Ka Nupepa Kuokoa, Volume LIX, Number 33, 19 August 1921 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no ko Helena Simoa Lanakila Ana a i ole Ka Hoowalewaleia Ana o Halebatona "Ea, e Robaka Egelakona, heaha kou manao ina nei no kou hoao aku lilo mai o Makoli i wahine nau?" O keia ka kona anakala o ka ui ana mai i mea e maopopo aku ai iaia ko Robaka manao. me ke kali ole a kahi manawa aku, no ka ae a ae ole paha. MOKUNA XXXII. KE OLA NO KE OLA Aea ae la ko Robaka mau maka iluna me ke kahaha nui a nana pono mai la i ka anakala, me ka pii ae la o ka ula ma kona mau papalina a ma kona lae, me ke kakau o na aa ma kona lae, no kona eha me ka ukiuki pu no nei ninau akona anakala, a pane mai la: "E kuu anakala aloha, aole anei ou manao iho ua mioi loa kau ninau ma o ka waiho ana mai i kena manao iamua oʻu mei manawa, ina no aole ia he ninau e hoehaeaina mai ai kuu puuwai ma o ka mea hiki iaʻu ke noonoo iho no ia mea?" He ninau keia ana i lilo i mea no ka anakala i pii ae ai ka ula ma kona mau papalina, a pane mai la: "O lou manaoio maoli no anei, e Robaka, aohe ou makemake e mare i keia lede opio aʻu i hoike aku nei ia oe? A i ole, o kou manao no paha e noho no ae me ka mare ole i ka wahine a pau na la o kou ola na?" K kulou la no ko Robaka mau maka ilalo, o kona helehelena nae ia manawa he haikea loa me ka pupuku o kona lae. Aka nae i ka hala ana o kekahi manawa, aea ae la kona mau maka iluna nana pono mai la i kaanakala, a i mai la : "Ua hai mua aku au ia oe, a anakala Hale, mamua o ko kaua haalele ana aku i ke kulanakauhale o Parisa, ua hoopoinoia kuu ola. Aole au i ike i ke kumu maila paha ua hanaia mai no au a like ole me ka nui ae o na kanaka o keia ao, i kuu manawa i haawi aku ai i kaʻu hoohiki imua o Helena Simoa e mareaku ana au iaia ; oia mau no ka papa o kuu manao no ka hoololi iki, oiai nae, ua lohe maopopo mau au i kona mare ana aku me Habati Alekona. "Aohe hoopalau elike me na loina o ia mea o ka hoopalau ana, i hanaia mawaena o maua, naʻu maoli no i haawi aku iaʻu iho iaia, a ua haawi mi no hoi oia i kona ae e lilo mai oia naʻu-a i hoike hou aku au ia oe i keia manawa, o kuu manaolana a pau aia wale no maluna on a, aole i kekahi mea e ae, a in a no koʻu nele loa iaia, ua hooholo au i kuu manao e noho mare ole au ahiki i ka uhi ana o ka lepo maluna oʻu. "O kuu aloha ame kaʻu mau hoomanao ana nona he oia mau ia ahiki no i keai hora a kaua e kamailio nei, he aloha hiki ole ke hooloiia mai kuu puuwai ae, ua haawi au i kuu puuwai holoolkoa a pau nona wale no, oia aloha eia no me aʻu ahiki  i nei manawa, a me ia aloha au e hiipoi ai nona ahiki i ka lua kupapau, a i lohe maopopo mai no oe i keia manawa, aole loa au e kapa aku ana i nei mau olelo apau a Robaka ke ike iho la oia i ka hoohokaia o kona makamake, no ka mea, o kana mea nui no ia o ka nalu ana iho, oia ko Robaka lilo i ka wahine e, in a paha o Makoli Elawoka ia a o kekahi wahine okoa aku paha aole o Helena. Ke ike iho la oia nona iho mau manawa i ka paakiki loa o ko Robaka manao ma ke ano o kana mau olelo o ka lohe ana mai la. Ia manawa alawa aku la ka nana ana a kona mau maka i ke ku mai o na lalani maun, a no kekahi maaawa liohi ko laua noho ana malaila me ka ekemu ole aku o kekahi i kekahi. I ka hala ana o kekahi mau minuke liuliu wale ia laua o ia noho hakanu ana, o ka anakala ka mea mua o laua i pane mai i ka i ana mai: "E kuu keiki, aole oʻu makemake e noonoo iho oe aole ia mea he aloha iloko oʻu nou, elike me ka ehaeha i