Ka Nupepa Kuokoa, Volume LIX, Number 22, 3 June 1921 — Page 2
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII
KUU WAHINE ALOHA MRS. ABIGAIL
K. H. A. LUM LUNG
UA HALA
--------------
Mr. Solomon Hanohano, Alha kaua: ---E ololu mai oe i kou ahonui i kekahi rumi kaawale o ke kaua hiwahiwa i kahi poomanao e kau ae la maluna, i ike mai ai kuu nui ohana, na hoaloha ame na makamaka, ma ka la puka ma Kumukahi a ka welona o ka la i Lehua, o ia hoi ka‘u mea aloha he wahine, ua hala no ka wa mau loa. Auwe, aloha wale!
Oiai au e noho ana ma ko‘u wahi hana ma Honolua ranch nei, ma na pule aku nei i hala, hora elima paha ia, kani ana no ke kelepona mai Kahakuloa mai, mai kekahi mai o ko‘u ohana; e ha‘i mai ana ia‘u e hele aku no ka‘u mea aloha.
Haalele ia Honolua nei i ka hora 7 p. m o ke ahiahi, e ake aku ana e ike i ka‘u mea aloha, a he oiaio ua ike io no, me ka manao ae nei he pono, eia ka aole; i ko'u hoea ana aku e piha mai ana ka ohana, a hui no me ka‘u mea aloha me ka naau luuluu, a ike aku la i ka wahine, ninau aku la au, pehea oe! Pane no hoi le,a pilikia. Kela huaolelo pilikia, ua kau ihe maluna o‘u ke ko‘iko‘i o ke kaumaha.
Aole i moe pono ia o a‘u me=kuu mea aloha ahiki i ke ao ana ae. Palima. Auwe, luuluu wale au a!
Ma ka hora 7:30 a. m:, o ia kakahiaka Poalima, Mei la 6, i lalau mai ai na lima o ka anela o ka make a lawe aku la i ka uhane o kuu mea aloha, a waiho iho la i ke kino wailua na‘u, na kana kane, na keiki ame ka ohana. Auwe, luuluu wale au i ka hana lima ole a ke aloha e hana leku hala ole nei ialoko.
Ua hoohuiia aua ma ka berita maemae o ka mare ma Wailuku, Maui, e Father Makimio o ka hoomana Kakolika i ka makahiki 1910, i ka mahina o Aperila, la 8, nolaila ua piha ia maua he umi-kumamakahi makahiki o ko maua mare ana.
Ua puka mai ko maua puhaka mai, he ehiku a maua keiki, ekolu keikilane a eha maikamahine, he elua i hala mua, a he elima e koe, a haalele mai la kuu mea aloha ia‘u. Auwe, aloha wale kuu mea aloha i haalele mai ia‘u.
He wahine heahea, oluolu, he puuwai hamama, he mea nui au iaia, ka maua mau keiki, ka ohana ame ka poo apau o kipa mai ana ma ko maua home.
Ua pili wale ia no e maua ma na wahi a maua e hele ai, e imi ana i pono no keia noho honua ana. Auwe, walohia wale, ke huli ae e nana i kahi u kaua i noho ai me na keiki a kaua, na ka waimaka no e hele!
Aole au e poina i na hana maikai a kuu wahine, ua lilo ia i kiahoomanao inau na‘u. He wahine hoomaemae ma ka noho home ana ,aole o kou hana a panaka hana hoi aku e noho mai ana oe i ka hale me na keiki a kaua! Auwe, aloha wale! Aole au e ike hou ana kou helehelena e hoonana ae ana i ke alohe aole ia e pau. E Honolua nei e, kahi a‘u me kuu mea aloha i noho ai, e imi ana i pono no keia noho honua ana aole oe e ike hou ana ia Abigail Kalei e hehi hou ana i kou lepo aloha, ua pau no ka wa mau loa. E Kahauiki e, ia wahi a kuu mea aloha e hele ai e launa ana me kuu mau pokii ame ka poe apau e noho ana malaila, aole okou e ike hou ana ia Kalei e maalo hou ana malaila.
E Lahaina e, i ka Maluulu o Lele, aole oe e ike hou ana ia Kalei e naue aku ana i ou la. E Wailuku e i ka makani aheahe maile, aole e pa honu ana kou makani maikai ma na papalina o kau mea alohe, aole, ua pau no ka wa mau loa.
