Ka Nupepa Kuokoa, Volume LIX, Number 21, 27 May 1921 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

HOOPUKAIA I NA KAKAHIAKA POALIMA APAU

HUKE LIX--HELU 21 NUP@PA KUOKOA, HONOLULU, T. @., POALIMA, MEI 27, 1921 NA HELU APAU 6453

 

Hoea Mai ka Makai no ka Hoihoi Ana i ka lawehala no Amerika

Hepepehi i Kana Mau Kane Eha ke Kumu Hoopii e Ku-e Ana ia Mrs. Southard o ka Hopuia Ana e ka Oihana Makai o Honolulu Nei

 

            Ma ka mokuahi Matsonia o ke ku @oa mai ma ka Poalua aku la i hala, @ hora mai ai ka Hope Makai Nui V. H. Ormsby o Twin Falls, Idaho, i ukaliia mai @ kana wahine, no ka hoihoi aua aku ia Mrs. Southard, o ka hopuia a@@ m@anei aei, a e@paa mai nei malok@ e ka halepaahao, no ka hookolokoloia mai ma Twin Falls, no ke karaima @@@@hikauaka

            Ma ka manawa o ka hopuia ana o Mrs. Southard, ma kekahi la o ka pule aku nei i hala, ua hoole ae kela wahine n@ kona makemake e hoolimalima i loio nona maanei @ei, aka ua makaukau oia no ka huli hoi aku no Amerika, no ke ku ana aku imua o ka aha hookolokolo a imua hoi o ka poe he mau ike ka lakou e hue ana iaia.

            Ma ka moo@e@0 ano nui, e pi@@ ana i ke karaima i manaoia ua hanaia e Mrs. Southard, ua hooliia mai na ahewa ana @aluna on a, no kona hanai ana i kana @uau kane eha o ka mare ana, a i pau @oi i ka make, me ka laaumake, a ma@waho ae o kela mau kane eha, ua hanai @ou aku oia i ka laaumake i ke kaikaina o kana kane mua, a ua make no oia, @ela hoi i kana kaikamahine ponoi, me kan@ kane mua.

            I @@@@@ ai me ka hoakaka a ka Hope Makai Nui Ormsby, aia malalo oka @nalu o kona keena, na ike apau, no ka mea pili o Mrs. Southard i ka hewa, no ka mea ua nanaia oloko o ke kino o kela mau kane apau eha, a ua ikeia he hookahi no ano o ko lakou make ana, o ia ka @aa@make maloko o ko lakou mau opu.

Ka Hoomaka Ana e Huli

            Aole i ala mai na manao hoohuoi, no ka make ana o na kane a keia wahine me ha laaumake ahiki wale no i ka make ana o kana kane eha, ia  wa i ala mai ai na manao hoohuoi. He elua la mahope iho o ka make ana o kela kane, nona ka inoa o Edward F. Meyer, ua nanaia ka lua'i a kela kanaka, e ka mea ana laau o ke kalana ia wa i ikeia ai na hoailona maopopo o ka laaumake iloko o ka opu.

            I wahinae e maopopo ai o ke kumu oiaio o ka make ana o na kane mua aku ekolu, pela hoi ke kaikaina o kana kane mua, ame kana kaikamahine ponoi, ua kiiia ko lakou mau kino e hu'e he oiaio aia iloko o ko lakou mau kino apau, na hoike no ka laaumake, a o ka mea kupaianaha, iloko o ka loihi o ke kanuia ana o kekahi mau kino, he o la mau no ka maikai, mamuli mai keia o ke ikaika o ka laaumake iloko o ko lakou mau kino.

No na Dala Inisua Mai ke Kumu       

            Ua  manaoia, aole he kumu e ae i ka lawelaweia ana o kela hana, maluna o kaua mau kane e Mrs. Southard, mamuli mai no ia o kona makemake i na @ala i inisuaia ai kana meu kane apau.

            Wahi o ka hoakaka a ka hoakaka a ka Hope Makai Nui Ormsby, ua kamaaina loa oia ia Mrs. Southard, ame kona mau makua, oiai he hookahi wahi a lakou i noho like ai ma Twin Falls, a mamua aku o kona mare ana i ke kane, o Lyda Trueblood kona inoa oiaio, a ma o ka palapala mare o kela wahine, me kana kane e ola nei i keia manawa, o ka hoopukaia ana ma Los Angel@s, a hui pu iho hoi me ke kokua ana aku o ka ohinana kaua o Amerika Huipuia iaia, pela i pololei ai kana hookolo ana mai ahiki i ka loaa ana o kahi i noho ai o kaia wahine ma Honolulu nei.

