Ka Nupepa Kuokoa, Volume LIX, Number 19, 13 May 1921 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

He Kanawai

E hookaawale @ no ka hoihoi hou ana aku ia Julie Judd Swakzy i ohii me ke kue kanawai ma ke ano he auhau waiwai hooilina maluna o ka waiwai i hooiliia aku iaia malalo o ka palapala hooilina o kana kane hope, Frances M. Swanzy, i make.

Oiai, o ka heluna o kanalimakumamawalu tausani hookahi haneri ame kanakolukumamalua dala ame iwakaluakumamakolu keneka ($58,132.23) ua heluia a ua ukuia ma ke ano he auhau waiwaipaa federala maluna o ka waiwai o Frances M. Swanzy, i hala o Honolulu, i make, a i ka manawa i ka hooholoia ana i Februari 7, 1918, o ka auhau e uku ai no ka waiwai hoilina i ke Teritore o Hawaii ma ke ano he makana ma ke palapala hooilina o ka mea i make i kana wahine, Julie Judd Swanzy, o ka auhau waiwai federala i oleloia aole i ae ia e hoolaweia mai i ka hooholoia ana o ka heluna e hiki ai e auhau no ia hoilina e heluia; a oiai, ma ia hope mai ua hooholo ka ahu kiekie o ka Teritore o Hawaii, ma ka hihia o ka waiwai o B.F. Dillingham, i make, 23 Na Hoike Hawaii, 129, o na auhau waiwai federala i ukuia pela ua hiki e hoolaweia mai i ka manawa e noonooia ai na auhau hooilina i aieia i ke tertore; nolaila,

E hooholoia e ka Ahaolelo o ke Teritore o Hawaii:

Pauku @. Eia ma keia ke hookaawaleia nei ka heluna o hookahi tausani hookahi haneri kanaonokumamalua dala ame kanaonokumamaha keneka ($1,162.64), oia ka heluna i ohi ia me ke kue kanawai mamuli o na mea i hoikeia ae nei maluna, a e ukuia aku mai loko aw o na dala apau iloko o ka waihona puuku i loaa mai mamuli o na loaa laula o ke teritore, ma ke ano he hoihoi hou ana aku ia Julie Judd Swanzy i oleloia ma ke ano ua ukuia a oi aku mamua o ke kupono elike me ia i oleloia, a o ka puuku o ke teritore ma keia ke hoomanaia aku nei a ke kuhikuhiia aku nei e uku aku i ka heluna i oleloia o hookahi tausani hookahi haneri ame kanaonokumamalua dala ame kanaonokumamaha keneka ($1,162.64) ia Julie Judd Swanzy i oleloia elike me ia i hoikeia ae nei mamua.

Pauku 2. E mana no keia kanawai i knoa aponoia ana.

Aponoia i keia la 13 o Apelila, A.D. 1921.

C.J. McCarthy,

Kiaaina o ke Teritore o Hawaii

Kanawai 87.

[B.H.Helu 335.]

He Kanawai

No ka uka ana aku i na poe paa a i ole on a o na pooleka o na palapala, a e hookaawale ana i haawina no ia mea.

E hooholoia e ka ahaolelo o ke teritore o Hawaii:

Pauku1. O na põe apau, na hui a i ole ahahui i hoohuiia, e huipu ana i na mahele o ke Teritore o Hawaii, e paaia ana e lakou a i ole e hoomaluia ana he mau pooleka i kuaiia elike me ke kuhikuhi a ke Mokuna 97 o na Kanawai i Hooponopono Houia o Hawaii, 1915, ua kupono e loaaa ku mai ka puuku aku o ke teritore no ke kumukuai ola mau pooleka i ka manawa e waihoia mai ai ia mea iaia; aka nae, aole kekahi mau pooleka e hoihoi houia aku malalo o keia kanawai aia wale no a ua haawiia aku i ka puuku aole e kaahope aku mahope o Dekemaba 31, 1921.

Pauku 2. O ka heluna o hookahi tausani dala ($1,000.000), a i ole elike ka nui me ka lawa kupono, ma keia ke hookaawaleia mei ma keia mailoko ae o na loaa laula o ke teritore no ka uku ana aku i na pooleka apau e hoihoiia mai ana i ka puuku malalo o na hoakaka a keia kanawai. O na uku ana apau e hanaia ana elike me na mea maloko nei e hanaia aku no maluna o na kikoo dala i hoopukaia e ka lunahooia o ke teritore @ o na bila aie i aponoia e ka puuku.

Pauku 3. E mana no keia kanawai i kona aponoia ana.

