Ka Nupepa Kuokoa, Volume LIX, Number 13, 1 ʻApelila 1921 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

 

KA HUAKAʻI A NA KOMITE OLA O NA HALE KAUKANAWAI NO KALAUPAPA ME KALAWAO

            K@@@ula @@.K. Mokumaia)

            @@ @@ Poalima, Maraki 25, hora @@@@@@ i haalele iho ai au i ko'u @@ ka hiki ana aku ma ka uwapo @@@@@@@@, ua piha maoli i na le@e @@ @@@@@@@, oiai e kali ana no ka @@@@@ ha'iia oia ka hora 11 p.m., @@ @@ nui ka manawa e noonoo ai @@@@@ pono ai, oiai o ka'u hana @@@ ia ko'u hui ana aku me Senatoa @@@@@ ko'u kikiki, no ka mea, ua @@@@@ a e nana ana i ka holo@@ na @@@ apau, a i ko'u hui ana @@ ia, mea mai la kela ia'u, o ko'u @@@@ ia Senatoa Kauka, a o ko'u @@@ la no ia me ua mea hanohano' @@@@ na lululima aumoe ana, a ha@@@ la oia i ko'u kikiki.

            @@@@ ua loaa iho la ke kahua e ku @@ ka malo'elo'e, aole hoopepe, o @@@ aku la no ia noluna o ua wahi @@@@ nei, oiai o ka manawa mai @@@wale no ia, a oia e nana mai ana @@@ piha o ka uwapo i na le@e ame na @@@@@, hone ana ka leo o keia mau @@@@ ua hele wale a ua haukeke @@@@ @@@kololio mai a ka Waikoloa, @@@ aka oe i ua mau iwa nei he pii @@ @@ la iluna, ia hoi ana iho ilalo na@@@@ i na keonimana he lou aku a @@@@, o ia hoi keia wahi hooheno @@@.

            @@ @@ ia oe ke aloha, @@ na paia aala o Puna la, @@@ la oe i nalowale iho nei, @@@ mai no kaua e pili. @@ nui ka pa'ipa 'iia aku e na keoni@@ @@, nolaila o ka hana pono ma ko @@@@ aoao aku, o ia no ka panai ana @@@ nolaila o ke Senatoa Ahia ame kou @@@@@@@@ nei, ua puana aku la no hoi, @@@ no me ia himeni i himeniia mai @@ laila ua komo mai na hoa hano@@@ apau, oiai aia ko maua mau leo @@@ la iluna, ike aouli, nana aku oe @@@ na papaku o ke awa o Kou. @@ nui ka kaakaia, oiai ke kokoke nei i ka manawa, o ia ka manawa i @@@@ ai ke Kapena Pai, ka mea nana @@@@ i ke ola o na mea apau ma@@ ka moku, oiai o na rumi ua piha, @@@ ma ka oneki, aka, ma ka loko@@@@ o ua kapena nei, o na mea apau @@@ keia rumi e hana aku oe in a he mea @@@@@@@, o ka hora 10:30 p.m. ia, @@@ mea apau ke lawe la i ko lakou @@@ kalana iho, oiai na mele hoo@i @@@@@ a i ke kani ana o ke oeoe' ho@e @@@@ na laina, i mele aku ai ka poe @@ moku ia Aloha Oe, i hui pu mai @i @@@@ mau iiwi @akapolena nei.

            @@@ @@ e ku ana ma ka palekai a @@@@ mai i ka nani o ke kulanakauhale @@@ i ka nani o na kukui, a i oi loa @@@@ ke ke'a i kukuluia iluna pono o @@@@@@@, oiai e hooleleia ana e na pa@@@@@@ mai Daimana Hila mai ame lalo @@@@ Pauloa, ahuwale ua ke'a nei ke @@@@ aku, iloko o keia pouli nui, aka i @@@@@@, waiho wale na pae opua, a i @@ @@@@ pono ana o ka ihu i ka nuku o Ma@@@@ o ka haawi iho la no ia o ua Kapena Enoka nei i ka bele, o ia hoi e @@@@ pau ia na ki, o ia no ka manawa @ @@ wahi nene aukai nei i oni aku ai @@@ua.

            Ka@lo ae la kahi @oe apiki, aia ka @@@ @@le me kona kukui ulaula e imoimo mai ana ha'i mai ana mai hoo@@@@@@ aku, he pilikia ia wahi, aia ka @@@@ ua wahi nene nei ke auku nei i @@@ makani, oiai ke kapena e haawi pau @@@ i kona manawa maluna o kana oi@@@ oiai oia e kau mau ana i ka ohe @@@@ oiai makou ame na hoa hanohano @@@@@ ana i ka nani o ka a mai a ke @@@ e owaka ana i na paia lani kani ana ke pakini a ke kuene e hoopiha ia Hanale.

            Nulaila, na iho aku la makou apau @@@@ o ka haleaina, a e waiho mai ana @@ mea apau iluna o ke pa, he ono wale @@ o ia ka Prof. Mekia Kealakai i @@@@ mai ai. he ono no ka ai sela ana, @@@ e ku ana no iluna, he pahee hoi ia ke moni aku, ua piha hauoli maoli keia paina ana a e kau hoola'i mai ana o @aimana Hilo me kona ipukukui e owaka ana i ke aouli:

            Auhe wale o Daimana Hila,

            Ka hokua o ka ale ka i Mamala,

            Hoike ae oe i kou nani,

            I ka malamalama oi kelakela.

