Ka Nupepa Kuokoa, Volume LIX, Number 23, 10 June 1921 — Page 6
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, HONOLULU, T. M., POALIMA, IUNE 10, 1921
like a mamuli o ka mana ame na koia ka olelo hooholo a ka papa o na lunakiai o ke kulanakauhale ame kalana, e hoopuka i mau bona no ke kulanakauhale amea kalana i oleloia i kekahi heluna aole e oi aku mamua o hookahi haneri ame kanalima tausani dala ($150,000.00) no ke kumu loaa ka waihona e lawe ai no ka hale no ke kulanakauhale amea na hana o ka lehulehu i kela apana aina i ikieia o ka hale Kapiolani, e ku la ma ke kiki Akau o na alanui Moi ame Alakea, malolo o Honolulu, Kulanakauahale ame Kalana o Honolulu, Teritore o Hawaii; aka nae, aole e hoopukaia kekahi bona a hiki i ke aponoia ana mai e ka Peresidena o Amelika Huipuia i kulike me ke kanawai. O na Pauku 2180 a hiki i 2196, i huiia, o na Kanawai i Hooponopono Houia o Hawaii, 1915, e like me ia i hoololiia, koe a ua hoomaopopo okoa ia ma keia Kanawai, e pili mai no a e hoomalu i ka hoopukaia ana o na bona e like me ka mana i hoikeia maloko o keia Kanawai; aka hou no nae, ua hiki no e hooliloia na bona i oleloia aole e emi iho malalo o elima pakeneka (5) malalo o ko lakou waiwaiio a i ole e hoohanaia ma kona kumu waiwaiio no ka uku ana aku no ka waiwai i oleloia.
PAUKU 2. O ka ukupanee oia mau bona e ukuia no mai loko ae o na waihona laula o ke Kulanakauhale ame Kalana o Honolulu a o ke kumu oia oia mau bona e ukuia no mai loko ae o ka waihona o na hana kumau o ke ke kulanakauhale ame kalana; a o ka papa o na lunakiai o ke kulanakauhale ame kalana ma keia ke hoomanaia aku nei e hana i mau haawina no ka uku na i ka uku panee ame ke kumu e like me ia i hoikeia ma ka hapa mua o keia pauku.
PAUKU 3. E mana no keia Kanawai i kona aponoia ana.
Aponoia i keia la 26 o Aperila, A.D. 1921.
C.J. McCARTHY
Kiaaina o ke Teritore o Hawaii.
KANAWAI 196
(B.S. Helu 114.)
HE KANAWAI
E HOOMAOPOPO ANA NO KA HOIHOI ANA AKU AME KA HAAWI ANA AKU I NA KAHU MALAMA WAIWAI O KA HALE HOIKEIKE O BERNICE P. BISHOP O NA MEA KAHIKO POLENESIA, NA MEA PILI MOOLELO AME NA MEA HOIKEIKE, NO NA MEA ULU, NA MEA HANAIA AME NA MEA AKEIA E IKE.
