Ka Nupepa Kuokoa, Volume LIX, Number 26, 1 July 1921 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

O ke kii malalo iho nei he hookahakaha hoikeike ia o na pualikoa o ka oihana koa o Amerika ma Leilehua, ma ka Poalima nei, ma ke kahua hoomoana o na koa ma Leilehua. E ikeia ana ma kela hookahakaha ana, na mahele like ole o ka oihana koa, ma ke kulana kaua maoli; me ka hoea ana aku o kekahi heluna nui o na makaainana e makaikai i kela mau hana ku i ke aiwaiwa. Mawahi ae nei o Kapiolani Paka, ma keia Poakahi ae, e ike hou ia ai kekahi mau hana hoopihoihoi noonoo, e lawelawe mai ana e na koa, no ka hoomanao ana i ka Pokiulai i keia makahiki

[PICTURE]

 

KUU KUPUNAWAHINE MRS. K.M. KUEHU UA HALA.

I ka Lunahooponopono o ka Nupepa Kuokoa; Aloha oe:-E oluolu mai hoi oe e hookomo iho i ka'u puolo waimaka o ke aloha, no kuu kupunawahine, maloko o ka hiwahiwa a ka lahui, i ike mai ai ua makamaka ame na ohana e noho mai la apuni o Hawaii eni, o kuu kupunawahine Mrs. Kaiminaauaoomaukaa Mahiai Kuehu, ua haalele mai ia'u ame ka ohana, i keiaola ana, a hele kohaua aku la ma ke alahele o na mea hanu ola apau.

@a hauauia mai kuu kupunawahine aloha. mailoko mai o ka puhaka o kona makuahine Haapapa Pookuia ame kona makuakane o John Kaaukawaaole. He ekolu lakou mau kaikamahine a ko lakou mau makua, oia o Mele Kaukawaaole, Kaiminauaomaukaa ame Naki Kaukawaaole.

O Kau, Hawaii ke onehanau i kuu kupunawahine eia nae ma ka Moku o Kama, kona wahi i hanaiia ai a nui, mailaila no kona wahi i hoonauaoia ai.

Ma ka manawa o ka hoi ana mai o kona mau makua no Honolulu nei, oia pu no kekahi me laua, a i ka hala ana aku o kona mau makua ma kela ao. ua hoi hou oia a noho ma Maui.

Ua mare aku oia i kana kane ia George Mahiai Kuehu, a mai ko laua kihapai ohana niai, i hoohua mai ai laua, i na keiki he ewalu ka nui, o kekahi o kana mau keiki, oia o Lilian Kaholohiwapuakaakuliokalani, ko'u makuahine.

Ma ka manawa i make aku ai o ko'u makuahine, i ka 26 o kona mau m@ @ahiki, ua kaa aku ko'u malamaia ana, malalo o kuu kupunawahine, i hiau palanehe aku la, ma kela kapa o ka @@@@wai eleele o ka make.

He oluolu, akahai, a lokomaiki kuu kupunawahine, o kana mau hana maikai apau he kiahoomanao pono oia ia na'u i na la apau o ko'u ola ana.

Ua loihi no ka hoomailo ana a ka ma'i maluna o kuu kupunawahine, he eono makahiki, me a'u uo oia kahi i noho ai. ahiki wale no i kona haalele ana iho i kela ola ana

Ua panaho mai kuu kupunawahine aloha i keia ola ana ma ka la 16 o ka mahina aku nei o Mei i hala. ma ko'u wahi noho ma ke alanui Mokauea. Ka@@@@@@na kuu ka luhi. pau kana hana. pau @@@hoi ka ike ana i na inea ame na ehaeha o keia ola honua ana, ua hoi aku oia no ka home maha mau mao, aloha no!

Ma ko'u aoao, ke haawi aku nei au i ka'u @@u hoomaikai kiekie ana @@e ma mahalo ana he umi, i na makamak, ua ohana ame ua hoaloha, i komo pu mai me a'u iloko o ko'u mau ho@a o ke kaumaha ame ka ehaeha no kuu kupunawahine. pele hoi ka oukou mau makana pua. I hoohiwahiwa iho maluna o ke kino wailua o kuu kupunawahine. a i ukali aku hoi ma kana @@akai hope loa. no ka ilima, kahi i hoo@@@@@@ aku ai kona kino. elike me ka @ hoi ka lepo i ka lepo. a o @ @ hoi no ia me ka Mea Naua i hana.

E oluolu oukou apau loa. e lawe aku i keia mau hoomaikai. a ke pule nei au i ka Makua ma ka lani. Nana no e hoomaha mai i na manao kaumaha a luuluu, a Nana no e haawi mai i na hoomaikai oi ae mailuna mai iloko o Kona lokomaikai palena ole.

