Ka Nupepa Kuokoa, Volume LIX, Number 27, 8 July 1921 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Na limahana no hawaii nei

Ua hookomoia aku iloko o ka ahaolelo lahui kekahi olelo hooholo hui, ma o na hooikaika ana a ke komisina hoopae limahana mai Hawaii aku nei, e apono ana i ka hookomoia mai o kekahi heluna o na limahan Pake no kekahi manawa maopopo i kaupalenaia no Hawaii nei ; ma na mea maopopo loa i ka nana aku, e hooholoia mai ana kela olelo hooholo hui, e hiki ai ke hookomoia mai na limalima pake ma keia mua aku.

Ua lilo ka ninau hoopae limahana i ninau koʻikoʻi oa ma Hawaii nei ; ua nui na ku-e i hoalaia ae iloko na wa kalaiaina no ka hookomo ana mai i na limahana iloko nei o ka aina, iloko no hoi o ia manawa hookahi, ua nui no na kakoo i haawiia maluna o keia ninau.

O ke kulana oiaio e pili ana i ka ninau limahana e ku nei i keia la, o ia no keia : O ka holomua o keia teritore, ua kaukaʻi aku ia maluna o ka oihana kanu ko me ka nana ole ae i na oihana mikiala @@@@@ iloko nei o ka aina. I wahi e hiki ai ke lawelawe @ana o na mahiko ma ke ano e holomua hana e pono ai.

Ma ka makahiki ak@@@@ hala, a komo wale mai nei no i keia makahiki na Kepani ame a na Pilipino i haalele aku i na hana mahiko, a huli hoi aku no ko lakou aina a kom@@ hoi kekahi poe ma na hana e ae ; nolaila ua hapa@@ mai na limahana o na mahiko, me ka hiki ole ke hoomauia aku, ka mahi nui ana i na ama kanu ko, no ka nele mai i na paahana, na lakou e hana, a e malama i ke ko.

Ua maopopo i ka poe e kue nei i ka hookomo ana mai i na limahana, ka pilikia o na mahiko i na limahana i keia wa, i wahi e hoomauia aku ai ke kulana holomua o keia oihana waiwai nui iloko nei o ka aina, o ka lako wale no i na limahana ; i wahi hoi e loaa ai na limahana, o ia ka hookomo ana mai i na Pake no Hawaii nei.

Ua maopopo no ia kakou apau, he hana emi o ka uka ka hana mahiko, a he luhi no hoi, me ka hoomanawanui ; o kekahi kumu nui keia i haalele aku ai na limahana i na hana o na mahiko, a imi aku la i kekahi mau hana e ae, me ka uku mahuahua ; pela kakou e ike nei i ka pokole i na limahana ; o ka imi ole aku i kekahi mau alahele, e hoopakeleia ae ai keia oihana mai ka poino mai, ua ae aku kakou e hoea mai i ka hopena o ka oihana kanu ko ma Hawaii nei ; aole nae ia he hana naauao, o na limahana i haalele aku i na mahiko ; i wahi e hookoia ai ia manao, pela iho la i uwaloia aku ai ka ahaolelo lahui, e kokua mai i keia pilikia.

Aole e hiki i na mahiko ke haawi i na uku hana kiekie i na limahana i keia wa, oiai ke kopaa e kuaiia nei me ke emi loa, o keia kekahi kumu paakiki o kaloaa ana o na limaha iloko ponoi iho nei o ka aina ; o na limahana wale no e loaa ai, o ia na limahan Pake, e kaukaʻiia aku nei, in a no ke apono mai o ka ahaolelo lahui, alaila e hookomo mai ia lakou ma keia mua aku.

Aohe a kakou mea e makaʻi ai, a e hopohopo iho ai paha no keia mau limahana i manaoia no na mahoko, no ka mea he manawa wale no ko lakou e noho hana ai ma HAwaii nei ; a ma na hana mahiko wale no lakou e noho hana ai, nolaila ua kaawale loa na hana e ae, a na limahana kamaaina e hopohopo ole ai, no ke kailiia mai ia lakou aku.

 

KA AUHAU HOU O KA NUPEPA KUOKOA

 

Ma ka helu o ka pule aku nei i hala, o ke kuokoa nei, i hoakaka aku ai makou no ka hoopii hou ia aku o ka auhau o ka nupepa he elua dala me ka hapalua iloko ae nei o ka mahina o Augate e hoea mai ana.

