Ka Nupepa Kuokoa, Volume LIX, Number 21, 27 Mei 1921 — Hoao na Hoaloha o Farrington e Kakoo na Repubalika Iaia Hoole Loa ke Komite Kuwaena Repubalika i ke Kakoo Ana i Kekahi Kanaka i Ike Ole ia Kona Kupaa i ka Aoao i Kiaaina no Hawaii Nei [ARTICLE]

Hoao na Hoaloha o Farrington e Kakoo na Repubalika Iaia

Hoole Loa ke Komite Kuwaena Repubalika i ke Kakoo Ana i Kekahi Kanaka i Ike Ole ia Kona Kupaa i ka Aoao i Kiaaina no Hawaii Nei

He o ia mau ka noho pouliuli o ko Hawaii nei poe, no ke kulana kiaaina o keia Teritore, elike me ia mamua aku o ka lawe ana ae o ka Peresidena Harding, i ka hookele ana i ke aupuni o Amerika Huipuia, no ka mea aole he mau hooia i hoea mai i Honolulu nei, no ka hookohu mai o ka Peresidena i ke kiaaina. Oiai nae e hamau loa ana na mea pili i ka ninau kiaaina, aole i noho malie kekahi poe, a palaka paha ko lakou noonoo, aka ua hoea aku la kekahi hoike i Wakinekona mai Honolulu aku nei, ma ka aoao o na hoaloha o Mr. Farringtou, aia mahope ona ke kakoo ana a na kanaka lawelawe oihana ko'iko'i o keia kulanakauhale, no kona hookohuia mai i kiaaina no Hawaii nei. , „ Aole i maopopo iki keia mea ahiki i ka Poakahi o ka pule aku nei i hala, i ka manawa i loaa mai ai he kelekalapa mai ka Elele Kalanianaole mai, akahi no a hoomaopopo na Repubalika eia ka ke lawelaweia nei kekahi mau hana hooikaika no ka pii ae o Mr. Farrington ma kela kulana. Penei iho ka lono kelekalapa a ka Elele Kalanianaole o ka hoouna ana mai e hoakaka ana no ka hooikaika ana o na hoaloha o Farrington, e hookohuia mai oia i kiaaina: "TTa loaa mai nei«mai ia .Tenney mai ma ke ano lunahoomalu, keia malalo iho: " 'Ua lokahi ke komite o na kanaka lawelawe oihana mahope o Farrington. No ka pono o ke Teritore ame ke kuikahi iloko o ka aoao, aole anei e hiki ia oe ke kakoo no kona hookohuia mai, pela hoi ke a'o ana aku i ke Komite Kuwaena e hana like mai pela? " 'O keia anei ke komite ma ka aoao o ua kanaka lawelawe oihana o ke Teritoref' " Mahope iho o ka loaa ana mai o ke kelekalapa maluna ae, mai ka Elele K.alanianaole mai, ua noho koke ae la ka halawai a ke komite kuwaēna o ka aoao Repubalika ma ka Poalima mai, a o keia malalo iho nei, na mea a kela komite o ka hooholo ana, a hoounaia aku i ka Elele Kalanianaole ma Wakinekona. Hoole 1 ke Kakoo Ana "Ua loaa mai kau kelekalapa o ka la 17 o Mei. Ma ka halawai a ke Komite Kuwaena, ua noonooia kau kelekalapa ame ka hoakaka piha ia ana o ke kulana laula, a oiai ua makemake no makou e halawai aku me na manao hoakaka o Mr. Tenney ,a e lokahi ma ka hookohuia mai o kekahi Repubalika maikai ,aole e hiki ia makou ke kakoo aku ,ia Mr. Farrington, no keia mau kumu malalo iho nei penei: "Aole oia, a aole no hoi i ikeia he mea kupaa mahope o ka aoao Repu balika. He mea hooikaika mau oia e hoomahae i ka paa baloka. O kana inau hooikaika ana e ku e ana i ka aoao, ma ke koho baloka kalana aku nei i hala, ka mea nana i kokua aku i ke kohoia ana he Demokarata no ke kulana meia, a pela hoi ke kohoia ana o kekahi Demokarata no ke kulana loio kalana ame kekahi mau lunakiai, o ka hopena o ia no ka loaa ana he aupuni nawaliwali a holopono ole maloko o Honolulu. "Ma ke koho baloka aku nei i hala, ua hoinoino ae oia ma ke ano akea i ka aoao Repubalika, a kapa aku la i na alakai o ka aoao he puulu kolohe. "Ua hoole maoli ae na kanaka me ka hoowahawaha i kana loina hana ma ka hului ana o ka paa baloka Repubalika i ka hapanui ame oe. "Ua nui kana niau mea i kamaiHo ai e ku-e ino ana ia oe, ma ke ano he Elele Lahui, a he poo no ka aoao Repuhalika o ke Teritore. "O kona hookohuia ana mai, ua like ia i na mana koho baloka o Hawaii nei, me ka hooleia ana o ke ku ana o ka aoao, pela pu hoi ka hoole ana aku ia oe, a e hoeueuia aku ana ka manao 0 ka poe kipi i ka aoao, me ka manaoio e ikeia aku ana lakou maluna ae o na ku-e ana a ka aoao. "Aole loa e hiki ia kakou ke koho 1 kekahi Elele Lahui Repubalika, i ka Ahaolelo Lahui me Farrington, ma ke ano he Kiaaina. "O ka maoao o ka Hale ame ke Benate, he Repubalika ka hapanui iloko o ia mau hale a elua, o ia hoi, e lilo

