Ka Nupepa Kuokoa, Volume LIX, Number 10, 11 March 1921 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

HALIAKA WANAWOKA

a i ole

Ka Huepauia Ana o Kekahi Meahuna Pohihihi--- Ka Lanakila Mau Ana o Ka Oiaio

 

            Ua hele no hui a ahiahi loa, hoea aku la ua o Uilama Waila no ka hale, ua hele no hoi oia a maluhiluhi maoli, a noho iho la oia maluna o kekahi noho laau loihi, no ka hoomaha ana, oiai nae, aole e kala kahiko i pau ai ka aina ahiahi.

            He mau la mahope mai, e hakilo mau ia ana o Mrs. Alani e ka makuakane ame kana keiki, me kona ae ole ia e komo iloko o ka rumi o Haliaka, i ka wa e lawe aku ai i na mea ai, ua lilo nae keia i mea kuaki loa na Uilama Waila, i kona lilo me kana keiki, i mau mea na laua e lawe aku i na meaai a Haliaka, me ke kauoha ana aku no hoi o uilama Waila ia Haliaka, nana ponoi no e hoomaemae i knoa rumi, me ke kauka'i ole mai e hele aku o Mrs. Alana iloko o ka rumi.

            I kela ame keia manawa, e uwalo mau mai ana no hoi o Haliaka, e aeia aku oia e hoi me kona makuahine e noho pu ai, me ka hoohiki ana mai imua o Uilama Waila, aole loa oia e hoao e holo mahuka, aka e noho mau no oia me kona makuahine e noho pu ai, me ka hoohiki ana mai imua o Uilama Waila, aole loa oia e hoao e holo mahuka, aka e noho mau no oia me kona makuahine.

            Ua hoole paakiki mai nae o Uilama Waila i ke noi a Haliaka, no ka mea ua loaa aku ka ike iaia, no kela manawa hookahi wale no a Haliaka o ka hoea ana maloko o ka rumi paahao o kona mama, ua hoi liilii mai na hoomanao ana iloko on a, no kana mau mea i hoomaopopo ai, i ka wa ikaika o kona ola kino; a in a he mau manawa hou aku kekahi a ke kaikamahine e noho pu ai me kona makuahine,,e hoi pono mai ka noonoo maikai iloko o Mrs. Waila, no ka mea, ua lohe maopopo loa ua kana nei i ke kama@@, mai o kana wahine, i na mea i palaka loa i kona noonoo, @@ na makahiki ewalu i kaahope aku.

            I kela ame keia manawa, a Uilama Waila e hoea aku ai imua o haliaka, e koi hoomano aku ana oia i kele kaikamahine e kakauinoa mai maluna o na palapala ana i hoomakaukau ai, a elike me kona paakiki aku i ke koi, pela no ka paakiki mai o Haliaka i ka hoole ana.

            No hookahi pule kela hoopaahaoia ana o Haliaka, aole on a lohe iki aku i kekahi mea e pili anoa i kona mama, oiai aole on a halawai iki me Mrs. Alani, i kekahi la nae, ala mai ia iloko o kona noonoo, kekahi mea pono ana e hana aku ai, i hiki ai iaia ke kamailio pu me Mrs. Alanui, a ua o Haliaka no hoi i koho iho ai, aia no ka nauki iloko o kela wahine, no ka hiki ole iaia ke kamailio pu me ia nei.

            I kekahi la, kakau iho la ua o Haliaka i kekahi leka, e hoakaka ana maloko olaila i kana mau mea apau i mekemake ai, a i ka wa Uilama Waila i hoi ai ma ka auwina la e hiamoe maloko o kona rumi, a aia no hoi o Kimo mamua mai o ka puka kahi i kiai ai, haawi aku la oia i kekahi hoailona mai ka puaka aniani aku ia Mrs. Alani i ka wa i hele aku ai kela wahine e kaula'i i na welu holoi pa maluna o ke kaula, me kona hookuukuu ana aku i kana leka mawaho o ka puka aniani me kekahi lopi.

            Ua holo mai la o Mrs. Alani a hopu i kela leka, aole e hiki ia laua ke kamilio, o Johe mai auanei o Kimo, aka ma na hoailona o Haliaka i hoakaka aku ai, no kona makemake loa e pane koke ia mai kana leka me ka hakalia ole.

