Ka Nupepa Kuokoa, Volume LIX, Number 13, 1 April 1921 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

MA KE KAUOHA

Na Kanawai Ahaolelo Kau

o 1921.

KANAWAI 1.

[B. H. Helu 1.]

HE KANAWAI

E Hookaawale Ana I Dala no ka Uku Ana i na Hoolilo o ke Kau Kumau o ka Hale o na Lunamakaainana o ka Ahaoleloo o ke Teritore o Hawaii no ka Makahiki 1921 Mai Loko Ae o ka Waihona o ka Lehulehu.

E Hooholoia e ka Ahaolelo o ke Teritore o Hawaii:

Pauku 1. E hookaawaleia no a ma keia ke hookaawaleia nei ka heluna o kanaha dala ($40,000.00) mai loko ae o ka waihona o ka lehulehu no ka uku ana i na hoolilo o ke kau ku mau o ka Hale o na Lunamakaainana o ka Ahaolelo o ke Teritore o Hawaii o ka makahiki 1921.

Pauku 2. E mana no keia kanawai mai a mahope aku o ka @ o kona aponoia ana

Aponoia i keia la 21 o Feberuari, A. D. 1921.

C. J. McCARTHY,

Kiaaina o ke Teritore o Hawaii.

KANAWAI 2.

[B. S. Helu 1.]

HE KANAWAI

E Hookaawale Ana I Dala no na Hoolilo o ke Kau Mau o ka Aha Senate o ka Ahaolelo o ke Teritore o Hawaii o ka Makahiki 1921.

E Hooholoia e  ka Ahaolelo o ke Teritore o Hawaii:

Pauku 1. E hookaawaleia no a ma keia ke hookaawaleia nei ka heluna o kanakolu tausani dala ($30,000.00) mai loko ae o ka waihona o ka lehulehu no ka uku ana i na hoolilo o ke kau mau o ka Aha Senate o ka Ahaolelo o ke Teritore o Hawaii o ka makahiki 1921.

Pauku 2. E mana no keia kanawai mai a mahope aki o ka la o kona aponoia ana.

Aponoia i keia la 21 o Feberuari, A. D. 1921.

C. J. McCARTHY,

Kiaaina o ke Teritore o Hawaii.

KANAWAI 3.

[B. H. HELU 17.]

HE KANAWAI

E Pili Ana I ka Uku o na Hoike e Ana I Kekahi Aha Kolonelo

E Hooholoia e ka Ahaolelo o ke Teritore o Hawaii:

Pauku 1.  O kela ame keia hoike e hele ana i kekahi aha kol@ nelo e ukuia no i hookahi dala ($1.00) no kela ame keia la i no-hoia, a o ka uku o hookahi dala ($1.00) e ukuia no e ke kalana a i ole e ke kulanakauhale ame kalana iloko o laila i malamaia ai ia kolonelo, ame ka uku hele o umi keneka o ka mile hookahi o ka hele ana mai ame ka hoi ana.

Puku 2.  O na kanawai apau ame na hapa kanawai i ku-e me na hoakaka a keia Kanawai ma keia ke hoopauia nei.

Pauku 3.  E mana no keia Kanawai a e hoohanaia mai a mahope aku o ka la o kona aponoia ana.

Aponoia i keia la 4 o Maraki, A.D. 1921.

C. J. McCARTHY

Kiaaina o ke Teritore o Hawaii.

KANAWAI 4.

[B. H. Helu 85.]

HE KANAWAI

E Hooholoia e ka Ahaolelo o ke Teritore o Hawaii:

E Hookaawale Ana I Hookaiii Tausani Kanaha-kuma@a-@wa ame 69/100 Dala ($1,049.60) no ka Ho@o@ Hou Ana Aku i ke Kalana o Hawaii no na Dala i Hoollioia e ia Kalana no ka Hana Ana i ke Alanui Maloko o ka Apana o Kau Kalana O Hawaii.