            Ma ka manawa o ke hele ana aku o ka Hope Makai Nui Ormsby e ike ia Mrs. Southard maloko o ka halepaahao, ma kela Poalua, ua ike koke aku oia me ka hoohewahewa ole, o kela i'o no ka mea i kamaaina iaia, ana no hoi o ka hele aua mai nei e kii, a ua ike pu mai no hoi o Mrs.Southard iaia.

            Iloko o ka makahiki 1912 i mare ai keia wahine, nona na makahiku he 28 i keia wa me Robert Dooley, kana kaue mua; a iloko mai o ka 1913, ua hoi mai laua me ka ukali pu ana mai o ke kaikaina o kana kane, a noho ma Twin Falls, a komo aku la ke kane me ke kaikaina ma ka hana mahiai.

            He manawa pokole mahope mai, ua lawe ae la kela mau hoahanau i kekahi inisua hoopaa ola, no ka huina o elua kaukani dale, e hoakaka ana maloko o ka palapala hoopaa ola, ina e make e ana ke kaikuaana, alaila e loan ka hapalua o na dala inisua i kana wahine, a i ke kaikaina hoi kekahi hapalua.

            He ekolu wale no mahina mahope mai o kela hoopaa ana i kona ola, ua make aku la ke kane mua, a ua loaa mai i kana wahine he hookahi kaukani dala, a he hookahi kaukani daa hoi i ke kaikaina.

            Iloko o ka makahiki 1918 ua mare hou i ho la keia wahine i kana kane elua, ma ka inoa o MeHaffie, me ka hoopaa ana no o keia kane i kona ola, no ka huina o elima kaukani dala, e ukuia aku kela mau dala i kana wahine ma kona manawa e make ai.

            He hookahi no makahiki o ko laua noho pu ana, ua make aku la kela kane, a oiai nae, aole i hoomau kela kane i ka uku mau na i kona inisua, ua manoa nae ka wahine nana ponoi e uku, mahope o kela make ana o ke kane, a i ka wa i koi mai ai ka hui inisua, e waihoia aku na hooiaio no ia o ka manao o kela wahine e koi aku i ka elima kaukani dala hoopaa ola o kana kane elua i make.

            Iloko mai o Iune o ka 1919, ua mare hou no keia wahine i kana kane ekolu ma ka inoa o Harlan C. Lewis, a he hookahi no mahina o ko laua noho pu ana, ua make aku la kela kane, a ohi no keia wahine i ka huina o elima kaukani dala inisua.

Kuai i Kaa Otomobile

            Mahope mai o a make ana aku o kela kane ekolu, ua huli hoi aku la oia no Twin Falls, me ke kuai ana i kekahi kaa otomobile nani, ame kekahi koloka, nona kekumukuai o $1500, a ua nanaia mai oia e na mea apau, ma ke ano oia kekahi o na wahine kane-make waiwai loa.

            Iloko o ka mahina a Augate o ka 1920, mare hou iho la no oia, o keia ka eha o kana kane, ma ka inoa o Meyer, he la mahope iho o kela mareia ana o laua, ua lawe kela kane he inisua hoopaa ola o ka huina o $10,000. Iloko ko mai no o ka mahina o Sepatemaba, ua make aku la kela kane; me ke koi koke ana aku o kela wahine i ka huina o kela mau dala hoopaa ola apau, aole nae i ukuia mai; a he umi wale no la mahope i ho o ka make ana o kela kane i holo mai ai oia no Los Angeles.

            Ma kela kulanakauhale i mare hou ai keia wahine i kana kane lima, oia o Southard, a holo mai laua no Honolulu nei, mamuli o ka hana a ke kane, malalo ae nei o Puuloa.

            Ma ka Matsonia e haalele iho i ia Honolulu nei, ma keia Poakolu ae, e huli hoi aku ai ka Hope Makai Nui Ormsby me kana lawehala, a an kana wahine e makaala aku na mea apau e pono ai ka paahao, ma kaia huakai no Amerika.