            I ka maopopo ana ia Mrs. Alani na mea apau o ka hoi aku la no ia o ua wahine nei, no kona rumi, a mahope o k heluhelu ana iho i ko haliaka manao maloko o ka leka, o kona kakau iho la no ia i kana pane, a iloko o ka hapaha hora wale no, aia ua o Haliaka ke heluhelu la i ka pane o kana leka.

            O ka nuhou hoohauoli a Haliaka i ike iho ai, o ia no ka hoi liilii mai o ka noonoo maikai o kona mama, a ua oi ae no hoi ka maikai o kona mama, a ua oi ae no hoi ka maikai o kona ola kino, a i kela ame keia manawa, e ninau ae an oia. i na mea i pouliuli i kona noonoo mamua aku.

            Ua piha maoli o Haliaka me ka hauoli ma kela la, o kekahi kumu hauole paha hoi, no kona ike ana iho, i ke alahele maalahi loa e loaa aku ai iaia ka ike no kona mama, ma ke kakau mau ana i kela ame keia manawa ia Mrs. Alani.

            Ma kekahi la, he manawa loihi mahope mai o kela loaa ana ia Haliaka he alahele maalahi loa e hiki ai iaia me Mrs. Alani ke kamailio. ma ke kakau ana i ka leka. hooholo iho la o Uilama Waila. e hele i ka holoholo no kekahi o na lokowai nui, he ewalu mile ka mamao ma ka hema aku o ko lakou nei wahi e noho ana.

            Ua hele mua no o Uilama Waila no kela lokowai, he mau makahiki loihi i kaalope aku, a oiai he loihi ke alahele, eia nae, aole no he kanalua iki o ua kanaka nei, no kona hoea i kele kahawai me ka maalahi loa.

            Mamuli nae o ka pono hele wale aku no o ua o Uilama Waila, ua hu oia mai ke alahele pololei loa e hoea aku ai i ke kahawai nui, no ka mea ua hookahahaia mai oia, i kona hoea ana aku i kekahi wahi ponoha. e ku mai ana kekahi hale noho. ame kekahi hale hoahu ukana, i kukuluia me na pauku laau i pokepokeia, aole hoi me ka papa.

            Ke ku la oia nana i na hale i kukuluia, me ke ku maole i ka nani, e hoohihi ai ka manao, oiai he maiau maoli ke ano o ka hoonohonohoia ana o na pauku laau, o ia no oe o kekahi hale i hanaia e ka poe akamai loa. he momoe like hoi kau o na pauku laau, me he mea la, i wae maoli ia na pauku laau, i like ai ko lakou waho ana, aole hoi he pono hoomoe ia iho.

            O kaupoku keia, na uhiia iho i ka mauu, eia nae ua hanaia no me ka maiau loa elike me ke ano o na kauhale mauu o ka lahui Hawaii, o kela au kahiko. He nunui maoli na puka aniani i hanaia ai, a e kau mai ana no na pale puka aniani, aia hoi mawaho pono o kela ame keia puka aniani he mau pahu meakanu, e popohe mai ana no na pua nani.

            Nana aku la keia i ka hale hoahu ukana, aia hoi ua hanaia he ekolu mau wahi no ka hoopaa holoholona ana, he elua nae mau lio ana i ike aku ai e paa mai ana iloko o kela hale, ma ko laua mau wahi pakahi, a hoomanao ae la keia. o ke kolu o kahi i hookaawaleia maloko o kela hale. no kekahi pipi waiu no ia e hele mai ana ma kahi mamao mai na kauhale aku.

            Ua malamaia ke kahua nui i ku ai o na hale me ka maiau loa, aia hoi mahope koke aku o ka hale noho. e ku ana h@ haleole. o ka mea apiki nae. aole on a ike aku i ka holoholo mai o na kanaka a ke kahaha loa la no hoi oia i kona ike na mai i kela mau kauhale.

            Iloko no nae o kona nanea i ka nana i kela wahi, weheia mai la ka puka. maloko mai e kekahi wahine me ka aahu keokeo. ua paa hoi kona helehelena i ka uhimaka manoanoa, a kamailio mai la panei.

            "O ke aloha kakahiaka no kou e Uilama Waila. Komo mai iloko nei aole o ke ku mawaho, oiai he huʻihuʻi kena makani e pa nei. he mea kekahi aʻu i makemake loa ai e kamailio pu me oe."