            Kaalo ana o Kaalawai, e oni ae ana

@ Hanauma, e imoimo mai ana ke kukui o Makapuu, aia mau no ua wahi nene nei ke oni la nomua, a ke ike la au la la mau hoa ua loaa i kahi ai he poniu@@@ ailana kahi manao.

            Aia ke kani mai la ka ukulele mai kela keiki limahei e noho nei me ke ano kakiana no ka hale o na lunamakaainana, a ua piha maoli na mea apau @ne ka hauoli, a ike aku la au i ka mea hanohano mai Hawaii mai, aia ma kona aoao kekahi manu hulupuakea, nana aku oe hoilipo ka laua akaaka ana, aia no hoi ua mea hanohano nei e hoike ana i na mea maamau i keia lahui, oiai o keia lede mai Pelekane mai ma ke ano e holo kaapuni ana i ka honua ame ka hoopaa ana i na moolelo o kela ame keia lahui apuni ka honua; nolaila ua nui na mea i loaa iaia, oiai na mea apau e lilo ana i ka hauoli, aia no hoi na keiki puhiohe e kokua pu ana i na mea e hauoli ai keia huakai, oiai eia ua wahi nene nei iwaena o ke kowa i ka oni ino ame ke ano lola no hoi, a aupu ae la au i keia kanaenae ana"

            Kaua i ka huaihuai,

            E uhene la i ka pili koolua,

            Pukukui lua i ke koekoe,

            Hanalipo o ka palai.

            Oiai na mea apau e hauoli ana, aia no hoi kekahi poe ke lapuu mai la iluna o ka oneki, aia no hoi kekahi ke moe lolo nei ma na noho aoao, oiai ua piha na rumi, a o kou meakakau nei, eia au ke lawe nei ko'u wawae, nana aku oe kaohiia ka luli ino ana o ua wahi nene nei, a i ke kau aheahe, he hu maoli ka aka o na mea apau, o kuu hoa o C. Keala ka oi loa aku o ka aka, no ke ano elemakule mai no paha ea, o ia ko iala mea i noke loa ai i ka aku.

            Ma ka'u nana aku'he poe keonimaua wale no apau loa, holaila e pono e lawe mai i na lealea maikai ana, a i ko'u nana ana iho i ka manawa, o ka hora 2 ia, a manao ae la e hoi e hooluolu, oiai au iluna o ko'u punee, aole e hiki ke moe pono, o ia hoi i kekahi manawa me he mea la e iho aku ana ke poo nolalo, a e pii mai ana ka opu ame ka ai iloko, i ka hoi ana ae hoi i ka hema, nana aku oe he puliki mai hoi kau i ka punee a manao ae la au eia paha makou ke komo nei i ka lae o ka Ilio, a o ko'u lilo aku la no ia me Anoipua:

            Pa mai ka makani he moae,

            Hoinoino nei i kou manao,

            Ilaila maua i pili ai,

            Me ka ipo honihoni o ke aumoe.

            Hoolono ae la au, aole he oni hou aku, a eia au ke nana nei ia manawa, ike aku la au i keai mea malamalama, oiai oia mau no ke powehiwehi o ko'u maka, a i ka mohala pono ana he, eia ka no kekahi ipukukui, ma ka'u koho iho, o ka pele e kahe mai la i ka luaopele, o ia ka hoa elike ai nia ka'u ike, he niniu ae ia la a owaka mai la, me kona nani, pela no keia ipukukui a'u i lehe wale ai a haupu ae la au o ka hale ipukukui paha keia o Kalaupapa.

            Nolaila i mea e pau ai ko'u kuhihewa i ka maalo ana ae o kekahi o ko'u mau hoa, ninau aku la: Ea, aia kakou ihea e ku nei? @ia kakou i Kalaupapa, a o ka hora 5 ia, oiai nae ua ku mua aku paha mamua o ko'u ala ana.

            O ko'u hooponopono mai la no ia i ko'u kulana ame ka hoomaemae ana i hui aku ai au me kuu kapena maikai, aia au ke nana la i ke ku ana o keia helipukukui, he kiekie maoli, oiai ke owehewehe ae la kaiao, ke nana la au i keia pali kiekie a ka launa ole, oiai ko'u mau hoa ke hoomakaukau mai nei, nolaila ua piha ka poe apau me ka hauoli, a mea aku la au i ua kapena nei o ka mea nana e malama nei ka haleipukukui oia no ka mea i mahaloia Mr. Keanu, ame kana aliiwahine no hoi ea? Ae, ua pololei mai la oe, nolaila i ka malamalama loa ana ae, aia au imua a ihope e holoholo nei, no ke ake no e ike me ko'u mau maka i makepono keia hele ana, a ike aku la au i keia alanui kikeekee mailuna mai o ka lihilihi pali ahiki i ka honua paa, ma ko'u nana aku he mania maoli, aka he ike aku no oe i ka hana pi'oia i mama ka pii ana aku, a haupu ae la au, kahi paha kela o na mea aloha e hui ai in a e hiki mai kona ala e naluea ai ka umauma, a mea aku la au i kuu kapena maikai, he wahi alanui palia kela; ae mai la kela, malaila e holo ai na ma'i, a haupu ae la au elike me ka'u i koho ai, aia mahea o Kalawao, aia ma kela huli elike me Aiea ke nana aku mai ke kaona aku.

