Ka Nupepa Kuokoa, Volume LIX, Number 20, 20 May 1921 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

MOOLELO O KA HALAWAI HANA O KA AHAHUI KULA SABATI AHAHUINA O NA KULA SABATI O KA MOKUPUNI O OAHU, KAU O APERILA, 1921.

La Hana 1, Apr. 11, 1921.

Noho ka halawai hana o na Kula Sabati o ka Mokupuni o Oahu, ma ka luakini o Liliuokalani, Waialua, Oahu, Apr. 14, 1921, hora 1:30 p.m.

Lawe ka Lunahoomalu Oscar P. Cox i ka noho, a hoomakaia na hana me ka himeni GS, L. H., ame ka pule mai ia Rev. G. M. Kauaulalena mai.

Hoomaopopoia na lala ma o ke @ ia ana e ke kakauolelo e hoomaka ana mai na lunanui mai, penei:

Rev. H. K. Poepoe, O. P. Cox, Rev. @. Kaihauʻaole i hiki mai; Jas. H. S. Kaleo, S. H. Oni, aole i hiki mai; Rev. S. K. Kamaiopili.

Na kakauleta, Paalua D. Kellett, aole i hiki mai; H. P. Judd, J. P. Erdman

Na komite hoeueu-O. P. Cox, S. Kauka, aole i hiki mai, me Mrs. L. Kaleo.

Kahu Kula Sabati Nui-Jas. H. S. Kaleo, S. Kauka, hope, aole i hiki mai, ame S. K. Kahele.

Na Kahu Kula Sabati Apana ame na Elele-Miss @ G. Macdonald ko Kawaiahao K.K.S., Mrs. Wahinemaikai Kaleo, elele; Miss K. Akana, K.K.S., Kaumakapili, M. K. Benjamin, elele; S. Kauka, K.K.S., Kalihi me Moanalua, aole i hiki mai, Mrs. K. Kalaiwaa, elele; J. K. Kapepa, K.K.S., Ewa, Mrs. Kilipohe, elele; Henry Kapela, K.K.S., Waianae, Mrs. Ane Pulaa, elele; Manuel Spencer, K.K.S., Pohaialoha, aole i hiki mai, Mrs. M. Spencer, elele; J. K. Kauwalu, hope K.K.S., Waialua, Mrs. O. P. Cox, elele; A. K. Kane, K.K.S., Kahuku, aole i hiki mai, Mrs. @ Thornton, elele; S. K. Kahele, hope K. K. S., Hauula, S. W. Kauhi, elele; Mrs. Ane Kamaka, K.K.S., Waikane, E. K. Aukai, elele, Mrs. Henry Williams, K.K.S., Kaneohe, aole i hiki mai, Mrs. Hopili, elele, ame na lala o ka Aha Makua, na lala o keia Aha. Na @, o ia na lala o ka Ahahui C. E.

Na ka lunahoomalu i kauoha i ke kakauolelo e heluhelnia ka moolelo o ke kau i hala, a ma ke noi a Mrs, Mary Spencer e aponoia ka moolelo o keia aha ma ka hilinai ana i ke kakauolelo @ keia Aha, aponoia.

Mamuli o ka manao ana o ka lunahoomalu he mea maikai ka hoolohe ana i kekahi mau olelo pokole ma ke ano haiolelo, nolaila, ua wae ae oia i ka Rev. O. H. Hulick, a noho ka aha e hoolohe no 20 minuke.

Mailoko mai e na olelo i kamailioia e ka Rev. O. H. Hulick, eia kekahi o kana mau olelo ano nui; "Ua hookumu ia ka Ekalasia ame ke Kula Sabati maluna o ka Pohaku Iesu Kristo, aole oia naueue, a e mau loa aku aua no kona aupuni." O koʻu mau makahiki i keia manawa he 90, a owau no paha ka mea kahiko loa i koe e ola nei, a he nui koʻu aloha ia Waialua nei, a ua kamaaina koʻu noho ana maanei.

Koho ka lunahoomalu i na komite kumau o ka Aha, penei: Komite hoike K. K. S. Nui, Rev. H. K. Poepoe, Mrs. Wahinemaikai Kaleo ame Mrs. Ane Kamaka.

Komite hoike papahelu a na K. K. S. Apana, M. K. Benjamin, Jas, H. Kapepa ame Mrs. Ane Pulaa.

Komite o na hoike elele, S. K. Kahele, Henry Kapela ame J. K. Kauwalu.

Komite o na hana hou, Rev. W. K. Poai, J. K. Lota ame G. M. Kauaulalena.

Komite Hoalohaloha. J. K. Paele, P. K. Kapanookalani me Mrs. M. Spencer.

Na ka lunahoomalu i hapai ae i na hana kumao o ka aha, ma o ka hoike a ke K. K. S. Nui.

Na ke K. K. S. Nui J. H. S. Kaleo i kana hoike a waihoia i ke komite. Hapaiia ka hoike papahelu a na K. K. S. Apana.

Na J. K. Kapepa i kana hoike no ke K. S o Ewa; @ Mrs. H. Kapela i ko Waianae; na J. K. Kauwalu i ko Waialua; na Sol. Moepono i ko Kahuku; na S. K. Kahele i ko Hauula; na Mrs. Kamaka i ko Waikane; na ke kakauolelo i ko Kawaiahao, Kaumakapili ame na hoike apau i ke komite.