O wau iho no iloko o ke kaumaha.

                                                                                                                        MRS. LILIAN WOOD.

 

HE HOOMAIKAI NUI.

Mr. Sol. Hanohano, Aloha oe:-E oluolu mai oe i wahi kaawale o ka nene aukai a ka Hawaii, no keia mau hoomaikai ana aku i na mea maikai i panaiia mai e na paahana a ke Akua iloko o ke Kalana nei o Oahu.

Ma o ke Kula Sabati o Waianae, ke haawi aku nei au i na hoomaikai ana i na Kula Sabati o Oahu nei, no na hua a ke aloha i waihoia iho me makou ma ka la 13 o Maraki, 1921, ka la hoi o ka hoike hui ma Waianae, penei: Lulu anai@a, $33; papa o Waianae huiia, $233; pokii o Ewa, $15; papa makua o Ewa, $82; papa o Makua, $45; Kaneohe, $1; Kaumakapili, $5; Waikane, $10; ohana o Fuller, $15; ohana o D. Kalapa, $5; Kalihi Huiia, $125, Hauula, $12, Kapiolani, $30; Kalihikai, $60; Waialua pokii me opio, $21.25; na makua o Waialua, $90.75; Kahuku, $5; Kawaiahao, $52; Pohaialoha, $10; Kaimuki papa home, $16; Maluhia. $25.33; Pua Laniuma, $12; I. l. S. N. Co., $3; papa kuikawa, $10; na loaa lulu mamuli o na olelo hooni uhane a ka Mea Hauohano, Jonah Kumalae $101.65; Manager Adams, o ka mahiko o Kahuku, $15; Mrs. May Kapela, $1; Hoaloha, $2; huina o na loaa lulu, $1068; na loaa ahamele, $205.70; na loaa kaaahi, $389.41; na loaa no na laulau i kuaiia, $31; he loaa no ke poo puaa, $1.50; huina pau o na loaa, $1714.61.

Nolaila ke hooki nei au me ka manaolana na ke Akua e hoopomaikai mau mai ia kakou apau; ame oe e Mr. Lunahooponopono ahonui me na lunahei o ka papa kikokiko ko'u adieu.

Owau iho no me ka haahaa,

            LOWELL K. KUPAU

Kakauolelo Kula Sabati o Waianae.

 

WASHINGTON. Iune 26.-Ua hoikeia mai e ka buro helu kanaka he 2,000,132 ka oi'aku o na kane mamua o na wahie maloko o na Mokuaina Huiia o Amerika

 

HOOHANOHANOIA O WOOD E NA HAUMANA MA KEKHI PAINA

No ka hoohanohano ana i ka Prof. Edgar Wood, ke kumupoo o ke Kula a'o Kumu i waiho aku i ka hana ma ka la hope o Iune, a pela hoi me kana aliiwahine Mrs. Wood, a i mea hoike ma ko lakou aoao i ko lakou aloha ame ka ininamina no ka lakou  kumu aloha i waiho mai i ka hana ana o ka hoomanawanui ana no na makahiki he 25 i kaahope aku, ua haawi ae ua haumana he 50 a oi ka nui a pela hoi me na haumana mua o ia kula i puka mua, i kekahi papa ahaaina i luluu i na meaai kuhinia ma ke awakea o ka Poalima o ka pule aku la i hala, o na kihapai Sansuiro.

Mawaena o na malihini a mau hoaai e ae i poloaiia no ka hoea ana aku ma ia papa ahaaina o Rev. Akaiko Akana, ke kahu o ka ekalesia o Kawaiahao, Fred Beckley, Miss Mathilde Holmes, Edgar Henriques ame Sam B. Trissel ka lunahooponopono o ka nupepa Advertiser, kekahi i akoakoa pu aku no ka hoohanohano ana aku i ka mea nona ia papa ahaaina i haawiia ai

He nui ua manao maikai i hoikeia ma ia papa ahaaina e pili ana no na mea no laua ia papa ahaaina i haawiia ai e hoike ana i na manao aloha ame na manao mahalo me ke kalokalo ana ae i na lani e uhaiia ko lakou mau la o keia mua aku e na pomaikai

Ma ke kakahiaka Poaha aku ua nui a lehulehu na makana a na haumana o ka haawi ana ae ia Mr. Wood mai na papakula like ole mai, a o kekahi o na makana a na haumana o ka haawi ana ae he mau mea kumukuai nui. Ma ka manawa o ka haawiia ana ae o ia mau makana ua lehulehu na haiolelo i haawiia e na haumana e ukali pu ana me na makana, a ma ia manawa hookahi ua hoikeia ae na manao o ke aloha kuio me ka haawi pu ia. o na mahalo ia Mr. Wood no kaua i hana ai no ke kula ma o ka hoonauao ana i na keiki a na lahui like ole, a me na manao i piha me ke aloha i pane mai ai o Mr. Wood i na haiolelo a na haumana.

