Ka Nupepa Kuokoa, Volume LIX, Number 23, 10 June 1921 — LIHIKAI O PUUHALE. [ARTICLE]

LIHIKAI O PUUHALE.

Mr. Solomon Hanohano, ka pukaua kualana o ka Nupepa Kuokoa, ke kiai naue ole, ka mea iaia ka ipukukui uwila, nana e hoolele nei apuni na moku, me oo a mau ko'u puuwai, ame na keiki pu hoi o kou keena pa'i: —E oluolu mai i kou ahonui palena ole, e oinau iho i keia hooheno e kau ae la maluna, a na kou lokomaikai e hipuu iho, i ike mai ai na makamaka heluhelu, e ake e ike i na meahou o ke kaona i ka huikau a na kaa i ka oni a na moku. Lohe olelo wale no ko'u i ka home nani o Puuhale, ka haukapila o ka lehulehu. Lehulehu na lioa hookuuia, mamuli o ka malama maikai ia e ka lokomaikai o ka papa ola. Laau kaulana chaulmoogra, Imua na kini a lanakila, Ke Akua no ke kokua, Malamaia ka maluhia; I hui pu me ka ohana, Haliu aku i na Lani, I loaa'mai na hoomaikai, He kula loa o Kalihi. Mea ole i ke kono a ka manao. E aloha ahiahi kakou, A liui pu āia kelēpona, Ke pa mai iiei- e ka Moae, Ka makani o.ka aina. lle kaona nui Honolulu, Ke kikowaena Hawaii nei. Haina ka puana o ka nane, Ka Lihikai o Puuhale. Hakuia e ke kiu o ka eheu kani o "a pali hauliuli o ke Koolau, W. K. Apuakehau. Mokaiiea, Honolulu, Mei 29 ; 1921. WASHINGTON, Mei 31.—Elua mau leinaka i make a he umi-kumamakolu i eha iloko o ka manawa e malamaia iuia kekahi. hana hoomaamaa hoopa-hu ma ka lewa iho ma Aberdeen, Mer6lana. Iloko o ka manawa e hoomaamaaia ana ka hoohaute ana iho i kekalii poka pa-hu ma ka lewa ua hooku'i kekahi poka pa-hu i kakaa mai ka mokuea iho i kekahi hoeuli a pa-hu ae la.