Ka Nupepa Kuokoa, Volume LIX, Number 25, 24 June 1921 — Page 6

Ka Nupepa Kuokoa

 

 

KANAWAI 236.

 

[B. H. Helu 231.]

 

HE KANAWAI.

 

E HOOLOII ANA I KA PAUKU 14 O KE KANAWAI 115 O NA KANAWAI O KE KAU O 1917, E PILI ANA I NA INISUA.

 

E Hooholoia e ka Ahaolelo o ke Teritore o Hawaii.

 

      PAUKU 1.      O ka pauku 14 o ke Kanawai 115 o na kanawai o ke kau o 1917 ma keia ke hoololiia nei a i heluhelu ai penei:

     

      “Pauku 14.      Ka pani pakahi; ka huina nui loa. Koe e, like me ia i hoakaka ia ae e ke kanawai, o ka huina nui loa a kekahi panihakahaka e tawe ia e kehahi hui a ahahui, mahope iho o ka lawe ia ana oe o ka huina no ka inisua hou e kau aku ai ka manawa a like me ka palapala pani hakahaka, eia no ia: 

 

(a)                 Umi pakenta o ke kumupaa i uku maoli ia mai a hui pu ia aku me ka puka i hoahuia; koe nae keia, no ka manawa o umi makahiki mai ka hooholo ia ana o keia kanawai, aole keia kaupalena e kau aku maluna o na inisua uku pani no ka poe lima-hana e hoopukaia ana e na ahahui e ku nei a e hoohana nei ia hana, a i ole e kukuluia aku ana a e hana ana ia hana maloko o ia manawa i oleloia a i kukuluia malalo o na kanawai o Tawaii nei, a e lawelawe ana ia hana iloko nei o ke Teritore, a oia ahahui ua hiki no ke lawe ae i ua mau huina panihakahaka nei a oi aku maluna o umi pakeneta o kona kumuwaiwai ame ka puka i hoahuia; koe nae keia. o ua hui la e waiho ae me ka komisina o na inisua i mau aelike hoopaa a i ole i mau waiwai hoopaa, i aponoia e ia, no ka huina aole e emi iho malalo o ka ratio o na bona i lawe ia mai i ka huina waiwai o ia hui i oleloia.

 

(b)                Ma ka hui pualu, ua hiki no ke laweia ae he huina a oi aku i oi ole aku nae maluna o iwakalua pakeneta o ka puka i hoahuia, a i ole i papakolu ia i ko ka palapala pani hakahaka e lawe mau ia ana a i ole i ka hapalua o hookahi pakeneta o na inisua apau e paa ia ana, e like me ka mea o laua e oi ana ia manawa.

 

PAUKU 2.      E mana keia kanawai mai a mahope aku o ka la o kona aponoia ana.

 

Aponoia i keia la 27 o Aperila, A. D. 1921.

 

                                                                        C. J. McCARTHY,

KANAWAI 237.

 

[B. H. Helu 300.]

 

HE KANAWAI

 

E HOOKAAWALE ANA I KA HUINA O ELIMA TAUSANI DALA ($5(000.00) NO KE KUAI ANA I KAA OTOMOBILA E HOOHANA IA E KA HALEPAAHAO O OAHU.

 

E Hooholoia e ka Ahaolelo o ke Teritore o Hawaii;

 

            PAUKU 1.      O ka huina o elima tausani dala ($5,000.00), a i oleia o ka lawa kupono o ia huina i manaoia ai he kupono, ma keia ke hookaawale ia nei mailoko mai o na waihona laula o ke Teritore no ke kuai ana aku i hookahi otomobila kaa lawe ukana no ka hoohana a no ka pono o ka Halepaahao o Oahu no ka lawe ana i na limahana paahao i kahi a hoihoi mai i ka Halepaahao o Oahu ame na hana ano like e ae.

 

            PAUKU 2.      O keia huina o elima tausani dala ($5,000.00) a i ole o ka lawa e manaoia ai he kupono, e uku ia aku no malalo o na bila kikoo dala i aponoia e ka loio kuhina.

 

            PAUKU 3.      E mana keia kanawai i kona aponoia ana.

 

            Aponoia i keia la 27 o Aperila, A. D. 1921.

 

                                                                        C. J. McCARTHY,

 

KANAWAI 238.

