Ka Nupepa Kuokoa, Volume LIX, Number 30, 29 Iulai 1921 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

KONARADI KENEKONA

a i ole

Ka Hiena o na Awawa Kuholo ame Demo na ka Lio Eleele Kupaianaha

            Uwalo okoa aku la o Konaradi imua o kona makuakane, eia nae ua h ookaha loa ia mai ko Konaradi manao i kona ike ana aku, aole he wahi mea a kokua mai o kona makuakane iaia, oiai nae ua hele a nui ka inaina o Keneko na no Felipe, o ka ua o Konaradi wale no e noonoo la aia kekahi meahuna pohihihi loa, i lilo ai kuu makuakane, imua o Felipe.

            "Aia kekahi hana pohihihi loa, i lilo ai kuu makuakane, i meapaahana na kela kanaka Paniolo." i nalu wale iho ai no o Konaradi iloko on a, me ka paa loa o ia noonoo iloko o kona poo, no kekahi manawa loihi mahope mai, ahiki, wale no i ka loaa ana iaia o ka ike maopopo, no ke kumu i kipaku ole ia ai o Felipe e kona makuakane.

            Ua malama malie no o Konaradi i kela apala, a mamuli no o kana koi ikaika i kona makuakane, ua hoea okoa aku la laua, ma kela ahiahi imua o kekahi halekuai laau, a malaila i nanaia ai kela apala, a ikeia, ua nui maoli ka laaumake i hookomoia ai maloko o ka apala, me ke kamailio ana mai o ke kanaka nona kela halekuai.

            "Aia maloko ne o keia apala ka laaumake, i lawa no pepehi ana i kekahi lio," wahi ana me ka luliluli ana ae o kona poo.

            "E kanalua hou iho ana anei oe e kuu makuakane, no ka pololei ole o ka'u mea i hoike mua aku ai ia oe?" wahi a Konaradi i huli mai ai imua o kona makuakaneme ka hoihoi o kona mau maka. "E aa ana no anei oe e noho hou kela kanaka lapuwale maloko o kou home, me kou ike maopopo no he mea oia i makaukau mau e hoopoino mai i kou waiwai, a e hoopino pu mai ia'u, kau keki nei?"

            "Ke ike aku nei au i ka pololei o kau mau olelo e kuu keiki, aka nae e haawi mai oe i manawa no'u, e kamailiopu ai me Felipe," wahi a Mr. Kenekona, me ka hakumakuma o kona helehelena.

            He mea oiaio, ua hui pu aku o Mr. Kenekona me Felipe mahope mai, o ka mea kupaianaha nae, aole i kipakuia o Felipe e helemai ka home aku o Mr. Kenekona, aka ke noho la no oia ma ke ano he malihini hanohano, aole no hoi i hoopau ua hapa Paliolo la i kana mau hana hoopilikia, aka ke imi mau la no oia, i na mea e hoehaehaia mai ai ko Konaradi manao.

            I kekahi la nae, no ka loaa mau aku o Felepe ia Konaradi mamua o ka puka o kahi i hoohoopaaia ai o Demona, kamailio okoa aku la o Konaradi iaia, i ka i ana aku:

            I lohe oe e Felipe ea, in a e make ana o Demona ma keia mua aku, ua make oia i hanaia e oe i ka laaumake. Ua like pu o Demona ia'u, me he kaikaina la i ke kaikuaana, a in a e make ana keia lio, aole ia he kumu no'u e noho malie ai, aka e hana aku ana au ma na ano apau, i wahi e uku pono ia ai ka mea nana e hopoino ana i kona ola."

            Hookeke wale mai la no o Felipe i kona mau niho, me ka wehe ana ae i kona kikalika, a puhi ae la, me ka hoohuli ana mai o kona kui ia Konaradi, ka mea hoi nana i hooi loa mai i ko Konaradi inaina.

            Aole no he maopopo iki ia Konaradi o kana mea e hana aku ai, in a nei no ka make o kona lio, eia nae aia ka manao pepehikanaka iloko o kona puuwai.

            Ua hele maoli a laka loa o Demona i keia manawa, me ka hiki in a mea apau ke hamohamo aku i ua lio nei, a o Felipe hookahi wale no, ka mea huhu a Demona, aoleloa kela lio e hoohewahewa ana ia Felipe, in a no kona hoao e komo aku iloko, e pienaena ana oia, me ke pi o kona iho.

