Ka Nupepa Kuokoa, Volume LIX, Number 24, 17 June 1921 — Page 2
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, HONOLULU, T. H., POALIMA, JUNE 17, 1921.
______________________________________________________________________________
Makainui o ke Kalana o Kauai.…….................................................................................................3,600.00
Kakauolelo o ke Kalana o Hawaii…..…................................................3,300.00
Kakauolelo o ke Kalana o Maui................................................…....... 3,000.00
Kakauolelo o ke Kalana o Kauai.................................................……..3,000.00
Lunahooia o ke Kalana o Hawaii................................................…...…3,600.00
Lunahooia o ke Kalana o Maui…...............................................…...…3,300.00
Lunahooia o ke Kalana o Kauai……..............................................…...3,000.00
Loio Kalana o ke Kalana o Hawaii…..............................................…..4,200.00
Loio Kalana o ke Kalana o Maui…..................................................….4,200.00
Loio Kalana o ke Kalana o Kauai…..................................................…3,600.00
Puuku o ke Kalana o Hawaii…………..................................................3,300.00
Puuku o ke Kalana o Maui……..............................................……….. 3,300.00
Puuku o ke Kanana o Kauai.....................................................……… 3,000.00
Kalana o Maui:
Hope Makainui Apana o Lahaina…...................................................2,400.00
Hope Makainu Apana o Wailuku……................................................3,000.00
Hope Makainui Apana o Hana……...................................................1,680.00
Hope Makainui Apana o Makawao....................................................2,400.00
Hope Makainui Apana o Molokai…..................................................1,680.00
Kalana o Kauai:
Hope Makainui Apana o Waimea…...................................................2,100.00
Hape Makainui Apana o Koloa………...............................................2,040.00
Hope Makainui Apana o Lihue…..................................................…2,400.00
Hope Makainui Apana o Kawaihau....................................................2,040.00
Hope Makainui Apana O Hanalei…...................................................1,800.00
Pauku 2. E mana no keia Kanawai I Iulai 1, 1921.
Aponoia I keia la 27 o Aperila, A.D. 1921.
C.J. McCARTHY,
Kiaaina o ke Teritore o Hawaii.
_____________________
KANAWAI 205.
(B.H. Helu 285.)
HE KANAWAI
E HOOMANA ANA I KE KULANAKAUHALE AME KALANA O
HONOLULU E HOAIE DALA A E HOOPUKA A E KUAI I NA BONA NO
IA MEA NO KA HOOMAOPOPO ANA I MAU HANA HOU, NA HANA
HOOI AE I KA MAIKAI AME KA HOIHOI HOU ANA I NA MEA PILI I
NA HANA WAI O KE KULANAKAUHALE AME KALANA I OLELOIA.
E Hooholoia e ka Ahaolelo o ke Teritore o Hawaii
PAUKU 1. O ka puuku o ke Kulanakauhale ame Kalana o Honolulu, e like me ka mea e kuhikuhiia aku ana e ka papa o na lunakiai o ke kulanakauhale ame kalana i oleloia, ma keia ke hoomanaia nei e hoopuka i kela ame keia manawa i mau bona no ke Kulanakauhale ame Kalana o Honolulu, me an palapala cupona ukupanee i hoopilipuia, no kekahi heluna aole e oi aku maluna o hookahi miliona dala ($1,000,000.00), no na hana hoonui, hoomaikai ae ame ka hoihoi hou ana a maikai na pono wai o ke kulanakauhale ame kalana i oleiloia, a e lawe i na bona i oleloia, e like me ka hiki e hanaia malalo o ke Kanawai Kumu, e ka oihana wai i oleloia ame na waiwai e paaia ana e ka oihana wai i oleloia ame/a i ole ma o ka hoolilo ana i na bona i oleloia i auhau maluna o na loaa o ka oihana wai i oleloia. O ke kumu ame ka ukupanee o na bona i oleloia e ukuia ma ke dala gula o Amelika Huipuia, a i ole o kona mea like, ma o kona kulana kaumaha ame maikai i keia manawa, e like, a maluna o na kuhi kuhi ame ka mea i makemakeia ma keia kanawai; aka nae, o ka heluna o na bona i oleloia e hoopukaia ana i kela ame keia makahiki hookahi e hoomaluia no e na hoakaka a ke Kanawai i aponoia e ka Ahaolelonui i Aperila 30, 1900, i kapaia "He Kanawai e hoomaopopo ana i aupuni no ke Teritore o Hawaii" ame na hoololiia mea i lilo i mea mana i ka la e hoopukaia ai na bona i oleloia. A ke hoomaopopo hou ia nei no hoi, aole kekahi hoopukaia ana o na bona e hanaia a hiki i ke aponoia ana mai e ka Peresidena o Amelika Huipuia, a ke hoomaopopo houia aku nei no hoi, o ke aponoia ana oia hoopukaia ana o na bona e ka Peresidena o Amelika Huipuia e lilo i hooia ana o na koi apua a ke kanawai ua hookoia a o na bona i oleloia, ma na ano apau, ua kuike kanawai a ua hiki ole e kue ia.
