Ka Nupepa Kuokoa, Volume LIX, Number 13, 1 ʻApelila 1921 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKA, HONOLULU, T. H.,  POALIMA, APERILA 1, 1921

 

MA KE KAUOHA

Na Kanawai Ahaolelo Kau o 1921.

Mai ka aoao @ mai.

KANAWAI 11.

[B. H. Helu 144.]

HE KANAWAI

F Hoololi Ana i ke Kanawai 22 o na Kanawai o ke Kau o 1920, e Hoomaopopo Ana i Mau Auhau Paku'i no ka Pomaikai o ka Halema'i ame Hlaehoolanama'i Maloko o ke Kalana o Maui.

E Hooholoia e ka Ahaolelo o ke Teritore o Hawaii:

            Pauku 1. O ka Pauku 1 o ke Kanawai 22 o na Kanawai o ke Kaukuikawa o 1920 ma keia ke hoololiia nei ma o ka paku'i ana @@u i keia malalo iho nei:

            "Aka nae i ka hoonohonoho ana i ka hoomahuahua ana ae i ka heluna uku auhau i hoakakaia maloko olaila, na ka luna auhau i kela ame keia makahiki e hoolawe mai mai ia heluna mai i oleloia i elua haneri tausani dala ($200,000.00) ka heluna i koe ii o i hoolilo ole ia a i ole i aelike ole ia i ka pau ana o ka makahiki oihana mamua iho o na dala i ohiia mamuli oia auhau i hoomai na@@uaia mamua aku o ka makahiki nona ia hoomahuahuaia ana i hoonohonohoia ai."

            Pauku 2. E mana keia Kanawai i kona aponoia ana.

            Aponoia i keia la 11 o Maraki, A. D. 1921.

C. J. McCARTHY,

Kiaaina o ke Teritore o Hawaii.

KANAWAI 12.

[B. S. Helu 12.]

HE KANAWAI

E Hoolohi Ana i na Pauku 1 ame 5 o ke Kanawai 207 o na Kanawai o ke Kau o 1919, e Hoomaopopo Ana no na Aie o ka Lehulehu

            Pauku 1. O ka Pauku 1 o ke Kanawai 207 o na Kanawai o ke Kau o 1919 ma keia ke hoololiia nei i heluhelu ai penei:

            "Pauku 1. O ka Puuku o ke Teritore ma keia ke hoomanaia aku nei me ke apono ana o ke Kiaaina, e hoopuka mai i kela ame keia manawa i mau bona o ke Teritore o Hawaii, me na cupona i hoopaa pu ia mai, ne kekahi heluna nui aole e oi aku mamua o ka heluna aie huinanui o na bona o umi-kumamahiku miliona elima haneri tausani dala ($17,500,000.00), o ka huina kumu ame ka ukukuwala e ukuia no me ke dala gula o Amerika Huipuia, a i ole o kona mea like i ka manawa ke ku nei o kona kaumaha a waiwaiio, i ka manawa, a maluna o na kauoha i hoakaka a ka Mokuna 88 o na Kanawai i Hooponopono Houia o Hawaii, 1915, no ka uku ana aku no na bona i hoomanaia e hoopukaia aku aole e hoohuiia ma ke ano he hapa o ke kaupalena o na bona i hoopukaia elike me na hoakaka maloko nei."

            Pauku 2. O ka Pauku 5 o ke Kanawai 207 o na Kanawai o ke Kau o 1919 ma keia ke hoololiia nei i heluhelu ai penei:

            "Pauku 5. O na loaa e ohiia mai ana no na bona e hoopukaia ana pela e hooliloia apau loa no na hana hou wale no elike me ia i weheweheia a i hoakakaia maloko o na kanawai o ka ahaolelo e hoomaopopo ana no na hana hou o ka lehulehu malalo olaila i hoopukaia ai na bona i hoomanaia a elike me na kauoha a ke kiaaina e hooholo ai."

            Pauku 3. E mana keia Kanawai i kona aponoia ana.

            Aponoia i keia la 14 o Maaki, A. D. 1921.

C. J. McCARTHY

Kiaaina o ke Teritore o Hawaii.

KA MAUA LEIALOHA, MISS LIZZE P. S. PALI, UA HALA.