 

[B. H. Helu 329.]

 

HE KANAWAI

 

E HOOLOLI ANA I KA MOKUNA 173 O NA KANAWAI I HOOPONOPONOIA O HAWAII, 1915, MA KA PAKU’I HOU ANA AKU HE PAUKU HOU ME IA E HOOMAOPOPO ANA I KA LOAA ANA MAI O KA AE MA KE KAKAU MAI KE KAHU MAI O KEKAHI KANAKA I PUPULE I MARELA NO KE KUAI A MORAKI ANA IA AKU O KEKAHI WAIWAI PAA E KA WAHINE A UA KANAKA PUPULE NEI.

 

E Hooholoia e ka Ahaolelo o ke Teritore o Hawaii:

 

            PAUKU 1.      Ke paku’i hou ia aku nei ma keia he pauku hou i ka Mokuna 173 o na Kanawai o Hawaii i Hooponopono Houia, 1915, a e ikeia o ka Pauku 3036B, a e heluhelu ana penei:

 

            “Pauku 3036B.            Ka loaa ana oka ae ma ke kakau mai ke kahu mai o kekahi kane i mare ia a ua pupule no ke kuai a moraki ia ana aku o ka waiwai paa e ka wahine.

 

            “I kela ame keia manawa e hookolokoloia ai a ike ia he pupule kekahi kanaka, imua o kekahi aha hookolokolo i kupono no ka lawelawe ana ia hihia, a he kahu kekahi o kona mau waiwai i hookohuia elike me ia i hoakaka ia maloko i kupono no ka loihi o ka manawa ame ka mau ana o ia pupule ana, ahiki aku i ka manawa e hookuuia ai ua kahu la, ua loaa i ua kahu la. me ke apono ana mai o ka lunakanawai o ka aha kaapuni maloko o ia aha kaapuni kahi i waiho ai o kekahi waiwai i noho ona ia e ka wahine mare a ua mea pupule nei. ka mana ame ke kuleana e haawi aku i kona ae ma ke kakau i ke kuaiia ana aku a i ole i ka morakiia ana aku o ua waiwai paa la i oleloia ae la e ka wahine o ua kanaka a ua kahu la e malama waiwai nei, ma ke kakau pu ana aku i ka inoa o ua kanaka pupule la ma o na la kona kahu.”

 

            PAUKU 2.      E mana keia Kanawai mai a mahope aku o ka la o kona aponoia ana.

 

            Aponoia i keia la 27 o Aperila, A. D. 1921.

 

                                                                        C. J. McCARTHY,

 

KANAWAI 239.

 

[B. H. Helu 331.]

 

HE KANAWAI

 

E HOOKAAWALE ANA I KA HUINA O ELUA TAUSANI ELIMA HANERI KANAIWA-KUMAMAWALU DALA AME UMI KENETA ($2,598.10) NO KA UKUIA ANA AKU O NA KOA PUALU O KA PUALI KAUA KIAI HAWAII, OIAI LAKOU I KOMO PU AE MA KA KAHUA HOOMOANA O UMI-KUMAMALIMA LA MALALO O KE KAUOHA A KA ALIHIKAUA NUI O PUALI KAUA O AMERIKA HUIPULA MALOKO NEI O KE TERITORE O HAWAII, MA KA MAHINA O SEPATEMABA, MAKAHIKI 1920.

 

E Hooholoia e ka ahaolelo o ke Teritore o Hawaii:

 

            PAUKU 1.      O ka huina o elua tausani elima haneri kanaiwa kumamawalu dala ame umi keneta ($2,598.10) ma keia ke hookaawaleia nei mailoko mai o na dala a pau e waiho ana iloko o ka waihona kumau i ke Teritore o Hawaii, i hookaawale mua ole ia, no ka uku ana aku malalo o na bila kikoo dala i hoopuka ia e ka luna hoia o ke Teritore o Hawaii, malalo o na bila i aponoia e ka akukana kenerala o ka puali koa pualu kiai o Hawaii, no ka uku ana aku i na koa pualu o ua puali koa kiai nei o Hawaii i kahea ia a i hele ae iloko o kekahi kahua hoomoana o umikumamalima la, amlalo o ke kauoha i hoopukaia e ka alihikaua nui o na puali koa o Amerika Huipuia e noho ana maloko nei o ke Teritore o Hawaii, maloko o ka mahina o Sepatemaba, 1920, a ma ia hoomoana ana, ua uku ia mai lakou i ka uku wale o ka koa Amerika. O keia haawina e hookaawaleia nei i kulike aku ai ia me ka manao o ka pauku 224 o na kanawai i hooponopono houia o Hawaii, 1915. e like me ia i hoololiia ai e ke kanawai 86 o na kanawai o ke kau o 1917.