PAUKU 2. O na bona apau e hoopukaia ana malalo o ka mana o keia Kanawai ua hookuiia mai na auhau apau, o ka uku ana i ke kumu ame ka ukupanee no ia mea, mawaho ae o ke no o na kuhikuhi no ka uku ana ia mea e like me na mea i hoakakaia, e lilo i auhau maluna o na loaa i huiia o ke Kulanakauhale ame Kalana o Honolulu.
PAUKU 3. O na bona apau e hoopukaia ana malalo o ka mana o keia Kanawai e hookauia i ka ukupanee, e ukuia i kela ame keia hapa makahiki, ma ke ana aole e oi aku mamua o eono pakeneka o ka makahiki hookahi, a e ukuia a e ukupauia a e ukuia i kela ame keia manawa mai ka la aku o ka hoopukaia ana e like me ke kuhikuhi a na hoakaka a ke Kanawai o ka Ahaolelonui o Amelika Huipuia, i aponoia i Aperila 30, 1900, i kapaia "He Kanawai e hoomaopopo ana i aupuni no ke Teritore o Hawaii" ame na hoololi ia mea i mana i ka la i hoopukaia ai na bona i oleloia; aka nae, o na bona i oleloia ua hiki no e like me ke ano o na bona i ikeia ma na oihana kalepa e nee papa ana.
PAUKU 4. O na mea e loaa mai ana mamuli o na bona i hoopukaia pela e hooolilo waleia no no na hana i hoopukaia ai e like me na mea i hoakakaia maloko nei.
PAUKU 5. O ka puuku o ke Kulanakauhale ame Kalana o Honolulu, ua hiki, me ke apono ana a ka papa o na lunakiai o ke kulanakauhale ame kalana i oleloia, e hooholo i ka nui dala o kela ame keia bona e hoopukaia ana malalo o ka mana o keia Kanawai, kahi iloko olaila ke kumu ame ka ukupanee oia mau bona a i ole o kekahi o lakou e ukuia ai ame ke ano o ko lakou hoopauia ana. A na ka puuku i oleloia e hana i na mea i manaoia he kupono no ke kuai ana i ka holokoa a i ole i kekahi hapa paha o na heluna i hoomanaia e hoopuka. Ma ia hoomaopopo ana no ke kuai ana i na bona oia ano e ke kulanakauhale ame kalana ponoi iho, ma o kekaho hoolaha akea ana no na poe koho no na la aole e emi iho malalo o umi maloko o kekahi nupepa holo laula, i hoopukaia maloko o Honolulu, aka aole kekahi bona e kuaiia ina ua emi iho malalo o elua pakeneka o kona waiwaiio kupono; aka nae, mamua o ka hooliloia ana o kekahi bona, e loaa mua i ka puuku ke aponoia ana oia kuai ana e ka papa o n lunakiai; aka hou no nae, ua hiki i ka puuku, me ke apono ana a ka papa o na lunakiai, e ae aku i kekahi koho me ka hoolaha ole i ke akea no na poe koho, ina nae oia koho e like ana a i ole e oi ae ana maluna o ka huahelu o ka hoolilo hopeia ana e like me ka hoolaha no na poe koho.
PAUKU 6. O na bona apalu e hoopukaia ana malalo o na hoakaka a keia Kanawai e paihakahakaia a i ole e pai papakilaia, a e kakaumoa ia e ka puuku o ke kulanakauhale ame kalana, a e ka meia o ke kulanakauhale ame kalana, a e silaia me ke sila o ke kulanakauhale ame kalana i oleloia. O na eupona ukupanee e paikilaia a e kakauia a like me ke kope o ka inoa o ka puuku o ke kulanakauhale ame kalana i oleloia.