 

PAA I KA HOPUIA NO KA HEWA AIHUE

 

            Ma ka Poakahi aku la i hala i paa ae he limahana oloko o ka halekuai laau o Benson, Smith & Co., nona ka inoa o J.A. Honan, malalo o na kmu hoopii elua, o ia ka lawe aihue i na waiwai o ka hui, ma ke degree ekahi, a ua hookuuia mai nae oia e noho mawaho ahiki i ka hooloheia ana no ka huina o elima haneri dala.

            Mawaho ae o kela limahana o ka halekuai laau o Benson, Smith & Co., Ltd., ua hopu pu ia e kepani nona ka inoa o Iwamoto, he Kepani nona halekuai, o ia no kona kuai ana mai i na waiwai aihueia; ua hookuuia no nae oia, malalo o ka bela.

            I kulike ai me ka hoakaka a ka hope peresidena o ka halekuai laau, ua ae okoa ae o Mr. Honan, no kona lawe ana i na waiwai o ka hui ma ke ano kolohe; o ka waiwai@@ o na waiwai o ka hui i laweia ma ke ano kolohe, ua hiki aku ma kahi o ka ekolu haneru dala, eia nae, ua loaa mai no i ka hui, na dala he elua haneri a oi o kela mau waiwai i laweia ma ke ano kolohe.

            He akamai no ka lawelawe hana ana a keia limahana, o ia ka hoolilo ana i na waiwai o ka hui i na Kepani, ma ke ano akamai loa, o ia ka hoolili ana i na waiwai o ka hui i na Kepani, ma ke ano akamai loa, o ia ke kaku ana i na palapala no ka lawe ana i na waiwai i make makeia, alaila holoi hou ae la i kela mau waiwai, i ka wa e hoihoi hou ia mai ai na pepa hoike no ia mau mea.

 

Koho Hou Ia o Samuel K. Kaeo i Loio Kalana

 

Lihi Launa Ole Aku Kona Mau Hoa Mokomoko i ka heluna Baloka i Kohoia Aku Nona

 

KOHOIA O J. I. SILVA I HOA HOU NO KA PAPA

 

Wae ko kawaihau Mau Mana Koho i Mea Hou ma Kahi o ko Lakou Lunakiai Kahiko

 

            O ka hopena o ka paio no ke kulana loio kalana no ke Kalana o Kaai, i malamaia ma ke koho baloka wae moho o ka Poaono aku la i hala, o ia no ke kohoia ana o Samuel K. Kaeo, ka loio kalana mua, a haule kona mau hoa paonioni, oia o A. G. Kaulukou ame L. A. Dickey.

            O ke koho baloka no keia kulana oihana, ke koho baloka i manaoia e holo hou aku ana no ka mea e waeia ae ana, ma ke koho baloka laula, o ka la 7 ae nei o ka mahina o Iune, o ka mea nae i ikeia, ma o no baloka la i loaa aku ia S. K. Kaeo, ua koho maoli ia oia, e holo hou ole aku ai no ka elua o ka manawa, mamuli o ke kaa ana o ka hapanui o na baloka i uia.

            O ka huina nui o na baloka i kohoia no L. A. Dickey, ka lunakanawai kaapuni mua o Kauai, he 458; ko A. G. Kaulukou mau baloka hoi. he 302; a o na baloka i kohoia no S. K. kaeo, he 904. Ke huiia na baloka o Dickey ame Kaulo kou, ua hiki aku ma kahi o ka 760; ua like me 144 baloka oi ka 760; ua like me 144 mau baloka o kona mau hoa paonioni ke huiia.

            No na kulana oihana e ae i loaa ole he mau hoa paonioni, ua koho hou ia o W. H. Rice i makai nui; Henry Blake i lunahooia, ame J. M. Kaneakua i kakauolelo kalana. Ua kohoia lokou apau, me ka loaa ole he mau moho ku-e ia lakou.

            No ke kulana puuku hoi, ua koho hou ia o K. C. Ahana, me na baloka kiekie he 1402, a o na baloka i loaa ia J. K. Cockett, ka mea i holo ku-e iaia, he 407.

            No na hoa hoi o ka papa lunakiai, o H. D. Wishard ka i kohoia no ka apana o Lihue, oia no hoi ka lunahoomalu o ka papa. O na baloka i kohoia nona, he 282, a o na baloka i kohoia no kona hoa paonioni no kela kulana, oia o C. H. Hustace, he 145.