loaa ia oe, o ia ehaeha ke kau pu iho ana maluna oʻu, in a he makemake oe e hoomamaia ae kou mau manao kaumaha apau owau pu kekahi e komo pu aku ana e kaikai ae ia haawe kaumaha mai kou puuwai ae. Ua maopopo iauʻu ua hoehaehaia oe. Aole au i manao ua paa loa la kou manao maluna o Helena, aka i kuu manawa i hoakaka aku nei i koʻu manao no kou mare me Makoli, oia kou manawa i hoike mai nei i kou manaopaa aole e mare aku i kekahi wahine okoa, a ua lilo no hoi ia i mea hookahakaha mai i kuu noonoo. "E kuu keiki, e lohe maopopo mai no oe i kuu manao i mei manawa, he makemake au ia oe e mare. Ua ike oe aohe oʻu hooilina e ae, o oe wale no ; i kuu manawa e hala aku ai ma kela ao e ili aku ana maluna ou kuu mau waiwai a pau mai na aina, na dala ame na hale iohana, oia mau waiwai apau e ili aku ana maluna ou, aole he uuku, aka, he nui ; o kuu makemake i nei manawa oia ka ike aku ia oe ua mare i ka wahine a ua loaa mai kau mau hua, a e kau aku ana hoi maluna o kekahi o lakou kuu inoa. "E kuu keiki, o kuu iini nui i keia manawa oia kuu ike aku ia oe ua lako oe ma na mea apau, ua loaa kou home, ua loaa kau wahine, ua pau kou manao auwana, ua loaa hoi kau mau keiki, kou mau hooilina, ka poe e hoohauoli aku ana ia lakou iho me na waiwai apau aʻu e hooili aku ana ia ʻoe ma nei mau  aku, a e hoomaka koke ia ia hana mai nei manawa aku ; o kuu ike aku he ohana kou a e noho ana iloko o ka hauoli, a e lawelawe mai ana hoi oe i na hana apau aʻu i lawe;awe ai me ka holomua, oia ka mea hoohauoli loa mai i kuu moomoo oiai au e ola aku ana." Aohe puai leo o Robaka no nei mau kamailio aku la a pau a ka anakala iaia, me ka mau no o kona kulou ilalo, a no kona pane ole mai i hou aku la ka anakala : "E pono kaua e kamailio no ia mea me ka maopopo loa i keia manawa oiai hoi kaua e kamailio ana no ia kumuhana. I hoike aku au ia oe i ka mea oiaio loa, ua lilo o Makoli i kaikamahine makemake nui naʻu, e ike  mai no nae oe i keia aole keai hoakaka ana aku la aʻu i koʻu makemake iaia he kumu lawa pono ia kou mare ana aku iaia. " He lede opio maikai oia ma na ano apau i kaʻu hoomaopopo aku, he huapala no hoi e kamawae oke iho ai kou noonoo, ua hoonaauao maikai ia, a he ohana maikai no hoi kona me kuonoonoo maikai ia, a in a no kou mare nei iaia, e lilo ana koolua ola ana i ola hauoli loa, no ka mea, hui kona waiwai me kou ua lawa loa ia e noho ai olua iloko o ka hauoli apauua lao ko olua ola ana. O kekahi kumu nui aʻu i makemake ai o kau wahine ia, ua ike maopopo au i ka nui o kona aloha nou, a oia no ke kumu o kona maʻi ana i kaʻu hoomaopopo iho, i keia mau la e nee nei." "Oia wal ae la no anei  kau mau mea i ike ai nona, e Anakala Hale? Ua maopopo no anei ia oe he makemake iʻo oia iʻau, a maluna wale no oʻu kona hilinai oiaio i na manawa apau?" wahi a Robaka. "Pela kuu manao, aka, koe aku kona mau ano oiaio i hanau pu ia mai ai oia," wahi a anakala. "Pehea i loaa ai  ka manao ia oe pela-oia hoi, pehea oe i maopopo ai i kona mau ano oiaio?" "A eia no, he mau maka no hoi koʻu a nana aku ana, aole no ia he hanapaakiki na kekahi ke kilo ana aku i na hiohiona o kekahi mea ma ke ano no o ka hana ana ame ka olelo ana," i pane aku ai ke anakala. O ka eu koke ae la no ia o Robaka a hele holoholo aku la maluna o ka lanai, ma kona  helehelena ka nana aku aia kekahi mea nui iloko o kona noonoo kahi i hana ai ia manawa. Ekolu manawa o kona ana ana mai i ka loa ame ka laula o ka lanai, a ke noho aku la no hoi ka anakala nana aiai i ke ana