            Ua hookahaha loa ia mai ua o Uilama Waila no ka loaa o kona inoa i kela wahine ana i hoomopopo ole ai, ua kamaaina mua oia iaia, a no ka minuke okoa oia o ke ku malie ana i kahi hookahi. akahi no oia a nee aku imua, no ka hooko ana i ka leo kono a ka wahine malihini, a i ke kokoke loa ana aku o ua o Waila i kahi o ka puka o ka hale, ia wa i kamailio hou mai ai kela wahine iaia, i ka pane ana mai.

            "Aole paha oe e Mr. Waila i manao mua, he poe no kekahi e noho kokoke aku nei i Galani Loke ea," wahi a ua wahine nei, me ka noke ana iho i ka akaaka, no kona ike mai i ka pioo maoli o kana malihini. "He keu aku koʻu a kahi punana maikai maoli. a ke kono aku nei au e komo mai oe iloko nei, i ike ai oe i kona nani!"

            Hakalia no a pau kela kamailio ana mai a ua wahine nei. o kona huli aku la no ia, komo iloko o ka hale, me ka ukaʻi ana aku no hoi o Uilama Waila mahope ona. a iloko o ka manawa pokole, ike iho la o Uilama Waila, aia oia maloko o kekahi rumi nui. i hoolakoia me na moena veleveka nani, ame na pono hoonani hale e ae e ahu mokaki mai ana iloko.

            Aia na moena veleveka o kela ame keia ano, e halii mai ana iluna o ka papahele, he mau ili kekahi o na holoholona ahiu, alawa ae la hoi kana nana ana a na paia, e kau mai ana na kii nunui. mai na kii hoolele a na kii pina. Alawa aku la hoi keia ma na puka aniani nunui, ua uhiia me na pale lihilihi aeae loa. a mawaho mai o kela mau puka aniani. e waiho mai ana na pahu me na pua kanu oloko.

            "E noho iho e Mr. Waila ilalo e hoomaha ai, no ka mea ua loa maoli kau wahi o ka hele an mai nei," i kauoha mai ai ka wahine kamaaina o ka hale, me kona kuhikuhi ana mai i kekahi noho, a noho iho la no hoi o Waila ilalo, me ka wehe ana ae i kona papale, aole no kona malama ana ka wehe ana ae i kona papale, aole no kona malama ana i ka rula keonimana, aka no ka maa no i ka wehe ana i ka papale. i ka wa e komo ai iloko o ka hale, me ke kuwakuwai ana ae i kona mau maka. me he mea la, he moeuhane kana mau mea e ike la. i kau a mea o kona piha loa me ke kahaha.

            "Aole no au e kala i manao kahiko ai e hoea mai ana oe no koʻu wahi nei i kekahi la, a ua hoea mai i ka hookoia ana o ia manao oʻu. O ke kumu nui o koʻu makemake ana e hoea mai oe e Mr. Waila, I hiki ai iaʻu ke ninau aku, pehea la ke kulana o kau mau maʻi e noho mai nei i keia wa?"

            Ua oi aku mamaua o ke kahaha, na mea a Uilama waila o ka lohe ana aku mai kela wahine mai. a ua kokoke maoʻi loa oia e ku ae mai kona noho mai a lo ia ka ua kanaka nei o ka pane ana aku:

            "Ea, ua hookahaha loa mai oe i koʻu mano, a oi aku mamua o ka mea hiki iaʻu ke hoakaka ae me na huaolelo maopopo! Heaha kou manao ma ke kamailio ana mai nei no kaʻu mau maʻi?"

            "He makehewa wale no kou hupa ana aku e Mr. Waila. ua ike au i na mea apau, nolaila e hoike mai oe, pehea ke kulana o Mr.s Waila ame Haliaka? Ke lana nei nae kuu manao, he maikai no ko laua ola kono." a noke okoa ae la ua wahine nei i ka akaaka me ka leo nui. a pane hou mai la:

            "Ua manao kuhihewa loa oe e Uilama waila. e hiki ana ia oe ke pulapu i ko ke ao nei poe, mamuli o kau hana piha maalea; aka i hoike aku nae au ia oe, aia he nui wale o na wahine, i oi aku ko lakou maalea imua o na kane."

            "Ke manaoio aku nei au i kena mau olelo au, aka i wahi e hoopauia ae ai koʻu pohihihi, pehea i loaa aku ai ka ike ia oe no kela mau wahine, no laua na inoa ua i kamilio mai nei?" wahi a Uilama Waila. me ka pau ole no o kona kahaha.

