Ka Nupepa Kuokoa, Volume LIX, Number 31, 5 August 1921 — Page 3
This text was transcribed by: | Kamehameha Schools Gift To Dr. Chun |
This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
AIHUELA HE KAA OTOMOHILE A HAULE AKU MOKO O KE KAI.
Ua piha hoonana maoli no hoi ka piko pauiole nana i aihua i kekahi kaa otomobile e ku ana ma ke alo iho o kekahi ha;e e ea ana no na kukui, a holo ia ae ahiki i ka pa papa, kahi pouliuli e ike ole ia aku ai ka hana a ia koloho alaila, nakiiia ka huila a paa me ka ili e hoopaaia ai ka huila laholio, a me ia mau no o ka holo o ka mikini o ke kaa i hookuuia aku ai e holo ahiki i ka haule ana iloko o ke kai maloko o ke awa ae nei.
Me keia iho la ke ano ka mea i hana ia e ka mea kolohe o ke kaa otomobile nui Hudson, Helu 3368 i onaia e E. F. Corsten, ke kanaka nana e makaala ka wai o ka mokukaua Amerika Earp, ma ke awa o Puuloa, ma ke manawa i hukiia ae ai mailoko ae o ke kai maloko o ke awa o honolulu, a kau iluna o ka uwapo hoopae laau a allen & Robinson ma ka auwina la o ka Poakahi nei, e ke kaa nui huki ukane a Holingers &Co. me ke kokua a kekahi kanaka luu ame kekahi mau kanaka i hoolokoia ae e Mr. Hollinger ame ka hui mokuahi holopiliaina.
O ia mau no ka maikai o ia kaa koe wale no hookahu huila laholio i nalowale a o kekahi wahi oluna o ke kaa ua haki, a ua manao wale ia me he mea la ma ka manawa paha i haule aku ai kela kaa i ka hohonu. I ka manawa i kau ae ai o ia kaa iluna o ka uwapo, ua hookahahaia ka poe e nana aku ana i ka manawa i ike aku ai ua nakiiia ka huila a paa i ka pou e paa ai ke aniani pale makani mamua o ke kaa, me ka hookuuia o ka mikini e kaa ahiki i ka haule ana iloko o ke kai.
O ka me nana i hana koloho i nei kaa ua hanaia eia ia hana ma kahi pouliuli e ike ole ia mai ai oia ame kana hana kolohe, ahiki i ka haile ana aku o ke kaa iloko o ke kai, a pela hoi kona hele ana aku a nalowale me ka ike ole ia.
O ka ninau e pili ana i ka mea nana nei hana kolohe he ninau pohihihi ia, aka, e i aku no ho manawa e pau ae ai ia mea i ka Hopuia.
LOHE IA KA HAULE ANA ILOKO O KE KAI
Ma ka manawa i haule aku ai o kela kaa iloko o ke kau ua lohe mai oCharles Thornton, Ke kanaka kiaiponia ka uwapo mai o ke keena haua o ka YOung Bros, eia nae, aole hiki iaia ke hoomaopopo no ia mea i haule ai iloko o ke kai ana o ka lole ana mai. Ua manao nae oia he kaa papa paha ua haule iloko o ke kai. Ma ke kakahiaka Sabati ae no ka haohao ana a hele aku la oia me kona hoahanau no kabi o ka uwapo papa o ka hui o Allen & Robinson, a o ka laua mea o ka ike ana aku o ia ka lana mai o ka aila iluna o ka ilikai, he mau kapuai ka mamao mai ka uwapo aku. Ia manawa i luu aku ai o William Thorton iloko o ke kai a i kona kokoke ana akku ua ike aku la oia he kaa otomobile ke waiho mai ana ua paa loa i ka lepo nonolu opilopilo olalo. He papa kana o ka lawe pu ana ae me ia a ma ia papa i maopopo ai o kela kaa otomobile Hudson i aihueia ai no Corsten.
Wahi a Paulo Kaeo, he kanaka lawaia, o ka hoike ana ae ua ike oia ma kela po Poaono i kekahi kaa otomobile e ku ana maloko o ka pa papa aneane ma ka hora 10 o ia po, a he kanaka ke ku ana ma ka aoao o ke kaa, aohe nae he kukui o ke kaa ia manawa, a iaia ma kahi io ka uwapo o ka Young Bros mahope iho oia kona manawa i lohe aku ai i ke pahu ana o kekahi mea iloko o ke kai.
