Ka Nupepa Kuokoa, Volume LIX, Number 26, 1 Iulai 1921 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

 

 

TERITORE O HAWAII.

 

KEENA O NA PUUKUU, HONOLULU, OAHU

 

            Ma ka hana e hoopau ana i ka Aala Dry Goods Company, Limited.

            OIAI, oka AALA DRY GOODS COMAPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kauawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei kw hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ke hora 12 awakea o ka la 31 o Augate, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

DELBERT E. METZGER,

Puuku, Teritore o Hawaii

            Honolulu, Iune 22, 1921.

6457-Iune 24; Iulai 1, 15, 22, 29; Aug. 5, 12, 19, 26.

 

TERRITORE O HAWAII

 

Komisina I’a me Manu

 

            I kulike ai me na manao o ke Kanawai 72, na Kanawai Ahaolelo o 1921, ma keia ke hoolahaia aku nei na rula ame na hooponopono ana mahope ae nei e ke komisina i’a ame manu o ke teritore o hawaii:

Rula 1. No ka Hoopakele Ana i ka Oopu.

            Pauku 1. Ma keia ke kukalaia aku nei aole i ku i ke kanawai no kekahi mea ma kekahi manawa mamua ae o Iulai 1, 1923, ka lawai’a ana ma na ano apau, a i ole, ka lawe, ka pepehi a malama ana paha, kane a wahine, i kekahi oopu anuenue a ano opuu e ae paha i laweia mai Kokee, Kauaikinana, Kawaikoi, Waiakoali, Mohihi mai, a mai kekahi mai paha o ko lakou mau mana kahawai mai paha o ko lakou mau wale no apau i ka Muliwai o Waimea e waiho la ma ka Mokupuni o Kauai.

            Pauku 2. Aole e ku i ke kanawai na kekahi luna oihana o ke Komisina I’a ame Manu o ke Teritore ka lawe ana, a malama aku paha malalo o kona mahu i kekahi o keia mau oopu,i ka wa e laweia mai ai no na hana nana pili akeakamai.

            Pauku 3. O kekahi mea e ku-e ana i kekahi o na manao o keia rula e manaoia no ua pili ka hewa mikamina iaia, a ke ahewaia no ia mea, e uku no oia i ka hoopa’i aole e oi aku i ka $100.00, a i ole ma ka hoopaahao ana iloko o ka halepaahao kalana aole e pa’i dala me hoopaahao; a o na dala apau i ohiia mai ma na hoopa’i e hawaiia aku no i ke Komisina i’a ame Manu, e hoohanaia aku no ke kokua aua i ka hooko ana i na kanawai i’a ame manu.

            Aponoia ma ka la 17 o Mei, 1921 e ke Komisina I’a ame Manu.

                        H. L. KELLY,

                        Luna Oihana Hooko.

            Aponoia i keia la 23 o Iune, 1921.

                        C. J. McCarthy,

                        Kiaaina o Hawaii.

            Honolului, T H.

6458-Iulai 1.

 

HOOLAHA

 

            I KA Poe e Nana Mai Ana i Keia:

            Ua kukulu ae na mea no laua na inoa malalo iho nei, ma ka la 11 o Novemaba, 1920 he hoa-hui, malalo o na kanawai o ke Teritore o Hawaii, i ikeia a i kapaia ka EUREKA EXTERMINATING PLANT, no ka lawelawe ana aku i ka oihana hoomake i na mu ai laau ame na mu e ae mai na piano, na lako hale, na buke, a pela aku, me ke keena poo ma ka Helu 2298 Alanui Booth, Honolulu, T. H.

                        ANDELL O. PLATT

                        JAMES D. CAIN.

            Honolulu, T. H. Iune, 20, 1921.

 

HOOLAHA.

 

            Hookahi pipi keiki eleele ame keokeo i hoopaaia maloko o ka pa-aupuni ma Kalihi, alanui Moi me Kamehameha IV e kuaiia aku ana m ke kudara akea, ma ka Poaono, Iulai 2, ma ka hora 12 awakea.

 

Kela Laau Kaulana

B.B.C.

