Ka Nupepa Kuokoa, Volume LIX, Number 27, 8 Iulai 1921 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, HONOLULU. T.M. POALIMA, IULAI 8, 1921

 

He Moolelo no ko

Helena Simoa Lanakila Ana

A I OLE

Ka Hoowalewaleia Ana o Halebatona

 

            I kona hoea ana aku i kahi o ke kaa uwila ku ai, ku iki iho la oia malaila e kali, a i ka hoea ana mai, ee aku la oia a holo aku la no ke alanui Madisona. I kona lele ana aku helewawae aku la oia a hiki mamua o ka hale e kau ana ka inoa Beniona iluna o ka papa kala ma ka puka. Pii aku la oia ma ke alanuipii a kau iluna a hookani aku la i ka bele. no kamea, ua hooholo oia i kona manao ia manwa. e huli aku i ka makuakane o ke aikane ana oiai laua e noho pu ana maloko o ke kula. o Hate Beniona ka inoa. a iaia e halawai aku ai me Beniona, e hoike aku ana oia imua on a i ko laua mau pilikia ma na ano apau, me ka manaolana na Mi Beniona e hoakaka mai iaia i kekahi alahele e loaa ai na kokua ia laua a e puka laelae aku ai nana mailoko ae o na pilikia apau.

            Mai ka manawa mai o ka ulu ana ae o nei manao iloko on a, ua ninau mau iho la oia iaia iho. no ke aha no la hoi i ulu mua ole ae ai kekahi mea o ia ano iaia mamua aku oiai laua e au ana i o a ianei no kekahi alahele e loaa ai ia laua kekahi kokua.

            Iaia e ku ana ma ka puka ke noho mau la ke kaualua iloko on a e loaa aku ana paha o Mr. Beniona iaia i ka hale aole paha. no ka mea ua kamaaina oia mamua aku i ka hoi mau o Mr. Beniona me kona ohana i kekahi home kuaaina i ka manawa kakahiaka nui loa. eia nae. he wahi manaolana liilii loa ka iloko on a no ko Mr. Beninon noho maloko o ke kulanakauhale ahiki i ke ahiahi ana.

            He kauwa ka mea i hele mai e pane no kana bele o ka hookani ana aku, a iaia oia o ka ninau ana aku aia no paha ke keonimana o ia hale maloko o ka hale ia manawa.

            "Ae, eia no oia malaoko nei." wahi a ke kanaka kauwa o ka pane ana mai a ia manawa laweia aku la oia noloko o ka rumi hookipa maloko aku o ka rumi hoahu buke, a he manawa pokole mahope iho hoea mai ana o Mr. Beniona me ka apana pepa no a ua o Helena o ka haawi ana aku i ke kauwa no ka lawe ana aku e haawi iaia.

            Me ke ohaoha âme ka hauoli o Mr. Beniona i hookipa aku ai iaia, me na helehelena minoaka no hoi ma kona mau maka, a ua like ia helehelena hoihoi o Mr. Beniona i ka Helena nana aku, me na kukuna malamalama o ka la i poha mai mahope iho o na kuaua i ka naau o ke kaikamahine i hookaumahaia, he mea hoolana loa ae la i kona manao i piha i ke kanalua mamua iho no ka loaa ole aku o Mr. Beniona iaia maloko o ka hale.

            "Hauoli loa au i ko'u ike ana aku la ia oe, e Miss Simoa." wahi a Mr. Beniona, "ua loihi na la i hala aku nei mai kou ike hope ia ana mai ianei. a ke kaumaha nei nae au i ka hoike aku ia oe aole oe e ike ana ia Hate Beniona ame kekahi mau hoaloha e ae ou. no ka mea, ua hala aku lakou no Nu Ioka he pule aku nei i hala, owau wale no ko ka hale nei i nei manawa, me na kauwa."

            Hoike aku la oia iaia o kona hauoli loa oia ka ike aku iaia ame na kaikamahine e noho pu mai ana i ka hale, aka, oiai hoi ua hale aku la no lakou i Nu Ioka, hoakaka aku la oia no ua o Mr. Beniona ponoi kona manao o ka hiki ana aku, oiai he manao nui kona o ia hiki ana aku, a he makemake oia iaia ponoi no oia e hoike aku ai.

            Alaila hoakaka aku la oia i na pilikia ko'iko'i i halawai me laua elike me ia i ikeia mamua iloko o na la i aui aku ahiki no la manawa, a ua lilo ko laua mau pilikia i mea hookaumaha loa i kona noonoo, a pela hoi me ko kona makuahine, ua hoakaka aku la oia i ka pau ana o ka laua mau dala i ka lilo, ka ma'i ana no hoi o ka makuahine ahiki no ia manawa, ame ko laua manao ana e hoi i kuaaina e hoomaha ai mamuli o ke kauoha a ke kauka, a o ka makemake nui o ka makuahine oia kona hele aku a noho ma kekahi wahi kaawale e hoouluhua hou oleia ai kona noonoo, o ka pilikua nui nae aole a laua dala.

