia manawa e hulahula ana o na mea apau puka malu aku la o Mrs. Elawoka iwaho me ka ike ole o na mea apau a mawaho o ka lanai e huli aku ana i ke kulanak@ul@@ i noho iho ai oia a nana aku la i ka malamalama mai o k@ ku kui o ke kulanakauhale.

            Ua piha oia i na manao uluku a kaumaha no ka mea @@ @@@@ mai iaia kekahi leka mai kona luna hooko kauoha mai e hoa kaka mai ana iaia o kana mau dala apau i hoomoe aku ai iloko o kekahi hui no ka hoopukapuka ana aku, ua poho ia hui @@@ ua poho kana ma udala apau loa i hookomo ai ilok@ @ @@ @@@ a aole e loaa ana iaia hookahi keneka o ia mau dala ana i h@@ moe aku ai. He pilikia nui loa keia n@na i kana @@@@@ @@@ a he puupuu ikaika loa hoi i kuiia mai la e @ele ole ai ka @@ miau eha ka pua o K@aie.

            Ua hunakele loa oia i keia mea hou iaia wale iho no koe @@@ kona kaikoeke o Mrs. Satewana no na kumu no ana i @k@ @@ nona iho ua maopopo iaia kona pili kia nui i nei manawa @@ laila me ka pakiko wale no oia e hoolilo aku ai i kana mau wahi dala i koe i mea e hiki ai iaia ke uku aku i k@@@ mau bila dala apau. koe wale no a haawi mai kona kal@ke@@ a@@ Makoli i home nona a i ole pela hookahi wale no @lahe@@ @@@ i noonoo ai no kona pakeka@a oia kona ma@e ana @@@ i @@@@ ka@e i loaa ka mea nana oia e malama mai.

            Ke lele mau nei ka manawa, ai kana nana iho ia @@@@@ aohe oia i aneane e kokoke aku i ka pahuhopu o ka@a ma@ mea i upu ai mai ka manawa mai ana o ka haalele ana aku i Marjeseta kahi ana i hoolala ai i kana olelo hooholo @@ k@ hui a wela a lawe a lilo ia Lanakasa i huluhulu moe ke@@ nona.

            Ahiki mai i nei manawa ua hoike mau aku o Lanakasa kona oluolu iaia me k@ kamailio mau ana ma na mea e hoeh@@ oleia aku ai ko ua o Mrs. Elawoka noonoo o na mea apau ana e makemake ai e hooko mau mai ana o Lanakasa eia nae ma ke ano e lilo holookoa aku ai kona noonoo ame kona uhane ia Mrs. Elawoka ua makaala mau oia iaia iho ma ia mea i ol@ ai oia e lilo i kauwa na ka wahine e makemake mau aku ana iaia ana i ike ole aku ai ialoko hana nui a no Mrs. Elawoka nae ua makemake oia e hooko kokeia kona makemake n@@u@ o ko lakou hoi loa ana aku no Amerika.

            Ma keia manawa ua hoomaka mai la ko Mrs. Elawoka manaka i ke kaahele loihi loa no ka manawa mua loa iloko @ k@@@ ola ana o kaua hana makemake loa o ka auwana ia aupuni aku a ia aupuni aku a no kona ike ana iho la paha i kona nele pela oia i makemake ole ai i ka hele loihi loa i na aina e.

            Ua lilo na pule elima ae i hala, i mea uluhua loa nana iloko o ka maikai o kona helehelena aole no hoi he loheia aku o kona leo uhu a kaumaha no ia noho loihi loa malaila eia nae ai@ no maloko on a ua lilo kana mau hana i mea hoowahawaha nana. a mamuli wale no o ka ikaika o ka mana o kana noonoo me ke kakoo pu ia mai e ka makemake @ h@@@ a wela ia Lanakasa. i hiki ai iaia ke hoomanawanui o@@@ @@@ na mana@ paiolua e hana mao ole ana iloko on a i kela ame keia manawa.

            I keia manawa nae i ka hiki ole ana iaia ke kakali hou il@@ hooholo iho la oia e lawe i na keehinahana no ka hoonee mua ana aku i kona manao, no ka hookoia a no ka ole paha in@ e hiki ana. Ina no ka holopono o ia manao hoao on a alaila e hiki ana iaia ke hele pu me ka nui o lakou me na manao maikai, a o kona mau manao kaumaha apau o kela ame keia ano e kiola aku ana oia i ka lewa a na ka makani e pul@ aku a nalowale.

 

(Aole i pau.)