            Mr. Lunahooponopono o ke Kuokoa, Aloha oe:—E oluolu mai kou ahonui i kekahi wahi kaawale o ka kaua milimili, no ka maua puolo waimaka o ke aloha e kau ae la maluna, i ike mai o'u ohana pokii, kaikuaana, makua, kupuna ame kanui ame ka lehulehu e noho ana mai ka pukana a ka la i Kumukahi, a ka welona a ka la i ka mole o Lehua, no ka maua mea aloha he kaikamahine; aloha wale!

            Ua hauauia ka maua kaikamahine ma ka home aloha o ko lakou mau kupuna Mr. ame Mrs. J. K. Pali ma Maunaiwa Home, Panioi, Honokohau, Maui, i ka la 16 o Iune, 1920, nolaila ua piha iaia na mahina 9 me na la 2 o kona hanu ana i na ea hu'ihu'i o kei ola honua ana; ko iho la ka ka Buke Nui: mai ka lepo mai no oe, a e hoi hou aku no oe i ka lepo.

            Ma ka la 1 o Feberuari haalele aku maua me ka maua ohana keiki i ko makou home ma Honokohau a hoi mai la malalo o ka hui mahiko o Kekaa nei o noho hana ai, i mea e pono ai keia noho honua ana, me ka maikai wale no ia hoi ana mai a makou, aohe mau pilikia mawaena o maua ame ka maua ohana keiki.

            Ua piha ia makou hookahi mahina a oi i Kekaa nei, loaa iho la au i ke oma'ima'i, oiai hoi ko makou mama aloha e noho ana me ko maua mau pokii, Mr. ame Mrs. Mathias, ma Oneloa, leka mai la ia'u e hele aku ilaila no ka malie o ke kai, ha'i aku no hoi au ma ka'u leka, aohe hiki ia'u ke hele aku, no ka mea, he oma'ima'i ko'u, a oiai no hoi ka maua bebe he maikai waie no, aohe ma'i.

            Ma ke ahiahi Poaono, la 12 o keia mahina no, hoea ana ko makou mama, me ko maua haupu mua ole e hiki mai ana oia, a hui iho la makou iloko o ka hauoli, ua oluolu iho la hoi ko'u oma'ima'i.

            Moe makou ia po a ao ae, maikai wale no, hele no hoi a aui ka la hoomaka mai ana ka hi ame ka lua'i, hele no hoi ka'u aliikane iwaho o kealanui e kali ai i kaa, kau ma ke kaa hiki i Lahaina i ke kauka, loaa ka laau, hoi mai ahiki i ka hale, hanai ka laau, o ka apiki o ia mau no mai ia po Lapule a ao ae Poakahi, hele no ka papa i ka hana, a hora ewalu hoi mai no ka aina kakahiaka, ninau mai la, pehea o bebe! Olelo aku la au, o ia mau no; hele no hoi a awakea, ano-e mai ana, hoi mai ka papa i ka auwina la, e pulii wale ana no i o a ianei.

            Ua holo hou ka papa i Lahaina e kii i ke kanaka, a hoea mai ke kauka, nana no hoi, o kana ike he fiva me ke ano e o ka puuwai, haawi mai no i ka laau, he laau hoopaa hi, ame ka laau hoopau fiva, ma ka hora ka hanai, ia koena la a po a ao ae, o ia mau no, aohe wahi mea a loli ae; huli hou iwaena o ko kakou lahui, loaa no kahi maha, aole nae me ka manaolana, a ao ia la a ao ae Poakolu, a ma ia ahihi pau ka ike, pau ka lohe, pau ka oni ana o ke kino, waiho malie, aohe uwe mai, aia no a hookonro ilio i ka waiu iloko o ka waha, ai ae la no, aole oia i hooluhi mai ia makou, e pili mau ana makou ma kona aoao i ke ao ame ka po. Ma ke awakea Poaha ae hoea mai ia mau makua mai Honokohau mai, Mr. mae Mrs. S. Pali, a hui iho la me na manao kaumaha a po ia la, a me ke kakahiaka Poalima ae hoea mai ana ia aunty me kana mau bebe, Mrs. R. Mathias, me na waimaka o ka ehaeha, a no ka mea, ua pau ka ike o ka lakou bebe, a ma ia auwina la no, la 18 o Maraki, i lalu mai ai na lima aloha ole o ka anela o ka make, a lawe aku la i ka hanu ola mai ke kino aku.