            Nolaila e pono e ai liilii mamua o ka lele ana i ka aina oiai o ka mea i ha'iia mai i ke awakea e ai ai.

            Ka waapa mua oia no ka peresidena o ka Papa Ola ame na lala oia papa ame kekahi mau kauka, o ka hora 6:30 a. m. ia.

(a oili hou aku.)

HE HOOMAIKAI

            O makou o na hoahanau o ka Ekalesia Makua o Kawaiahao, Apana o Kamoiliili, a me ko makou Makua Hiram Kaaha, a ma o ko makou mau komite la, ke haawi aku nei i ko makou hoomaikai i na hoaloha i komo pu mai ma ke kokua ana i ka makou ahamele o ka mahina o Maraki, la 18, 1921, no ka pomaikai o ka Hale Halawai o Kalihi.

            Ke haawi pu aku nei makou i ka hoomaikai i ka luna o Maluhia, D. Kahaulelio, no kana manawalea i haawi mai ai ia makou, o ia ke pa'i ana i ka makou kikiki me ko makou uku ole.

            Pela makou e haawi aku nei i na mahalo me ka hoomaikai i ka mea nana  i hoolauna, oia o Solomon Kahoohalahala, a pela pu me oe e Charles Hosea Iwiula, nou ko makou mahalo a nui me ka hoomaikai pu, no kau mau kokua manawalea i hana ai i na kukui uwila o kela po a makou e poina ole ai.

            Nolaila, elike me ka maikai o na mea apau pela no i hua mai ai me ka maikai. O ka huina i loaa ia makou i keia manawa, $130.75; ke koena aole i pau mai.

            Nolaila, ke haawi hou aku nei makou i ka mahalo i ka poe apau i akoakoa mai ma kela po, pela pu me na hua a lakou i lu mai ai no ka pomaikai o ka makou ahamele.

            Ke noi nei i ko makou Makua ma ka lani e kau mai i Kana mau hoopomaikai maluna iho o oukou apau.

            Me ka haahaa,

MRS. KAUKEANO KAUKAU,

            Alakai Himeni;

MRS. H. MAHUAHUA,

            Kakaauolelo.

KE ANAINA HAIPULE HOOMANAO

MALUNA O PUOWAINA.

 

Maluna o ka Puu o Puowaina a malalo iho hoi o kekahi ke'a i kukuluia i akoakoa aku ai he mau kaukani o na kane, na wahine ame na keiki ma ke kakahiaka Sbati nei no ka haawi ana i na hoomaikai i ke Akua no ke alahou ana mai o Kristo mai ka make mai, he mau leo mele na leo pule ame na haiolelo ka i haawiia no ka mea i make maluna o ka laau ke'a aneane he 'iwakalua kenekulia i hala a he anaina piha. hauoli loa maluna o kela puu ma ia kakahiaka me ka piha hauoli ma ka manawa e himeni ana ke anaina a e haawiia ana hoi na leo pule.

            Mamua ae o ka hora 6 o ia kakahiaka i hoea aku ai ka hapanui o na kanaka maluna o Puowaina, he hoike ana mai ia ua lilo kela hana hoomanao no ke alahou ana mai o ka Haku mai ka make mai i mea ohohia nui ia e na mea apau, a e lahui lehulehu hoi e noho nei maloko'o Hawaii i keia la.

            Ma ia kakahiaka moe kaoo o na kane, na wahine ame na kamalii e pii ana i Puowaina, ka poe hele wawae, a maluna kekahi hapa o na kanaka maluna o na kaa otomobile, a ma ka. hora 6 ponoi a mahope iki iho ua lehau oluna o ka puu o Puowaina i na kanaka i akoakoa aku no ke komo pu ana aku e hoonani i ka inoa o ka Mea i make maluna o ka Puu o Kalevari a i hoomoeia aku ma ka luapao mahope o ka laweia ana mai ke ke'a mai, a mahope o ka hala ana o na la ekolu, elike me kana hoakaka, ua ala hou mai Oia mai ka make mai.

            Ua kuku iluna ka hapanui o ka ahakanaka. Ma ka hora 6:30 a. m., ua piha kahi kaawale malalo iho o ke ke'a i na kanaka. Maluna o kekahi pohaku nui malalo iho o ke ke'a ka mea haiolelo i ku ai, a ma kahi kokoke aku ia wahi na haumana o ke Kula Kamehameha a na lakou i mele mai mahope iho i kekahi himeni Aleluia, he anaina ia i huikau pu ai ka poe waiwai me ka poe ilihune, ka poe kiekie hoi me ka poe haahaa.

            He kakahiaka malie ia me ka hu'ihu'i maikai, he omamalu i ke kakahiaka nui aku, i ka manawa i poha mai ai na kukuna malamalam o ka la mahope o ke kaawale ana ae a na ao kaalelewa ua hoolele pau mai na kukuna o ka la maluna o Puowaina a ahuwale ke ke'a ame ka poe hoomana Akua e akoakoa ana ma ia wahi ia manawa.