Mamuli o ia hoakaka, aole paha i maopopo pono i kekahi poe lawe nupepa kamau ke ano o keia hoopii hou ana ae i ka auhau o ka nupepa no ka makahiki no ia kumu, ua hoouna okoa mai kekahi poe, i uku piha i ka lakou nupepa no ka makahiki, he hapalua i koe a ua hoihoi hou aku makou ia hapalua i ka poe na lakou i hoouna mai.

No ka hoopau ana ae i na pohihihi, ma keia hoopii hou ana ae i ka auhau pepa, ua konoia mai makou e hoakaka hou aku, ma ke ano moakaka loa, e kuhihewa ole ai ka lehulehu,elime me keia :

O ka põe lawe nupepa kumau, i uku piha i ka euhai o ka lakou nupepa ahiki i ka lakope o Dekemaba o keia makahiki, aole a lakou uku hou ana he hapalua mawaho ae o ka elua dala a lakou i uku mua ai no ka nupepa no ka makahiki holookoa.

O ka põe hoi i uku no na mahina mua eono, ahiki i ka la hope o ka mahina aku la o Iune i hala, e kaawale ana lakou mai ka uku ana i keia hapalua hou i hooiiia ae no ka makahiki, in a e uku mai ana lakou, no na mahina i koe e hoomaka ana mai Iulai aku nei, iloko o keia mahina ; aka o ka poe e hookaa ole mai ana lakou e uku mia he hookahi dala me ka hapaha no na mahina eono i koe o keia makahiki.

Ua hoike aku makou i na kumu o keia hoopii hou ana ae i ka auhau pepa no keia nee ana aku, a he mea hauoli na makou ka olelo ana ae, no ka loaa ana mai o na hooia ana mai ka lehulehu mai o ka poe lawe kumau i keia pepa no ko lakou apono ia kau hou ia ana iho he hapalua no ka makahiki ; mamuli o ko lakou ike maoli ana i ke kupono o keia hoopii hoe ana ae i ka auhau , no ka nui o na mea heluhelu a keia pepa e panee mau aku nei imua o na Hawaii, i jela ame keia pule.

"Makepono ka lilo ana o ke dala i ka mea maikai," wahi a kekahi mea o ka hoea kino ana mai no keia keena, no ka uku ana iho i keia hapalua hou i hooiia ae o ka nupepa no ka makahiki, oiainae a uku piha oia no kana nupepa ahiki i ka la hope o Dekemaba, ua hoihoi hou aku makou i kana hapalua; a he lehulehu o ka poe o ia ano hookahi i makaukau e uku mai keia hapalua, ua hoole a@u nae makou i ka lawe ana mai ahiki i ke komo ana i keia makahiki ae, mahope o ka pau ana o ka manawa, maka lakou uku mua ana.

O keia hoopii hou ana ae i ka auhau pepa no ka makahiki, mai ka mahina aku o Augate ae nei, no ka poe ia e uku ole mai ana i ka uku piha o ka makahiki elike me ka auhau kahiko o elua dala; a pela hoi me ka poe hou, akahi no a hoomaka e lawe i ka nupepa mahope aku o keia mahina, nolaila me keia mau hoakaka maopopo loa, ke manao nei makou, ua lawa loa keia, e hoopauia ae ai na pohihihi apau; aka nae, in a no he mau kanalua kekahi, a mau pohihihi paha, ua makaukau mau makou e hoopau aku ia mau pohihihi i na manawa apau, ke hoikeia ma i keia keena.

He wa kupono loa keia, no ka poe e noho aie nei i ka Nupepa Kuokoa, no keia mau mahina eono e nee nei, e uku koke mai ai iloko o keia mahina i ko lakou koena aie, o ka hoopaneenee wale ana a hala keia mahina o Iulai nei, e konoia ana ka poe i noho aie no ka makahiki holokoa e uku mai he elua dala me ka hapalua a he hookahi hoi dala me ka hapaha no na mahina eono i koe.

@@ ekolu wale no pule koe e hawiia aku nei no ka @@ noho aie nei i ka nupepa e uku mai ai i ko lakou @@@ ka la 1 o ka mahina o Augate ae nei, e uku hou ma lakou he kapaua, a he hapaha paha, elike me @@@@@ o ko lakou aie, no ka mahakihi holookoa, a no na mahina paa eono.

 

MALUNA O NA HAWAII KA HOOKO ANA

 

Ua maopopo loa ka lilo o ka bila hoop@pula i na Hawaii i kanawai, no ka mea ua hooho mai nei na hale kaukanawai a elua o ka ahaolelo hui; o ka kakou wale no e kakali aku ai o ia ka pea mai i ka wa e hooko maoli ia aku ai ke kaua ai hoopulapula ma Hawaii nei.

