Ka Nupepa Kuokoa, Volume LIX, Number 31, 5 August 1921 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no Konaradi Kenekona

A i ole

Ka Hiena o na Awawa Kuhoho ame Demona ka Lio Eleele Kupaianaha

 

Mokuna V.

            O ka hoao ana aku e hele e huli i ka lio eleele iloko o kela ino nui, he hana pohihihi loa ia, ke paakiki la no nae o Konaradi, aole e lilo ka ino i wahi nona e hopo ai, no ka huli ana i kona lio, i lawe aihueia aku.

            "Pehea e hiki ai ia oe ke aa aku e huli ia Demona, i loko o keia ino, oiai aole i maopono kahi i laweia aku ai o kela lio?" wahi a ka makuakane, me ka hopu okoa ana mai i na lima o ke kanaka opio, no ka hoomalimali ana iaia, aole e lawelawe i kekahi hana naaupo, a pupuahulu.

            "Ua maopopo ia'u kahi a ka mea aihue i lawe aku ai i kuu liom e noho ana no au ma ka puka aniani o ko;u rumi, ma ka manawa i olapa ae ai ka uwila."

            "Ke manao nei au, he hana naaupo loa ka hoaano ana aku iloko o keia ino," i mau mai ai no ka makuakane i ke koi paakiki ana i kana keiki, aole e hele e huli i ka lio eleele.

            Aole nae he hoolohe aku o Konaradi i kela mau olelo, aka hele mai la oia no kahi i hoopaaia ai o Pilina, ia kii ana aku i knoa noho, aole ma kana wahi i waiho aim aole no nae ona nana aku ia noho, hookomo ae la no oia i ke kaulawaha, a hoomaka koke ae la no e kaum me ka noho ole.

            "He hana naaupo loa keia au e Konaradi e aaa nei e hele iloko o keia po, e pulu loa ana oe i ka ua."

            "Aohe o'u nana ia mea, e hoao ana au ma na ano apau e huli i kuu lio, o ka'u mea wale no e kaumaha nei, o ia ko'u lawe ole ana mai nei i kuu pu panapana, aole nae keia he wa no ka noonoo ana i ka pu, e hele aku ana au, me ka hoohakalia hou ole iho."

            "Ina he hiki ia'u ke lihi kokoke aku mahope o kuu lio, aole loa o'u kanaalua ikim no kona ohe mai i ka'u hokio, a hoao aku oia e kiola i ka mea e kau ana malua ona," alaila o ka oili aku la no ia o Konaradi maluna o Pilina, me ka hiki hou ole ia Kenekona, maluna o Pilina, me ka hiki hou ole ia kenekona, ke au'a mai i kana keiki.

            Ke pinapina'i mai la ke ku'i ana a ka hekili me ka ikaika, ke olapa mai la no hoi ka uwila, a ke iho makawalu mai la na kulu pakaua me ka ikaika, he mea ole wale no ia ia Konaradi.

            I kinohi, ke eeke la o Pilina, i ka o mau mai o na alelo manamana o ka uwila aka ia loihi ana aku o ka laua wahi i hele ai, ua auhee loa aku la ka maka'u mai iaia aku, a ina no he mau haneri o na akua lapu hoomaka'uka'u o ka po, aole no ia he mea nona e hoi hope mai ai.

            Ma kela ame keia nanawa a ka uwila e olapa ae ai, e nana pono aku ana o Konaradi imua, aole he wahi mea a ikeia aku o ka maaloalo o kona lio eleele ; ke pono holo wale aku nei o oia, iloko o ka pouli, o kana mea nui wale no, o ia kona holo ma ke alanui pololei.

            Mai kela manawa mai o ka po, kona hoomanawanui ana ka huli, a ua kokoe no hoi e ao, akahi no oia a haawaipio, no ka mea ua emi mai ka ikaika o Pilinam a ua ike maoli iho no hoi ia i kona opili i ke anu.

            Me na manaolana poho, i hoohuli ae oia i ke poo o Pilinama hoi malie mai la me na manao kaumanha a minamina no Demona, ka mea nan i nana aku ai, me he kaikuaana ponoi la nona.

            I kela hookokoke ana aku o Konaradi no ka halelio, ua ike mai la o Feliope i ke kulou o ke poo o kona enemi ilalo, a hoomanao 'ae la ua hapa @likini nei, ua poho wale na hooikaika ana a Konaradi, e loaa hou iaia ka lio eleele, nolaila noke okoa mai la oia i ka aka pahenehene, eia nae aole he hoolohe aku o ke kauaka opio i ka akaaka mai o kela kanaka, ke hoi pololei loa la no oia noloko o ka halelio.