Aponoia i keia la 13 o Aperila, A.D. 1921.

C.J. Mc Carthy,

Kiaaina o ke Teritore O Hawaii

Kanawai 88.

[B.H. Helu 336.]

He kanawai

E hookaawale ana i haawina no ka uku ana aku ia Henry C. Hapai ame Thomas Treadway.

E hooholoia e ka Ahaolelo o ke Teritore o Hawaii:

Pauku 1. O ka puuku o ke Teritore o Hawaii ma keia ke hoomana ia aku nei a ke kuhikuhiia aku nei e uku aku maluna o na kikoo dala e hoopukaia ana e ka lunahooia o ke Teritore o Hawaii i ka heluna o ekolu haneri kanaiwakumamaha dala ame kanahakumamalima keneka ($394.45) ia Henry C. Hapai ame Thomas Treadway no ka hoihoi hou ana aku ia Henry C. Hapai me Thomas Treadway i oleloia no na dala i uku muaia a laua iloko o ka manawa mai 1907 ahiki i 1921 mamuli o ka pokole i ulu ae maloko o ka waihona puuku o ke Teritore o Hawaii. Oia uku ana ma keia ke hookaawaleia nei mailoko ae o na dala i loaa mai iloko o ka waihona puuku o ke Teritore o Hawaii mai na loaa laula mai.

Pauku 2. E mana no keia kanawai i knoa aponoia ana.

Aponoia i keia la 13 o Aperila, A.D. 1921.

C.J. McCarthy,

Kiaaina o ke Teritore o Hawaii.

Kanawai 89.

[B.H. Helu 162.]

He Kanawai

E oololi ana i ka pauku 1273 o na kanawai i hooponopono houia o hawaii, 1915, e pili ana i ka auhau.

E hooholoia e ka Ahaolelo o ke Teritore o Hawaii:

Pauku 1. O ka pauku 1273 o na kanawai i hooponopono houia o Hawaii, 1915, e pili ana i ka ahuau, ma keia ke hoololiia nei i heluhelu ai penei:

"Pauku 1273. Aha hoohalahala, hookohu. Ekolu poe upono e hookohuia e ke kiaaina o ke Teritore o Hawaii, no na kalana pakahi e paa ana i ke kulana no hookahi makahiki, e e lilo i mau aha hoohalahala no ka hoolohe ana ame ka hoomaopopo ana i na hoohalahala apau ame na kue i ku malalo o keia mokuna, iloko o ko lakou mau aha kaapuni pakahi; aka nae, aole kekahi lunahelu a i ole o kona hope paha e hookohuia e noho ma ke ano he lala no kekahi aha oia ano no ka hoohalahala ana."

Pauku 2. E mana no keia kanawai mai a mahope aku o ka la o kona aponoia ana.

Aponoia i keia la 13 o Aperila, A.D. 1921.

C.J. McCarthy ,

Kiaaina o ke Teritore o Hawaii.

Kanawai 90.

[B.H. Helu 178.]

He Kanawai

E hoololi ana i ka pauku 4101A o na kanawai i hoponopono Houia o Hawaii, 1915, Elike me ia i hooholahola ai e ke kanawai 50 o na kanawai o ke kau o 1915, Elike me ia i hoololiia ai e ke kanawai 150 o na kanawai o ke kau o 1917, e pili ana i na hooholo ana i na hoopai no ka hooholo ana i na kaa me ka noonoo ole.

E hooholoia e ka ahaolelo o ke Teritore o Hawaii:

Pauku1. O ka Pauku 4101A o na kanawai i Hooponopono Houia o Hawaii, 1915, elike me ia i  hooholoia ai e ke kanawai 50 o na kanawai o ke kau o 1915, elike me ia i hoololiia ai e ke Kanawai 150 o na kanawai o ke kau o 1917, ma keia ke hoololi houia nei i heluhelu ai penei:

"Pauku 4101A. Na hoopai pakui hou iho. I pakui no na hoopai i hoakakaia e na Pauku 4100 ame 4101, pakahi, o ka lunakanawai apana imua on a, a i ole o ka ahahookolokolo iloko olaila e loaa ana he ahewaia malalo paha o kekahi o na pauku i oleloia, ua hiki no, i paku'i no na hoopai e aku maloko o na pauku i oleloia, a i ole o kekahi o laua, i hoakakaia, e hookau i hoopai hoopaahao no kekahi manawa aole e oi aku mamua o hookai makahiki, a ua hiki e kapae i ka hoohanaia ana o kekahi laikini no ka hooholo ana i kekahi kaa i hoohanaia me ka aila ea e kekahi mea a i ole mau mea paha i hoopaiia pela no kekahi manawa aole e oi aku mamua o hookahi makahiki, Aka nae o ka laikini o kekahi mea oia ano i loaa he hoopaiia mamua aku malalo paha o kekahi o na pauku i oleloia 4100 a i ole 4101 e kapaeia no kekahi manawa aole e emi iho malalo o eonon malama a aole e oi aku mamua o hookai makahiki elike me ka manao o ka aha."