E Kahakuloa e, kuu home, kahi hoi a‘u i hii ai i kuu mea aloha, a moe aku la i ka moe kau a hooilo, aole oe e ike hou ana ia Kalei, aia aku nei paha me Hiku i ke kui lei ohelo. Auwe, alohe wale!
Ua loihi no ka hoomailo ana a la una‘i iaia, hoomaunawanui wale ia no eia, ahiki i kona haalele ana mai ia‘u me na keiki a maua, a ko iho la ka olelo a ka Buke Nui o ke kanaka i hanauia e ka wahine he hapa kona mau la, ua piha i ka popilikia.
Ke haawi aku nei au i ko‘o hoomaikai i kuu nui ohana, mai ka uka a kai o Kahakuloa, uo ko lakou ala pu ana me a‘u e ku kiai ana i kuu mea aloha, ahiki i kona laweia ana ma kona home lua, ma ka ilina Kakolika; ke pule nei au i ko kakou Makua i ka lani, Nana no e hoomama mai i ko‘u kaumaha.
Me oe ko‘u hoomaikai nui e Sol Hanohano ame na keiki hoonohohua o kou papapa‘i.
Owau iho no me ka luuluu,
H. AKOANA LUM LUNG.
Honolua Ranch.
--------------
KUU PAPA, LONO KAIAIKI, UA HALA, UA NALO.
--------
Mr. Sol. Hanohano, Aloha oe a nui loa: --E oluolu oe e hookomo iho ma kahi kaawale o kau nupepa i keia mau olelo kaumaha no kuu papa hele loa.
Aole au i moehane mua i ke Kilauea i haalele aku ai i ka uluwehi o ke kaona i ka la 13 iho nei o Mei, ua kaumaha, a luuluu, aohe no hoi o ke halihali pu mai ia me kekalii puolo kaumaha mai a hiki he aio ae, o ke kaumaha no ka hoi ia a pili pu ana kahanu i ahona wale no i kuu hoomanao ana ae i keia mau olelo a ko kakou Haku aloha i olelo mai ai ma Ioane 14:1, "Mai hookaumaha i ko oukou naau, e manaoio i ke Akua a e manaoio mai ia‘i"; a pela no hoi ma Ioba 1:21, "Na Iehoa i haawi mai, Nana no hoi i lawe aku la; e hoomaikaiia Kona inoa."
Kuu papa Lono Kaiaiki, he kaikunane pokii oia no kuu mama aloha Kahalenoe, elua wale no laua, aole ana keiki, aka ua luhi no oia ia makou na keiki a kona kaikuahine. E kuu mau pokii mary ame Edith, ua ike olua i ke aho ope o ka papa o kakou no ka mea me olua a hele aku la i keia ao ma o.
Aohe o kakou papa i koe e hoomakuakane wale aku ana paha ia ia ha‘i; ohe i ikeia ke aloha i ka wa e ola ana, i ka make ana aku la ka hoi, hiki ole ke hoomanawanui, e pipii mau ana ka hoi i ka houpo a hua‘i ma ke kua.
E Maui Hikina e, e maui Komohana e, Maua Akau e, Maui Hema ame Mauia Waena e, ua hala, ua nalo aku la ia kama a okou, aole okou e ike hou iaia, aole hoi oia e holoholo hou ana ma kou mau alanui me kou mau kualono aloha.
Hookahi wale no mea hiki ole ia kakou ke hoopoina nona, o ia hoi keia, ua ikeia eia mai ke kiekie a ka haahaa, mai ka poe waiwai a ilihune, mai ka poe e hana ana i ko ke Akua makemake a i ka poe e hana ana i ko ke ao nei.
E mam, ua loaa mai no hoi kau leka ia‘u i ka Poalua a pane aku no hoi au ia oe, e ha‘i mai i ka Poalima; alaila holo aku au i ka Poaono, eia ka ia Poalua no ka oia i ku ai a hele a haalele iho ia oe, ia makou hoi i na keiki me na moopuna nui a lehulehu, o ka mea hoi loa aku i ka moopuna aloha ana ia Olivia kuu kaikamahine.