            "No keia manao o maua e hoi aku i kuaaina e noho ai he hana hiki ole ia ke hooko aku no ka mea ua nele maua i ke dala, ka mea e hiki ai." i hoomaka aku ai o Helena o kamilio i kana kumuhana ano nui i makemake ai e waiho aku imua o Mr. Beniona a nana ia e ike mai a hoakaka mai paha i kekahi alahele e hiki ai e loaa ke dala.

            "Iloko o na la o mama i loaa ai i ka mai ua nui hewahewa ko maua mau holilo a i nei manawa ua emi loa mai ka maua mau wahi kenikeni a aneane loa e pau. Mamuli o ko mama ma'i ana ua haalele aku oia i kana hana o ka lawelawe ana me ka holomua no kekahi mau makahiki lehulehu, a i mea e hoemi mai ai i ua hoolilo o ko maua noho ana ua haalele aku la maua i ka hale a mauna i hoolimalima ai, no ka pii loa o ka uku hoolimalima e hiki ole ai i ke hoomau aku i ka noho ana ilaila, a ua nee mai maua i kekahi wahi hale hou.

            "Ua nui a lehulehu ka maua mau alahele o ka hoolala ana me ka manao oia wale no ke alahele e e loaa mai ai o ke dala; ua hoolala maua no ke kuai ana aku i na lako hale o maua apau me ka manao oia kekahi alahele e loaa mai a o ke dala a mahope ua kanalua hou o mama: wahi ana, o ka hoolilo ana aku ia mau lako hale apau ma ke kuai e nu ana no na dala e loaa mai ana, e nui pu ana no nae me na hoolilo, ua like no ia kuai ana aku me ke kiola wale aku no ia mau waiwai.

            "He wahi hale kekahi i onaia e maua aia ma kahi kokoko aku i na kuahiwi Adironadaka, au no hoi i ike ai, a oia wahi hale me kahi apana aina kahi o ka hale e ku la kekahi a'u o ka hele ana aku imua o ke boroka no ka moraki ana aku, aohe nae i hoike iki mai ka boroka i ka hopena o kana hana ahiki i nei manawa.

            "Ma ka ka boroka mea o ke kamailio an amai ia'u he manaolana no kona e loaa ana no kekahi poe mea dala e ae mai ana e aie, aole nae e holopono koke ana ia hana a hala kekahi mau pule, a malia he mahina a mau mahina ana no paha, a oiai mana e kakali aku ana no ka holopono o kana hana ua aneane loa maua e komo loa aku iloko o ke anu.

            "O ka hana hope loa a'u i noonoo ai, aole nae au i hoike aku ia mama i nei manao, oia ka hele ana mai imua ou a noi aku ia oe, malia e hiki ana no ia oe ke kuhikuhi mai ia'u i kekahi alahele ma ka molaki paha a i ole ma ke kuai maoli ana aku no paha i kela wahi hale me kahi apana aina, kahi o ia wahi hale e ku mai la."

            Me ka hoolohe pono loa o Mr. Beniona i nei moolelo a Helena o ka hoakaka ana aku la, a e loli mau ana kona helehelena mai ka minoaka a i ka hoike maoli ana mai i kona kaumaha me ke aloha pu mai ka mua a ka hope.

            "O, e Miss Simoa, ke ike aku nei au ma kau mau mea apau i hoakaka mai la ua komo kuhohonu loa olua iloko o ka pilikia, he mau mea oiaio keia a'u e hoike aku nei a oia ka'u i ninau iho nei no ke aha no la hoi oe i hele mua ole mai ai in a o'u a hoike mai ko olua pilikia. No ke aha oe e kuu keiki, i hele ole mai ai a hoike mai ia'u no ko olua pilikia mamaua?"

            "Eia no ke kumu, e Mr. Beniona, aole i loaa iki kekahi haupu ae iloko o'u nou, mamua aku nei, i keia la wale iho la no i loaa ai ia manao ia'u ; ua llio loa ko maua mau noonoo i na mea ame ka hoao ana e hoopakele ia maua mailoko ae o na popilikia ma na alahele a maua i manao ai pela iho la e pakele ai, a no ia kumu aole he loaa ae o kekahi haupu nou," i pane aku ai o Helena me na waimaka e haale mai ana ma kona mau lihilihi, no ka mea, ia mauawa ua ilihia maoli iho la oia no na olelo aloha a Mr. Beniona me ka oluolu no hoi o kana mau olelo, me he mau olelo la na ka makuakane ponoi.