mai iloko o ia manawa a pau, me ka pane ole aku hookahi huaolelo. I hope loa o ka ua o robaka holoholo ana, hele mai la oia a ku koke iho la mamua pono mai o ka anakala a pane mai la : "E Anakala Hale, ke makemake nei au ia oe e hookuu mai iaʻu e hoi i ka home!" "Kupainaha no ka kena manao ou, e kuu keiki! O kou manaio maoli no anei ia?" i ninau aku ai ka anakala. "Ae ; o koʻu manaio keia. Ke makemake loa nui au e hookuu mai oe iaʻu e hoi aku i Amerrika, kahi o ko kaua home, no ka mea, ua hele mai la koʻu aloha a nui i ka home. O kuu makemake nui i keia manawa oia ka loaa o kekahi hana naʻu e  hana aku ai, kekahi mea aʻu e hana aku ai e waiwai ai koʻu ola ana, ole hoi o keia hele holoholo wale no me ka hoopau wale no i ka manawa maikai loa o ke ola ana, kekahi hana hoi e hiki ai iaʻu ke noonoo mau iho, a in a aole oe e ae mai ana i keai manao oʻu e pupuleia ana au," i hooho ae ai o Robaka me ka leo a ka anakala e nana aku ana e oiaio ana ka ke keiki mea o ke kamailio ana mai la. "O, e kuu keiki, aohe maikai iki o kena manao ou, a aole no au e ae aku au i kau nio, " i pane aku ai o Mr. Lanakasa me ka leo o ka mea i hoopiha loa ia me ke kahaha. "Ua hui pu mai nei hoi kaua me kela poe no ka hele makaikai ana i keia mau aupuni a eia ka hoi oe ke hoi mai nei e hookuu aku au ia oe e hoi. Ua kuaiia ko kaua mau tikiki ukumoku no ka huakaʻi holookoa a kakou ehele aku ana , aole i keia mau aupuni wale no, ka i na aupuni e ae kekahi, a in a hoi no ko kaua haalele i ka nui o kakou, aole anei ou manao iho he hana maikai ole loa ia a kaua e hana ai, a ka nui paha hoi o kakou e olelo mai ai he mau mea haalelle huakai kaua? Aole anei e hiki ia oe ke hoomanawanui i kou manao hoi, oiai e hoi aku ana no hoi kaua , aole e loihi ana ka manawa a hiki aku no kaua i ko kaua home?" "Aole hiki iaʻu ke hookaawaleia mai ia oe mai, e kuu hele pu ana aku me kela poe, owau no kaʻu e noi aku nei e hookuu mai oe a hoi aku au i ka home. Haawi mai no oe koʻu tikiki ukumoku, a naʻu no ia e hoi pololei aku no Nu Ioka, kahi aʻu e manao nei e hui pu aku me kekahi hoaloha malaila no ka lawelawe ana aku i kekahi oihana malaila," i noi aku ai O Robaka me ka manao kuio, a ma ka ano hoi e komo aku ai ke aloha iloko o ka anakala a ae mai iaia e hoi. "Aole hiki iaʻu ke hookaawaleia mai a oe mai, e kuu keiki, iloko o keia mau makahiki  lehu;ehu i hala aku nei aole kaua i kaawale iki mai kou manawa i lilo mai ai malalo o kaʻu malama ana mai ko makuahine mai, a o kekahi no hoi e lilo ana kou hoi ana aku i mea maikai ole i ka manao o na hoa e ae o kakou." "A eha hoi paha, in a he oiaio kau mea i kamailiio mai nei iaʻu ke manao nwi au he hana hewa loa noʻu ka noho pu ana aku me ka nui o kakou," i ku-e aku ai ke kanaka opio, me ka inoino o na maka. "No ka mea anei e pili ana ia Makoli aʻu i olelo aku nei ai oe e mare me ia ke kumu uhu nui o kou manao i ka hoi." "Ae, no ia kumu." i pane aku ai o Robaka. "Aole anei ou manao, in a no no ka hala ae o kekahi manawa pokole, e mao ae ana no na hoomanao ana no ia mea hoehaaeha i kou noonoo? Ina o ke kumu nui iho la ia o kou ehaeha ana, e hoopoina aku i ka mea ua hala, a e hooikaika iho no hoi e lilo o Makoli i mea aloha nau?" i ninau aku ai o Mr. Lanakasa me ka leo oluolu a haahaa loa e maliu mai ai o Robaka. "Eia hou, ke manao nei au a koʻu manaoio maoli no ia, aole e loaa aku ana ia oe kekahi wahine opio oi ae o ka uʻi ame ka hilinai malua ou, a e lilo ai hoi i wahine kupono  loa nau, in a e hele aku ana