Kalihi me Moanalua Makua a waihoia.

Hapaiia ka hoike a na elele e hoomaka ana ma Kawaiahao. Na Mrs. Wahinemaikai Kaleo i ko Kawaiahao; na M. K Benjamin i ko Kaumakapili; na Mrs. K. Kalaiwaa i ko Kalihi me Moanalua, na Mrs Kilipohe Smith i ko Ewa; na Mrs. M Spencer i ko Pohaialoha; na Mrs. Ane Pulau i ko Waiauae; na Mrs. P. Andrews i ko Makua; ha Mrs. O. P. Cox i ko Waialua; na S. K. Kahele i ko Hauula; na E. K. Aukai i ko Waikane; na Mrs. Hopili i ko Kaneohe a waihoia na hoike he 12 @ ke komite.

Na ke kakauolelo i heluhelu i kana hoike makahiki.

Malamaia ka lulu no ka waihona o ka Aha, a ua loaa @ dala @ $7.75.

Hoopaneeia ua hana me ka himeni 20, L. H., ame ka pule a Rev. W. K Poai, hora 3 p.m.

La Hana 2, Apr 15, 1921.

Noho hou ka balawai hana o ka Aha hui K. S. o ka Mokupuni @ Oahu elike me ka hoopaneeia ana.

Mr. O. P. Cox ma ka noho, a hoomaka@a na hana me ka himeni 27, L. H., ame ka pula a ka lunahoomalu.

Ma ke noi a S. K. Kamaiopili, ua kapaeia ke kaheainoa ia ana o na lala a heluheluia ka moolelo o ka halawai i hala a aponoia.

Na ka lunahoomalu he mau hoakaka e pili ana no na K. S. Wahi ana, ua kaapuniia e aʻa na K. S. o keia mokupuni, a koe no na K. S. e hiki ole mai nei imua o keia aha, o lakou no nae kekahi o na K. S. o keia aha, aole au i ike no keaha la ko lakou hiki ole ana mai i keia aha, malia paha ua nana ole ia mai kakou. Ke manao nei au, o ka oihana K. S., o ia kekahi o na hana kiekie loa iloko o ka Ekalesia. Owau no ke komite ola o keia aha, a ma ko makou aoao, ke haawi aku nei i na hoomaikai ana he nui loa ia oukou na lala o keia aha.

Hapaiia ka lulu no ka Waihona o ka Aha, a ua loa na dala he $5.75.

Hoike a na komite kumau o ka aha

Na J. K. Paele, ka lunahoomalu, i waiho mai i ka olelo hoalohaloha  no Rev. S. W. Kekuewa, kekahi lala o keia aha, a ma ke noi, ua hoohui pu ia aku me ka hoalohaloha a ke komite o ka Aha Makua uo ka hoopiha pono loa ana aku, a e ikeia no ma Ka Hoaloha; aponoia.

Na Rev. H. K. Poepoe ka lunahoo malu o ke komite o ka hoike a ke K. K. S. Nui o na K. S. o Oahu, a mia kana hoike waha e apono loa ana i ka hoike a ke K. K. S. Nui, a nia ke noi a M. K. Benjamin, na aponoia ka hoike a ke komite.

Na Jas. Kapepa i waiho mai i ka hoike a ke komite o na hoike papahelu a ua K. K. S. Apana.

Huina nui o na haumana, 1297; huina nui o na loaa, $10,151.02; huina o na hoolilo, $3,356.18; koena ma ka waihona, $6,794.84; a ma ke noi, ua @ ka hoike a ke komite.

Na S. K. Kahele i ka hoike a ke komite o na hoike elele; e hoike ana i ke kulana holomua o na K. S. o ka Mokupuni o Oahu, a ma ke uoi a J. K. Kauwalu, ua aponoia ka hoike a ke komite.

Na Rev. H. K. Poepoe i ka hoike a ke komite o na palapala hoopii. He hookahi palapala hoopii i komo iloko o ke komite, o ia ka palapala hoopii a kekahi hapa o na haumana o ke K. S. o Kahuku, no ke kue ana i ka hoike a ka elele ame ka hoike a ke K. K. S. Apana, a no ia palapala hoopii, ke hoike aku nei kou komite, ua pau i ka hooponoponoia me ka malu, a ua lokahi na @ a elua, a me ke noi a Rev. S. K. Kamaiopili ua aponoia ka hoike a ke komite.

Hapaiia ka noonoo ana i ka olelo hooholo e ka ua hou ana ia Rev. Brown i hookahi mahina e noho hou ai no ka haʻi Euanelio ma Oahu nei, elike me ia i hooholoia e ka @ o na C. E. ame ka Ahahui Makua.

Ma ka noonooia ana ua hoohooia me ka lokahi a hooholo pu ia o ka @ ame ke kakauolelo ma ka aoao o ka aha e hui pu aku me na komite o ka Aha Makua ame ko ka Aha o na C. E. me ke komite o ka Papa Hawaii no ke noi ana aku ia Rev. Brown ame ka hooponopono ana i ka papa hana.

Koho ana i na luna nui o ka aha. Oscar P. Cox, lunahoomalu, i waihoia mai e J. K. Lots, a aponoia, me ka huki ana o ke kakauolelo i hookahi balota. @. Kamau, hope lunahoomalu, i waihoia mai e J. K. Lota. Na Henry Kapela i ninau mai, ma ka rula @ ka aha e hele nei; Na ka lunahoomalu i pane, aohe he mau rula e papa ana i ka moa hiki kino ole mai, koe wale no ma ka hilinai ana a keia aha.