            Mahope o ka paani ana o ka Bana Hawaii i kekahi mele eehia ua hui pu ka ahakanaka mai ma ka himeni ana i kekahi himeni malalo o ke alakai ana a Stanley Livingston, "Come, Though Almighty King," ame "Holy, Holy, Holy Lord God Almighty."

            Na ka Rev. H. M. Alexander o ka Hoomana Metokita, oiai oia e ku ana malalo iho o ke ke'a i heluhelu ma ka hapa mua i kekahi mau pauku Baibala, a na ke anaina i heluhelu aku ma ke kike ana kekahi mau pauku ma ka hapa elua.

            Na ka Rev. Hugh V. White i kalokalo ae i na mana lani me kekahi mau leo pule eehia loa oiai ke anaina e hoolohe a e kulou ana na poo ilalo me na poo olohelohe.

            Mahope iho o ka himeni ana a na haumana o ke Kula Kamehameha ia manawa i haiolelo mai ai ka Rev. J. K. Brown, he mikanele i hoohala i kekahi mau makahiki he 33 manawa o na lahui Armenia ma ka hana Kristiano, oiai oia e ku ana ma kahi kokoke i ke ke'a maluna o ke kumuhana, "The Victory of Defeat."

            Mamuli o ko Mr. Brown ike ana i na hana hoopoino a ka poe ku e i na Armenia Kristiano a ua ikemaka hoi i na hana hoomainoiono i hanaia aku maluna o ia poe, ua likeole kana haiolelo me na haiolelo i maa mau ia me na manao paipai e pili ana me ke alahou ana mai o Kristo; lehulehu wale kana mau hoakaka i lawe mai na hopena ehaeha mai a ke kaua, a he lehulehu hoi na mea hooweliweli a ke kaua a i lilo ai i hana hoopio aku i na Aupuni Waena o Europa ame Tureke pu.

            Ua heluheluia mai eia kekahi o ka poe i loaa ka lanakila me ka hanohano maloko o ka moolelo o ka Iseraela, oia hoi ka poe i lanakila ma na kaua lehulehu i hooukaia. Ua heluhelu pu ia mai eia kekahi papainoa mailoko mai o ke Kauoha hou, o ka poe i hoopioia, ka poe i hoomaewaewaia a i hahauia a i hoopaaia aku hoi iloko o ka halepaahao, hailukuia a hoomainoinoia me na make inoino loa. O keia poe i hoopio a i hoomainoinoia ua manaoia ia poe aohe o lakou waiwai, eia nae, wahi ana, ua helu pu ia lakou me ka poe i lanakila. Ua heluia lakou he pio, eia nae o lakou kekahi i helu pu ia me ka poe i lauakila maloko o ka hale o ke Akua.

            Wahi ana ma kekahi hapa, aohe hemahema iki no ka haulepio ana mawaena o na keiki a ke Akua. O kekahi poe malia e loaa ana ka lanakila, aka nae, o ke kanaka e hele aku ana iwaho o ke ao me ka maopopo loa o kona hoopioia malia oia aku ana ka mea oi aku o ka lanakila mamua o na mea e ae apau.

            Ua hoakaka mai oia no kekahi kanaka i hoohala i kekahi mau makahiki maloko o kekahi o na wahi paakiki loa o ka hana misionari maloko o Asia, hookahi kanaka i make me ka manao aohe oia i hana a i loaa hoi kekahi mea ma kana hana ana, aka nae i ko Mr. Brown manawa i hele aku ai e makaikai ma kahi a ia kanaka i hana ai, ua alakaiia aku oia e kekahi kanaka Armenia no kahi o kekahi kumulaau oka a ua kanaka la i kukuli ai u uwe, a ua manao ia kanaka ua make oia me ka loaa ole o ka manaolana no kona lanakila maluna o kana hana.

            Ua hoakaka pu mai oia ma na mea e pili ana i na kanaka Armenia, ka poe Kristiano mawaena o lakou ame ke ano o ko lakou make ana malalo o na hana hoomainoino a na Tureke, i like pu loa me ka poe i hoomainoinoia a i hoikeia maloko o ka Baibala. Aole lakou i ae iki e haawi a e hoolilo aku hoi ia lakou malalo o ka hoomana e, a ma ko Mr. Brown manaoio mai pau loa paha ia poe i ka hoopakeleia in a lakou i hele aku a mamua o kekahi luna aupuni Tureke a hooho aku me ka leo i ku-e loa i ko lakou mau lunaikehala, "O Alahe ke Akua Kiekie loa a o Mahomeda kona Kaula."

            Ua hoohalikelike mai oia ia Armenia me Tureke, he lahui uuku o Armenia me na wahi miliona kanaka kakaikahi, aka no Tureke he lahui nui ia nona ka heluna kanaka he 250,000,000. No Armenia he ilihune, he liilii, he aupuni i hoopoinoia. Aka, wahi ana, ua hoomakaia ke kaua mamuli o ka mana hoomalu kakauha o ka moi mana hookahi, ke aupuni a ka mea mana hookahi, oia ke Kaisa, ka Emperea o Auseturia, ka Czar o Rusia, ke Suletana o Tureke, na moi mana nui eha e hoomalu ana ma ke ao ma Europa waena.