            No ka apana hoi o Koloa, o John I. Silva ka i kohoia i lunakiai mai kela apana mai, a haule kona mau hoa paonioni, oia o James K. Kula ame Theo. Blackstad. O na baloka i loaa ia J. I. Silva, he 202, he 186 baloka no Kula, a he 14 baloka no Blackstad ua like me elua wale aku no baloka ka oi o Silva i ka huina baloka o kona mau hoa paonioni ke huiia.

            No ka apana hoi o Waimea ua koho hou ia o T. Brandt, no ka mea aole he moho holo ku-e iaia ma kela apana.

            No ka apana hoi o Kawaihau, o John Mendes, Jr., ka i kohoia, me na balako he 198, a haule o J. F. Bettencourt, Jr., ka lunakiai mua o kela apana, o ka huina o na baloka i kohoia nona, he 191, he ehiku wale no baloka kane haule. No John Rodrigues hoi, ke kolu o na moho Repubalika, he 33 wale no baloka i loaa iaa, a o na baloka i loaa ia Scharsch, he Demokarata, he 33, a i kona kokoolua, oia o M. S. Henriques, he 24 baloka.

            Mamuli o ke oho like ia ana he mau moho ma kela ame keia aoao kalaiaia ma kela apana, e holo hou aku ana na moho i waeia, ma ke koho baloka laula o kaia mahina ae.

            No ka apana hoi o Hanalei, Alfred Menefoglio ka i kohoia, aole he moho holo ku-e iaia, oia no hoi kekahi o na hoa kahiko o ka papa lunakiai.

 

HOLO MAHUKA ELUA MAU PAKE MAILUNA MAI O KA MOKUAHI

           

            Ma ke ku ana mai a ka mokuahi Shinyo Mary make Poakolu aku nei o ka pule ihala elua may Pake ohuna i mahuka mailuna mai o ia moku me ka ike ole ia, mamuli o ka laua iho ana ma ka laina e hoopaaia ai ka moku mamua o ka ihu, a ke hele mai nei laua i nei manawa i ka loa ame ka laula o ka aina. He $2000 ka hui mkuahi; o ka lo'aa o ia mau Pake oia ka pakele o ia mau dala, a in a no ka loaa ole e lilo loa ana ia ou dala i ke aupuni.

            Ke huli mai nei no ka ia hui i kekahi Pake i mahuka mamua a ku nei mailuna mai no o ia moku, a he $1000 ke hoopa'i i kau ia aku maluna o ka hui mokuahi.

 

Koho Maoli Ia Kekahi Poe a Puka Ma Maui

 

Pau Loa na hoa Kahiko o ka Papa Lunakiai i ka Waeia ma ke Koho Wae Moho

 

HAULE KA PUUKU MUA IA J. PIA COCKETT

 

Aneane e Pau Holookoa na Oihana Kohoia i na Hawaii Wale no ma ke Moku o Kama

 

            I kulike ai me ka lono kelekalapa uwea ole o ka hoonaia ana mai Wailuka, maui mai, mahope koke io o ka malamaia ana o ke koho baloka wae moho, no na luna oihana o ke Kalana o Maui, me ka Poaono nei, he elima mau luna oihana i koho maoli ia a o puka, mamuli mai keia o ka loaa ole he mau moho holo paonioni ia lakou, no lakou na i noa ame na kulana oihana pakahi malalo iho nei:

            Loio Kalana, Elmer R. Bevins; lunahooia, Charles Wilcox; kakauolelo kalana, William F. Kaae; makai nui, Clement C. Crowell ame Samuel E. Kalama, lunahoomalu o ka papa o no lunakiai.

            He põe Repubalika ale no keia mau luna oihana apau, me ka loaa ana hoi o na heluna baloka kiekie ia lakou pakahi.

            No ke kulana oihaua puuku hoi, ua haule o Walter A. Engle, ka puuku mua o ke Kalana o Maui, ia J. Pia Cockett, he mau Repubalika like no a elua. Ma ka manawa o ka hoea ana mai o kaia hoike , a ole i maopono , in a paha ua loaa ia J. Pia Cockett ka he luna baloka kiekie e holo baloka laula iloko ae nei o kala 7 o ka mahina o Inue, aole paha. Oiai nae aole he moho maka aoao Demokarata, no keia kulana, us maopopo loa, ka noho ae o Mr. Cockett, no ke kiai ana i ka pahuhao o ke Kalana o Maui.