Ma ke noi a S. K. Kamaiopili, ua pani ia ka puka no ka waiho inoa ana, a kauohaia ke kakauolelo e huki i hookahi balota no Wm. Kamau i hope, a aponoia.

Na J. K. auwalu i ka inoa o J. K. H. S. Kaleo i kakauolelo uo ka aha, a aponoia me ka huki ana o ka lunahoomalu i hookahi balota.

Na J. K. auwalu i ka inoa o J. K. Paele i puuku ma kahi o S. H. Oni i waiho mai, a na Mrs. Leialoha Kaleo i ka inoa o W. K. Poai, a pani ia ka puka no ka waiho inoa ana. Ma ke koho ana ua loa na balota he 17 ia W. K. Poai, a he 14 ia J. K. Paele, ua koho pono ia o W. K. Poai i puuku.

Na W. K. Poai i waiho mai i ka inoa o S. K. Kamaiopili, i hoa a paniia ka puka, me ka huki aua o ke kakauolelo i hookahi balota.

Koho ana i na kakauleta o na lahui like ole. Ua waihoia mai na inoa o P. D. Kellett i kakuleta no na Hawaii; H. P. Judd no na Haole, a ia J. P. Erdman no na Japana, me ka huki ana o ke kakauolelo i hookahi balota pakahi no lakou.

Koho ana i ke komite hoeueu. Ua hoomauia no ke komite, o ia o O. P. Cox, Mrs. L. Kaleo ame S. Kauka.

Koho ana i ko K. K. S. Nui. Na Mrs. Aue Pulaa i ka inoa o S Kauka, a na Mrs. L. Kaleo i ko Jas. H. S. Kaleo inoa, a kohoia ma ka balota. No Jas. H. S. Kalo, he 13 balota, a no S Kauka, he 16; ua kohoia o S. Kauka i K. K. S. Nui.

Ma ke noi a W. K. Poai, ua kapaeia na @, a nana no i waiho mai i ka hoike a ke komite o @ hana hou @:

1. E kukuluia i waihona kumau no na K. S. elike me ko ka Ahahui C. E. o umi tausani.

2. I papa K. S. i ka Aha Paeaina. Ma ke noi, ua @ ka hoike a ke komite, a noonoo pakahi ia na @, a ma ka noonooia ana, ua kapaeia ke kumuhana ekahi, a ua hooholo loa ia ke kumuhana elua.

Hapaiia ke koho ana i kumu no ka papa K. S., a ma ke noi a W. K. Poai, ua kohoia o S. K. Kamaiopili i kumu, a hoolaha mai oia i ka haawina mai Ia @ ahiki i @, 1921.

Na M K Benjamin he noi e hoomana ia ke kakauolelo o keia aha, e haawiaku i hoomaikai i ka Ekalesia o Wai alua nei, kona k. S. ame kona Ahahui C. E. no na hookipa maikai ia ana o na lala o keia aha; aponoia.

He Hoomaikai

O makou o na lala o ka Ahahui K. S. o ka Mokupuni o Oahu, ma o ko ma @ kakauolelo la, ke haawi aku nei i na hoomaikai ana he nui loa, no na hookipa ohaoha i paholaia mai maluna o na lala o keia aha, e ka Ekalesia, ke Kula Sabati ame ka Ahahui C. E. o ka Ekalesia ma o kona mau luna ame na @ o ke K. S. ame C. E., ke komite hookipa ame ke komite ola, ma ka hookipaia ana o na lula ma na home i hoo makaukauia, a pela hoi na meaai i hoomakaukuia ma ke kulana helu ekahi; a no na mea maikai apau, ka makou e pahola aku nei i na hoomkaikai kiekie @ ia oukou apau.

Na ke Akua no i piha i ke aloha, e haawi mai i na hoomaikai ana i oi ae, a Nana no e hoopiha mai i ko oukou waihona kokua a hu i mea e pono a Kana hana.

Me ku mahalo

NA KA AHA.

Ma o kona kakauolelo, @. H. S. Kaleo.

Kahi âme ka manawa e noho ai o ka aha. Ma ke noi a Mrs. Hannah Thornton, e uoho ma kahi e noho ai o ka Aha Makua; aponoia.

Na Mrs. Hannah Thornton no he noi e hoopanee loa keia aha a noho hou aku i ka manawa i hooholoia, aponoia.

Hoopanee ka aha me ka himeni 196, L. H.; ame ka pule a Rev. J. K. Lota, hora 4:30 p.m.

JAS. H. S. KALEO,

Kakauolelo, Aha K. S., Oahu.

Aperila 15, 1921.

KUU POKII ALOHA, MRS. PHILOMENA LEHUA UA HALA.

Mr. Sol. Hanohano, Lunahooponopono o ke Kuokoa:-E oluolu mai oe i kuu ahonui i kekahi @ kaawale o ka kaua hiwahiwa, i kaʻu wahi puolo kaumaha no kuu pokii aloha i hala.