oe e huli ma ke ao aupuni." "E Anakala Hale, ua makemake mau au e hoohauoli aku ia oe ma na ano apau e hiki ana iaʻu. Ke manaoio nei no hoi au ua aie nui aku au ia oe no ka hanohano ame kou hoolohe ana mai i koʻu makemake i na manawa apau i hala hope aku, oia hoi, ma na mea i ku i ka pono, aka nae, no kaʻu mau mea i kamailio aku nei ia oe ma ke  kumuhana e pili ana ia Makoli, ua lohe mai nei oe i koʻu manao. Ekuu anakala aloha, ua lilo a ua nalowale mai aʻu aku ka wahine poio hookahi wale no aʻu i aloha ai a i haawi pau aku ai hoi au i kuu puuwai nona wale no, o kuu oka ana aku me ka nele oʻu iaia ua like ia me ke ola waiwai ole, a i hoike hou aku au ia oe i keia manawa i ka mea oiaio loa maloko o kuu puuwai, aole loa au e mare aku ana i kekahi wahine okoa aku." Ia pau ana no o kana kamailio ana, o kona huil koke aku la no ia hele, a iho aku la ilalo ma ke alanuipii, a me ka awiwi loa oia i hele aku ai mai ka hokele  aku a lakou e noho ana, a noho iho  la hoi ka anakala a nana aku la i kona hele me ka noonoo nui iloko ona aloe loa e hiki ana iaia ke hoihoi hou aku i na olelo a kana keiki, aole hoi e hiki iki ana iaia ke hoomalie hou aku iaia, no ka mea, ua lohe maopopo loa iho la oia i na olelo a robaka. Iaia e noho ana noonoo no nei mau olelo ana me ke keiki, ulu mai la iloko on a na hoomanao no na la o kona ola ana he iwakalua makahiki a oi i hala aku, kela manawa i auhulihia ai ke ano o kona ola ana, ka manawa hoi ana i aloha makawelawela loa ai i kekahi wahine ana i koho iho ai oia ka oi aku o ka uʻi ame ka waipihe, a i lilo aku nae hoi i ke kanaka e, a i lilo ai hoi i ke kanaka e, a i lilo ai hoi ia lilo ana aku i mea nona e hoehaehaia ai no kekahi manawa loihi ma ia hope mai a i hoohiki iho ai oia maluna o ka lua kupapau o kona mau manaolana poho, aole loa ioa e mare iki ana i kekahi wahine i pani ma kahi o ka mea i lilo mai iaia aku. Kani iho la kana uhu a nui iho la hoi kona noonoo o na makahiki i haka a ua hoopiha ia iho la oia me ke kahaha loa no kona noonoo ole a no kona hoao ana hoi e hoopoino aku i ke ola o kana keiki ; ma o hoao ana e hoomare aku iaia me ka wahine ana i aloha ole ai.  "E ke Akua, e huiklal mai oe iaʻu!" wahi ana iaia iho , a me ka nui o ka hanu ninau iho la iaia iho : "No keaha no la hoi ai i hana aku nei pela i kuu keiki? Aole ai i noonoo iki elike no me koʻu hoehaehaia ana, pela no hoi kona hoehaehaia ana no ka lilo ana aku o kana mea i aloha ai? "O, e Makaleka! Makaleka! Ina ua aloha aku o Robaka mai kela kaikamahine mai! Hookahi no kumu nui o koʻu makemake ole ana o kana wahine ia oia wale no kaʻu keiki e nana aku ai i hooilina no koʻu mau waiwai; o ka wahine i like ke kulana me kona oia kaʻu i makemake ai na Robaka, no ko Robaka ola ana ka me ka hauoli ame ka lakoina nei mua aku kaʻu mea nui i nana aku ai. O, ua hoowalewale a alakai hewaia anei koʻu noonoo e kekahi uhane ino e hana aku pela, oia kaʻu e hoopaopopo nei?" "Eha mau ola i hoopoinoino aku e aʻu mamuli o kaʻu hana hewa loa o ka hana ana ; o ko Robaka poino nae ka i oi loa aku i koʻu manao mamua o ko kekahi poe e ae ; no Alekona, ua hoowalewale aku au iaia me kaʻu dala a ma ia ano ua hoohaahaaia oia elike me koʻu hoohaahaa ana ; no Helena Simoa hoi, ke kaikamahine i oi aku ai ko Robaka aloha ua hoopoinoinoia aku la o ka hauoli mamuli o kona mare ana me ke kane ana i aloha ole ai, a no Makoli hoi, oia pu kekahi i hoehaehaia, a nona nae aole oia e hoohauoliia ana in a o Robaka kana kane e mare ai, no