            No na moho lunakiai hoi, ua pau loa na lunakiai mua o ka papa i ka waeia, he poe Repubalika wale no apau, eai nae, aole i maopopop in a paha ua koho maoli ia lakou, a i ole e holo hou aku ana paha ma ke koho baloka o ka mahina ae nei o Inue e hoea mai ana.

            O na moho Repubalika, i alualu like i ke kulana lunakiai, a i loaa ole ka heluna baloka e waeia ai, oia o Worth O. Aiken ame Carl F. N. Rose.

 

LAWE IA KEIKI OPIO O KAUAI I KONA OLA IHO

 

            I kulike ai me ka hoakaka a ka @upepa Garden Island o ka la 17 aku nei o keia mahina, ua lawe okoa ae ia kanaka opio nona ka iona o John Anakalea Jr., i kona ola iho, ma ka hou ana no iaia me ka pahi, ma ka home o kona mau makua ma Hanamaulu, Kauai, ma ka hora elim o ke Sabati nei, Mei 15.

            Je keiki opio wale no keia nona na makahiki ma kahi o ka umi-kuma-maiwa, a i kulike ai me ka hoakaka a kna makuahine hanauna, ma ka manawa o ka malamaia ana o ka aha nienie kumu make a ke koronelo, ua komo aku ka oia e ike ia Anakalea e hookala ana i kekahi pahi, a ma kona maka hoi, e hoike okoa mai ana i kekahi hoailona, no kona makaukau e pepephi ialia iho.

            Me kela manao hoohuoi iloko o ka makuahine ua holo okoa aku la oia iwaho o ka hale, no ke kii ana i ka makuakane o ke kanaka opio a kaikukane hoi on a, a i ke komo ana mai o ka makukane, ua hoomaka ko laua aumeume ana me ke keiki, no ka pahi, a ma ia aumeume ana, i moku ai ka lima o ka makuakane.

            E hooikaika mau ana ka kela keiki opio e kaawale mai kona makuakane aku, a i ka loaa ana o kekahi manawa kupono iaia, o kona unuhi ae la no ia i kapahi, a hou ae la i kona umauma, me ka loaa ana aku o ka puuwai, a he manawa pokole wale no mahope iho o kela hou ana i ka pahi, i make loa aku ai oia.

            Ma ka oleloia, he mau mahina ae nei ka i hala ua loheia no ka olelo ana, o kela keiki  e lawe i kona ola, o keia nae ka hooko maoli ia ana o kona makemake. Ua manaoia, aole he maikai o kona noonoo, pela iho la oia i hooko aku ai i kela hana naaupo.

 

Ku Kekahi Koa i ka Poka ma ke Ano Ulia Wale

 

Hoole ke Koa i Poino no ka Hanaia Ana o Kela Ki Pu me Kekahi Manao Ino Mua

 

NA KEKAHI KOA NO I HANA I KELA KI PU

 

Paa ka Mea Ki Pu i ka Hopuia no ke Kakaliia i ka Hopena o ka Mea i Poino

 

            Ma ka Mahiko o Puuloa ma ka hora 10:30 o ka po o ka Poaono aku la i hala, i kiia ae ai kekahi haole i ka pu, nona ka inoa o S. E. Kelley, o Puuloea, e kekahi haole koa no o ka Papu Kamehameha, a ku ka poka hopena o ka mea poino.

            Maka hoakaka a ke koa i ku i ka poka ua loaa kela poino iaia ma ke ano ulia, aole hoi me ka manao maoli o ka mea ki-pu e hoopoino aku iaia.

            Ua hoihoiia ka mea poino no ka halema'i ma Puuoa, a ua paa hoi ka mea ki-pu i ka hopuia, me ka hoopaaia ana aku maloka o kahi o na paahao ma ka Papu Kamehameha.

            He hulahula ko Puuloa, ma kela po Poaono, me ka nui o na koa i hele aku malaila a i kulike ai me na hoakaka a na aliikoa, aole i loaa ke kuleana ame ka mana i ka mea ki-pu e lawe ai i kekahi pu ma kona kino.

            Ma ka olelo nae a kela koa nona ka inoa o Lane, o ke kumu o kona lawe ana i ka pu, mamuli o kekahi hana pepehi i hookauia mai maluna o kekahi o kona mau hoaloha, ma kekahi aha hulahula i malamaia ai no malaila mamua aku.