            Auwe no hoi ka mea ehaeha o ka naau, ke hoomanao ae i kona mau la e ola maikai ana ame kona mau la e wahiho ano i ka nawaliwali. Minamina wale no hoi!

            E Honokohau ke onehanau o ka mana kaikamahine, ia home a makou e hauiani ai ma na kuauna lo'i e waiho mai nei a kakou e holoholo ai iuka a i kai ahiki aku i ka home o ia mau kupuna Mr. ame Mrs. L. Kalama, ia home a ke aloha i noho ai, e hana ana i na mea pili o ko ka uhane mahele, ia home no hoi a makou e haulani ai, e hehihehiku ai iloko a iwaho; he mea nui no hoi o Pakulani ia oukou e na makua pela hoi me ka nui ohana o Honokohau.

            Ua pau ko kakou lohe hou ana i kona leo e uwe mai ana, ua pau ko kakou lei hele ana iaia; ua hauoli hoi ko maua manao, ua loaa ka maua kaikamahine, eia ka e haalele mai ana no oia ia maua ame ka ohana apau. Me nemene wale no hoi!

            O ka maua wahi kaikamahine hookahi wale iho la no ia iwaena o ka maua ohana keiki, eha keikikana, a oia hoi kahi kaikamahine, ua kau aku hoko maua manaolana ame ko maua hau oli maluna ona, eia ka e poho wale ana ia mau upu ana. Aloha wale!

            Me mea nui no oia i kona mau kaikunane, kona mau pokii, na pau ko ou kou milimili ana iaia, ua pau no hoi kona hooluhi ana ia oukou.

            Ua pau ko'u kahea ana i kou kaikunane nui e kii mai ia oe e hele eholo holo, ua pau kona hooluhi ana ia oe, ua moe aku la oia no ka wa @au loa. Ma naonao wale no hoi!

            Oiai maua me ko makou mama e noho ana iloko o ke kaumaha no ka makou mea aloha, e waiho ana iloko o ka nawaliwali, pane mai la oia ia maua e leka ae au i na pokii o olua i Oneloa, i

Kumukuai Kukaa o na Meakuai ma ka Makeke

HOOPUKAIA E KA MAKEKE KULANAKAUHALE NO KA PULE E PAU ANA I MA RAKI 26, 1921

Waiu baka mokupuni, lb 50¢

Huamoa, wae, doz 75¢

Moakane opiopio, lb 75¢

Huakaka, doz 55¢

Rabaki ola, lb 20¢

Moawahine, lb 65¢

Pelehu, lb 80¢

Kaka, Muscovy, lb 40¢

Kaka, Pekin, lb 40¢

Kaka, Hawaii, lb 35¢

NA HOLOHOLONA.

Kuaiia ka pipi ame ka hipa i pau i ka loleia

Pipi helu 1, lb 18¢-19¢

Pipi helu 2 lb 16¢-17¢

Pipi helu 3, lb ..

Puaa liilii ola, lb ..

Puaa nunui, 80 a 100 lb 30¢

Puaa nunui, 150 a oi aku lb 24¢

Pipi keiki, lb 20-22¢

Puaa, lb 26¢

Hipa 17¢

Puaa nunui, 50 a 80 lb 33¢

Puaa nunui, 100 a 150 lb 24¢-30¢

Kuaiia ka puaa nunui me ke ola.

NA ILI I KAPIIA.

Pipipo'a helu 1, lb 4¢

Pipipo'a helu 2, lb ..

Pipipo'a, hulu huelo, lb ..

Pipi keiki, lb ..

Kao, keokeo, pakahi ..

AI A KA HOLOHOLONA.

Kulina liilii melemele, tona ....

Kulina nunui melemele, tona 47.50

Kulina wawahiia, tona ....

Balani, tona ....

Bale, rola 41.00

Ai i wiliia ....

Oka, tona ....

Huika, tona ....

Mikilina, tona ....

Mauu, Huika ....

Mauu, Alfalfa ....

HUAAI.

