Ka Nupepa Kuokoa, Volume LIX, Number 28, 15 Iulai 1921 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

KONARADI KENEKOA

a i ole

Ka Hiena o na Awawa Kuhoho ame Demona ka Lio Eleele Kupaianaha

 

            Elike me ka makua makee keiki, pela no ua kanaka nei i hopu mai ai ia Zora a hoopili aku la iloko o kona umauma, ua hele hoi kona mau papalina a haikea pu, a me ka leo haalulu, i pane mai ai oia ia Knoaradi, me ka haawi pu ana mai i kona lima akau no ke aloha ana:

            "Na ke Akua e hoomaikai mai ia oe e ke kanaka opio Ua hoopakele ae oe i ke ola o kuu kaikamahine aloha i keia la no ia hana koa a wiwo ole au i hana ai, aole loa au e poina, ahiki i kuu make ana."

            Aia ka puulu kanaka, ke noke la i ka huro, me ka wehe ana i ko lakou mau papale no kela hana hooplakele a Konaradi i lawelawe ai, me ke kii okoa ana mai o kekahi poe e hapai ia Konaradi iluna, me ko lakou makaukau e hapai aku iaia ahiki i ka hoea ana i kahi e waiho ana o ka lio me ame ke kaa nahaha, ua hoole paakiki loa aku nae ke kanaka opio ia hana, no kona makemake ole e ikeia mai, ka hookelakela a hooio iloko on a.

            "E nonoi aku ana au i ko oukou oluolu e waiho maile mai no iau pela, aole loa he whi pilikia iki i loaa iau e na hoaloha" wahi a Konaradi, i ka puulu kananka e hoopuni ana iaia:

            "He mea pono e haawiia aku kekahi hana hoohanohano kiekie loa iaia," i pane mai ai hoi kekahi: me ka hoao hou ana mai o kekahi poe, e hapai iaia nei iluna, aole nae he wahi mea a ae iki aku o Konaradi, no kona makmake ole no e hooio, elike me ke ano o kekahi poe kanaka opio, ke ake i ka haaheo ame ke kaulana.

            No Zora hoi, ua hoihoiia aku la oia no kekahi hale pili kokoke mai, no ka hoomaha ana malaila, ahiki i ke auhee ana aku o kona mau manao pihoihoi, ia wa e hoihoi aku ai kona makuakane iaia no ko laua home, aka no Konaradi hoi, ua alakaii aku la oia ame kon lio e kela puulu, no ke taona, me ka noke mau ana o kela poe kanaka i ka huro iaia nei.

            Ma kela manawa o ka hookui ana aku o ke kaaahi i ka lio puiwa ame ke kaa, ua loihi no kela hoomau ana aku o ke kaaahi i ka holo ana, ahiki i ka paa ana o kona holo, ia wa i hoi hou mai ai e nana, a i ka ike ana o na luna o ke kaaahi, he lio wale no ka mea i make, a ua nahaha hoi ke kaa, me ka poino ole o ke ola o kekahi kino kanaka, ua hoomau aku la no ua kaaahi nei i ka holo ana, ma kona alahele.

            No Kakeo Wilikona hoi, ma kela manawa ana o ka lele ana mailuna aku o ke kaa ma ake ano hohewale, a haalele aku ia Zora Kakona, me ka maopono ole o kona hopena, ua nui maoli ka eha i loaa i ua keiki nei a ke kanaka waiwai, a me ka hooikaika oia i hoomanawanui mai ai me ke kokolo ana ahiki i ka puka o kekahi halekuai laau. Ua nui maoli ka eha i kekahi wawae on a, aole e hiki i kela wawae ke pa o ka leo, i kau a mea o ka eha.

            Mahope o ka lohe ana o ke kanaka o ka halekui laau i ke kumu o ka halawai ana o kela kanaka poio me ka poino, ua ku a hoowahawaha maoli oia, me ka makemake ole e hana mai i na mea e hoomamaia ae ai na auwe ana a kela keiki, aka mamuli wale no o kona noonoo no ka makuakane o ua keiki nei, pela oia i haawi mai ai i ke kahi laau kupono, me ka hokauwa ana iai iho e kau i ka laua ma kahi o ka eha me ke ope ana i ka welu.

            Aia o Kakeo Wilikona maloko mai o ka puka aniani o ka halekuai laau kahi i noho ai oiai hoi ka on a nona kela halekuai, e wa-hi ana i ka waewae o ua o Kakeo me ka nui ole o na olelo i kamailioia mawaena o laua oiai aia ke nohoalii la ka hoowahawaha ame ka hoihoi ole iloko o ka on a o ka halekuai no kela kanaka opio.