            "He keu aku olua a na mea kupanaha i ko'u manao, ua hilinai olua maluna o ko olua mau manao kuokoa iho me ka noonoo ole ae he mau hoaloha no kekahi e noho aku ana i makaukau me na manao aloha no ke kokua ana aku ia olua, e pono no e loaa ia olua ka hilinai i kekahi manawa maluna o ko olua mau hoaloha, alole ke kaukai wale no maluna o olua wale iho no no ko olua mau pono.

            "No olua ponoi no anei kela wahi hale ma ke kuahiwi Adironadaka, he wahi hihia ole anei ia ma kekah ano, oia hoi aole anei i molakiia?" i ninau hou mai ai o Mr. Beniona, mahope o ka hala ana o kekahi minuke o ka noonoo ana.

            "Ae, no maua ponoi ia hale ame ia apana aina ; ua kuaiia kela wahi e mama he mau makahiki lehulehu i hala hope aku nei. O kahi apana aina kana o ke kuai mua ana mahope wale mai i kukuluia aku ai kela wahi hale e ku nei maluna o ia apana aina, he wahi hale i hanaia a kolike me kana i makemake ai. he wahi hale uuku no ia i kukuluia, he eono mau rumi maloko, he nunui kupono na rumi, eia nae, aole no nae na lako hale e ahu nei maloko olaila he mau lako hale nani loa, aka, o ua lako ku pono nei no e hauoli ai no ka noho ana a e oluolu ai ka noonoo am na maka. "Heaha la ka waiwaiio i kou manao i kupono no ia wahi hale me ka aina, elike me ia e ku mai la?" wahi a ka Mr. Beniona ninau.

            "No ka hale he iwakalua-kumamalima haneri dala ko mama lilo, a ma ko'u manaoio aia ma kahi o ka elima heneri dala ko mama lilo, a ma ko'u manaoio aia ma kahi o ka elima haneri dala ka waiwaiio o na lako hale e ahu nei maloko o ia wahi hale. No ka apana aina hoi, alia, e nana ae kaua i ka palapala kuai, eia no ia me a'u i nei manawa." alaila wehe ae la oia i ka palapala kuai mailoko ae o kana eke paalima a haawi aku la i Mr. Beniona.

            Lalau mai la o Mr. Beniona a wehe ae la, a hohola iho maluna o ke pakaukau e ku ana mahai on a, a nana pono iho la nie ke akahele loa.

            "Eono haneri dala ana i uku ai no kela apana aian," wahi a Mr. Beniona o ka hoopuka ana ae, mahope o kona heluhelu ana i ka palapala kuai no kekahi minuke ; "aka nae, me ke kanalua ole na pii hou ae ka waiwaiio o ia apana aina i nei manawa mahope o ka hoomaemaeia ana. Pehea la ko Mrs. Simoa manao, makemake ana anei oia e molaki i kela wahi a i ole e kuai aku no paha."

            "Ma  ko'u manao elike me kau e ike ana he mea pono ia e hanaia aku e loaa nui mai ai na dala mai ia wahi mai. Oia hoi ka hana a'u i hoea mai la imua ou no kau a'o ana mai, no keia kumu, ma ko'u noonoo ana o oe ka mea kupono loa a i ike hoi i ka mea pono e hana aku ai mamua o kekahi mea okoa aku," wahi a Helena o ka pane ana aku.

            "Ina no kona manao nei e kuai aku i kela waiwai, heaha la ke kumukuai kupono ana i manao ai no ia waiwai i kou manao? Ua inahu'i iki no anei oe mai iaia mai no kana kumukuai i makemake ai no ai wahi?"

            "Aohe maopopo ia'u la ; eia no ka'u e manao la, elike no hoi me ko mama mau lilo no kela apana aina ame kona mau lilo no kela hale oia mau dala no ke kumukuai e hoolilo aku ai ia wahi, eia nae, e ike iho no oe nou iho, ua pii hou ae ka waiwaiio o kela wahi i nei manawa mamua o ko ka manawaa i kuaiia ai, aka nae, mamuli o ko maua nele loa i ke dala i nei manawa aole hiki ia maua ke kau aku i ke kumukuai a kiekie loa, in a he mea pono ia, e waiho aku ana au ia hana iloko o kou lima, eike me ka mea au e ike ana he kupono o kau ia e hana aku ai.