 

            PAUKU 2.      E mana keia kanawai mai a mahope aku o ka la o kona aponoia ana.

 

            Aponoia i keia la 27 o Aperila, A. D. 1921.

                       

                                                                        C. J. McCARTHY,

 

KANAWAI 240.

 

[B. H. Helu 347.]

 

HE KANAWAI

 

E HOOKAAWALE ANA I ELIMA TAUSANI DALA ($5000.00) NO KE KUKULULU ANA I KEKAHI ALANUI I A MALOKO AKU O NA HOME HOOKUONOONO O KAAPAHU AME PAAUILO, MALOKO O KA APANA O HAMAKUA, KALANA O HAWAII.

 

E Hooholoia e ka Ahaolelo o ke Teritore o Hawaii:

 

            PAUKU 1.      O ka huina o elima tausani dala ($5,000.00) ma keia ke hookaawaleia nei mailoko mai o na dala apau e waiho ana maloko o ka waihona o ke Teritore o Hawaii, i hookaawale mua ole ia, no ka uku ana aku i ka lilo o ke kukulu ana i alanui maloko aku o na home hookuonoono o Kapaahu ame Paauilo, ma ka apana o Hamakua, Kalana o Hawaii, e hoomaka ana mai ka uwapo puna mai e a’e la maluna o ke awawa o Hanailoe-iki a e moe ana a loaa aku ke alanui mauka ma na home hookuonoono o Paauilo.

 

            PAUKU 2.      O ka huna o elima ausani e oleloia nie a ma keia e hookaawaleia nei, e hooliloia aku no ia mamuli o na bila kikoo aupuni i hoopukaia ae e ka luna hooia o ke Teritore no ka uku ana aku i nqa bila i ulu mai malalo o na hoohana a ke Komisina o na aina aupuni e like ia i hoakakaia e ke kanawai no ke kukuluia ana o na alanui home hookuonoono. E hana ae no ke komisina o na aina aupuni i aelike no ke kukulu ana i ua alanui la i oleloia, aka aole aelike e hanaia e oi aku mamua o ka huina o elima tausani dala, ($5,000.00).

 

            PAUKU 3.      O ka huina e hookaawaleia nei ma keia malalo o keia kanawai e makaukau no ia no ka hoolilo ana ku no ke kukuluia ana o ua alanui la mhope koke iho o ka hana ia ana o ua aelike nie elike me ia e hoakaka ia nei maloko o keia kanawai.

 

            PAUKU 4.      O ka huina e hookaawaleia nei maloko o keia e uku houia aku no ia iloko o ka waihona laula o ke Teritore o Hawaii mai na loaa mai o ke kuai ia ana o na aina aupuni ma ka mokupuni o Hawaii.

 

            PAUKU 5.      E mana keia kanawai mai ka la o kona aponoia ana.

 

            Aponoia i keia la 27 o Aperila, A. D. 1921

 

                                                                        C. J. McCARTHY,

 

KANAWAI 241.

 

[B. H. Helu 352.]

 

HE KANAWAI

 

E HOOLOLI ANA I KA PAUKU 5 O KE KANAWAI 225 O NA KANAWAI O KE KAU O 1919, E PILI ANA I KE KANAWAI HOAIE NA POE MAHIAI.