            Iaia i komo aku ai iloko o kahalelio, akahi no a aea ae kona poo iluna,a nana aku la i kahi e hoopaa mau ia ai o kona lio punahele, me ka hele a piha i ke kaumaha. Lele iho la oia ilalo, me ka wehe ana ae i ke kaulawaha a hookuu aku la ia Pilinam e hoi no kona keena me kona hoouhi ole aku i ka huluhulu maluna o kela lio, a i olem kuwakuwa aku p@ha i kona kino, elike me kana hana maa i kela lio a ia Demona no hoi, ma na nanawa lehulehu i kaahope aku.

            No ka piha loa o ua o Konaradi i ka minamina, no kona lio, hoi okoa ae la oia a noho maluna o kekahi pahu, mamua pono mai o ke keena e hoopaaia ai o Demona, Palulu ae la hoi i kona mau waimaka o ka ehaeha.

            No na minuke he umi paha kela noke ana o Konaradi i ka uwe, ua hoopuiwaia ae la oia, i ka lohe ana aku i kekahi nakeke, a i ke aea ana ae o kona poo iluna, ike aku la oia i ke ku mai o Felipe ma kekahi wahi kokoke iaia nei, me ka pane ana mai

            "He keu aku maoli a ko'u hilahila, i ka hooliloia ana o kekahi keiki kaulana loa i ka hoolakalaka i na lio ahiu, i bebe i keia kakahiaka, i knoa uwe wale," alaila, noke okoa ae la ua kanaka nei i ka akaaka, me ka leo nui.

            No kela mau olelo kohu ole a Felipe, ku okoa ae la o Konaradi iluna, holoi ae la hoi i kona mau waimaka, a pane aku la me ka maka'u ole:

            "Ina i maopopo ia'u, o oe kekahi i komo iloko o na hana aihue, nana i lawe aku i kuu lio ma ka po nei, ma ke ano hilahila ole e ike auanei oe i ko mihi me ka walania loa." "Mahao paha oe e keia wahi keiki uwe wale, e maka'u aku ana au ia oe! ma ka olelo he keu aku oe a ka haaliki aka ma ka hana ua hoike mai oe, i kou like loa me ka bebe ka uwe wale."

            Na kela mau olelo a Felipe i hoopii mai i ka wela iloko o Konaradi, o kona nee aku no ia imua, me ka owiliwili ana ae i ka lima o kona palule i hele a pulu, me ka manao e haawi aku i kekeahi kalo paa o Waiahole, ike e mai la nae o Felipe i ka manao o ke kanaka opiam ua kuemi aku la oia ihope, me ka hooholo ana iho o kona lima, ma ka pakeke mahope o kona lolewawae, mo ka lalau ana i kana pahi.

            "Ina he makemake kou e inu aku kuu pahi i ke koko o kou puuwai, o keia ma manawa au e nee mai ai imua." i pane mai ai@o Felipe, me ka paa ana aku o kona lima akau i kumu o kana pahi loihi.

            "O ke ano iho la ia o na kanaka ikaika ole, me ka p@@@i lakou e hakaka ai, he hoike ana mai no hoi ia, i kou hohewale. Ina he makemake kou i ka hakaka, e kiola aku i kena pahi me na meakau a ke Akua i hoolako mai ai ia kaua pakahi e ku mai ai oe imua u'a, nawai la o kaua ka eha, nau paha na ke kanaka makua, a i ole na'u paha na ke keiki opio.

            "No'u iho, aole loa au i maka'u ia oe i ka nui ana o kou kino, ua makaukau au e haawi aku i helehelena hou nou me kuu puupuu, malia he mea ia e oi ae ai kou u'i."

            "Ao@e o Felipe i maa ia ano hakaka me ka pahi wale no oia e ku aku ai imua o kona mau enemi."

            "He kanaka maua'u wale maoli oem a aole loa no oe e aa ana e hakaka me kou mau enemi ma ke ano maikai. O k@u h@@@ @@@ o ia ka pee ana ma kekahi wahi. a i ka wa e huli aku ai ke alo o kou enemi i kahi e o kou manawa ia e hou aku ai i kau pahi ma kona kua. Malia paha he bebe i'a ay , elike me kau i kapa mai nei aka nae me ia bebe no ua makaukau au e h@@lilo aku i kou kino nui i mea paani wale ia no imua o'u a i kekahi la e hoea mai ana e ike auanei oe e noho mana aku anan au maluna ou."

