Ka Nupepa Kuokoa, Volume LIX, Number 15, 15 April 1921 — Page 8
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
MOOLELO O KA AHAHUI EU ANELIO O NA EKALESIA AHAHUINA O KE KALANA O MAUI, I NOHO MA PAIA MA KE KAU O MALAKI 1921.
Lunahoomalu Rev. L B. Kaumeheiwa ma ka noho, W. E. Saffery, kakau olelo; ma'amaia ke kahea inoa o na la'a; no: o M. P. Waiwaiole e hoaponoia ka moolelo o ka halawai i hala ma ka hilina: ke kakanolelo.
Noi o L. A. Kanae e kapaeia na rula, lokuaia e D. K. Wailehua, a ua aponoia a waiho mai o L. A. Kanae i ka koike a ke komite o na hoike papahelu e koike ana, aole he mau hoike papahelu i komo aku i ke komite, a e mahalo ana i ke kakauieka o ka Papa Hawaii no kana hoike papahelu ma ka hoina nu lelike me ia i ike mua ia.
Ma ke noi a J. P. Welch i kokuaia o M. P. Waiwaiole, ua apono ka aha e lawe a noonoo i keia hoike, a ma na koakala ana ua maopopo o ke kumu i @ ole ai na hoike o keia ano, o ia no ka @ ole ia ana aku o na kahu @ me na pepa pa 'i hakahaka no ia mau hoike.
Noi o J. P. Inaina e apono i ka hoike kokua ia a apono loa ia.
Hoike a ke komite o na palapala hoopii- Na B. J. K. Nawahine i heluhelu i keia hoike penei: Na palapala laikini @ no hookahi makahiki, J. M. @ @ M. Kepoo, J. Kukahiko, J. N. L. Faufata, L. D Kealoha, J. W. Hawaakoa ame Mrs. M. Inaina.
Laikini haiolelo no eono mahina- D. Kaialoha Mrs. M. Lum Ho ame Daisy Kalaaupa.
Na keiki a ka aina- Henry Kaholokula Keliiao Paleka ame D. Kaookele. @
Na @ kahu ole-Haiku, I. D. @ @ @ J. P. Inaina @ @ J. P. Inaina, komite; @ S. K. Kaailua, komite; Kipahulu J.P. Kaloheiani, komite; Kaupo, @ @ komite: Makena ame @ J. S. Pepoe, komite; Keokea, J. K. Kahoopii komite; Waihee, na na @ ekalesia (ahaaina a ka Haku na @ @ e koho): Kahakuloa, elike no me ke Waihee: Kaanapali, J. Davis, komite: Olowalu, J. Davis. komite: Kaluaaha, Rev. J. P. Webb. komite, no ka mea ua @ ala i kahu a he mea pono loaa na @ ana lala mai ka Papa Hawaii ame papa kokua o Maui mai.
Nui @ J. P. Erdmn e lawe a noonoo i kela hoike, kok@aia, a aponoia.
Ku @ o J. P. Inaina ka mea i ma@ i komite no Huelo ame Keanae a @ mai o kona kulana e ku nei. @ kahu no na ekalesia o Huelo ame @ elike me ka lakou noi i ka aha ma kela kau aku nei, a ua aponoia; a ua koho ka aha he komite nana e hoonoho iaia i kahu no keia mau ekalesia @ @ i hooko i ka olelo hooholo a @ @.
@ @ J. P. Erdman e hoololiia kela hapa o ka hoike a ke komite ae la malama e ppili ana ia J. P. Inaina mai ke komite a @ kahu no na ekalesia i hoikeia, e pili ana iaia, a e noi pu ana e kaunoha ka aha i ke komite hoonoho kahu, @ @ koke aku i kana hana; ko@ a apono loa ia.
Mahope o na hoakaka ana e pili ana i ke ekalesia o Kaahumanu, Wailuku @ hoapono ka aha i ka inoa o ka @ o keia aha e lilo i komite nana e lawelawe ka papa ahaaina a ka Haku @ ia ekalesia.
Me keia mau hooponopono, ua noi mai o M. M. Kahiapo e apono ikeia hoike, kokua ia a apono ia.
Na E. M. Kapoe i heluhelu mai i ka hoike a ke komite o na hoike elele ekalesia, ma ke ano nui o keia hoike e noi @ i ka aha, e a oia na elele no na hemahema @: @, ka hookupono ole i ka manawa nona ka hoike; 2, ka lawe mai i na olelo haanui a hoomahiehie, a @ @ pa ana keia komite i ka aha, he mea pono elike na hoike, a e hoomakaukauia kekahi pa'ihakahaka kupono no na hoike @ keia ano.
He @ nui o na hoike i komo aku ma ka lima @ keia komite a ma ka lakou nana akahele ana, ua ike lakou o ka hoike o ka Ekalesia o Paia, Maui, ka i hoike mai i ka hana maoli o ia ekalesia ma in a ano apau, a na noi mai ke komite i ka aha, e a'o aku i @ @ e hoi aku a e hana iloko o ko lakou mau ekalesia, elike me ia i hanaia maloko o ka Ekalesia o Paia.