Pauku 2. E mana no keia kanawai i kona aponoia ana.

Aponoia i keia la 13 o Aperila, A.D> 1921.

C.J. McCarthy,

Kiaaina o ke Teritore o Hawaii.

Kanawai 91.

[B.H. Helu 278.]

He Kanawai

E hoololi ana i ka pauku 1565 o na kanawai i hooponopono Houia o Hawaii, 1915, e pili ana i na hope makainui, ma keia ke hoololiia nei i heluhelu ai penei:

"Pauku 1565. Hookolu. Maloko o kela mae keia apana pakahi o na kalaan o Hawaii, Maui ame Kauai, na ka makainui e hookohu i hope makainui a e hoopau i kekahi o na hope makainui oia ano no ke kumu. O kela ame keia hope makainui he mea koho baloka oia no ke Teritore o Hawaii, a ua nohopaa maloko o ka apana on a i hookohuia ai no kekahi manawa aole i emi iho malalo o hookahi makahiki mamua o ka la o kona hookohuia ana. Aka nae, in a me kahi o ka mai a i ole kaawale no ka manawa mai kona apana aku o ka hope makainui o kekahi apana oia mau kalana, a i ole ina paha ua loaa he hakahaka no ka manawa maloko o ke kulana hope makainui o kekahi o na apana i oleloia, ua hiki i ke makainui oia kalana e hoonoho aku i ka hope makainui o kekahi apana okoa aku e lawelawe no ka manawa maloko o ka apana, e mai ana ka hope makainui a i ole kaawale no ka manawa a i ole maloko olaila e ku ana he hakahaka no ka manawa, a oia hope makainui i hookohuia no ka manawa malalo oia hookohu no ka manawa e loaa no iaia na mana apau a e lawelawe i na hana apau e kau ana maluna o ka hope makainui oia apana. O ka hope makainui o Hilo Hema o ke Kalana o Hawaii ua hiki, ma ke ano he pani, e lilo i hope o ke Kalana o Hawaii ua hiki, ma ke ano he pani, e lilo i hope makainui no ke Kalana o Hawaii. O ka hope makainui o ka apana o Wailuku, Kalana o maui, e lilo ma ke no he pani, i hope makainui no ke Kalana o Maui. O ka hope makainui o ka Apana o Lihue, Kalana o Kauai, e lilo i pani, ia ka hope makainui o ke Kalana o Kauai. Aka nae, i kela ame keia manawa e ikeia ai ua kupnon e ka papa o na lunakiai ua kupono e loaa i mea lawakupono no ke kulana hope makainui a ua hiki ole e loaa iwaena o na poe noho paa o ka apana, ua hiki ole e loaa iwaena o na poe noho paa o ka apana, ua hiki i ka makainui e hookohu i hope makainui mai kekahi apana oka aku maloko o ke kalana; a oia hope makainui he mea oia i koho baloka no ke Teritore o Hawaii, a ua noho paa maloko o ke kalana no kekahi manawa aole i emi iho malalo o hookahi makahiki mamua aku o ka la o kona hookohuia ana, a e noho aku ana maloko o ka apana on a i ookohuia ai no ka manawa o kona hookohuia ana no ia kulana."

Pauku 2. E mana no keia kanawai mai a mahope aku o ka la o kona aponoia ana.

Aponoia i keia la 13 o Aperila, A.D. 1921.

C.J.McCarthy,

Kiaaina o ke Teritore o Hawaii.

Kanawai 92.

[B.S. Helu 52.]

He Kanawai

E hookaawale ana i haawina kuikawa no ka uku ana i ka First National Bank of Hawaii ma Honolulu, ame ka Banako o Bishop & Co., Kaupalenaia.

E hooholoia e ka ahaolelo o ke Teritore o Hawaii:

Pauku1. E hookaawaleia no, a ma keia ke hookaawaleia nei ka heluna o eiwa haneri me ewalu dala ame eha keneka ($908.04) a e ukuia mai loko ae o na dala maloko o ka waihona puuku i loaa ami na loaa laula mai o ke teritore mai no ka uku ana i ka First National Bank of Hawaii ma Honolulu ame ka Banko o Bishop & Co., Kaupalenaia, ka heluna i haawiia e lakou ma ke ana like no ka uku ana i na hoolilo i lilo no Julius  Asch, Hope Makainui o ke Kulanakauhale ame Kalana o Honolulu, no ka hoihoi ana mai i Honolulu nei ia D.G. May, oia ka mea i loaa ke ahewaia e ke kiurenui no ka hoopii apuka.