Aole he kahua e ae o ka hookoloia ana mau o ka bila me ka maalahi loa, mamuli no ia o lilo ana o ka hana hoopulapula i na Hawaii i hana hoao, no na makahiki elima, in a paha e hoi i'o aku ana na Hawaii, a hookuonoono ma na aina i hookaawaleia maloko o ka bila, aole paha; a in a e holomu i'o ana lakou ma ia noho hookuonoono ana aole paha.

He pomaikai nui keia a ka ahaolelo lahui, i ae mai la e loaa i na kanaka Hawaii, nolaila ua ili iho ke ko'iko'i maluna o kakou ponoi, ka hoike ana ae, aia i'o iloko o kakou ka iini ame ka makee e hoopulapula i keia lahui kanaka, a e loaa hoi he kulana ulakolako, a kuonoono o ka noho ana ma keia mua aku.

Elike no nae me ka keia pepa i hoakaka mua aku ai i kona manao, pela no ia e hoike hou aku nei, he mea makehewa i ka poe nele a hemahema, me kekahi mau dala mahuahua a lakou i hoahu ai, ke manao e hoi a noho maluna o kela mau aina, me ka nana ole i ka lakou hana, he mahiai paha, a i ole he hanai holoholona paha; e kauka'i ana hoi i na kaukani dala ekolu a ke aupuni e kokua mai ai.

Malia paha ke manao kuhihewa mai nei kekahi poe Hawaii o kela mau kaukani dala a ke aupuni e kokua mai ana, o na dala ia a lakou i hilinai aku ai, no ka pono o keia hoi ana aku e noho maluna o na aina hookuonoono, maloko o keia bila hoopulapula, he manao pololei no ia ma kekahi ano, no ka mea hooiloia ana ia mau kaukani dala, no ke kukulu ana i home, a no ka hoolilo ana aku, no na mea i pili ponoi i ka aina, e laa na meahana, na holoholona a mau lako e ae paha, no ka hoopuni ana i ka aina me ke pa; aka aole loa e hooliloia he hookahi keneka o kela mau dala, no ke kuai ana i ai, i i'a a i mau lole aahu, maluna iho o ka mea hookuonoono, ke ko'iko'i o ka hoolako ana iaia iho ame kona ohana no ke ola o ka lakou noho ana, me hana mau dala ponoi, a mamuli paha o na kokua ana mai a kekahi poe okoa.

No ka põe i makaukau i kekahi mau huina dala mahuahua no lakou ka keia pepa e hoeueu aku nei, a i hoea mai i ka wa e makemakeia ai na hawaii e hoi ma na aina hookuonoono o Molokai, ame Hawaii, mai hoohakalia i keia manawa maikai mua loa, i waihoia mai imua o oukou, no ka hoi koke ana aku, a imi aku i ko oukou, mau pomaikai maluna o kela mau aina, a e hooiaio mai imua o ke akea, he poe i'o na Hawaii i makee e hoopulapula ia lakou iho.

O ka holomua e loaa ana ia lakou, iloko o na makahiki mua elima ma keia hoao ana, e wehe hamama ae ana ia i ke alahele, e wehe hou ia aku ai he mau aina okoa ae, a e konoia aku ai hoi na Hawaii, i loaa ole ko lakou mau aina hookuonoono, e hoi aku a noho maluna olaila.

 

E akahele i ke kuai ana i na kea iloko o na hui aila, mai na akena mai o na hui aila lehulehu maloko nei o keia kulanakauhale. O Amerika aku la kahi nui o ke dala, e hiki ai ke hoolawaia ka makemake o kela mau hui, me ke kumuwaiwai no ka hoohana ana aku, me ka maalahi loa; aka nae. manao mai la ia Hawaii nei, ma kahi he mau kaukani nile ka mamao mai Texas ame Oklahoma mai, o keia iho la kahi e kuai mai ai i na kea i na makaainana o keia Teritore. He mau kaukani o na hui aila i poho o ka wa ae nei i hala; o keia ike i loaa mai o ka wa i hala, he mea kokua mai ia i ka noonoo ana aku i ka mea pono e hana aku ai, no ka wa e hoea mai ana!

 

Nuhou Kuloko

 

Ma ka Mauna Kea o ka Poakolu nei, i holo aku ai na kahu ame na elele no ka ahahui paeaina e noho mai ana ma Hilo ma nehinei.