Maia Pake, lb 03¢

Maia Hawaii, lb 4¢

Waina Isabella lb 12¢

Ipu Aiwaha, lb ..

Halakahiki, lb 3½¢

Papaia, lb. 2½¢

Lemi, 100 no 65¢

Lemona, 100 no $2.00

Piku, 100 no 1.00

Pea Hawaii, doz 75¢-01

Ohelo, no ke ie 23¢

Alani, Kona, 100 no 2.25

NA MEAULU

Papapa, loloa, maka, lb 10¢

Papapa, loloa, wax, lb ...

Papapa, Lima, maloo, lz 5¢

Papapa, Lima, iloko o ka aa, lb ...

Papapa, ulaula, Maui, lb 7¢

Papapa, kalakoa, lb 5¢

Papapa, liilii, keokeo, lb 6½¢

Papapa, kikokiko, lb 5¢

Riki, (beets), lb 04

Karoke (carrots), lb 3¢

Kapiki, lb 5¢

Kaukama, doz. 90¢ a $1.20

Kulina, momona maka, 100 no 3.00

Pi, maloo, 100 lb ...

Pineki, nunui, lb 8¢

Uala kahiki, lb 2¢

Uala maoli, keokeo, lb 1½¢

Uala, maoli, ulaula, lb 1¾¢

Uala, maoli, ulaula, lb 2¢

Pu (palaai), lb 4¢

Nioi, maka, Bell, lb 15¢

Nioi, maka, Chili, lb ...

Pi, maka, lb ...

Ohia, lb ...

Kalo, 100 lbs 2.25

Rosele, lb ...

 

Honokohau, ia hiki ana no o ka leka a ike lakou i ka manao, aole lakou i hoohakalia, ua hoea mai la lakou apau no keia pilikia i loaa ia makou, ua puulu pu makou me ke aloha no ka makou leialoha he kaikamahine, nana iho la no i ka makou bebe, aho manaolana, aka, nohe mea hiki ke hana ae, no ka mea o Kona kuleana no ia. Nana no i hana mai. Nana no i lawe aku.

            Auwe ka mea hoehaeha puuwai e! Aole e hiki i ko makou mau waimaka ke kaohi mai, ua hele mai la loko a kupouli i ke aloha, aohe mea hiki ke hoo maopopo ae. Ko maua minamina pau ole i ka leialoha a maua; aohe moe pono ia o ko maua po e noho ia nei; e noonoo mau ana maua iaia i ke ao ame ka po; ono ole mai la no hoi kahi meaai; mokumokuahua no hoi ka naau ke hoomanao ae.

            Ke haawi aku nei maua ke ko maua mau pokii i ka hoomaikai nui i ka ohana, na makamaka, na hoaloha i komo pu mai me makou iloko o ke kaumaha ame ka luuluu no ka makou mea aloha i haalele mai ia makou, pela ko lakou ala ike ana me makou ia po a ao.

            Ke haawi hou aku nei no makou apau i ka hoomaikai i ka haku o keia wahi no kona makana ana mai i ka papa iale no ka maua leialoha pela pu pu no hoi me ia mau kupuna, Mr. ame Mrs. John Morris, no ka laua mau puaa @lua i haawi mai i wahi mea paina na ka poe kumakena, nolaila, no oukou apau ko makou hoomaikai nui.

            Ma ka Poaono ae i hoea mai ai na kupuna mai Honokohau mai, Mr. ame Mrs. L. Kalama, Mrs. Waliinehookae, Mrs. Kanamu, me ko makou pokii S. Kalama, a hui iho la makou iloko o ke kaumaha @ hookahe ana kela me keia @ na kulu waimaka me ka ehaeha o ka naau.

            Ma ka auwina la o ia la no, hora 1 @ oi, i malamaia ai kona anaina haipule @ kona kuku, Mr. L. Kalama ma ko maua home nei no, a pau ka hoomaikai ana, laweia aku la oia a hoomoe ma kona halelua, a malaila i hoomaikai hope ai kona kuku i kona kino lepo, a waiho aku la iaia no ka manawa pau ole.

            Nolaila, ke hoomaikai hope nei ma kou i kona mau kuku, Mrs. L. Kalama, ame Mrs. John Morris, no ka laua mau makana pua i hoowehiwehi iho i ke @ino lepo o ka makou mea aloha, a na@ aku la oia mai ia makou aku no ka manawa pau ole.