 

E Hooholoia e ka Thaolelo o ke Teritore o Hawaii:

 

            PAUKU 1.      O ka hapa pauku 2 o ka pauku 5 o ke kanawai 225 o na kanawai o ke kau o 1919 ma keia ke hoololiia nei a i heluhelu ai penei:

 

            “2.       O kela ame keia moraki e hookomoia ana kekahi aelike no ka uku ia ana mai o na moraki ma ka uku liilii, koe na nota no ka manawa pokole malalo o ka papa helu B, e like me ia e hoomaopopoia nei ma keia hope aku, ma ka uku ana i kela ame keia hapa makahiki he huina e lawa ai ka eono pakeneta ukupanee ame ka huina e hiki ai ke pau ua aie la iloko o kekahi manawa i aelike ia; koe nae keia, he hiki no ke uku ia kekahi mau huina hou aku i oi aku maluna o iwakalua dala ($20.00), a i ole o ka pau loa no o ke kumu paa i kekahi la piha makahiki o ua moraki la; a koe hou no keia; ua hiki no i ka papa, no na kumu maikai a kupono a lakou i ike iho ai, ke hooloihi aku i ka manawa iloko olaila e ukuia mai ai ua mau uku napa-makahiki la no ke kumupaa, no ka manawa aole nae e oi aku maluna o elua makahiki maluna o kela ame keia moraki.

 

            PAUKU 2.      E mana keia kanawai i kona aponoia ana.

 

            Aponoia i keia la 27 o Aperila, A. D. 1921.

 

                                                                                    C. J. McCARTHY,

 

KANAWAI 242.

 

[B. H. Helu 386.]

 

HE KANAWAI

 

E HOOKAAWALE ANA I HAAWINA NO KE KUKULU ANA AME KA MALAMA ANA I HALE FEA NO KE KALANA MA HOOLULU PAKA, WAIAKEA-KAI, KALANA O HAWAII.

 

E Hooholoia e ka Ahaolelo o ke Teritore o Hawaii:

 

            PAUKU 1.      O ka heluna o iwakalua-kumamalima tausani dala ($25,000.00) ma keia ke hookaawaleia nei a e ukuia aku mai loko aku o na dala maloko o ka waihona puuku o ke Teritore o Hawaii, aole i hookaawale mua ia, no ke kukulu ame ka malama ana i hale fea no ke kalana maluna o ka aina i hookaawaleia i paka no ka lehulehu ame na hana paani ma Waiakea-kai, Hilo Hema, Kalana o Hawaii, ma o ke kauhaua manahooko helu 51, i hanaia i Aperila 1, 1919, i ikeia ma ka inoa o Hoolulu Paka.

 

            PAUKU 2.      O keia haawina e loaa no i ka manawa wale no e loaa ai ka heluna like o iwakalua-kumamalima tausani dala ($25,000.00) ma ka luluia ana no ka hana i oleloia e ka lehulehu a i ole e ka mea hookahi maloko o ke Kalana o Hawaii.

 

            PAUKU 3.      O ka hale fea o ke kalana i oleloia e kukuluia no maluna o na kii ame na kuhikuhi i aponoia e ka lunanui o na hana aupuni o ke Teritore o Hawaii.

 

            PAUKU 4.      O ka hooliloia ana o ka haawina i oleloia o iwakalua-kumamalima tausani dala ($25,000.00), i hui pu ia me ka heluna iwakalua-kumamalima tausani dala ($25,000.00) e luluia ana, e like me na hoakaka maloko o ka Pauku 2 o keia Kanawai, e hanaia no e ka papa o na lunakiai o ke Kalana o Hawaii.

 

            PAUKU 5.      E mana no keia Kanawai mai a mahope aku o ka la o kona aponoia ana.

 

            Aponoia i keia la 27 o Aperila, A. D. 1921.

 

                                                                        C. J. McCARTHY,

 

KANAWAI 243.

 

[B. H. Helu 419.]

 

HE KANAWAI

 

E HOOKAAWALE ANA I KA HELUNA O EONO TAUSANI DALA ($6,000.00) MA KE ANO HE HAAWI MUA MAI LOKO AE O NA LOAA LAULA O KE TERITORE O HAWAII NO KE KUKULU ANA I KEKAHI ALANUI A I OLE MAU ALANUI MALOKO AKU O NA APANA PILIKAHAKAI O WAHIKULI, LAHAINA, KALANA O MAUI.

 

E Hooholoia e ka Ahaolelo o ke Teritore o Hawaii:

 

            PAUKU 1.      O ka heluna o eono tausani dala ($6,000.00), a i ole o ka heluna nui kupono, ma keia ke hookaawaleia nei mai liko ae o na dala maloko o ka waihona puuku o ke teritore aole i hookaawale mua ia, e hooliloia ma ke ano he haawi mua no ke kukulu ana i kekahi alanui a i ole mau alanui maloko aku o na Apana aina pilikahakai o Wahikuli, Lahaina, Kalana o Maui.