            "Aole ia he hana pohihihi, no ka mea he elua mahina a oi ka loihi o koʻu noho ana ma keia wahi, a oiai he wahine au i maa i ka hele ana i ka hahai holoholona. ua hele na wahi apau o ka aina a lewa iaʻu, ma na wahi he mau mile ka mamao mai keia wahi aku e ku nei kuu hale."

            "Ina he mea oiaio kena au e kamailio mai la, alaila pehea kaua i halawai ole ai ma kekahi manawa mamua aku nei?"

            "Aole oʻu makemake e halawai pu me oe, ma kaʻu mau huakaʻi hahai holoholona apau. a o kekahi no hoi, aole no ou hele mai ma koʻu wahi nei, e halawai ai kaua."

            "Aole no oʻu wahi noonoo iki mamua. he wahi keia i nohoia e na kanaka o ke kumu ia o koʻu hele ole mai ma kahi he mau mile ka mamao mai Galani Loka mai. Pehea ae nei ka lihi o ke kukuluia, a i ka mahina aku nei o Iune ma kei wahi."

            "Pehea. o oe hookahi wale no anei ka mea e noho nei ma keia wahi?"

            "Aole, aka he mau kauwa lawelawe kaʻu, eia no kakou apau ke noho pu nei me aʻu, nolaila e ike mai oe e Mr. Waila. aole he mehameha o koʻu noho ana, a ua palekana hoi au. mai ka poe e hono ana e hoopoino mai i koʻu ola," me ka minoaka ana mai o ka wahine nona ka hale, ka mea nae nana i hoopii ae i ka ula ma na palaina o Mr. Waila, no kona ike ana iho. aohe mea hiki iaia ke hana aku, ina nei no kona makemake, e holilo i kela wahine i poi malalo o kona mana.

            Hakalia no nae a pau kela mau olelo i ke kamailioia mai e u wahine nei, o kona lalau ae la no ia i kekahi wahi ulili dala e lewalewa ana mamua pono o kona alo, o ke kau ae la no ia i kona mau lehelehe, a puhi aku la me ka ikaika. a iloko o na sekona pokole loa, aia hoi, ua paleia ae la kekahi pa-ku e pale ana mahope mai o kela rumi, a komo ana no he kaikamahine Ilikini, a o ia ka kona haku wahine o ka i ana aku:

            "Auhea oe e Walala, e kii aku oe a lawe mai i kiaha waina no kei konimana." o ke emi aku la no ia o ua kaikamahine Ilikini nei. aole no hoi i emo iho, ku hou ana, me kekahi pa dala, a maluna olaila ke kiaha waina kahi i kau ai. lalau aku la ka wahine ona ona hale i ke pa dala me ke kiaha waina. a waiho ae la maluna o ke pakaukau me ka i hou ana aku i ke kaikamahine Ilikini:

            "Ua pau ae la no koʻu makemake ia oe, e hele aku a hoike i kou makuakane, aole e poina i ka wahie o ke kapuahi, a e olelo pu aku hoi i kou kaikunane, e hoopanee iki koʻu hele ana i ka holoholo, no kekahi mau hora, oiai he malihini kaʻu o kei wa." i ka lohe ana aku o ke kaikamahine Ilikini, kunou mai la oia i kona poo, a nalo aku la, oiai hoi o Uilama Waila i noho iho ai, me ka nalu ana iloko ona, aole he kumu e ae, o ka haawiia ana aku o ke kauoha i kela kaikamahine, no ka lawe ana aku a hoike i kona makuakane ame kona kaikunane. i na mea a ko lakou haku wahine i mkemake ai. aka no ka makemake maoli no o kela wahine e ike aku keia. aole he hopohopo o kela wahine, no kona hoopilikiaia aku, oiai ua lawa no oia me kana mau kauwa no ke kupale ana i kona ola.

            Hoomano mai la ua o Uilama Waila i na hale lole ekolu ana i ike ai e ku ana mahope o k hale, eia ka no kela poe Ilikini ekolu. nolaila aole he lele an o ka oili o ko lakou hau, no ka hoopilikiaia mai maluna ona. i ka po ame ke ao.

            I ka haawiia ana mai oke kiaha waina iaia. lalau aku la o Uilmama Waila a inu ae la me ka malie. aia nae ka mano hopohopo iloko ona, no ka loaa pono ana i kei a wahine, o kana mau meahuna, aia hoi ka haku wahine nona kela hale, ke nana pono loa mai la maluna o ka helehelena o Uilama Waila, a o ia ka ua wahine nei o k@ pane ana mai .