Heaha hoi ka kakou hala nui i maka e loa ai oia ia kakou, aohe o ka hele a pau ka huhu hoi mai no hoi, aia aku nei paha i Kohala i o Mauna Mama Mele la, a i ole, aia aku nei paha i Kaleponi aina hau, i ka Ipuka Gula e huli ai ia Kuane Eddie Kalanihakua Helekunihi.
O ka mea nui e mama e nonoi nui i ka Haku e hoomana mai ia kakou no ka mea o Koa makemake ke hanaia aole o ko kakou.
Me keia mau wahi manao ke haawi nei au i ko‘u hoomaikai ia Solomon Hanohano ame na keiki o kona papapa‘i ko‘u aloha.
Owau iho no me ka luuluu,
MRS. KALEIONEHU MITCHELL.
--------------
KOMOIA KA HALEKUAI BIPI A LAWELA KA PAHU WAIHO DALA
--------
Ua hakilo wale paha ka piko pau iole me ke akenui e loaa ka maunawa kupono noua e hooko aku ai i kona makemake lapuwale, a i ka ike ana o ka manawa kupono ia ua hooko aku la ia manao kolohe a ua ko i‘o me ka maalahi.
Ma ka po o ka Poaono aku la i haia ua komoia ka halekuai bipi ma ke alanui Alapai e kekahi mau piko pau iole a laweia ka pahu waiho dala me kekahi mau kini meaai lehulehu, ho pahi okioki bipi nui ame elima mau paona waiubata paa, elike me ka ka on a o ia halekuai o ka hoike ana ae i kaoihana makai ma ke Sabati mai.
Loaa aku i ka Makai Mahukona ka pahu waiho dala e waiho ana ma ka aono makua o ke alanui Moi. Ma ka manao wale ia me he mea la he ki ka ka mea kolohe a mau mea kolohe paha i hiki ai ke wehe i ka puka, no ka mea; ma ka nanaia ana aohe wahi o ka hale i wawahiia, oia mau paa no o na puka ame na puka aniani. Malia paha ua pe nei mea aihue malolo o keia halekuai i ka manawa mamua iho o ke paniia ana o ka puka o ka halekuai, a i ka manawa e meha ai oloko o ka hale oia ka manawa e haua e kolohe i kana hana.
--------------
NA MAKE
--------
Anthony Benito ia Olivia Roberts, Mei 25.
Henry L. Holstein ia Mrs. Ah Loy, Mei 25.
Chas C. Young ia Abbie Kamalii, Mei 27
John Nahalea ia Annie Kalei, Mei 31.
--------------
NA HANAU
--------
Na Mr. âme Mrs. Joseph Paahao, he keikikane, Mei 8.
Na John Lima âme Aliee McDonald, he kaikamahine Mei 23.
Na Mr. âme Mrs. James Kaopua, he keikikane, Mei 25.
Na Albert Bailey âme Lily Kelii, he kaikamahine, Mei 28.
Na C. E. Crabbe ame Ilau Akamu, he keikikane, Mei 28.
Na H. C. Adams ame Rebecca K. Kaleikini, he keikikane, Mei 29.
Na Mr. âme Mrs. A. M. Keaunui, he kikikane, Mei 30.
--------------
NA MAKE
--------
Mrs. Kakalina K. Pihanui, ma ke Awawa o Palolo, Mei 29.
Annie Kawaipala, ma ke Alanui Jack, Mei 29.
D. Kaaikauna, ma ke Alanui Hema, Mei 30.
James Harvey, ma ke Alanui Muliwai, Mei 30.
Simeona Paaluhi, ma ke lanui Moi, Mei 31.
M. K. Kuapuhi, ma ka Halema‘i Moiwahine, Mei 31.
--------------
E haawi ae ana ke Kalapu o na Kaikamahine Hula he ahamele malolo o ka Odd Fellows Hall ma ka hora 7:45 o keia po Poaono iho, Iune 4, no ka pomaikai o Adam Kealakai JR. ke keiki makapo. Na ka hui Hookani pila Bergstrom e hoolako ae ana i na mele no ka hulahula. He hula Hawaii ke kahi e hoikeikeia mai ana, mawaho ae o ka hulahula.