E Hooholoia e ka Ahaolelo o ke Teritore o Hawaii:

Pauku 1.  A ka heluna o hookahi tausani kanaha-kumamaiwa ame 60/100 dala ma keia ke hookaawaleia nei mai loko ae o na dala maloko o ka waihona puuku o ke Teritore i loaa mai ma-muli o ka hooliloia ana o na aina iloko o ke Kalana o Hawaii, Teritore o Hawaii, no ka hoihoi hou ana aku i ke Kalana o Hawaii i oleloia no na dala i hooliloia e lakou no ke kukulu ana ame ka halii pohaku ana i ke alanui a i ole mau alanui maloko aku o na apana aina kukulu hale ma Waiohinu maloko o ka Apana o Kau, Kalana o Hawaii.

Pauku 2. E hoopuka aku no ka Lunahooia o ke Teritore i palapala kikoo dala ma ka inoa o ke Kalana o Hawaii no ka heluna i hoikeia maloko o ka Pauku 1 o keia Kanawai maluna o ke koi e waihoia mai ana e ke Kalana i oleloia.

Pauku 3. E mana no keia Kanawai i ka la e aponoia ai.

Aponoia i keia la 5 o Maraki A. D. 1921.

C. J. McCARTHY

Kiaaina o ke Teritore o Hawaii.

KANAWAI 5.

[B. H. Helu 9.]

HE KANAWAI

No ke Kukulu Ana I Mau Alanui i a Maloko o na Apana Aina Hookuonoono o Papaaloa, Hilo Akau, Kalana o Hawaii ma o ka Hookaawale Ana Mai Loko Ae o na Loaa o na Aina Aupuni i Hooliloia Maloko o ka Mokupuni ame Kalana o Hawaii.

E Hooholoia e ka Ahaolelo o ke Teritore o Hawaii:

Pauku 1. O ka heluna pakui o umi-kumamalima tausani dala ($15,000.00) ma keia ke hookaawaleia nei a e ukuia aku mai loko ae o na dala iloko o ka waihona puuku o ke Teritore o Hawaii i loaa mai mamuli o ka hooliloia ana o na aina aupuni maluna o ka Mokupuni ame Kalana o Hawaii, no ka uku ana aku no ke kukulu ana i alanui a hiki a maloko aku o na apana home hookuonoono Papaaloa, Hilo Akau, Kalana o Hawaii.

Pauku 2. O keia heluna o umi-kamamalima tausani dala ($15,000.00) i hookaawaleia ma keia e hooliloia aku no maluna o na palapala kikoo dala i hoopukaia e ka lunahooia i kuku@ia maluna o na bila kikoo dala i hoopukaia e ka lunahooia i kukuluia maluna o na bila kikoo i hoopukaia e ke komisina o na aina aupuni iaia ka hoomalu ana i ke kukulu ana o ke alanui a mau alanui i oleloia ; aka no nae ua hiki i ke komisina o na aina aupuni e hana aelike no ke kukuluia ana o ke alanui a i ole mau alanui i oleloia aka nae aole ma kekahi ano e ae e hiki e hana aelike a oi aku ka heluna maluna o umi-kumamalima tausani dala ($15,000.00).ana

Pauku 3.  O ka heluna i hookaawaleia ma keia malalo o keia Kanawai e loaa koke no a a ke kukulu ana i ke alanui a mau alanui i oleloia e hoomaka koke ia elike ka hikiwawe me ka hanaia ana o ka aelike i hoakakaia maloko nei.

Pauku 4.  E mana keia Kanawai i kona aponoia ana.

Aponoia i keia la 7 o Maraki, A. D. 1921.

C. J. McCARTHY

Kiaaina o ke Teritore o Hawaii.

KANAWAI 6.

[B. H. Helu 15.]

HE KANAWAI

E Hoololi Ana i ka Pauku 123 o na Kanawai i Hooponoponoia o Hawaii, 1915, e like me ia i Hoololiia Ai e ke Kanawai 17 o na Kanawai o ke Kau o 1919, e Pili Ana i na Hoolilo Koho Baloka Ana.