            "E ike mai oe i keia, o ke ola o kuu makuahine ua oi aku ia mamua o na mea e ae i nei manawa ; o oe ka i ike i ka mea pono au e hana aku ai, o ka maua wale no e kau aku ai i na manaolana no ka holopono o ia hana aia maluna ou, ina nae e ae oluolu mai ana oe e lawe aku i ke kaumaha o ka hana no ka huli ana aku i kekahi poe na lakou e kuai mai ia wahi a hooki iho la i kana kamailio ana, me ka nana pono aku maluna o ka makuakane o ke aikane no ka holopono o kana hana e manao ana, ka mea hoi ana e manaoio ana e hana mai ana no oia i ka mea pono no laua.

            "Ke haawi aku nei au i ko'u mahalo ia oe, e Miss Simoa, no kou haawi ana mai i kou hliinai maluna o'u." i pane mai ai o Mr. Beniona, "a ke hooia pu aku nei au imua ou e hoao ana au e hana elike me ka maikai loa e hiki ana ia'u, ao ko olua pono. E haawi ana au i ko'u noonoo nui maluna o keia kumuhana au i lawe mai la ma keia auwinala, a e hele aku ana au e hui me kekahi mau kanaka makemake aina elua a ekolu o ia poe, a i ka manawa e loaa mai ai o kekahi mau ike mai a lakou mai, hele aku au i ko olua hale a kamailio pu me olua, i loaa na ike maopopo loa i keia ahiahi e pili ana i nei hana.

            "O, me ka mahalo nui ia oe, e Mr. Beniona," wahi a Helena meika helehelena hoihoi, no ka loaa ana o ka mea kupono nana e hana mai i keia hana nui ana i makemake ai e hana kokeia, no ka mea ua hoopihaia mai oia me ka manaolana mamuli o ka Mr. Beniona mau olelo ame kona makaukau e hooko koke mai i kana noi. "Ke manaolana pu nui au aole no hoi paha oe e hoololi ae ana i kou manao ma kekahi ano i mea e holopono ole ai keia hana a kaua i kamailio iho la," wahi hou a Helena o ka pane ana aku.

            "O, aole, e kuu keiki ; aole au e holo aku ana i Nu Ioka a hala kekahi pule, e manao iho ai oe aole au e hoonele ana i ka hana ana aku i kekahi mea e pono ai olua. No ka mea hoi e pili ana i na lako hale o olua ea, in a no ko olua haalele i'o mai i ke kulanakauhale nei e manao ana paha olua e loaa kekahi wahi kupono e waihoia aku ai ia mau mea aole anei pela?"

            "Eia ko'u manao, he nui ka poe e noi mai nei no na hale i hoolakoia, a malia e hiki ana no paha ia'u ke hoolimalima aku i kela hale a olua e noho nei me ka waiho no o ia mau hale, apau malaila, in a e makemake ana olua pela, ma ia ano e loaa ana ia olua kekahi mau dala no ka hoolimalima mau lako hale, aole anei ou manao pela?"

            "O, sure keel, he manna maikai loa ia au i hoakaka mai la, e Mr. Beniona, a he wahi kokua liili no hoi ia e loaa mai ana, a o kekahi aole hoi e hoonui hou aku i ka hana ma ko maua aoao, ma o ka hoihoi ana aku ia mau lako hale a maloko o kekahi wahi hoahu lako hale me ka uku pu aku i ka uku hoolimalima no ia hale, he lilo nui okoa aku no ia e uku ai," wahi a Helena me ka hoihoi loa o kona helehelena ia manawa.

            "Ke manao nei au e oi aku ana ka maikai o ka'u mea e i'o aku ai ia oe mahope o ko'u ikemaka ana i na lako hale a olua, eia nae o ka hana a'u i hoakaka mua aku nei ia oe ka hana naauao loa e hana aku ai i ko'u manao no ko olua pono, no kela mau waiwai a olua," wahi a Mr. Beniona.

            "Pela ka'u nana aku." wahi a Helena o ka pane ana aku iaia i ku ae ai," a ke haawi aku nei au i ka'u hoomaikai ia oe no kou haawi ana mai i kau noonoo nui ana no ko maua pono iloko o nei manawa pilikia o maua ; ua lilo kau mau hoakaka naauao i mea lawe ae la i kekahi kaumaha mai ko'u naau ae, no ka mea i loko o keia mau la aku la aohe noonoo maikai iloko o'u, he @@@@ noonoo oilihua wale no. aka i nei manawa i hoike aku @@@@ ia oe i ka mea oiaio, me he mea la ua like kau mau o @@@@@ me ka wai hau hu'ihu'i e hookena ana i ka makewai @@@@ mea makewai, elike me a'u," i pane aku ai o Helena @@@@ oluolu loa, ame na huaolelo mahalo kuio no ka maikai i hanaia mai iaia.