            "O ka mana hoomalu o ka mea hookahi ua hala, ua ala ae he aupuni na ka lehulehu, a na ke aupuni a ka lehulehu e hoomalu aku ana i ke ao ma nei mua aku. O keia ka lanakila o ka hoopioia ana."

            Ua hoakaka mai oia no na hana hooweliweli a na Tureke maluna o ka lahui Armenia a ua kau ka weli o ka lahui Armenia no ke kaua weliweli i kapaia ke Kaua Hemolele nana e luku holookoa aku i ka lahui Armenia. I keia la, wahi ana, ua maheleia o Tureke iloko o na apana liilii, a oiai o Armenia e ku mau ana me ka halulu ame ka maka'u, eia nae, he lanakila ke loaa ana iaia ma nei mua aku, he lanakila e loaa ana iaia e ala ae ana mahope o kona hoopioia ana no kekahi mau kenekulia.

            "Ua loaa ia Kristo ka lanakila mahope o kona hoopioia ana, no ka mea, ua hoomaka kona ola ana ma ke ano haahaa loa, he wahi kamana wale no, a ua hanainoia aku oia ma na ano like ole, a i ka hope loa ua kauia aku la oia ma ke ke'a. Ua aloaloia eia na ano hana hoohaahaa apau, a iaia nae i kau ia aku ai maluna o ke ke'a o kana wale no i olelo ae ai, "Pau aku la," a o ia hopunaolelo i hoopukaia ae ai eia e hoike ana ia i kona lanakila ana ma o kona lilo ana he pio.

            Ua hoakaka pu mai o Mr. Brown ma ke ano e kukulu mai ana i kii no ka hoohalike ana i ka mea e pili ana i ka hoopiholoia ana o ka mokuahi Lusitania. Ua loaa ka lanakila mamuli o kona lilo ana i pio, wahi ana, no ia kumu i huipu aku ai o Amerika ma ke kaua nui o ke ao, a ulupa aku i ka mana o ka mea hookahi, a oiai o ke kumukuai i ukuia mai ua kiekie loa ma o ka lehulehu la o na ola i lilo aku maloko o ka Lusitania ame na ola i moe maluna o na kahua kaua mahope mai, eia nae, he kumukuai ia no ka lanakila ma ke ala oiai o ia no ke kumu pololei.

            Mahope iho o ka pau ana o kana haiolelo na Mrs. Hazzard Peacock i himeni mai i kekahi himeni nani loa e kailike pu ana me ka bana e alakaiia ana e ka Meia Kealakai, "The Psalms."No ka maikai loa o ka mele ana mai a Mrs. Peacock, ka u'i no hoi o kona leo me ka nui pu no hoi e hiki ai ke loheia aku e na wahi kokoke aku ana i ka puu o Puowaina, ua poina ke anaina ia manawa he anaina haipule ia, a ua nok@ ae la i ka paipai mahope iho o ke kuu ana o ka leo o Mrs. Peacock.

            Na ka Rev. H. V. White i kalokalo ae i ka lokomaikai o na mana lani a hookuuia na hana ma ia wahi ma ia kakahiaka.

 

HE NANE.

 

            Mr. Lunahooponopono o ka Nupepa Kuokoa; Aloha nui kaua:--E oluolu mai hoi oe ia'u in a he rumi kaawale kekahi o ka kaua hiwahiwa, ka Nupepa Kuokoa, no'u hoi ia rumi, no kela mau hua e kau ae la maluna, i ike mai ai ka poe huli meapohihihi o keia au e nee nei, mai ka la hiki ae ma Kumukahi i Hawaii, ahiki aku i ka welo ana a ka la i ka mole olu o Lehua, penei:

            Eia au la he kama, he kupa, he ewe nou e Hawaii; he ino ko'u ua kaulana, ua maheleia kuu inoa, elua mahele.

            Ka lua o ka mahele ,aia au la i ka piko o Konahuanui, in a i loaa ole au ia oe ilaila, alaila aia au ma ke komohana akau aku o Kaneohe, e nana aku ana i ke ko'amokumoku o Heeia, i ka pa kolonahe mai a ka makani, he Maaa, a pela au i hea mau ia ai, na aloha elua i ka ipo hookahi.

            O ka mea hikimua i ka Lunahooponopono me na whewehe ana me ka haina pololei, e loaa no ka uku makana eono mahina e lawe wale ai i ka Nupepa Kuokoa.

            Me oe e Mr. Lunahooponopono ko'u mahalo, ame na keiki lima poahi o ka papapa'i ko'u aloha.

            Owau no me ka oiaio,

(Kakauia e C. W. Kinney)

            E malama loa au i ko'u ola kino elike la me ke kanaka wiliki i kana mikini. O ia ke kahua o ka makaukau ame ka holomua, ke kumu nui o ka hauoli ame ka waimapuna o ko'u ikaika.

            E pili ana no na meaai--E ai no au aole ma ke ano lealea, aole hoi ma ke ano o ka piha aku o ka opu ka uana, aka e ai no au no ka malama ana i ke kino i hiki ai ia ke haawi mai i ka ikaika lawa kupono e loaa ai ia'u ka hauoli oiaio. E hooikaika au i ka huli ana i ka ike ame ka naauao e pili ana no na meaai, a e ai no au i na meaai kupono wale no, a lawa kupono hoi e ola ai ko'u kino me ka maikai, aole hoi oi aku aole emi mai.