            He laau i hoohuiia o na launahele, laau e hana pu ana me ka hana a ke Akua, he hoomaemae a hooikaika ae i na mea paahana holookoa o ke kino, e kipaku ana i ka ma’i kino ame na ma’i ili wale mai, e haawi ana i ke kino i ka ikaika, ke ola ame ka mana i na aalolo.

            E hoopiha ana ka B.B.C. i ke kino me ka ikaika hao o ke ola ame ka ikaika o nala opio. Ua hoolaia na poe nawaliwali ma na manawa lehulehu mahope o ka inu ana he mau pule wale no. Ua aponoia e na kauka kaulana he nui ame na kanaka iloko o ke ola lahui ana. O ka B.B.C. ka laau kamahao loa ma ke ao.

            KUAHA MA NA WAHI APAU.

 

LEHULEHU NA KEPANI AME NA PILIPINO I HAALELE MAI.

 

            Ua oi aku maluna o ka 500 mau Kepani ame Pilipino limahana a mau ohua ee pakeke i kaawale mai ke Teritore aku o Hawaii no Japana ame Manila maluna o ka mokuahi Persia Maru ma ka Poalua, nei a maluna o ka Mokuahi Taivo Maru kekahi e haalele iho ana ia Hawaii nei ma ka la 8 o Iulai.

 

E PONO E HOOLIMALIMAIA NA AINA KANU KO.

 

            Ina no ka holo o ka bila hoopulapula i ka ahaolelo a kakauinoaia e ka Peresidena, na ke kiaaina hou ame kona aha kuhina e noonoo a hooholo ka mea e pili ana i na aina mahiko o Kekaha, Honomu, Waimanalo ame Piihonua no ka hoolimalima hou ia aku paha i na mahiko a i ole hookaaweleia ae paha ma ke ano he mau aina home hookuonoono.

            Maloko o ka bila elike me ia e ku nei i nei manawa, nohe mau aina maopopo i hoakakaia e hoolimalima hou ia aku ana ka mahiko i mea e loaa mai ai ke 30 pakeneka no ke kokua ana i ka hana hoopulapula. Ma ka nanao o ka pauku 212 o ke kanawai mailoko mai o na dala loaa apau o na hoolimalima mai na aina mahiko mai apau e laweia ae ke 300 pakeneka a hoahu ma kekahi waihona ahiki na dala i hoahuia ma ia waihona i ka $1,000,000, elike me ka hoakaka a ka pauku 213 ma kela bila.

            Ma ia nao o na aina kupono apau i ka mahiko e hoolimalimaia aku ana ke 30 pakeneka mai na uku hoolimalima mai, elike me ka hoakaka a ke komisina aina. o na aina mahiko o Kekaha, Waimanalo, he mau aina maikai loa no ka mahi ana i ke ko a pela hoi me na aina o Honomu ame Piihonua, ua makaukau loa ia mau aina no ka noho hookuonoonoia ana aku, eia nae, no ka hoolimalimaia aku o ia mau aina a no ka hookuonoonoia aku paha no ka aha kuhina hou ia ninau e hooholo mai. Ua makaukau ke keena aina e ana aku i keia mau aina me ka nana ole aku i ka manao o ka bila hoopulapula. Ina no ka hooholoia mai o ka bila, ka ninau e pili ana i ka hookuonoonoia ana aku a hoolimalima hou ia aku paha o ia mau aina na ke kiaaina, ke komisina aina ame ka papa aina ia e hooholo.

            Ma ka la 1 o Iume i pau ai ka hoolimalima o na aina mahiko o Kekaha nona ka ili 4600 eka; ma ka la 22 o Novemaba e pau ai ka hoolimalima o 2200 eka ma Waimanalo, ma ka mahina o Augate i hala ka pau, ana o ka manawa hoolimalima o 800 eka ma Honomu, a o ka hoolimalima o Piihonua o 1200 eka, ma ka mahina o Maraki i hala aku la ka pau ana o ka, manawa. Ua pau kela mau aina ma Kekaha i ke anaia i nei manawa no ka hoomakaukau ana no ka hookuonoonoia aku; no ke ana ana aku hoi i na aina ma Waimanalo ma ka pau ana o keia aina ma Honomu ua aneane e pau i ke anaia, a ke pau ia i ke anaia o ka hoomaka aku no ia e ana i kela aina ma Piihonua.