Ma ka Poalua, Aperila la 21, 1921, i haalele mai ai kuu pokii aloha i keia ola honua ana ma ka Halemaʻi Moiwahine. Mamuli o ka loaa ana o kuu pokii aloha i ka ehaeha keiki, pela oia i hoi ai i ka haukipila, no ka hoohanauia mai e na kauka, ma ka Poalua, Aperila la 19, a ua loaa mai ka hua mailoko mai on a, he kaikamahine. Mahope o kona hanau ana, ua waiho oia i ka nawaliwali no elua la, mamuli o ka nui o ka ehaeha i loaa iaia i kela mau la, pela oia i pauaho koke mai ai. Auwe kuu pokii heleloa e!

Ua @ kuu pokii aloha mai ka puhaka mai o Hattie Koahou ame D. Kailipoui, ma Kealia, Kona Hema, Hawaii, iloko o ka mahina o Feberuari la 15, 1902, a ua piha na makahiki he 19 me elua mahina o kona hanu ana i na ea hu'ihu'u o keia ola honua ana. Auwe kuu minamina i kuu pokii e!

Ua hoonaauao mua ia kuu pokii aloha ma ke kula o Hookena no kekahi mau makahiki loihi, aka no ka loaa ana o ko makou kaikunane muli pokii i ka ma'i hookaawale, pela oia i hele mai ia a noho i keia aina malihini, me ko laua mau kahu hanai. I ka noho ana o kuu pokii aloha ia Honolulu nei ua hoomau aku no oia i ka hele ana ke kula Wilikina ma ke alanui Papu.

Ua hoomanawanui oia i ka huli ana i ka naauao ahiki i kona hemo maikai ana mai mai ia kula mai, a ua loaa mai kona palapala hoomaikai mai ka lakou kumupoo mai. Mahope iho o ia manawa ua hele aku kuu pokii i ke kula kumu, @ nui @ na pakekeka i loaa iaia pau ke kula hoike kumu, holo oia Kona me kona kauhanai e ike ai i @ makou mama me ka ohana, a e @ no hoi i ka ainahanu.

Ua piha elua mahina o kona hoomaha ana i ka aina a hoi mai oia no Honolulu nei me kona kahuhanai. Auwe kuu pokii aloha e, o ka ike hope ana ka ia i ka maka o ka makua me ka ohana ame ka ainahanau!

Ua hoohuiia kuu pokii aloha ma ka berita o ka mare i ka la 8 o Maraki, 1921; ua mahina no a oi ko laua noho hauoli ana, a haalele mai la no oia i ka poli o kaua kane, Samuel Lehua. Auwe ka ehaeha o ka naau ke @. Ua lilo kuu pokii aloha he mea nui kana kane, eia hoi ka mea apiki, ua pauaho koke mai oia i keia ola honua ana. Walohia wale!

Kuu pokii i ka uka ame ke kai @ uo o Kona e, kuu pokii i ka wailuupoo o Paah@ula, kuu pokii i ke kawa o Piuelae, pau ko oukou ike hou ana iaia, pau ko oukou hoopulu hou ana i kona mau papaliua lahilahi, ua nalo kona mau maka no ka wa mau loa. Auwe kuu minamina pau ole ia oe e!

E mama e, aia aku nei paha o kaina i Kona kahi ike ai ia oe, ua haalele iho nei ia makou. Auwe kuu pokii heleloa e!

E kuaana Kulia e, pehea la, aohe paha oe i ike mai nei i ka pokii aloha o kaua i ka maalo iho i Pahoehoe, aia la ihea i nalo iho nei, in a ua ike hoi oe e ha'i mai oe ia'u. Auwe kuu lalau wale ia oe e!

Aloha wale o Ko@a Hema, kahi o kuu pokii i hiipoiia ai mai kahi wa uuku ahiki i kona nui ana. E ke one nenelu o Neneue e eia la kuu pokii aloha o Philomena ihea, ua hele iho nei oia; e pau ana kou ike hou ana iaia i pau no hoi ka @ hou ana o kuu pokii aloha ia oe.

Aloha wale ka malukukui o Naulu, kahi o kuu pokii e hoomaha ai i ka wela o ka la ame ka ua i ka pii ana o ka uka ame ka ihona o ke kai o Kealia, pau kou ike hou ana iaia.

Auwe kuu pokii e, kuu hoa pili, kuu hoa hele, kuu hoa laulima o na hana apau, kuu hoa hookaau olelo o na la mare kane ole o maua.

Ua pili aloha ia e maua, a na ke kane maua i hookaawale i kekahi ame kekahi, eia ka e kaawale loa aku ana oia no ka wa mau loa. Auwe kuu pokii heleloa e!

He nui no makou e ola nei, elima, kaikuaana me ekolu kaikunane; eha kaikuaana aole i ike i kona kino wailua a nalo wale, a peia no hoi kona mau kaikunane a elua. Owau hookahi nei kahi kaikuaana i ike iaia ame ko makou kaikunane mua loa. Lohe aku kona mau kaikuaana ame kona mau kaikunane elua ua nalo. Auwe ka mea ehaeha o ka naau e ke hoomanao ae ia oe!

Auwe ka maua kane e, ua hooneleia i ka hoapili he wahine, ua hele i ke ala huli hoi ole mai, a haalele iho la i ke kane a maua e paiauma aku @ nona mahope nei.