            Haawi aku la oia i kona lima no ke aloha ana me ka naau i piha i ka hauoli oiai no oia e kamailio aku ana, me ka lamalama o kona helehelena i like ole me ia ana o ka hoea ana aku.

            Hopu mai la no hoi o Mr. Bniona i kona lima a lulu malie iho la, a i pu mai la me ka minoaka:

            "E haawi mai ka hilinai piha maluna o kou mau hoaloha nei iloko o kou mau la o ka popilikia, aole hoi kou hookuokoa ae ia oe iho, no ka mea, he mau hoaloha no kekahi o olua la e noho aku ana me ke aloha, me ka hiki hoi ke haawi aku i k kokua iloko o ka wa pilikia elike me ka hiki," i pane mai ai o Mr. Beniona. "E Miss Helena mai poina hou ia makou, i hoho a i loaa ka pliikia ia olua i nei mua aku, e hoomanao ae he mau hoaloha no kekahi o olua e aloha aku ana ia olua i hiki ke haawi aku i ke kokua."

            Hahai pu mai la oia ia Helena ahiki i ka puka, a haawi mai la i kona aloha me ka i pu ana mai:

            "Na ke Akua mana loa e kiai ia oe ahiki i ko kaua halawai hou ana. Haawi aku'i ko'u aloha i ko makuahine."

            Me ia mau olelo hoolana manao a Mr. Beniona i hoihoi mai ai oia ia Helena i ka hale me ka noonoo mama ame ka hauoli, ame na kaina wawae mama hoi o Helena o ia hoi ana mai a hoea i ka hale.

            la Mr. Beniona i hoi hou aku ai iloko o ka hale halawai aku la oia me kekahi kanaka niape a u'i o ka helehelena, a he apiipii hoi kona lauoho, a i ka nana aku a Mr. Beniona iaia me he mea la he manao kaumaha loa aia loko o ia kanaka mamuli o ka haikea loa o kona helehelena me ka inoino pu o kona nanaina, oiai nae i ka hora mamura iho, oiai laua e noho pu ana maloko o ka rumi aohe ia nanaina maluna o ia kanaka, a ke haohao la oia ia manawa no ka loli hikiwawe loa ana o kona nanaina.

            "Ea, e Mr. Wilekona, heaha mai nei hoi keia ou? He ma'i anei ko'u? He mea anei kekahi au i kaumaha loa ai i anoe ai hoi kou helehelena?" wahi ana o ka ninau ana aku i kona holoha, no kona piha iho la i ke pahaohao no ia loli hikiwawe loa ana ae o kona helehelena.

            "Aohe o'u ma'i, e Mr. Beniona ; hookahi kumu o ke ano e ana o ko'u helehelena au e ike mai la mamuli no ia o ko'u lohe maopop ana mai nei i ka moolelo a kela kaikamahine o ka hiki ana mai nei a e hoike aku ana hoi a oe a ma ka'u hoolohe ana ma nei he moolelo walohia maoli kana, ua piha loa au i ke aloha me ke kaumaha pu nona ame kona makuahine.

            "Ua lohe aku au i kana moolelo mai ka mua a ka hope, a koe aku kekahi mau mea liilii aohe au i lohe maopop mai, no ka liilii loa o kona leo, Ia'u i hoolohe mai nei ua hiki ole ia'u ke kaohi i ko'u mau waimaka, no ka mea, ua piha loa ko'u naau i ke aloha," wahi a Wilekona o ka pane ana mai.

            "Pela no ko'u manao, no ka mea, aole e nele ana kou lohe mai i na mea apau e kamailioia ana mawaenao o maua, aka nae, aole wale paha oia ka mea e hoano-e ia ae ai o kou noonoo malia he kumu okoa aku no paha kekahi, no ka mea, ua kohu kanaka ma'i maoli oe i ka'u nana aku," ua ike no nae paha oe ia Miss Helena mamua?" i ninau aku ai o Mr. Beniona me ka minoaka ma kona papalina.

            "Aohe au i hui mua me ia mamua, aohe a oau i ike mai nei i kona helehelena, o kona leo wale no ka'u o ka lohe ana mai nei," wahi a ka Wilikona pane, me ia mau no o ka haikea o kona helehelena.

            "E Mr. Wilekona, haikea maoli kou helehelena a'u e nana aku nei, heaha la ka mea nui iloko o kou naau, no ka mea, he mea ahiahi ka helehelena la i ka meahuna iloko o ka noonoo! Ua like kou helehelena u'i mamua me he akua lapu la i nei manawa. Noho iho ilalo a e hoopau ae i kou noonoo iho hou ana aku, a i ole hookaumaha wale ana iho no i kou noonoo, a e hoihoi mai i kou mau noonoo maika apau moe e," alaila huki mai la o Mr. Beniona i ka noho no ua o Wilekona e noho iho ai, a ke hoomau la no hoi kana nana ana maluna o ko Wilekona helehelena me ke pahaohao nui iloko on a no ke kumu ko'iko'i loa o ke ano e ana o kona helehelena.