Pauku 2. E mana no keia kanawai i kona aponoia ana.

Aponoia i keia la 14 o Aperila, A.D. 1921.

C.J. McCarthy,

Kiaaina o ke teritore o Hawaii.

Kanawai 93.

[B.S. Helu 79.]

He Kanawai

E pili ana no ka Haawiia ana o na palapala kuleanaa'o i na papa wehewehe olelo i na kumukula.

E Hooholoia e ka Ahaolelo o ke Teritore o Hawaii:

Pauku 1. O na kumukula iloko o na kula aupuni o ke Teritore o Hawaii e paa ana i na palapala kuleanaa'o i na papa kumumua no umi a oi aku makahiki, a ua piha na makahiki he umi i a'o ai me ka holomua malalo oia palapala kulenaaa'o, e haawiia no i palapala kuleanaa'o i na papa wehewehe olelo e k keena hoonaauao o ke aupuni.

Pauku 2. E mana no keia kanawai i ka la o kona aponoia ana.

Aponoia i keia la 14 o Aperila, A.D. 1921.

C.J. McCarthy,

Kiaaina o ke Teritore o Hawaii.

Kanawai 94.

[B.S. Helu 81]

He Kanawai

E hookaawale ana i haawina no ka uku ana ia Mrs. Kanoe Nahulu.

E hooholoia e ka ahaolelo o ke Teritore of Hawaii:

Pauku 1. O ka heluna o elua haneri ame kanaonokumamahiku dala ($267.00) ma keia ke hookaawaleia nei a e ukuia aku ia Mrs. Kanoe Nahulu, mai loko ae o na dala maloko o ka waihona puuku o ke Teritore o Hawaii, aole i hookaawale e ia, no ka uku ana aku iaia no ka hapa uku mua, i hooliloia e ia no kana keia kane, Samuel E. Nahulu, no ka Aelike kuikawa, Helu 1775, i paaia e kana keikikane i oleloia Samuel F. Nahulu, no ka Apana Aina Homehookuonoono Helu 1207, me ka Apana Hale Helu 2, Mahele 801, a o ua aelike homehookuonoono la i oleloia ua hookoia e Samuel E. Nahulu i oleloia, i ka la 14 o Maraki, 1919, a ua hoopauia i ka la 21 o Sepatemaba, 1920, mamuli o ka haaleleia ana, mamuli o ke komo ana o Samuel E. Nahulu i oleloia iloko o ka oihana kauamoana o Amerika Huipuia.

Pauku 2. E mana no eia kanawai mai a mahope aku o ka la o kona aponoia ana.

Aponoia i keia la 14 o Aperila, A.D. 1921.

C.J. McCarthey,

Kiaaina o ke Teritore o Hawaii.

He hoalaohaloha no kuu kane John Kailianu.

E Mr. Lunahooponopono o ka Nupapa Kuokoa; Aloha oe: E oluolu mai oe i kekahi wahi o ka hiwahiwa a ka lahui, no ka'u puolo waimaka o ke aloha no kuu kane, John Kailianu, i haalele mai ia'u, kana wahine, na keiki ame na moopuna a maan e kumakena aku nona me ka naau mokumokuahua, mahope nei.

Ua haalele mai kuukane aloha i keia ola ana, ma ko maua wahi noho ma Makuna @, ma ka anwina la o ka Poalua, mei 3, 1921, mahope iho o ka hoomailo ana a ka ma'i maluna on a no kekahi mau mahina loihi, a ma ka Poakolu ae i hoomoeia aku ai kona kino lepo, ma ka pa ilina o kawaiahao, me a ukuli ana aku o ka ohana, na makamaka me na hoaloha, ma kona hua ka'i hope loa.

Ua haanuia kuu kane aloha John Kailianu ma Kealia, Kona Hama, Hawaii, ma ka la 26 o Feberuari, 1861, a make ma ka la 3 o Aperila, 1921, nolaila ma kona manawa i haalele mai ai i keia ola ana, ua piha iaia ma makahiki he kanaono me na mahina keu, o ka hanu ana i ke ea oluolu o keia ao, i piha i na inea he nui.