            "Malia paha he mea ano hou ia oe e Mr. Waila, ke hoike aku au ia oe, eia o Robaka Pilikina me kona mau hoaloha ma kekahi mau wahi o ke kuahiwi kahi i hoohala ai i ko lakou manawa, ma ka hahai holoholona ana ame ka lawaiʻa ana ma na kahawai."

            Waiho ino aku la o Uilama Waila i kona kiaha waina maluno o ke pakaukau no ka mea ua puiwa hikilele maoli oia, i ka lohe ana aku, ua hoea mai o Robaka PIlikina ma kekahi wahi a o ia kana o ka ninau ana mai:

            "E olelo mai ana anei oe, eia o Robaka Pilikina me kona mau hoaloha ma kekahi whai o keia kuahiwiw i keia manawa?"

            "Ae, ua hoea moi oia i ka la mamua aku o nehinei, a eia oia me kona mau hoa ma ka Lokowai Luka. Ea, ma kaʻu nana aku, ua piha maoli oe me ke kahaha no kei mea aʻu e hoike aku nei! Peahea i loaa akuai ia oe ka ike, e hoea mai ana o Robaka i kei manawa no keia wahi."

            "Pehea i maopopo ai ia oe, ua loaa ka ike iaʻu, e hoea mai ana oia?" wahi a Uilama Waila me kona kahaha.

            "Noʻu ia kuleana, a he nui kaʻu mau mea i maopopo, mawaho ae o keia mea aʻu i hoike aku la ia oe."

            "Ma kaʻu ike aku, ua maopopo wale ia oe, ka Mr. Robaka Pilikina mau wahi e hele ai, ame kana mau mea paha e hana ai." me ka nana pono loa ana mai a ua o Uilama Waila maluna o kela wahine i malihini iaia.

            "Ina au e haawi aku ana i koʻu ae, heaha iho la kau malaila? Malia paha e hooi loa ia aku ana kou kahaha, ke lohe aku. elike no hoi me ke ano o ka loaa ana mai o ka ike ia oe, no ko Robaka Pilikina hoea mai, pela iho la no i loaa like mai ai iaʻu ka ike e pili ana nona."

            "Ea. ke hoopohihihi loa mai nei oe i koʻu noonoo. aole he wahi mea a maopopo iaʻu o ka manao o  kau mea e kamailio mai la!" me ka hele o ua o Uilama Waila a pihoihoi."

            "Eia no ka mea oiaio, aole o oe hookahi wale no ka i lohe i na olelo e kamailioia ana mawaena o Mr. Kapoka ame Mr. Waina, aka owau pu no kekahi i lohe i ka laua mau olelo. pela i maopopo ai iaʻu ka hoea mai o ko laua hoaloha o Robaka Pilikina."

            Aole e hiki ia Uilama Waila ke pane ae. oiai ua piha loa oia me ke kahaha, a o ia nae ka kona kokoolua o ka pane hou ana mai:

            "Auhea oe e Mr. Waila, o ka'u kauoha ale no ia oe, o ia kou hookaawale koke ia Haliaka mailoko aku o Garani Loka. o ike auanei oe i kou komo iloko o ka poino. Aole keia he mau olelo palaualelo. aka he leo keia no kou palekana a o keia ka mea i oleloia ai. he kuli ka make. he lohe ke ola, nolaila e hoolohe mai oe i ka'u, e kaawale auanei na poino mai ia oe aku."

            "Aole he maopopo ia'u o ke ano o kau mea e kamailio mai nei?" wahi a Uilama Waila.

            "Eia no ka manao, he kaikamahine o Halikaa Wanawoka, me ka leo nui, in a nei no kona lohe hou i ke kani o kekahi pu. a ka poe hahai holoholona aole ana oia e hoohakalia iho. i ke kahea ana me ka ikaika apau e loaa ana i kona leo, i oi aku mamua o kela manawa, ana i kahea mai ai, i ka wa i lohe mai ai oia i ke kani o ka pu, mamua aku nei."

            "Ea, ma ke ola ana o na akua hauka'e o ka po, nawai i hoike aku ia oe i kena mea au e kamailio mai nei?" wahi a Uilama Waila, me kona ku okoa an aae iluna. ua hele hoi kona helehelena a haikea. "Nau ponoi no i hoike mua mai nei, he hahai hooloholona kau hana. alaila o oe ponoi anei ka mea nana kela pu i kani ae ai ma kahi kokoke i Galani Loka?"