            "Me ka mahalo ia oe, e Mr. Beniona," wahi a Wilekona o ka pane ana mai, iaia i haule iho ai e noho iluna o ka noho i haawiia aku la iaia, a holoi ae la i ka hou e kakahe iho ana ma kona lae a ma kona mau papalina.

            "Ua ike au a kamaaina i ka makuahine o kela kaikamahine i hele mai nei," i hoomaka mai ai ua o Wilekona e kamailio, "he mau makahiki lehulehu elima a eono paha i hala hope aku nei, a ua lilo no hoi oia i mea aloha na'u a i mea nui no hoi na ko'u noonoo e hana ai no kekahi manawa, eia nae, mahope mai o ia manawa aole au i ike hou iaia.

            "He haawina kaumaha no kona haule ino ana a ilihune hou mai kela kulana kiekie mai ana i paa ai no kekahi mau makahiki lehulehu, aole o kona ilhune wale no, o kona ma pu kekahi me ka nawaliwali loa, elike me ia a'u o ka lohe ana mai nei i kela kaikamahine e kamailio aku ana ia oe, a no ia haawina popilikia i loaa iaia la ea, aole anei ia i lawa e hookaumaha mai ai i ka noonoo, e Mr. Beniona.

            "Pela no, na ka mea hoi paha ia i pili aku iaia, ku iho hoi ke aloha ame ke kaumaha ana aole na ka mea e loa elike me oe. heaha kou pili iaia la?" i ninau aku ai kona kokoolua.

            "Aohe o'u manao e huai ae i nei meahuna, owau wale no la ke ike iho ia mea a nalo iho, aka hoi, oiai na lohe mai nei oe i kekahi haoa, nolaila he pono ia'u ke hoike aku ia oe i na mea apau," wahi a Keoni Wilekona, mahope o kona noonoo ana iloko iho on a no kekahi manawa.

            "He mau makahiki lehulehu i hala hope aku nei oia wale no ka wahine ma keia ao apuni a'u i haulehia iho ai i ke aloha, aka, aole nae au hoakaka aku ana i ka'u moolelo ma ke ano neepapa, in a no imua ou, e kuu hoaloha, a i kekahi mea okoa aku paha, aka ma ka mea ano nui wale no au e hokaka aku ai, oia hoi, mamuli o kekahi manao koho hewa i mokuahana ai mawaena o maua. a o ke kumu hoi o ko maua kaawale ana ahiki i keia la."

            "Aha. ke maopopo aku la ia'u ke kumu o kou ano e ana, e Keoni Wilekona!" i pane mai ai o Beniona. "Pela no ko'u koho aia kekahi mea ano nui iloko o kou noonoo nana i hoano e ae i kou helehelena."

            "Ua maopopo ia'u kekahi mea e pili ana i kela apana aina ame ka hale e ku mai la maluna o ua apana aina lama ke kuahiwi Adironadaka." hoomau mai ai o Keoni Wilekona i kana kamailio ana. mahope o ka hoomaha iki ana, me kela ano mau o ka ikaika o kana kamailio ana.

            "I kela makahiki aku la i hala ilaila au, ua ike au i na apana aina la, a no ko'u lohe ana mai nei no ka makemake o Mrs. Smoa e kuai i ua wahi la. ke hoike e aku nei au ia oe owau ka mea makemake e kuai ia wahi. e Mr. Beniona." wahi ana me ke ano pihoihoi o kana kamilio ana.

            "E kuai wahi e hoomaopopo mai oe i ko'u manao, no ka mea. aole e hiki ia'u ke lawe i ka ukupanee maluna o ka molaki mai iaia mai. Ua makaukau au e haawi aku i elima kaukani dala no ia wahi, a eono paha, elike me kau e kau mai ai, o ka oi aku oia ka maikai loa no laua, eia nae. e noi mua aku no au ia oe mai noho oe a hoike iki aku la laua owau ka mea makemake e kuai i ua wahi la. mai kamailio iki aku oe ma kekahi ano e hoohuoi mai ai laua owau ka mea nana i kuai, aka e kamailio aku oe ma ke ano hoonalonalo o Keoni Kamika. a i ole o Mr. Baraunu ka mea makemake kuai. a i ole kekahi inoa e ae paha au e koho ai.