ana kona hookohuiu mai i kumu « ake'ake'aia ai na hooponopono aha* olelo kupono npan. "Imua o na maka o na mana koho baloka, aia o Farrington ma ka aooo ku-e i na Repub«lika maoli, o o kona kakoo wale 110, o kokahi poo kanaka lawelawe oihana, he kakaiknhi wale no lakou. "Ua hoouna aku makou i ke komite lahui he hoakaka i kakooia me na olelo hoohiki ame na hoolaha ma-na nupepa, e hoike ana i ka Farrington ku«e i ka aoao Repubalika no na eono i kaahope ae nei. (< Ua hiki ia makmi, a e lokahi'hol maluna o kekahi Repubalika, a ka Pore»idena i makemake ai e hookohu mai, ina aole i kupono o Sh ingle, aka aole loa e hiki in makou ko apono aku i ka liookohuia mai o Farrington, oi/ he hana ku e ia i ka aoao, ame na ponv 0 ke Teritore. "Ina oia e hookohuia mai ana e lilo mai ana oia i Kiaaina ine ke kakoo ole aku o ka aoao a o ka lehulehu pa(Mu M O keia iho la ka mea a ke komite kuwaena o ka aoao Ropubalika i hooholo ai, a hoike aku ma ko ano he pane no ke kelekalapa a ka Elele Kalanianaole, no ka hiki ole i ka aoao ke haawi aku i na kakoo ana, no ka hookohuia mai o Farrington i kiaaina no Hawail nei. Ua nui maoli' ka hooikaika o na hoaloha o Farrington, ma na ano apau, e lilo oia i Kiaaina, me ka hoao ana aku e hoopifta i ka Peresidena Hardrng me na kuiAu lioohoihoi apau t hiki *,i i|ia ke kanalua o!c iho i ka hookohu nna mai i ka lakou kanaka i makemake al; ctka nae iloko o keia mau la, akahi no a loaa aku ka ike i kekahi poe o lakou, i ke kuhihewa loa o ka lakou mea 1 hoolala mua ai i kinohi, no ka mea, ua ui okoa ia aku la ka Elele Kalanianaole, a pela hoi me ke komite kuwaena e kakoo aku i ka lakou kanaka, he hoike ana inai keia i ke kulana nawaliwali o Mr. Farrlngton. Wahi a Mr. Lorrin Andrews, ka lunahoomalu o ke komito kuwaena o ka aoao Repubalika, ke nawaliwali loa aku nei ke kulana o Farrington, no ka mea iloko o na hana pulapu a ka poe o kakoo nei mahope ona, no kona li!o i 'o mai i kiaaina no keia Teritore, ua nui ko lakou hooikaika ana ma na aiio apau e loaa aku he mau kakoo na mai ka Elele Kalanianaole aku, a mai ko komite kuwaena aku hoi o ka aoao. Ma kela Poakahi, wahi ana, i loaa aku ai he kelepona iaia mai ia Mr. Tenney aku, e ninau mai ana, ina e hiki i ua o Mr. Tenney ke hele mai no kona keena no ke kamailio ana maluna o kekahi kumuhanā, a no kona ike he kanaka paa o Tenney i kana man hana, oia maoli no k* i hoea aku imua 0 Mr. Tenney. Ma kela halawai ana ae o laua, I hoike okoa mai ai o Mr. Tenney i kona manao, o ia ke noi ana mai i k6 komite kuwaena Repubalika, e kakoo aku i ka inoa o Farrington, no ke kulana kiaaina o Hawall nei, ia manawa 1 hoole loa aku ai o Mr. Andrewi, mo ka olelo ana aku i na kumu o ka hlki ole ana e kakooia kela moho. O Mr. Tenney ame ka poe e kakoo nei ia Farrington i kiaaina, wahi hou a Mr. Andrews, aole loa lakoa he poo kakoo ia Kuhio, o lakou ka poe ku-e mau iai, i ka manawa nae a lakou i ike iho ai, i ke kulana nawaliwaK o ka lakou moho, o ka wa iho la ia i makemake aku ai ia Kuhio e kakoo mal a pela hoi i ke komite kuwaena. O ke kumu wale no a ka puulu e kakoo nei ia Farrington, i kauka'i mai ai i na kakoo ana aku a ka Elele Lahui, ame ke Komite Kuwaena, i kajna* ilio hou ae ai o Mr. Andrewu, o ia no ka maopopo ana ia lakou ,aolē loa e hookohu mai ana ka Pereiidena i kekahi mea i loaa ole aku na kakoo ana a ka aoao Repubalika; oiai nae i kinohi, aohe nana mai o kela puulu i ka elele, a i ka aoao kalaiaina paha, aia nae a ku i kahi o k naele, i wa e ui mai ai, no na kokua, e Hlo ai ka hanohai)o o ke kulana kiaaina i ka lakou kanaka. Ua hoakaka hou ae no hoi o Mr. Andrews, ma kona manaoio, ina nei no ka hookohuia mai o Farrington i kiaaina ,aole loa ka Elele Kalanianaole e holo elele hou ana, jna ia ano he Demokarata aku ana ka elele lahui, aole hoi he Repubalika.