Noi mai o E. J. K. Nawahine e lawe a noonoo i keia hoike, kakuaia e J. P. Inaina a na aponoia.
Mahope o na kukakuka ana, ua noi mai o J.P. Erdman i kokuaia e R. J. K Nawahine e aponoia ka hoike, a e @ ka aha i ke komite @ eiwa lala e hana mai i ano like no na hoike elele ekalesia; kekuaia.
Ma @ nei a R. J. K. Nawahine, i kokuaia ua @ ka aha a noho hou ma ka hora 2. p. m.
Noho hou ka aha ma ka hora 2 p. m. Kohe lananui. Ma ke noi a J. P. Inaina i kokuaia e R. J. K. Nawahine, ua @ hou ia na lunanui mua no o kela makahiki ma ka @ elike me na @ @ Rev. L. B. Kaumeheiwa. W. E. Saffery, kakauolelo; Rev. E. E. @, pauku; M. P. Waiwaiole, lunahooia.
@ ana i na lala o ke komite o eiwa. Ua hooko ka aha i na lala mua a koe o A. C. Bowdish e hoi ana i Kaleponi o Dekay, kahu o Kahului ma kona hakahaka.
Hoike hapa a ke komite o na palapala hoopii e pili ana i ke noi a ka Ekalesia o Kaupo e haawiia aku ia lakou he palapala noi dala no ka hoomaemae ana i ko lakou luakini, ua waiho mai ke komite i kana hoike penei: in a e hoihoi mai ana ka Ekalesia o Kaupo i ka huina o $14 dala i ka puuku o keia aha, alaila he mea pono i keia aha a ae aku i keia noi, a e loaa no ia palapala mai ia Rev. E. E. Pleasant aku. Aponoia.
Hoike puuku, heluhelu o Rev. E. E. Pleasant, puuku, i kana hoike a ma ke noi a R. J. K. Nawahine i kokuaia e J. P. Inaina, ua apono loa ia ka hoike.
Koho ka noho ia Rev. H. P. Judd i komite imihana no ke kau o Sept. e hiki mai ana.
Kauoha e lulu ka aha a e hoopiha i @ dala na ke kakauolelo, ua loaa na lala eha ame kanahiku keneka. Ua ko ka makemake o ka aha a koe he $1.70 no ka waihona ma ka lima o ka puuku.
Ma ke noi a L. A. Kanae i kokuaia e J. P. Inaina, ua hooholo ka aha e haawi aku i na hoomaikai kiekie i ka Ekalesia o Paia, no ka hookipa aloha a malama ana in a lala o ka aha, ma o ke kakauolelo la.
Hoopanee loa ka aha ma ka hora 4:30 p.m. me ka himeni ame ka pule.
W. E. SAFFERY,
Kakauolelo
NA LUNANUI HOU AME KA HANA HOOLAA
I kuu Solomon Hanohano, Aloha oe:-Ma ka auwina la Sabati, la 27 o Maraki, 1921, hora 3:30 p. m., i malamaia ai ka hana hoolaa i na lunanui hou o ka Ahahui Paia Hawaiian @ Aid Association, e ke Kahu M. M. Kahiapo, no lakou na inoa malalo iho nei:
Mrs. Rose Milikaa, @ peresidena; Mrs. Daisy Kukahiko, hope peresidena; Mrs. Daisy Kalaaupa, puuku; Mrs. Lily E. M. Kepoo, kakauolelo; Rev. M. N. Kahiapo, lunahooia a hope kakauolelo; Mrs. Esther J. N. L. Faufata, lunahoohana nui; Mrs. Alice Kaui Kahoe, hope luna hoohana nui; Mrs. Deborah Kaholokula, hoakuka.
Weheia na hana ma ka hime 82 o ka L. H. ame ka pule a ke Kahu M. M. Kahiapo, alaila na ka Haiolelo Ed.M. Kepoo ka hana heluhelu Baibala, e hoomaka ana ma Epeso 5: 1-2; 6-10, 14-17; o na olelo ma keia mau pauku, he mau olelo e a'o mai ana e hooikaka mau.
Ma Iosua 1:5-10, ma keia mau pauku he mau olelo e a'o mai ana e koa, @ he kupaa mau.
I ka pau ana o ka heluhelu Baibala alaila ua aʻo mai ka Haiolelo Ed. M. Kepoo i na luna nui ou elike me ke kulana o ka oihana i kau iho maluna o kela ame keia o lakou, me na manao kuiʻo. e hoolana ana hoi i ka manao me ka oiaio, o kana mau manao paipai aia ma Epeso 4: 1-4.
