Ka Nupepa Kuokoa, Volume LIX, Number 14, 8 April 1921 — NA KEKAHI HAOLE I HANAU MA HAWAII NEI I PEPEHI. [ARTICLE]

NA KEKAHI HAOLE I HANAU MA HAWAII NEI I PEPEHI.

E hoakaka ana kekahi nuhou kelekalapa mai Syracuse, Nu loka mai, o ka la 2 iho nei o keia mahina, no ka lilo ana o Holmea Beckwith, he poropeka no ke kula nui o Svracuse, i mea pepehikanaka, mamuli o kona pepehi ana ia J. Herman Wharton, ke poo kumu o kela kula a make, ma ke ki ana iaia me ka pu ma kela la no, alaila law» okoa ae la i kona ola iho. Ua hanauia o Berkwith ma Haiku, Maui, i ka 1884. O kona makuakane ame kona kupunakane, he kahunapule ka laua oihana. Ua manaoia, he hookahi kumu o ka hooko ana aku o kela haole i ke karaima pepehikanaka, mamuli mai no ia o kona hoopauia ana mai ka noho kumukula ana maloko o ke kula ana o noho n'o ana. Ma ka manawa o ka loaa ana aku o ke kino o Wharton, ua ikaia he elima poka i kiia mai ka pu panapana aku a Beekwith, no ka hoopakele ana ae ia Beckwith, mai kona hooko ana aku i kekahi hdna lawe i kona ola p»noi, pela iho la i hookoia mai ai ka manao lili iloko o Beckwith, no ka hookau ana aku i ka make maluna o ka mea nana i hoopau mai iaia mai kana oihana mai. Aole ka he lokahi o na hau.mana maloko o ke kula nui o Syracuse me Beckwith, me ka noke o na haumana i ka hoohenehene iaia, mamuli o kekahi mau ano a na. haumana i ike mai ai maluna ona, a o keia no hoi ke kumu nui o kona hoopauia ana, mai ka noho hou ana ae e a'o.maloko o kela kula, eia ka e lilo ana kela hoopauia ana mai i kumu e hooi loa ia aku ai ka pilikia ame ka poino, ma o ka lilo ana he elua mau ola, i moepuu no kona manao lapuwale.