Ua inisuaia keia kaa me ka Hui Inisua Home & Co.. Ka hui nana i lawe ae i kekahi hana e hukuia ai keia kaa mailoko mai o ke kai, a ua hookoia aku ia hana. Mamua nae o ka hukiia ana ae ua hoolimalimaia kekahi kanaka e luu, a nana i hoike ae ua paa ke kaa i ka lepo a e waiho aoao ana. Ua hoopaaia he mau kaula malalo ae o ke kaa a mamuli o kekahi kewe ua hukiia ae la ua kaa la ahiki i ke kau ana iluna o ka uwapo aneane i ka hora 5 o ka auwina la Poakahi Nei.
Ma ka Mr. Corsten hoakaka imua o na makai, ua haalele oia i keia i ma ke alo iho o ka Y. M. C. A. o ka oihana koa aina ame moana aneane ma ka hora 6:30 o ke ahiahi Poaono. Aneane ma ka hora 8:30 ia puka ana mai ana iwaho me ka manao e kau a hoi aku aohe nae ke kaa. Eia nae, aole i lilo ka nalowale ana o ke kaa i mea hoopilikia i kona noonoo, wahi ana, no ke kumu ua manao iho la ka oia na kekahi o kona mau hoaloha i lawe aku i na kaa la.
E huliia mai ana ke kanaka i kolohe ma ke ano ino i nei kaa e ka hui iusua me ke komo pu ae o ka oihana makai, a ma ka hoomaopopo aku e bala ana no kekahi manawa mamua o ka loaa ana aku o ka mea kolohe.
WAWAHILA AE KE KEENA HANA O KA NUPEPA KOREAN
Wawahiia ke keenahena o ka Nupepa Korean Ka Pacific Times a he elima mai kanaka i pepehiia a eha iloko o elua manawa o ke komoia ana o ke keena hana o ka Nupepa Times ma ke ahiahi o ka Poalua nei. He umi mai Korea i hookuuia mai ka halepaahao aku mamuli o ka hele ana ae no ka hoeha me ka mea eha ku i ka make, a he 23 mau Korea i paaia e na makai no ka ninanauia ana.
I kulike me ka moolelo a ka oihana makai o ka hoike ana ae, ua ikeia ke kahi manao maloko o ka Nupepa Times e hoakaka ana i kekahi mau mea maikai ole no kekahi mau hoa o ka ahahui Manawalea a na wahine Korea. Ma ka auwina la o ka Poalua nei he umi mau lala o ka ahahui i kepa ae i ke keenahana o ka Nupepa Times a hoakaka ae le i ko lakou mau manao kue i ka lunahooponopono o ke Times. Ia lakou i komo aku ai iloko o ke keenahana o ka lunahooponopono, elike me ka ia mau wahine ka hike ana ae i ka makai, ua kipakuia mai la laku e hele iwaho me ko lakou lawelawe limanui ia mai, a ua ku maoli ka ia mau wahine i ku hilahila ame ka huhu @@ no ia hanaia ana mai o lakou a hoea i ka hale a hoike aku la i kalakou mau kane no ko lakou lawelawe limanui ia ana, a i ka lohe ana o ka lakou mau kane ua kai ae la lakou no ke keenahana o ka Nupepa Times.
Mia kela manawa mai ka hoomaka ana o ka haunaele. Ma ka hoakaka a Joseph Kim, ke kanaka o ke keenapai nupepa, me ka hoakaka ole aku ka o keia mau akanaka no ka lakou hana o ka hoea ana aku, o ka lakou komo koke aku la no ia iloilo o ka hale a hpu aku la ia S. Y. Ham. Ka luna hoohana, Hoi Young Ka lunahooponopono ame kekahi, a pepehiia a keia mau kanaka keia mau luna ae la o ka nupepa, wahi a Kim a wawahi pu ia iloko o ke keenahana, wawahiia na pakaukau, me ke kiolaia ma o a niaanei o kekahi mai lako hale e ae oloko o ia rumi. Hookahi wale no kumu i pau i ka haunaele mamuli o ka hoea ana aku o na makai, a he umi mau korea i paa i ka hopuia, a o nu kanaka i eha ua lawe koke ia ae lakou i ka halema'i o na ulua poino no ka lapaauia ana mai.