            Me kela mau olelo ikaika mai ia Konaradi aku, i haalele iho ai oia i ka halelio, a hoi pololei aku la no ka hale, aole i ala mai kona makuakane, i kela manawa, aka hoala maoli aku la oia iaia ahiki i kona ala ana mai, a o ia ka Konaradi i ka pane ana aku;

            "Aole i loaa aku nei ia'u o Demona e kuu makua, aka nae ke makemake nei au e haawi oe i kekahi uku makana, no ka hoihoi hau ia mai o kuu lio, pela hoi ka hopuia o ka mea aihue. E hooko aku ana anei oe i keia mea a'u e makemake nei?"

            Haawi mai la kona makuakane i ka ae a mamuli no o ke koi paakiki loa aku o Konaradi, ua ae mai la kona makuakane, e hookomoia ka hoolaha no ka aihueia ana o Demona, me ka ukumakanam maloko o no pepa, liilii a kauia aku maluna o na alanui lehulehu, he oiaio ma kela auwina la hookahi no hookoia ai na mea apau.

            O ka makana a Kimo Kenekona i hoopuka aim no ka loaa aku i ka mea e hoihoi mai ana i kela lio, a e alakai ana hoi, kahi e paa ai ka mea aihue i ka hopuiam he elua haneri dala.

            ma kela la holookoa, aole he hookahi mea i pane mai no kela hoolaha, aka ma kekahi la mai nae, akahi no a loaa mai ka lohe ia Konaradi, no ka holo mahuka ana o Kakeo Wilikona, ua haalele iho oia i ka home o kona mau makua ma kela po hookahi no o ka aihueia ana o Demona.

            Mamuli o keia lono i loaa aku ia Konaradi, i maopopo loa ai iaia, o Kakeo Wilikona i'o ka mea nana i aihue aku i kona liom a ua komo pu aku hoi o Felipe, ma ke kokua ana ia Kakeo, pela iho la no hoi ua o Konaradi ua ukuia mai o Felipe me kekahi mau dala mahuahua e ke keiki a ke kananka waiwai.

            Elike me ka manao paa o ka makuahine, aole i lilo kela holo mahuka ana o Kakeo Wilikonam i ea e hookaumahaia ai kona noonoo, us hookuu aku no oia i kela keiki e hele ma kana mau wahi apau i makemake ai, me kona manao nae, e ike ana kela keiki paakiki i na hopena pilikia o kona hookuli i na a'o oia, me ka mihi mai imua on a.

            ua hiki ia Konaradi ke ike mau aku i kona makuahina i na la apau eia nae aole he manawa a laua i noho kokoolua ai, e hiki ai i kona makuahine ke kamilio mai iaia i kana mea i makemake ai, oiai e noho mau aku ana ka wahine kahuma'i ma ka aoao o kona moe.

            Aole he wahi hiona iki no ka hik iia Konaradi ke ike ia Pita ka Paele aole no hoi he manawa ana i lohe iki aku ai ia Kenekona ame Felipe e kamailio ana i kekahi mea e pili ana iaia.

            I ka hala ana he ekolu la ma hope mai, mamuli no o ke koi ikaika a Konaradi, ua haawi hou ae la o Kimo kenekona, he hookahi haneri dala. ua like me ekolu haneri dala makana i ka mea e hoihoi mai ana i Demona.

            I loko o keia wa e waho nei o Mrs. Kenekona i ka ma'i he uuku loa ka manawa a Kenekona, e kiei aku ai iloko o ka rumi ma'i o kana wahine, e kamailio nae, aole he hoihoi iki o Mrs. Kenekona e ike iaia.

            Ma kekahi po nae, ua ike maoli ia aku ka nawaliwali o Mrs. kenekona, he manawa wale no nona e haalele iho ai i keia ola ana he po ia i ala ai na mea apau, e kakeli aku ana me ka uwe, hele mai la kakahi o na wahine kahuma'i a hoopa mai la ma kona poohiwi me ka i apa mai.

            'Ua makemake loa kou makuhine e ike ia oe i keia manawa pela au i @@@ mai la no ke kii ana ia oe!"