            Aole au e ai a inu i kekahi mea hooikaika kino (stimulant) i mea hoolalelale mai ia'u, aole hoi i kekahi mea hoomalule a hoohiamoe (narcotic) i ko'u kino, ma ke ano i mea hoopau a hoonalonalo ae i ko'u mau luuluu ma ke ano hoopunipuni. Aole au e inu i kekahi mea i hoawaawaia, a loaa kekahi mau pakeneka alokohola, aole hoi ki me ke kope. Ua oi loa aku ko'u poho mai keia mau mea mai, mamua o ka hauoli e loaa mai ana. O keia ka hauoli oiaio ole. Aole au e puhi nau paka hoi, a hana i kekahi mau mea e poino ai ko'u kino.

            E malama loa au i ko'u opu meka maikai, aole loa au e hoolilo iaia elike me ke kini meaai la a ka puaa. Emalama maikai i ka ili, a e ike i ka hemo mau o ka hou i na la apu.

            E hooikaika mau i ke kino i na la apau, i ala a ola mau ai ka io, na olona, a lana mau ke koko.

            E hanu mau i na ea maemae a e hiamoe a lawa kupono.

            E mare no au i ke kaikamahine inoa maikai a'u i aloha ai, a e pili mau aku iaia me ke aloha.

            E hele no au i ke kula a hoomau malaila ahiki i ko'u puka pono ana mai ke kula loea (college) mai, in a eha makahiki a i ole ewalu paha.

            E imi no au i kekahi mahele o ka naau a hoomau malaila ahiki i ko'u lanakila ana, in a he umi paha makahiki e huli ai.

            E a'o no au i kekahi oihana, a i ole i kekahi ano hanalima, a e kupaa a hoomau ahiki i ka lawa ana o ko'u ike ma ia hana.

            E hana no au me ka ikaika a hoomakaulii pu i ka'u loaa, elike me ka hiki ia'u ke huli. Aole au e kauka'i i ko'u holomua ame ko'u pomaikai na ke aloha mai o ha'i, a i ole na ha'i e kokua a e haawi mai.

            E hauoli, a e komo pu@no au iloko o na paani lealea, in a he mea hiki elike me ke kinipopo, ka auau, ka lawaia, ka heihei ame na mea ano like, a pela aku.

            e imi no au i ke aupuni o ke Akua ma ke komo ana iloko o ka hoomana oiaio, a na ia hoomana e a'o mai ia'u i ke ano o ka hoomana ana i ke Akua me ka pololei ame,ka oiaio; a e a'o aku no au i ko'u mau hoakanaka pela.

            E malama mau au i k'u kuokoa, ko'u inoa maikai, ma ka'u olelo ame ka'u hana: e imi mau i ka oiaio, a e kukulu no au i kiahoomanao no'u ma ka'u mau hana, iloko o ka naau o ko'u mau hoakanaka.

            E malama no au i keia mau mea i mau loina lakai no'u, aole ma ke ano he mau kanawai, aole hoi he mau hoohiki, aka me he kumukula la e a'o mai ana, e paipai mau ana, i loaa ai kekahi mea lakai mai i ko'u mau wawae ma keia ala loihi o ke ola ana, a in a au e haule a mauleule ma keia ala, a piha ko'u mau la me na kinaunau, e hoao no au ma ka mea i hiki ia'u. E hoao no au e alakai, e kuhikuhi, e a'o, e kokua, e lawlawe a e haawi i ka'u me ka naauao no ko'u mau hoakanaka, aole hoi e hoalii a e lilo i mau lunakanawai maluna o lakou.

 

HE PAINA LUAU HOOMANAO.

            Mr. Solomon Hanohano, Aloha kaua: --E oluolu mai oe no kela mau wahi lei ponimoi, i ike mai ai ka poe puni le'ale'a o keia mau la, o maua o na kupuna i piha me ka hauoli no ka loaa ana ia maua i ko maua la o ia opiopio no, e hii moopuna ana.

            Nolaila ke kono aku nei maua e hui a e hoohauoli mai me maua ma ka la 10 o Aperila e hiki mai ana, ma ka aekai o Mokuaeo i ka hora 12 p.m., o kahi i oleloia ae la, aia no ia ma kela aoao o ke awa o Kalihikai.

            Nolaila o ke alanui pololei o ia no ke alanui e holo pololei ana mai ke alanui Moi mai a lele iho la mai ke kaa uwila a loaa ke alanui Puuhale, o ia kahi e k@@ei ka hale kiionioni iho pololei a loaa ka pa ma'i o Kalihi, huli ma Waikiki, iho hou aku, e loaa aku ana ia oe he waapa mokuahi Kepani e kali mai ana, a kau aku oe me kou uku ole i kou ukumoku, a nana e lawe aku ia oe i kahi i oleloia ae nei.