            Ina no ka lilo mai o ka bila hoopulapula i kanawai e pili ana i ka waiho ana ae i na palapala noi, e kakauinoaia kela ame keia palapala noi e 25 poe, no ka hookuonoono ana i na aina mahiko eha i hoikeia ae la. Ua ala ae he mau kanalua iloko o kekahi poe no ka noho hookuonoono ia aku o ia mau apana aina oiai kekahi hapa o ke kanawai hoopulapula e hoakaka ana mailoko mai o na uku hoolimalima o na aina mahiko apau e laweia ae ai ke 30 pakeneka, oiai ka pono o ka hoopulapula ana e kaukai aku ana maluna o na loaa mai na uku hoolimalima mai o na aina mahiko no kona pono o ke ku mau ana aku.

 

HOOLAHA PA-AUPUNI.

 

            Eia ma ka pa-aupuni o Pearl City, Ewa hookahi lio kanr ulaula laekea, nona na hoailona, penei: U.C.S.R. ma ka uha hema omua, ame 36 ma ke kapuai hema omua; ame CIIL kapuai Akau omua.

            Ina e uku ole ia mai na koina paaupuni a na pho, mamua ae o ka la a o Iulai, A. D. 1921, e hooliloia aku no, ma ke kudala akea ana, ma ka hora 12 awakea Poaono, la 9 o Iulai, A.D. 1921.

                                                                                                J.E. Kahoa,

            Luna Pa-aupuni o Pearl City, Ewa.

 

NO KA MANAWA KAAWALE

 

            Hiki anei e loaa he manawa kaawale e pomaikai ai oe? Makemake makou ia oe e nana i na Paalole ma ka papahele o keia “Halekuai Hoihoi Hou i Kau Dala” a e ike nou iho i ka pau o kou kanalua no kahi e kuai ai i kou lole.

            He mau paalole maikai loa ia i paa mua i ka hanaia. Ua oi aku mamua o 500 mau paalole e noke ai i ka wae, no kela paalole huluhulu he $25 a pii aku.

            He mau minuke helu wale no e nana ai, pau KOU Pohihihi.

KIPA MAI E IKE IA MAKOU

ANO!

THE

Model Clothiers

“Ka Halekuai Hoemi Hoolilo”

ALANUI PAPU

 

AEKAI O PUUHALE.

 

(Kakan ia J.K. Mokumaia.)

 

            Ma ke awakea o ka Poano nei; Iune 25, hora 2:05 p.m. i hoko aku ai kuu mokukaa ma ka Y.M.C.A. no ke kii ana aku i na keiki he ehiku ko lakou nui, no ka lawe ana aku i ka pamai’i o Kalihi, kahi e malamaia ana o kekahi mau hoolaulea ana i ka poe ma’i ame na makamaka, ame na ohana.

            I ko’u hiki ana aku i ke kahua i oleloia ae la, ua piha maoli i na makauka ame na hoaloha, o ka hora elua ia me hapa, oiai e ne  ana ka manawa imua, i hoea mai ai na keiki ame ka lakou kumu o ia na keiki o ka Puali Hoola o Manoa, a himeni mai lakou i kekahi himeni kaili puuwai.

            Ua nui ka pa’ipa’iia, a pela hoi me na kamaiki opio o ka pama’i mai na opio kane a na opio wahine, he u’i ko lakou mau leo oiai he panai ana ia i kekahi mai, oiai ka makuahine o ka home e hana ana i na mea e pono ai keia hoolaulea ana, ua ao mua ia na keiki i ka lakou mea e hana ai, ame ka hoolaunaia ana o ka mea nana e alakai ka puali o na keiki makua ole, e noho nei ma Manoa.