            Ukali aku la ke kanaka opio mahope o ka wahine kahuma i noloko o ka rumi e waiho mai ana o Mrs. Kenekona a i ka ike ana ami i kela komo ana aku o ke keiki, kau mai la ka makuhine i kona lima, me ke kauoha ana aku i ka wahine malama ma'i i ka i ana aku:

            "E oluolu oe e haalele mai ialoko nei o keia rumi no ka mea ua makemake au e loaa he mau minuke no'u e kamalilio pu ai me kuu keiki mamua o kuu hele ana."

            I kela noho kakoolua ana aku o ka makuahine me kana kaiki ia wa i hoomaka mai ai ka makuahine e kamailio

            "Auhea oe e kuu keiki ke makemake nai au e hoolohe loa mai oe i ka'u mau mea apau e kamailio aku ana ia oe. oia keia: Ua loaa a'u kekahi moeuhane ma ia moeuhane i ike ai au i ka oiaio, o ka'u mau mea i hoohuoi wale ai no kekahi mau manawa."

            "E mama ua hele oe a pihoihoi maoli e hoomanawanui!" I hoomalielie aku ai o Konaradi me ka paa ana aku ma na lima o kona makuahine.

            "Ua pio i'o au i ke pihoihoi aka ane ua haawi mai ke Akua ia'a i ka ikaika no ka hoike ana aku ia oe e kuu keiki i ka'u may mea apau i ike ai a ke makemake nei no hoi au, e manaoio mai oe ia mau mea a pehea eia no anei me oe kela mau dala a'u i haawi aku ai?"

            "Ae era no keel mau dala a'u i haawi aku ai?"

            "Ua pono, e malama loa oe i kela mau dala, ma kekahi wahi e loaa ole ai in a no ka huliia mai o kou kino, no ka mea mahope o k'u haalele ana iho i keia ola ana e kaahele kau ana oe no Amerika Hema, o kela mau dala kou alahele e hoea ai ilaila."

            "Heaha ka hana nui a'u e holo aku ai no Amerika Hema?"

            No ka imi ana i kou makuakane."

            "O e kuu mama, ua palaka pu anei kou noonoo maikai, i hiki ole ai ia oe ke ike eia no oia i ka hale nei?"

            "Aole oia maanei nei, aka aia no oia ma Amerika Hema, ua hoea mai i ka hookoia ana o ka'u mau mea o hoohuoi mua ai. O keia kanaka e noho pu nei me kaua aole ia o kou makuakane, aka he mea komohewa oia."

MOKUNA XVL

Ua kuhihewa loa o Konaradi ua olalau ka noonoo o kona makuahine, mamui o ke kokoke loa ana aku i kona hopena nolaila hoao hou aku la oia e hoomalielie iaia; a ke hoomaopopo pu mai la hoi ka makuahine, i ka manaoio ole o kana keiki i kana mau olelo, me ke komo koke ana aku o na manao hopohopo iloko on a aole paha e hiki ana iaia ke hoohulihulii ka manao o kana keiki, mamua o kona make ana aku.

            "O ka'u mau mea apau i kmailio aku nei ia oe e kuu keiki he mau mea oiaio wale no ia, he mea pono ia oe ke manaoio mai. Ina e hilinai ana oe i keia kanaka, ma ke ano o kou makuakane ia, e hoea mai ana i ka manawa ana e pepehi mai ai ia oe a make, i wahi nou e kaawale loa ai mai iaia aku a i hiki ole ai ho iia oe ke ala ku e mai iaia.

            "O keia kanaka e noho nei ma ko kaua home, he mea komohewa oia he kanaka i piha me na hana karaima he nui, aole hoi oia he makuakane nou!"

            I loko o ka nanea o ke keiki me ka makuhine i ke kamailio i kekahi meahuna pohihihi mawaena o laua wale iho no, aole laua i ike mai i ke ku ana aku o ke kanaka i kapa iaia iho o Kimo Kenekona ma ka puka o kela rumi iaia i ike mai ai i ko laua nei kamailio haikea koke ai la kona lehelehena me ke kuemi ana kau ihope.

            "Aole anei keia kanaka o kuu makuakane?" wahi a konaradi me ka paa ana aku ma na lima o kona makuhine "Ua aneane e hiki ole ia'u ke manaoio aku i kau mau olelo!"

            "Ua hiki loa ia oe e kuu keiki aloha ke hoomaopop, ua kaokoa loa ai na hana a keia kanaka mai na hana mai a kou makukane. He oiaio, ua like loa ka helehelena o keia kanaka me ko kou makuakane, eia nae ma kana mau hana he keu aku a ke kaokoa loa; pela iho la i komo mai ai na manao hoohuoi iloko o'u nona, ahiki i kuu ike ana aku i ne mea apau.