            Ua hele no hoi a paa ka, wawae eha o Kakeo i wa wahiia, lohe aku la laua i ka leo uwa o na kanaka ma ke alanui, me ka naka ana ae o ke kino hoolookoa o Kakeo me ka haalulu, no ka mea maopopo koke mai la no iaia ke kumu o kela mau leo uwa, no kekahi poe kanaka no ia e hele mai ana e huli iaia.

            Aole i maopopo iki iaia ka hopena i ka aku maluna o Zora Kakona, o ka manao mua loa o ka oili ana ae iloko on a, ua halawai kela poe kanaka no ka hopu ana iaia, a li aku iluna o ke kumulaau, no ka mea oia ke kumu o ka make ana o kela kaikamahine opio.

            Iloko o kona pihoihoi me ka haalulu, hopu aku la oia i a lima o ke kanaka oloko o ka halekuai laau a i aku la: He wahi kupono anei kekahi maloko nei o kou halekuai @u hele aku ai no ka pee ana? Ke ole au e kuhihewa, ke huil mai nei kela poe kanaka ia'u e oluolu hoi oe e olelo aku ia lakou, ke hoea mai, aole au maloko nei o kou halekuai"

            Papale ae la ka on a o ka halekuai laau i ka lima o Kake a i aku la me ka piha hoonaukiuki:

            "O oe kekahi o na kanaka opio honewale a'u i ike ai, a aole loa au e lilo i mea kokua aku i kena manao ou, aka malaila oe e noho maile ai ahiki i ka hoea ana mai o kela poe kanaka, a ina he makemake kekahi o lakou ia oe, o ko lakou kuleana ka hopu mai ia oe, a hana aku elike me ka lakou i ike ai he pono. "

            Ke lohe maopopo ia aku la ka leo uwa o na kanaka, a ke hokokoe loa mai la no hoi i ka halekuai laau, nolaila kiei aku la ua o Kakeo iwaho o ka puka aniani, a o kana mea o ka ike ana aku, o ia no ke kau ana o Konradi maluna o kona lio eleele, a ua hoopunaiia oia e na kanaka he nui, me ka noke mau ana o kela poe kanaka i ka huro. e wehe ana i ko lakou mau papale, a kiola iluna o ha lewa.

            "Heaha ka mea a Konaradi Kenekona i hana ai?" i kahea ae ai kekahi kanaka kino loihi mamua loa o kela puulu alaila olowalu like aku la ka pane ana mai a ka nui iho o na kanaka:

            "Oia ke kanaka opio helu ekahi! Huro! Huro!"

            "Pe@@@a ko oukou manao no keia lio eleele?" i kahea hou ae ai no ua kanaka loihi nei a pane aku la no hoi ka nui o na kanaka me ka lokahi i ka uwa ana aku:

            "O keia ka lio hele ekahi! Huro! Huro! Huro!"

            Ua hele maoli kela puulu a piha me na manao pihoihoi aia na ilio ke noke la i ke aoa, a ke holo la hoi na keiki liilii mamua me ka noke ana i ka uwa, a ma kela ame keia aoao o ke alanui, ke oiliili ma la na kane ame na wahine no ka nana ana i ka hana a kela puulu kanaka.

            No kela noke o na kanaka ame na kamalii i ka uwa me ka haawi ana i na leo huro i Konaradi ua lilo ia i mea e lili loa ai o Kakeo ahiki i kona ninau oka ana mai i ka on a o ka halekuai laau:

            "Ea, ua maopopo anei ia oe ke kumu o ka noke ana o kela poe kanaka i ka hur no Konaradi Kenekoa?" wahi ana me ka hooikaika ana ae e ku iluna aole nae hiki aia hoi ua keiki nei a ke kanaka waiwai ke oni wale la no i o a ianei, a o ia ka ka on a o ka halekuai o ka pane ana mai:

            " No ka mea o Konaradi kekahi o na kanaka opio koa a makau ole oia ka mea nana i hoopakele ae i Zora Kakona mai ka make mai ka hana pono nae nau e Kakeo e hooko aku ai aka o oe kekahi o na kanaka opio waiwai ole loa o kou ola ana ma ka honua nei!"