 

            PAUKU 2.      O ka heluna i oleloia o eono tausani dala ($6,000.00) i hookaawaleia ma keia e haawiia aku no maluna o na kikoo dala i hoopukaia e ka lunahooia, i hookahuaia maluna o na kikoo aie i aponoia e ke komisina o na aina aupuni, iaia ka hoomalu o ke kukulu ana o ke alanui i oleloia a i ole mau alanui paha.

 

            PAUKU 3.      O ka heluna o eono tausani dala i oleloia ($6,000.00) a i ole ka mea nui kupono e hooliloia ana, e hoihoi hou ia mai no iloko o ka waihona laula o ke Teritore o Hawaii mai na loaa o ka hooliloia ana o na apana aina o ka apana i oleloia maluna ae.

 

            PAUKU 4.      E mana no keia Kanawai mai a mahope aku o ka la o kona aponoia ana.

 

            Aponoia i keia la 27 o Aperila, A. D. 1921.

 

                                                                        C. J. McCARTHY,

                                                            Kiaaiana o ke Teritore o Hawaii.

 

Kakelamekuke

 

(KAUPALENAIA.)

 

Poe Kalepa ma ke Komisina

 

--A  HE—

 

Poe Agena no na Mahiko Lehulehu

 

TERITORE O HAWAII.

 

Keena o ka Puuku Honolulu Oahu.

 

            Ma ka hana e hoopau ana i ka HAWAIIAN COPRA COMPANY, LIMITED.

            OIAI, o ka HAWAIIAN COPRA COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 25 o Iulai, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

                                    DELBERT E. METZGER

                                    Puuku, Teritore o Hawaii.

            Honolulu, Mei 17, 1921.

 

TERITORE O HAWAII.

 

Keena o ka Puuku, Honolulu, Oahu

 

            Ma ka hana e hoopau ana i ka TANSEIDO DRUG COMPANY, LIMITED.

            OIAI, o ka TANSEIDO DRUG COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono’e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 15 o Augate, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i he kumu, ina he kumu kekahi i wahi e ae ole ia aku ai ka palapala noi i oleloia.

                        DELBERT E. METZGER

                                    Puuku, Teritore o Hawaii.

            Honolulu, Iune 6, 1921.

 

MAU APANA AINA KUAI.

 

$175---            Apana 50x100 ma Kapahulu, kokoke Campbell Avenue, $10 uku mua, $10 o ka mahina.

$250---Apana 50x200 Alanui Kinau, kokoe Alanui 19, Palolo, $20 uku mua, $10 o ka mahina.

$500---Apana 50x100 Alanui Notley, Kalihi, $25 uku mua, $10 o ka mahina.

$1050---Apana 40x168 Alanui Lakimau, Kapiolani Park, Waikiki, $50 uku mua, $20 o ka                                                                               mahina.

$3250---Hale maikai, 2 rumi moe me kekahi mau hale mawaho. Apana kihi. 100x100, Alanui Rose ame Middle. Kalihi, $500 uku mua, $40 o ka mahina.

 

PAUOLO KALAUKA

(P. E. R. STRAUCH)

 

KA EKALESIA O IESU KRISTO O KA POE HOOANO O NA LA HOPE NEI MA AUWAIOLIMU

 

            Kula Sabati, hora 10:00 a 11:30 a.m.

            O na haawina e kulaia ai, ma ka olelo Hawaii ame ka olelo Beritania.

            Anaina pule nui, hora 12 a 1:15 p.m.

            Halawai Hui Opio, hora 7:30 a 9 p.m.

            Na haawina ma ka olelo Hawaii ame ka olelo Beritania. He mau haawina kuikawa kekahi.

 

NUPEPA KUOKOA

 

No ka makahiki (one year).....................................................$2.00

No eono mahina (six months) ...............................................  1.00

            O na Dala ame na Hoolaha Apau e hoouna pololei mai i ka ADVERTISER PUBLISHING COMPANY, LTD., wale no. P. O. Box 208, Honolulu, T. H. 217 Alanui Moi, ma ke keona o ka Nupepa Advertiser.

            Entered at the Post Office at Honolulu, T. H., as Second Class Matter.