 

Nui na limahana e noho hana mai nei ma na hale hana halakahiki ma Iwilei iloko o keia mau pule mamuli o ka holokou mai o ka pala ana o ka halakahiki.

 

Ma keia Poaono, e hoolaaia ai ka Pake Kilauea ma Hawaii, he @@@@@@ nui o na malihini mai Amerika mai, @@@ i Hawaii nei, mamuli o kela hana an@ nui.

 

I k@@@@ ai me na hoike i loaa mai i Hono@@@ nei, ua hoolawaia aku ka ka mahi @@@@kahiki o Haiku, Maui, me limahana ma o ka nui i na keiki kula i hoo@@@@ aku no Maui i keia wa hoomaha.

 

Ke haawi aku nei o Mr. J. K. Mokumaia i kona @@omaikai nui u na wahine opio i ka@@@ mai iaia, ma ka holo pau ana, no ka hoohanohano ana i ke Kiaaina Farr@@ton, ma ke Poelua aku la i hala.

 

Maluna o kona wahi@@@@ maloko o kona rumi hoolimalima, ma ke alanui Papu e kokoke la i ke la@ui Viaia, i loaa aku ai ke kino make o kekahi haole kahiko nona ka inoa o John Bull, ma ke kakahiaka o ka Poakahi nei.

 

Ma ka Poalua nei, i loaa aku ai ke kino make o kekahi haole me ka paalole o ka oihana kaua, e lana ana maloko ae nei o ke awa, a ua ikeia he luina oia noluna o kekahi moku@olo o ka oihana kaua i nalowale.

 

Imua o kekahi heluna nui o na kumukula, i akoakoa ae ma ke kula kumu ma ka Poalua aku la i hala, i haawi ae ai ke Kiaaina Farrington i kekahi haiolelo ano nui, e pili ana i ka oihana hooneauao ma Hawaii nei.

 

He elima haneri ka nui o na kumukula Kepani i hoea ae no ko lakou hoikeia i ka makaukau i ka olelo Beritania, ma ka Poalu nei, no ke hooko i ka makemake o ke kanawai i @@ holoia, ma ke kau ahaolelo aku la.

 

I ke ai me ka loaa kelekalapa o ka ana mai la E. D. Tenney, ka pe@e@ o ka hui oCastle & Cooke, ma ke kakahiaka o ka Poalua aku la i hala ua kauinoa mai la, ka ke Peresidena @@ing i ka bula hoopulapula i na Hawaii.

 

Mamuil o ke @@@i loa o ka hooholo ana mai o ka aha@a lahui i ka bila haawine o ka oihana kaua ua hoomahaia aku na limaha he ewalu haneri ka nui, ma Ouu@@@ nei, ahiki i ka maopopo ana mai ka haawina dala.

 

E hoomaka ana ka@@@@ ae nei o Augate e hoopii kou @@ ana ka uku o ka Nupepa Kuokoa @@ elua dala me ka hapalua o ka @@@hiki. O ka poe i ukumua i ka lakou @@pa no ka makahiki holookoa, a e @@@@ ana paha iloko o keia mahina o @@@ no na mahina aku i koe, aole i pili lakou keia hoopiiiia ana ae o ka uku o ka pepa no ka makahiki.

 

I kulike ai me ka lono kelekalapu i loaa mai ia Mrs. Senatoa Chillingworth, ma ka Poakahi iho nei, i hoea aku ai o Charles F. Chillingworth Jr., ka laua keiki, a halawai pu me kona makuakane ma Wahinekona, me ka hoohala ana o ka makuakane me ke keiki i ko laua Pokiulai, ma kela aina malihini.

 

Mauka ae nei o Kalihi, ma ka Poakolu aku la i hala, Iulai 6, i kipa ae ai he malihini hou iloko o ka ohana o Adam Kealakai Jr. ame Mary Ageness Lealoha Kaukala, he kaikamahine nepunepu nona ka inoa o May Catherine Kahakukaalani Kealakai. E ukaliia na la o ke ola ana o ke kama, me na haawina pomaikai he nui iloko o ke au o ka noho kiaaina ana o Wallace R. Farrington.

 

AHA'I KA MAKALA AME KA HEALANI I KA LANAKILA

(Mai ka @@@@ Ekahi mai).

 

holo ana o na waapa, ua @@@ aku la ka Healani a kaa mamula, ma ia kulana kela waapa, ahiki wale no i ka pahu eo, me ka lilo o na hooikaika ana a na waapa o Hilo, me ka Makala, i mea ole.

