Ka Nupepa Kuokoa, Volume LIX, Number 32, 12 August 1921 — KA HUI KUKULU HALE O NA KEIKI OPIO HAWAII [ARTICLE]

KA HUI KUKULU HALE O NA KEIKI OPIO HAWAII

Ua kukulu ae nei he poe keiki Hawaii i kekahi hui kukulu hale, me ko lakou keena hana ma ke alanui Pauahi, Helu 71, mawaena o alanui Papu ame Nuuanu, a e ikeia no kona papainoa mawaho o ke keena, "HAWAIIAN MUTUAL BUILDING ASSOCIATION, LTD.'' He hui keia o na keiki Hawaii kamana i ikeia ma keia kulanakauhale, a i kamaaina i na hana kukulu hale o keia kulanakauhale, a i hana aku hoi malalo o na hui kukulu hale nui ma na makahiki i hala hope ae nei, a i komo pu hoi i na hana o na hale nunui o keia kulanakauhale i keia mau la, no lakou hoi ka huina o iwakalua a oi aku mau lala kupono. He lawe aelike ma ka ukupau, a ma na hana la, o na hale hou e makemakeia ani l e kukulu, a i 'ole o na hale paha e hooponopono hou ia ana, a i ole o na hale paku 'iia aku. He lawe i na hana apau e pili ana i ke kukulu hale ana, o ia hoi ke pena ame kekahi mau pono e ae e pili ana i ke kukulu ana o ka hale. E loaa no na kuka kupono ana ma ke keena, a i ole ma ka leta paha, ke hoounaia mai ke kii o ka lialo i makomakeia. He oluolu pu hoi ma ke kuka ana no ka pono o ka mea dala ame ka mea hana, a he hiki no ke hoolawa pu aku i na kii halo i makemakoia, ke hoike pono ia mai ka makemake.