I ka pau ana o na olelo a o a ka Haiolelo Ed. M. Kepoo, ua himeniia ka himeni hoolaa 148 o ka L. H., me ke anoano, oiai ka leo o ka huaolelo hope loa, o ka pauku 2 o ka himeni, e hele aku ana e pau, ia wa i poha mai ai ka leo pule a ke Kahu Moses M. Kahiapo e nonoi ana i na Mana Lani e hoolaa mai i na lunanui hou, e hoolilo ana ia lakou i hookahi ma ka lokomaikai o Kona Uhane Hemolele, he leo pule hoi i piha me ka uhane, alaila hookuuia na hana me ka himeni 178, L. H., me ka pule a ke Kahu Moses M. Kahiapo.
I ka pau ana o na hana i hoikeia ae a maluna, he mau meaai mama ka i @aholaia mai no na mea apau, o ia no @ ka meaono pai, a pela aku, e na makuahine puuwai aloha o ua ahahui a nona kela inoa hanohano e kau ae a maluna. Ua ai a piha a lawa a pakele mai hu.
I ka hooki ana iho i keia mau ma@ao e kuu Solomon maikai, ke i ae nei au. owai hou ae kekahi ekalesia elike me keia.
Me oe e ka Lunahooponopono o ka Nupepa Kuokoa ko'u mahalo nui ame na keiki limahei o kou papapa'i ko'u welina pau ole.
Owau iho no me ka haahaa,
MRS. LILY E. M. KEPOO.
Kkauolelo o ka P. H. L. A. A.
STATEMENT OF OWNERSHIP MANAGEMENT, CIRCULATION
Nupepa Kuokoa, Weekly.
Editor, Solomon Hanohano.
Business Manager, C. S. Crane.
Publishers: The Advertiser Publishing Co., Ltd.
Owners: Stockholder holding 1 percent or more of total amount of stock:
L. A. Thurston. Honolulu.
C. S. Crane, Honolulu.
Mrs. A. W. Pearson. Honolulu.
Edward Dekum, Honolulu.
G. L. Samson, Honolulu.
Bondholders, Mortgages and other security holders: None.
Average number of copies of each issue of this publican sold or distributed, through the mails or otherwise, to paid subscribers during the six months preceding the date of this statement. 5035.
CHARLES S. CRANE.
Manager
Sworn and subscribes to before me this 7th day of April, A. D. 1921.
G.A SEYDE.
Notary Public for the First Circuit, Territory Hawaii.
My commission expires June 30, 1921.
KAUKA HOMER HAYES
Hoololiia ka helu kelepona o ka halenoho mai ka 8889 a i ka 4445.
6446-Apr. 8. 15, 22.
PIHA HAUOLI NA MA'I LEPERA
Mr. Sol. Hanohano, Aloha oe: -Ina he keena kaawale kekahi o ka hiwahiwa, e ae mai hoi no keia makapeni kauwahi keena, i ike mai ai na kini heluhelu o kaua mai kela pe'a a keia pe'a o na aekai o Hawaii nei.
Ma ke kakahiaka nui o ka Poaono, o ka la 26 o keia mahina, i hoopuiwaia ae ai na ma'i o Kalaupapa nei, i ke kani ku'ilua a ke oeoe o ua nene aukai nei, e ha'i mai ana eia ae na malihini maluna o kona mau oneki, a he wa iho la ia no ke pioloke o na ma'i mauka nei me na manao kuaki he bana ana paha kekahi aole paha, aka ua hoopau koke ia ae ia mau manao kohokoho mamuli o ke kani ana mai o ka bana mailuna mai o ka moku.
He wa hauoli loa iho la ia no na maʻi, e ake wale ana no o ka lele koke mai luka nei o ka aina.
He mau minuke pokole mahope iho ikeia aku la na waapa me kana mau malihini e hookomo mai ana i ke awa, a he kakahiaka malie loa keia, aole makani, aole no hoi he nalu, o kekahi keia o na huakaʻi kipa a na solona i ikeia ka maikai, o keia ka oi, aole no hoi he mau hoopiipii mai na ma'i aku, a ua hauoli like na aoao a elua, o ia hoi na malihini ame na kamaaina.
Mahope o ka akoakoa ana o na malihini ma kahi o ko makou makua Lunanui J. D. MeVeigh, ua hookaniia mai e ka Bana Hawaii kekahi mele e hiki ole ai i na maʻi ke ku malie a hoolohe, no ka mea, ua oi ae ka u'i ame ka nani o ka hookaniia ana mai, e ia mau opio limahei ma ia hana, e kani kikiko'u ko'u ana, e hoouweuwe ana, e kani alapine ana, e hokiokio ana, o ia no oe o ka leo o na manu leo leʻa o ke kuahiwi, na ia mau mea maikai i hoopiha loa mai i na ma'i me ka hauoli.
Ke haawi nei keia makapeni ame oʻu mau hoa ma'i i ka mahalo a nui loa i ka Poropeka Major Kealakai me na hoomaikai he nui mai ka poe apau e noho nei ma Kalaupapa me Kalawao, pela pu no me kau mau keiki ma ia haawina hookahi, oiai ua hoohauoli mai oukou ia makou me ka maikai, e ole ia lohe iho la i na leomele hou o keia au e nee nei.