O ka mea hookahaha ma keia heiehi ana o na waapa o ka papa elua, o ia ao ka haule ana iho o ka manawa o na waapa o ka papa ekahi, he hookahi sekona, ma keia ano iho la, i lilo ai ke kiaha makana, i na keiki o ka Healani.

O ka heiehi waapa ekolu, ua kaa hou ke eo i ka waapa o ka Makala, a haule na waapa elua o Hilo, aole i komo ka Healani ma kela heiehi.

 

Nukou Kuwaho

 

NU IOKA, Iune 30. Ua hoike ae ke keena o ka mea helu waiwai i keia la, ua hiki aku ka waiwai o Andrew Carnegie i make, ma kahi o ka 22,151, 000, o ka hapanui ma na waiwai wale no i hoopaaia.

 

LADANA, Iune 30. Ua lokahi na hakuhana ame na enekinia ma kekahi aelike ukuhana, oiai e kakaliia ana o ka hopena o ka niaau hoemi ukuhana, ma ia ano iho la, i hoopauia ai ka manao olohaui, elike me ia i hoikeia ae ai i keia la.

 

KAPALAKIKO, Iulai 3. Na kekahi pauahi i holapu ae i ka manu ame ka palaoa ma Kalepono akau, i pahola aku no kekahi mau eka he mau kaukani. Ua oi aku na poino i ka $1,000,000. Lehulehu wale ka home i pau i ke ahi.

 

VALLEJO, Cal, Iulai 1. Ua ku @halie na hana apau ma ka pa o ka oihana kaua ma ka Mokupuni Mare, mamuli o ka hoohakalia o ka hooholoia ana o ka bila haawina o ka oihana kaua. He ewalu kaukani me hookahi haneli mau limahane i hoomahaia aku.

 

LADANA, Iulai 1. I keia la i apono ai ka Hale o na makaainana e haawi i 10,000,000 paona i ka poe eli lanahu, he kokua no ka hooponopono ana i ka aelike olohani. E hooliloia ana kela mau dala no ke kokua ana i na kanaka hana oiai e hooponoponoia ana ka hoemi ukuhana.

 

ABERDEEN, S. D., Iulai 3. Na kekahi makani tornado o ka pa ana mai ma Ferderick, S. D, i pepehi i kekahi kanaka a make me ka hookau ana aku i na poino maluna o na waiwai a oi aku mamua o ka $100,000. He eiwa poe i hoehaia e ka makani ma Aberdeen, a ua hiki aku ka nui o na poino maanei i ka &350,000.

 

WAKINEKONA, Iulai 1. Wahi a ka Lanamakaainane Johnson, ua ike oia i ka ha'uha'u o na wahine i ke kikalike maloko o na hokele, ame na haleama, ua oi aku ke ino o ke puhipaka mamua o ka wiseke. E a'o ana na kaikamahine o na kula kiekie i ke puhi ana i ka paka, a i ke hoi ana mana home e a'o aku ana i na kaikamahine e ae i ke puhipaka.

 

WAUKEGAN, Ill., Iulai 1. I keia la i hopuia ai e H. C. Bermer, he mea helewawae a hoepa'iia e uku i huina $7.40 no kona koao ana e a'e ma kekahi aoao o ke alanui, a hooku'i i kekahi kaa otomobile. Ua laweia ae oia imua o ka aha hookolokolo, mahope iho o ka wa hiia ana o kona poo i eha. O ke kumu hoopii o ia no ka hooku'i ana aku i ke kaa otomobile.

 

NU IOKA, Iulai 2. Ua olelo ae o Ter@ Rickard mahope iho o ka pau ana o ka hakaka, ua hoolala oia no ka makamaia aku o kekahi mau hakaka ku'oku'i puupuu no ka inoa moho ma Jersey City, mamua ae oka La o na Limahana, me kona makaukau e hakaka hou o Dempsey ame Willard, ke aa nae o Willward.

 

LAWRENCE, Iulai 2. Ua olelo ae o Jess Willward i keia la, ua makaukau loa oia e ku aku e hakaka me Dempsey, ma ka la o na limahana.

 

PARISA, Iulai 2. Ua lilo ka hau @@ ana o George Carpenter i kumu e @@ @olekeia ai koonei poe. Ua hoo@@@@ loa ia ka manao o ka puulu @@@@ me ka noho mumule. Ua noho @@@@ a ka Madane Carpenter uhiki @@@@ ana aku o ka nuhou o ka puhi e@@. Ma ka oleloia, ua lilo kela nuhou i @@ hoopilikia mai iaia. O kona @@@@ nui loa, o ia no kona hoea ole ana mai me George.