E Hooholoia e ka Ahaolelo o ke Teritore o Hawaii:
PAUKU 1. O cela âme keia mea hoikeike âme na mea pili moolelo o na mea kahiko pili moolelo a i ole waiwai ma ka hoike ana mai i na mea kahiko e paa ia nei i keia manawa e ke Kulanui o Hawaii, a i ole e kekahi keena paha o ke teritore, keena oihana a i ole papa, a i ole e loaa mai ana paha ma keia mua aku iloko o ke kulanui i oleloia a i ole keena paha, keena oihana a i ole papa, in a ia manawa oia mau mea aole i makemakeia no na mea pili imi ana aku i ko lakou ano, pili hoonaauao, a i ole no kekahi mau kumu e ae paha i makemakeia ai e kulanui i oleloia a i oleia keena, keene oihana a i ole papa paha, ame na have pili moolelo e waiho nei maloko o ka hale hoahu o na mea kahiko, ua hiki, i ke koiia ana mai e na kahu malama waiwai o ka Hale Hoikeike o Bernice P. Bishop o name mea pili Polenesia o na Mea Kahiko, pili Moolelo ame na mea Hoikeike o na mea hana, e hoihoi a e haawiia me ka ae ana oia keena, keena oihana a i ole papa paha e paa ana i kekahi oia mau mea i na kahu malama waiwai i oleloia a ia manawa e pili aku no ke kuleana maluna oia mau waiwai i na kahu malama waiwai i oleloia a e paaia e lakou me ka malu e like me na hoakaka e hoikeia aku ana maloko o kekahi palapala kuai hoomalu mawaena o Charles R. Bishop ame kekahi poe e aku ame Samuel M. Damon ame kekahi poe e aku, i hanaia i ka la 13 o Okatoba, 1896, a i kopeia iloko o ke Keena Kope o na Palapala iloko o ka Buke 164, ma na aoao 387-391, me na mea e pili ana i ka hale hoikeike i oleloia; aka nae, o na mea hoikeike ame na waiwai i hoihoiia pela a i haawiia i ka kahu malama waiwai i oleloia ua hiki i na manawa apau i kupono e haawiia mai e na kahu malama waiwai i oleloia no ka imi ana ame ka hoonaauao ana ma o na lunanui o ke kulanui i oleloia a i ole e kekahi keena, keena oihana a i ole papa paha.
PAUKU 2. O na hoakaka o ke Kanawai 154 o na Kanawai o ke Kau o 1917, e pili ana no ka hooliloia ana o na waiwai lewa o ke Teritore o Hawaii, aole e manaoia ua pili i keia mau mea i hoikeia maloko o keia Kanawai.
PAUKU 3. E mana no keia Kanawai i kono aponoia ana.
Aponoia i keia la 26 o Aperila, A.D. 1921.
C.J. McCARTHY
Kiaaina o ke Teritore o Hawaii
KANAWAI 197
(B.S. Helu 121.)
HE KANAWAI
E HOOKAAWALE ANA I HAAWINA NO KA UKU ANA I KEKAHI MAU KOI I KE TERITORE O HAWAII I ULU AE MAMUA AKU o IUNE 30, 1919.
E Hooholoia e ka Ahaolelo o ke Teritore o Hawaii:
PAUKU 1. O na heluna mahope aku nei, i hiki aku i ka eono tausani hookahi haneri kanakolu-kumamaiwa dala ame umi-ku-mamaiwa keneka ($6,139.19), ma keia ke hookaawaleia nei mai na loaa laula ae o ke Teritore o Hawaii no ka uku ana aku i keia mau koi malalo nei i ke teritore, i ulu ae mamua o Iune 30, 1919.
Keene o ka Papa Ola:
Hilo Electric Light Company, Ltd…………………$ 114.77
Leahi Home………………………………………..5,801.25
Keene Auhau:
Hilo Electric Light Company, Ltd…………………. 12.30
Koalahui Kiai o Hawaii:
Hawaii Garage, Ltd., Hilo…………………………. 163.37
Keena Aina Aupuni:
Hilo Electric Light Company, Ltd. ………………… 13.48
Halebuke Lehulehu:
Hilo Electric Light Company, Ltd. ………………… 34. 02
PAUKU 2. Aole ka lunahooia e hoopuka i mau kikoo dala no ka uku ana i kekahi o na maluna ae a waihoai mai na likiki e hooia ana ua uku pihaia ia mau koi, kakauinoaia e na poe koi a i ole e ko lakou poe hope oiaio a aponoia e ke poo o ke keena a i ole keena oihana paha nana i hooliloia mea.
PAUKU 3. O ka haawina ma keia Kanawai e pau no i ka la kanakolu o Iune, 1921.
PAUKU 4. E mana no keia Kanawai i kona aponoia ana.
Aponoia i keia la 26 o Aperila, A.D. 1921.
C.J. McCARTHY,
Kiaaina o ke Teritore o Hawaii.
KANAWAI 198
(B.S. Helu 72.)