PAUKU 7. o ka papa o na lunakiai o ke Kulanakauhale ame Kalana o Honolulu ma keia ke kuhikuhiia aku nei e hookau i na auhau wai i hiki e loaa ka loaa makahiki no ka oihana wai no kekahi heluna nui kupono e hiki ai i ka oihana wai ke uku i ka ukupanee ame ke kumu o na aie apau i ulu ae mamuli oia oihana a o na auhau apau maluna o kona loaa makahiki e like me ia i hoakakaia e ka Mokuna 115 o na Kanawai i Hooponopono Houia o Hawaii, 1915, e like me ia i hoololiia ai, a i mea e hiki ai ia oihana ke uku nona iho; aka nae, aole kekahi mea maloko o keia Kanawai e hookuu ana i ke Kulanakauhale ame Kalana o Honolulu no ke koikoi o na hana i hookauia mai e ka Mokuna i oleloia o 115 e like ma ia i hoololiia.
PAUKU 8. Ina e hiki ole ana e ukuia ke kumu o kekahi bona i hoomanaia ma o keia kanawai a i ole o kekahi ukupanee paha maluna oia mea, ua hiki e ohiia ia mea mamuli o na koi i hoakakaia maloko o ka Pauku 2190 a hiki i 2196 i huiia o na Kanawai i Hooponoponoia o Hawaii, 1915.
PAUKU 9. E mana no keia Kanawai i kona aponoia ana.
Aponoia i keia la 27 o Aperila, A.D. 1921.
C. J. McCarthy,
Kiaaina o Ke Teritore of Hawaii.
_______________________
KANAWAI 206,
(B.H. Helu 296.)
HE KANAWAI
E HOOMAOPOPO ANA I KE KUKULU ANA O KEKAHI PALEWAI
KUPONO A I OLE MAU PALEWAI MA KE KAHAWAI O HULAWE,
AWAWA O WAIPION, KALANA O HAWAII.
Oiai, eia he hoike o na noiiia ana no ka hiki e kukuluia i mau palewai ma na aoao
o ka muliwai o Waipio, Kalana o Hawaii, a ua waihoia mai i ka ahaolelo e like
me ke koi a ke Kanawai 86 o ke Kau o 1919; a
Oiai, o ka lunanui o na hana aupuni ame ke komisina o na aina aupuni o ke
Teritore o Hawaii, maloko o ka hoike i oleloia, ua noi mai he mea hiki ke
kukuluia i mau palewai kupono ma na aoao o ke kahawai hou o Hiilawe maloko
o ke awawa o Waipio, Kalana o Hawaii, e like ma ia i hoikeia ma ka Hoike 5 o
ka hoike i oleloia; a
Oiai, o ke kukulu ana i na palewai i oleloia e lilo ana i mea hoopakele i kekahi
mau aina a e hoomaopopo ana i mau home ame na pono ole kino no kekahi poe
he lehulehu o ko lakou mau waiwai lewa ame ko lakou ola aole e palekana ana
mai na waikahe mai iloko o na manawa koikoi o ka ua; nolaila ano.
E Hooholoia e ka Ahaolelo o ke Teritore o Hawaii :
PAUKU 1. O ka heluna o iwakalua tausani dala ($20,000.00), a i ole o kekahi heluna nui kupono, ma keia ke hookaawaleia nei mai loko ae o na dala maloko o ka waihona kuikawa o na hoolilo aina ana, o ke Kalana o Hawaii, a oia heluna ua loaa i keia manawa maloko o ka waihona puuku o ke teritore, no ke kukulu KANAWAI--Gal 56
ana i mau palewai kupono ma na aoao o ke kahawai hou i manaoia o Hiilawe malook o ke awawa o Waipio, Kalana o Hawaii.
PAUKU 2. O ka heluna i hookaawaleia ma keia e hoihoi ia aku no iloko o kekahi waihona kuikawa a e ikeia ma ke ano "kukulu ana i mau palewai, kawawai o hiilawe maloko o ke awawa o Waipio," a e loaa koke no no na hana i hoikeia maloko o ka Pauku 1 o keia Kanawai.
PAUKU 3. Na ka lunanui o na hana aupuni e hoomalu i ke kukuluia ana o na palewai i oleloia, a eia ma keia ke hoomanaia aku nei e hana i na hoololi ame na ane ano hou maloko o na kii o ke kahe ana ame ke kukulu ana e like me kana i manao ai he kupono.
PAUKU 4. O na uku ana mai keia waihona ae e hanaia no maluna o na kikoo dala i hoopukaia e ka lunahooia o ke teritore maluna o na kikoo aie i aponoia e ka lunanui i na hana aupuni.