 

KAPALAK@, Iulai 3. Ua ae okoa ae o Robert D@urton, kekahi o na kanaka elima o @opuia anaa ma San Jose, Kaleponi, @ kona kokua ana aku, ma ka hoopae @lu ana mai i na Pake eono iloko o @erika Huipuia mai Mekiko mai; i ke ai me na hoakaka a ana luna oiha@@ @ederala, he lala oia no kekahi puu@@ opae malu, ma Calexico, Kaleponi, no @ hoopae malu ana mai i na Pake.

 

BARTON, N. J. Iulai 4. @ mau kaukani o na kanaka i lululima me ka Peresidena Harding i keia la aia ka Peresidena ke hoohala nei i ka @ kulaia ma ka home o Senatoa Fre@@@ @uysen aanei. Ua hoole oia i ka haawi ana i kekahi haiolelo akea, ke hoolilo nei oia i kona manawa e loaa he wa hoomaha kupono, me ka hele ana i ka paani popo golf.

 

ATALANTIC CITY, N: J. Iulai 4. Ma ka haiolelo a Kauka W. H. Gelaton o Camden imua o ka ahahui kauka niho o New Jersey Ctiy ma ka ahaelele i noko ma keia la, i olelo ae ai oia, o ka nau i ka paka, kekahi mea maikai loa e popo ole ai ka niho, elike me ka ike i loaa ma kela oihana. Wahi ana, e hoopauia ana ka hoohanaia ana o ka paka, e oi loa aku ana nama'i o na niho.

 

LAWE KE KIAAINA HOU I KANA HOOHIKI OIHANA

(Mai ka aoao Akahi mai).

ka'i ana o ka huakai, ma ke alanui Kekailike no ke alanui Moi, ma ke alakai ana a ka bana puhiohe o ka Pualikoa Helewawae 27, me elua mau pualikoa mahope aku.

E ukali aku ana mahope o kela mahele o ka huakai, ka bana o ka oihana kaua mailalo mai o Puuloa, me kekahi pualikoa o na koa marina, me elua mau pualikoa o na luina, alaila ka Bana Hawaii aku, a o ke kaa mai o ke kiaaina, me na wahine holo pau mamua, a ma na aoao o ke kaa, malalo o ke alakai ana a Mr. J. K. Mokumaia.

He ku i ka nani kela hiona o ka huakai ke nana aku, a mahioe aku hoi o ke kaa o ke kiaaina, ne lala o ke Kalapu Hoolaha, me ko lakou lole makalike, na Kepani lawelawe oihana mai o keia kulanakauhale, ame na kaikamahine Korea.

Hoea no ke Kapitala

Ma cela âme keia aoao o ke alanui @@i olai ka huakai e ka'i ana, e haawi @@@ mai ana o Kiaaina Farrington, i kona aloha i ka lehulehu, ma ke ani ana i kona papale, me ka minoaka mau hoi ma kona mau papalina, a me ka aoao hoi o na makaainana e haawi mau mai ana lakou i na pa ipa'olina ana, me na manao ohohia.

I ke komo ana o ka hiakai noloko o ka pa'lii, ua hookuene kela ame keia mahele ma ko lakou may wahi i hookaawaleia, me ka haawi ana mai hoi o ke anaina kanaka i na leo huro, i ke kiaaina hou.

I ke Kiaaina Farrington, e pii aku ana ma na anuu o ke alapii, i mele mai ai ka Ahahui Hale o na Alii o Hawaii i kekahi himeni, aia aku hoi maloko o ka holo o ka Hale Mana Hooko, e ku mai ana na lala o ka Ahahui Mamakakaua, a i ka pau ana o ke himeni i pii aku ai oia, a komo iloko o ka hale, no ke komo loa ana aku noloko o ke keena o ke kiaaina, aia hoi o Kiaaina McCarthy me ka Lunakanawai Kiekie Coke, e kakali mai ana o ka hoo@ aku o ke kiaaina hou.

Lawe i ka Hoohiki Oihana

Ua hoohalaia kekahi manawa pokole mawaena o na kiaaina elua, ma ke kukakuka ana i ka papa hana no ka hoonoho oihana ma kela kakahiaka, me ka heluheluia ana ae o kekahi palepala mai ke Kaukauolelo Albert Fall mai o ke keena Kalaiaina, e haawi mai ana i ka mana i ke kkiaaina hou, e hoomaka koke aku oia i na hana o ko@e kulana hou; o ka puka mai la no ia o na kiaaina a elua, me ka Lupakanewai Kiekie Coke, no kahi o ka awai i kukuluia ai.