Maloko o ka luakini o Kawaiahao i hoohiwahiwaia me na pua ame na launahele uliuli, a imua hoi o kekahi anaina piha i kaawiia aku ai na palapala hoomaikai i na haumana he 65 e puka ana mai ia kula mai, ka papa o ka 1921, a i na haumana a'o hana lima hoi he 29 e puka ana ma ia makahiki. O ka hapanui o na haumana i puka mai ia kula mai i keia makahiki no Honolulu nei wale no, kakaikahi loa na haumana  mai na mokupuni mai mawaho, a he kakaikahi loa no hoi na keiki Hawaii, aohe e pau na manamanalima ke helu ae.

Na ka Rev. Akaiko Akana i haawi i ka haiolelo imua o na haumana i puka, a o kekahi no hoi ia o na haiolelo kumu waiwai a hohonu loa o ka manao i kakauia ma ka olelo Beritania, a i hoopukaia aku ai hoi ma ka Advertiser o ka la Sabati i hala iho

O keia malalo nei na inoa o na haumana i puka mai ke kula a'o kumu mai ame na haumana he 29 i puka mai ke kula a'o hanalima mai i keia makahiki. Martha Aina, Amos Akana, Rose Ako, Josephine Alleneastre, Vivian Aloiau, Madeleine Ashin Marion Aiu, Eleanor Au, Cecelia Carvalho, Ah Mon Cang, Alice Ching, Lydia Ching, Amy Choy, Marie Chung Hoon, Deolinda Cardeiro, Minie Duarte, Nellie Fetter, Mary Forsythe, Suzuko Hamamoto, Nobuko Hino, Juanita Hogwood, Kaikikapu Hoapili, Kathryn Ing, Henrietta Janssen, Sarah Kahiwa, Sosable Kaikaka, Ruth Kaina, Kuulei Kama, Julia Saihinoki, Hazle Kawaiaea, Takeno Kawasaki, Naney Kinney, Lily Koizumi, Ah Lan Lau, Aha Yim Lee, Sybil Lee, Muriel Luaehu, Rose Machado, Elizabeth Mark Hisa Morimoto, Hideko Morinaga, Mirian Nahinu, Chise Oka, Mary Ornellas, Violel Ornellas, Marion Paris, Hattie Pauole, Emily Perry, Alice Rodenhurst, Masae Sakata, Olive Santos, Janet Scott, Frances

(UNFINISHED - WILL CONTINUE AFTER SMALL SECTION)  

 

HE HOOMAIKAI NUI

Ke haawi aku nei makou, ka poe no lakou na inoa malalo iho nei. i ka makou hoomaikai me ka mahalo piha. i na makamaka na hoaloha ame ka phana, i komo pu mai iloko o ko makou wa o ke kaumaha ame ka luuluu. mamuli o ke kikoo ana mai o ka make i ka hanu ola o ka makou aloha Sam B. Cummings, ma ka home o kona kaikuaana, Joseph H. Cummings, ma Kapaa, Kauai.

Ua hanauia o Sam B. Cumminges ma Wailuku, Maui i ka 1883, a ma kona manawa i make aku la, ua piha iaia na makahiki he 38 o ke ola ana ma keia ao.

E oluolu oukou apau, e lawe aku i ka makou mau hoomaikai ana he nui, no na mea maikai a oukou apau i hana mai ai no makou, pela hoi me ka oukou mau makana pua, i hoohiwahiwa iho ai maluna o ke kino wailua o ka makou mea aloha.

O makou iho no iloko o ka luuluu ame ka kaumaha.

            MRS. PHILOMENA CUMMINGS.

            MR. âme MRS. J. E. CUMMINGS.

            MR. âme MRS. J. H. CUMMINGS

Kapaa-Kauai

 

(CONTINUE FROM BEFORE)

Silva, Virginia Soares, Violet Tam, Harriet Tokita, Belle Tsark, Eleanor Tsark, Alice Whitford, Lily Wiebke, Annia Won, Ah Lung Wong, Tsung Lin Yong, Ethel Young ame Genevieve Lee.

Na Haumana Hanalima

Clara Abreu, Eva Ashin, Henry Auna, Marie Baptista, Beatrice Bertellmann, George Betsue, Mary R. Castanna, Yun Tsin Chong, Joseph Kanepuu, Joseph Kekoa, Lizzie Kilauano, Bertha Landgraf, Emma Medeiros, Emily Nobrega, Josephine Pfeiffer, Mary Pulaa, Mildred Richards, Mary Rodeenhurse, Bella Rodrigues, Shigeo Taked, Masaru Tashiro, Albert B. Vestal ame Ernest Victorino.

