Ka Nupepa Kuokoa, Volume LIX, Number 29, 22 July 1921 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no ko Helena Simoa Lanakila Ana

A I OLE

Ka Hoowalewaleia ana o Halebatona

 

 

Me ia ano iho la lakou i noho ai malaila, me Makoli pu, ia kau hooilo ahiki i ka hala ana ae o ia mau la, me ko lakou makemake ole e haalele i ka kulanakauhale nani o Parisa ahiki i na la makamua o ka malii, no ka mea iloko o ka makahiki i hoolala ai lakou e huipu au me kekahi poe malihini kaahele honua no ka holo ana aku e makaikai ia Norewai ame Suedena, a mahope aku e hele makaikai aku ai ma kela mau aupuni o Europa ame Asia.

 

O keia hale a Mrs. Elawoka e noho ana me ke kaikoeke, ua hoohanūa oloko me na mea nani apau a ka maka e ike aku ai, a ka naau hoi e hauoli ai, a i ka manawa a kekahi mea e komo aku ai iloko o ia hale, e loaa mau aku ana maloko olaila kekahi anaina hauoli nui o na kane ame na wahine e noho poai puni ana mahai o kekahi papa ahaaina nui i hoomakaukauia a i luluu hoi me na meaai ame na wai hoopahee puu, a ma ke ano o na kamailio ana a kela ame keia e loaa aku ai ka ike i ka mea e komo aku ana iloko o ia hale, a lakou apau ka i hoolala no ka huakau makaikai i na aupuni i hoikeia ae nei mamua.

 

O ka la hope ia o Mei, ua poloai aku o Mrs. Elawoka i na hoa apau o ka huakai i manaoia e akoakoa mai a e kukakuka maluna o na kumuhana no na mea e hanaia aku no ka manawa hope mamua o ko lakou haalele ana iho ia Parisa, he huakau hoi a lakou i manao ai ma kekahi pule ae e hoomaka ai ka nee ana aku.

 

He helehelena hauoli ko na mea apau i ka nana aku me ka makemake loa e hoomaka koke aku ko lakou holo ana no Norewai, no ka mea, ua hala ae la hoi na la anu loa o ka hooilo a ua puka i na la mehana, hookahi nae iwaena o ia poe, oia o Robaka Egelakona, he helehelena haikea mau kona me ka loaa ole o ka helehelena hoihoi ka nana aku iaia, a he ano hakanu a mumule mau kona i ka hapanui o ka manawa oiai ka hapanui ae o lakou e hauoli mai ana.

 

I ka nana aku iaia aole kela ano hoihoi a ohaoha mai o ke kanaka opio mamua aku; mai ka manawa no o ka loaa ana aku o ka Helena leka iaia, ka leka no hoi i hiki ole ai iaia ke hoakaka nona iho i ke kumu o ko Helena konakona ana iaia a i hoike aku ai no ko laua hookaawaleia, a o ka Helena olelo hooholo hoi i lilo ai i ao panopano e alai mau mai ana i ka malamalama o ka la hauoli mai kona mau maka aku, a he leka hoi elike ma kekahi makani wela nana e hoomaloo mai i na mea ulu apau ana i manaolana ai mai kona puuwai aku.

 

No keia lilo loa o ko robaka helehelena ame kona mau ohohia a hoihoi o na la aku mamua, i ka nana aku ua lilo ia i paku nana e alai mawaena on a ame kona anakala, a ua lilo hoi i kumu hoanoe loa i ka noonoo o kona anakala me ka hoopihoihoi mau ia o kona noonoo, me ka makemake pu ioko on a e loaa ke kumu o ko Robaka ano e ana, a in a no paha no kona ninau aku ia Robaka, aole no paha oia e hoike mai ana iaia, no ka mea he meahuna ia nana.

 

I kela âme keia la, mahope iho o ko Mr. Lanakasa ike ana aku i ke ano, e a me ka loli loa o ka helehelena o kana keiki, ua hoopilihua mau ia kona noonoo, a ua hooikaika oia ma na ano apau e hiki ana iaia, e hoihoi hou ia mai ko Robaka mau ano ohaoha o na la aku i hala aka nae, elike me ka nui o kana hooikaika ana pela no kona halawai mau me ka pakalaki.

 

He hoolohe mau no o Robaka i kana mau mea e kamailio aku ai, me ka hoike mau mai i kona oluolu. He hoika mau aku no o Robaka i kona mau ano maikai apau i ko laua manawa e noho kokoolua ai, a e hoao aku ana no hoi oia e hoohauoli i kona anakala i ko laua manawa e huikau aku ai me na hoaloha, aole on a hana i kekahi mea e ahewaia aku ai oia e kona anakala.