            Ua ku maoli o Kakeo i kahi o ka hoka no kela pane a ka on a o ka halekuai, nolaila aole e hiki i ua keiki nei ke kamailio hou mai a mai holo okoa paha oia ma kekahi wahi e pee ai o ke ku mai no nae o ka kanaka nona ka halekuai nolaila hoomanawanui wale iho la no oia i ka noho ana ma ka puka aniani me kona piha loa i ka nauki i ka hala koke ole aku o kela puulu kanaka ma kekahi aoao o ke alanui.

            Ke nee mai la nae ka puulu kanaka imua me ka pau ole no o ko lakou noke ana i ka huro, a i ke kaa pono ana ae mamua o ka halekuai laau, ike mai la kekahi mea i ka noho aku o Kakeo ma ka puka aniani, alaila kahea ae la oia me ka leo nui:

            "Aia ke kanaka hohewale ke noho mai la!" Me ke kuhikuhi ana aku o kona lima i ka puka aniani a iloko no hoi o kela manawa i ku malie iho ai ke anaina kanaka i kahi hookahi me ko lakou huli like ana aku e nana i ka puka aniani.

            "I ekolu mau leo nupulu o ka hoowahawaha no ke kanaka hohewale!" i hooho ae ai hoi kekahi o ka manawa no ia i hoonunuulu like ae ai na mea apau no ekolu manwa e hoike ana kela puulu i ka nui maoli o ko lakou hoowahawaha no ke keiki a ke kanaka waiwai.

            No ka pihamaoli o ua o Kakeo i ka hilahila, i hehee okoa iho ai oia mailuna mai o kona noho, a haule ana iluna o ka papahele, i ole ai oia e ikeia mai e ka poe kanaka, aka iloko nae o kona puuwai, ua hele a piha i ka lili ame ka hoonukiuki, no na mea i hanaia aku nona.

            I ka hala ana aku hoi o kela puulu hooikaika hou ae la o Kakeo a noho iluna i wa i kauoha aku ai i ka on a nona ka halekuai e hele aku i kekahi hale kaa kokoke loa a e kauoha aku i kekahi kaa no ke kii ana mai iaia a hoihoi aku no kona home me kona haawi okoa ana mai he hookahi dala i kela kanaka i uku no kona hele ana aku e hooko i ko ia nei makemake.

            "Aole ou makemake i kau dala e keia keiki hohewale. E kii io aku ana au i kaa nou aole no kou makemake e hooko aku i kau kauoha aka no kou makemake ole i ke kahi keiki makau wale elike me oe e noho mai maloko nei o kuu halekuai in a he dala kekahi au i manao ai e uku mai iau aole ia no kou makemake maoli aka no kou aie na ka laau au i kau aku la ma kahi i eha o kou mau wawae."

            O ka mea oiaio maoli, aole i lilo ka laau i opeia aku ma ka wawae eha o Kakeo, i ea e hoomamaia ae ai ka eha, ame kona mau manao inaina. He hookahi mea nana i hoohauoli loa aku i kona noonoo, o ia no ka halawai ole ana o Zora Kakona me ka make aka nae, i ka lilo ana o Konaradi Kenekona kona enemi ino loa oia ka me nana i hoopakele i ua kaikamahine nei ua oi aku kona lili ame ka inaina no Konaradi mamua o ka mea kupono a ke noonoo la oia i ke ano o kana mau mea e kamailio aku ai imua o Zora in a nei no kona manao e hoopilipili hou aku me ua kaikamahine nei.

            Ua hoohauoliia mai ka manao o Kakeo i ka wa i hoea mai ai o kekahi kaalio no ka hoihoi ana aku iaia no kona home aka nae ua hoehaeha loa ia mai kona noonoo i ka wa i hoole mai ai ke kanaka o ka halekuai laau aole loa on a wahi lihi hoihoi iki e haawi hou mai i kana kokua ana i ka mea i eha ahiki i ke kau ana iluna o ke kaa.

            Kahea okoa aku la ua o Kakeo i ke kalaiwa e lele mai ilalo no ke kokua ana mai iaia ua hoole mai la nae ke kalaiwa me ka i ana mai aole e hiki iaia ke haalele i kona mau lio nolaila aohe mea e ae a Kakeo e hana aku ai o ke kokolo maile wale aku no ahiki i kahi o ke kaa e ku mai la kakali iaia.

            Ua pomaikai maoli ua o Kakeo ma kela hoihoi ana aku a ke kaa iaia no kona home i ka nui ole o ka poe i hoomaopopo mai oia ka ohua a kela kaa ke uumi wale la no oia i kona hopohopo me ka makau eia no ka hoi ana mai o kona noonoo maikai a i ka hala hope ana mai o na wahi i nohoia e na kanaka

            No Konaradi Kenekoa hoi ke hooikaika mau la oia e kaawale mai kela puulu kanaka mai e uwalo okoa aku ana imua o lakou e hookuu mai iaia e huli hoi no kona home a no kona nui paakiki no i ke koi akahi no a e mai kela poe kanaka, me ka haawi hou ana mai nae i na leo huro o ke ohohia nona.