ka mea, ua hoike mai nei o Robaka i kona makemake ole e mare iaia a noʻu iho hoi, ke ike nei aohe manawa iki e kaawale aku ai ka eha mailoko aku o koʻu naau no ka hewa koʻikoʻi loa aʻu i hana ai i ke koena aku koʻu mau la o ke ola ana." A me he mea la ua hiki ole iho la paha iaia ke hoomanawanui ia manawa n oka nui o na mea hoehaeha i kona noonoo, o kona ku au la no ia a hoomaka ino la ka holoholo ana maluna o ka lanai iuka a i kai, me ka kulou mau o kona poo, a in a paha oia i make aole paha e oi aku ana ke keokeo a kona helehelena mamua o ko ia manawa, a ma ka nanaia kona mau maka hoi nana aku e hiki ole ana i kekahi kanaka me ka puuwai i like me ka pohaku ke hooheheeia. Enoho ana oia a kahikokoke i ka puka aniani, a kekahi hapa o ke olepelepe u aweheia a o kekahi e paa ana no, ma ka manawa ana e kamailio ana me Robaka. Iaia i hoea aku ai ma kekahi kihi o ka lanai lohe mai la oia i ka nakeke o ke olepelepe o ka puka aniani me he mea he kanaka kekahi malaila nana i hoonakeke ae. He minuke mahope iho oili mai ana o Mrs. Elawoka mai ka rumi hookipa mai o ka hokele a pii ae la ma ke alanuipii me ka mama o na kaina wawae, no ka pii ana i kona rumi  moe, oia ka rumi maluna pono ae o ka rumi ana o ka haalele koke ana aku, he kiokiona o ke kaumaha ame ka pioo ma kona mau maka hulili kona mau onohi me he mea la ua piha i ka huhu a he maikai ole maoli no hoi ke ike aku. Iala i komo aku ai i kona rumi moe, papani mai la oia i ka puka a paa a laka mai la maloko i ole e komo aku kekahi mea hoohaunaele iaia, alaila holoholo iho la oia iuka a i kai o ka rumi me ka piha loa i ka ukiuki. "Alaila, aole io ana la e mare i kuu kaikamahine?" wahi ana o ka liki wale ana iho no iaia iho." O, kanaka hupo! Kanaka hupo! O ke kumu mai no no ko pau ole o kona aloha ia Helena Simoa, ke kaikamahina a kela wahine ino a Makaleka Wilekona. "Pehea no la hoi i lilo ai ka hana o na makahiki i hala i mea hoohauhiuhi pu mai i ke ola ana o na hanauna hou o keia mau la? Ua hoohokaia au iloko o kaʻu hoaoa ana iloko o kela mau la, a ke ike nei no nae au i ka ukali mai no o ia hana hoohoka a hoea no i keia la. Alaila oia mau no ka ko Robaka aloha ia Helena Simoa ahiki i keia manawa! Oia no paha ke kumu o kona inaina ana a naha ai ka kiaha anini e ku ana maluna o ke pakaukau me kela la ana o ka holo ana ae i ka hale i ka manawa a Makoli i hoike aku ai iaia ua mareia o Helena Simoa me Habati Alekonaa. "Oia no ka ke kumu o kona maʻi ana a inoino kona helehelena me ka koopaa loa ana iaia iho maloko o ka rumi no kekahi mau la, me ka hoao ole e ike mai i kekahi mea ma na la mua o ka hoomakaukau ana i keia huakai. I ka nana aku me he mea la ua makemake o Mr. Lanakasa maluna o Makoli me kona  aloha pu, a no ka mea, ua paani o Makoli i kana mau pepa hahau me ka maalea ame ke akamai loa ma o ka hoao ana e hoonuniei i ka noonoo o kela elemakule, a ua lilo holookea maoli ko Mr. Lanakasa manao iaia. "Ua maopopo pu iaia ko Makoli aloha ia Robaka , a in a no ka lilo nei o Robaka iaia he hana akamai loa ia ana i hana ai, eia nae, i ka nana aku aole ana manaolana hou ana aku i koe no Robaka, no ka mea, in a e hooko ana o Robaka i kana mea i kamailio ae ai, aole loa oia e hoololi iki ana i kona manao, o kona manaoio maoli no ia e like me ia ana o ka hoopuka ana ae." Ku iho la oia me na maka inoino ame ka pupuku no hio o ka lae i ka ua mea o ka piha i ka ukiuki me ka haka pono aku o kana nana ana maluna o na mauna e kua mai ana ma kahi manao. "Heaha aku