KA LUA O KA MANAWA O KE KOMO ANA
Ma ka hora 5 keia o ke ahiahi. I kulike me ka Kim o ka hoakaka ana ae, ma iaahiahi loaa ana iho ua hoi hou aku la oia no ka hale hana me eha mau kanaka hana e ae me ka manao e hoomaemae ia loko o ka halehana i wawahila ai a me ka imi ana i na poho i hanaia. Mahope koke iho o ka hora 8, wahi ana oiai oia ame kona mau kokua e hana ana, ia manawa, i komo aku ai ka lua o ka ahakanaka i piha inaina, a lele aku la e hoeha ia lakou me na pauku hao ame kekahi mau mea eha e ae. Mahope o ka hoeha ana o nei mau kanaka i na kanaka hana oloko o ka halehana ua huli ae la ko lakou noonoo maluna o ka mikini pai nupepa a pau i ka papapa'i nupepa i ka wawahiia a pela me ka mikino hoonoho hua, mamuli o ka wawahiia ana me ka hamare. Ia manawa i kaheia ae ai na makai, a mamuli o ia hoea ana ae o na makai i hopau kokeia ai ka hoohaunaele a na Korea a he ekoulu piha kaa i na Korea hoohaunaele i laweia aku i ka halewai. Elua mau kanaka a ka Makaikiu Swift i ike aku e waiho ana me ka eha malalo iho o ke pakaukau i kahuli i laweia ae i ka halema'i. Ia manawa i kno aku ai na makai e huli ia loko o na hale e ku kokoke mai ana: i ke komoia ana aku o ka Hokele Hai Dong e na makai i loaaku ai he lehulehu o na Krea me ko lakou mau aahu i kaukae i ke koko e pee ana a pau mai lakou i ka hapakuia ae no ka halewai.
O ke kumu pololei o keia haunaele ma ka oleloia mamuli ia o kekahi manao i hoopukaia maloko o ka Nupepa Times, aka have, ma ka hoakaka a kekahi Poe Korea he hoomauhala kahio no ka keia i ku no kekahi manawa loihi i hula aku nei, a ua ala mai ka ia mamuli o kekahi mau manao kalaiaina like ole.
He iwakaluakumakolu mau kanaka i hopuia mahope iho o ka lua o ke komo ana ae o na Korea hoohunaele i ka halepa'i o ka Times a i paaia hoi maloko o ka halepaahao o ke kulanakauhale no ka lakou ninaninauia ana mai. Ma ka hoakaka a ka Makakiu Mcduffie o na kanaka mua i hopuia ai aole i komo pu ma keia haunaele hope no ka mea e hoomaukaukau ana lakou no ka bela ana ia lakou ma ka halewai ma ka manawa i ulu ae ai ka haunaele hope.
LILO HE KEIKI KEPANI I MOEPUU NA KE AHI
Ma wailua, Kauai, ma ka Poaono, Iulai 22, i make ai he keiki Kepani, nona ka inoa o Sokiohi Nishida, a nona hoi na makahiki he umikumahiku, mamuli o ka hamu ana ae o na alelo ana ole o ke ahi i ka home o kona mau makua, o kahi nae o ka laki, ua pakele aku ke ola o kona mau makua ame kona mai kaikaina elua.
O ka moolelo e pili ana i ka make ana o kela keiki i ke ahi, penei no ia:
Iloko o ka pa'ahuia o na makua ame ka laua mau keiki ekoli i ka hiamoe, ua ala ae la kekahi o ne keiki uuku, mamuli o ka hele oloko o ka hale a pohina i ka uwahi, a na kona leo uwe, i hoala aku i na makua ame ka poe apau oloko o ka hale.
Ua holo aku la lakou apau iwaho, no ka hoopakele ana i ko lakou mau ola, o ka makuakane nae, ka i hapai pu aku, i kekahi mikini humuhumu hou loa o ke kuaiia ana, mailoko aku o ka hale, o ka nui ae o kona ohana, ua hemo aku lakou iwaho, me ko lakou mau lole wale no e pili ana i ka ili. Oiai mawaho o ka hale, a e nana aku ana hoi i ka a mai a ke ahi, ua hoao aku la ka nakuakane e komo hou iloko o ka hale, no ka lawe ana mai i kekahi mau ukana iwaho, ua huhu aku la kana keiki, me ka hooikaika ana aku o kela keiki e komo iloko o ka hale, eia ka o ka hope loa kela o ka ike ana o kona kino me ke ola, no ka mea iaia no a komo iloko o ka hale, o ka hiolo iho la no ia o kaupoku, a paa oia iloko, me ka hiki ole ke lawelawe aku i kekahi mau hana, e hoopakeleia ae ai kona ola mai ka make mai.