            O Konaradi hookahi wale no ka mea hiki. ke noho mana maluna o Demona, ma na mea apau; me ka hooloho o kela lio, i na kanoha apau a Konaradi e haawi aku ai iaia, elike me na lio i a'oia i na hana keaka.

            Aole nai maluna wale no o Demona ko Konaradai noonoo i na manawa apau. aka aia kekai mau kumuhana ano nui loa, ana e makaala mau ana oiai ua hoolihaia kela ola ana me na mea pohihi he nui, ma keia hoi hou ana aku o kona makuakane, me kela kanaka hapa Paniolo.

            E pili mau ana o Kenekon me Felipe i na manawa apau, a Konaradi i hoohuoi aku ai, he inau hana ano nui loa ka kela mau kanaka e hoolala ana, ua hooiaio loa ia mak keia manao hoohuoi, mamulio ha olelo a kona makuahine i kamailio mai ai iaia, pela hoi kela leka, ana i heluhelu ai. hui pu iho me ke kumu kipaku ole o kona makuakane ia Felipe.

            Mamuli o kela hui mau o na kanaka elua, e hoohala ana laua i kekahi manawa maloko o ke keena oihana o Mr. Kenekona, a no ka molowa o Kenekona, hooholo iho la oia ma kekahi la e pii ma ka hale maluna loa e hula i kekahi mau buke moolelo, i mea heluhelu nana. He la ua keia ana e huli a i buke moolelo.

            Oiai oia maloko o kahi i hoahuia ai na buke ame na nupepa kahiko lohe mai la oia i kekahi mau leo walaau, o ke ano huhu, nolaila hooneenee loa mai la oia ahiki i kona kau pono ana ae maluna o kahi o kela mau leo ana ae maluna o kahi o kela mau leo ana i lohe mai ai. O kahi o ka laki, aole he kilina maoli i hanaia no kela rumi, aka he mau papa wale no i hoomoeia nolaila uwai ai la oia i kekahi papa, ahiki i ka loaa ? ana he wahi ko wa nuku, nana iho la oia ilalo, eia ka o kela ke keena oihana o kona makuakane.

            ? no oia e nana ana iloko, lohe aku la oia i ka leo o kona makuakane i ka pane ana ai i keia mau olelo:       

            "Mai lilo oe e Felipe i kanaka hupo, aole e hiki ia'u ke ? aku ia oe ma ke dala gula wale no."

            Ua ike no oe aole he waiwai iki o na dala pepa ma ko'u aina, he mea pono ma na dala gula wale no oe e haawi mai ai ia'u a me ia mau dala, e huli hoi aku ai au no ko'u aina." i pikanana mai ai ke kamailio ana o ke kanaka hapa Paniolo.

            Kiei pono mai la o Konaradi ilalo, aia hoi maluna o ke pakaukau a na kanaka elua e noho ana, he nui wale na dala gula, e ahu mokaki mai ana, na dala o na aupuni like ole, mai ka hapaha kini aku, a i ka hookahi dala gula..

            Aia ma kekahi aoao mai o ke pakaukau o Felipe kahi i ?u ai iluna, e huli pono mai ana imua o kona koolua, ma kekahi aoao mai o ke pakaukau, me ka haawi ana aku hoi o Kimo Kenekona i kekahi mau bila dala imua o ua hapa Ilikini nei, a hapa Paniolo.

            "He hana maalahi loa nau ka hele ana aku no kekai mau banako, a waiho aku i keia mau bila dala, no ka wawahi ana i mau dala gula." i pane aku ai o Kimo Kenekona.

            "Luliluli ai la ke poo o Felipe, a pane mai la: "He hana nui na'u ka hele ana aku e wawahi i keia mau bila dala. o ka maalahi no o ia ke kaa ana o kela hana ma kou aoao. a haawi mai oe ia'u. ma ke dala gula wale no."

            "Aohe o'u manao pela, no ka mea ua ike no oe, o kou hoao ana mai o hoopunipuni ia'u, he mea ia e komo aku ai oe iloko o ka poino. E hoomanao oe e kuu hoaloha iloko o ka imo ana o ka maka, ua hiki, loa ia'u ke hoohoka aku ia oe ma na ano apau, a o kou wahi kupono e noho ai oloko no ia o ka halepaahao.

            Hilinai pono mai la o Kimo Kenekona ihope o kona noho, alaila i aku la: " E aa ana anei oe e ala ku-e mai ia'u?"