Mahop iho o ka lawe ana ae i kana hoohiki oihana, i haawi mai ai ke Kiaaina Farrington, i kana haiolelo i haku ai e hoakaka ana i kona mau manao, maluna o na kahua o kana hookele aupuni ana, ma ke ano he poo no ke aupuni Teritore, he haiolelo ho i haawiia aku ai na pa'ipa'i ana, e ka lehulehu, no ke akea ame ke kuli'u o na manao i hakuia.

 

E HULI PONO IA AKU ANA KE KUMU O KA MAHUKA ANA

 

Mamuli o ka holo mahiki mau o na Pake mailuna mai o na mokuahi, e ku mai ana i Honolulu nei mai Kina mai me ka maalahi loa, e huli pono ia mai ana ke kumu o kela mahika ana o na Pake, e kekahi mea e hooupaia mai ana mai Wakinekona mai no Honolulu nei.

He umi-kumamaono ka heluna nui o na Pake, i holo mahuka mai na mokuahi like ole mai iloko o na pule kakaikahi ae nei i hala, ma ke ano pohihihi loa.

Mamali o na manao hoohuoi, ua huliia oloko o k hale pepehi popo mauka ae nei o Kalihi e na luna oihana federala, a loaa aku he elua mau Pake, me hookahi hoi Pake i loaa ma ka Hokele Iana.

Ma ka oleloia, he hookahi Pake, i pakele mai na kanaka aku o ke aupuni ma kela manawa, me kona loaa ole ma hope mai o ne Pake o ka paa ana i ka hopuia, ua hoihoi hou ia aku no Kina.

Ma ka manaoio o na kanaka o ke aupuni, aia kekahi huina dala mahuahua i aawi a i ka poe e hiki ana ke hoomahukui na Pake, me ka maalahi loa, pela iho la i nui ai na Pake @@huka, me ka paa ole i ka hopuia.

 

NA MA@E

 

Joe Malailua ia Lydia Costa, Iulai 2.

Yee Lum ia Jennie Elia, Iulai 2.

 

NA HANAU

 

Na Joseph Kaolulo ame Lei Hoomana he keikikane , Iulai 1.

Na Geoirge Tripp âme Lydia he keikikane, Iulai 4.

Na George Meheula âme Kealoha @@@ he keikikane, Iulai 4.

 

NA MAKE

 

Flor@ Himeni ma ke alanui Hokele me K@alike, Iune 30.

Ka@@ Lohelani ma ke alanui Ololi Aala Mai 3.

 

NU IO@@ Iulai 3. Ma keia po, hoike ae ai o @@@ Richard, ka mea nana i hooponopono o ka hakaka kuʻikuʻi puupuu mawaea o Carpenter ame Dempsey, ua hiki @@ku kona puka, no kela hana ma kahi@@ ka $500,000. O na hoolilo o na ano @@@, ke $950,000, na loaa he $1,000,000.

 

KAA KE EO O KA HAKAKA I KA MOMO AMERIKA

(Mai ka aoao @@@@@ mai).

loaa hou aku la nae oia i kekahi @@@ puu, a hina aku la me ka moe pa@@@@ ana  okona alo ilalo.

Ua hoomaka hou ka lanakaaawai e helu ahiki i ka ewalu, o ka wa la i hooikaika ae ai ka moho Palani e ku iluna, aole ae he hiki, ua hina hou iho ia oia ilalo o ka papahele, me ka lawe ana aku o ka moho Amerika iaia, ahiki ma kona kihi o ka @ina hakaka, o ke kaa ae la no ia o ke eo ia Jack Dempsey, me ka pay ole aku o na puni hookoloia ai no ka hakaka ana o na m@@o

Piha i ka Poe Makaikai

Iwae@a o na hakaka kuʻikuʻi puupuu apau i malamaia ma Amerika, o kela hakaka mawaena o ka moho Palani me ka mo@o Amerika, ka hakaka i ike maoli ia ai ka hele a puha i ka poe makaikai.

Mamuli wale no o ka hiki ana ia George Carpenter ke hoomanawanui, pela iho la i hiki ai ka moho Palani ke ku mai imua o Jack Dempsey, mahope iho o ka ekolu o na puni, no ka mea ua maopopo loa iaia, he hookahi no @opena e loaa aku ana iaia ma kela hakaka, o ia no kona haulehia malalo o ka ikaika ame ke akamai o ka moho Amerika.