            E loaa ia oe na mea maikai mai ua kaha nei, o ka ula oe o ka hee oe he i'a mai au no ka pipili i ka pili i ka awe o ka hee e honi ana oe i na mea maikai o ia kaha, a e hi me ka mea nona ka la, a e hoohauoli ia oe iho, me ka maikai, a e ola ke kama nona ka la Kaleikamanu Kipi Mokumaia, i ke Akua, ka mana pule, mai hilahila he Hawaii na meaai, a e malamaia ana na mea apau me ka maikai.

            O maua no na kupuna,

                        MR. & MRS. S.O. MOKUMAIA.

 

AUWE NO IWAKALUA KUMALIAMA MAKAHIKI NO KE KOʻE LIPINE LOAA NAE KE ALAHELE E HOOHEMOIA AKU AI KE KOʻE LIPINE IWAHO.

 

            E loaa ana na manao aloha oiaio no ka poe i loohia me kela ma'i weliweli--ke ko'e lipine. Aole hiki i ka peni ke hoakaka ae i ka nui maoli o ko lakou auwe ana. O ka poe i loaa ka pilikia ma ka opu ua konoia aku lakou e hooki i ka ai i kekahi wa. I ko lakou wa nae e hooki ai i ka ai, e manao ana lakou, o kela kekahi pilikia oi aka. Aole pela ke ano o ke kanaka a wahine paha e noho auwe ana me ke ko'e lipine. He maikai no ke kino ame na wahi e ae o ka mea ma'i, eia nae, e ai wale ana no oia, i na meaai a ke ko'e lipine i makemake ai, me ke ku i ka weliweli o ka hopena. Nui wale ka poe i lapauia no kekahi mau ma'i e ae, oiai nae o ko lakou pilikia maoli, mamuli mai o ke ko'i lipine.

            O ka hoailona maopopo loa no ka loaa i ke ko'e lipine o ia no ka hemo ana aku o na ko'e liilii. I kekahi mau hoailona: o ia ka ono ole o ka ai, ke ano alunu, ke opulepule, kahaalulu, ka maule, kawela o ka umauma; ke alelo keokeo; ka eha o ka opu; ka naulea iloko o ka opu ame ka naau, ka puupuua o ka puu, ke kuhakuha mau, ka wahi ole o ka ai, ka hu'i ma ke kua me na lala, ke poniuniu, ka nalulu, ka paupuaho, ke poniuniu ke hakahaka ka opu, ka ike i na pohaka eleele maumua o na maka, ka hiaa. O ka hoailona maamau i ikeia no na kamalii, o ia no ke kihekihe mau o ka ihu, ka hiaa, ke kaumaha o ka noonoo, a pela aku. O ka Laxatodes ka laau no ke kipaku ana i ke ko'e mailoko aku o ka opu, a oiai he laau keia i hoohana laula ia ma Europa, ua ikeia kona kupono loa. Ina ua hoohuoi oe no ke ko'e lipine, no ka pono o kou ola kino e kauoha koke mai i lapaau piha ana o ka laau Laxatodes, he umi dala me kanaha-kumamawalu keneka. Hapalua lapaau ana no eono dala me kanahiku-kumamalima keneka, a e hoouna koke ia aku no. Ke kuai wale ia nei no e ka Marvel Med. Co., ka poe hoolaha i na Huaale kaulana Ti Bulgaria no ka Lepopaa. "Dept."M-5, B-963, Pittsburgh, Pa. Inisua no ka puolo iwakalua-kumamalima keneka.

 

HE HOOMANAO ALOHA NO KUU HANAUMUA.

 

            Mr. Lunahooponopono:--E oluolu ai i wahi no ka'u kanaenae aloha i ko'u hanaumua Mrs. Mary Ilikealiiikamoku Adams Auld, i newa aui aku nei, i ka poliukua a Kane, a huna aku la na maka i Oelehuna--Aloha wale!

O Paihikalani o Naueue ka honua,

O ke ka'ua i ka nee aku no,

O ke aiwaiwa o na'lii i hele mai mai

            ka hikina a ka La,

Keehi i O'ahualua noho ia Kaihikapu.

Loaa mai na kupuna

Puka mai Keahikanaua Oahu,

Ka mea nana e a'e ke kapu o na lii,

            kapu moe.

Noa ke kapu.

Ola ka Hu, ka I, ka makaainana,

Ola na lii a puka i ke ao malamalama.