            Na ke Akua e hoomama mai i ko makou mau naau kaumana, ka makou pule hoomaikai keia ma ka inoa o Iesu, Amene.

            O makou iho no me ka naau luuluu,

MR. & MRS. SOL. PALI,

MR. & MRS. SIM. PALI,

MR. & MRS. M. F. MATHIAS.

Kekaa Landing, Mar. 24, 1921.

HE KANAENAE ALOHA NO MRS. MARGARET HOLSTEIN AME MRS. PAAKEA UAIA

Mr. Lunahooponopono o ka Nupepa Kuokoa; Aloha nui kakou:—E oluolu mai kou ahonui ina he keena kaawale @kahi o ka kakou Hiwahiwa a ka La@ni, a nana hoi ia e uwila aku ma na kihi eha o ko kakou aina kulaiwi alo@a i ike mai na kini makamaka, na @aloha, na makuakane ame na keiki hoi o na makuahine i haalele mai i keia @a ana, a niau palanehe aku la ma kela aoao o ka Muliwai Eleele o ka make, ma ka la 1 o Ianuari, 1921, oia 'ioi o ka mama aloha o ka Mea Hanohano, Mrs. Margaret H. L. Holstein ame Mrs. Paakea Uaia.

            Ma ka hora 10 am o ke kakahiaka o ka Poaono, la 1 o Ianuari, 1921, i pauaho mai ai ko makou hoapaahana i aloha nui ia Mrs. Margaret Holstein, i keia ola ana, a niau palanehe aku la ma ke alahele like o na mea apau, a kaalele iho la i kana kane aloha, ka Mea Hanohano Henry Lincoln Holstein ame kana mau kaikamahine aloha hoi Miss Elizabeth Holstein ame Mrs. Maile Holstein Sakai e ku aku a e kumakena aku nona, a ia makou pu hoi kona mau hoapaahana iloko o Kristo Iesu, ma ko laua home noho ma Makapala, Kohala Akau.

            Me ke aloha ame ka minamina nui makou nona e ku aku nei a auamo pu i na haawe o ke kaumaha me ke kane ame na keiki i hooneleia i ka lakou mea aloha.

            He makuahine oiaio, he oluolu, he heahea; a he aloha kui'o kona i na makamaka, na hoaloha ame ka ohana, a he lima kokua nui no hoi no na hana o ko makou Ahahui C. E. Sr o Makapala nei.

            Ma ia La hookahi no i pauaho mai ai o Mrs. Paakea Uaia i keia ola ana, a hahai aku la no ma ia alahele hookahi a kona mua i hoikeia ae la.

            Nolaila, o makou o na komite i aponoia, ke komo pu aku nei a auamo i na haawina kaumaha a luuluu me oukou na ohana, i hookaumahaia, a na ko kakou Haku aloha na Iesu Kristo e hoomaha a hoomama mai, no ka mea, Nana no i haawi mai, a Nana no i lawe aku; e hoomaikaiia ke Akua ma na lani kiekie loa, he malu ma ka honua, he aloha no i kanaka

            E hooholo hou ia e hoouna i hookahi kope i ka Nupepa Kuokoa, hookahi kope i ka Hoku o Hawaii, hookahi kope i ka Nupepa Ka Hoaloha.

            No oukou ka hoomaikai he nui e ka Lunahooponopono ame na keiki oniu hua metala o kou keena.

            Makou iho no me ka haahaa.

            AHAUI C. E. SR. O MAKAPALA.

Mrs. Tamae Hussey, pres.; Mrs. Wm.

K. Kapaona, hope; Kainoa Ignaeio,

kakauolelo; Kainoa Bader, puuku;

Ben Paakeekee, hoakuka; Wm. Kekaula Kapaona, kakauleka.

 

HOOMAHA I KA HOME LA'I

            E na Kuineki o ka lehulehu, ke Kuokoa, nou ko'u hialaai nui;—Oluolu mai i ke kauwahi kaawale o ka kaua hiwahiwa, no kela mau wahi hua helo e hokau ae la.