Ma ka manawa o ka loaa ana aku o kona kino, i ka wa i pai au ka a ana a ke ahi, ua hele a papaa i ke ahi.
Aole he maopopo iki o ke kumu o ke ahi nana i hoolilo iki o ke kumu o ke ahi nana i hoolilo i ka home, o kela ohana i puulehu, a i hookau aku koi i ka make maluna o ke keiki Kenani mau ukana iwaho, ua huhu aku la kana keiki, me ka hooikaika ana aku o kela keiki e komo iloko o ka hale, eia ka o ka hope loa kela o ka ike ana o kona kino me ke ola, no ka mea iaia no a komo iloko o ka hale, o ka hiolo iho la no ia ia o kaupoku, a paa oia iloko, me ka hiki ole ke lawelawe aku i ke kahi mau hana, e hoopakeleia ae ai kona ola mai ka make mai.
Ma ka manawa o ka loaa ana aku o kona kino, i ka wa i pau ai ka a ana a ke ahi, ua hele a papaa i ke ahi.
Aole he maopopo iki o ke kumu o ke ahi nana i hoolilo i ke home, o kela ohana i puulehu, a i hookau aku hoi i ka make maluna o ke keiki Kapani opio, nolaila e waiho malie ana ia he aunau pohihihi, me ka hiki ole e loaa mai ka mea oiaio.
Ua hanauia kela keiki Kepani ma Lihue, Kauai, aka i ka wa i nee aku ai kona mau makua a noho ma Kapaa, i kona wa e uuku ana no, ua hoi aku oia a noho malaila, a o kona hookuu koke ia ana mai no ia, mai ke kula mai o Kapaa, i keia makahiki iho nei, a hoi aku no ke kokua ana i kona makuakane, ma ka hana kanu laiki, eia ka e hoopokoleia mai ana kona mau la, o ke ola ana, mamuli o kela ulia ma'uwale.
O KAUKA HANCHETT KE POO O KE KOMISINA.
Ma ke halawai a ka Papa Ola Teritore o ka noho ana ma ka Poaono aku la o ka pule i hala maloko o ke keena oihana o ka Paresidena F. E. Trotter i hookohuia aku ai o Kauka A. K. Hanchett, ke kauka o ke aupuni kulanakauhale i lunahoomalu no ke Komisina o na Hana Kivila o ka papa ola, ma kahi o Thomas J Fiz Patrick, ke komisina mua i waiho mai i ka hana. Ua akoakoa ae ma kela halwai o ka noho ana ke Kauka A. K. Hanchett, Joseph H. Futerer ame Thomas J. Fitzpatrick, ka peresidena F. E. Trotter ame MIss Mae R. Weir, ke kakauolelo o ka Papa ola.
Mahope iho o ke ku ana ae o ke komisina o na hana kivila ame ka hookohuia ana mai o Kauka Hanchett ma ke ano i lunahoomaluna no ke komisina, ua hooholo ua komisina e malama i mau halawai mau na ia kino i kela ame keia mahina ma ka Poaha mus, ma ka hora i auwina la, maloko o ke keena oihana o ka peresidena.
Ua hoolakoia mai na komisina me na kope o na rula ame na hooponopono ana e hoomalu i ka lakou mau hana ame na mana i haawiia mai ia lakou i mau mea na lakou e huli a e hoomaopopo ai ahiki i ka noho ana mai o ka halawai niau ma ka hora i o ka a@wina la o ka Poaha mua o ka mahina.
Ma ka Thomas J. Fitzpatrick, Ke komisina mua i waiho mai i kona kulana o ka hoike ana ae ma ia halawai ua hoihoi mua ae ka oia i kona hoo kohu ma ke ano he komisana i ke Kiaaina. Charles J. McCARTHY, ma ka manawa oiai oia e noho ana ma ke ano he mana hooko no ke Teritore, eia nae, aole i aponoia mai ia waiho ana aku ana i kona kulana e ke Kiaaina McCarthy ahiki iho la ia manawa.