Ke manzo nei kahi poe, o na mele no i ke au i okikilo; nolaila imua e na opio a kau i ka pua aneane, a na ka Makua lani e kokua mai ia oukou apau, a na Kona aloha e kiai mai ia kakou apau.
Mahope mai o ka pau ana o ke puhi ana a ka bana, ua hele aku kekahi mau komite no Kalawao ame na home, a i ko lakou hoi ana mai, ua makaukau ka papaaina me na ono no apau a ka Hawaii, aole no hoi e nele ka poina ole o na solona ia mau meaai ono, aia no paha ke moni la ka haae.
I ka puka ana mai o na mea apau mawaho o ka lanai ahaaina, ua lawemai la o Mrs. Goodhue i ka lei ilima a hoolei i ka ai o na solona ame na keiki puhiohe ame ka poe no apau, he memele mai hoi kau i ka ai o na ilipuakea nei o Maleka, uwoki oe e hoomahie ana luna na li'a loko: Sure kela, o Molokai no ka heke.
Maanei i hiki mai ai o Kiwini a olelo i na ma'i e hele i ka hall e hoolohe i ko makou mau pilikia, a ua hele na mea apau ame ka bana pu no, ame koonei mau wahi kalapu himeni, a ua himeni aku a himeni mai, ame ka bana no hoi e puhi mai ana a pau, a himeni mai no, nui ka maikai ame ka hauoli, aka minamina loa makou i ka loihi ole o ka noho ana mai o ka bana e puhi, aohe hoi e hihi o ia wale no kahi wa i aeia mai; e pono no e aeia mai ka bana e holo mai ianei e puhi ia makou i hookahi manawa o ka makahiki, a ae ia ka hoi ka bana e hele ma na wahi apau owaho, a pehea hoi na maʻi lepera, aole anei e lohe pu no makou kekahi, a pela no hoi lakou ia makou, e ike no hoi lakou i ka makou me maikai, he ahamele, no ka mea he nui no ka poe ike himeni o Kalaupapa nei, ame hana tabalo, aole no i pau ia oukou i ka loheia, nolaila e hooholo ka ahaolelo i dala no ka bana e hele mau mai i na makahiki apau.
Maloko o keia hall i haiolelo mai ai na solona e hoolana mau mai ana i ka manao o na ma'i lepera ame na pilikia o na ma'i, i ka nana aku ua lokahi like lakou apau e hana no na ma'i, ana hoolaunaia mai ka Poropeka Dean imua o na ma'i, mahalo nui i keia keonimana puuwai aloha, ma o kana hooikika ana e imi, i loaa ai he ola, iloko o na kapakai aloha o Hawaii nei, malia he la no e hiki mai ana e pau loa ana keia poe i ka hookuuia, oiai ua loaa ka laau nana e pepehi ka iloilo maʻi, a in a pela iʻo ana, alaila o kakou kekahi hapa o ka Lahui Iseraela, a ke hoihoi liilii ia nei no ko lakou mau wahi ponoi.
Nolaila e oʻu mau hoa, oiai kakou he poe hoomana Akua, e noho nei ma keia aina, mai poina i ka hele mau ana iloko o ko kakou mau luakini a hoomaikai aku iaia no keia pono nui i loaa ia kakou, oiai he ekolu luakini e ku nei o Kalawina, o Kakolika a o Moremona, a e hele like na hoahanau apau o keia mau hoomana, waiho na manao nonohua a mokuahana, hoike kakou i ko kakou haipule oiio, a hoolilo ia kakou apau i hookahi ohana, o ia hoi he poe haipule oiaio, mai hoohemahema kakou i keia pono nui ma ko kakou aoao na maʻi e hana i ka pono, waiho na ano mea kupono ole, e hauoli kakou no keia ola hou, he ola ano kupaianaha no, aka na ko kakou Makua lani no ia, ke lalau mai nei Kona mau lima a hoihoi aku i ka aina o na kupuna o kakou.
Uahaiolelo pu mai me ka makua maikai ka Peresidena o ka Papa Ola oia hoi no keia laau no kana kalele nui ana i kona manao no ke ola i'o keia laau ua haawi mau ae na ma'i i na pa'ipa'i lima ana i ka poe haiolelo apau mai ka mua a ka hope nui ka mahalo ame ka hauoli pju no ka maluhia o keia halawai.
Ke haawi pu nei keia makapeni i ka mahalo a nui loa i na puukani a haku mele Chas. E. King ame kona mau kokua himeni, he uʻi mai kau o ka leo, eia no ko Molokai poe puukani i ka olo paikini, aka ua loaa iho la paha ke kumu hoohalikelike aku ai, in a nu kaila e nee nei.
Ke hooki nei keia makakila me na hoomaikai i ka Lunahooponopono o ke Kuokoa ame na keiki o ka papapaʻi.