la auanei ke hana i koe? E pono no e hanaia kekahi hana e komo pu aku ai ko maua mau lima iloko o na puudala nui a Mr. Lanakasa, a no ka mea, ma ka manao o ka leka hope i loaa mai ai iaʻu koʻu hooko kauoha mai ke kanalua loa ka holopono o ka hookeleia ana mai o kaʻu mau dala i hoahu aku ai me ka hui hoopukapuka dala ma ka hapa komohana , a in a aole e huli an ana ke au o ka hookeleia ana o na hana o ia hui me ka aoao o ka pomaikai, e ike iho ana au iaʻu iho ma nei mua aku he wahine kuewa ilihune loa. "I kau nana iho kookahi wale no hana pano e hana ai i nei manawa, oia hoi koʻu hoao ana ma na ano apau e pahele i ka naau o Mr. Lanakasa, o kona lilo mai ka hoi la i kane naʻu o ka pau ana no ia no na mea hookaumaha i ka noonoo, aohe ike hou ana aku ia i ka pilikia ma ia hope aku, no ka mea, he kanaka waiwai o Mr. Lanakasa, nolaila e hoao ana au e lilo mai oia iaʻu, oiai ua hoole mai la hoi ke keiki ana i ka lawe aku ia Makoli i wahine nana. "Ina nei hoi no ka makemake ole mai o Mr. Lanakasa  iaʻu, alaila o Makoli kaʻu e haawi aku nana me kuu manao  maikai, o ka oi aku nae o ka pono e lawe aku oia i ka makuahine, ka mea i kupono nana. Kupanaha no ka hilinai kuhihewa ana aku o kela kanaka opio maluna o Helena Simoa, us haawi aku oia iaia iho, aka he maopopo loa ke noonoo iho aole oia i hoohuoi a i ole maopopo ike paha he kaikamahine poo ole me kela kaikamahine ma ke ano kupono ole, aka, nana no nae ie e ike nona iho i ka manawa hope." Mamuli o ka huli hoi ana mai o ka nui oe o lakou mai ke kulanakauhale mai i hoopau ae ai oia i kana noho a hoopaa ana iaia maloko o ka rumi, a o ,kona iho mai la no ia no ka hale malalo no ka hoomakaukau ana i na meaai no ko lakou paina awakea, a mahope iho hele aku la e hui me ka nui o lakou me ka helehelena minoaka hoomalae ma kona mau papalina, aia nae ka ino iloko kahi i noho ai. O ko lakou la hope loa ia maloko o ke kulanakauhale o Marieseta. Ma kekahi kakahiaka ae e holo aku ai lakou no ke kulanakauhale poo aupuni o Sotaholana, mahope o ka ana o ka aina ahiahi, a pau no hoi ke puhi paka ana a na keonimana hoakoakoa ae la o Mrs. Elawoka i na malihini apau maloko o ka rumi hookipa, alaila hoikeike mai la i kekahi mau hana e lilo ai oia i mea hoomanaoia e na mea apau ma ia hope aku, elike me ka loihi o ko lakou ola ana. He manawa hauoli loa ia no lakou, ua komo pu aku ka elemakule Lanakasa ame Robaka ma ia anaina hoohauoli, a ua kaawale aku hoi na manao poluhiluhi a kaumaha o na la i hala aku, ua komo pu na mea apau ma ka hoohuoi ana no kekahi manawa, a he hana hoohauoli hoi ia ihoikeia ae e na mea apau a holopono ka lewalewaia ana e na  mea a pau. Ma kekahi kakahiaka ae haalele iho la ka huakai a na malihini kaahele i ke kulanakauhale o Merieseta a holo aku la no Setaholoma, a malaila lakou i hoohala ai hookahi pule ; mailaila aku no ke Kai Bolatika maloko aki o ke Kaikuaono o Finalana ahiki i St. Peteroboro, a malaila lakou i noho loihi ai. Mai Peterboro aku no Makao, a malailau aku holo i ka hema a ma Makao i hoomaha iki ai, a malaila aku no Kelemania, ke oupuni a lakou o ke kaahele loihi ana, ma ka hele ana @@@ a a maanei, me ka hala ana o na la o ke kau a komo i @@@ haulelau. Aneane na la mau o ka mahina o Okatoba ua hoomaka @@@@ aku la lakou e holo i ka hema, a mahope o ka hoomaha a@@@ ma kekahi mau wahi lehulehu ma ke alahele hoea aku la i ke kulanakauhale o Konatiopela, ma Tureke. I ka mahina o Novemaba maloko o ke kulanakauhale o Atenai lakou i noho ana, a