E Hooholoia e ka Ahaolelo o ke Teritore o Hawaii:

Pauku 1.  O ka Pauku 123 o na Kanawai i Hooponopono Houia o Hawaii, 1915, i hoololiia, ma keia ke hoololi hou ia nei i heluhelu ai penei:

"Pauku 123.  Na hoolilo.  Na ka puuku e uku aku mai loko ae o na haawina i hookaawaleia e ka ahaolelo no na hoolilo koho baloka i na lala o ka papa hooopaa inoa ehiku dala o ka la aole i emi iho malalo o eono hora, no kela ame keia @a i hanaia, a e hui pu ia me ia na hoolilo kaahele ; a i na luna nana, maloko o na mahele aole i oi aku maluna o elua haneri poe koho i hoopaaia, ka heluna o umi dala pakahi,, maloko o na mahele i oi aku maluna o elua haneri a aole i oi aku maluna o eha haneri poe koho hoopaaia, ka heluna o umi-kumamalima dala pakahi, a maloko o na mahele i oi aku maluna o eha haneri poe koho i hoopaaia ka heluna o iwakalua dala pakahi, no kela ame keia koho ana i malamaia ; a e uku pu ia no hoi na hoolilo o ka hoomakaukau ana ame ka malama ana i na koho baloka ana, a oia mau hoolilo e hoomaopopoia a e kaupalenaia e ka puuku a aole e hui pu ia na hoolilo o na mea ai."

Pauku 2.  E mana no keia Kanawai mai a mahope aku o ka la o kona aponoia ana.

Aponoia i keia la 9 o Maraki, A. D. 1921.

C. J. McCARTHY

Kiaaina o ke Teritore o Hawaii.

KANAWAI 7.

[B. H. Helu 69.]

HE KANAWAI

E Hoomana Ana a e Kuhikuhi Ana i ka Papa Lunakiai o ke Kulanakauhale ame Kalana o Honolulu e Hookaawale i Haawina no ka Pomaikai o Joseph Richards.

E Hooholoia e ka Ahaolelo o ke Teritore o Hawaii:

Pauku 1.  O ka papa o na lunakiai o ke Kulanakauhale ame Kalana o Hoo@lulu ma keia ke hoomanaia aku nei a ke kuhikuhiia aku nei e hookaawale i haawina o ka heluna o ekolu haneri dala ($300.00) mai loko ae o ka waihona laula o ke Kulanakauhale ame Kalana o Honolulu i oleloia no ka uku ana aku ma ke ano he uku ia Joseph Richards no kona luhi i hana ai ma ke ano he mea na@a i na bili uwi waiu no ka manawa o umi malama e hoomaka ana mai ka la mua mai o Augate, 1919.  I ka hookaawaleia ana oia haawina, o ka lunahooia o ke Kulanakauhale ame Kalana o Honolulu ma keia ke hoomanaia aku nei a ke kuhikuhi ia aku nei e hoopuka i palapala kikoo dala i ka puuku o ke Kulanakauhale ame Kalana o Honolulu no ka heluna o ekolu haneri dala ($300.00) ma ka inoa o Joseph Richards.

Pauku 2. E mana keia Kanawai i kona la e aponoia ai.

C. J. McCARTHY

Kiaaina o ke Teritore o Hawaii.

KANAWAI 8.

[B. H. Helu 131.]

HE KANAWAI

E Pili Ana i ka Hoiiioi Ana i na Auhau Hooku'i Paipu Ana e Ohua Ana Maloko o na Kalana Apau o ke Teritore o Hawaii.

E Hoohololoia e ka Ahaolelo o ke Teritore o Hawaii:

Pauku 1.  O na dala apau e ohiia ana no na ae ana no ka hooku'i paipu ana maloko o na Kalana apau o ke Teritore o Hawaii e ukuia aku no i na puuku o na kalana i oleloia, a e lilo ia mau mea i loaa no ke kalana.

Pauku 2.  E mana no keia Kanawai mai a mahope aku o ka la m@a o Iulai, A.D. 1921.

Aponoia i keia la 9 o Maraki, A. D. 1921.

C. J. McCARTHY

Kiaaina o ke Teritore o Hawaii.

KANAWAI 9.

[B. H. Helu 72.]

HE KANAWAI

E Hoololi Ana i ka Pauku 2431 o na Kanawai i Hooponopono Houia o Hawaii, 1915, e Pili Ana no ka Kikoo Uku o na Kiure.