E oluolu pu mai e pahola aku i ka makou mau leo mahalo me ka puuwai oiaio o ke aloha i ka Meia ame na solona, ame ka papa ola i ka ae ana mai i ka makou noi no ka bana, a ua moni no hoi i ka ono o ia mau mea nani a makou e poina ole ai.
Me ka mahalo,
MAʻI LEPERA.
HE PANE ME KA OIAIO
Mr. Sol. Hanohano, Aloha kaua:-E ae mai i kauwahi rumi kaawale no'u o ka hiwahiwa a ka lahui, ka elele wahaolelo imua o ka lehulehu, no kahi poomanao e kau ae la maluna, i ike mai ai kuu hoaloha o ka po hu'ihu'i kehau anu i huna i kona inoa, o ikeia aku auanei e kahi kaaka piha eu, o ka lae o Makahuena, a hoomanao ae la i keia wahi mele:
Mai hoeueu mai oe,
I ka wai ua lana malie,
E kakali malie oe,
A la'i pono ka makani.
Ma ka la 25 o ka mahina i hala i ike iho ai au ma ka Nupepa Kuokoa, aoao 2, kolamu 4, poomanao, "Lawe Haaheo o Robins i ka Have," auwe no hoi ke aloha e!
He mea oiaio, ua lawe haaheo iʻo no o Robins i ka hae, aole au e hoole i kela, no ka makahiki mua ia, i hala aku la, ua pololei no kau kaena e kuu hoaloha; eia nae ka mea apiki i ua hoaloha nei o'u, aole oia i hoike ae i ke akea ia manawa, ua lawe haaheo o Robins i ka have, aia hoi a puka aku nei iaʻu, ka lawe haaheo o kaʻu keiki 18 makahiki ma ka oihana, kukahalake mai nei ua hoaloha nei oʻu.
Ea, ua lohi loa oe e balala, ua eo no i ke kiu hanu meahou o ka Lae o Makahuena a hoomanao hou ae la i keia whai mele:
Ihea no oe i ka wa pono,
I ka wa a ka ua e haluku ana,
Waiho oe a kupilikii,
Alaila ka oe pinahole mai.
No Mr. E. E. Robins, he hoaloha oia noʻu, mai kinohi mai, ahiki no iloko o keia manawa, iloko o ka oihana hookahi, ka mea nana e kiai nei ka halekukui o ke awa o Honolulu ame kela @oe kaulana ku i ka nuku, he boe pele, nana e hoowali noi ka moana.
He hauoli nui koʻu manao ke ike aku i na keiki Hawaii maoli, iloko o keia oihana kukui e lawe haaheo mau ana i ka have i na manawa apau, aole hoi i na haole wale no, nolaila e bala'a, mai olelo oe i ka huhewa o ke pana pua ana a kaʻu keiki, a he 18 makahiki ma ka oihana, akahi no a loaa kahi have, malia paha hoi ua ku pololei ka pua a kau keiki i ka huihui niu mawaho pono, i keia makahiki, ke hele @a a pau elua maua i ka ha'ukeke.
Aohe no kau he pana ana e Sam, pau elua ana kaua i ka ha ʻukeke, liilii pua makeneki, kani pono i ka puke linahao.
Me ka Lunahooponopono ko'u mahalo nui ame na keiki oniuhua kepau o kou papapaʻi koʻu aloha nui.
Kou no me ka haahaa,
PERER KAMANO SR.
Makahuena Light Station.
HE HOOMAIKAI NUI.
Mr. Sol. Hanohano, Lunahooponopono o ka Nupepa Kuokoa, Honolulu. Oahu; Aloha oe:- Eoluolu oe e hookomo iho ma kahi hakahaka o kau pepa o keia pule i kahi hoomaikai malalo iho penei:
O makou o na komite no lakou na inoa malalo iho nei, ma ka aoao o ka Ahahui Manawalea Imi Pono Kristiano o na Wahine o ka Ekalesia o Waialua, he haawi aku nei makou i ko makou mahalo nui loa i na kalapu himeni Hawkeye State Orchestra, Mr. and Mrs. Jack heleluhe, Kalapu Himeni a George Awai, Kalapu Himeni o Kualoa, Papa Kula Sabati o na Opio Wahine o Waialua ame ka poe e ae i komo pu mai ma ka himeni ana i ko makou ahamele ma ka po o ka la 19 o Marakai, 1921.
Pela pu no hoi me ko kakou Meia Hohn Wilson, @ana lede, Mekia Kealakai, na hoa apau, ke pahola pu ia aku nei na hoomaikai ana ia oukou no ka oukou mau hua oliva o ke aloha i luiho ai no ka pomaikai o ko makou ahahui manawalea.
Maluna ae o keia, ke hoomaikai ae nei makou i ke Akua me ka noi ana e hoopihaia mai ko oukou waihona me na hua maikai o ka uhane no kona inoa ame kona ekalesia.