 

Ma ka nana aku a kona anakala iaia he meahuna kana aia iloko o kona puuwai, ua papani nae oia i na ipuka o kona puuwai aole hoohamama mai iaia i mea nona e ike aku ai i ke kumu o kona hakanu ana i ka hapanui o ka manawa.

 

Ua maopopo i ka anakala, nona iho, aole o oRobaka i hoohuoi he hana kekahi ana i hoolala ai noka hookaawale ana ia helena, a ua o Robaka i aloha ai, ami iaia aku; aole mea e ae o Habati Alekona wale no, ka i ike ia meahuna i hoolalaia ai mawaena o laua, a ua loaa no hoi ko manaoio ia Mr. Lanakasa aole loa kekahi mea e ike ana i ka laua meahuna, aole no hoi ana hopohopo ana iho no ka huaiia ae o ia meahuna ana i manao ai ua kanuia a nalo, "o ka hoku o ka malama ke ike ia poe."

 

Eia nae, me ia ike no on a o laua wale no me Habati ka i ike i ka laua noahuna, e hoolele mau ia ae ana no nae kona oili i kekahi manawa ana e haupu ae ai no ia mea, me he mea la he kanaka oia i maopopo loa ka kauia mai o ka hoopai i kekahi la, no kana mea i hana'i, a ia manawa like no hoi e ahewa wale iho ana no oia iaia iho, no kona hoole ana aole e mare o oRobaka me Helena, a i kekahi manawa e apono ana oia iaia iho no kona hoopakele ana ia Robaka mai ka hoopoino ana iho i kona ola.

 

Aole no i kaawale no manao kaumaha mailoko aku on a no kekeiki; ua nui kana mau mea o ka noonoo ana no ka hooko aku i mea e hoopakeleia ae ai ke kanaka opio mai ka poino mai, no ka mea, ia manawa, i kana nana aku ia Robaka aole i like kona puipui me mamua , ua hele mai la kona helehelena a hohoma, haikea kona ili me ke kau mau o ka hiohiona a nanaina kaumaha ma ko Robaka mau maka, eia nae, aole hoike mai o Robaka i kona ano e, aole wahi hua olelo hookahi nui kona mau lehelehe mai e hoike mai ana he ma'i kona a pela aku, he ole loa; eia nae, ma ka nana aku a kona anakala iaia ua loli anoe kona helehelena, a no ia mau ano maikai ole on a ua lilo ia i mea hookaumaha a i mea nalu nui hoi na ka anakala iloko ona, no kana mea e hana aku ai, i mea e hoi hou mai ai kela ano mua o Robaka.

 

Me keia nanaina iloko on a pela i lawe aku ai ia Robaka iloko o na anaina iloko o ia ohoilo ahiki i ka hala ana ae lawe mau aku oia ia Robaka ma na wahi e malamaia ai o na hana hoohauoli a ma na anaina hoi a na kanaka opio i like me ko Robaka kulana, ma kekahi manawa e lawe mau aku ana oia ia Robaka ma kekahi mau huakai makaikai ma na wahi kaulana o ka aina no ka hoa ana e hoopoina ae o Robaka i knoa mau noonoo kaumaha.

 

Ua hooikaika loa iho keia manao iloko on a e lawe aku ia Robaka a mamao i na aina e mahope iho o ka loaa ana aku o ka Habati kelekalapa, e hoike aku ana i ka holopono ole o kana mea i hana ai no ka mare aku ia Helena, e like me ka laua hana o ka hoolala ana mamua o kona haalele ana iho ia Amerika, a o ke kumu hoi o kona hooholo ana e noho hou aku laua ma na aina e no hookahi makahiki i koe i poina loa ai ko Robaka noonoo hou ana aku no Helena. a mamuli no hoi o ia kumu i hoolala ai oia no ka holo ana aku e makaikai i Norewai ame Suedena ame na aupuni e ae.

 

I ka manawa mua i hoikeia aku ai ia Robaka no ko lakou holo makaikai aku i Norewai aohe pane mai ia Robaka mai, aka no ko Mr. Lanakasa manao he hana naauao ole ka hookuu ana aku ia Robaka, e hoi hou ku i Amerika, me ia ano maikai ole o Robaka ia manawa, malia ma ia hoi ana aku aua e halawai aku ana oia me Helena, a ia manawa e hoakakaia ai no manao kuhihewa mawaena o laua ahiki i ka ike ana o Robaka mamuli o na manao koho hewa wale no i hookaawaleia ai laua, ua hooikaika loa mai la oia i ke koi ana ia Robaka e haawi aku oia i kona ae no ka hui pu ana aku me ka huakai a ka poe e holo makaikai ana i Norewai ame Suedena.