lamailla aku ka holo ana maluna aku o ke Kaiwaenahonua, no ke kulanakauhale o Alexandria, a i ka hala ana o kekahi mau la malaila hoomakaukau i@@ @@ no ka holo ana ae no Aigupita ame ka Aina Hemolele. Aole hiki ke hookolo pololei loa i ka lakou mau wahi apau o ka hele ana. Iloko o nei kaahele ana a lakou aohe mau uli@ poino i ikeia, he hauoli wale no na mea apau no ka lakou mau mea i ike aku ai ma o a maanei, a iloko no hoi o ia manawa, he hana hala ole na Mrs. Elawoka ka hoah mau ana e hooloul@@ i ka elemakule Lanakasa, me ka hukihuki i kona mau wawae me ka manao e hiu a wela a e lawe a lilo i koolua no Kai@ hikiola, a ua hooikaika mau no hoi oia e lilo i mea punahele na ka nui ae o lakou, a ua lilo io no mamuli o kona kaukai ole a ke onaona maka, o na lima, o na olelo pu no kekahi e hana ai, no ka hiki aku ia hopena. Ua lilo ka naau ka uhane ame ka noonoo o Mr. Lanakasa i nei wahine a ka maalea nui wale i pahele, a no ia ike mai o ka lehulehu o lakou i ka hoopipili mau o Mr. Lanakasa ia Mrs. Elawoka ua lilo ia i mea kamailio nui i ae ka lehulehu ae o kela huakai makaikai honua a lakou ioa no a ka mare ana o Mr. Lanakasa ame Mrs. Elawoka. Mahope o ko lakou huli ana aku ami ka Muliwai Nile aku me kekahi mau wahi kaulana e ae i kela au kahiko o @@@ aina o ka Mai Parao, ua noho iki lakou maloko o ke kulana kauhale o Isamalia no kekahimau la kakaikahi, alila nee aku la ka lakou huakai no Pota Seida, no ka holo ana ka Aina Hemolele. Mahope iki iho o ka haalele ana ia Pota Seida, loaa koke iho  la o Robaka i kekahi maʻi me ka hikiwawe loa, a he maʻi ikaika loa no hoi ia i hoopilikii loa ai ka noonoo o kona ana kala, uo ia maʻi ona ua noho ki ka huakai ma kekahi wahi kauhale i kapaia ka Ela Arisa, a no kekeahi la ka noho iki ana malaila. Ma kekahi kakahiaka ae loaa iho la hoi ka Lede Mrs. Satevana ia maʻi like, a ua lilo ia i mea hoonaluea i ka noonoo o ka hapanui ae o lakou. Mahope o ke kuka ana mawaena o Mr. Lanakasa ame Mrs. Elawoka ua hooholoia iho la he mea pono no ka huakai ka nee ana aku nomua, me ka lawe pu ana ia Makoli me laua , no ka hoomau ama aku i ka hele makaikai ana ma o a maanei, i ka manawa e loaa iki ai ke koineiine i na mea maʻi, o ka poe e haalelia iho ana mahope halawai aku lakou me lakou ma kekahi wahi a lakou o ka hooholo ana, mahope aku. Ua ku-e ikaika loa mai o Makoli i keia hooponopono i hooholoia iho la no kona makemake ole, no ka mea, numuli o ko Robaka kulana mawaliwali ua lilo ia i mea huhu loa no Makoli, aole ona makemake e lawe pu ia o Robaka me ia kulana maʻi no ona i maopopo ole aku ka hopena, a ua noi ikaikai mai la oia i kona maopopo olu aku ka hopena, a ua noi ikaika mai la oia i kona makuahina e ae aku iaia e noho mahope no ke kokou ana ia Robaka a pela hoi me kona anate, Mrs. Satevana.

Eia nae aohe ae mai o kona makuahine ia manao ona, a ua ku-e pu mai no hoi ka hapanui o lakou iaia me ka olelo mai he hana naauao ole ia nana ke ku-e ana i ka manao o kona makuahine, nolaila ua haawipio okoa aku la o Makoli, oiai nae ua ae aku oia ia manao me kona  ku-e ikaika aku no ke ehaeha pu hoi o kona naau. No ka poe i noho iho mahope he hakaka ikaika ka lakou no ko lakou mau ola, oiai ua nui na haawina pilikia maʻi halawai me lakou, ame ka hoomanawanui ame ka malama amikai loa ia lakou i hala hope ae ai n i l ka pilikia a puka laelae aku la ma kekahi aoao. Aohe hiki e loaa kekahi mau kahumaʻi maloko o ke kaona, a no ke kauka hoi i kauohaia aku ai e hele mai, he kauka i