O makou iho no ka komite,
MRS. ROSE AIAU,
MRS. EMMA COX,
MRS. REBECCA L. CLARKE.
HE NANE.
He ua anu hoeha ili ka makani,
Ua kipuupuu o Waimea,
He makani kupuni kapa o ua aina la,
E kuehu ana mamua;
Hoomaka'u i ka huaka'ihele,
No kekaha, no Puako ame Wainanalii,
He olauniu ka makani,
He pilia ko Kaniku,
He a'e ko Kalaau,
He pohu, he eka, he holopoopoo makani o Kona,
He Maa-a kualapu ko Kahaluu;
He pilihala ko Kaawaloa,
He kehau ko Kapalilua,
He puuohooilo ko Kau,
He hoolapa ko kamaia,
He kuehulepo ko Naalehu,
He uahiapele ko Kilauea,
He awa ko Leleiwi,
He puulena ko Waiakea,
He uluau ko Hilo-pali-ku,
He koholalele ko Hamakua,
He holopoopoo ko Waipio.
E Mr. Lunahooponopono o ka Nupepa Kuokoa, Aloha a nui:- E oluolu mai hoi oe no'u kekahi rumi kaawale, i ike mai ai hoi na olohe huli mea pohihihi o keia au naauao e nee nei.
He mau kama ka'u ekolu i ka ipo hookahi penei: Mahele 1. Owau okoa no keia mai luna a lalo, aole wahi hoohewahewa ia Kauanaulu. Papa au ma ka aina nei, a eia iloko nei o keia mahele ko'u inoa ponoi, aole no nae oukou e ike ana ia'u.
Owai la au i ka ipo hookahi?
Mahele 2. Owau no keia mai luna a lalo a muli ponoi o kuu kaikuaana, a i pono no kuu kaikuaana iaʻu. Papa au ma ka aina nei, aole no nae oukou e ike ana iaʻu. Owai la au i ka ipo hookahi.
Mahele 3. Owau keia kahi muli pokii, in a he aloha kou iaʻu, imi ae oe a loaa au i ka uka waokele, i na kualono e hoekepue ana i ka nani o Aipo. Alaila loaa ke ki uwila o Uwesanana.
Ua ike no oukou iaʻu, a i aʻu e loaa ai ko oukou makemake, a e ike ana oukou. Owai la au Ina e huiia keia mau kama i ka ipo hookahi, owai la ka ipo?
O ka mea e loaa ana ke laina ame na wehewehe ana, e lawe wale oia i ka Nupepa Kuokoa, o hookahi makahiki ame eono mahina.
Z. P. KAWIKAUMAIIKAMAKAO.
KAOPUA.
Napoopoo, Kona, Hawaii.
MA KE KAUOHA
KUAHAUA KOHO BALOTA WAE MOHO.
Owau o H. D. Wishard, Lunahoomalu o ka Papa Lunakiai o ke Kalana o Kanai, Teritore o Hawaii nei, mamuli o ka mana i loaa iaʻu ma ke kanawai, ma keia ke hoolaha a ke kuahaua aku nei au e malamaia ana he KOHO BALOTA no ka wae ana ae ame ke koho ana aku i na moho no na Oihana Aupuni Kalana maloko o ke Kalana o Kauai, Teritore o Hawaii nei, elike me keia:
HOOKAHI LUNAMAKAI NUI
HOOKAHI KAKAUOLELO
HOOKAHI LUNAHOOIA
HOOKAHI PUUKU
HOOKAHI LOIO KALANA
HOOKAHI LUNAKIAI NO WAIMEA
HOOKAHI LUNAKIAI NO KOLOA
HOOKAHI LUNAKIAI NO LIHUE
HOOKAHI LUNAKIAI NO KAWAIHAU
HOOKAHI LUNAKIAI NO HANALEI
ma ka Poaono. Mei 21, 1921. maloko o ke Kalana holookoa o Kauai nei ma na hora mawaena o ka hora 8 kakahi aka ame ka hora 5 ahiahi.
O na mahele koho ame na wahi e koho balota ai i amanaia a e amanaia ana paha ma na kanawai o ke Teritore o Hawaii nei no ke koho balota ana i na Lunamakaainana maloko o ka Apana Koho Balota Eono, oia no hoi ke Kalana o Kauai nei, oia no na mahele koho ame na wahi e koho balota ai no ka wae aua i na moho ame ke koho ana i ka Luna Oihana no ke kalana o Kauai nei.
Ke kahea nei au i ka poe mana koho balota apau o ke Kalana o Kauai nei i hoopaa ia lakou iho i poe koho balota elike me ke kanawai, e akoakoa ae no ka manao i haiia maluna ae ma na wahi a ma ka manawa i oleloia.
I HOIKE NO KA OIAIO O KEIA
ke kau nei au malalo ae nei o
(Sila) keia i koʻu lima me ka hoopili
pu ana mai i ke Sila o ke
Kalana o Kauai, Teritore o
Hawaii nei.