            He mau manao paipai no ka pono o ka poe e noho nei i ka ma’i ame na opio, e malama loa i na mea maikai, ua nui ka pa’ipa’i, ia manawa i kukuluia mai ai na keiki ehiku ame ka lakou kumu ame ka hana mai i na hana hooikaika kino ua nui maoli ne mea maikai, a ia mau keiki i hana mai ai ame ka pa’ipi’iia ame ka haawi ana mai o na opio kane ame na opio wahine i kekahi himeni maikai loa, ua nui maoli ka pa’ipa’iia.

 

            Limaia o na aina mahiko apau eha i hoikeia ae la no ka manawa o 15 ma kahiki ma ka uku hoolimalima paa e kauia ana, e loaa ana i ke Teritore i kela ame keia makahiki na huina dala e hoakakaia ana malalo nei:

            Mai ka mahiko mai o Kekaha $250, 000; Waimanalo, $75,000; Honomu, $15,00; Piihonua, %25,000. He haawi ana mai keia i ke teritore i kekahi loaa makahiki aneane i ke 365,000, a e holo ae ana ia mau dala iloko o ka waihona hoolilo no kela ame keia i ka makahiki.

 

HOLOPONO NA HANA O KA HOIKE KULA SABATI AME HOOLAA.

           

            Holopono na hana apau i lawelawe ia ma ka hoike hapala a na Kula Sabati o Kawaiahao i huiia me ko Kalihi-Moanalua ma ke Sabati iho la, pokopoko maikai na haawina a nani no hoi na himeni, i hoomakaukauia a o ka mea i oi loa aku ai ka nani oia ka loaa ana o na dala $1116 mai na Kula Sabati like ole mai, a mai i piha na puuwai i ka makemake ame ke aloha pu i na hana maikai, a mawaho ae o na mea maikai i hoikeia ae la, na ai na mea apau i na meaai i hoomakaukauia a lawa me ka hauoli.

            O na Kula Sabati Apana o Kawaiahao i makaukau a i komo pu mai ma keia hoike hapaha ana, oia ko Kaimuki, Waikiki-kai, Kalihi, puaikalani, ka papa Kula Sabati o na pokii ame na opio, ka papa o na makua i huiia, hookahi papa kuikawa ame ko Kilihi-Moanalua. He anaina nui ia i piha i na makamaka haole makaikai me ka piha hauoli a ulumahiehie no keia hoike Kula Sabati.

            He koena aie ko ka hale halawai i huuia, a no ia koena aie i hooikaika ia ai e pau ia pilikia, a o ke kumu hoi o keia lulu a na Kula Sabati ame ke komo pu ana mai a na makamaka e kokua, no ka pau nae o ia pilikia o ka hale halawai o Kalihi ame ka ole na ke au o ka manawa ia. e hoike mai.

            Ma ka hora 4 p.m. o ia Sabati i hoolaaia ai ka hale halawai o Kalihi e na kahu o na ekalesia Hawaii ekolu, Rev. Akaiko Akana, H. P. Poepoe ame Wm. K. Poai ame na hoahanau o na ekalesia ekolu i akoakoa aku ma ia ahiahi. He anaina nui malaila ia manawa a he ku i ka eehia na hana hoolaa i lawelaweia me ka nani o na himeni i hoomakaukauia e na papa himeni o na ekalesia ekolu.

            He halawai na na ahahui C. E. huiia o na ekalesia ekolu ka i malamaia ma-ia hope iho, he halawai hoi i malamaia me ka piha me na manao paipai waiwai e pono ai e malamaia.

            O ka panina loa o na hana ma ia po oia ke anaina haipule i malamaia e na kahu o na ekahesi ekolu he nui na olelo a’o waiwai mai ke kahu mai o ka ekalesia o Kaumakapili maluna o ke kumuhana “Ina pili mai oukou ia”u, a noho ka”u mau olelo iloko o oukou e lilo ana oukou i mau lala hua.”

           

 

Ina Oe e Hoopukapuka i Kau

Dala, Hookomo ma Kahi

e Hua Mai Ai

 

            Kukulu makou i na home ma na apana aina maikai loa apuni ke kulanakauhale. O ka loaa o na home hou ke kalakea o kaie la. Paa mau ko makou poe kanaka i ka hana ma ke kukulu ana i na hale hou no ka hooko ana i keia koi.