E Hooholoia e ka Ahaolelo o ke Teritore o Hawaii:

Pauku 1.  O ka Pauku 2431 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:

"Pauku 2431.  Kikoo uku o.  I ka pau ana o kela ame keia malama iloko o ke kau aha hookolokolo kaapuni a i kela ame keia manawa e hookuuia ai no ka manawa no kiure e like me ia i hoakakaia maloko o ka Pauku 2410, e hana no ke kakauolelo i kikoo uku no kela ame keia kiure i kuleana e loaa ia mea, e hooia ana i ka nui o na la i nohoia e ia kiure maloko o ka aha ame ka heluna dala o kona kuleana no kela ame keia la ame ka uku mile.  E hooia mai kela ame keia kiure ma ka hoohiki ana imua o ke kakauolelo i ka nui o na mile i heleia e ia i kuleana e ukuia oia ; aka nae aole kekahi kiure e ukuia no ka uku mile no ka hele ana ame ka hoi ana mai ka aha mai a oi aku mamua o hookahi manawa iloko oia kau hookahi on a i kauohaia ai ; aka nae, i ka manawa aole e oi aku mamua o hookahi malama a ua kauoha hou ia aku e hoi mai e hana, e haawiia aku no iaia kona uku mile elike me ka hooko mua ana ; a aole kekahi mea i kauohaia ma ke ano he kiure e hana ole ana a i ole i hookuuia ma o kana noi ana mai e ukuia no kekahi la a i ole uku mile paha."

Pauku 2.  E mana no keia Kanawai mai a mahope aku o ka la o kona aponoia ana.

Aponoia i keia la 10 o Maraki A. D. 1921.

C. J. McCARTHY

Kiaaina o ke Teritore o Hawaii.

KANAWAI 10.

[B. H. Helu 9.]

HE KANAWAI

E Hoomana Ana i ka Lunahoola o Ke Kalana o Hawaii e Hoopuka Aku i Kikoo Dala i na Luna Aupuni i Hoomaopopoia ko Lakou Mau Uku ame na Poe Lawelawe i ka Pau Ana o Kela ame Keia Malama.

E Hooholoiae ka Ahaolelo o ke Teritore o Hawaii:

Pauku 1.  Na ka Lunahooia o ke Kalana o Hawaii e hoopuka aku i ka pau ana o kela ame keia malama i na kikoo uku i na luna aupuni apau ame na poe lawelawe, no lakou na uku i hoakakaia e ka ahaolelo a i ole e ka papa o na lunakiai o ke kalana i oleloia.

Pauku 2.  E mana no keia Kanawai i ka la o kona aponoia ana.

Aponoia i keia la 11 o Malaki, A. D. 1921.

C. J. McCARTHY

Kiaaina o ke Teritore o Hawaii.

(E nana ma ka aoao Ewalu.)

AHAMELE O KALIHI HOSPITAL NO NA HOA HANOHANO O KO KAKOU AHAOLELO.

Mar. 7, hora 7:30 p. p. m. hoomaka, 1, Overture, Mauna Happy Club; 2, address, Miss Florence Louis; @a haioleloia mai ma ka olelo Hawaii e na hoa.

Ia oukou e na hoa hanohano, ka po@ na lakou e hooponopono ma na kana wai o k@ kakou Teritore nei, ame na luna aupuni, ame na hoaloha, i akoakoa pu mai i keia ahiahi, ke haawi aku nei makou i ko makou hoomaikai ia oukou apau loa.

Ma keia akoakoa ana mai la @ @ kou, e ike ai oukou i na mea e hoike ikeia aku ana, he h@iai@ ana aku ia imua @ @ukou e na hoa hanohano @ k@ kakou aha kaukanawai i ka waiwai nui @ ka laau e hoohanaia nei ma keia k@ hua ma'i ame ka malama maikai ia ana i na mea e pono ai keia noho ana.

Me ke kanalua ole e hooia aku nei ua loaa i kekahi poe @ makou ka lana kila i keia wa, ahiki hoi ke hana i @ i keia ahiahi; a i ka pau ana @ na leakahi mau mea e hoohauoli ai ia kakou lea, na ko oukou hanohano ia @ kanana iho, o ka mea maikai ole, oluolu @ kapae ae, @ ka mea maikai ka oukou e lawe me ke aloha.