 

Mai ka manawa mai o ko laua hoea ana aku i Parisa ahiki ia manawa e hoea mau ae ana laua i ko Mrs. Elawoka ma hale, a ma ka mea oiaio ke olelo ae, e hookipa mau ia aku ana laua e na lede a ekolu o ia hale me ke ohaoha, me ko laua ike ole aku nae i ka manao o ia hookipaia ana aku o laua ma ia ano, o ka laua mea wale no e haawi mau aku ai oia ka mahalo no ia lokomaikai nui o na lede, no Makoli nae ame kona makuahine ua hoolala mua laua i ke pahele no ka hoohei ana i ka noonoo o Mr. Lanakasa ame Robaka o ka makemake nui iloko o na lede oia ka lilo o Robaka i kane na Makoli.

 

Ma ka manawa mua loa a Mr. Lanakasa o ka halawai ana me Mrs, Elawoka ma ka kulanakauhale o Morita aole on a makemake e hoolauna hou aku me ia lede, no ke kumu o ka wahine no ia nana i pauaka iaia mamua iloko o ko laua mau la opio. Aka ane, ma keia halawai ana a laua ua hao mai o Mrs. Elawoka iaia a paihi, he kulana lede oiaio ke nana aku, a hui pu iho no hoi me ka eleu ame ka mikimiki ua punihei hou aku la ka manao o ka onamiliona o Nu Ioka, o kekahi kumu, ua mihi mai no ia lede i knoa hewa no kana mau hana o ka hana ana ia mau la i hala aku imua o ua o Lanakasa.

 

Ua hoomau mai o Mrs. Elawoka i ka paani ana i kana pepa hahau me ka maalea nui, a i ka hala ana o kekahi manawa mahope mai o ko lakou huipu mau ana, ua lilo na manao hoahewa o ke keonimana Lanakasa i mea pahele no ka ike aku i ka maikai o na olelo, ka waipahe no hoi o na

 

kukaiolelo ana, ka paa rula no hoi o na hookaau olelo ana a ua lilo koke oia i mea hilinai a makemakeia aku e Mr. Lanakasa ame Robaka, a i ka manawa i hoea aku ai o Makoli, a oiai he kaikamahine maalea pu no hoi ia i ka pahele ana i na noonoo o nei mau keonimana, o ka oi aku nae ia Mr. Lanakasa, ka mea nana ke keiki a Makoli e makemake ana e hiu a lilo nana, ua lilo na lede ame ka maikai o na hookipa ana, i mau mea hookaawale aku i na manao huhu. makona, a awahua o na la i hala aku, a o ka haoli wale no ka nohoalii iho ana maluna o lakou apau no kekahi manawa, a ua lilo pu hoi ia hale i wahi pinai mau ia aku e Lanakasa ame Robaka.

 

He mau lede o Mrs. Elawoka ame Mrs Satevana i hoonaauao maikai ia. He mau lede no laua na makahiki mawaena o ka kanaha ame ke kanalima oia mau no nae ka opiopio o ko laua mau helehelena, a mamuli o ko laua akamai ma na hana akamai, ka himeni ame ka hookani piano ana ua lilo laua i mau wahine makemakeia e ka poe malihini e launa mau aku ana me laua.

 

Oiai laua e malama ana i kekahi hale hookipa ia mau la ua kipa mau ia aku ko laua hokele e na malihini kaahele mai na wahi like ole mai o ke ao, ua lilo ko laua hokele i wahi hoolulu a i home hoi no ka poe waiwai, a ua nui no hoi ka pomakai i loaa ia Mrs. Elowaka ma ia hana, a ua manaoia oia kekahi o na wahine waiwai oia paha kekahi kumu i lilo ai oia i mea hookipa mau ia ma na wahi apau ana e hele ai.

 

He wahinekanemake o Mrs. Satevana, a oiai aohe ana mau keiki poni a elike no hoi me na wahine keiki ole, ua lilo o Makoli kana kaikamahine hanai, i mea nui loa iaia, a o ka hoolina hoi o kona mau waiwai ana i manao ai, a i loaa ai i kane kupono na Makoli ua haawi oia i kana mau pulama ana apau, e hoonaauao ana hoi ia Makoli ma na ano apau, a e makaala mau ana no ka Makoli mau pono i na manawa apau,

 

No ia kumu, a oiai o Makoli e hoike mau ae ana i kona amkemake ia Mr. Lanakasa, ka ouamiliona, a pela hoi me ke keonimana ia Makoli, a i ka nana mai a ka poe e ike mau mai ana i ko laua launa ana me he mea la ua lilo loa o Makoli i mea nui ia Mr. Lanakasa, ua hoolalaia kekahi hanamalu mawaena o Mrs. Satevana ame Mr. Lanakasa e hoomare ia Makoli me Robaka, in a nae e hiki ana ia mea ke hanaia a holopono.