            Oluolu wale i ka Makua mana loa ke komo pu aku me ko makou makuahine, Mrs. Kepano, i haalele mai i keia ola mauleule ana, a hoi aku la i ka home mau o na mea apau.

            Aole i mahina, he mau pule wale no kona hoi ana ma ka haukipila o Hilo, a pauaho koke mai la no oia i ke ahiahi o ka la 15 o Mar., hookoe iho la i kana mau leialoha he mau keiki ame kana kane i hooneleia i ke kokoolua he wahine.

            Ke noho nei ka ohana mahope nei me na waimaka o ke aloha, aloha wale ia makuahine puuwai hamama o ka wa loaa ame ka wa nele i nohoia, aka na ka Makua mana loa no e hoomama ae i ka manao o ka mea i hooneieia i ka makua ame na keiki hoi i hooneleia i ka mama.

            Ke hooki nei ko oukou kiu meahou me ke aloha.

W. K. KAPULE.

Kalopa Homestead, Hamakua, Hawaii.

 

HOOMAKAUKAU NO MUA AKU NEI

            E Hoao e Hoomakaulii Ano---E Malama i ke Dala e wehe i Buke Banako Hoahu me ke

CHINESE-AMERICAN BANK

A NANA AKU I KA ULU O KAU DALA

NA PAHU DALA no ka Hoolimalima

$1.00 no ka Wehe Ana i ka Hoahu

Kihi o ke Alanui Moi me Nuuanu

 

LUAU

Na PA, NOHO, PAKAUKAU ame na HALELOLE no ka Hoolimalima

PEOPLE'S HARDWARE STORE.

453 Alanui Moi Aku, Kokoke i Palama Settlement.

KELEPONA 2670.

6348—8 wka.

 

T O MURATA FURNITURE STORE

(Na noho hoolimalima me lakou pa maanei.)

Na Leko Hale Hou me Kahiko.

            Hoolimalima me Kuai Hoolilo.

715 Alanui Hema, Honolulu, T. H.,

Kelepona 1695.

MA KE KAUOHA

TERITORE O HAWAII.

Keena o ka Puuku, Honolulu, Oahu.

            Ma ka hana e hoopau ana i ka WAIPAHU MERCANTILE COMPANY, LIMITED.

            OIAI, o ka WAIPAHU MERCANTILE COMPANY, LIMITED,, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o kela ano, ua waihoia mai iloko o keia keena he palapala noi no ka hoopau ana i ka hui i oleoia, hui pu me kekahi palapala i hooiaioa i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 2 o Mei, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia

            DELBERT E. METZGER

            Puuku, Teritore o Hawaii.

Honolulu, Feberuari 18, 1921.

6440—Feb. 25; Mar. 4, 11,18, 26; Apr. 1, 8, 15, 22, 29.

TERITORE O HAWAII

Keena o ka Puuku, Honolulu, Oahu.

            Ma ka hana e hoopau ana i ka OIAI, o ka MANGAWA COMAPNY, LIMITED, he hui ia i kukuluia e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 11 o Aperila, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai ke kumu, ina he kumu kekahi i wahi e ae ole ia aku ai ka palapala noi i oleloia.

            DELBERT E. METZGER,

            Puuku, Teritore o Hawaii.

Honolulu, Feberuari 2, 1921.

6437—Feb. 4, 11, 18, 25; Mar. 4, 11, 18, 25; Apr. 1, 8.

TERITORE O HAWAII.

Keena o ka Puuku, Honolulu, Oahu.

            Ma ka hana e hoopau ana i ka HAWAIIAN JEWELRY & NOVELTY COMPANY, LIMITED.

            OIAI, o ka HAWAIIAN JEWELRY & NOVELTY COMPANY, LMTED, he hui ai i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kaaawa..

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia ma loko o keia keena, mamua ae o ka hora 12, awakea o ka la 2 o Mei, 1921, a o keia ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekani i wahi e ae ole ia aku ai ka palapala noi i oleloia.

            DELBERT E. METZGER,

            Puuku, Teritore o Hawaii.

Honolulu, Februari 18, 1921.

6440—Feb. 25; Mar. 4, 11, 18, 26; Apr. 1, 8, 15, 22, 29.

KakelameKuke

(KAUPALENAIA.)