Oiai o Jack Dempsey, e haawi mau aku ana i kana mau puupuu mahanahana i kona hoa hakaka, i ka eha o na puni, ua hoopaiakuliia oloko o ka @ina hakaka e na leo huro, no kela ame keia moho, a i ka wa i maopopo ai ua @@@ ka lanakila ma ka aoao o Dempsey, sua oi loa aku ka nui o na leo hu@o, me ke ku ana o na mea apau iluna mai ko lakou noho ae, e ake ana o ka pulu aku ma ka aoao o ka moho lanakila/

Moliona a oi Dala ka Loaa

Ua hiki au ma kahi o ka $2,600,000 sala i ohiia mai ka poe mai i komo maloko o kela hakaka, o na noho keia ma kahi o ke 91,600, ua pau loa i ka lilo, me ka nana ole ia ae o ka @@@ o ke dala e uku ai no ka noho.

Mailoko mai o keel mau dala i loaa no ka hakaka mawaena o na moho o Palani me ko Amerika, e loaa ana ia Jack Dembpse, he $29,000 no ka mi@@ke ma kela hakaka ana, a he $19,000 o ka minuke e loaa ia George Carpenter. O ke kuleana o ke aupuni iloko o ka loaa o kela hakaka, e oi aku ana mamua o $400,000, e komo pu ana iloko o kela huina, mai ia Dembpse aku, he $160,000, a mai ia Carpenter aku he $&000, a he $160,000 mai na tikiki aku i kuaiia.

 

LILO KA HOKELE I KA HUI MOKUAHI HOLO PILI AINA

Ua hiki no ke oleloia ae, o ka hui mokuahi holo pili aina, ka on a o ka hokele o ka luapele, no ka meaua kaa mai malalo o ka malu o kela hui mokuahi ka hapanui o na mahele o kela hokele

Ma ka poaha o ka pule aku @@@ @ hala, i lilo mai ai ma ke kuaiia ana ma ke kudala akea, i ka hui mokuahi holo pili aina, ma Hilo, Hawaii, na mahele he 1204, no lakou hoi ka huina o $28,528. He 1130 mahele i kuaiia ma kahi o ka $24. pakahi, a he 74 hoi mahele ma ka $19 pakahi; o ke kuleana o ka hui mokuahi holo pili aina i kela hokele, ua oi aku ia mamua o ka hapalua, o ka huina kumuwaiwai i hooliloia ai no ke kukulu ana i ka hokele.

O ka manao nui i kuai ai ka hui mokuahi, i kela mau mehele o ka hokele, mamuli o ka manaoio ana, o kekahi ia o na hana e holopono loa ai, ka oihana hoopukapuka; o ia hoi, o na malihini makaikai, e makemake ana e holo no ke nana ana i ka luapele, e hoiia ana lakou e uku i kekahi kikiki, e hoopukaia ana e ka hui, me ke komo pu o na hoolilo apau maloko e ke kikiki, e l@@ ka ukumoku, ka uku kaa otomobile, ane ka noho ana i ka hokele ma Hilo.

Oiai e lilo aku ano ka Paka Kulauea i wahi maikaikai nui ia e ne malihini e kipa mai ana i Hawaii nei ma keia mua aku, ua manaoio ka hui mokuahi holo pili aina, e piha mau ana kela hokele i na malihini, a ua makaukau pu hoi lakou, e hana aku i kekahi mau hooponopono ana ao kela hokele, e oi ae ai kona kupono ma na ano apau, i ko wa e ku nei i keia manawa.

 

@OOKOHUIA O HARRY @URRAY I LUNA KUKEAWA NUI

(Mai ka aoao 1 Mai)

aupuni kalana, ua kohoia oia i kakahuolelo no ke Kalana Honolulu nei, aka mamuli o ke ku ole o ke kanawai kalana i ke kanawai, ua lilo wale kela hokoia ana, i mea ole.

Ua kohola oia mahope mai, i lunanui no ka oihana wai o ke kalana, he kulana ana i paa ai, a na ke kaa ana o ka mana hookele i ke aupuni kalana i na Demokarata, i pau ai oia mai kela kulana mai.

I ka wa i komo ai o Amerika i ke kaua me na aupuni o Europa, ua komo kou oia i ka oihana koa ma Honolulu neu, me kona kohoia ana ma ke kulana kapena.

Ma Honolulu nei no kona wahi i hoo@@@aoia ai, ua puka pono mai  oia mailoko mai o ke kula o @@@ Lui, i ka @@@@, a ua ma@@ ia Ellen Holt, ke kaikamahine a John D. Holt i kamaaina keia kulanauhale.