            "I kinohi ua kuhihewa maoli no au, o kuu kane aloha keia, kou makuakane a mamuli paha o ka loihi loa o kona manawa i noho ai ma Amerika Hema. pela iho la i loli loa ai kona mau ano kahiko, i kamaaina ia kaua; ua kuhihewa loa nae ia manaolana ana o'u iaia; o ka mea oiaio loa e kuu keiki o keia kekahi o na kanaka ino loa ua hoolilo oia i kona helehelena ame kona leo i wahi e hookoia ai kona mau manao lapuwale e hoolilo i na waiwai apau o kou makukane nona ma ke ano pakaha."

            "Ina aloe i'o kela o kuu makuahine, elike me kau e hoike mai nei ia'u alaila eia oia ihea kahi i nalowale ai?" wahi a Konaradi, me kona manaoio ana aku i na hoakaka a kona makuhine

            "No ka huli ana i kou makuakane o ka hana nui ia a'u i makemake ai ia oe e kuu keiki e hooko aku ua lawa na dala au e malama la, e alakai aku ia oe no Amerika hame."

            "Malia paha ua make oia, ma kela ano iho la, e waiwai ole ana no k'u holo ana no Amerika Hema."

            "Aole oia i make, ua loaa ia'u ka ike ma ka moeuhane, eia no oia ke ola mai nei i kiea manawa."

            "Ina pela heaha iho la ke kumu o kona hoi hou ole ana mai imua o kaua."

            Aia kela kanaka kilohe ma kahi o ka puka ke hoolohe loa aku la i na hoakaka a ka makuahine i ke keiki, a ma kona helehelena, e hoike okoa mai ana kekahi hiona i ka pololei loa o na mea a ka makuahine e hoakaka mai la imua o kana keiki, eia nae aole o laua ike mai, i ke komohewa i ka pee aku, me na manao hoohalua o ke kolohe ame ke epa iloko o kona puuwai.

            "Maloko o ka'u moeuhane o ka loaa ana he mau manawa lehulehu ae nei i hala ua ike aku au i ke ku like mai o kekahi mau kanaka elua. Kulike loa ko laua mau helehele@a a i ka wa i kamailio mai ai kekahi o laua, ua ike koke aku la au o ka'u kane ia. Ua hoao mai ka lua o na kanaka e hoopunipuni imua o'u ma ke ano oia ka'u kane ua ku-e aku nae au iaia me ka ikaika i kela wa i loli ae ai kuu moeuhane ike iho la au ka mea komohewa ke ku ana ma kahi o kuu kane. Ua hoao aku au ma na ano apau e ku-e iaia, aole nae he hiki; a mai kahi mamao mai mailoko mai o ka halepaahao i lohe ai au i ka leo kahea o kuu kane e noi mai ana i na kokua no ka hoopakele ana ae iaia mai ka mana mai o ka poe kolohe a pakaha wale."

            Ma kela wahi o na hoakaka a Mrs. Kenekona, ua haalele mai la ka ikaika i kona kino o ka hina aku la no ia o kona poo iluna o ka uluna a maule aku la oia i mau kokua a iloko o ka manawa pokole ua komo mai la ka wahine kahuma'i a mahope mai on a ke kanaka a Konaradi i manao mau ai o kona makuakane ia, eia ka he mea komohewa.

            Aole i nana o Konaradi i kela kanaka mamuli o kona hopohopo loa, ua lilo na mea a kona makuahine i kamailio mai ai iaia i kumu nona e hoike okoa aku ai i kona hoowahawaha no kela kanaka; aka nae inai nana i'o mai oia maluna on a aole loa oia e hoohewahewa ana i kekahi hiona ku i ka maka'u maluna o ka mea kolohe, no kona maopopo ana ua loaa aku ka ike i ke kanaka opio no kona mau ano maoli.

            Me kela maopopo no nae ia Habaki Dukona ka mea e kapa ana iaia iho o Kimo Kenekona ua ahuwale kona mau ano epa apau imua o ka makuahine ame kana keiki aole no Oia i hopo iho, a manao paha e haawipio aku iaia iho; a oiai ua holopono kana mau hoonee hana ana apau a hoea wale mai i kela manawa in a no e ala ku-e mai ana o Konaradi iaia ua nele kela kanaka opio i na hooiaio maopopo loa ma kona aoao, koe wale no na noonoo uluhewa o kekahi wahine i kokoke loa ma ka'e o ka luakupapa'u.

