Ka Nupepa Kuokoa, Volume LIX, Number 15, 15 April 1921 — HOOMANAO LA HANAU MA KA AEKAI O MOKUAEO. [ARTICLE]

HOOMANAO LA HANAU MA KA AEKAI O MOKUAEO.

Ma ka hora 12 m. i noho iho ai na mea apau maiuna o na pakaukau loloa i luluu i na meaai o kela ame keia ano, a ka inaka e ono ai ,oiai ka kua nana ke kama i kalokalo ae ai i na huapale no ka hoopomaikai ana mai i ke anaina, ame ka mea nona ka la i haupa iho ai na mea apau, oiai ua hele wale a naluea kahi opu i ka pehia e ka hunakai ,a ka makani e hapaliapai mau ae ana, nana aku oe i na mea apau, ua ai a ua maOna, ua iuu a lawa i ka lokoanaikai o na kupuna, ua nui ua mea maikai i loaa mai. Oiai na moa apau e hauoli ana, aia na puukani o ua aekai nei ke honehone la ko lakou mau leo, nana aku oe aia na mea apau ke oni la, na i'ohuki, a haupu ae la i' keia mau kanaenae ana: Aohe ou loa e Mokuaeo, I ka haulani a. na kaa otomobile, Aole ou loa e Mokuaeo, I ka waapa mokuahi e haulani ana. Mea ole ia kai loa, I ka. auku a ka ihu o na waa, Ku aku kou kiu a e nana, I ke kakini me kamaa a e hemo ana. Ahuwale na 010010 wawae, Koe ae no ka na kupuna, Hainaia ka puana, 0 ka.ehukai o Mpkuaeo. Oiai na mea apau e walea ana, aia na waa ame na waapa mokuahi ke halihaii la i na ohua; nolaila ua nni maoli na mea maikai i loaa o kela ea maikai o ka ai i na mea maikai ame ka hoi no me kahi puolo, ua makepono na mea apau. ' Kolaila i ka hoopau ana i keia mau wahi pua akulikuli, nou ko'u mao hoo? maikai e kuu kapena opio ame na keiki nana e kikokiko na kaula kelpawe o ka ipukuku! o ka malamalama ko'u iini pnu 010. J. K. MOKUMAIA,-