Himeni, Mauna Hape Song, girls; hoikeike, poe Paele, boys; hymen, Makalapua Song, kamalii kula; paika@, 20 kikamahine; paikau, 20 keikikane; na mokupuni ewalu o Hawaii, 8 kaikamahine; na hanalima like ole, kamalii kula; Laieikawai me Aiw@hikupua ame na ka@uahine; ka Maoli, poe kaikamahine hulahula, poe kamalii; hoikeike have me ka inoa @ na hale iloko @ ka have me ka himeni p@ ia @ Na Home o Mauna Hape Song.

Hoikeike have me ka have hoku me ka himeni Alii o Lani Song; Hawaii Ponoi ame Star Spangeld Banner.

Mahope o keia, ua hoomaka hou na @ana, ka mua, ka haawi ana i na palapala hookuu @ 64 ka h@ina, na Senatoa Desha ame ka lunamakaainana no Maai; pau ia na manae paipai, he nui ka poe i haiolelo, a o ke Senatoa Desha kekahi oia poe.

Mar. 10, 2 p. m., malamaia he anaina haipule n@ ka poe e h@m@ ana ia wa, na Rev. Desh ame Akana Akaiko, na mea na laua i malama, i ka pau ana. na alakai aku ka makuahine o ka halema'i n@waho o ka puka-pa, a hui aku me na ohana e kali mai ana mawaho.. O ka nui o ka poe i keia wa i hemo ai he 54. a o kekahi poe na kaulua iki ihe ahiki i ka la h@l@ o ka m@ku ahiki n@ h@i i ka wa e hiki mai ai na makamaka.

N@laila mai Hawaii a Niihau, an@ ka wa, huli ia mai ke ola, o ka mea i loaa ka pilikia, eia ke ola, he nui na lahui e e komo mai nei a pehea kakou Hawaii.  Aole ka n@h@ a main@in@ h@i mai, loihi ka imi ana o ke ola.

Ua lawa kaua e ka Lunahooponopono o ke Kuokoa ame kou m@ lima paahana.  Me ka mahalo.

MEAKAKA@

Kalihi Hospital.

MAUNA HAPE SONG.

E na hoaloha

O ka lehulehu,

Ka puuhonua

Hoi o ka lahui,

E ala ma na hana kaulike,

No nei mau @iwi hanau o ka aina.

Chorus

Hiehie oe Mauna H@p@,

E hookipa nei

Na malihini hanohano

O nei aina aloha;

Ike pono na malihini

I ka hana kamahao o nei home.

Hak@ia @ Mrs. Bessie Clinton.

ALII O LANI SONG

Maikai Mauna Hape i ka nani.

Kilakila kakela i ka la'i

Na home kinking lehulehu.

Oluolu ka manao ke ike.

Chorus.

Ke hiki mai i ka la h@ kai.

Konikoni welenia i ka ili,

Huli aku ka manao Alii o Lani,

E loaa ke ola me ka lanakila.

Na home kaulana o ka Pakipika,

Ka home hole o ka lehulehu,

Hainaia mai ana ka puana,

Nani wale Mauna Hape i ka ha@

Nani wale Mauna Hape i ka ha@

Hakuia e Kalihi Hospital Girls.

NA HOME O MAUNA HAPE SONG.

Haaheo oe e Kahikilani,

Ka pookela o Mauna Hape nei,

Hiehie oe makalapuu,

Na lei milimili a  ka makua;

E o e Mother Building i kou inoa,

ka home kaulana o nei aina,

E o mai oe Hawaii Building,

Na keiki hiwahiwa o nei home,

Hanohano oe Oriental Building,

Ka home o na keiki e na kai eono,

Hiehie kou nani Ingleside Building,

Me na leo nahenahe o Mauna Hape;

Kilakila oe ka Majestic Building,

Me na leo honehone o Mauna Hape,

Kaulana e ka hale o na Imi@la,

Ka home ini ola o ka lehulehu.

Hanohano o@ Kahalauaola,

Nau i hoopuka ka naui @ nei home,

Kilakila oe Aliiolani,

Ke kikowaena o Mauna Hope,

Hainaia mai ana ka puana,

Na home kaulana o Mauna Hope.

Hakuia e Kalihi Hospital Girls.