 

Me ka mea la no ia kumu i hoea mau aku ai o Mr. Lanakasa ame Robaka i ka home o Mrs. Satevana ma e noho ana, a pela hoi ka hikiwawe loa ana o ko Mr. Lanakasa ae e holo pu me na malihini e ae e noho ana ma kela hokele a Mrs. Elawoka i ka makaikai i ka manawa i hoikeia aku ai o ia manao iaia.

 

Ma ka mea oiaio ke hoike ae na Mrs. Satevana ponoi i oolala i keia huakai makaikai i Norewai ame Suedena, no keia manao, i mea e hui a e launa mau ai o Makoli me Robaka ahiki i ko laua aloha ana kekahi, a koho iho laua no ka hoohuiia ae o laua ma ka mare, oiai o ka Mrs. Satevana hopea ia e upu mau ana o ka hoea mai o ia manawa a hookoia kona iini, i mea e lilo ai ke keiki a ke kanaka waiwai i kane na kana kaikamahine.

 

He eha mau opio e ae iloko o kela puulu a na malihini kaahele e noho ana maloko o kela hokele, elua mau kaikamahine he mua a he muli, ma ka inoa Batona, ma ko laua mau makua Mr. ame Mrs. Welina, me kekahi kanaka opio, he hanai na Mr. Welina, nona na makahiki he iwakalua a oi iki, he hooilina no kekahi waiwai nui i ili mai iaia mai kona mau makua mai i make, a o Robaka Egalakona no hoi, ke keiki hanai a Mr. Lanakasa.

 

He mau kaikamahine ui no na kaikamahine Batona, he oluolu a hea mau lede opio oiaio ma ko laua mau ano apau ma ka paa rula, aohe ohiohi wale mai, elike me ko Makoli ano nolaila aohe o Mrs. Satevana hopohopo ana no laua, no ko Robaka makemake aku ia laua a i ole kekahi paha o laua i ipo nana, a no kekahi kanaka opio iho hoi ua ike oia aohe e makemake aku ana o Makoli iaia.

 

I ka pau ana o ka lakou aina ahiahi hoi nui ae la lakou a loko o ka rumi hookipa a hoomau aku la i ka ka mailio ana no ka mea e pili ana i ka lakou huakai makaikai i hoolala mea ai, ka huakai makaikai hoi a Mrs. Satevana i iini loa ai e hookoia aku, a oiai lakou e kamailio ana maluna o ia kumuhana, aia na kauwa ke hookaaawle mai la i na mea apau maloko o ka rumiaina no ka hoomakaukau ana no ka hulahula aku, oia he mau hoaloha e ae kekahi i konoia aku no ka hui pu ana mai me lakou ma ia aha hulahula.

 

No ka pono o keia aha hulahula i konoia aku ai kekahi hui himeni me ka lakou mau mea kani e hele mai, a mamua o ka hala ana o kekahi manawa loihi ua kani mai la na mea kani me ka himeni pu, a o ka manawa no ia o na kan ame na wahine i hoohehelo ae ai maluna o ka papahele O, he anaina hauoli loa malaila ma ia manawa ma ia po.

 

Aohe makemake o Robaka e hulahula, o kana e iini ana ia manawa oia kona holo malu aku a mawaho o ka lani e puhi paka ai, aka aole hiki iaia ke holo me kona ike ole ia mai, nolaila ua komo pu aku la oia ma ia aha hulahula, no ka mea he kakaikahi loa na kane maloko o ka hale ia manawa, o na wahine ka nui, a ua makemakeia no hoi oia e komo ou aku ma ia hula ana me kekahi poe e ae.

 

"E Robaka, no ke aha kou mea hakanu i nei po aole hoi oe pela i na manawa e ae i hala, aku nei, he hoihoi mai? I ninau aku ai o Makoli ia laua i hoomaha iho ai no kekahi manawa, ma kekahi hulahula nui a ua o Robaka o ke noi ana aku i ua o Makoli e hulahula laua.