KUU OPUU KAIMANA UA HALA
--------
Mr. Sol. Hanohano, Aloha oe:--E oluolu oe e hookomoiho ma kahi kaawale o ka kaua Kilohana, ka uwila anapa nana e hoomalamalama nei apuni ke ao, no ka maua puolo luuluu a kaumaha e kau kelakela ae la maluna, i ike mai ai na ohana lehulehu o ka maua keialoha, e noho mai la i ka aina hanau, nona ka makani kaulana he Eka o ia hoi o Kona Kai Malino, ahiki loa aku i ka palena o na moku; awe luuluu wale!
Ma ka la 24 o Feberuari, 1921, hora 8 o ke kakahiaka Poha, i niau palanehe aku ai ka uhane o ka maua lei i aloha nui ia, Miss Jessemine Halemau, a haalele iho la ia maua na makua, hona kaikuaana, na pokii kaikunane, na auntie, a kuku, na unele, a u aku me ka naau luuluu a kaumaha nona mahope nei.
Auwe hoi maua e, kona mau makua me na poii e hoaa hele ai ma keia ao i piha me ua inou he nui! Mokumoku uo hoi ka naau me he pahi la e okioki ana, hana mao ole i ko maua puuwai.
Ua hanauia kuu Jeseemine aloha i ka la 29 o Iune, 1913, ma Kilauea Light Station, Kauai, no laila ua piha iaia na makahiki he ehiku me ehiku mahina o kona ola mauleule ana ma keia ao; aloha ino!
Ua hookau ma ka ma‘i i ka maua lei i ka la 12, Poalua kakahiaka, me kona ola kino maikai uo, o ke kumu i hoohainu aila hoonaha ia e ka papa, ia kakahiaka, aole i loihi loa ka aila iloko hoomaka mai ana e luai me ka manao nei he wahi luai ae no hoi a pau ae ia ahiahi, a i ka aina ahiahi maikai no ka ai ana, ono no, aole no e loihi aku kahi ai i ka opu, luai mai la no.
Ao ae Poakolu, maikai no, pela no kahi helehelena, ono ka ai ke ai mai, eia nae aohe no he paa o ka ai, ao e Poaha, keleponaia ke kauka, hoea ke Dr. Role, a ha‘i mai la he five ka ma‘i, he 101 ke nua fiva, haawi ka huaale ma ka hapaha hora ka ai, a he huale okou ko ka po; e hoomanawanui ia ana e a‘u kona mama a pau na hora ai laau, he mau po hu‘ihu‘i ia a‘u e ala hookahi ana me ka manao e loaa ana ka maha, ao ae Poaono, oia mau no, aole wahi loli ae, he o ia mau keia luai ana, aole paa o ka ai, hele no hoi a awakea hoomaka mai ana e hou hewa ma o na maanei, e uwe mau ana i ka eha o ko poo, pii hou mai ke kauka, olelo mai ua nui ma mo‘i o keia bebe, haha‘i aku la au no ke kua, oioi ae la kekahi iwi ma ke kikala a kohu hanua ko hele, olelo mai ke kauka ua haki kekahi iwi mai ka wa liilii a nui, pela no e ulu pu ai kela iwi, o ia kekahi kumu poino o ka bebe.
Pono ole mai la kahi manao ia poano e loa mai la oia; ia po a ao loaa iki kahi maha, hele no a awakea ae, ano e hou mai la no, kelepona hou i ke kauka; olelo ke kauka e hoihoi i ka haukipila, a hoi ana maua, a hoomaka mai ana e ano e loa, ia la no hoi a po loaa kahi moe maikai, ao ae maikai maoli ia la a po, al ae Poalua maikai no, hele no hoi a awakea ano e hou mai ana, a hoea hou ke kauka i ke kakahiaka ae a nana a i mai a aohe manaolana i koe, o ko maua owili ae la no ia i ka lei a naua, kau ma ke kaa, hoi luuluu mai la no ka home i noho aloha ia ai me na keiki.
Hoea i ka home oomoe aku la i ka leialoha a maua iluna o ka moe, piha mai la no hoi i na hoaloha o ka noho ana o Waiakea Homestad, me he mea la ko makou noho ana he hookahi ohana, a akoakoa mai la a puulu ae la me ka haawi mau ana aku i ka makou leo pule imua o ka Makua lani, no ke kiai a malama ana mai i kana kauwa liilii, ia ahiahi no hoea mai na kahunapule o na hoomana like ole, me kuu mau makuahine o ko‘u aoao he Kalawina pau pono a akoakoa i ahiahi Poakahi, a pau lakou i ka hoi, a koe iho no makou e ku kiai ana no ka maua leialohe i kahea mau mai ana ia maua i wai. Auwe no hoi kuu ehaeha e!