            Oiaia ke koa i ku i ka pu,  e waiho ana maluna o ke pakau, no ka huli ana aku o na kauka, i kahi o ka poka i waiho ai maloko o kona kino, a no kona hopohopo, aole paha oia e ola ana, ua hoike ae oia aole kela poino i kau aku maluna ona, mamuli o ka manao maoli o Lane e ki iaia i ka pu, aka ua ku oia i ka poka, ma ke ano ulia a aole on a makemake, e kauia aku ke karaima papahikanaka maluna o ka mea ki-pu.

            Ua komo ka poka ma ka aoao hema o kaopu, a holo aku la a paa ma ka iwi kuamoo; a ma ka hoakaka a na kauka, in a no ka make ole o ka mea poino, alaila e lolo aku ana oia;no mea, o kela hopena ka i ike mau ia no ka poe i halawai me na pilikia o keia ano.

            No kahookolokoloia aku o ka mea ki-pu, no ke karaima pepehikanaka, a hookolokolo ole ia paha, he ninau ia na na aliikoa ame na luna oihana federala e hooholo ai ka hopena o kekoa i poino.

 

HOOKAPUIA KA HOOPAE ANA MAI I NA MEA PA-HU

 

            Ua hookapuia ka hoopae hou ana mai i na mea pa-hu, e laa ke kiana pauda ame dainamaita maluna o ka Mokupuni o Oahu, a hala kekahi mau mahina lehulehu ma nei mau aku, a o na liui e kalepa ana a e malama ana ia mau mea hoopoino e kau aku ana maluna o lakou na ko'ioko'i o na ahewa ana ke hookuli i ke kauoha, ahiki i ka makaukau aku i hale hoahu no ia mau mea me ka haawina dala o $10,000, aole nae e loaa koke ana ia mau dala ahiki i ka la @ o ka mahina o Iulai. O keia ka ka luna nui o na hana hou Lyman Bigelow o ka hoike ana ae ma ka Poakahi nei.

            I kuilike me ka moolelo, ua loaa ae ka i ke Kiaaina McCarthy kekahi palapala mai ke kenerala Morton ae, ka alihikauua nui nana e hoomalu nei i ka oihana kaua ma Hawaii nei, e ku-e ana i ka hoahuia o na mea pa-hu maluna o Kahakaaulana. "O na dainamaira i hoahuia maluna o ia mokupuni he mai mea hoopoino kiekie loa lakou i na ola o ka lehulehu, mai na makaainaa a i na kanaka o ka oihana koa," wahi a ke Keneral Morton.

            E pono e kukuluia ka hale hoahu pauda ma kekahi wahi hiki ke lawweia aku ma kekahi wahi hiki ke laweia aku me ka palekana me na alanui laumania ole, a ma kekahi wahia mamo loa hoi mai ke kulanakauhale aku.

           

            ALEXANDRIA, Aigupita, Mei 23.-- He 23 poe i pepehiia a make a he 130 i hoehaia iloko o ka manawa i ala ae ai o ka haunaele i ikeia ma ke Sabati a ma keia kakahiaka, oia ka mea i hoikeia ae maanei e na luna aupuni ma keia la.

 

Hoao na Hoaloha o Farrington e Kakoo na Repubalika Iaia

 

Hoole Loa ke Komite Kuwaena Repubalika i ke Kako Ana i Kekahi Kanaka i Ike Ole ia Kona Kupaa i ka Aoao i Kiaaina no Hawaii Nei

 

            He o ia mau ka noho pouliuli o ko Hawaii nei poe, no ke kulana kiaaina o keia Teritore, elike me ia mamua aku o ka lawe ana ae o ka Peresidena Harding, i ka hookele ana i ke aupuni o Amerika Huipuia, no ka  mea aole he mau hooia i hoea mai o ka Peresidena i ke kiaaina.

            Oiai nae e hamau loa ana na mea pili i ka ninau kiaaina, aole i noho malie kekahi poe, a palaka paha ko  lakou noonoo, aka ua hoea aku la kekahi hoike i Waikinekona mai Honolulu aku nei, ma ka aoao o na hoaloha o Mr. Farrington, aia mahope on a ke kakoo ana a na kanaka lawelawe oihana ko'iko'i o keia kulanakauhale, no kona hookohuia mai i kiaaina no Hawaii nei.

            Aole i maopopo iki keia mea ahiki i ka Poakahi o ka pule aku nei i hala, i ka manawa i loaa mai ai he kelekalapa mai ka Elele Kalanianaole mai, akahi no a hoomaopopo na Repubalika eia ka ke lawelaweia nei kekahi mau hana hookikaika no ka pii ae o Mr. Farrington ma kela  kulana.