Ua hoike pu ae oia imu8a o na hoa ma kela halawai ana e haalele iho ana oia i keia teritore maloko o kekahi manawa pokole loa a e kaawale aku ana oia i Amerika no ka makahiki a oi, a no ia holo aku on a i Amerika i makemake ai oia e waiho aku i ka hana, eia nae, aole oia i waiho koke aku ahiki i ke kohoia ana o kona hope a hookuhuia mai hoi e ke Kiaaina hou W. R. Farrington, a in a no ka hookohu ole ia mai o kekahi kanaka ma kona wahi, e haalele iho ana no oia i na mokupuni, a oiai hoi ua kohoia iho la kona pani, ua kaawale oia no ka holo ana aku i Amerika.
HE POOMOKU KIKALIKA KE KUMU I AIA AE AI HE HALE
Iloko o ka moolelo o Hawaii nei aole paha he hale i aia ae e ke ahi mamuli o ka lawe ana aku o ka moa i ke poomoku kikalika e a ana malalo o ka hale a aia ae ka hale e ke ahi, elike me ka moolelo e ikeia iho ana malalo nei.
Ma ke Sabati o ka pule i hala aku la ua aia ae kekahi halemoa i onoia e Manuel Correa, ma Kaimuki, e ke ahi mamuli o kekahi poomoku kikalika a Manuel Correa o ke puhi ana a kiaola aku iwaho a i kikoia iho hoi e kekahi moa a holo aku la me ke kikalika e a ana ka waha malalo o ka hale.
Me kela kikalika e mau ana ka a i holapu ae ai ke ahi malalo o ka hale o Manueel Co rrea a kaheaia ae ka oihana kinaiahi, a i kulike me ka ka Luna Kinaiahi Nui Thurston o ka hoike ana ae mahope iho o ke kinaiia ana o ke ahi a pio, o kela i hoakakaia ae la maluna ke kumu o ke ahi o ka ana ae.
Wahi ka a Correa o ka hoakaka ana ae i ka luna kinaiahi nui ua kiola aku oia he pookumu kikalike iwaho ma ka puka aniani, a i ka ike ana mai o ke moa, me ke manao he mea ai ono a maikai loa paha ia nana, ma holo mai la a kiko a holo aku la malalo o ka hale, a i ka haalele ana o ka moa ia poomoku kikalika, ua a aku la i ka opala e mokaki ana malalo o ka hale a hoomaka ae la ka a ana o ke ahi, he ahi hoi i kahea okoa ia ae ka oihana kinaiahi.
I kulike me ka Mr. Thurston o ka hoike ana ae aohe i hopuia ka moa kolohe.
UA MOE AKU I KA MOE KAU A MOE HOOILO
He u, he minamina, he hoomanao poina ole ia oe a
He lihaliha, he paumako, he kumakena nou e ke hoa,
He kanaenae hoomaha i ka manawa i kupouli,
I hele hoi a eha Kaukaopua i ka loku hala ole a ka ino-e.
Ae: ino loko ua mo ka piko kaawale--e, anoai wale!
I ka Lunahooponopono o ke Kilohana Pookela. ka Nupepa Kuokoa, Anoai kaua:--E noiia aku ana kou oluolu ma keia, ke loaa hoi he kowa kaawale o ka elele wahaole a ka lahui, e hookau aku hoi i nei wahi puolo waimaka nui ma ka oneki o ke Kuokoa, i ike mai ai hoi na kini makamaka ame na hoaloha o ka mea i aloha nui ia a i haalele mai i keia ole mauleule ana: o Solomon P. Kahoohalahala, ka hope Kahu Kula Sabati o Kawaihao, kekahi hoi o na lunakahiko o ka ekalesia makua, a he hoakuka hoi no ka ahahui Hooikaika Kristiano, ua pauaho mai oia i keia ola ana mahope o kona paa ana i ka hana he hope Kahu Kula Sabati no Kawaihao no na makahiki he Umikumakolu, me ka mahalo nui ia o kana hookele ana ame kona malama ana hoi i ka laahia o ia hana, ma ka hora 5 a @@ o ke kakahiaka Poakahi, Augate 1, 1921, maloko o ka halema'i Moiwahine mahope o ke kaa ma'i ana no eha la wale no, a moe aku la i ka moe mau loa. I ka 1904 i komo ai oia i hoahanau no Kawaihao.