HE KANAWAI
E HOOLOLI ANA I KA PAUKU 1228 O NA KANAWAI I HOOPONOPONOIA O HAWAII, 1915, ELIKE ME IA I HOOLOLIIA AI E KE KANAWAI 135 O NA KANAWAI O KE KAU O 1917, A E HOOPAU ANA I KA PAUKU 1228A O IA KANAWAI A E HOOLOLI ANA I KA PAUKU 1229 O UA MAU KANAWAI LA I HOOPONOPONOIA E OLELOIA NEI, E PILI ANA I NA AUHAU.
E Hooholoia e ka Ahaolelo o ke Teritore o Hawaii:
PAUKU 1. O ka pauku 1228 o na kanawai i hooponoponoia o Hawaii 1915, e like me ia i hoololiia ai e ke kanawai 135 o na kanawai o ke kau o 1917, ma keia ke hoololiia nei a i heluhelu ai penei:
"Pauku 1228. Auhau no na kaa moto. On a kaa automobila a pau loa ame na kaa e ae e hooholo ia ana e ka ikaika mikini (a oia mau kaa, ma keia hope aku e hoomaopopoia a e kapaia he kaa auto) e kau ia maluna o lakou ka auhau makahiki i kela ame keia makahiki nona ka huina o hookahi keneta o ka paona hookahi o ke kaumaha o ua kaa auto la, a e uku ia auhau e ka ona o ua kaa auto la, a e ohi ia auhau e ka puuku a i ole ia e kona hope o ke kalana a i ole kulanakauhale a kalana e like me ia i ike ia, a e kau ae ia auhau a e ukuia i ka la 1 o Ianuari a e uku ia apau mamua o ka la 1 malaki iloko o kela ame keia makahiki. I ka hoomaopopoia ana o ke kaumaha o ua kaa auto la, o ke ana kaumaha e lawe ia ai oia no ke kaumaha maa mau o ia kaa oiai e hoohana ia ana me kona mau lako apau, i hui pu ia aku ka aila hoohana ame ka wai. Koe nae keia, i ka manawa e hooakaka ia aku i ka puuku a i ole i kona hope ua loaa mai keia kaa auto mahope iho o ka la ekahi o Ianuari o ia makahiki i ka mea e makemake ana e kakau helu ia ua kaa la, o ka huina auhau e uku ia ai no ua kaa la, e like no ia me keia e hoomaopopoia nei maloko o keia koe nae e hooemi mai i ka huina o ewalu ame hapakolu pakeneta no kela ame keia mahina i hala ae o ia makahiki ma ka la i loaa mai ai ua kaa auto la i ka mea e paa ana ia ia manawa. A eia hou aku no, on a kaa auto i noho on a ia a i lawe ia mai iloko nei o ke Teritore no ka manawa a e hoohana ia no ia manawa wale e ka poe he kupa ole no ke Teritore nei e maha ae no lakou mai na auhau e hoomaopopoia nei maloko o keia kanawai e pili, ana no ka uku ana ia mea ame ke kau pu ana mai o na papa kau huahelu no ka manawa o ekolu mahina mai ka la mai o ke komo ana mai o ua kaa auto la iloko nei o ke Teritore, ke hooko nae ua malihini nei i na kanawai o ka mokuaina a i ole ia o ka aina ana e noho ai e pili ana i ka ukuia ana o ka auhau ame ka helu kakau ana, a e hoike ae hoi ma ia kaa auto ka helu makahiki e like me ke kuhikuhi ana a na kanawai o ia mokuaina a i ole aina paha. I ka manawa e loaa mai ua auhau la, e kau koke aku no ka puuku ai ole ia o kona hope i ka helu a me ka kakau helu ia no ua kaa auto nei ma ka inoa o ka on a a e hookomo ia aku ia mea maloko o kekahi palapala a buke paa i hoomakaukauia a e malamaia ana no keia hana, a e haawai pu aku i ka on a o ia kaa auto i likiki e hoike pu ana ma ia likiki i ka helu o ka laikini o ia kaa auto, a e hai pu ana i ka uku ia ana o ka auhau o ia kaa auto no ka pau loa ana a i ole no ka hapa makahiki o ia makahiki i hoopukaia ai ka likiki auhau. E hoolako pu aku no hoi ka puuku, a i ole ia o kona hope i ka mea uku auhau me elua papa mea kau helu no ua kaa auto nei