 

He kaikamahine piha kolohe o makoli a he laiwale no hoi ma na ano apau, a oiai oia e hakilo mai ana i ko Robaka ano ohaoha ole akku o ke kamailio ana pela oia i ninau okoa mai ia, no ka mea aole ia o ka mua loa o kona ike ana mai i ko Robaka hakanu, he mau manawa okoa kekahi mamua aku, a ua haoao nui oia iloko iho on a, oiai nae, ua ike no oia i kana mea o ka hana kolohe ana, oiai ua pau mua na palapala a Robaka i manao ai e hoouna mai ia Helena i ka heluheluia, a pela hoi me ka Helena mau leka o ka hoouna ana aku, ua heluheluia eia apau i ka haehaeia.

 

Akaaka wale iho la no o Robaka, oiai oia e nana iho ana i ua o Makoli e huli pono ae ana kana nana ana iluna, elike me ka ua o Robaka e nana iho ai i kekahi keiki e kamailio paani ae ana iaia, no ka mea, i ka ua o Robaka nana iho i ua o Makoli ua like loa oia me kekahi kaikamahine mamua o kekahi wahine.

 

"Hakanu! Ka, o ko'u ano mau no hoi ia a kakou e hui mau nei; pehea la ka au e hana aku ai a kulike me kou makemake, e kamailio wale aku no ka paha au ia oe ma ke ano ohiohi kohu pupule? He mea oiaio anei ua hoike aku au i ko'u ano hakanu imua o keia anaina?" wahi a Robaka o ka ninau ana iho.

 

"Oia maoli kou ano i ka'u nana aku ia oe. Aole o'u manao ua hoike iki mai oe i kou helehelena hoihoi a minoaka ia'u, a i ole i kekahi poe e ae o kakou i keia ahiahi. Ma kela manawa a kakou i ai mai nei ua mumule mau oe i ka hapanui o ka manawa, me he mea la aohe au mea hoihoi, ua like loa oe me kekahi kahunapule kuoo i ka'u nana aku, me he mea la aia mau iloko o kou noonoo kekahi mea nui a koikoi loa au e hoohana ana i kou lolo."

 

"Eia no ka mea oiaio i hai aku au ia oe, e Miss Makoli, aole au i moeuhane iki e ikeia mai ana la ia ano o'u a e lilo ana la hoi i mea nau, a i ole na kekahi mea e ae paha e nema mai ai, aka, nani hoi ia ua ike mai la oe ia ano maikai ole o'u i kou manao, e hoao ana au ma nei mua aku e kamailio aku mam ke ano e hoohauoliia aku ai kou noonoo, he hewa ae la ka hoi oe i ko'u mumule. Manao ana anei oe he ikaika mau ka pa ana a ka makani i na manawa apau? Ua maopopo ia oe e pa ana ka makani me ka pukalaki i kekahi manawa, a i kekahi manawa hoi e pa mai ana me ke aheahe loa, pela no ke ano o ke kanaka, i kekahi manawa hoihoi mai oia i ka kamailio ana, a i kekahi manawa, e mumule ana, a e hoomanao oe i keia, i ka manawa e hakanu mai ai ke kanaka aia he manao nui iloko on a ia manawa," i pane iho ai o Robaka me ka aka iki ana iho.

 

"Eia no ko'u makemake, e Mr. Egelakona, aole o'u makemake e noonoo iho oe he kanaka opio waiwai a hanohano loa me kou noonoo wale no nou iho aaohe ou nana mai no ka pono o kekahi poe, a hoao mai e hoohauolii alakou maa kekahi ano. Ua kamailio aku au i na kaikamahine Batona he kanaka opio maikai loa oe, a--"

 

"O, me ka mahalo ia oe, a eia nae, heaha iho la kou manao nui ma ia hoike ana akju la au ia laua pela. O kou ano iho la no anei ia i hanauia mai ai?" a nee ae la o Robaka i ka akaaka no ka manawa mua loa ma ia ahiahi."

 

"He mea oiaio kau i olelo ai la, oia hoi i kou manawa e kho iho ai e hoike mai ia mau ano maikai ou; eia no ko'u manao ma ia kamailioia ana aku au ia laua i loaa aku ai ka ike ia mau kaikamahine he kanaka opio maikai io oe, oiai hoi i ko kakou manawa e holo aku ai i ka makaikai e lilo ana ka kou apau i mau hoaloha oiaio a i mau hoa paani pu ma kela huakai loihi, a mawaho ae o ia--," a hooki pu iho la o Makoli i kana kamaikio ana.

 

"A mawaho ae o ia, heaha?" i ninau koke aku ai o Robaka, no ka mea ua maopopo iaia ua huna iho la o Makoli i kekahi mea aole i hoike mai iaia.