HANAIA ma ka Kahua Hale Poo Oihana Aupuni ma Lihue i keia la 4 o Aperila, M. H. 1921.
H. D. WISHARD,
Lunahoomalu, Papa Lunakiai, Kalana o Kauai.
Ikea:
J. MAHIAI KANEAKUA,
Kakauolelo, Kalana o Kauai.
Keena o ke Kakauolelo
Kalana o Kauai.
Owau, o J. Mahiai Kaneakua, Kakauolelo o ke Kalana o Kauai nei, ma keia ke hooia nei au ua loaa pono mai iaʻu i keia la no ke Kuahaua Koho Balota Wae Moho maluna ae mai ka Mea Hanohano H. D. Wishard, Lunahoomalu o ka Papa Lunakiai o ke Kalana o Kauai nei, a oiai ua kulike ia palapala me ke kanawai a ma na ano apau ua pili pono mai na olelo i ke Kalana o Kauai nei, ma keia ke hoolaha aku nei au i ua Kuahaua Koho Balota Wae Moho nei i haiia ae la.
I HOIKE NO KA OIAIO O KEIA
ke kau nei au malalo ae nei o
(Sila) keia i koʻu lima me ka hoopili
pu ana mai i ke Sila o ke
Kalana o Kauai nei me keia.
HANAIA ma ke Kahua Hale Poo Oihana Aupuni ma Lihue i keia la 4 o Aperila, M. H. 1921.
J. MAHIAI KANEAKUA,
Kakauolelo, Kalana o Kauai.
6446-Apr. 8, 15, 22, 29.
HOOMAKAUKAU NO MUA AKU NEI
E Hoao e Hoomakaulii Ano..E Malama i ke Dala e wehe i Buke Banako Hoahu me ke
CHINESE- AMERICAN BANK
A NANA AKU I KA ULU O KAU DALA
NA PAHU DALA $1.00 no ka Wehe Kihi o ke Alanui
no ka Hoolimalima Ana i ka Hoahu Moi me Nuuanu
LUAU
Na Pa, NOHO, PAKAUKAU ame na HALELOLE no ka Hoolimalima.
PEOPLEʻS HARDWARE STORE.
453 Alanui Moi Akau, Kokoke i Palama Settlement.
KELEPONA 2670
6348-8 wks.
MA KE KAUOHA
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka WAIPAHU MERCANTILE COMPANY, LIMITED.
OIAI, o ka WAIPAHU MERCANTILE COMPANY, LIMITED,, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o kela ano, ua waihoia mai iloko o keia keena ho palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 2 o Mei, 1921, a o kela ame keia mea e makemake ana e hooioheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii.
Honolulu, Feberuari 18, 1921.
6440-Feb. 25; Mar. 4, 11, 18, 26; Apr. 1, 8, 15, 22, 29.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka HAWAIIAN JEWELRY & NOVELTY COMPANY, LIMITED.
OIAI o ka HAWAIIAN JEWELRY & NOVELTY COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, na waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawa..
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keiakeena, mamua ae o ka hora 12 awakea o ka la 2 o Mei, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii.
Honolulu, Feberuari 18, 1921.
6440-Feb. 25; Mar. 4, 11, 18, 26; Apr. 1, 8, 15, 22, 29.
HOOLAHA A KA LUNAHOOPONOPONO O KA WAIWAI O WILLIAM PUKO MAUWALE.
E ike auanei na mea apau, ma ka la 31 o Maraki, 1921, ua hookohuia mai ka mea nona ka inoa malalo iho nei, e ka Mea Hanohano Jas. J. Banks, Lunahi, i Lunahooponopono no ka Waiwai o hi, i Lunahooponopono n ka Waiwai o William Puko Mauwale i make kauoha ole, o Honolulu, Mokupuni o Oahu. Nolaila, o ka poe apau a ka mea i make i aie ai, e waiho mai i ka lakou mau koi ame na hooiaio iloko o na mahina ekolu, mai ka puka mua ana ma ka Nupepa Kuokoa; a in a aole pela, alaila, aole e aeia, a o ka poe he mau aie ko lakou i ka mea i make, e uku mai i ka mea nona ka inoa malalo iho: o na koi ana apau, ame na hookaa ana. e hoouna iaʻu ma koʻu wahi noho ma ka Helu 1233 Baele Lane, Honolulu.
MRS. HANNAH THORNTON,
Lunahooponopono o ka Waiwai o William Puko Mauwale i make.
6446-Apr. 8, 15, 22, 29.
E HELE MAI E KUAI I KEKAHI O NA APANA AINA EMI LOA O PAU KOKE AUANEI.
E hoike aku ana au i koʻu kumu hoolaha ole iho nei iloko o ke "Knokoa," no ka pau koke no o kaʻu mau apana aina i ka lilo i kela ame keia poe like ole.