            "Heaha auanei ka'u mea e hopohopo iho ai, no ka mea e hookuuai mai ana au me ka maalahi loa, ke ku au a hoikei ka mea oiaio ma ka aoao o ke aupun e Mr. Dukona. Eia iloko o ka poho o kuu lima, kou ola ame kou make," alaila kau ea la o Felipe i kona mau lima iluna, me ka pahola ana ai hoi o ka minoaka ma kona mau papalina.

            No kela mau olelo a Felipe, ua hiki ole i kona kokoolua ke pane koke aku, ke onioni wale la on oia iluna o kona noho, a iloko o kona piha inaina i kamailio aku ai oia, me ka leo okalakala:

            "O oe kekahi kanaka lapuwale ino loa e Felipe Sosedo! O keia ano hana au, e kumakaia okoa ae ana oe i ko haku, ia Juana."

            "Aole i lilo kena mau olelo au, i wahi no'u e maka'u ai no ka mea aia o Juana ma kahi hiki ole ai i na lima o ke aupuni o Amerika nei, ke kikoo aku iaia: o ka'u mea wale no e noonoo nio nei,. o ia no ko'u kaawale loa mai ka hookomo ana aku ia'u iho iloko o ka poino."

            Ma kela wahi o ka laua mau olelo, ua noho hamau loa iho la ua mau kanaka nei, eia nai, aia ma ko laua mau maka. na hoike maopopo loa, o ka piha hoowahwaha o kekahi no ka maluhia loa:

            Oiai hoi o Konaradi e nana aku ana. a e hoolohe ana hoi i na olelo a na kanaka elua ma ka aoao o ke pakaukau, ua hoopiha loa ia 'aku oia me ka kahaha. Ke hakoko la na manao like ole iloko o ke kanaka opio, in a paha o kona makuakane kela, a i ole. he kanaka okoa loa, a o ke kumu o kona kahaha loa, o ia no ka haawi ana aku o Kimo Kenekona i ka dala ia Felipe, me ka lawelawe ole mai o kela kanaka i kekahi hana, e kupono ai kona ukuia aku.

            Aole no e kala i hoohuoi kahiko ai o Konaradi, aia kekahi kumu ano nui loa a kona makuakane i malama ai ia Felipe. ua hooiaioia mai nae ia manao hoohuoi on a, ma kona lohe maoli ana aku i ke kamailio ana mai o Felipe, ua hiki loa iaia ke hoiki ai i kekahi hana, i lawelaweia, i wahi e noho aku ai o Kimo Kenekona, iloko o ka halepaahao.

            O ka mea nai nana i hooi loa aku i ka manao kahaha iloko o Konaradi, o ia no kona lohe maopopo loa ana aku. i ke kahea ana mai o Felipe i kona makuakane, ma ka ino o Mr. Dukona, me ke ala pu ana mai o kana mau hoomanao ana. no kela leka ana i heluhelu ai, a i hoihoi aku ai i kona makuakane, me ka nalu ana iho no hoi, in a paha he inoa kapakapa ko kona makuakane ma Amerika Hema.

            O kekahi mea ano nio a ua o Konaradi i hoomaopopo aku, ma ke kamailio ana mawaena o kela mau kanaka elua. o ia no kona lohe ana aku i na inoa o Juana, kela ino hookahi no ana i ike ai maloko o ka leka: ana hoi i lohe ai, eia ka he haku kela kanaka no Felipe, ke kanaka hoi ana i hoomaopopo ai maloko o ka leka, he kiai  oia nana e malama ana i kekahi pia.

            Mamuli o kela mau olelo a ke keiki opio i lohe aku ai i ke kamailioia mawaena o kona makuakane ame ke kanaka hapa ?ikini. hooholo iho la oia, e hoomau no i ka noho ana ma kela wahi, a e hoolohe hou aku i ke koena o ka laua mau mea e kamailio ana, aole nai i loihi ia kakali hou ana aku ana, lohe aku la no oia i ke kamailio hou ana aku o kona makuakane.

            "Aole loa he kumu maikai iki, no kaua e hoopaapaa ai e Felipe, no ka mea ua ike no oe, aole he wahi pomaikai iki e loaa ana i kekahi o kaua ma ia mea."

            "Ae, ua maopopo ia'u ia mea, aka nae in a oe e hooko mau mai ana i ka'u mau mea apau i makemake ai, aole loa he manawa no kaua e hoopaapaa ai." i pane mai ai no hoi Felipe me ka minoaka ma kona mau papalina.