 

LEI ROSE O KE KAONA HE OHU NO M. K. HULA.

Aia i ke kaona kuu lei rose

I popohe i ka ua Kukalahale

O ka halekipa ia a ke onaona

Kamaaina i ka lau lihilihi

A he lihi kuleana kou ianei.

E a ke kaunu i ka puuwai

Na wai e ole ke koiikoi

Na ko pokii hana pono ole

Elua mea nui a ka manao

O ka hele o ka oho like a like

E hele ae au e ike maka

I ka ao launiu i Waialae, Lae o Kawaihoa kuu hoapili

Hoahele o ke ao me ka Makani,

O ka la koluna wela ia kaha,

Koolua i ke koi ae a loko

A oloko hana nui a ka manao

Pau ole i ka helu milionaia

Noho no Ihiihilauakea

Ka wahine lei ma'o kai o Kaiwi

Ke pa mai nei e ka Moae

Hu'ihu'i i ka pili o kuu houpo

I pumehana au i ko aloha

I ke ao wili kau a ka ohu

Ho mai ia oho no'u mau loa

Lei oe lei au lei kaua

Hainaia mai ana ka puana

Lei rose onaona la i Honolulu

Hakuia e SAM KUPU,

                                    Oneki o ka S.S. Mikahala.

 

                        SEAGIRT, N. J., Iune 28.-Ua hoahewa ke Kiaaina Edwards i keia la i ka poe hoalaala kue i ka hakaka, ka poe e hoao ana e akeakea i ka hakahaka ana mawaena o Dempsey ame Carpentier, ka moho ku'ikui' puupuu Palani, ma ka Poaono. Ua hoohalike ke kiaaina ia poe me ka poe i kokua i ke kanawai bolu (blue).

 

HOOLAHA

E malamaia ana ka halawai kuinau o ka Hale o na Alii o Hawaii (Ahahui Poo) ma ka Phoenix Hall, i keia Sabati, Iulai 3.

Ma ke kauoha o ka Ihu Hai,

            WM. J. COELHO.

                        Iku Kau.

6458-Iulai 1.

 

KO MAKOU AUNTY ALOHA MRS. K. LILY NAAI. UA HALA.

            I ka Lunahooponopono o ke Kuokoa, Aloha oe:-E oluolu mai oe, in a he keena kaawale kekahi o ka hiwahiwa a ka lahui e hookomo iho i ke poomanao e kau ae la maluna, i ike mai ai hoi ka nui ohana, na hoaloha ame na makamaka e noho mai la mai ka la puka ma Kumukahi a ka welona a ka la i ka ilikai o Lehua. o Mrs. Kaoiokalani Lily Naai ua lalau mai na lima palanehe o ka make iaia ma ka hora 11:30 o ka Poakahi, Iune 6, a lawe aku la i kona uhane ma kela aoao o ka muliwai eleele o ka make, a waiho iho la i kona kino wailua e hoi aku ka lepo i ka lepo no ka manawa mau loa. a waiho iho hoi i ka ukana luuluu mahope nei na makou na ka ohana e hoomanao, a e u aku nona. Aloha, aloha wale ka ualohia ana aku o na maka o ka makua, aka nae. he hopena loaa kona i ka ukaliia aku!

            Ua hanauia oia ma Honolulu nei ma ka mahina o Iulai ma ka la 4 o ka 1861, a hala wale aku la. Laia i hala aku la ua haalele iho oia i na mea aloha mahope nei, oia hoi kana kane, Mr. S. Naai, ame na keiki ekolu, oia o MRs. Lily Decaires, Sam Keanela Naai ame Valentine K. Naai. He makuahine puuwai hamama oia he heahea, he ike i ka poe apau e maalo ae ana mamua o kona ipuka hale.

            No kekahi manawa loihi kona hoomailoia ana e ka ma'i, a ua imila ke ola i na kauka, a oiai ua oi aku ka ikaika o ka mo'i mamua o ka ike o na kauka o keia ao, ua lilo ka naauao me ka ikaika huli o na kauka i ke ola i mea pahu'a; no ka ikaika loa o kona ma'i ua kauoha mai na kauka e hoihoi iaia i ka haukapila, a malaila oia i noho ai a pau ka ike ame ka lohe, a kauoha mai ke kauka ia Mrs. Lily Decaires e kii aku a hoihoi mai i ka hale ma ke alanui Kuke. a malaila oia i pauaho mai ai.

Ke haawi aku nei makou i na hoo

 (STOPS-COMPLETES AFTER THIS SECTION)