            Penei iho ka lono kelekalapa a ka Elele Kalanianaole o ka hoouna ana mai e hoakaka ana no ka hooikaika ana o na hoaloha o Farrington, e hookohuia mai oia i kiaaina:

            "Ua loaa mai nei@mai ia Tenney mai ma ke ano lunahoomalu, keia malalo iho:

            " 'Ua lokahi ke komite o na kanaka lawelawe oihana mahope o Farrington. No ka pono o ke Tariore ame ke kuikahi iloko o ka aoao, aole aei e hiki ia oe ke kakoo no kona hookohuia mai, pela hoi ke a'o ana aku i ke Komite Kuwaena e hana like mai pela:

            " 'O keia anei ke komite ma ka aoao o ua kanaka lawelawe oihana o ke Teritore@' "

            Mahope iho o ka loaa ana mai o ke kelekalapa maluna ae, mai ka Elele Kalanianaole mai, ua noho koke ae la ka halawai a ke komite kuwaena o ka aoao Repubalika ma ka Poalima mai, a o keia malalo iho nei, na mea a kela komite o ka hookolo ana, a hoounaia aku i ka Elele Kalanianaole ma Wakinekona.

Hoole i ke Kakoo Ana

            "Ua loaa mai kau kelekalapa o ka la 17 o Mei. Ma ka halawai a ke Komite Kuwaena, ua noonooia kau kelekalapa ame ka hoakaka piha ia ana o ke kulana laula, a oiai ua makemake no makou e halawai aku me na manao hoakaka o Mr. Tenney, a e lokahi ma ko hookohuia mai o kekahi Repubalika maikai, aole e hiki ia makou ke kakoo aku ia Mr. Farrington, no keia mau kumu malalo iho nei penei:

            "Aole oia, a aole no hoi i ikeia he mea kupaa mahope o ka aoao Repubalika. He mea hooikaika mau oia e hoomahae i a paa baloka. Okana mau hooikaika ana e ku e ana i ka aoao, ma ke koho baloka kalana aku nei i hala, ka mea nana i kokua aku i ke kohoia ana he Demokarata no ke kulana meia, a pela hoi ke kohia ana o kekahi Demokarata no ke kulana loio kapana ame kekahi mau lunakiai, o ka hopena o ia no ka loaa ana he aupuni nawaliwali a holopono ole maloko o Honolulu.

            "Ma ke koho baloka aku nei i hala, ua hoinoino ae oia ma ke ano akea i ka aoao Repubalika, a kapa aku la i na alakai o ka aoao he puulu kolohe.

            "Ua hoole maolu ae na kanaka me ka hoowahawaha i kana loina hana ma ka hului ana o ka paa baloka Repubalika i ka hapanui ame oe.

            "Ua nui kana mau mea i kamailio ai e ku-e ino ana ia oe, ma ke ano he Elele Lahui, a he poo no ka aoao Repubalika o ke Teritore.

            "O kona hookohuia ana mai, ua like ia i na mana koho baloka o Hawaii nei, me ka hooleia ana o ke ku ana o ka aoao, pela pu hoi ka hoole ana aku ia oe, a e hoeueuia aku ana ka manao o ka poe kipi i ka aoao, me ka manaoio e ikeia aku ana lakou maluna ae o na ku-e ana a ka aoao.

            "Aole loa e hiki ia kakou ke koho i kekahi Elele Lahui Repubalika, i ka Ahaolelo Lahui me Farrington, ma ke ano he Kiaaina.

            "O ka manao o ka Hale ame ke Senate, he Repubalika ka hapanui iloko o ia mau hale a elua, o ia hoi, e lilo ana kona hookohuia mai i kumu e ake'ake'aia ai na hooponopono ahaolelo kupono apau.

            "Imua o na maka o na mana koho baloka, aia o Farrington maka aoao ku-e i na Repubalika maoli, a o kona kakoo wale no, o kekahi poe kanaka lawelawe oihana, he kakeikahi wale no lakou.

            "Ua hoouna aku makou i ke komite lahui he hoakaka i kakooia me na olelo hoohiki ame na hoolaha ma na nupepa, e hoike ana i ka Farrington ku-e i ka aoao Repubalika no na makahiki eono i kaahope ae nei.