            "Ua like q like ko kaua pomaikai ame kokua opine: ma keia hana nui. I ka wa e holopono ai ka'u mau mea apau i makemake ai no ka'u oihana maanei nei, o ko'u haalele iho no iaia Amerika nei no ka wa hope loa, a hele aku mo kekahi aina okoa e noho ai."

            "Aohe a'u nana no ke ano o kau mea e hana aku ai, ina he pololei mau kau mau hana apau. Ua ike no oe, ua hoonoho mai o Juana ia'u, i mea nana e makaala aku ia oe, no ka hooko ana aku i kau hookiki. nolaila, aole he hana maalahi nau, ka manao ana e haalele iho ia Amerika nei. me ko'u hookolo ole aku mahope o kou meheu."

            "Pehea, ua hoao aku nei au e lawelawe i kekahi mau hana apakee?" wahi a Kimo Kenekona, me ka leo pikanana.

            "Aole, aka nae mamuli wale no ia o ka niui o ko'u makaala ia oe."

            "He uuku wale no ka manawa i koe. no ka hoea ana mai i ka hooko pono ia ana o ka'u mau hoohiki apau. Mahope iho o ko'u uku ana aku ia oe i keia mau dala. alaila he hookahi manawa i koe e uku ou aku ai. o ka pau lo ano ia o ko'u noonoo hou ana aku i keia hana."

            "Ua lohe mua aku nei no oe i ko'u manao, aole au e ae ana e lawe mai i keia mau dala, ahiki i kou uku ana mai ma ke dala gula wale no."

            "Ina pela, e hele mua aku au i ka banako, e hoololi ai ai i keia mau bila dala, a i wahi nae e holopono ai kela pono. e hele au no NuToka, pahea la ia i kou manao?"

            "Ua pono kela, ua hiki ia'u ke kakali malei ahiki i kou hele ana i Nu Ioka ma ka la apopo, a huli hoi mai me na dala gula."

            Ma kela wahi iho la o na kamailio a na mau kanaka nei, me he mea la ua holopono ia i ko laua noonoo, nolaila hookomo iho la o Kimo Kenekona i na dala ame na bila dala maloko o kekahi eke a waiho aku la iloko o ka pahuha, a he mau minuke mahope mai. o ka huli hoi aku la no ia o ua mau kanaka nei noloko o ko laua mau rumi pakahi.

            No Konaradi hoi aole oia i haalele iki. i kona wahi e noho la ua lilo kana mau mea apau i ike ai me kona mau maka oonoi. pela hoi na olelo a kona mau pepeiao i lohe ai i kumu nana e hoopioloke i kona noonoo; he hokahi no ana hana. o ia kona noho malie loa, me ka nalu nio ana iloko on a. i ka hopena e hoea mai ana maluna on a.

            Akahi no ua o Konaradi, a hooiaio iho i ka pololei o na mea a kona makuahine i kamailio mua aku ai iaia, no ke komo ana o na manao hoohuoi iloko o kona makuahine. aia kekahi mea pohihihi loa. e hiki ole ai iaia ke kuekaa ae. Noonoo pu mai la oia i na dala a kona makuahine, o ka haawi ana mai iaia. nolaila hooholo ae la oia i kona lima ma kahi e waiho ana maloko aku o ka pale o kona puliki, a ike ike iho la, aia no kela mau dala malaila kahi i waiho ai me na bila dala.

            "Ina eia no kuu makuahine iloko o ke kulana ikaika o kona kino, aole au e hoohakalia iho ana. i ka hele koke aku imua on a. a hoike aku i ka'u mau mea apau i lohe ai i keia la," wahi ana o ka namunamu liilii wale ana iho no.

            Ua hele no hoi a kokoke i ka aina awakea. ua malei iho la ka ua, a i ka hoea ana i ka manawa o ka aina awakea. aole ua o Konaradi i hele koke mai e ai no kona hopohopo. malia in a oia e ike mai ana i kona makuakane, e hiki ole ana iaia ke huna iho kona mau ano. no ka hana a kona makuakane, e komo aku ai ka hoohuoi iloo o kela kanaka no ke keiki opio.

            Haalele aku la o Konaradi i kela wahi ana e noho ana maluna o ka hale a iho mai la ilalo. me ka hele holoholo ana aku iwaho. He mau kapuai wale no kona manao mai ka hale aku. ike aku la oia ia Pita, malalo o ka lanai i paa, i na laauhihi, me ka peahi ana mai iaia nei e hele aku.

            "Ea, heaha keia pilikia e ita? " i ninau aku ai o Konaradi, i kona hoea ana aku imua o ka Paele.