me ka helu ame ka makahiki maluna o ia mau papa, a e kaki aku no ia mau mea wawaho ae o ka auhau kaa auto i ka huina o hookahi dala. E hoopili aku ka on a o ua kaa auto nei i ua mau papa kau helu nei maluna o ua kaa auto la hookahi mamua a hookahi mahope o ke kaa, a e hoopaaia ua mau papa mea kau helu nei a paa pono iluna o ua kaa auto nei i hiki ole ai i ua papa nei ke onioni a no ke kiekie hoi aole e emi iho malolo o umikumamawalu inihia mai ka honua ae. E hookau ia ua mau papa mea kau helu nei i hiki ke ike pono ia i na manawa apau. Koe nae keia, o na moto aikala e kau ia ae i hookahi wale no papa helu a e kau ia mahope o ia kaa i ike ia ai. Mahope iho o ka uku mua ia ana e like me ia i hoakakaia ae nei maluna ae, aole e koi hou ia kaa e kaupaona hoia ma ia mau makahiki mai, koe wale no keia aia a ua hana hou ia ke kaa ma ke ano ua loli loa ae kona kulana mai ke ano mau mai a ma ia hana ana ua hoonui ia aku a i ole ia ua hoouuku ia mai na paona kaumaha o ua kaa auto nei. E hoike koke aku ka puuku i ka makai nui o ua kalana a kulanakauhale a kalana nei i na helu i hoopuka ia aku e ia ame ka wehewehe maopopo ana e hiki ai ke hoomaopopoia ke ano o ua kaa la. ame ka inoa ame ka wahi noho o ka mea nona ka laikini i hoopukaia aku ai. Alaila e hoopaa iho ka makani nui o ke kalana i ole ia o ke kulanakauhale a kalana i ua helu la, ke ano o ke kaa auto ane ka inoa ame ka wahi noho o ka on a o ua kaa auto la iaia i hoopukaia aku ai ua laikini nei ma kekahi buke a palapala paa mau e malama ia ana e ia no keia hana.
O na kaa auto hou apau loa e malama ia ana ma na hale kuai kaa no ka manaoia e kuai aku, e malama ia no ekolu mahina wale no, a o na kaa hana a ke aupuni apau loa ma keia ke hookuu ia nei mai na auhau e hoomaopopoia nei maloko o keia kanawai, a e hoopuka ia aku no na papa mea kau helu e like me ia i keia manawa a i ole ia e like me ia e hoomauopopoia aku ana e na kanawai o na kalana a i ole ia o ke kaulanakauhale a kalana. O na papa kau hua helu i hai ia maluna ae nei a e like me ia e hookaka ia nei ma keia mua aku, e like ko lakou ano iloko o ke Teritore holookoa, a e hookau ia maluna o na kaa auto apau i auhau a i uku ia o ia auhau e like me ia e hakaka ia nei maloko o keia pauku. O ua mau papa kau hua helu a pau loa, e kau ia iho maluna o lakou na huaolelo "Hawaii," he ano e ke pena ana no kela ame keia makahiki, a e like ole no hoi ke pena o ka huahelu mai ke koena iho ka papa, a o ka nui, ke ano a me ke waihooluu o ia mau papa ame ke ano o ke kau ana o na huahelu ame na hua palapala, i kulike ai me na khikuhi ana a keia pauku, e hoomaopopo a hooholo ia no ia mau mea apau e ke kakauolelo o ke Teritore. Ma ka la a i ole mamua ae o ka la mua o Okatoba, e hoike aku ua kakauolelo nei i oleloia, a pela mau e hana ai i kela ame keia makahiki, i ka puuku like ole o na kalana a kulanakauhale a kalana i kana mea i hooholo ai e pili ana i ka nui, i ke ano, i ka waihooluu ame ke kau ana o na hua palapala ame na huahelu malunna o ua mau papa la, ame na helu e hoohana ia ana e kela ame keia kalana a kulanakauhale a kalana. O na huahelu maluna o ua mau papa la aole e emi iho malalo o eha iniha ke kiekie, a o ke akea, aole e emi iho malalo o hapawalu iniha.