            I kela kaawale ana mai o Konaradi mai ka puulu kanaka mai a oiai hoi oia e huli hoi la ma ke alanui e hoea aku ai no kona home kuahiwi akahi no oia a hoomaopopo iho i kona maluhiluhi maoli me ka nawaliwali no hoi o kona kino ma kana ike maoli me ka nawaliwali no hoi o kona kino ma kana i ke maoli iho no he uuku loa kahi ikaika i koe iloko ona.

            He hookahi nae mea nana i hoolio ae ia mau haawiha maikai ole apau i mea ole o ia no kona lanakaila ana maluna o ka mea ana i hooikaika ai no ka hoopakele ana i ke ola o Zora cia nae o ka oi loa aku o kona mahalo maluna o kona lio me ka paipai ana iho ma ka ai a hoopuka ae la no hoi i kaia mau olelo:

            "Nou na mahalo kiekie ana e Dick Demona i keia la in a aole oe he mea makehewa wale no na hooikaika ana ma kou aoao e hoopakele ae i ke ola o kela kaikamahine opio"

            Ke noonoo nui la ua o Konaradi i ke kumu puiwaiwa ole o demona i ke kaaahi no ka mea ua hele maoli ua lio nei a pili ma ka aoao o ke kaa o kana wale no nae i koho iho ai malia paha ua loaa aku no ka ike i kela lio e holo ana kona haku no ka hoopakele ana i kekahi mea mai ka make mai pela oia i kiola loa aku ai i ka makau mailoko aku on a.

            Elike no me kela hoolaha mua ia ana o ka ua o Konaradi maloko o ka nupepa o Nu Ioka no ka hili ana iaia ke hoolakalaka i kekahi lio ahui loa pela no keia hana hoopakele ana i Zora Kakona a ma ka olelo pokole ana ae ua kui maoli aku no kona kaulana ma na wahi apau a ka nupepa e hele ai.

Mokuna X

            Ma kela hoea ana aku a Kakeo no kona home hoike aku la oia i kona mau makua i ke kumu o kona eha ana o ia no ka haule ana mailuna aku o ke kaa i ku ae oia iluna no ka hopu ana aku kai na kaula kaohi a o ke apuupuu o ke alanui pela iho la oia i haule ai ilalo aka nae o ka poe i ike pono i na mea apau aole o lakou manaoio iki i kela mau hoakaka aka ua lele maoli no o Kakeo mailuna aku o ke kaa i pakele ai kona ola elike me kana i hopohopo loa ai no ka hookuiia mai o ka lio ame ke kaa e ke kaaahi ma ka hookuina o ke alanui me ke alahao.

            No ka põe nai i ike ole i kela ulia ua puna lakou i na olelo hakuepa a Kakeo ua lilo keia i mea hoohauoli i ka manao o ua keiki nei no ka ike ana iho he mau hoaloha no ma kona aoao e kupaa ana mahope on a aole hoi elike me kekahi poe ka hoinoino loa iaia.

            "Aohe au nana i ka mea a kela poe kanaka e kamaililo nei nou." i kamaililo okoa ae ai o Kakeo i kekahi la no ka poe i hoike okoa mai i ko lakou hoowahawaha nona. "Aole he maopopo i kela poe ke ano o ka lakou mea e hana nei nou"

            Ma kekahi la nae a ua o Kakeo o ka hele ana mai no ka haleleka a halawai pu me Zora ame kona makuakane ua hoehaeha loa ia aku kona noonoo a ua ike maoli iho no hoi oia i ka hopena ino o kana mau hana hohewale me ke komo maoli mai o ka manao hilahila iloko on a.

            No Zora nae ua nana maikai mai no kela kaikamahine iaia me ka hoike ole mai i kona hoowahawaha no ia nei no ka mea he oluolu mau no o Zora i na mea apau aka no Mr. Kakona nae ua hele kela kanaka a piha loa i ka huhu i ua o Kakeo me ka pane okoa ana mai imua ona:

            "Aole loa kekahi kino kanaka me ke aakoko e holo ana i kona kino e aa e hana elike me kau i hana aku ai @@ hohe wale me ka mauna ole aku i kou ola no ka pono o hai "wahi ana, i ka wa i hoea aku ai o Kakeo maluna o ke kaa hou a kona makuakane i kuai ai, ma kahi oke kaa i pau i ka nahaha.