            "No kela mau lako hale hoi o laua a laua e @aa mai nei nei manawa, o kau i hoakaka aku nei i kela kaikamahine he manao naauao loa ia, e pono e lilo mai ka hoolimalima o kela hale ia oe mai a laua mai, a nau e hoolimalima kou aku ia hale i kekahi poe me ka waiho no o ia @@@@ lako hale maloko olaila. ma ia hana ana e loaa aku ana ia laua kekahi mau dala no ka hoolimalima o ia mau lako hale o laua.

            "I nei manawa. oiai au e noho ana maloko o keia kulanakauhale. ke makemake nei au e loaa kekahi wahi e noho ai iloko o na manawa apau a u e holo mai ai i keia kulanakauhale. Eia ko'u manao, e noi aku oe ia laua e hoolimalima mai i kela mau lako hale apau o laua ia oe, elike ka uku hoolimalima me ka laua e makemake mai ai, a i ole elike paha me kau e ike iho ai i ke kuponono. me kou hoala ole aku i kekahi mau manao e loaa aku ai na hoohuoi ana iloko o laua owau ka mea e noho ana maloko o ia hale,

            "O kau wale no e hoike aku ai ia laua, he kanaka wahine ole ka i makemake mai i ka hale ; eia ko'u manao ma keia. e hoonoho aku ana au i kekahi kanaka maloko o ia hale nana e malama i ka hale ame na mea apau maloko i kuu manawa e kaawale ai mai ke kulanakauhale aku ma ia ano e loaa ana ke kanaka nana e hanai mai ia'u i kuu manawa e holo mai ai i ke kaona nei. a loaa pu no hoi ko'u wahi e noho ai ke holo mai ianei.

            "Malia paha e loaa aku ana no ka ike ia laua mai kekahi mea aku, aka nae, e hana aku oe me ka maikai loa au e ike ana. i hiki a e loaa aku ke dala i kela wahine mai i keia manawa elike me kana e makemake mai ai i alahele e hiki ai i kela wahine ma'i ke hoi aku a noho ma kuaaina no ka hoomaha ana iaia.

            "E haawi aku ana au ia oe i kekahi hila dala a nau no ia e hoopiha iho, ua ike no oe aole ia he mea nui ia'u. no ka mea, aohe mea e ae a'u e hoolilo aku ai i ke dala, owau wale no ia e ola nei no'u iho. he liilii loa ko'u mau hoolilo a ua nui loa ka mea loaa mai ia'u, a no ia kumu au i manao ai he hana maikai na'u ka hoololi ana aku i ka'u dala ia laua. oiai o laua ka mea i kuleana loa i ko'u mau waiwai apau," a hooki iho la o Keoni Wilekona i kana kamailio ana.

 

MOKUNA XXVII---Ma Kuaaina.

 

            "Ke apono nei au i kou mau manao apau i hoakaka mai la. ua maopopo aku la ia'u kou manao ame kou makemake, nolaila e hilinai mai oe maluna o'u no ka hookoia aku o kau mau mea apau i makemake ai," i pane aku ai o Mr. Benona me ke ano menemene a piha aloha ia Wilekona, no ka mea, ua ike aku la oia ia Wilekona ua piha i ke aloha no ka wahine ame ke kaikamahine.

            "He hana kupono loa no hoi ia e hana aku ai ia Mrs. Simoa ame kana kaikamahine, a me he mea la na ke Akua no paha i lawe mai nei i kela kaikamahine ianei me kana moolelo walohia, i hiki ai e hoopauia ae ko laua noho ana luuluu, a i hiki ai hoi e hanaia aku kekahi hana i mea no laua e hoihoi kokeia aku ai i kuaaina, a no ka mea, ma ka'u nana aku nei i ka manao o kela kaikamahine, ua hoike maopopo mai ia i ka aneane e nele laua i na manaolana no ka loaa aku o kekahi kokua ia laua i kona manawa i hoea mai nei. "Malia paha he wahine u'i o Mrs. Simoa ma kona helehelena a ma kona mau ano. a pela oe e Mr. Wilekona i---"

            "O, ua oki kau hoopahenehene ana mai; o ka mea i hanaia o ka wa i hala ua hala ia, aohe o'u manaolana hou i koe no kona hoi hou mai me a'u, oia ka'u mea maopopo loa i nei manawa, a ina paha no ka hoi hou ae, ma ke ano hea ana la ia e hiki ai ke hoolauleaia." i kahamaha koke mai ai o Wilekona, me ke kau ana ae i kona mau lima iluna ma ke ano e hoike mai ana aohe on a manaolana no ka hoohui hou ia ae o na opua.