            " Mai kamailio nui ae oe, o loheia mai auanei ka kaua mau olelo! Ua ikeia aku auanei, eia ka auanei , i ko kaua wa e kamailio ana, o ka wa ia e oili mai ai o Satana, o ko kaua loaa pono no ia. Nou e Konaradi, ame kou makuahine, no olua wale no ka'u mea noonoo mau ai i ke ao ame ka po, pehea aku ana la kou pono. e kuu hoaloha, mahope iho o ka hala ana aku o kou makuahine ma kela ao?"

            'Iloko o ko Konaradi noonoo, ua noke iho la o Pita i ka wea, iaia ia hooki iho ai i kana kamailio ana mai, a o ia ka ua o Konaradi o ke kamailio ana aku:

            "Ea, heaha mai nei keia ou e Pita, ua loaa anei or i kekahi ma'i?" wahi a Konaradi, me kona hoonaukiuki mai la no kela Paele.

            Puliki mai la o Pita i na lima o Kpnaradi, a pane mai la: "Mai walaau nui ae oe o loheia mai auanei kaua. He mea ano niu ka'u e hoike aku ana ia oe, o ia ko'u lohe pono ana i na mean i kamailioia mawaena o kuu haku, ame kela hapa Ilikini. maloko o ke awawa i keia la. O kahi o ka laki, aole kela mau kanaka i ike mai ia'u, aka owau ka i ike aku ia laua, a i lohe hoi i ka laua mau olelo.

            "E hoika aku ana au ia oe e kuu hoaloha, e hooko aku ana au i kekahi hana. me ko'u minamina ole no ko'u ola. oiai he pokole loa ko'u mau la e ola aku ai," aole nai i hoike aku ua Paele nei i kona mea i lohe ai, ku ana no o Kimo Kenekona imua o laua nei, a pane mai la me ka leo okalakala.

            "Loa'a pono oe ia'u e keia Niga lapuwale, in a ehopo hou oe e kamailio i hookahi huaolelo, e ike auanei oe, i ka whiakiia e a'u o kou kania-i.

            Ua hele maoli o Pita a piha i ka maka'u me ka weliweli. no kela loaa pono ana mai ia Kimo Kenekona, e hoike ana i kana mau mea i lohe ai, ma kela la, a hoomaka, aku la oia e holo, no kekahi aoao o ka lanai, e ku mai ana nae o Felipe ma ia wahi me ka hooholo koke ana iho o kona lima. mahope o ka pakeke o kona lolewawae, me he mea la, e nanao ana i kana pahi.

 

MOKUNO XIV.

            I kela ike ana aku a Pita i ke ku mai o Felipe mamua. aohe mea hiki iaia ke hana aku, o kona kuemi hope mai la no ia, me ka hele hoi o kona kino a piha me ka haalulu.

            Hele pololei mai la o Kimo Kenekona imua on a, a paa aku la kekahi lima maluna o ka poohiwi, me ka pane ana mai me ka leo kuoo:         

            "Ke makemake nei au e hele pu mai oe me a'u!"

            "E pepehi mai ana anei oe ia'u e kuu haku a make loa?"

i ninau ae ai o Pita,

            "Ina oe e hele mai ana me a'u ka hoala ole mai i kekahi mau ku-e ana, aole loa he pilikia e kau aku ana maluna ou."

            "O e kuu haku, ma kau mau mea apau i makemake ai ia'u e hana aku, e hooko no au me ka pololei," wahi a Pita me ka hele nae a piha me ka maka'u.

            No ka piha loa o Konaradi me ka pohiluhi, a hui pu iho me kona kahaha no kela hana a kona makuakane, pane okoa mai la oia, i ka i ana mai:

            "Ea, heaha ka manao o keia mea e kuu makuakane! Heaha ka mea a Pita i hana ai, e lawelaweia aku ai oia ma ke ano maikai ole elike me keia?"

            "E hookaawale koke aku oe e ke kanaka opio!" i poha mai ai ka leo o Kimo Kenekona me ka piha okalakala. "Aole loa au i makemake e hoolimalima i kekahi kauwa. e lilo mai i mea hoomakakiu i ka'u mau mea e hana ai, aole koa!"

            "Ina o kou makemake ia ea, alaila e kipaku koke oe i kela kanaka e ku mai la , me ke kuleana ole e noho mai ai ma keia wahi, " i pane aku ai o Konaradi, me ke kuhikuhi ana aku o kona manamanalima ia Felipe.