 

"Ua loaa ia'u ka hopohopo ua kaumaha oe no kekahi mea aohe nae ou makemake e hoike mai, aka, ua huna ma-lu loa oe ia mea iloko wale iho no ou, pela no ko'u ike aku ia oe no kekahi manawa loihi i hala aku nei, a ua lilo no hoi ia ano hakanu ou i mea no'u e kaumaha pu ai. O ko'u makemake oia ka hoike mai o na mea apau e hoopuni mai ana ia'u i ko lakou hauoli, e hoike mai lakou i ko lakou helehelena hoihoi a pela em ka lakou olelo ana."

 

"Ke manaoio nei au i kau i olelo mai la, e Makoli, nolaila, e ka kaikamahine uuku, e hoao ana au e hoohauoli aku ia oe ma nei mua aku i kupono ai kau hoomaikai i haawi mai nei ia'u e hoao ana au e lilo i kanaka maikai imua o kou mau maka. E oluolu mai ana anei oe e hoi hou aku kaua e hulahula?" ia manawa apo mai la kona lima ma ka puhaka o Makoli no ka hoi hou ana aku iloko o ka rumi aina e hulahula ai me ka hapanui o ka poe e ae e niniu pohai mai ana kau lehua i a ai kikoni a na manu.

 

Ia Robaka i apo mai ai i kona lima ma ka puhaka o ua o Makoli pale mai la oia a emi aku la ihope a huli ae la e nana ia Robaka a ninau ae la:

 

"No keaha oe i kamailio mai al ia'u me kela," kahi kaikamahine uuku? "He uuku io na anei au i kou nana mai?"

 

Akaaka hou iho la o oRobaka a ninau iho la:" Alaila he kue ka paha oe i kou oleloia aku pela? Kupanaha no pinepine na manawa a'u o ka lohe anu aku ia Anakalana Hale e kapa aku ana ia oe pela, aohe nae hoi ou kue aku iaia no kona kapa mai ia oe ma ia inoa."

 

"O, he makemake no au e lilo i kaikamahine uuku imua on a, no ka mea ma ka'u nana aku iaia he ano kanaka makua oia a he ano kupono no hoi a'u e kapa aku ai iaia he makuakane, a e ike iho no hoi oe aohe o'u makuakane, a no na makahiki lehulehu ko'u makemake ana ia mea he makuakane, aka ua make mua ko'u makuakane.

 

"Aka, nou aloe like; ma kela olelo ana mai nei au me he mea la he kowa nui mawaena ou ame a'u, me he mea la he mea e loa oe a he mea e loa au a o kekahi no hoi, aole hoi au i opiopio loa e kupono ai ke kapaia mai he kaikamahine uuku," in a no he eono kapuai ko'u kiekie," a hooki iho la o Makoli i kana kamailio ana me ke kulou ana iho o kona poo ilalo.

 

"E Makoli, ua lilo oe i mea punahele a i mea makemake pu ia no hoi e makou apau nolaila a o'e au e kapa hou aku ana ia oe ma ia inoa nia nei mua aku, in a aohe ou makemake mai ia inoa, e hoopau nei kamailio ana e kaua, a e hoi aku kaua e hulahula me lakou la," a o kona hopu iho la no ia ia Makoli a hoi aku la e hulahula me ka hapanui o ka poe e hooponiniu mai ana.

 

Ina paha i olelo iho o Robaka i ua o Makoli ua oi aku ko'u makemake ia oe mamua o na mea e ae," in a ua olu iho la kela he uwahi kolalo; hookahi no kumu nui o ko Makoli nuha ana, ua maopopo iaia mamuli o ka Robaka olelo ana iho iaia he kaikamahine uuku," aole iloko o Robaka ka iini nui nona, a ua hopohoop o Makoli aole o Robaka e lilo ana iaia, nolaila ua eha kona naau ia manawa.

 

Mahope mai o kela manawa ua hoike mau aku o Robaka i kona mau ano ohaoha apau i ua o Makoli a i na mea e ae no apau, no ka mea, ua ike oia ua lilo o Makoli i mea punahele i na mea apau mawaena o na malihini. Ma ka mea oiaio he kaikamahine hoomakamaka o Makoli ma na wahi apau ana e hele ai mamuli no o kona ohiohi a hoohilahila ole, mawaena o na wahine a pela mawaena o nakane, no ka mea, wahi ana, "in a e launa kekahi mea me na kanaka apau ma na wahi apau ana e hele ai e lilo ana oia i mea makemakeia mai e na mea apau."