O kekahi oia o na kanaka opio mikiala a malama hana me ka malama mau i kona kulana keonimana; he hoaloha oiaio oia, he kupaa ma ka pono, ana i hooiaio ai, a he lima kakoo ikaika hoi no ka ekalesia, a o kekahi hoi o na kanama makaala mau i na halawai o ka ekalesia i know manawa pilikia ole. He kuaka manaopaa, a he maalea hoi ma ka hoomakamaka ame ka hoohulihuli ana i na naau o ka poe ana e halwai aku ai.
Ua Hoonaauaoia oia a puka maikai mai mai ke Kula Nui mai o Lahaina luna; he kanaka naayao, a no na makahiki he 16 kona noho hana ana me ka Hui o Lewers ame Kuke ma ke ano he kupakako a he lunahoohana no ia hui, a me ka pa Papa o Lewers & Cooke ma Iwilei kona wahi o ka hana hope loa ana ahiki i kona waiho ana aku mamuli o ka nawiliwali. He mau manawa lehulehu kona loaa ana i ka ma'i i ka manawa i hala, eia nae, ua oili mai no oia mailoko mai o ia mau nawaliwali ana, a i keia loaa hope ana iho la ua oi aku ka ikaika o ka ma'i mamua o ka ike o ke kanaka ame ka ikaika o ka laau ahiki i kona moe ana aku la.
He mau la pokole loa kona o ke kaa ma'i ana; ma ke kakahiaka Poaha o Iulai 28 kona hoi ana ae i ka halema'i Moiwahine, mamuli o kona ike oia wale no ko kona hale, aohe mea nana e hoomaopopo mai iaia, pela oia i hooholo ai i kona manao e hoi ae no ka halema'i Moiwahine, kahi o na kahuma'i na lakou e makaala mai iaia a e makaala mau ae ai hoi o ke kauka, a ma ka hora 5 a me, kakahiaka nui loa o ka poakahi, Augate 1, lele loa ae ai kona hanu. Ma ia kakahiaka no i la weia aku ai kona kino wailua no ka hale kupapau o Mr. Williams, a ma ka hore 6 p. m. o ia ahiahi i kauia ae ai no ka hele ana aku o na hoaloha ame na makamaka e ike iho i kona helehelena.
Ma ka hora 2 p.m. i malamaia ai kona anaina haipule maloko o ka luakini o Kawaihao, a ma ka hora 4 p.m. auwina la i hoolewaia aku ai kona kino lepo no ka ilina o Manoa, a hoomoeia aku ma ka aoao o kana wahine i hala e mamua he mau makahiki lehulehu i hala.
Ua hala o Solomon P. Kahoohalahala, ua hoi aku kona kino lepo i ka lepo a o ka uhane i ka Mea Nana oia i hana, ua nalo kona mau maka mai ke kahua aku ana e ku mau ai maloko o ka luakini o Kawaihao, ua haalele iho oia i na kini makamaka ame na hoaloha ma keia ao e hoomano mau aku nona, aka, o kana mau hana maikai i hana ai e lilo ana ia i kiahoomanao poina ole nona, iloko na umauma o na hoaloha apau i kamaaina iaia.
Ma ka manawa o ka noho ana o ka Ahahui Paeaina ma Haili, Hilo iloko o ka mahina o Iulai 7-13, oia kekahi o na hoa i komo pu aku ma ia halawai ana ma kona kulana he Hope Kahu Kula Sabati no Kawaihao, o kana ahahui Pae Aina mua loa ia i malamaia ma na mokupuni i hele aku ai, eia ka o kona ike hope loa ana i ka Ua Kanilehua, na Niu holu o Kalapana, ka ulu lehu o Olaa ame ka luaele, ka nani o na aina mahiko o Hawaii Akau ame ke alo ana i ke ehuehu o na Kai o Alenuihaha, Kaiwi ame Pailolo, a moe aku la i ka moe kau a moe hooilo. Aloha Wale!.
Me ka minamina âme ke aloha ma kou e u ae nei nona aole nae i poinaia E mahaloia ka lunahooponopono no ka ae ana mai i kowa no keia moolelo pokole. Na na hoahanau o Kawaihao.