            "No kou hilahila anei, a i ole no ke eha paha o kou wawae mamuli o kau hana makau wale, i noho paa loaa ai oe i ka hale aohe wahi mea a iki ia mai iloko o keia pule holookoa. Aka nae aohe poe nana no kou ikeia mai a ike ole ia mai paha, no ka mea i hoike aku no au ia oe i kou manao maoli ea aole loa ou nana no kou wahi e noho ai no ka mea aole ou hoihoi iki e ike hou i kou mau maka e kia kanaka a ka hohewale!"

            Ua pia io maoli ka lunaleka me hoihoi ole no Kakeo a o ia ka ua kanaka nei o ka hoomau ana mai i kana kamailio ana:

            "E pono oe e Kakeo e hele e ao i kekahi mau haawina i wahi e kupon ai kou ola ana aku ma ke ana he kanaka E na aku ia Konaradi Kenekoa, e hoohalike aku me kona kau ano o kela ke kumu hoohalike kupono loa nou e pono ai. Nou e Kakeo ua ahona kamalii liilii ia oe ua poho maoli keia honua a ke Akua i hana ai no kekahi kanaka makau wale elike me oe," alaila hooki iho la o Mr. Kakoona i kana mau hana mloko o ka haleleka.

            Ua hele ka helehelena o Kakeo a pii ka ula, ua piha pu hoi oia i ka huhu me ka hoonaukiuki a na ia mau manao lapuwale iloko ona, i ala mai ai na hoolala he nui, no kona lawelawe aku i kekahi mau hana ino, no ka hookau ana mai i na hoopilikia ana maluna o kela kanaka. I kekahi manawa ua hoolala maoli no ua keiki nei a ke kanaka waiwai, e hoomahuka ia Zora, a e lawe no ke kuahiwi, malaila laua e noho ai ma ka ano hewa, aole nae he wa i hookoia ai ia kuko palaualelo a Keinohoomanawanui.

            Mai kela la mai a Konaradi i hoopakele ai ia Zora Kakona, aole on a hookokoke mai i ke kulanakauhale, no ka mea aole on a makemake e noke mai na kanaka i ka huro iaia, a i ka wa a na hoaloha o Zora i haawi ai i kekahi anaina hoohauoli nona, mamuli o kela pakele ana mai ka make mai, ua hoole aku o Konaradi i ke kono i hoounaia mai iaia, no kona makemake ole, e lilo mai oia i ilina, no na mahalo ame na hoomaikai ana mai a ka lehulehu maluna ona.

            Ua hoouna okoa mai o Zora i kekahi leka i ua o Konaradi, e haawi mai ana i kona mahalo kiekie, no kana mea i hana aku ai no kona ola, he leka hoi a Konaradi i pane mai ai ma ke ano hoaloha, e hoomama ana i kana mau mea i hana aku ai no kela kaikamahine me ke kaena ole aku, elike paha me kekahi poe e ae, i ko lakou wa e hana ai i kekahi mea e hookaulanaia ae ai ko lakou mau inoa, e hooia aku ana hoi imua o ua kaikamahine nei, no kona makaukau mau i na wa apau e hana aku i kekahi hana hoopakele no ke ola o kai no ka mea he hana ia e loaa ai iaia ka hauoli io.

            Iloko o kela pue hookahi o ka noho paa ana o Konaradi ma kona home ua hele maoli o Demona a laka loa, aole he wahi pienaena iki o ua lio nei, i ka noho ke kau aku iluna o kona kua; i ko Konaradi ike ana, ua pau ka pilikia o Dimona ma ia mahele, hoomaka aku la oia e ao i kekahi mau hana akami, me kona kahaha loa, i ka hikiwawae o ka ike o Dimona, ma kana mau me apau e ao aku ai ua like pu maole me ke kanaka.

            Peha ka pohihihi o kekahi mea hou ana e ao aku ai i kela lio, ua hiki loa ia Demona ke lohe i ka wa a Konaradi e kauoha aku ai iaia e hana mai, ma keia ano iho la ua pipilipaa loa aku ka manao hoohihi o Konaradi no kona lio, ahiki i ka lilo ana o Demona, i mea ano nui iloko o kona poo, a i na manawa apau ana e hoea aku ia imua o o kela lio, e kamailio maoli aku na oia iaia, me he mea la, he kanaka kona hoa olelo.