            He hana hoopukapuka hou ae anai kekahi au i ike ai, i oi aku mamua o kekahi hui iloko o ka oihana o keia ano?

            Aohe a makou mau luna oihana nunui o ka ukuhana, aole no hoi a makou mau mahela hoeueu. Hookomo koke e hoopukapuka i keia wa a e lilo mea mahela puka.

 

            Kumuwaiwai Mahele -  - $1.00 o ke Kea

            Iwakalua-kumamalima pakeneka ukumua, o ke koena ma ka uku liilii.

E NINAU IA S.K. KAMAIOPILI

UNION SYNDICATE, LIMITED

 

HE LETA MAI AMERIKA MAI.

 

            Ia oe e ka hoaloha: Rev. s. k. Kamaiopili, Aloha kana a nui loa: Pehea oe e noho mai nei, maikai paha aole paha.

            Akahi no a loaa ia’u ka manaolana e kakau aku i lete nau. Aole paha oe i maopopo ia’u haalele au ia Honolulu i ka la 20, o Iulai, 1919. Owau ke keiki a David Kakalia, o Kewalo, 826 South Queen St. Honolulu. Oahu.

            Eia ka mea e ha’i aku ai ia oe, i loaa ai ia’u ka manaolana, e kakau aku ia oe, ua halawai au me ka’u keiki o Walter P. Kamalopili ia Rochester, Minnesota, ika la 25 o Mei. Eia au ke hana hookani pila nei, me kekahi o na Hawaiian Troupe the Hawaiian Novelty Five, o ia ka inoa o ko makou puali. Pau ia’u ka Western Coast, ka Middle Coasy me ka Eastern Coast i ka heleia, i ka mokuaina no hoi o Minnesota, hui pu au me kau keiki o Walter paani makou i Rochester elua la, Poalua me ka Poakolu, kanaka kulana kiekie, ma ko’u nana i kona ano.

            I ka pau ana o ka makou hana i ka po mea mai oia ia’u he wahine kana, he bebe eiwa pule ka nui. Ua hai aku au iaia e kakau ana au i leta nau, ua haawi mai oia i kona aloha a nui loa ia oe, me ka ohana.

            Eia makou i Faribault Minn, i keia wa, a’u e kakau nei ia oe. Heaha ka meahou o Honolulu, Ka wela wale no, o ia no na meahou o ka aina haole.

            Makemake au e hai aku oe i na hoahanau o kou ekalesia, ua halawai aa me kau keiki, Lapule no ka la mai kai ia oe e ha’i aku i na hoahanau o kou Ekalesia.

            Maopopo no kekahi hoahanau ia’u, i kuu wa, e hele ana i ka pule i Kaumakapili, maupopo na ohana Stewart o Panoa ia’u, hele pu au me kekahi o ia ohana, keiki o Jimmy Williams, William Kamaalea, keiki i hele ai i ka kauai ka Canadian Army, me Moses Uaia, o Kohala, he poe hoaloha ia no’u.

            Ua lawa paha kana maanei, ke haawi nei au i ko’u aloha a nui loa ia oe me na kanaka o ke Akua, a i kuu papa ke halawai oe me ia. ka pilina hope loa o ko’u aloha. Na ke Akua no e kiai ia oe i na wahi au e hele ai, a loaa pakahi ia kakou ke ola ma ke kino, a ma ka uhane, i hoonaniia ka inoa o ka Makua ke Keiki a me ka Uhane Hemolele Amene.

            Mai poina i leta na’u

            Owau no me ka haahaa, he hoaloha.

                        JOHN D. KAKALIA

 

 

Luau Na PA, NOHO, PAKAUKAU ame na KALELOLE no ka Hoolimalima.

            PEOPLE’S HARDWARE STORE.

            143 Alanui Moi Akau, Kokoke i Palama Settlemeny.

                        Kelepona 2670.

 

HOOMAKAUKAU NO MUA AKU NEI

            E hoao e Hoomakaulii Ano—E Malama i ke Dala e wehe i Buke Banako Hoahu me ke

CHINESE-AMERICAN BANK

            A NANA AKU I KA ULU O KAU DALA

            NA PAHU DALA                 $1.00 NO KA Wehe               Kihi o ka Alanui

 

PEHEA E HIKI AI IA OE KE PALE

AKU I KE KOMO ANA O KE

KO’E I KOU OPU?