            "E huikala mai oe ia'u e Keoni. no keia hoopaani ana aku la , aka, o kaua wale no nae hoi keia. i noi aku ai o Beniona ma ke ano e mihi aku ana: "no'u iho ua kamaaina makou ia Mrs. Simoa no kekahi manawa loihi, he mau hokula kuu kaikamahine o Hate ame Helena no kekahi manawa lohi, ianei no o Helena e hele mau mai ai, a ma ka'u nana aku i kela mau kaikamahine ua pili aloha loa laua kekahi i kekahi.

            "No Helena, elike me ka'u i kamaaina ai. he u'i oia a @e kaikamahine naauao pu. he mea oiaio keia. ua like no kona naauao me ko kona makuahine. no ka mea. ua hoonaauao maikai like ia laua, me ke kupono loa no ka launa@na aku me na poai a ka poe kiekie a hanohano o ka aina.

            "He halehana nani ko Mrs. Simoa ma ke alanui Anuenue helu 90, he hale kela lole no na wahine. a iloko o na makahiki i hala oia kekahi o na halehana holomua loa, ilaila wale no na lole o na @@@@ maka hanohano o ke kulanakauhale nei e hoolale aku ai, a pehea la i halawai ai ola me ka haawina pakalaki o ka manawa a haalele ia halehana ana a hoi mai la a noho ma kela wahi hale a laua e noho mai nei i nei manawa. he wahi hale maikai no kela a laua e noho ma nei, ua kamaaina ia'u ka ona nona ia hale: he wahi hale aole o ke kulana nani loa aka he maemae no have. a o na lako hale oloko aohe no i nui loa."

            O keia Keoni Wilekona e kailio nei me Mr. Beniona oia no ke kanaka i halawai ai me Mrs. Simoa maloko o ka ululaau maloko o ke kuahiwi Adironadaka i ka makahiki aku mamua, a i hahana ai ka laua mau kamailio malaila oiai o ia e noi aku ana i ka wahine e hoi hou ae laua, a e hoopau hoi o Mrs. Simoa i kona manao hoomauhala a e kala aku iaia, a i moe loa mai ai no ka wahine i ka ole ahiki i keia la. au no e ka makamaka heluhelu e hoomanao la.

            "E Hoomaka koke aku oe i kau hana no ke kuai ana a lilo mai kela wahi i keia ahiahi no me ka hooliakalia hou ole aku in a he mea hiki ia. Ua makaukau au e lawe i kela hale kaupaku palahalaha i ka manawa e nee aku ai laua mailaila aku a e uku mau aku hoi i ka hoolimalima o ia hale. Ina e hiki ole ana ia oe ke kakau i ka palapala kuai a makaukau i keia ahiahi. oia ho ke ae mai laua no ke kuai ia wahi, haawi mua aku oe i elma haneri dala no ka hoopaa ana i ke kuai. i loaa ai ia laua ke dala lawa kupono no ko laua mau hoolilo. a mahope aku ninau aku oe i ko laua wahi e hoi aku ana e hoomaha no ke kau." wahi a Wilekona.

            "Ua pono kela : e hooko aku ana au elike me kau e makemake mai la, a elike hoi me na mea au i hoakaka mai la in a e hiki ana ia'u." i pane mai ai o Benona, a ia manawa hookahi nana iho la i kana uwaki a i mai la:

            "Ke manzo nei au o keia ka manawa kupono no kaua e holo aku ai noloko o ka paka elike me ia a kaua i hooholo ai."

            "Ua ponoia i ko'u manao, no ka mea, ke makemake oa aei au e hele aku iwaho ma kahi e loaa mai ai ke ea hu'ihu'i, i honi aku i na oluolu o na ululaau," me ke ku'iku'i naa ae i kona umauna a ihou mai la, "he keu aku a ko'u hauoli iho la no ko kaua hala mua ole ana aku nei, in a paha i hala mua aku nui kaua. a pela ka hoea ana mai nei o kela kaikamahine. aole kaua e lohe ana i keia mea hou, a aole no hoi e loaa kekahi mea na kaua e hana aku ai."

            "He mea oiaio hoi ia au i olelo mai la."a komi aku la oia i ke pihi uwila no ke kahea ana aku i ke kauwa e hele mai:

kaa i ka hanaia. in a ua makuku e @@(wwNnw" @@@@@@

            "E Pita, ua makaukau maua no ke kau ana aku mauna o ke kaalio i nei manawa, pehea ua paa mai nei anei kau kaa i ka hanaia. in a ua makaukau ea. kahea aku oe i ke kahukau e lawe ae i ke kaalio a mamua o ka hale."

            Elima minuke ma ia hope iho ua holo aku la ke kaalio

(Aole i pau.)