            "Aole o'u makemake e komo hokai wale mai oe e kuu keiki, ma ka'u mau mea apau e hana ai. Ua loaa pono e Pita ia'u, e hoolohe ana i ka'u mau olelo, a e hoomakakiu pu ana hoi, i ka'u mau mea e hana ai. Aole au e hoopoino aku ana iaia, aka e hoopau aku ana au i kona noho hana hou ana mai malalo o'u, o na kauwa o kela no aole loa he hilinai ana i koe maluna o lakou."

            "E anake hou aku ana o Jonaradi e kamailio imua o kona makuakane, ua haawi e mai la nai o Kenekona i ka hoailona. no kona noho malie loa ana, alana kahea aku la ia Felipe me ka leo nui i ka, i ana mai:

            "Ke makemake nei au e makaala loa oe e Felipe, aole e ai ake, e ukali mai o Konaradi mahope o maua!"

            "Ke houia aku nei ao imua ou aole e hahae aku mahope o kou meheu in a oe e ae mai ana e kipaku aku i keia kanaka malihini. Ke ku e nei au i kona hoonohoia mai i mea nana e kiai ia'u."

            Ike mai la o Kimo Kenekona, i ka paa o ka manao o ke keiki opio, e hooko aku i kana mea i manao ai, in a e hooko ole aku ana oia i ka Konaradi noi, nolaila kahea okoa mai la oi aia Felipe e ukali aku mahope on a, a haalele iho la ia Konaradi ma kela wahi, me kona hophopo ole, no ka hookolo aku o Konaradi mahope aku o lakou.

            I ka hala ana aku hoi o kela poe ekolu, nana aku la o Konaradi mawaena o na laauhihi, ahiki i ko lakou nalowale ana aku, mahope mahope o ka halelio; aia o Pita mawaena o kela mau kanaka a elua, me ka maopopo ole iaia nei, o ka laua mea e hana mai ana maluna o ka Paele.

            Mihi loa iho la ua o Konaradi, no kona ae ana aku imua o kona makuakane. aole e haalele i keia wahi ahiki i ka piha ana o ka hapaha hora iaia nae o noho malie la, ke hoohana la oia i kona noonoo. ma na mea like ole.

            I ka piha ana o na minuke he umi-kumamalima, o ka haalele aku ia no ia o Konaradi i ka noho ana ma kela wahi, a hele mai la no ka halelio, ke au la kana nana ana ma o a maanei, aole ona ike aku i kona makuakane, a pela hoi me kona mau hoa.

            MA ke koena aku o kela la aole i huli hoi iki mai o Kimo Kenekona, ame Felipe ahiki wale no i ka poeleele ana, akahi no a hoi mai ua mau kanaka nei, aka no Pita, aole he mea i ike hou ia nona.

            O ka mea i ala mai iloko o ka noonoo o Konaradi, o ia no ka lawe ana aku o kela mau kanaka a haalele ia Pita iloko o ka ululaau, aka nae ke hopohopo la no oia, no ke ola o kela Paele, malia paha, ua hookauia aku ka make maluna on a, no ka mea he kanaka o Felipe e hoohakalia ole ana, i ka hookau ana aku i ka make, in a ia he mea e kumakaia ole ia ai kekahi meahuna mawaena on a ame Kimo Kenekona.

            No kekahi mau la keia kakali ana o Konaradi o ka huli hoi mai o Pita, aole he wahi mea a ike hou is o kela Paele, a ua ala mai no ka noonoo iloko o ke kanaka opio, e ninau okoa aku i kona makuakane, i kahi i nalowale ai o kela Paele, ua hopohopo nae oia ke ninau aku, malia he mea ia e hoalaia mai ai na manao huhu a inaina o kela kanaka nona.

            He mau manawa i halawai pu ai oKonaradi me knoa makuakane. aole nai he hiki i ke keiki ke ninau mai, oia ma na maka no o Kenekona ke nana mai, ua kau e ka wela iaia. nolaila he oi aku no ka pono o ka noho hamau ana pela wale no e hana ole ia mai ai kekahi mea e poino ai oia.

            Mai kela manawa mai ua hoopilikia maoli ia aku ka noonoo o Konaradi. me he mea la ua hiki loa i ke kanaka opio ke ike aku, e hoea mai ana kekahi mea ano nui ma kekahi manawa mamua koke aku.