Ua kau ke koikoi maluna o na papa luna kiai o na kalana like ole ame ka kulana kauhale a kalana ke kuai ana i mau papa kau kua lehu e lawa kupono ai ka hoohana ia ana maloko o ia kalana a kulanakauhale a kalana.
O cela âme keia kaa auto i loaa ole kekahi papa kau hua helu e like me ia e hoakaka ia nei maloko o keia pauku, a o kekahi kaa auto e ae i uku ole ia ka auahau a i ole i kaa mahope ka uku ia ana o ke kauhau e like me ia e hoomaopopoia nei maloko o keia, e hiki ke lawe ia a paa e ka puuku, kona hope, a i ole ia e ka makai nui, hope makai nui, makai, a i ole ia kekahi kanaka e hana ana ia hana malalo o ke kauoha a ua puuku a hope puuku la; a e paa ia kaa no ka manawa o umi la, a iloko o ia manawa e hiki no ke kii hou ia mai ua kaa auto la e kona on a ma ka uku ana mai i na auhau apau lo, me ka uku pu ana mai i hoopai o hookahi dala ame na lilo o ka malama ia ana ame na lilo e ae no ka hopu a paa ia ana o ua kaa auto la. A o ua puuku la, hope puuku, makai nui, hope makai nui, makai, a kanaka a mau kanaka i hana ia hana ma ka aoao o ka puuku a i ole ia o ka hpe puuku, e manao ia no ua hopu lakau a ua paa mai i ua kaa auto nei e like me ia i hoike ia ae la mamua ae nei, i ko lakou manawa e sila ai apaa loa ua waiwai la ma kahi on a i loaa aku ai, ame ke kau ana ae i kekahi hoolaha maluna ona e hai ae ana i ka mea i ike ia ua lawe ia a ua paa ia ua kaa auto no ka auhau a e a'o uku ana i na poe apau ole ma ke lawelawe ae i ua wai wai o pilikia aenei malalo o ke kanawai e hoomaopopoia aku ana. A o na poe apau e lawelawe ana a e hoonioni ana i ua kaa auto nei i hopu ia a paa ia, e hoopai ia no lakau i ka hoopai i hoika ia mahope ae nei. O na kaa auto apau i hopuia a paaia a sila ia e like me ia i hoakakaia maluna ae nei e waiho malie ia ma ka wahi o ka hopu a sila ia ana a i ole ma kekahi wahi e ae a ka puuku a i ole okona hope e kuhikuhi aku ai, malalo o ka lilo a me poho o ka ona. Ina ka on a o ua kaa auto nei e kii ole aku ana e uku i ka auhau o ua kaa autonei iloko o umi la mai ka la mai o ka hopuia ana paaia ana o ua kaa auto nei, e hiki no ke hoolilo ia ua kaa uato nei e ka puuku a i ole ia e kona hope ma ke kukala ana ma ke akea i ka mea koho kiekie loa, mahope iho o ka hoolaha ana ae ia mea haloko o kekahi nupepa holo puni no umi la e pai ai ana maloko o ua kalana nei a kulanakauhale a kalana, a i ole ia ma ke kau ana e i mau hoolaha aole e emi mai malalo o ekolu ma na wahi hele mau ia e ka lehulehu iloko o ka apana i hopuia ai a paaia ai ua kaa auto la. O ka huina i loaa mai mamuli o ia kuai kukala ana, mahope iho o ka lawe ia ana ae o ka hina auhau ame ka hoopai maluna o ia mea, ame na lilo e ae apau no ka hoolaha ana, ka malama ana ame ke kuai ana aku ia kaa auto nei, e hoihoi ia aku i ka mea nona ua kaa auto la. Ina e waiho ia mia kekahi koi no ua huina leleoi la e waiho ia ae i ka puku iloko o kanaono la mai ka la o ke kuai ia ana o ua kaa nei, e ukuia aku no ua huina leleoi la iloko o ka waihona o ke kalana a kulakauhale a kalana ma ke ano he waihona no ka lehulehu, a o na koi apau ma keia mua aku no ua huina leleoi la, a hoole loa ia aku no ia mea.