            "Ua hoike mua aku nei au ia oe, he nui ka'u mau mea i ike a i maopopo no na mea au i hana ai," wahi a kela wahine. me kona pane pololei ole mai i na olelo a Uilama Waila. "E hoomanao nae oe. ua kamailio mua aku nei au, eia o Robaka Pilikina ma ka Lokowai Luka i keia wa. nolaila aole ana e nele kona hele mai e nana ia Galani Loke, no ka mea he kuleana nui kona e makemake ai e ike i kela hale, oiai oia ka mea nana e hooponopono nei i na waiwai apau o Haliaka."

            "Ke ike aku la au i ka pololei o kena mau hoakaka au; a o ka'u no kei i hopohop mau ai. no ka hoea mai o kela kanaka i kekahi la. a he nani hoi ia ua kokoke loa oia i Galani Loka nei. aole i'o ana paha e @ele kona hoea mai no ka nana ana i kela hale." alaila noho hou iho la o Uilama Waila ilalo.

            No kekahi mau minku. aole he hoomauia o ke kamailio ana mawaena o Uilama Waila ame kona hoa. aia wale no nae na maka o Waila ilalo kahi i nana ai. oiai hoi kona kokoolua e haka pono mai ana, o ia no oe o ka popoki, e haka ana na maka maluna o ka iole.

            No ka manawa mua loa, akahi no a loaa mai ka ike ia Uilama Waila no ka nui maoli o kona pilikia, ua hoopuniia kona mau aoao apau e na mea e hiki ole ai iaia ke pakele ; nolaila ke noho la oia me ka pohihihi maoli, o kekahi alahele nona e pakele ai, me kona komo hou ole aku iloko o na poino.

            Ua ku a pilikia maoli ua o Uilama Waila, ma na mea pilidala ; ua kuhihewa oia ma kela manawa i loaa ai o Haliaka iaia ma Alabane, e holopono ana kana mau hooikaika ana, i wahi e kaa hou aku ai na waiwai apau o kela kaikamahine malalo o kona malu, me kona manao e kuai hoolilo aku i na waiwai apau, a i ka wa e loaa mai ai iaia o na dala mahuahua, o kona wa ia e holo ai no na aina mamao loa.

            Ua paa no ka manao o ua kanaka nei, e hoea mai ana i ka wa a Haliaka e kakauinoa ai malalo o na palapala an a o ka hoomakaukau ana aku, oiai eia ka pilikia, ua kokoke loa mai iaia.

            No ka pane ole mai nae o Mr. Waila, @a i okoa mai la ka wahine nona ka home:

            "O ka'u a'o wale no ia oe i keia manawa, o ia kou haalele iho ia Galani Loka me ka hakalia ole!"

            "He hana maalahi wale no ka haalele ana iho i kela hale, aka o ka ninau nui, aole he maopopo iki ia'u o ka mea e hana aku ai i ikela mau wahine ma'i, o ia ka makuahine ame ke kaikamahine."

            "No ke kokua ana aku ia oe e Mr. Waila ea, ua hiki ia oe ke hoouna aku i ko wahine no kekahi wahi, malalo o ka malama ana a ka wahine malama ma'i, a no Haliaka e hoouna mai oe iaia i o'u nei, na'u oia e malama aku, aohe au mea e hopohopo ai nona."

            "O oe anei ka mea nana e malama i a Haliaka?" wahi a Uilama Waila me ka piha i ke kahaha.

            "Aole a'u mea hauoli e ae, o kona kaa wale mai no malalo o ko'u malu no kekahi manawa ; no ka mea, he aie kahiko kekahi o kela kaikamahine ia'u, e pono ai oia e hookaa mail." wahi a ka wahine nona ka home. me ka imoimo ana iho o kona mau maka, e hoike mai ana aia kekahi manao kolohe iloko on a.

            "Ina o kena ka mea pololei au e kamailio mai nei ea. alaila ua hoohauoli loa mai oe i kuu manao," wahi a Uilama Waila me ka piha hoihoi. "Aole nae o'u makemake e hoopilikia aku oe i kei kaikamahine, in a nei no kona kaa mai malalo o kou malu."