            E hele mau ana no ke kauka ohana e nana ia Mrs. Kenekona, ke iho mau aku la ua wahine nei ilaloi kela ame keia la, a no na la ekolu, aole e hiki iaia ke haalele aku i knoa wahi moe, a iaia i haalele aku ai, i ka mea ma'i. ma ka la hope ana i hele mai ai e nana iaia, ua hele kona helehelena a piha i ke kaumaha, me ke kamailio ana mai imua o Mr. Kenekona:

            "I hele mai la au e hoike aku ia oe e Mr. Kenekona, ko hookokoke mau aku nei kau wahine ma ka'e o ka lua kupapau i kela ame keia la. Manao au la e loli ae ana kona ano no ka maikai, eia ka aole aia kekahi mea ano nui loa iloko o kona noonoo. nana i hoemi hikiwawe i kona olilalo.

            "Mai keia manawa aku, he mea pono, e loaa kekahi mekiai iaia i ke ao ame ka po, ua hiki ia'u ke hoouna mai kekahi mea malama ma'i hou, ke makemake oe."

            "Ina ua manao oe e ka kauka, o ka mea pono wale no e hana aku ai, alaila ke waiho aku nei au i na mea apau iloko o kou lima, e hana aku elike me kau i ike ai he pono.

            "eia hoi o na hana hoopihohoi noonoo apau, e hoouna ia mai ai he kahu malama ma'u hou, a ma kela la, i hoomaka ai ke ku kial ana ma ka aoao o ka moe ma'i o Mr. Kenekona.

            Ioko o keia kulana kupilikii o ka makuahine, aole he mea i hoikeia aku ia Konaradi, ua noho pouliuli loa ke kanaka opio, no ke kulana oiaio o kona makuahine, a no kona manao no, aia ka makuahine, ma kela ano kahiko, nolaila ma kela auwina la, kau ae la oia maluna o kona lio eleele a hele aku la i ka holoholo ma ke iaona.

            Ma kela hele holoholo ana a ua o Konaradi. i halawa aku ai oia me Kike. kela keiki a Kakep o ka hoowehwehe ana e kau i ka apala maluna o kona poo, a e ki aku ua Kakeo i kana pua panapana, mai ka lima mai o Kakeo.

            Ua hele maoli keki a piha, i ka hoihoi, i ka wa i ike mai ai i ka mea nana oia i hoopakele, me ka pane ana mai:

            "hauole maoli ka hoi au i ko kaua halawai hou ana la wahi ana, me ka hele ana mai a ku aku la he mau kapua wale no ke kaawale mai ka lio eleele aku. "Ua lohe na paha oe i ka meahou ea?"

            "Malia paha no Kaeko Wilikona kau e ninau mai nei? wahi a Konaradi me knoa akaaka pu ana aku.

            "O ka'u mea i lohe mai ai, ke hoolala mai nei oia e holo mahuka mai kona mau makua aku." i pane mai o Dike.

            "Fa. ua pupule ia paha o Kakeo. I noonoo ai oia e holu mahuka mai kona mau makua aku!"

            "Ua ala mai kekahi hoopaapaa mawaena o ke keiki ame kona makuahine, a ua hoike aku o Kakeo i kona manao, holo mahuka ana oia. a o ka ka makuahine o ka pane ao mai, ua hiki no ia Kakeo ke holo mahuka. me kona noonoo hou ole aku nona, a o ia ka Kakeo i olelo ae ai. he mau olelo pulapu wale no kela a kona makuakane. aka e hooko aka ana nae oia i kana mea i manao ai. me ka hoolohe hou ola aku i ka au'a mai o kona makuakane iaia."

            "Ua oi aku ke ino ame ka lapuwale o Kakeo, mamua ka mea a'u i noonoo mua ai nona. I waena o na kanaka opio apau, O Kakeo hookahi, ka mea i loaa na pomaikai o keiki noho ana. no ka mea ua loaa aku iaia kana mau mea apa e makemake ai, a ke manao oia e lawelawe i kekahi ma hana, aole ku-e moi o kona mau makua."

            "Ua kulike ko kana manao ma ia mea, aka o kana i kamailio mai ai ia makou, e hele pu ana oia me kekahi huhana keaka, ma na wahi like ole o ka homua nei."

            "Ina ua paa kona manao e hele me kela hui keaka, alaila aohe mea hiki ke kaohi mai iaia, aka nae, he hana hupo la kela na kekahi keiki lako o ka noho ana e hana ai."