O cela âme keia mea e hoopili pu aku ana a e hoohana ana maluna o ua kaa auto la i kekahi papa kau hua helu o hoolako ole ia mai e like me na kuhikuhi ana a keia pauku, a i ole i hoohana aku me ka manao ino a kolohe i ua papa kau hua helu nei maluna o kekahi kaa auto e aku aole nona ka papa kau hua helu i hoopukaia ai, a i ole i hoopilikia a hoapaapa ale aku i kekahi kaa auto i hopuia a i paa ia malalo o na kuhikuhi ana akeia pauku, a o kela ame keia puuku a hope puuku e hoopuka ana i pepa kakau helu a i papa kau hua helu i kekahi kanaka i uku ole mai i ka auhau e like me ia e koi ia nei e keia kanawai, a i ole ia o kekahi no e hana ana i na hana apau e ku-e ai i na kuhikuhi a keia pauku, e manao ia ua kau maluna on a ka hewa mikamina, a i ka manawa e hoahewaia ai no ia mea e hoopai ia i ka hoopai uku dala aole e oi aku maluna o elima haneri dala ($500.00)."
PAUKU 2. O ka pauku 1228A o na kanawai i hooponopono hou ia o Hawaii, 1915, e like me ia i hoololiia ai e ke kanawai 135 o na kanawai o ke kau o 1917, ma keia ke hoopau loa ia nei.
PAUKU 3. O ka pauku 1229 o na kanawai i hooponopono hou ia o Hawaii, 1915, ma keia ke hoololi ia nei a i heluhelu ai penei:
"Pauku 1229. Na kaa a pela wale aku, auhau. O na kaa lealea, na kaa na liilii, na kaa kupapau, na kaa bus, na kaa kikane, na kaa lawe ukana ame na kaa e ae i helu ole ia maloko o keia, e huki ana e na lio ame na miula, a i hoohana ia no ka lawe ohua ana, a lawe ukana a waiwai kuai e ae e auhau ia lakou ma ka auhau makahiki o elima dala no ke kaa, hookahi a e uku ia auhau e ka kona o ia kaa. O na kaa huila lua a me na kaa salake e auhau ia laua ma ka pa elua dala o, ka mea hookahi, a e ukuia ia auhau e ka on a o ia kaa; o na kaa pipi a pau e uku ia lakou me ka auhau o elima dala o ke kaa hookahi a e ukuia auhau e ka on a o ia kaa pipi.
PAUKU 4. E mana keia kanawai mai ka la ekahi aku o Ianuari, 1922, koe nae ma na wahi e olelo ana i na hana a ke kakauolelo o ke Teritore, a oia hapa, e mana mai ka la ekahi mai o Okatoba, 1921.
Aponoia i keia la 26 o Aperila, A.D. 1921.
C. J. McCARTHY,
Kiaaina o ke Teritore o Hawaii.
KakelameKuke
(KAUPALEWAIA)
Poe Kalepa ma
ke Komisina
- A HB -
Poe Agena no na Mahiko
Lehulehu
TERITORE O HAWAII
Keena o ka Puuku Honolulu Oahu.
Ma ka hana e hoopau ana i ka HAWAIIAN COPRA COMPANY, LIMITED.
OIAI, o ka HAWAIIAN COPRA COMPANY, LIMITED, he hui ia ka kuluia a e ku ana malalo a ma ka mana o na kanawai o ke Teritore o Hawaii, i kulike ai me ka kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hai i oleloia, hia pu me kekahi palapala i hooaiioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka acia aku o ka palapala noi i oleloia maloko o keia keena, mamua ae o ka hora 12 awakea o ka la 25 o Iulai, 1921, a o kela ame keia mea e make makea ana hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mano Hoola, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wawi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii.
Honolulu, Mei 17, 1921.