            O na mea a Konaradi o ke ao ana i Demona, o ia no ka huli ana, ka hooponiuniu ana iaia iho, ka hele ana a ku i ka wa e kaheaia aku ai, pela ka hele aka imua, a nee ana paha ihope, aole ma ka olelo wale no, aka ma ka hoopa ana ae o Konaradi i kona kuli ma ka aoao o Demona.

            Ua hiki loa i kela lio ke hele mai mua o kona haku, i ka wa a Konaradi e hokio aku ai a ke haawi aku oia i kekahi hoailona ua moe iho la o Demona ilaio ua ao pu ia kela lilo, e hui me ke kihelu ana i kona mau wawae mua, a i ka ike ana o ka opio i ka aapo maoli o Demona, maopopo loa iho la iaia, in a nei no ka hooukaia o kekahi hakaka, e lilo ana kela lio i mea kauia o ka weli no kona makaukau e kokua i kona haku, ke komo iloko o kekahi poino.

            Ua ao pu aku o Konaradi ia Demona e wehe i ka nipuu o ka haina-ka, me na wawae mua, pela hoi kona ao ana aku ma na hoailona, ahiki i ke kunou ana o ke poo, a uliluili paha elike me ka Konaradi i makemake ai.

            Aole nae keia he hana maalahi a Konaradi i ao ai, e loaa aku ai ka ike i ka lio eleele iloko o ka pule hookahi, aka iloko o na la lehulehu, me ka hoomanawanui maoli no hoi o Konaradi ma na ano apau.

            E hoomamo mau ana o Felipe iaia iho, me ka hookokoke ole mai imua o Konaradi, a in a no ka halwai o ua mau kanaka nei, aole ia no ka makemake maoli o kekahi e halawai, aka ma ke ano ulia wale no. Aole no nae he hopohopo iki o Konaradi i ka hapa Ilikini, a aole no hoi he manao iki iloko on a no kela kanaka, ina e hoomamao loa ana oia iaia iho mai kona alo aku, a i ole hoao mai paha e lawelawe i kana mau hana lapuwale no ka hoopoino ana mai i ko ia nei ola.

            No felipe nae, aia hoowahawaha ame ka lili iloko on a, no Konaradi, ke kakali wale la no ua kanaka nei, o ka hoea mai i ka manawa kupono, o kona hooko aku no ia kona mau manao lapuwale apau, no ka hoopoino ana i ke kanaka opio.

            Aia mau ka hapanui o ka manawa @ Mr. Kenekoa e hoohala ai ma kona home, a o ka mea nana i hookahaha aku i ka manao o Konaradi, o ia no ka pili mau o kona makua me Felipe.

            No kona makuahine hoi, ke emi mau mai la kona ikaika, ua lilo keia kulana o kona makuakane i mea hookaumaha loa aku i ka noonoo o ke kanaka opio, o ka manaolana wale no iloko on a, no ka hoi hou mai o ke kulana ikaika o kona makua, o ia no kela huli hoi ana mai o kona makuakane mai Amerika Hema mai.

            He mea oiaio nae, ua konekonea iki ae ke ola kino o kona makuahine, ma na la mua o ka hoea ana mai o Mr. Kenekoa, a ma ka ninau okoa ana aku a ua o Konaradi i ke kauka ohana, no ke kulana oiaio o kona mama, hoike mai la ke kauka, i na mea nana i hoolana loa mai i ka manao o ka opio, a auhee aku la no hoi kela ano kaumaha mai iaia aku.

            Iloko o kela mau la, he uuku loa ka manawa i aeia mai ai o Konaradi e kamailio pu me kona makuahine, mamuli keia o na kauoha a kona makuakane, ka mea hoi nana i hookomo mai i na manao kahaha iloko on a, no kela hana a kona makuakane, ka mea hoi nana i hookomo mai i na manao kahaha iloko on a, no kela haha a kona makuakane iaia.

            Ma kekahi la nae a ua o Konaradi o ka hele ana aku e hui kamailio pu me kona makuahine, hoakaka mai la kona mama iaia i kekahi mau mea i maopopo ole i ke kanaka opio, a i ka hoomakaukau ana i o Konaradi e haalele aku i kona makuahine, ia manawa i haawi mai ai kona makuahine iaia, i kekahi ope o na bila dala, me ka i pu ana mai:

            "E hookomo koke i kena mau bila dala iloko o ka pakeke o kou lolewawae me ka awiwi e kuu keiki, aia hoi a hoea oe noloko o kou rumi, alaila hookomo aku ma kekahi wahi e loaa ole ai, in a nei no ka huliia mai o kou kino. Ua loaa lau kekahi moeuhane ma ka po nei, a'u i manaoio loa ai he moeuhane pololei kela, a mamuli o ia manaoio, ke haawi aku nei au ia oe i keia mau dala malia he mea kokua nui mai ia no kou pono ma keia mua aku. O keia wale no na dala hiki iau ke haawi aku ia oe e kuu keiki me ka hoohuoi ole ia mai."