Poe Kalepa ma ke Komisina

-A HE-

Poe Agena no na Mahiko Lehulehu

E HELE MAI E KUAI I KEKAHI O NA APANA AINA EMI LOA O PAU KOKE AUANEI.

            E hoike aku ana au i ko'u kumu hoa laha ole iho nei iloko o ke "Kuokoa," no ka pau koke no o ka'u mau apana aina i ka lilo i kela ame keia poe liko ole.

            A no ka loaa hou ana iho nei o kekahi mau apana aina maikai loa ia'u ma Kalihi, ma Alanui Kapahulu, kokoke i ke kaa uwila; Palolo, Kaimuki, Kapiolani I'aka, I'auoa, Puunui ame Lanakila, nolaila au e hoolaha nei.

            Hoholo loa ka lilo o keia mau apana aina, a e hele koke mai e koho i apana aina no oukou, mamua o ka pau ana.

PAULO KALAUKA

(P. E. R. STRAUOH)

Helu 74 Alanui Mei.

HO'OLAHA A KA LUNAHOOPONOPONO O KA WAIWAI O JOEL NAKALEKA

            E ike auanei na mea apau, ma ka la 11 o Feberuari, 1921, ua hookohuia mai ka mea nona ka inoa malalo iho nei, e ka Mea Hanohano L. L. Burr, Luuakanawai o ka Apana Hookolokolo Elua. Lunahooponopono no ka Waiwai o Joel Nakaleka, o Halawa, Mokuupni o Molokai. Nolaila, o ka poe apau a ka mea i make i aie ai, e waiho mai i ka lakou mau koi ame na hooiaio iloko o na mahina eono, mai ka puka mua ana ma ka Nupepa Kuokoa; a ina aole pela, alaila , aole e aeia, a o ka poe he mau aie ko lakou i ka mea i make, e uku mai i ka mea nona ka inoa malalo iho; o na koi ana apau, ame na hookaa ana, e hoouna ia'u ma ko'u wahi noho ma Kaunakakai, Molokai.

            JOSEPH N. UAHINUI,

Lunahooponopono o ka Waiwai o Joel

            Nakaleka i make.

JOHN W. KALUA, Loio.

Kaunakakai, Molokai, Feb. 14, 1921

6443—Mar. 8, 25; Apr. 1, 8.

HOOLAHA.

            O ka poe makemake aina, a he mau aina paha no ka hoolilo ana aku; kukulu aku paha i mau home, ua makaukau ka mea nona ka inoa malalo nei e hooko aku me ka hikiwawe loa. Hele mai e hui pu me a'u, he waipahe na kuka'i olelo ana.

            Kakau mai ma ka leka, a i ole, hele mai e hui kino me a'u.

            MANASE K. MAKEKAU.

6443-Mar. 18, 25; Apr. 1, 8.

Kela Laau Kaulana

B.B.C.

            He laau i hoohuiia o na launahele, laau e hana pu ana me ka hana a ke Akua, he hoomaemae a hooikaika ae i na mea paahana holookoa o ke kino, e kipaku ana i ka ma'i kino ame na ma'i ili wale mai, e haawi ana i ke kino i ka ikaika, ke ola ame ka mana i na aalolo.

            E hoopiha ana ka B. B. C. i ke kino me ka ikaika hao o ke ola ame ka ikaika o nala opio. Ua hoo'aia na poe na waliwali ma na manawa lehulehu mahope o ka inu ana he mau pule wale no. Ua aponoia e na kauka kaulana he nui ame na kanaka iloko o ke ola lahui ana. O ka B. B. C. ka laau kamahao loa ma ke ao.

            KUAHA MA NA WAHI APAU.

            Keena Kuai Laau B. B. C., 161 Alanui Moi, Honolulu, Hawaii

NUPEPA KUOKOA

No ka makahiki (one year). . . . . .$2.00

No eono mahina (six months). . . .$1.00

            O na Dala ame na Hoolaha Apau e hoouna pololei mai i ka ADVERTISER PUBLISHING COMPANY, LTD., wale no, P. O. Box 208, Honolulu, T. H.

217 Alanui Moi, ma ke keena o ka Nupepa Advertiser.

Entered at the Post Office at Honolulu, T. H., as Second Class Master

CHARLES S. CRANE          LUNA NUI