 

Aohe i liuliu loa ia hulahula ana iho a laua, a no kona makemake e alakai aku ia Robaka ma kekahi wahie mehameha o laua wale no, i hiki ai iaia ke pahele i ko Robaka noonoo. A i hiki ai hoi iaia le hookomokomo aku i kona mau manao iloko Robaka, noi ae la oia e hele laua e holoholo mawaho o ka lanai no kekahi manawa no ka nui loa iho la o ka wela oloko o ka rumi.

 

 “Ua maikaia I kou manao,” I pane iho ai o Robaka;” aia o amakala Hale mawaho o ka lanai kahi I hoomaha ai I nei Manawa nolaila e lawe aku ana au ia oe a hoonoho me ia oiai hoi au e hulahula ae ana me kekahi o na kaikamahine Batona, no ka mea ua noiia mai nei au,’ me kona akaaka pu ana iho,’ no ka mea, he mea pono iau ke hoike aku ikou ano maikai imua o kekahi o kou mau hoaloha, elike me kau o ka olelo ana mai.”

 

Ua hoohokaia ko Makoli manao ia manawa, no ka mea, o kana I makemake ai o laua like me Robaka ke hele e hoomaha mawaho o ka lanai, i kamailio mai ai oia ia Robaka i kekahi mau mea ana o ka makemake ana, eia nae ua huna wale iho la no oia I kona manao iloko ona, a haawi mai la I kona ae no ka laweia aku a hoonoho me Mr. Lanakasa I ka hapanui o lakou a ua hele aku mawaho o ka lanai e puhi kika ai a ai ka hoohauoli ana no hoi kekahi iaia iho me ka malamalama o ka mahina konane.

 

Ua loaa kekahi mea hookaumaha i ko Mr. Lanakasa noonoo, nolaila oia ia makemake mai nei oia nei e hoomaha iki mawaho nei no kekahi manawa, nolaila e noho iho oia me oe a e hele ae hoi au e hooko aku I ke noi a kela wahine opio, no ia kumu la wa ua hiki ole iau ken oho iho e hoonanea me ia nei.”

 

“Ua pono ia, e Robaka,” i akaaka mai ai ka anakala, a lalau mai la ia Makoli no ka hoonoho ana iho iaia maluna o ka noho a Robaka o ka panee ana aku nona e noho iho ai. “He mau hoaloha pili mau kaua, e Petite, aole anei pela? A he hauoli mau no hoi kaua i ke kamailio mawaena iho o kaua I ko kaua manawa o kaua wale no. Noho iho ilalo a e kamailio mai iau no ka mea, he makemake au e loho aku I kekahi mau mea mai ia oe mai.”

 

“Pahea, e Miss Makoli, us hauoli no anei oe I keia ahiahi? I ninau mai ai ke keonimana, I kona manawa I kike mai ai ia ko Makoli ano hoonunuha.

 

“O, he hauoli mau no au I na manawa apu, aka no Tobaka la wa, aohe ona hauoli I kau nana aku. Ua noi aku nei au iaia e hoike mai I ke kumu o kona hakanu ana I nei ahiahi, aohe nae oia ia hoike iki mai nei I kekahi kumu, ma kau nana aku aia kekahi mea nui iloko o kona lolo kahi i hana ai, o kona hoike ole mai nae hoi, aka aohe no paha he kuleana o kekahi mea e ohikihiki wale aku ai no i ka meahuna a kekahi” wahi a Makoli.

 

“Pela? Aohe no hoi au I nana pono loa aku ia mau ano ona i nei ahiahi, eia ka o oe ka I ike aku la ia ano ona.” Wahi a Mr. Lanakasa o ka pane ana mai, a kiola aku la oia i ka lehu o kona kika mawaho o ka lanai, alaila noonoo iho la oia no ka Makoli mau mea o ke kamailio ana ku la iaia e pili ana no ko Robaka kumu o ka hakanu ana.

 

No kekahi mau minuke ko Makoli noho hamau ana ma ka aoao Mr. Lanakasa, a hala ia mau minuke, ia oe ie keia la iho la, e Mr. Lanakasa?

MOKUNA XXIX

Hikilele ae la ko ke keonimana noonoo ia manawa no nei ninau a Makoli, no ka mea, ua lilo loa kona noonoo ma kekahi mea ui ana e nalu ana, a ua ano palaka oia no Makoli ia mau minuke aka, I keia ninauia ana ku la ona hikilele aw la a pane mai la:

“He keu hoi ha au a ka elemakule noonoo ole, pela paha oe e noonoo iho ai,” I pane mai ai o Lanakasa, “e noi aku ana au I kau huikala ana mai iau no la ano haakei ou,”a noho pololei ae la oia iluna.