            Lalau aku la o Konaradi i na bila dala a kona makuahine o ka haawi ana mai iaia, a i kona hoea ana aku noloko o kona rumi, hoomaka iho la oia e helo, eia ka ua hiki aku ka waiwaiio o kela mau bila dala, ma kahi o ka elua han@ri me kanaono-Kumamakolu dala.

            Elike me ke kauoha a kona makuahine, hoomaka aku la ua o Konaradi e @@na i kela mau bila dala, maloko o ka pale o kona puliki, in a nei no ka huliia aku o kona kino e kekahi mea, aole ana e manaoia , aia kekahi dala i @@@@@@ maloko o ka pale o kona puliki.

            I cela âme keia manawa, e loaa mai ana na leka i kona makuakane mai Amerika Hema mai, he mau leka a Konaradi i koho aku ai, ua pili wale no i kana mau oihana malaila, o ka mea apiki nae, e makaala loa ana kela kanaka, aole he waiho hemahema i kela mau leka, ma keia ano iho la, aole loa i loaa aku i ke kanaka opio ke ike, no na manaohoohuoi iloko o Konaradi no ke ano o kona makuakane, oia manao hoohuoi like no ka iloko o Pita ke Paele kauwa i kekahi la i kona manawa i ike mai ai ia Konaradi kamailo mai la:

            "Malia paha, mamuli o ka nui o kana mau mea e noonoo ana, ke kumu o kona kamailio ana mai ia oe, i na olelo kupono ole, "wahi a Konaradi.

            "Ina no paha he nui kana mau mea e noonoo ana, aole ia he kumu nona e hoopuka mai ai i na olelo hailiili Ma mua e olelo okoa mai ana oia i kou hooikaika loa i ka hana, me ka olelo mai, e hana maile au, a e hoomaha no hoi ke nui loa ka wela o ka la, i keia manawa nae, o ke kuamuamu ka mea nui i kona mau lehelehe, me kapa mau mai iau i ka molowa.

            "Ke hoomanao nei no hoi au, he haawi mau mai oia i na dala manuahi iau, i keia wa nae he ke@ aku kona namunamu, i ka nui loa o kou uku me ka olelo okoa mai, e  hoemi mai ana oia i kou uku i keia mahina.

            Ke ike la o Konaradi i ka pololei o na hoakaka a Pita iaia, aia io he loli ano nui loa iloko o Kenekoa, ma keia hoea ana mai, o ua kanaka nei, no kona home.

            I kekahi manawa a Pita e ike mai ai ia Konaradi, e peahi okoa mai ana kela Paele iaia, no ke komo ana aku maloko o kekahi wahi i uhiia e na laauhihi, me ka alaalawa mua ana @ kona mau maka ma kela a me keia wahie, me he mea @ aia ka hopohopo iloko on a, no ka ikeia mai e kekahi mea, a i ka wa e hoea aku ai o Konaradi imua on a, i wa e kamailo lai ai:

            "Mai manao mai oe e kuu hoaloha, he Paele naaupo au, elike me kekahi poe, aole loa, he mea au i makee no kou pono e Konaradi, a ke lana nei nou manao, e halawai mau kou ola ana me na haawina pomaikai. Ina he mau hemahema kekahi au e hana ai, aole ia mamuli o kou manao maoli, aka mamuli o ke kuhihewa, aole hoi elike me na mea e kamailioia nei, no na Paele, i ka poe kolohe."

            Aole he maopopo iki iau o kau mea e kamailio mai nei e Pita. "wahi a Konaradi, me ka pohihihi i ke ano o kela kauwa Paele.

            Haha iho la na lima o Pita ma na pakeke o kona lolewawae, a unuhi ae la he apana pepa, me ka kamailio ana mai:

            "Ua loaa keia leka iau a no ka maopopo ole o na mea i kakauia maoloko nei, pela au i kahea okoa aku nei ia oe, malia paha, o hiki ia oe ke hoakaka mai i ka manao maloko nei. "me kona haawi pu ana mai i ka leka i Konaradi.