Ua hanau mai kuu kane mai ka puhaka mai o Kapahu, kona makuahine ame keaupuni kona makuakane, he elua wale no laua; hala aku la oia ma kela ao, a koe iho la kona kaikuahine hookahi wale no oia o Mrs Kaaiawaawa kamakawiwoole, e noho mai la ma Hamakua, Hawaii.

Ua mare mua no oia i ka whaine a ua loaa mai he eha mau keiki na laua, ua pau loa no nae i ka make; a mare mai oia me a'u, ma Honolulu nei, ma ka la 19 o Okatoba, 1891l ua loaa ia maua, ma ia mare ana, na kaikamahine elua, ua kikoo e mai no nae na lima menemene ole o ka make a lawe aku ia laua ma kela ao.

Ua lawelaweia e kuu kane na hana like ole maloko nei o keia kulanakauale, a o kana hana hope loa, a @ mai la ia'u, he mea malania no ka Paka Atkinson, ma Kakanko; e hooikaika ana i ka hana, iloko o ka walanakila o ke kino, ahiki wale no i kona waiho ana ma kahi moe, a owau ka mea nana e lawelawe aku i kana mau hana.

Ua pau kana hana ma keia ao, ua kuu ka luhi, ua pau ka ike aua i na ehaeha ame na auwe ana; o ke alahele ana i hele aku la, he alahele ia e loaa aku ana ia'u, a ia kakou apau; a ke hoomaikai ae nei au i ka Makua Lani, Nana no i haawi mai, a Nana no i lawe aku; a ke kalokalo pu ae nei no hoi au, Nana no e hoomama mai i ko'u mau manao kaumaha apau, no kuu kane aloha.

Ke haawi aku nei au i ka'u mau hoomaikai kiekie palena ole i ka poe apau i haawi mai i ka lakou mau kokua ia'u, iloko o ko'u mau hora o ka ehaeha, a i lawe ae hoi i na ko'iko'i ame na kaumaha, o na hoolilo hoolewa o kuu kane; ia Mrs. Luika Mareallino, ka mea nana i lawe ae i na hoolilo hoolewa; i ka hui poola o na Wahine, no na hoolilo o ka eli ana i ka lua ame ka pukapa; i ke kalapu Demokarata o Kakaako, no ka lakou makana pua; i ke kalapu Hoahu a Hookuonoono o Kakaako, no ka lakou makana pua, a i na makamaka ame na hoaloha, i hoohiwahiwa iho i kuu kane, a i komo pu mai hoi iloko o kona hoolewa; no oukou apau ka'u mau hoomaikai ana.

Ke nonoi aku nei au ia oukou apau e lawe aku i keia hoomaikai a na ka Makua ma ka lani e haawi mai i na hoomaikai oi ae.

Owau iho no iloko o ke kaumaha,

Mrs. Kanealii J. Kailianu

Me ka Ohana.

Honolulu, Apr. 5, 1921.

Hoolaha kuai o na apana aina aupuni.

Ma ka hora 10 a.m., Poalua, mei 31, 1921, ma ka puka komo mamua o ka Hale Kapitala, Honolulu, T. H., malaila e kuaiia aku ai ma ke kudale akea i ka mea koho kiekie loa na apana aina aupuni i hokakaia malalo nei:

(1) Apana aupuni, o ia ka lua pohaku i haaleleia ma ke alanui Ferdinand, ma ke Awawa o Manoa, Honolulu, Oahu, nona ka iliaina o .965 eka, oi aku a emi mai paha; kumukuai hoahaa, $2895.

(2) Apana 12, Kuea 10, Apana Aina o Auwaiolimu. ma ke kahana pali komohana o Puowaina, Auwaiolimu, Honolulu, Oahu; nona ka iliaina o 0000 kapuai kuea, oi aku a emi mai paha; kumukuni haahaa, $725.00.

Kumu aelike: Kuike.

Na ka põe e lilo ai e uku i na lilo o ka hoolaha ana.

No na hoakaka aku i koe e noi ae ma ke keena o ke Komisina o na Aina Aupuni, Hale Kapitala, Honolulu, T.H.

C.T. Bailey,

Komisina o na Aina Aupuni.

Hanaia ma Honolulu, T.H., Aperila 29, 1921.

Nupepa Kuokoa

No ka makahiki (one year)……$2.68

No eon mahina (six months)….@

O na dala eme na Hoolaha Apan o hoouna pololei mai i ka Advertiser Publishing Company, LTD., wale no, P.O. Box 208, Honolulu, T.H. 817 Alanui Moi, ma ke @ o ka Nupepa Advertiser.

Entered at the Post Omoe at @ @, T.H., as Second Class @,

Charles S.Crank Luna Mui