A no ka loaa hou ana iho nei o kekahi mau apana aina maikai loa iaʻu ma Kalihi, ma Alanui Kapahulu, kokoke i ke kaa uwila; Palolo, Kaimuki, Kapiolani Paka, Pauoa, Puunui ame Lanakila, nolaila au e hoolaha nei.
Hoholo loa ka lilo o keia mau apana aina a o hele koke mai e koho i apana aina ne oukou, mamua o ka pau ana.
PAULO KALAUKA
(P. E. R. STRAUCH)
Helu 74 Alanui Moi.
KakelameKuke
(KAUPALENAIA.)
Poe Kalepa ma ke Komisina
A HE
Poe Agena no na Mahiko Lehulehu
HOOLAHA
E malamaia ana e ke Komisina o na Hana Kivila o Honolulu he hoike hookuku laula a i hoohonoho papa ia ma ka Halekula Kiekie McKinley, kihi o na alanui Beritania ame Victoria, Honolulu, ma ka Poakolu, Mei makaainana Amerika e makemake ana i mau kulana oihana maloko o ke Keena Kinaiahi o Honolulu ame ke Keena o ka Oihana Makai o ke Aupunni Kulanakauhale a Kalana o Honolulu, o ia hoike i oleloia ae la e malamaia no ia malalo o na rula ame na hooponopono ana a ke Komisina i oleloia, no na kulana oihana malalo nei:
OIHANA KINAIAHI
Hoike laula no na mea apau.
OIHANA MAKAI
Makai Kaulio, Makai Kuhuina, Makai Motokaikala, Makai Kaa, Makaikiu. Kakauolelo, Kiai Halepaahao, Makai no na Kuaaina ame na Wahine Hooponopono.
Ua hiki no e loaa na pepa paʻihakahaka no na palapala noi ma ke keena oihana o ke Kakauolelo o ke Kulanakauhale a Kalana ma ka Hale Kapiolani, Honolulu, a e pono e waihoia ae ia palapala noi maloko o ke keena i oleloia ae la, aole e lohi aku mahope o ka hora 12 awakea o ka Poaono, Aperila 23, 1921.
O ka mea noi, he mea oia e noho ana maloko o ke Kulanakauhale a Kalana o Honolulu no ka manawa i emi ole iho malalo o hookahi makahiki mamua ae o ka la o ka hoike ana, a ua piha iaia na makahiki he iwakalua (20).
O ka mea e noi ana no ke kulana makai kuhuina, a i ole, makai nana kaa paha, e pono e loaa iaia ke kiekie o elima kapuai ame eiwa iniha, a he kaumaha kona i emi ole iho malalo o ka 150 paona, a no ke kanaka kinaiahi hoi he kaumaha kona i emi ole iho malalo o ka 145 paona.
O ka põe noi no ka kulana oihana apau mawaho ae o na kakauolelo ame na wahine hooponopono no ka Oihana Makai, ame na kakauolelo, na wiliki ame na mekanika no ka Oihana Kinaiahi, e pono e hele ae e hoike ma ke Keena Hooikaika kino o Peter Baron, Halepohaku o C. Q. Yee Hop Co., puka komo ma Alanui Maunakea, Helu944, ma ka Poaono, Aperila 30, 1921, e hoomaka ana mai ka hora 12 awakea aku, no ka hoao ana i ko lakou mau aahuki ame ko lakou mau ola kino.
Ma ke kauoha a ka
HONOLULU CIVIL SERVICE COMMISSION.
D. KALAUOKALANI,
Kakauolelo.
6446-Apr. 8, 15, 2.
B.B.C.
He laau i hoohuiia o na launahele, laau e hana pu ana me ka hana a ke Akua, he hoomaemae a hooikaika ae i na mea paahaoa holoohoa o ke kino, e kipaku ana i ka maʻi kino ame na maʻi @ wale mai, e haawi ana i ke kino i ka ikaika, ke ole ame ka mana i na aalolo.
E hoopiha ana ka B.B.C. i ke kino me ka ikaika hao o keola ame ka ikaika o na la opio. Ua @ na poe nawaliwali ma na manawa lehulehu mahope o ka inu ana he mau pule wale @. Ua aponoia e na kauka kaulana he nui ame na kanaka iloko o ke ola lahui ana. O ka B.B.C. ka laau ka @ loa ma ke ao.
KUAHA MA NA WAHI APAU.
Keena Kuai Laau B.BC., 161 Alanui Moi.
Honolulu, Hawaii.
NUPEPA KUOKOA
No ka makahiki (one year)……2.00
No eon mahina (six months)…. 1.00
O na Dala âme na Hoolaha Apan@ hoouna pololei mai i ka ADVERTISER PUBLISHING COMPANY, LTD, wale no, P.O. Box 208. Honolulu, T.H.
217 Alanui Moi, ma ke keena o ka Nupepa Advertiser.
Entered at the Post Office at @ @. T.H., as Second Class Matter.
CHARLES S. CRANE LUNA NUI.