LADANA, Aug 1- He olai ikaika loa ma Leghorn a ma kekahi mau wahi e ae o Italia ka i hoikeia mai maloko o kekahi lono kelekalapa i ka nupepa Times mai Milana mai. Lehulehu ka poe i hoikeia mai ua paa malalo o na hale hiolo ma Bari.
KA PAPA MUA LOA O KAMEHAMEHA NO KAUAI (Mai ka Aoao 2 mai)
Hauwweke ke kolo me ka hao pine, Ke hanu ino nei na manu o Kuhanio ana
Aohe i ana iho ka puu moni ai
Ke poala lua nei la i ka uwahi manu,
Ke hakoi-lua nei na moku i ke kai
No ke kai no e oni nei naue na pali
Naueue ka hiu o ka ia o lewa i ke kai
Na ke kin lawaia manu he ula o Lehua,
Na ke ko eli kupaeli o Halaii
Na ka elepao elepani me ke koolau,
Pani iho la pani i ka wai huna a ke kai
Ke hao nei ka Mikioi kau i Niihau,
Kau aku la malu i na hale o Kaohai
I na hale laau a Limaloa e ako nei, Ako kukulu kuene i na hala a ka liula
E hoomomona ana i ono Kalanamaihiki,
Eia iho ke oki la o ilikipau
He hikiwawe ka hana la me puheemiki,
Hala ole ka apona a ka ua i ka lani
I apo na paa pupu a mamau i kanahele,
Puikaika kela i ke kapa pili o Kahelu
I ka pakele o ka nui a oi e o ka nani,
Ua hele a hapa i ka loa o Koialana He komo apuepue i ka neki o Alakai.
(Ua oleloia o keia malalo iho ka pane a kekahi wahine nouka o Hanalei he kae'ae'a no hoi no ia uka, i ke mele maluna ae).
Kuia mai ka laki ke kaulana o Waialeale.
I na halekuai laki o Hanailiki,
E hoao ae au i pau ko'u kuhihewa,
He uluha au i ke ahi lele o Kamaile
I ka elle pua o no lele ma ke auhau,
Owau no ka ihupani o ia nahele,
He aloalo kuaua au no Hanalei,
He hueu he eueu au no Kamanamano,
He laau lala ole no Luaiki,
Ua rula ia e ka ua a oki ka pua,
He boa hoopakipaki wai ua no Pueo, He koa oniu owala laau no Puukapele He kilohana no Kauai apuni,
Ua lala like no ia ono mai o a o,
E noho hoomanao ana ia Hihimanu, E ake e hele e hui launa me Mamalahoa
E kukulu i na oke ki wai a ka ua i ka lani,
E kikiopua ana ia Kaukaopua
Kike ka hamale uwene ke kolopa,
Ho iho a paa ke kula o Kawa,
I paa no a paa, ue a ue,
I ke akaniai a kahi ale iki a ka noeau
Ku ana hehihehi a holoholo ana i ka laula o Kamaiamailuna e,
Ae----he kini (gin) iho ia la he mea on a la e.
HOOPIIIA AE NO KA HAALELE I KONA OHANA
He koa i kepaia a i hoonohoia ae ma ka Papu Ruger, a ma ka oleloia ua makemake ia oia e hoihoi hou ia aku i Kalamazoo, mokuaiana o Mikikana, no kona hewa i hoopiia mai ai he haalele i kanaa wahine ame kana bebe, nona ka inoa o C. H. Gregg, ka i paa ae i ka hopuia ma ka auwina la o ka Poakolu aku nei o ka pule i hala e ka makai, ma kona manawa o ka hele ana ae i ka haleka e kii i kana leka.
I ka manawa i hele ae ai o ka haleleka, o C. H. Watson kekahi inoa on a, na hoike koke ia aku oia i ka Makaikiu Mcduffie e na luna o ka oi hana leka, o ka manawa no ia i kaheia aku ai o kekahi makai motokaikala a nana i hopu ia Gregg.