PAUKU 5. O na koena i hoolilo oleia o ka waihona, ina he koena kekahi, e hoihoi houia aku no i ka waihona kuikawa "na hoolilo aina, Kalana o Hawaii" i ka pau ana o ka hana.
PAUKU 6. E mana no keia Kanawai i kona aponoia ana.
Aponoia i keia la 27 o Aperila, A.D. 1921.
C.J. McCARTHY,
Kiaaina o ke Teritore o Hawaii.
KANAWAI 207.
(B.H. HELU 337.)
HE KANAWAI
E HOOLOLI ANA I NA PAUKU 2 AME 5 O KE KANAWAI 100 O NA
KANAWAI O KE KAU O 1917, E PILI ANA I KE KULA O
LAHAINALUNA.
E Hooholoia e ka Ahaolelo o ke Teritore o Hawaii :
PAUKU 1. O na Pauku 2 ame 5 o ke Kanawai 100 o na Kanawai o ke Kau o 1917 ma keia ke hoololiia nei i heluhelu ai penei:
"Pauku 2. Oia papa i elima lala, hookahi o lakou o ke komisina o na kula aupuni, e noho ana iloko o ke Kalana o Maui, a oia ka lunahoomalu me ka mana koho ole o ka papa i oleloia, hookahi oia ka lunahoomalu o ka papa o na lunakiai o ke Kalana o Maui, a ekolu, he poe noho no ke kalana o Maui, a e hookohuia e ke kiaaina e like me ia i hoomaopopoia maloko o ka Pauku 80 o ke Kanawai Kumu. I ka pau ana o ka manawa o na komisina i hookuhuia e paa nei i ka oihana, hookahi o na komisina e hookohuia ana malalo o keia e hookohuia no no hookahi makahiki, hookahi no elua makahiki a hookahi no ekolu makahiki, a o na hookohu apau ma ia hope aku i ka papa e kohoia no no ka manawa o ekolu makahiki. Ina e loaa ana he hakahak iwaena e na komisina no kekahi kumu aole no ka pau o ka manawa, e hoopihaia no ia hakahaka ma o ka hookohuia, a o ka manawa oia komisina oia no ke koena o ka manawa o ke komisina nona ia wahi i hookohuia ai oia. E hana no na komisina me ka uku ole, koe nae e ae ia aku ko lakou mau uku kaahele ame na holilo e aku no ka hele ana aku, malama ana ame ka hoi ana mai ka malamaia ana o na halawai a ka papa a i ole i ulu ae me ke kopono oiai lakou e hooko ana i ka lakou hana."
"Pauku 5. O na hana a ke kula oia no ka haawi ana aku i na haumana wale no e hiki ana ke hoolawa i ka manao o ka papa i ko lakou ike i ka olelo Enelani a i ole Hawaii paha; mamuli o na aoia ana i ka mahiai, na hana mikanika ame na hana akeakamai e pili ana ia mea, e huipu ana me na ike o ke kula kiekie ame na hoonaauao e ae ma na lala ike e ae e like me ka na komisina o ka papa e kuhikuhi aku ai i kela ame keia manawa."
PAUKU 2. E mana no keia Kanawai i kona aponoia ana.
Aponoia i keia la 27 o Aperila, A.D. 1921.
C.J. McCARTHY,
Kiaaina o ke Teritore o Hawaii.
________________________
KANAWAI 208
(B. H. Helu 363.)
HE KANAWAI
E HOOLOLI ANA I N PAUKU 3131 AME 3150 O NA KANAWAI I
HOOPONOPONO HOUIA O HAWAII, 1915, E PILI ANA I KA HOOPAA
AINA ANA.
E Hooholoia e ka Ahaolelo o ke Teritore o Hawaii :
PAUKU 1. O ka Pauku 3133 o na Kanawai i Hooponopono Houia o Hawaii 1915, ma keia ke hoololiianei i heluheluia ai ke puuhou mua penei:
"Ma keia ke kukuluia nei he aha, e kapaia ka aha aina, iaia ka mana kaokoa kumu o na noi apau no ka hoopaa ana i ke kuleana i kekahi aina ame na pono iloko o ka aina i paaia a e noho hookuleanaia ana maloko o ke teritore, me ka mana e hoolohe a e hooholo i na ninau apau e ulu mai ana maluna oia noi a ua loaa pu no hoi ka mana maluna o na ninau e aku e komo mai ana malalo o keia mokuna, koe nae, na kuleana ame ka mana hoohalahala, e like ma ia e hoomaopopoia aku ana ma keia hope aku. O ka lawelawe ana maluna o na noi oia ano e lawelaweia no ma ke ano he kue ia aina, a o na olelohoholo e kau aku no maina pololei o ka aina a e loaa a e ku ke kuleana maluna olaila."