6452- Mei 20, 27; Iune 3, 10, 17, 24;
Iulai 1, 8, 15, 22.
HE KAUOHA ANO NUI.
KA AHAHUI MALAMA AME HOAIA DALA O NA HAWAII, LTD.
Ke haawiia aku nel he 6 mahina mai keia la aku, no na lala apau i uku piha ole mai i ko lakou mau kea, e hoopiha koke mai me ke kali ole. He nui na lala i haule hope loa maka uku ana. Ina aole e hanaia mai ana keia hana alaila e poho ana na lala, a e lawe ana ka hui na dala i hookomoia mai elike me ke koi ana a na kanawai a ka hui. O ka poe i uku mua i ko lakau mau uku mahina, a e hoomau nei, aole no lakou keia hoolaha. Nolaila, e ma kanala mai na lalo haule hope. O na moraki apau loa i uku ole ia mai, e makaala mai ka poe no lakoa na moraki, o kudalaia aku auanei e ka hui. Ke hoohemahema loa nei kekahi poe.
Ke kauhaia aku nei na lala apau o ka hui, e hoouna mai i ko lakou wahi noho ame ka haleleka i hiki ai i ka hui ke kakau aku ia lakou. O ka hapanui o na lala, aole i maopopo ko lakou wahi noho aole i maopopo i ka hui. Hoouna mai i keia ike i ka hui ma ka pahu haleleka i hoikena malalo iho.
Wehe Hou Ia na Kea i Koe
Mai keia la aku, ke hoohemo hou ia aku nei na kea o ka hui i koe i na lala ame ka poe e makemake ana. Ua makemakeia na lala kahiko e lawe aku i keia mau kea i koe in a e hiki. Ua makemake ka hui e loaa ka huina "$50,000.00 maluna iho o na mea i loaa. elike me ia i hoikeia ae la ma ka ho ike maluna. O ka poe i kauoha mai i mau kea hou, o ko oukou manawa keia oiai ke pau loa aku nei na kea i ka lilo.
O ka uku ke kea hookahi, $100.00 ma ka uku piha wale no.
Mai kali i ke noi ana mai i na pala pala noi i ka hui.
KA AHAHUI MALAMA AME HOAIE
DALA O NA HAWAII LTD.
P. O. Box 550, Honolulu, T. H.
6452 - Mei 20, 27; Iune 3, 10.
WAAPA LAWAI'A NO KE KUAI
Eia ma Kakaako e waiho nei he waa pa lawai'a ame na lako apau e pili ana i ka waapa no ke kuai aku. He waapa nui a kupono maoli no ke oiba na lawai'a, me ka mikini i lawa maoli ka hoonee ana me ka ikaika, in a no ka makemake e hele ma kahi loihi. Ka komo pu ma keia hoolilo ana kekahi unau upena lawai'e.
Ina no ka makemake e ike maka i ka waapa, a i ole ia, i kahi paha e wai bo nei o keia waapa, e ninau ia Mrs. Panako Ivy Lawelawe me kona wani noho ma ka helu 766 Alanui Hema, Honolulu, Oahu.
He oluolu ke kumukuai, a pela no me na kuka'i olelo ana. E wiki. Na ka oioi mua no ka loaa.
6452- Mei 20, 27; Iune 3, 10.
T O Murata Furniture Store
(Na noho beolimalima me lako pa maanei.)
Na Lako Hale Hou me Kahiko
Hoolimalima me Kuai Hoolilo
715 Alanui Hema, Honolulu, T.H.,
Kelepona 1695
NUPEPA KUOKOA
No ka makahiki (one year) . . . . . . $2.00
No eon mahina (six months). . . . 1.00
O na Dala âme na Hoolaha Apau a hoouna pololei mai i ka ADVERTISER PUBLISHING COMPANY, LTD., wale no, P. O. Box 208, Honolulu, T. H.
217 Alanua Moi, ma ke keena o ka
Nupepa Advertiser.
Entered at the Post Office at Honolulu, T. H., as Second Class Matter.
Charles. S. CRANS LUNA NUI