I kulike me ka hoike i loaa ae i ka Makakikiu McDuffie e pili ana no keia hihia, ua mare o Gregg i ka wahine oiai oia ma Enelani. Ua hoihoi pu ae oia i kana wahine i kona home ma Kalamazoo, Mikikana, a mahope iho o ko laua noho pu ana malaila no kekahi manawa, ua haalele aku la oia i ka wahine, me ka hoopunipuni ana aku ka i ka wahine e holo ana oia i Texas no ka ohi ana i kekahi mau dala mai kekahi waiwai hooilina mai kekahi anakala mai on a malaila. Mai Texas aku ua holo ae la ola no Kikako a mailaila mai a i Kapalakiko. He mau leka lehulehu hoopunipuni ka kana o ke kakau ana aku i kana wahine e hoike aku ana i kona nele , kona halawai ana me na pilikia ho nui, kona paa ana i ka hopuia, a o ka hoopunipuni hope loa ana o ke kakau ana aku i ka wahine ua hoopaaia ka oia i ka halepaahao ma Honolulu nei no kona pepehi ana a make i kekahi Kepani, no ekolu makahiki ame elua mahina, no ke karaima ana i hana ai.
Ua hawaiia aku oia i ka oihana koa e ka Makaikiu McDuffie, elike me kana o ka hoike ana ae.
HOIKE HAPAHA O NA KULA SABATI O MOLOKAI
E malamaia ana na hoike hapaha o na Kula Sabati o Molokai, elike me ia e hoikeia aku nei:
Kula Sabati o Halawa, Augate 7, haawina hoike ma ka Hoaaloha o ka mahina o Aperila.
Kula Sabati o Wailua, na Honouli Huiia, Augate 14, haawina o ka mahina o Mei.
Kula Sabati o Kaluaaha, Augate 21, haawina o ka mahina o Iune.
Kula Sabati o Kamalo ame ke Kula Sabati o Kalaiakamanu Augate 28, ka laua haawina ma ka Hoaloha Iualai.
Ke hoike pu ia aku nei i na Kula Sabato o ka Moku o Hine Uluwehi o ka Heke no ia, e koho hou ana na luna nui o keia ame keia Kula Sabati, elike me ka oukou koho lokahi ana no ka holomua o na hana Kristiano o ke aupuni lani
Owau iho no me ka haahaa, ka oukou kauwa.
JOSEPH N> UAHINUI.
Kahu Kula Sabati Nui o Molokai Kaunakakai, Molokai, Iulai 20, 1921.
I KOU WA KAMALII
Ke hoomanae nei no ane oe i kou kuai ana i paalole hau me ka piha haaheo? Aole i lilo ka loli o na makahiki i mea e ano e ae ai kela manao o ka @@ loa aku i ka wa e loaa aku ai ia oe ka Waiwaiio no kau Dala.
Ua hiki i ka "Halekuai Hoihoi Hou i ke Dala: ke hoopaa no ka Lona o ka Waiwaiio iloko o na Pealole Paa Mua me ka loaa o ka Pono Aie, e @@@@@@ ai kou manao.
Mai luwale i ke dala ma ka "pono kuai:. E ae mai na makou e hoike aku i ke kumu e lilo ai makou i mea hoolako ia oe.
THE MODEL CLOTHIERS
"Ka Halekuai Hoemi Hoolilo."
ALANUI PAPU
Makai o ka Halepule Kakolika
DR. CAPPS
Mea Nana Maka
156 Alanui Hokele
Mauka o ka Hokele Young
HOOLOHA HALAWAI
E malamaia ana ka halawai mau o ka ahahui Hale o na Alii, Hale o kapiolani, ma kona keena mau ma Kapaa, Kauai, T. H. ma ke Sabati mua, la 7 o Augate, M. H. 1921, ma ka hora 3 p. m.
W. Werner,
Iku Lani, Ahahui Hale o na Alii, Hale o Kapiolani, Kalana o Kauai, T. H. 6463--Aug 5
KAPALAKIKO, Iulai 28, He 358 mai kini opiuma i paa i ka hopuia e na luna aupuni federala i keia la maluna ka mokuahi Tenvo Maaru.
A KE MAU NEI NO KO MAKOU KUKULU ANA
ME HE MEA LA AOHE WA E PAU AI KA MAKEMAKE NO KA HOME
O ka hoopukapuka ana iloko o kekahi hui e hoike maopopo mai nei i na hopena, he ana hoopukapuka oiaio ia. Ua maopopo loa ka puka no kau mau dala.
Ke ohi nei ka makou kumuwaiwai i na puka i keia wa e loaa ai ia oe he huina puka mahuahua
Aohe a makou mahele hoeueu a mau luna pihana nunui pala o ka uku. Holo pololei na puka apeu i ka poe naa mahele.
UNION SYNDICATE, LIMITED