            Ua haawiia aku la kekahi laau hooikaika i ke kino o Mrs. Kenekona, eia nae he manawa loihi kela o ka hooikaika ana akahi no a pohala hou ae kona noonoo me ke kaakaa ana ae o kona mau maka a i ka wa i ike mai ai i ka noho aku o ke kanaka kolohe upo'i hou iho la oia i kona mau lihilihi.

            I ka wa nae i kaakaa hou ae ai no ka elua o ka manawa nana mai la oia i ka wahine kahuma'i a kauoha mai la iaia e hookokoke aku iaia i ka hala ana he mau sekona huli mai la ka wahine malama ma'i a pane mai la ia Konaradi, ua makemake kona makuahine e kamailio pu me ia.

            Ua maopopo loa aole he loihi o ka manawa i koe o kona makuhine e ola ai aole nae ia i lilo i kumu no ke kanaka opio e uwe ai aka neenee aku la oia a pili ma ka aoao o ka moe hoopili iho la i kekahi pepeiao ma ka waha o kona makuahine ia wa i pane ae ai ka makuahine, i keia mau olelo.

            "E hoolona i ka manao e kuu keiki aloha a mai hoonawaliwali i kou noonoo aka e hooikaika oe e koa ma na ano apau. O ka'u pule na ke Akua e alakai a e kiai ia ae mai na poino mai a ko kaua mau enemi e manao mai nei e hookau maluna ou.

            "Mai hoao oe e hoike iki aku imua o kela kanaka lapuwale i na mea apau a'u i kmailio aku nei a mai hoikeike wale ae hoi oe i kou mau ano hoohuoi nona o lilo auanei kau mau mea e hana aku ai i kumu e hookauia mai ai na hoopoino ana maluna o kou ola. E makaala loa oe nou iho, a e piha oe me ka maalea. Aia au a hala aku ma kela ao a iloko auanei o ka manawa ku pono mua loa au e ike ai o kou wa ia e holo ai no Amerika Hema no ka huli ana i kou makuakane a no ka hoopakele ana ae iaia in a aia oia malalo o ka mana o keia kanaka lapuwale kahi i noho ai he pio nana. O ka'u pule hope nana Lani no e kokua mai i kou alahele."

            Me ka leo hawanawana kela mau olelo a ka makuhine, e kamailio ae la i kana keiki, a ua aneane no hoi e hiki pono ole ia Konaradi ke lohe aku i kekahi mau huaolelo a i ka makuahine no paha ka ike ua kokoke loa mai kona hopena, pane ae la ia Konaradi e honi aku iaia, kulou iho la o Konaradi ilalo no ka honi ana i kona mama, a upo'i iha la na lihilihi o kona makuahine no ka wa hope loa no ka mea ua lele loa ae la kona hanu.

            Aia no o Konaradi ma ka aoao o ka moe e kona makuahine kahi i noho ai me ka puliki ana aku ma kona mau papalina no ka mea he mau minuke kela i i hu mai ai ke aloha o ka makua.

            I kulike ai me ka makemake ame ke kauoha a Mrs. Kekona ua hoomoeia aku la kona kino lepo ma kekahi la ae maloko o ka ilina o ka halepule, kahi a Mr. Kimo Kenekona i lawe ae ai iaia i wahine mare nana, a no kekahi mau la lehulehu e hele mau ana o Kenekona ma ka he o kona makuahine e kau ai i na pua me kona ike ole mai nae i ke kiu e hoomakakiu mau ana iaia, ma kana mau wahi apau e hele ai.

            I loko o kona mau manao kaumaha a luuluu no kona makuahine aole oia i hoopoina iki i na mea ana i lohe ai mai iaia mai e pili ana no ke kanaka i kapa iaia iho ma ka inoa o ko ia nei makuakane; akahi @o a maopopo loa iaia ke kumu o ke kipaku ole i ana o Felipe he mau kanaka kela a elua iloko o na hana karaima lehulehu.

            Hoala pu ia mai la no hoi iloko o kona noonoo na mea e pili ana i ka leka a Pita o ka haawi ana aku iaia a ua hiki loa iaia ke heluhelu aku i no mea apau me ka maopopo loa o Hahaki Dukona maoli no kela kanaka aole o Kimo Kenekona kona makuakane; aka he pio kona makuakane ma kekahi wahi i hoopaaia elike me ia ana o ka heluhelu ana maloko o ka leka e olelo ana aia ka manu ma kekahi wahi e hiki ole ai iaia ke lele

            Iloko o kela mau la me he mea la ua auhee aku ka ma lamalama o ka ia mai ia Konaradi aku he pouli pu wale no omua o kona ola ana aku aole he maopopo iki o kekahi mea ana e hana ai.