 

“He nuhou kaumaha a maikai ole?” I hoopili mai ai oia ia ka Makoli ninau. “He nuhou ka i loaa mai iau ma kekahi manawa kokoke aku nei I hala, aole no nae ia nohou I lilo I mea hookaumaha mai i kou noonoo, a he ano kanalua nae ka iloko ou ua lawelaweia paha kela hana ma kea no e ka iloko ou ua lawelaweia paha kela hana ma kea no e nanaia aku ai ua hanaia ma kea no naauao he maikai a i lilo i mea hookaumaha mai I I kou noonoo, a he ano kanalua nae ka iloko ou ua lawelaweia paha kela hana ma kea no e nanaia ku ai ua hanaia ma kea no naauao he maikai a i ole he ino paha,” wahi a Lanakasa me ka helehelena maikai ole e hoike mai ana aole i moekahi kona noonoo I ka maikai.

 

“Pela? O, alaila he nuhou hookaumaha mai anei ia i kou noonoo?” I ninau aku ai o Makoli.

 

“Ae: o kekahi o na kakauolelo au ke hoonakaukau mai la no ka mare maloko o Nu Ioka,” wahi a Mr. Lanakasa.

 

“Malis, e mare aku ana anei oia i kekahi washine au I apono ole ai?”

 

“Aole hiki iau ke olelo aw mw ka pololei loa, no ka mea ua maopopo mua iau o kela wahine ana e mare aku ana, he lede opin maemae a naauao oia, a ua nanaia aku no hoi he wahine kupono loan a kela kakauolelo au koe wale no nae keia, aole no au i kamaaina loa I kela lede opio.

 

“O kau o ka nalu nui ana iho nei e lilo ana paha kela paamare i mau mea hauoli o ka noho ana ma nei mua aku a aole paha, no ka mea ua ike aku au ua oi ;oa aku ka ui o kela kaikamahine mamua o ko ke kane, ma kekahi mau ano ua klike ko laua naauao koe nae ma ka waiwai,” I hoakaka mai ai ke keonimana.

 

"Eia nae, ua pinepine na manawa o ko'u lohe ana ia oe e kamailio ana no kela kaikamahine o kona inoa o Helena Simoa. E mareia ana oia me kekahi o kuumau kakauolelo, o Habati Alekona konainoa, he kokua kaauolelo na kuu kakauolelo poo Mr. Laiki, a ma ka la apopo laua e mareia ai, ma ka hora 12 ponoi. E holopono ana paha ia mare, a aole paha, o ka'u ia nalu nui iho nei."

 

Aohe o Makoli i hoike ae i kekahi ano kahaha a ano e ae paha no nei nuhou a Lanakasa, me ka mumule wale no oia e noho ana me he mea la ua lilo oia he kii mabala ia manawa, no ke kumu, ua like ka ino o Helena Simoa ana o ka loha ana mai, me he kuikele la i houia aku i knoa puuwai, a ua aneane no hoi e puka okoa ae kekahi mau huaolelo mai kona waha ae e hoike ae ana i kona piha me ke konakona.

 

Aole o Makoli manao a i moeuhane mua hoi e ae ana la o Helena e haawi iaia iho i kekahi kanaka okoa aku. A no ka mea, ua maopopo loa iaia, mamuli o kona ike iho i na manao o Helena maloko o kana mau leka o ka hoouna ana mai ia Robaka ua paa loa kona manao o Robaka kana kane, me ka nana ole ae i na alalai he nui mamua o kona alo, no ia kumu ua makemake oia ia manawa e lohe ho uaku a nui i kekahi mau mea e pili ana no Helena ame ka mea i hanaia mawaena o Robaka ame Helena.

 

Aka nae aole oia e hoike ae ana i kona akenui e ike ia mea a e ole i kona noho pouliuli paha no kekahi mea, o loaa aku auanei kekahi manao hoohuoi iloko o kekahi poe e nana mai ana iaia. Aole oia e haawi aku ana i manawai no Mr. Lanakasa e koho iho ai no kona hunakele i kekahi mau hana e pili ana i kona hoaaloha.

 

"He kakauolelo io anei o Habati Alekona a e hana mai la i nei manawa malalo ou?" i ninau mai ai o Makoli me ka hoike ana ae i kona helehelena kahaha. E hoike mau mai ana no o Helena ia'u no ua o Habati Alekona malok oo kana leka eia nae aole oia i khoike mai aia ia kanaka opio ke noho hana mai la i nei manawa maloko o kou keena oihana. Malia paha mamuli o ia kumu i launa mau ai laua me Helena. Ua koho wale iho la no au, aka nae, aole i maopopo ia'u ka la i hookaawaleia no ko laua mareia.

 

(Aole i pau.)