            "Ke haalele mai o Kakeo Wilikona i kona mau makua aole o'u manao. e huli hoi hou mai ana oia, o kona hele nei keia noho ma ua aina mamao loa, a o ka mea oi aku no o ka pono aole oia e hoopilikia hou mai ia'u. a i kekahi po keki e ae no hoi o makou.

            Ua lilo keia nuhou no ko Kakeo holo mahuka. i mau noonoo niu na Konaradi. me kona manaoio loa nae e hoolo aku ana kekkeiki a ke kanaka waiwai i kela manao.

            Iaia i huli hoi aku ai no knoa home, mahope iho o ia hele holoholo ana no kekahi mau mile loihi. ma ia la ao poina iki iaia, o na mea e pili ana no Kakeo.

            Me kelya po ana iho, iaia maluna o kona wahi moe, i hoopilikia maole ia aku kona noonoo, o kekahi kumu o ia no ka loaa ana mai o ka lohe iaia. no ke kulana kupilikii kona makuahine: na koi aku oia e ike i kona makuahine . me kela po, ua hooleia mai nai kana noi no ka mea ua kauoli paa mai ke kauka, aole e hele aku kekahi mea e ike i kawahine ma'i i ka po, aia wale no ia wa ao.

            No kekahi manawa kela moe hoololo ana a ke kanaka opio, maluna o kona wahi moe, aole he lulumi mai o ka makehiamoe, o ke kumu no ka nui maoli no o na mea hookahaha noonoo i halawai aku me ia.

            No kela hiaa, ua ala okoa mai la ua o Konaradi mai lumi hiamoe ana, a hoi ae la noho ma kahi o kona puka aniani no ka hanu ana aku i na e oluolu hu'ihu'o maiwaho mai.

            He po aaki kela o ka pouli, aole he ikeia aku o keka hoku o ka lani, ma na wahi apau o kona mau maka e nau aku ana iwaho he pouli wale no, a ke ike la hoi oia i na a hakumakuma i kahi mamao loa me he mea la e hoike ma ana kela hiona no ka hoea mai o kekahi ino nui.

            Ua loihi maoli ka noho ana o Konaradi ma ka puka ao aui me ka maopopo ole iaia o ka hora ehia la ia o ka po aole no hoi on a makehiamoe mai, he hookahi no ana o ia ka nana ana i waho iloko o ka pouli.

            Iloko nai o kona nanaa, ua hoopuiwa loa ia mai oia i kapuoho ana ae o kekahi mea ulaula, o ia no oe o ka malama aina o ka uwila me ka lele ana mai o kela malamalama pa ma kona helehelena, me kona palulu ana ae i kona ma maka, no ka piha me ka olinolino: iloko nae o kela manawa hookahi. me he mea la ua ike aku oia i kona ho eleele i ka maalo ana ae ma ke alanui, me kekahi mea e kau ana mahina o kona kua.

            Me ka pupuahulu loa, i komo awiwi iho ai o Konaradi kona mau lole, a holo aku la no ka hale malalo , me ka hoa ana aku i kona makuakane, a iloko no hoi o ia manawa hookahi i kii aku ai oia i ke kukui helepo a hoa ae la, a iloko no hoi o ka manawa pokole, i hemo mai ai o Kimo Kenekona iwaho a ninau mai la:

            "Heaha keia pilikia e kuu keiki , nana i hoala- ae i ko hiamoe o ka poeleele?

            "Aole keia he manawa no ka hoakaka ana aka e halu mai mahope o'u" o ka wehe aku la no ia o Konaradi i ka puka, a hemo aku la iwaho. me ka holo pololei ana aku na kahi e ku mai ana o ka halelio. ala no hoi kona makuakane mahope aku on a kahi i alualu aku ai.

            Ia laua nei nae e hookokoke aku ana i ka halelio, ua olapa hou ae la ka malamalama. a ike like aku la laua a elua e hamama mai ana ka puka o ka olelo.

            Holo pololei ku la o Konaradi, a kahi i hoopaaia ai Demona, ike iho la oia ua uhakiia, ka laka ana i hoopaa i ka puka, alaila hooho ai la oia me ka leo nui:

            "Auwe aole kuu lio, ua lilo i ka aihueia, a eai ka laku ua wawahiia a ka mea kolohe!"

            Ike i'o aku la o Mr. Kenekona i ka oiaio o na mea a kau keiki i kamailio mai ai, a ia laua nei e hoka wale ana no ua haule iho la kekahi kuaua ikaika, olelo mai la no hoi uwila, me ke ku'a ana o ka hekili, e hoike mai ana no kekahi ino nui.

            (Aole i pau.)