            "Ua hookahaha loa mai oe e Mr. waila no kou manao makee no ka pono o kela kaikamahine, oiai nae i kona wa e waiho ana iloko o ka ma'i fiva, aole ou noonoo ae. no ke kii ana i kekahi kauka, no ka hele ana mai e lapaau iaia. Ke hoohiki aku nei nae au imua ou, e haawai no au iaia i na meaai apau ana e makemake mai ai, e haawi hoi iaia i ka lole e pumehana ai oia, me ko'u hoopilikia ole aku iaia, o ka manao nui wale no a'u i makemake ai, e kaa mai oia malalo o'u, no ka hoohaahaa ana iho iaia, mai kela ano hookiekie mai o ke ano haakei, i pipilipaa loa iaia.

            He hookahi nae mea a'u e ninau aku nei ia oe e Mr. Waila, heaha ke kumu o kou lawe ana mai iaia a hoopaa he pio nau iuka nei o ke kuahiwi? Aole he maopopo iki he pio nau iuka nei o ke kuahiwi? Aole he maopopo iki ia'u kou mana'o o ka haha ana pela e Mr. Waila, oiai ua ike no oe, he pio kau e malama mau ana ma ke ano paahao, ka makuahine hoi o ua o Haliaka, au o ka hoopunipuni ana i ko ke ao nei, ua make ua wahine la au ma Italia."

            Alaalawa ae la ka nana ana a Uilama Waila maloko o kela rume me he mea la aia ka manao hopohopo i loko @@ no ka lohe mai o kekahi poe i ka laua mau olelo, a @@@ kanaka nei no paha ka ike, o laua wale no na mea @@@@@ o kela rumi, pane mai la oia, i ka i ana mai:

            "He hookah wale no kumu nui o kuu lawe ana mai ia@a no ko'u makemake i ke dala. Ua ku a pilikia maole au @@ in a nei no kona kaawale loa, ma kahi e hiki ole ai iai@ @@ onioni ae, alaila e hookikina aku ana au iaia ahiki i @@@ kakaunoa na amai malalo o kekahi mau palapala a'u i @@@ makaukau mua ai, no kona hookohu mai ia'u, e lilo i mea nana e hooponopono i kona mau waiwai. O ka mea@@@@ nae a'u hoike aku nei, aole loa on a ae iki, e kakau i kona inoa malalo o kela mau palapala.

            "Iloko o ko'u noke aku i ka hokikina iaia, me ka hooweliweli pu, he mea ole wale no ia i kela kaikamahine kana pane ia'u, in a no ka e hookau aku ana au i ka make maluna on a, aole no ia he kumu nona e ae ai e kakau i mau palapala me kona ino ponoi."

            "Aole hoi ha ia he hana nui, e lawe mai i kela mau palapala imua o'u, a na'u e kakauinoa aku."

            "Heaha auanei ka waiwai i kou kakauinoa ana mai i kela mu palapla?"

            "He keu no hoi o ka mea ia e hookoia ai o kou makemake, no ka mea aole a'u ku-e ana aku, in a e hoolilo ana oe i kekalu hapa o na waiwai  o kela kaikamahine no kou mau makemake iho," wahi a ua wahine nei me ka noke okou ana ae i ka akaaka me ka leo nui. "E lawe mai oe e@@ikeike ia'u i kekahi leka i kakau maoli ia e Haliaka, e ike auanei oe, ua hiki ia'u ke hoohalike i ka'u kakau ana me hemea la na kela kaikamahine ponoi no i kakai no i kakau, no ka mea he loea au ma ia hana, o ka hoopili i ka lima kakau o kekahi poe."

            "O ka mea apiki paha, ua hoole loa mai oia i kona kuleana i kela mau waiwai," alaila hoakaka aku la ua o Uilama Waila, i ka loaa ana o ka hoahanau o Haliaka, ame ka ma nao paa o ua kaikamahine nei, e hana aku i na mea pololei apau, ma ka hoihoi ana aku i na waiwai apau o Wanawoka, maluna o ke kaikamahine i kuleana i'o i kela mau waiwai."

            Ke hoolohe malie aku la ka wahine nona ka hale i ka moolelo a Uilama Waila e kamailio aku la, aia hoi na maka o ua wahine nei, ke noke wale la no i ka imoimo, me @e mea la, ala mai la kekahi mau hana epa he unui iloko @@@, a o ia kana o ka i ana mai:

            "E hiki ana anei ia oe ke kuhikuhi mai i ka helu ame ke alanui i noho ai kela wahine o Judika Giliba@i ame ka lua o na kaikamahine?"