I alaia e makou ia po me kuu waihomau i ka‘u leo nonoi imua o ka Makua lani e ae oluolu mai Kona mana ame Kona alohe e paa i ka hanu ola o kana kauwa hewa ole, a loaa hou kekahi la malamalama, he mea oiaio, ua hookoia ia leo nonoi, ala ia ia po a ao, akahi no a ano uawaliwali mai na lala ka oniino ana ma o a maanei, eia no nae aole poina konanoonoo, kahea pakahi oia ia makou apau loa, aole poina kona kahea ana i koua mama aloha, e mama i ka wai, a mma where are you? Auwe no hoi kuu leialoha e, pupule ka noonoo hele no hoi a kani ka hora 8, hoomaka mai ana e hui‘ihu‘i na wawae me ka lohe no ke kahea iho, hele no hoi a kau ka hanu i ka umauma, auwe ua like me he po‘iwai la e nininiia ana iluna o‘u kona mama aloha.
Hapai ae la au i kuu loi iluna o‘u me kuu kahea iho, e bebe Maina e aloha nui; ea ae la no kela, aole oia i poina a lawe ke Akua i kona hanau hope. Auwe, kupouli i ke hana a ke aloha, lilo aku la kona hoomaemae ana i na auntie me ke kuku, a pau i ka maemae a kau iluna, he wa la no ka piha nui ia la a po a ao ia po.
Poalima ae, hora 10, lawelawela a hana haipule hope maluna o kona kino, a ka‘i aku la ka huakai no Haili, ma kona lua ka hana hope loa a uhi ka lepo maluna a ko uho la ka ka Haku i ha‘i mai ai, mai ka lepo ai no oe, a e hoi hou aku no oe i ka lepo.
O ke kulaa o ke maua lei aloha he kulana akahai, uoho maile, a he aloha makua oiaio, iloko o kona uuku ua hiki iaia ke hana i na mea apau o ka home he maiau; iloko o kuu wa a‘i o kuu makua iho la no keia o kuu lei, nana e hana mai i na mea apau. Auwe no hoi au e, ke hoomanao ae nona, pupule ka noonoo!
Aole haule iaia ka pule ohana ana me kana pauku paanaau ahiki wale i kona haalele ana mai la ia makou, o ia mau hana a kuu lei, ua lawa loa ia no ka haehae ana mai i kuu puuwa i piha me ke aloha no kuu lei, hele mai ke aloha a kupouli, maopopo ole ae la i ka mea e hana ai, aka waiho mau no ka‘u leo pule imua o kuu Haku aloha, e oluolu oia e lawe aku i na ehaeha ame ua kaumaha, i ili iho maluna o kana kauwa, aole mea nana e hoomama, aka Oia hookahi wale no. O kona alahele i hele aku la he alahele ia o no na mea apau.
Ke hoomanao ae au i kahi i pili aloha ai me kuu mau lei aloha, auwe no hoi e mokumoku ka naau!
E Kilauea Light Station e kahi a kuu lei i haakohi ia ai a puka ae la i keia ao malamalama, ka halepukukui anapa apuna na moku: aloha ia halekukui i nohoia ai me ke aloha. E kuu mau hoahanau aloha e, Mr. ame Mrs. Anie Kalama, oia ka lei aloha a kakou la ua haalele mai la ia kakou, aloha ia wahi a kakou e noho hoomanuwanuiia ai, hao mai ka ua me ka makani, ua hoomanawanui wale ia no ia mau ino apau. O olua elua me ka olua lei, o maua no hoi me ka maua mau lei, e noho hoomanawanui ia ai ia aina malihini, ahiki i ka wa i haakohi mai ai o keia lei a kakou o olua no hoi, o maua no hoi waiho ana keia lei a kakou i keia ao malamalama.
Pela oia i hanaiia ai a nui a hoi mai i ka aina hnau o maua, na makua ilaila kahi i hanaiia ai, a pau i ka nunui, me ko maua mauao hauoli; auwe no hoi ke aloha e ke hoomanao ae nona!