            I ka hala ana o kekahi mau la mahope mai o kela hoomoeia ana aku o ka makua o Konaradi me ka ilina o ka halepule nana i hoolilo ae iaia ame Kimo Kenekona i hookahi ua hoopauia aku la na kauwa lawelawe oloko o ka hale, paniia ae la na puka o ka hapanui o ka hale a koe walo no he wahi uuku me ka mau no o Dukona i ka noho ma kela home eia nae aole he ike mau ia aku o Felipe a@@ no nae oia ma kekahi wahi kokoke kahi i noho mai ai me ka hoomaaloalo ole mai imua o ke kanaka opio.

            Ma kekahi la hoike okoa mai la o Dukona i kona manao imua o Konaradi no ko laua hele no Nu loka ma kela la hooholo iho la o Konaradi i kona manao e holo mahuka ma kekahi manawa o kela po iho no ka mea ua ike oia aole e lawe ana kela kanaka iaia no Nu Ioka no kekahi manao maikai aka no ka hookau ana mai i kekahi poino maluna ona a mau hana hoopilikia paha.

            E noho mau ana o Konaradi i ka hapanui o kona mana wa o ke ao mawaho o ka hale mamuli mai o ka manao@@@ ke ike i aku i na wahi a kona makuahine e noho ai i ka hoea ana i ke ahiahi o kela la kahea aku la o Dukona iaia e hele mai noloko o kona keena oihana no ke kukakuka ana maluna o kekahi kumuhana ano nui a no ka manaoio o ke kanaka opio, he hana i'o ka kela kanaka i makemake mai ai iaia, nolaila hooko mai la oia elike me ke kono.

            Ma kela hoea ana kau o Konaradi noloko o ke keena oihana o kona makuakane a iaia no a uoho iho ilalo maluna o kekahi noho o ka paa koke mai la no ia o kona pu i ka hopuia e kekahi mau lima nuunui hoao ae la oia e kahea aohe nae he puka ae o kona leo ke kupaka la oia me ka hooikaika ana i wahi e hemo ae ai mai ka puliki ana a ka mea powa aole nae he wahi a makiki ae kela mau lima e paa la i kona puu o kana mea nae o ka ike ana aku o ia no ka haalele ana aku o Habaki Dukona i kona wahi e noho ana a komo pu mai la oia ma ke kokua ana i ke kanaka powa.

            Ke noke la no o Konaradi i ka hooikaika ma na ana apau i wahi nona e hemo ae ai mai ka puliki ana a kela mau lima ma kona puu aole nae he hiki me he mea la ke oi loa aku la ka ikaika umii o kela mau lima in a paha he hookahi wale no kanaka nana e paa ana iaia in a no ua hiki oia e lanakila maluna o ka mea kolohe aole nae pela he hookahi wale no ia ma kona aoao e ku la imua o na kanaka elua Mai ka nui mai o kona ikaika ahiiki i kona nawaliwali ana ua haawipio okoa aku la o Konaradi iaia iho malalo o ka manao o na kanaka ino a o kana leo o ka lohe koliuli'u ana ae o ia no ka pane ana mai o Habaki Dukona "Fakahele loa oe e Felipe aole au i makemake e lawe ae o i ke ola o ke keiki opio."

MOKUNA XVIL

            I ka lohe ana aku o Felipe i kela loa o kona kohoolua na hookuu ae la kana paa ana ma ka puu o Konardi a haule aku la ka opio iluna o ka papahele me he mea la ua make aohe no nae he wahi i koe in a i loihi loa aku kela puliki ana a Felipe ma ka puu in a ua ko i'o ka manao hoopoino o kela hapa- Paniolo i ke ola o Konaradi ke kanaka opio ana i lili loa ai mai kinohi mai o kona ike ana ia Konaradi

            I ke pouli pu wale no oloko o ka rumi i kela manawa nolaila ho-aia ae la ke kukui a i ka hoopihaia ana ae oloko o kela keena me ka malamalama aia hoi e wahi aku ana ke kino o Konaradi imua o na kanaka ino elua me ka pane ana ae o Dukona

            Ea ua make loa anei oia? Aole anei he wahi hoailona iki o ke ola iloko o kona kino?