Nolaila ke haawi aku nei au i ko'u aloha ame ka mahalo a nui loa i ka ohana ame na hoaloha i hiki mai i ka la hope o kuu pokii, i ke komo pu ana mai me makou e u ana iloko o ke kaumaha ame ka luuluu, a pela hoi au e haawi hou aku nei i ko'u mahalo piha i na makana pua i hoohiwahiwaia iho maluna o kuu pokii aloha.

Ke nonoi ae nei au i ka Haku ma na lani kiekie, e haawi mai i na pomaikai mau loa maluna pakahi o ka po@ i hiki mai ma ia la, a peia hoi Oia e lawe aku ai i na luuluu ame na kaumaha he nui wale.

Nolaila ke hooki nei au maanei, me ka mahalo, maluna o ka Lunahooponopono ko'u aloha hope ame na keiki limahei o ka papapa'i ko'u welina, Owau iho no kona kaikuaana,

MISS JOSEPHINE KAILIPONI.

NA MEAHOU MA KA EKALESIA O PAIA, MAUI.

Solomou Hanohano, Aloha nui kaua: E oluolu kou ahonui e hookomo iho i na meahou o keia mau la poniponi, uliuli, makamaka hou, e ulu nei me na kilihune i hoopuluia e ka mana o ka Uhane Hemolele o ko kakou Haku aloha; ka mea nona ke kihapai ai, i piha i na mea maikai he nui wale e niniu nei. I kela ame keia manawa au e hoomaopopo'ole nei i ka leo kahea o ko kakou Haku aloha, i na mea apau e hoi e pili me Iesu, ka Haku o na Haku ame Ke Alii o na Alii.

Ma keia Sabati iho la i malama ae ai ke Kahu o ka Ekalesia o Paia, Rev. Moses M. Kahiapo i ka papa ahaaina kuikawa o ka Haku, no ka pono o keia kihapai.

Ua malamaia ke anaina haipule i ka hora 11 a pau i ka hora 12 m.; piha pono ke auaina ma keia Sabati. Heluna mui o ke anaina, 179. Maikai ka baiolelo a ke kahu, ke poolelo ma Oibana 9:15 ame ka pauku 17. Me ka piha i ka uhane.

I ka pau ana o ke auaina haipule i malamaia ae ai ka papa ahaaina a ka Haku. I ke Kahu Moses M. Kahiapo ke pa barena, a i ka Rev. J. K. Kahoopii ko ke kiaha.

Hookomoia i ka ekalesia he elima hoahanau hou ame ewalu keiki liilii i bapetizoia.

I ka pau ana o na hana i malamaia ae ai na hana hoeueu ekalesia e ke komite nui o na hana hoonee, Ed. M. Kepoo, na loaa i luluia he $36.

I ka hora 1 p.m. i noho mai ai ka halawai o ka Ahahui C. E. Sr. Ia P. N. Kahokuoluna ka manao paipai, maluna o ke kumuhana o ka la. Maikai ke anaina haipule C. E. ame na mea apau.

I ka pau ana o keia hana, alaila hoi na mea apau ma ka haleaina o ka ekalesia e paina ai, i na mea i hoomakaukauia.

Ke haawi nei i ka hoomaikai i ke kau, na luna, na hoahanau o ka Ekalesia o Paia, i ka holopono o na hana ma keia kihapai, a o ka mea oi ae na ke Akua e hoopomaikai mai ia kakou apau.

Me ka mahalo, HOOMAU I NA HANA MAIKAI.

Kahului,. Maui.

MAU APANA AINA KUAI

$175- Apana 50x100 ma Kapahulu, kokoke Campbell Ave., $10 ukumua, $10 o ka mahina.

$250- Apana 50x100 Alanui Pakui ame Alanui 9, Palolo, $20 uku mua, $10 o ka mahina.

$250- Apana 50x200 Alanui Kinau, kokoke Alanui 19, Palolo, $20 uku mua, $10 o ka mahina.

$629- Apana 49x106 Alanui I, kokoke Alanui Waialae, Kaimuki, $50 uku mua, $15 o ka mahina.

$3250- Hale maikai, 2 rumi moe me kekahi mau hale mawaho. Apana @ 100x100, Alanui Rose ame Middle. Kalihi, ma ke kuai oluolu a kuapo aina paha.

PAULO KALAUKA

(P. E. R. STRAUCH)

ALANUI MOI, HELU 74.

MOOLELO O KA AHAHUI KULA SABATI O MAUI, MOLOKAI AME LANAI, KAU O MARAKI, 1921, MA PAIA, MAUI.

(Hoopau ana.)

La Hana 2, Maraki 11, 1921.

M. P. Waiwaiole ma ka noho ame ke kakauolelo, a weheia ka halawai me ka himeni L. H. aoao 2, ame ka pule a Rev. E. E. Pleasant, hora 1:30 p. m. Hapaiia ka hoike a na K. K. S. Nui. Na W. E. Saffery i ko Maui Komohana. Hapaiia ka hoike a na K. K. S. Apana: Na Mrs. E. N. Pake i ko Kihei me $1; na R. J. K. Nawahine i ko Puunene Camp I me $1; na ke kakauolelo i ko Kalaupapa Siloama me $1.

Hapaiia ka hoike a na elele K. S.: Na Miss M. Foo Sum i ko Kihei me $2; na Mrs. Laʻikealoha Kauwenaole i ko Wainee me $2;  na Mrs. W. K. Saffery i ko Kaanapali me $2; na ke kakauolelo i ko Kalaupapa Siloama me $2; na ke kakauolelo i ko Halawa me $2.