PAUKU 2. O ka Pauku 3150 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:
"Pauku 3150. Palapala noi, nawai e hana. O na palapala noi no ka hoopaa ina ana no ke kuleana ua hiki e hanaia e keia poe malalo nei:
O ka mea a i ole mau mea e koi ana, ma ke ano pili hookahi ai i ole hui, e loaa ka noho ona ana maluna o kekahi waiwai paa a i ole na pomaikai a i ole pono iloko o ka aina i paaia a e nohoia ana ma ke ano kuleana, ina paha ma ke ano holookoa a i ole ma ke ano ona a i ole poe ana o kekahi hapa i mahele ole ia;
O ka mea a i ole mau mea paha e koi ana, no ka mea pili hookahi a i ole pili hui paha e loaa ka mana e hookohu a i ole e hoolilo i ke kuleana ma ke kanawai i ka aina a i ole i na pomaikai a i ole kuleana iloko o ka aina e paa ia ana a e nohoia ana ma ke ano kuleana, ina paha ma kekahi mahele holookoa a i ole ma ke ano he mau ona no kekahi hapa i mahele ole ia;
O na kiki liilii ame kekahi poe e ae malolo o kekahi mau poino, ma o ko lakou mau kahu i hokohuia ma ke kanawai e na aha kuleana o keia teritore;
E kekahi ahahui i hoohuiia ma o kona mau lunanui a i ole ma o kekahi akena i homanaia e ka papa manahoko;
E kekahi manahooko a i ole hooponopono waiwai i hookohuia e kekahi aha i kuleana no ka holohe ana i na hihia waiwai o keia teritore, a i hoomanaia e hana pela mamuli o kekahi kauoha a ka aha i oleloia. No ka hoopaa ana i ke kuleana o ka hope i oleloia e lilo oia i kahu no kekahi kuleana i hoopaala no ka lakou mau hooilina o ka aina i oleloia, a e lilo i mea hooholoia e mahele i ka waiwai e hooholo ia ana e ka aha i oleloia;
__________________________________________________________________
Nana Ma ka Aoao Ekolu
AKAIKO AKANA I KA BILA
HOOPULAPULA
____________
(Hoomauia mai.)
Lilo ka Ike i Mea e Pomaikai Ai
(b) E hoakaka ana ia no ke a 'oia mai e na loea o ke aupuni, maluna ponoi o ka aina e noho ai na kanaka, a i kuleana ai hoi lakou.
Aole he ano ni e ae o ka hoopulapula ana i kekahi lahui, mamua o ka hoolako ana aku i kona poe kanaka, ma o na loea la o ke aupuni, i kela hoonaauao pili lawelawe oihana, ke a'o ana ame ka ike e hiki ai ia lakou ke hoopau ae i na pilikia kokoke loa i pili i ke ano o ko lakou mau ola no lakoa iho. O ka haawi ana aku i kela naauao ame ka ike i loaa mai, a i hoohanaia ma ua aina mahi, kahi i waiho ai o na mea e pono ai ke ola ana, me ke kanalua ole ke olelo ae, he hana hoohoihoi loa ia ma na ano apau. ma kekahi olelo ana ae hoi, o ka ike i loaa mai ame ka makaukau niamuli o ka hoopili pono ia ana o kela ike iloko o na mea i kupono loa i na kanaka, e lilo ana ia i mea kokua nui loa aku ia lakou. O ka ike mahiai, pela hoi ka hanai holoholona ana, he mau hua ia o na hooikaika ana no ka loaa o na mea i makemakeia no keia ola ana, aole hoi he ike hoomoamoa wale ia no elike me na mea i ikeia no na haumana o ka oihana mahiai i keia la.