            Nana iho la o Konaradi i kela leka, aole he maopopo iki iaiai, no ka mea ua kakauia ma kekahi ano pohihihi loa o na huaolelo maopopo wale no, o ia @@ inoa ma ka hoomaka ana mai o ka leka, oia o Mr Habaki Dukuna a malalo loa hoi o ka leka, e kau ana na huakumu B. J.

            "Ihea i loaa ai ia oe keia leka? " i huli aku ai o Konaradi imua o Pita mahope o ka pau ana o kana nana ana i kela leka me ka nalu ana iho hoi iloko on a i ke kanaka nona ka inoa o Habaki Dukona.

            "Enanea ana no au i ka pulumi i ka opala mawaho o @@ hale i wa i puhiia mai ai keia leka e ka makani mailoko mai o ka puka aniani a haule ana iwaho nei pela iho la i loaa ai keia leka iau"

            "Mai ka puka aniani hea mai keia leka i puhiia mai ai e ka makani?"

            "Mai ka puka aniani mai o ke keena oihana o kou makuakane."

Mokuna XI

            "Aole i maopopo iau, na kou makuakane paha kela leka, a i ole na kekahi mea okoa aku paha? O ka inoa wale no ma ka hoomaka ana mai o ka leka ka mea maopopo iau no ke koena aku o ka leka, he ppohihihi wale no; in a paha he hiki ai ke heluhelu i keia leka, a maopopo iau na kou makuakane, in a ua hoihoi aku au a haawi iaia."

            Ke makemake nei au e ninau ia oe e Pita; heaha ke kumu o kou lawe ana mai a haawi i keia leka iau"

            "Aole i maopopo loa iau ke kumu oiai@ maoli, koe wale no keia, malia paha ma@@@@ o ke ano e o na hana a kou makuakane pela iho la au i manao ai e ike oe i ka manao o keia leka."

            Aole he maopopo ia Konaradi o kana mea e hana aku ai no kela Paele, aka nae mahope iho o kona noonooo ana o kela kekahi o na kauwa hoopono, a hoolohe loa i na kauoha apau e haawiia aku ana iaia, ia wa i pane aku:

            "Nau e hoihoi aku i keia leka i kuu makuakane, nolaila aole au mea e kaumaha ai a nau no hoi e hoakaka pono aku imua on a i ke ano o ka loaa ana o keia leka, e hoahewa ole mai ai oia ia oe, a ia kaua paha."

            Haalele iho la ua o Konaradi i ka Paele helu aku la no kekahi wahi maluhia alaila wehe ae la i ka leka a hoomaka hou iho la e heluhelu a me ka nui o kona noonoo, i hiki ai iaia ke ike i na mea i kakauia ma ke ano nalo loa e hiki ole ai i kekahi mea ke heluhelu koe wale no a loaa iaia ke ki o na meahuna pohihihi i pili loa, i ke ano o na huapalapala.

            Ma ka heluhelu hoi hope ana, e hoomaka ana ma ke kikokahi mua aku, i hiki ai i ua o Konaradi ke kuekaa i ka meahuna pohihihi maloko o kela leka, elike me ia malalo iho nei:

            "Aohe he hopohopo ana no ka manu eia oia ma kahi he lele ole ai ka oili eia nae aole no i @ele i ke kupaka @ loaa k lanakila iaia. He o ia mau ke kiai makaala ana o Juana i pio a ke holomua nei na hana apau i hoolaila. Eia ka lua lanahu malalo o kou malu i keia wa a ke hooikaika nei au e loaa ke kumukuai makepono me kekahi poe waiwai o Enelani, a ke holopono ka hoi na mea apau, aohe a kaua hana i koe, e moe lealea ana ke poo iluna o ka uluna a na lakou ia e noke mai i ka huli."

            "Heaha la ke ano o keia mea au e heluhelu nei?" i namunamu liilii iho ai o Konaradi. "He leka keia i hoounaia mai Kili, Amerika Hema mai, ia Mr. Habaki Kukona cia nac peha la ia i kaa mai ai malalao o ka malu o kuu makuakane, me ka maopopo mua ole iaia a i  ka wa i ke aku ai o Mr. Kenekoa, i ka waiho mai o ka leka imua o kana keiki hoike okoa mai la kona helehelena i kekahi nanaina maikai ole, a o ia kana o ka ninau ana aku me ka leo kuoo: "Ihea kahi i loaa ai o kene leka ia oe?" wahi a ka makuakane me ka leo kuoo.

(Aole i pau.)