Hapaiia ka hoike a na komite hoeueu: Na Mrs. Helen Haleanu i ko Makawao Hema. Na L. A. Kanae, he noi, e apono loa ia ka hoike a na komite hoeueu i kokuaia e R. J. K. Nawahine, a ua aponoia.

Hapaiia ka hana lulu dala, a o ka loaa he $4.15.

He noi na ka peresidena e kapae i na hana a ka aha, no ka manawa, a e hele elike me ka papa kuhikuhi hana i hoopukaia no keia kau; ua aponoia.

Na kumuhana i hoomakaukauia ma na wehewehe a na alakai like ole maluna o na kumuhana, ua hoopihaia ka aha me na mea e pono ai na hana hoonee a hooholomua i na hana Kula Sabati, o ka oi nae o na wehewehe piha pono loa, ma na alahele hoohuli uhane, o ia no na wehewehe mai ia Mrs. Lum Ho, Mrs. D. Kalaaupa ame Mrs. Lizzie Machado; no ka ekalesia wale no o Paia keia, poe makuahine; he nui ka ike ame ka naauao o na wehewehe, ola ka uhane, a pomaikai pu no me ka poe apau i hiki mai i keia aha.

Na R. J. K. Nawahine i ka hoike komite o na hana hou: 1, e malama mau ia ka lulu dala o na wa halawai halepule a keia aha; 2, na hana hoeueu a kekahi mau K. K. S. Nui i kona mau K. S., a poe e ae paha; 3, koho ana i kakauleta i ka Aha Paeaina ma Hilo, i Hawaii, ame kona uku alahele; 4, i nana K. S. na keia aha i ka hoike hui o na K. S. o ka Paeaina ma Hilo; 5, na lilo o ke kakauolelo ame ka persidena i keia aha; 6, no ka buke Ka Hoaloha; 7, ko kakou manao no ka olelo Hawaii, e aʻoia i ke K. S.; 8, ko kakou manao no ke kanawai hoopulapula i na Hawaii; 9, wae ana i na K. K. S. Nui ame lunanui; 10, hoomaopopo na K. S. i ko lakou haawina kokua ola i ka Aha Paeaina ma Hilo, Hawaii.

Heluheluia a ua apono loa ia.

Hapaiia ke kumuhana 4, o ia hoi i papa himeni na ka aha i ka Paeaina ma Hilo.

Na R. J. K. Nawahine he hoakaka, o ia hoi o ka papa himeni o Makawao Akau, o ia ka papa himeni a keia aha, ua kokuaia e W. Saffery, a ua aponoia.

Na R. J. K. Nawahine no o na kahunapule na haiolelo, na K. K. S. Nui na K. K. S. Apana, ame na elele o lakou na haumana a keia papa himeni, ma na haawina, kokuaia e J. P. Inaina, a ua apono loa ia.

Hapaiia ke kumuhana 3, i kakauleta, a na L. A. Kanae i ka inoa o Ed. M. Kepoo, a na M. P: Waiwaiole i ka inoa o R. J. K. Nawahine i hope ame $25 no ka uku alahele; kokunia e M. M. Kahiapo a apono loa ia.

He noi na L. B. Kaumeheiwa e kapaeia na rula, ua aponoia; a nana no e ukuia ke alahele o ka peresidena i ka Aha Paeaina ma Hilo, i $25; kokuaia a aponoia.

Hapaiia ke kumuhana 7, e pili ana i ka olelo Hawaii; ma ka noonoo ana ua haawi mai ka hope peresidena he olelo hooholo, a e mana ia olelo iloko o na haha hoomana ma Maui, Molokai, Lanai ame Kahoolawe, iloko o na Kula Sabati apau.

Hoopanee na hana me ka himeni L. H., aoao 171, ame ka pule a Rev. M. M. Kahiapo, a noho hou i Maraki 14, hora 11 a. m.

La Hana 3, Maraki 14, 1921.

M. P. Waiwaiole âme ke kakauolelo ma ka noho; weheia na hana me ka pule a ka hope peresidena, hora 11 a.m. Na L. B. Kaumeheiwa he noi e hilinaiia ka moolelo; kokuaia e W. E. Saffery a apono loa ia.

Na L. B. Kaumeheiwa no he noi, na ke kakauolelo ame ka peresidena e hooponopono i ka moolelo o keia kau, ame ka hoopuka ana ma ka nupepa; kokuaia e L. A. Kanae, a apono loa ia.

Na L. A. Kanae he olelo hooholo, a ua hooholoia. Mahope iho o ka ukuia ana o na hoolilo kumau o keia aha i keia kau o Maraki, 1921, he mea pono, o na koena loaa iho i koe, e holo aku no ia i ka ekalesia o Paia, Maui; kokuaia e J. W. Kawaakoa a apono ia.

Hapiia ka hoike a ka puuku ame ke kakauolelo. Na L. B. Kaumeheiwa i kana hoike puuku, na E. M. Kepoo i kana hoike kakauolelo; ua waihoia keia mau hoike ma ka lima o na komite o ka mana hooko o ka Ahahui Kula Sabati o Maui, Molokai ame Lanai, a hoike mai ma ke kau o Sepatemaba, ma ke noi a W. E. Saffery, kokuaia a apono loa ia.