Me kela kokua pili dala, hui pu iho hoi me ka ike i loaa mai mamuli o ke a'o pono ia ana aku, pela me ke kulana Kristiano i loaa mua i na kanaka, e kinaiia aku auanei na ino i hoikeia ae nei, a i ui piuepueia ai e kekahi poe. No ke ola ana ma ke ano akea, ame ke ola ana iloko o ka oihana mahiai, he ola ana oluolu ia ma na ano apau. Ua loaa mai keia ike, ma ke ola ana o na lahui apau loa. Aka o keia ano o ke ola ana, e oi aku ana ia aole o ke ola oluolu wale no. E lilo 'ana ia i hookumu ana no kekahi kulana ikaika o ke ola kino, nana e ulu pa aku i na ma'i o ke ola malamalama ana, a hoala hou ia mai ka ikaika i ike mua ia he lahui nui a ikaika. E lilo ana ia i mea e hoomahuahuaia ai ka heluna o na kanaka hawaii, no ka mea o ke ola akea ana ame ke ola ana ma ka oihana mahiai, he mau mea ano nui loa ia i pili aku i ke kanaka. O ka olelo hooholo pili i ka makaukau ka mea nana e hooia mai i keia hoakaka.
Ka Hookoe Ana i ka Lahui
Eia hou, e lilo ana ia i mea e hookoeia ai ka lahui noho maluhia a puuwai hamama, ka poe e loae aku ana na a'o ana, elike me ia a keia bila i hoakaka ai, e lilo i poe makaainana Amerika hana mau me ka holomua a i poe hookaa auhau. No ka mea, ma na ike i loaa mai no na lahui kaulana o ka honua nei, o na kanaka mahiai, ame ka poe e noho akea ana, o lakou iho la ka iwikuamoo o ko lakou lahui kana ka e ku nei i keia la. Ua hoolako mai lakou, aole wale no i ka ai, aka i ke ola ame ka ikaika o ko lakou ola lahui ana. Eia hou, e lilo ana ia i mea e hoomahuahuaia e ai no makainana Amerika kupaa ma Hawaii. Ke manaoio nei au, iwaena o na kanaka apau ma na paemoku, aole he mau makaaiuana Amerika oi aku o ke kupaa elike me na Hawaii. No keaha mai. No ka mea ua a'oia lakou e malma a e hiipoi i ka poe ia lakou ka mana, a no ka mea no hoi, ua aloha i'o lakou ia Hawaii. E hui pu mai ana me keia, e lilo ana ia i mea e hoomauia aku ai kela mana ume ano nui loa iloko o ke ola ana o kekahi lahui kanaka huikau, elike me ia ana Hawaii i keia la, o ia hoi, ka maluhia, ka mea i kuluma i kekahi lahui makee i ke aloha. Ke manaoio nei au aole loa he kikowaena ma ka honua nei i hoikeikeia ae ai me ka moakaka loa, ka noho kuikahi ana o na lahui kanaka apau elike la me Hawaii. A ke manaoio nei au, o kahi mea ano nui loa nana i hapai mai i keia hopena o ke ola maluhia ana, o ia no ka noho maluhia o ka lahui kanaka Hawaii.
I ko'u noonoo, he mea pono e hoeueuia aku keia ano o ka maluhia iloko o ko kakou ola lahui ana, no ka mea iloko o ka malamalama o ko kakou mau loina Kristiano, ua oi aku kona waiwaiio, me ka hoopaapaa ole ia imua o na waiwai a ko ke ao nei e paio nei. Ua maopopo loa ia'u e la kahi ana kakou appau, o ka hoopakeia ana i kekahi lahui kanaka i lolo ai ka maluhia i mea makamae, he hana pookela loa ia iloko o keia wa. Aole loa he hoike oiaio oi ae no ke aloha ame ka maluhia mamua o kekahi lahui aloha a maluhia.
Pono e Hoeueu i na Mea Maikai
Alaila, o ka hope loa, e lilo ana ka bila i kumu e malamaia ai na mea i maa i ke ola ana ma Hawaii, a i lilo hoi i mea waiwai loa, ma ke ano pili hoonaauao, launa ana, pili lahui a pili uhane. Ua lawe mai na kanaka like ole e noho nei ma Hawaii me lakou. I na mea punahele loa ia lkou, ma ke lakou mau aina hanu. He maikai ke kahi o keia mau mea, a he ino kekahi. Nolaila, he mea pono ia Hawaii ke malama i na mea maikai loa, i komo ai kona ola ana iloko olaila. Iwaena e na kanaka apau o Hawaii, o ka akena kupono nana e hooko i keia hana, e pono no o na kamaaina, ka poe i mae popo maoli i na mea i kupono no na paemoku. O keia maoli no ka mea oiaio, e pono ai e loaa ke kakoo piha ana a na hale kaukanawai o ka Ahaolelo Lahui o Amerika Huipuia e ka bila.
(Aole i pau.)