lawa ole ka makaukau ma kana apana hana a a loaa ole ai hoi kekahi mea hoolana ae i ka manao o ka mea i lohia i ka maʻi , no ia kumu ua kau iho maluna o Mr. Lanakasa ame Mrs. Elawohi ka ke koikoi o ak hana iloko o keai manawa hoao ikaika loa. No Mrs. Satevana nae aole i koikoi loa kona maʻi, eia nae no ke ano luahine ihono hoi paha ua nawaliwali maoli oia, ua hiki ole iaia ke hapai ae i kona poo mai ka uluna ae iloko o ka pule mua o kona maʻi ana, aʻi ka manawa i hiki ai iaia ka ala ae a noho iluna, aohe mea hiki iaa ke hana e ka hele wale aku no e hoomaha a e moe maluna o ka ahamaka malai@ o kahi malumalu a na kekahi wahine kamaaina o ia aina o hele mai e lawelawe nona. No Robaka hoi, ua nawaliwali maoli oia, he kanaka opio maʻi maoli oia ia manawa, a me ke malama mau wale no iaia i ka po ame ke ao e pono ai. No ekolu pule kailike aole oia i ike ia mea he maha a he hauoli, hoi a oiai aole no i hoopoino ia kona noonoo e lohe mau a aku ana no kona hoopuka malie an i ka inoa o "Helena Simoa ame na mea e ae he mau kaukani ka nui, e pili ana i ko laua mau la e huipu ana a pela hoi na huaolelo e pili ana i ko laua aloha kekahi i kekahi, he mau mea e hoike maopopo mai ana o kekahi kmu koikoi loa ia o kona maʻi ana, a mamuli o ia hoopuka mau ae ona i ka inoa o Helena i huai ae ai oia i ka mea huna i moelolii wale iloko o kona naau no na mahina lehulehu o ka auwana hele ana ma na aupuni mamao, a i lilo ai hoi i mea hoouluhua a hookuapupule maoli i ka noonoo o Mr. Lanakasa. No ka mea ole i ka ike i na mea hoopihoihoi i ka noonoo ame ka paa mau maloko o ka rumi i ka hapanui o ka manawa, ua naenae apu maoli ke aho o Mr. Lanakasa, a e  haalele hookahi mai ia ana o Mrs. Elawoka maloko o ka rumi ka mea maʻi oia wale no i ka hapanui o ka manawa. Mamuli o keia mau hoao ikaika i haawi ai ka lede Elawoka i kona manawa me kona makaukau malama maʻi ana na ano apau, he hana hoi ana i moeuhane mu ole ai a he hana hoi ana i lawelawe ole ai i na manawa aku a i haawi ai oia i kona manawa me kona noonooo apau. Mai keia manawa aku o kona hoolilo ana iaia iho i kahumaʻi o kela linohau mau ona mamua aku ua kapae ae oia ia ano : kona komo mau i na lole nani o kela ame keia ano ua haalele oia ia mau kahiko ama , a o ke kahiko i kupono no kekahi kahumaʻi oia kona aahu e komo mai ai, a ua nana mai kona kai@@oeke Mrs. Satevana iaia ma ke ano hookahaha aku iaia, no ka mea, o ka makamua loa keia @ kona ike ana mai ka Lede Elawoka ae lwelawe ana i ka hana ma ke ano he kahumaʻi. Hookahi no kumu nui o ko Mrs. Elawoka lawe ana i keai hana koikoi maluna iho o kona mau poohiwi no ka makemake wale no e lilo mai ka noonoo o Mr. Lanakasa iaia oiai oia e kuko mau ana e lilo ke kanaka waiwai iaiai a o Robaka hoi ia Makoli. No ka ikaika loa o ko Robaka nawaliwali ua pili ka hana o na mea a pau, me na kaina wawae mama loa lakou e hele aku ai a e hele mai ai maloko o ka rumi e moe ana o Robaka, me ka hawanawana ana o kekahi, me ka nui ole o na kamailio, a kekahi i kekahi koe wale no mawaho aku o ka rumi kahi o ke kanaka opio maʻi e waiho ana. Ma keia manawa, elike no hoi me kou ike iho e ka makua mea keiki i pilihua loa o kou noonoo ke loaa kau mea aloha i ka maʻi nawaliwali loa, pela no me Mr. Lanakasa ia mau la, aneane e haalele mai ka manaolana no ko Robaka ole ae iaia, a i kekahi manawa e hoike okoa ae ana no oia i kona kaumaha me ka maikai ole o kona helehelena, no ka ike aku i ka waiho oni ole mai o ke keiki no kekahi manawa. (Aole i pau.)