            Nui wale na rula e pale aku ai i ke ko’e lipine, pine, pipi, puaa a ko’e poepoe paha, i lilo i mea hoopilikia aklu i na kane na wahine, a o ka oi loa aku i na kamalii.

Rula Ekahi:     Hoomoa pono i ka puaa a pipi paha.

Rula Elua:       Mai ai i na i’o holoholona maikai ole.

Rula Ekolu:     Mai ae aku i na ilio e palu i kou helehelena me na lima. Mai pa’ipa’i i na ilio a holoi paha i

                        kou mau lima mahope koke mai.

Rula Eha:        Mai hoopa i kau mau meaai aia wale no a maemae kou mau lima.

Rule Elima:     Mai inu i ke kiaha o ha’i.

 

T O Murata Furniture Store

(Na noho hoolimalima me lako pa maanei)

Na lako hale hou ne Kahiko.

Hoolimalima me Kuai Hoolilo.

715 Alanui Hema, Honolulu, T. H.,

 

KA EKALESIA O IESU KRISTO O

KA POE HOOANO O NA LA HOPE

NEI MA AUWAIOLIMU

            Kula Sabati, hora 10.00 a 11.30 a.m. O na haawina e kulaia ai, ma ka olelo Hawaii ame ka olelo Beritania.

            Anaina pule nui, hora 12 a 1:15 p.m. Halawai Hui Opio, hora 7:30 a 9 p.m. Na haawina ma ka olelo Hawaii ame ka olelo Beritania. He mau haawina kuikawa kekahi.

 

NUPEPA KUOKOA

No ka makahiki (one year)…… $2.00

No eono mahina (six months)..$1.00

O na Dala ame na Hoolaha Apau hoouna pololei mai i ka ADVERTISED PUBLISHING COMPANY, LTD., wale no, P. O. Box 208, Honolulu. T. H. 217 Alanui Moi, ma ke keena o ka Nupepa Advertiser.

Entered at the Post Office at Honolulu, T. H. as Second Class Matter

 

 

KakelameKuke

(KAUPALAWAIA)

Poe Kalena ma

ke Komisina

-A HE –

 

TERITORE O HAWAII

Keena o ka Puuku Honolulu Oahu.

            Ma ka hana e hoopau ana i ka HAWAIIAN COPRA COMPANY, LIMITED.

            OIAI, o ka HAWAIIAN COPRA COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano ua waihoia mai iloko o keia keena he palapala noi no ka hoopau ana o ka hui i oleloia, hui pu me kekahi palapala i hooiaioia i hoohui pu ia me ia elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi auo iloko o ka hui i oleloia e pono e waiho mai i na ku-e ana no ka hora 12 awakea o ka la 15 o Augate, 1921, a o kela ame keia mea a makemake ana e hooloheia aku maluna o ia mea, he pono e hoea kino ae ma ke keena o ka mea nona ki inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

DELBERT E. METZGER

Puuku, Toritore o Hawaii.

            Honolulu, Iune 6, 1921.

6455- Iune 10, 17, 24, Iulai 1, 8, 15, 22, 29; Aug. 5, 12.

Mau Apana Aina Kuai

 

            $175- Apana 50x100, ma Kapahulu, kokoke Campbell ame Monsarrat Aves. $10 ukumua, $10 o ka mahina.

            $750- Apana kihi Cook SE ame Diamond Head Ave. kokoke Alanui 12, 16,730 kapuai kuea. Oluolu keia wahi. $50 ukumua, $15 o ka mahina.

            $250- Apana 50x200 Alanui Kinau, kokoke Alanui 19, Palolo, $20 ukumua, $10 o ka mahina.

            $3250- Hale maikai, 3 rumi moe; apana 80x139.5, Alanui Notley, alihi. $500 ukumua, $50 o ka mahina.

PAULO KALAUKA (P.B.B. STRAUCH) ALANUI MOI. HELU 74.