            "Heaha auanei kau noonoo nui no kona ola o no kona make pahi! I na ua make oia aohe ana mea e walaau ai o ka oi loa aku ia o kapono mamua o kona ola e hopohopo mau ana oe i na manawa apau no kona lilo i mea kumakaia mai ia oe."

            "Ina ua make o Konaradi ia oe alaila ua pili loa ke kana ima pepehikanaka ia oe Aole loa ou makemake e hapala wale ia mai ke koko o keia kanaka opio hala ole maluna o'u i pane mai ai o Habki Kukona me ka piho hoowahawa@@ ia Felipe.

            "Ua ike no ka hoi oe aole ou makemake ia mea he pepehikanaka heaha ka hoi kou kumu i komo ai iloko o keia hana apuhi ino haahaa loa?"

            "Pela no e Felipe aka nae aole e hiki ia oe ke hoole mai no ka holopono loa o ka'u mau mea apau i haua ai me ka lawelawe ole ia o na hana i like aku ke ino me ka pepehikanaka.

            Hiki hou ole aku la ia Felipe ke pane aka kulou iho la oia ma ka aoao o Konaradi ke hoolohe malie la hoi oia o ka lohe aku in a paha aia no ka huna ola iloko o kana pio a i ka maopopo ana ia ia aole i make o Konaradi pane ae la i keia mau olelo

            "Aole oia i make era no ke hanu nei me ka maikai" wahi a Felipe me ka hoomama loa ia ana aku hoi o ka noonoo o Habaki Dukona

            Hauhoa iho la ua mau kanaka nei i na lima ame na wawae o Konardi a paa i ke kaula alaila hooikaika aku la ma na ano apau e hiki ana ia laua ke hana i wahi e hoi hou mai ai ka noonoo maikai ia Konaradi me ka nui o ka laua nau hooikaika ana akahi no a pohala ae ka opio me ka noke ana i ka oni i o a ia nei, i kau a mea o ka nui o ka eha alaila kaakaa ae la kona mau make me ka nana ana mai maluna o ke kanaka ana i kuhihewa ai o kona makuakane la eia ka he mea komohewa ai o kona makuakane la eia ka he mea komohewa a ike pu mai la no hoi oia ia Felipe kona enemi ino loa.

            "Heaha hou aku kau mea i manao ai e hana aku maluna o keia opio?" I pane ae ai o Felipe ia Dukona.

            "E hoopaa aku iaia maloko o kekahi wahi e hiki ole ai iaia ke hoopilikia mai ia'u ma kekahi ano

            Ke lohe aku la no o Konardi i kela mau olelo e kamailio ia ana mawaena o na kanaka ino a elua a loaa koke iho la no ka ike iaia ua loaa aku ka hoomaopopo ana ia Dukona ua ahuwale kona mau ana apau iaia nei a no kona hopohopo loa o kumakaia auanei ua o Konaradi iaia imua o na kanaka o ke aupuni pela oia i makemake ai e hoopaa aku ia Konaradi ma kekahi wahi ma ke ano he pio elike me kana i hana aku ai maluna o ka makuakane o ke kanaka opio. kana i hana aku ai maluna o ka makuakane o ke  kanaka opio.

            Hapai ae la au mau kanaka nei ia Konaradi iluna a lawe aku ia no kekahi keena nui i hanaia malalo ae o ka hale he keena keia i hanaia no ka hoahu ana i na meaai ua kohu halepaahao maoli me ka hana ole ia o kekahi puka aniani a he uuku loa kahi ea e komo iloko.

            O Kimo Kenekona no ka mea nana i hana i kela keena eia nae ua loaa aku ka ike'ia Kukona ame Felipe pela iho la keia mau kanaka i hoihoi aku ai i ka laua pio no ka hoopaa ana maloko olaila

            Ma kela komo ana aku o Konardi iloko o kona keena paahao waihoia aku la oia iluna o ka papahele kameki me ka paa ana ae o Felipe i ke ku'ui iluna a hoomaka aku la hoi o Kukona e huli ialoko o na pakeke o ke keiki opio aia hoi ka hopohopo iloko o Konaradi no ka loaa aku o kela mau dala ana o ka humuhumu ana maloko o ka pale o kona puliki eia nae aole i loaa aku kela mau dala aka no na ukana e ae apau maloko o na pakeke o kona lole ua pau i ka laweia mai iaia aku.

(Aole i pau.)