Puka mai ka inoa kupuna

O Ilikealiiikamoku,

He Ilikea, he ili eleele,

Eleele ia ili i ka wai,

Kunakuna ia ili i ka moku,

E o'e0e loa nei moku e Kalani,

Ua paukuia, ua pokea ka iwi,

Ua hoi ka moku i ka nahele,

Aia ka wai i ka nenelu

I ke ana eli a ke Kupua la-e,

He kupua ke aloha, e hookuono nei,

O Nanea i ka huna il@ili,

O Akoa i ka hale pohaku,

O nunua iho i ka weuweu,

I ke oe e ke Ka-i-ka,

E ka pupupu huna nalu,

Ia lakou e ahu nei la,

Waiho ana he iwi keiki,

Moe ana he iwi makuakane,

He iwi hoi no ka lawehala,

O Lonomakaihonua a Keakealani,

O Kukaniaueulu o Kulakahi a Kane,

O Kamaalewa e waiho nei,

Pau na lii e ahu i ke ala-la,

Nanaia aku Hawaii,

Kilohia kumu o Kahiki,

E'a ai o Kalaweaumoku

Ke lii nana i kaohi o Maui la paa,

Nananana mai ia Kauhi

Ke lii kahiko o Maui lahaina,

O kekoolani o ka lau kapu i ka wai,

O k lau kahuli kahuli mae i ka la,

O haha ke kumu kalole ka lau,

Kanuhia i ka piko alii, i ka piko o

            Wakea,

O wakea ke kane o Manaku ka wahine,

He wahine, he aikane, he kane no e--

Kuu kane i ka uahi a ka manu

Uahi no a ahí no a ke Kupa,

I aina no a pau ka ohia,

Ka paunini walawala i ka makani,

O ke kino o Uli e o ka Uahi Alii,

Pahaohao mai la ka hoi kino lau,

O na leina iamo ana a ka ua,

Pele elemimo iki ka @ina a ke akamai,

O ka halulu o ka nehe ka'u i ike,

O ke ano o ke kanaka aohe ia.

O ka hakahaka leo he mea pukana.

Ke kani nei ka ula,

He ula leo alii,

E kapu i ka moe--e!

            Ua hoopo mai la hoi i ka lei aloha he keiki, ka hoapili o ka ua me ka la, o ke anu hoi me ke koekoe, a ia'u hoi kona pokii me ko maua kaikuaana, na keiki, na moopuna ame ka ohana, e u, a e aloha aku ana iaia oia ka ka waimaka e hanini nei.

 

KA PUKA

UA HAMAMA AKEA

 

a ke waihoia aku nei ka poloai ia oe e kipa mai ma keia halekuai, me ka nana ole in a paha ua makemake oe e uai i kekahi mea aole paha. E hauoli ana oe i ka nana ana i na paalole ma@@ei. E ninau no ka MOOHELU AIE.

 

The

Model Clothiers

"Ka halekuai Hoemi Hoolilo."

1139-ALANUI PAPU-1141

Hamama ma na Poaono a 6 P. M.

 

K A K O L I K A

 

            Eia a'u he mau Waiwai Halepule no ke kuai aku ma ka Hale Knights of Columbus, ma ke Kahua o ka Luakini, Alanui Papu, kokoke i Ber@tania.

 

Lei Korona, 15c a pii aku

Buke Pule, 15c a pii aku

Medala, 10c a pii aku

 

Kuai Kuikawa no keia Pule wale no o

ke Ala Hou Ana o ka Haku

 

1 Buke Oule Ka'eka'e

Wai Gula

Kumukuai Mau, $1.50

1 Lei Korona Pupu Onion, Gula

Kumukuai Mau, $1.50

Kumukuai Hoolilo, $2.

 

L. A. Bagley,

            HALE K. o C.

Alanui Papu                Kokoke i Boritania

 

 

HOOLAHA

 

HALE O NA ALII O HAWAII

 

            O ka halawai kumau o ka Hale o na Alii o HAwaii e malanaia ana ia maloko o ka Halehui Phoenix ma ka hora 2 p.m. o keia Sabati iho, Aperila 3, 1921.

MARY ANN KALEIKAU,

            Iku Lani, Hale o na Alii o Hawaii.

6445--Apr. 1.

 

HOOLAHA.

 

            Ma keia ke hoikeia aku nei aole e kau ke ko'iko'i maluna o ka Hale o na Alii o HAwaii, na bila i aieia e na lunanui ame na lala o ka Hale o na Alii o HAwaii, me ke apono a kaka @inoa ole ia e a'u.

Wahikaahuuia Kawananakoa,

            Iku Lani Hoano, Hale o na Alii: o Hawaii.

6445--Apr. 1.

 

HOOLAHA

 

            Ma ka po o ka Poaha, Aperila 7, 1921, ma ka Hale Waiho Buke. Library of hawaii, a ma ka hora 7:30 o ia po, e malamaia ai ka Halawai Hana makahiki o ka AHUAHUI MALAMA AME HOAIE DALA O NA HAWAII I KAU PAALENAIA. Ke kauohaia aku nei na lala apau loa o ka Ahahui e hiki mai ma ia halawai. Ina aole hiki kino mai, e hoouna mai i hookohu nookekahi mea ma kou wahi no ia halawai. Mai hoohemahema oukou i keia hana.

KA ʻAHAHUI MALAMA AME HOAIE

DALA O NA HAWAII, LTD.

            A. AKANA,

 

NO KE KUAI HOOLILO AKU.

 

            Waapa Kepani maikai me ka Enekini, Mau Upena Lawai'a Nunui Maikai, Kaa, Lio ame ka Ili.

            E ninau ia

            J. K. NAKOOKOO,

Keena Kakauolelo Kulanakauhale me

            Kalana o Honolulu, Alanui Alakea.

 

HE HOOMAIKAI,

 

            Ke pohola aku nei ka ohana o Miss Isabella Kaneakua Pas@al i ka lakou hoomaikai i na hoaloha a@@ @@ @@ka maka i hui pu mai me lakou, ma ka@a huaka'i hope loa i ka luakupapau, ame na makana pua i hoohiwahiwaia iho maluna o kona kino, a pela pu no hoi me makamaka i ku kiai pu me na makua, ahiki i kona nalo ana no ka ua mau loa.

NA KA OHANA.