            "Ua hiki ia makou, a e lokahi@ hoi maluna o kekahi Repubalika, a ka Peresidena i makemake ai e hookohu mai, in a aole i kupono o Shingle, aka aole loa e hiki ia makou ke apono aku i ka hookohuia mai o Farrington, oi@ he hana ku-e ia i ka aoao, ame na pono o ke Teritore.

            "Ina oia e hookohuia mai ana e lilo mai ana oia i Kiaaiana me ke kakoo ole aku o ka aoao a o ka lehulehu paha."

            O keia iho la ka mea a ke komite kuwaena o ka aoao Repubalika i hooholo ai, a hoike aku ma ke ano he pane no ke kelekalapa a ka Elele Kalanianaole, no ka hiki ole i ka aoao ke haawi aku i na kaoo ana, no ka hookohuia mai o Farrington i kiaaina no Hawaii nei.

            Ua nui maoli ka hooikaika o na hoaloha o Farrington, ma na ano apau, @ lilo oia i Kiaaina, me ka hoao ana aku e hoopiha i ka Peresidena Harding me na kumu hoohoihoi apau e hiki ai iaia ke kanalua ol@ iho i ka hookohu ana mai i ka lakou kanaka i makemake ai; aka nae iloko o keia mau la, akahi no a loaa aku ka ike i kekahi poe o lakou, i ke kuhihewa loa o ka lakou mea i hoolala mua ai i kinohi, no ka mea, ua ui okoa ia aku la ka Elele Kalanianaole, a pele hoi me ke lakou kanaka, he hoike ana @nai keia i ke kulana nawal@wali o Mr. Farrington.

            Wahi a Mr. Lorrin Andrews, ka lunahoomalu o ke komite kuwaena o ka aoao Repubalika, ke nawliwali loa aku nei ke kulana o Farrington, no ka mea iloko o na hana pulapu o ka poe e kakoo nei mahope ona, no kona lilo i'o mai i kiaaina no keia Teritore, ua nui ko labou hooikaika ana ma na auo apau e loaa aku he mau kakoo na mai ka Elele Kalanianaole aku, a mai ke komte kuwaena aku hoi o ka aoao.

            Ma kela Poakahi, wahi ana, i loa@ aku ai he kelepona iaia mai ia Mr. Tenney aku, e ninau mai ana, in a e hiki i ua o Mr. Tenney ke hele mai no kona keena no ke kamailio ana maluna o kekahi no kekahi kumuhana, a no kona ike he kanaka paa o Tenney i kana mau hana, oia maoli no kai hoea aku imua o Mr. Tenney.

            Ma kela halawai ana ae o laua, i hoike okoa mai ai o Mr. Tenney i kona manao, o ia ke noi ana mai i ke komite kuwaena Repubalika, e kakoo aku kiaaina o Hawaii nei, ia manawa i hoole loa aku ai o Mr. Andrews, mo ka olelo ana aku i na kumu o ka hiki ole ana e kakooia kela moho.

            O Mr. Tenney âme ka poe e kakoo nei ia Farrington i kiaaina, wahi hou a Mr. Andrews, aole loa lakou he poo kakoo ia kuhio, o lakou ka poe ku-e mau iai, i ka manawa nae a lakou i ike iho ai, i ke kulana nawaliwali o ka lakou moho, o ka wa iho ia ia i makamake aku ai ia Kuhia e kakoo mai a pela hoi i ke komte kuwaena.

            O ke kumu wale no ka puulu e kakoo nei ia Farrington, i kauka'i mai ai i na kakoo ana aku a ka Elele Lahui, ame ke Komite Kuwaene, i kamailio hou ae ai o Mr. Andrews, o ia no ka maopopo ana ia lakou, aole loa e hookohu mai ana ka Peresidena i kekahi mea i loaa ole aku na kakoo ana a ka aoao Repubalika; oiai nae i kinohi, aohe nana mai o kela puulu i ka elele, e i ka aoao kalaiaina paha, aia nae a ku i kahi o k naele, i wa e ui mai ai, no na kokua, e lilo ai ka hanohano o ke kulana kiaaina i ka lakou kanaka.

            Ua hoakaka hou ae no hoi o Mr. Andrews, ma kona manaoio, in a nei no ka hookohuia mai o Farrington i kiaaina, aole loa ka Elele Kalanianaole e holo elele hou ana, ma ia ia ano he Demokarato aku ana ka elele lahui, aole hoi he Repubalika.