Na Rev. J. P. Inaina i ka hoike hapa a ke komite o na hoike elele K. S., ma ka olelo hooholo a keia komite, e kauoha ana i na elele o keia aha, e lilo na hana o ke Kula Sabati o Paia, a lakou i ike ai, i mea na lakou e hana ai, ke hoi aku ma ko lakou mau apana, heluheluia a ua aponoia.

Na W. E. Saffery he noi e heluhelu hou ia ka hoike elele o ke K. S. o Halawa; ua aponoia.

Na ko kakauolelo i heluhelu ma ke kauoha a ka noho, o na hooponopono i hanaia no keia hoike e hoopau loa i ka hookomo ana i na olelo hoohiehie, aka, e hana i ka hoike me na olelo kupono elike me ka mea i hana maoli ia, aole o ka olelo iho he aeroplane ame kekahi mau olelo e ae.

Ma ke noi a ka Rev. Kaalauahi, nana e hoike aku i kona K. S. i ka olelo aʻo a keia aha; ua aponoia ia noi.

Na L. A. Kanae i ka hoike hapa a ke komite o na hoike a na K. K. S. Nui, ua heluheluia ka hoike, a ma ke noi a R. J. K. Nawahine, e laweia ka hoike a ke komite a e noonooia, kokuaia e W. E. Saffery, a ua aponoia.

Na Nawahine he noi e kapaeia ka hoike a ke komite, no ke K. S. o Wananalua, kokuaia, a apono loa ia.

Na Nawahine no he noi, ma kahi o ka hoike a ke komite e olelo ana, aohe hele o ke K. K. S. Nui i Kipahulu, aohe pololei o ia hoike; kokuaia a ua aponoia.

Na I. H. Kealoha i ka hoike hapa a ke komite o na hoike papahelu a na K. K. S. Apana, heluheluia a ua aponoia.

Hapaiia ke kumuhana 5, na lilo o ke kakauolelo ame ka peresidena i keia aha. Na L. A. Kanae i $7 pakahi, kokuaia a apono loa ia.

Hapaiia ke kumuhana 9, ke koho ana i na K. K. S. Nui, na L. A. Kanae i ka inoa o J. W. Kawaakoa i K. K. S. Nui no Maui Hikina, a nana no i ka inoa o J. Kahookele i hope K. K. S. Nui, ua aponoia.

Na Mrs. Daisy Kalaaupa ia Aunie Mitchell, K. K. S. Nui no Makawao Akau, a na J. K. Paleka ia Moses Panui i hope, ua apono loa ia.

Na Mrs. E. N. Pake ia Miss Ha'eha'e Kukahiko i K. K. S. Nui no Makawao Hema, a nana po ia J. S. Poepoe i hope, kokuaia a apono loa ia.

Na Mrs. Kachu Brown ia R. J. K. Nawahine i K. K. S. Nui no Maui Waena, a nana no ia W. Hoopii i hope kokuaia a apono loa ia.

Na Mrs. Laikealoha Kauwenaole ia W. E. Saffery i K. K. S. Nui no Maui Komohana, a na Winniefred K. Saffery ia Chas. K. Makekau i hope, aponoia.

Na Mrs. Kiha Aiong is J. N. Uahinui i K. K. S. Nui no Molokai, a na Rev. Kaalauahi ia J. Kamanao i hope, kokuaia a aponoia.

Hapaiia ke koho ana i na komite hoeueu: Na J. W. Kawaokoa ia L. A. Kanae no Maui Hikina, kokuaia a aponoia. Na Mrs. Daisy Kalaaupa ia J. K. Kukahiko no Makawao Akau, kokuaia a ua apono loa ia. Na Miss Ha'eha'e Kukahiko ia Mrs. E. N. Pake no Makawao Hema, aponoia.

Na R. J. K. Nawahine ia Mrs. Makuakane no Maui Waena, kokua a hooholo loa ia. Na Mrs. Lilian Hiram ia Mrs. Lily Kalepa no Maui Komohana. ua apono loa ia. Na Rev. Kaalauahi ia Mrs. Kiha Aliong no Molokai, ua aponoia.

Hapaiia ke koho ana i na lunanui: Hon. J. W. Kalua, peresidena; Hon. M. P. Waiwaiole, hope; E. M. Kepoo, kakauolelo; L. B. Kaumeheiwa, puuku; kokuaia a apono loa ia me hookahi baloka mai ke kakauolelo mai.

Hapaiia ke koho ana i hoakuka. Na M. M. Kahiapo i ka inoa o Rev. K. Nawahine i hoakuka, kokuaia a apono loa ia.

Na L. B. Kaumeheiwa he noi, e haawi aku keia aha i olelo hoomaikai i ka ekalesia o Paia, ma o kona kakauolelo la; kokuaia a aponoia.

Hapaiia ka lulu dala, ka loaa he $5.

Ma ka la 13 o Maraki, 1921, hora 10:30. i malamaia ai na hana hoike hui o na Kula Sabati o na Ahahui o Maui, Molokai ame Lanai, ma ka Luakini o Paia-kai. He 14 ka nui o na K. S. @ komo ma na hana hoike, a o ka loaa lulu he $55, ka nui o na haumana i komo i na hana hoike he 396, a o na makaikai he 83, huina nui 479.