E Kailua e, me ka nani o Hulihee e, aloha ia wahi a‘u e walea ai me kuu lei aloha. E ka Makahonu e, me ke one holu a Ahuena, aloha ia one a‘u e oho ai me kuu lei aloha. E ka lae o kaliliki e, me ka ipukukui ula e, ia kukui e miliapaia ai e ka lima e, aloha wale ia hale kukui a‘u e noho ai me kuu lei aloha, ua noho a kamaaina, he mehameha no ka noho ana, hoolaukanaka i na keiki.
E ka Pele o Mokuaikaua e, aole kuu lei e hehi hou i kou au papahele mania, oki loa aku hoi kona hele ana mai a mamua a himeni mai e hosana ana i ka Haku kiekie loa, ua pau, ua nalo no ka wa mau loa.
E kuu kuuana aloha e, Mary Haleamau, kuu hoa lei keiki, kuu kaukuaana makee kekki na makou, na na pokii ke keiki he mea nui loa ia ia oe, ahiki i ko makou kaawale ana mai keia ana malihini, pau kou hii hou ana ia bebe Maina, pehea kona nui, e kau ana no ma ke kua. Auwe no hoi e, eha ka naau ke noonoo ae!
Pela no hoi keia aina malihini, ua pili wale ia no na wahi apau. Ke naoa ae he aloha wale no na wahi apau. Hele i ka hana a ke Akua, hele pu, aole wahi i koe.
Nolaila, me keia mau kanaenae aloha no ka maua lei, ke haawi aku nei maua i ko maua hoomaikai palena ole i na hoaloha me na makamaka i komo pu mai e kumakena me maua na makua, a no ia po, pela me na boke pua i makanaia mai ai no ka makou mea aloh aa na ka Haku aloha o hoopiha a hu ko okou mau waihone pakahi i loko o ka inao o ka Makua me ke Keiki ame ka Uhane Hemolele, amene.
Me kuu hoomaikai nui loa i ka Lunahooponopono o ke Kuoka no kou ae oluolu ana mai i ka‘u wahi puolo luuluu a kaumaha.
O makou iho no me ka luuluu,
MR. & MRS. D. P. HALEAMAU,
MISS CATHERINE HALEAMAU
JOHN HALEAMAU,
DANIEL HALEAMAU JR.,
ELIA HALEAMAU.
NALOWALE
he leia igula ma ka pa ilina o Kawaiaho maka Poakahi nei. Hoihoi mai le loaa make keena o ke Kuokoa.
HAULE HE KANAKA HOOPAA PELEKI O KE KAAAHI.
I ke kaahi e hoi mai ana no Honolulu nei ma ka auwina la Poakahi nei, hora 3:20, ua hale aku la he kanaka hoopapa peleki no ke kaaahi a nona hoi ka inoa o david Hou, mai ka puka aku o ke kaa waiho ukana mamuli o kekahi hemahema ma kona aoao, a eha loa. eua haku kona lima akau, he mau palapu kukonukonu mahope o ke kua a mokumoku ka ka ilipoo me kekahi mau palapu e ae ma kona kino, elike me ia o ka koikeia ana mai i ka Advertise e H.N. Denison o ka hui kaaahi.
Maloko ka o ke kaa e waihoia ai na ukana kahi ahou o ka noho ana a he ike ana ka kekahi kanaka oka aku i kona wala ana aku a haule ana iluna o ke alanui mai ka puka aku o ke kaa. Ua manao wale ia o ke kumu o kona haule ana ua kaa ka hapani o kona kaumaha imua a i ka manawa o ke kaahi i hoohuli ai ma kekahi kee o kealanui, oia kona manawa i waka aku ai a hule ana iluna o ke alanui. O keia wahi a Hou o ka haule ana ma o iki aku ka o Makua. He limahana kahiko loa keiao ka noho hana ana me ka hui kaaahi, no ma makahiki he 18 kona hana ana malalo o keia hui, a iloko o ia mau makahiki loihi aohe manawa i halawai iki ai oia me ka ulia o keia iho la ku makamua loa. Ua hookauia mai oia maluna o ke kaaahi a i ka hoea ana mai i ke kaona ne ua lawe koke ia aku oia i ka Halema‘i Moiwahine.
Ua hoihoiia aku la o Mrs. Southard, ka wahine haole i hopuia ai no ka hanui ana i kana mau kane eha a pua i ka make, a ka mokuahi Matsonia o ka Poakolu iho nei.