Na manao paipai mai ka Hope Peresidena Waiwaiole mai, he mau olelo a'o kui'o, e alakani ana i ka manao maluna o ke kahua paa, a wahi ana i na elele ame na lala apau o ka a@@, e kupaa mau nomua ka lanakila, a na ke Akua e kokua mai ia kakou apau a hui hou kakou iloko o kona aloha; a hookuu na hana o keia kau, a noho hou ma kahi e noho ai, o ka Aha Makua elike me ka rula o keia mau Ahahui Kula Sabati, ma ka himeni L. H. aoao 27, ame ka pule a H. P. Judd.

EDW. M. KEPOO,

Kakauolelo.

NUI KA POE I HOPUIA E KA OIHANA MAKAI.

Ma ka halawai a ka papa o na lunakiai o ka noho ana ma ka po Poalua nei i waiho ae ai ka Makai Nui C. H. Roses i kana hoike no na hana e pili ana i kona keena no ka mahina o Aperila i hala, a maloko o ia hoike he 392 ka nui o na lawehala i hopoia iloko o ia mahina a he 272 o ia huina i hoopa'iia. O keia malalo nei ke ano o na hewa ame ka nui o ka poe i hopuia no kela ame keia ano hewa:

No ka hoeha me ka mea eha…29

No ke kue i na kanawai kalana…17

No ka on a…15

No ka piliwaiwai…191

No ka holonui…6

No ka aihue…10

No ka malama ole i ke ola…6

No ka aihue opiuma…37

No ka olelo ino, hailiili…3

No ka acabaukae…16

No na hihia haiku like ole…58

No ka moekolohe…4

Huina nui…392

NUPEPA KUOKOA

No ka makahiki (one year)…$2.0@

No eon mahina (six months)…1.0@

O na Dala âme na Hoolaha Apau a hoouna pololei mai i ka ADVERTISED PUBLISHING COMPANY, LTD., wale no, P. O. Box 808, Honolulu, T. H.

317 Alanui Moi, ma ke keena o ka Nupepa Advertiser.

Entered at the Post Office at @@@ lulu, T. H., as Second Class @@@

CHARLES S. GRANE LUNA NUI

Kumukuai Kukaa o na Meakuai ma ka Makeke

HOOPUKAIA E KA MAKEKE KULANAKAUHALE NO KA PULE E PAU ANA I MEI 14, 1921.

Waiubaka mokupuni, lb…48c

Huamoa, wae, doz…70c

Moakane opiopio, lb…75c

Huakaka, doz. …55c

Rabaki ola, lb…20c

Moawahine, lb. …60c

Pelehu, lb….75c

Kaka, Muscovy, lb…40c

Kaka, Peki@, lb…40c

Kaka, Hawaii, lb…35c

NA HOLOHOLONA.

Kuaiia ka pipi âme ka hipa i pau i ka loleia.

Pipi helu 1, lb…19c

Pipi helu 2, lb…16c-17c

Pipi helu 3, lb…

Puaa liilii ola, lb….

Puaa nunui, 80 a 100 lbs…24-26c

Puaa nunui, 150 a oi aku lb…22c

Pipi keiki, lb…20-22c

Puaa, lb…25c

Hipa…17c     

Puaa nunui, 50 a 80 lbs…26c

Puaa nunui, 100 a 150 lbs…22-24c

Kuaiia ka puaa nunui me ke ola.

NA ILI I KAPIIA.

Pipipo'a helu 1, lb…4c

Pipipo'a helu 2, lb…

Pipipo'a, hulu huelo, lb…

Pipi keiki, lb…

Kao, keokeo, pakahi…

@@@@@

AI A KA HOLOHOLONA.      

Kulina liilii melemele, tona…

Kulina nunui melemele, tona…47.50

Kulina wawahiia, tona…

Balani, tona…

Bale, rola…41.00

Ai i wiliia…

Oka, tona…

Huika, tona…

Mikilina, tona…

Mauu, Huika…

Mau, Alfalfa…

HUAAI.

Maia Pake, lb…03c

Maia Hawaii, lb…4c

Waina Isabella, lb…12c

Ipu Aiwaha, lb….

Halakahiki, lb…31/2c

Papaia, lb…21/2c

Lemi, 100 no…65c

Lemona, 100 no…$1.80

Piku, 100 no…$1.00

Pea, Hawaii. doz…75c-$1.00

Ohelo, no ke ie…23c

Alani, Kona, 100 no…2.25

NA MEAULU.

Papapa, loloa, maka, lb…08c

Papapa, loloa, wax, lb…

Papapa Lima, maloo, lz…5c

Papapa, Lima, iloko o ka aa, lb…

Papapa ulaula, Maui, lb…7c

Papapa, kalakoa, lb…5c

Papapa, liilii, keokeo, lb…61/2c

Papapa, kikokiko, lb…5c

Biki, (beets), lb…04

Karoke (carrots), lb…3c

Kapiki, lb…5c

Kaukama, doz. …$1.20

Kulina, momona maka, 100 no…3.00

Pi, maloo, lbs…51/2c

Pineki, nunui, lb…8c

Uala kahiki, lb…2c

Uala maoli, keokeo, lb…11/2c

Uala maoli, ulaula, lb…13/4c

Uala maoli, ulaula, lb…3c

Pu (palaai) lb…3c

Nioi, maka, Bell, lb…13c

Nioi, maka, Chili, lb….

Pi, maka, lb…

Ohia, lb. …18c

Kalo, 100lbs…2.25

Rosele, lb...