            Hoike mai la o Uilamam Waila i ka helu o ka hale, ame ke alanui, e pololei ai ka hookolo ana aku ahiki i ka loaa ana o Judika Gilibati, me ke kakau ana iho hoi o kela wahine, maloko o kana buke hoomanao, alaila nanea wale aku la no laua ma ke kamailio ana ahiki i ka hala ana he hora a oi, o ka haalele iho la no ia o Uilama Waila i kela wahi, a i ka nalowale ana aku nae o ua o Uilama Waila ma kekahi aoao, ia wa i hooho ae ai ka wahine nona ka home a Mr. Waila o ka haalele ana aku:

            "He keu aku kela a ke kanaka hupo, me ka piha pu i ka epa." wahi ana i hooho ae ai. "aole he noonoo iki o kela kanaka, no kona kaa ana mai iloko o kuu mana. iaia i ae mai ai e waiho mai ia Haliaka malalo o ka'u malama ana aku."

            Huli aku la ka nanan ana a ua wahine nei nowaho o ka pukaaniani, a i ka hala ana o kekahi mau minuke o kona noho malie loa ana ma kela wahi, ia wa i kau ae ai i kana ulili ma kona waha, o ka hoomaka ae la no ia e puhi, a iloko o ka manawa pokole, oili mai la kana kaikamahine Ilikini, a o ia kana o ka pane ana aku:

            "E hele mai e Walala, he nui ka kaua mau hana e hoomakaukau aku ai, no ka mea he malihini ka'u e upu aku nei o ka hoea mai i keia mau la aku," o ke ku ae la no ia o ua wahine nei, a haalele iho la ialoko o kela keena, me ka ukali ana aku no hoi o ke kaikamahine @@ikini mahope on a.

            Ma kela huli hoi ana aku a Uilama Waila no kona wahi, halawai aku la oia me kekahi kanaka Ilikini kino ikaika, e hoi mai ana me ka pu-a wahie, a noonoo iho la oia, o kela paha ka makuakne o ke kaikamahine Ilikini kauwa, a ka wahine ana i haalele aku ai mahope, haawi aku la oia i ke aloha i kela Ilikini, aole nae he pane ia mai, e hoike mai ana kela ano o ka Ilikini no kona malama i na pauoha a kona haku, aole e kamailio wale me na kanaka malihini.

            Ma kekahi wahi mamao loa aku, lohe aku la ua o Uilama Waila i kekahi mea e oki ana i ke kumulaau me ke ko'i, a hoomanao ae la keia, o kela paha ke kaikunane o ke kaikamahine Ilikini, a hooiaio iho la oia, i ka pololei o na mea apau a kela wahine i kamailio mai ai iaia, no kona lawa me na kokua e hoopakeleia ai kona ola, ke hoea aku kekahi poe e hoopilikia iaia.

 

MOKUNA XXXVIII.

 

Ma kahi o kela manao mua o Uilama Waila e hele e nana ma ka Lokowai Luka, ua hoi pololei loa akula oia no Galani Loka, no ka mea ua loaa aku iaia kekahi manao hou, no kana mea e hana aku ai, ma kela kukakuka pu ana me ka wahine malihini.

            Iaia o ka hoea ana aku no ka hale, hele pololei aku la oia noloko o ka rumi o Haliaka, e noho ana no ua kaikamahine nei ma ka puka aniani, ua hele a uluhia i ka noho paahao iloko o kela rumi, a i ka ike ana aku o Uilama Waila iaia, kamailio aku la me ka leo okalakala:

            "Heaha ke kumu i hele ai kou helehelena a haikea?"

            "He o ia mau no ko'u ano mai kinohi mai o ko'u noho paahao ana, aole he wahi mea a loli ae. Pehea oe i manao ai e loaa i kekahi mea i hoopaaia iloko o ka rumi, ke kulana maikai, oiai aole he loaa iaia o ka holoholo ame na ea maikai?"

            'Aia hoi oe ma ka puka aniani kahi i noho ai, pehea i loaa ole ai ia oe na ea maikai?"

            "Heaha auanei ke ano o ia ea, oiai he kaikamahine au i maa i ka hele holoholo mau ana no kekahi mau mile loihi?"

            "Ina o kou makemake ia ea, alaila mai keia manawa aku, ua hiki ia oe ke hele i ka holoholo."

            "O kou manao maoli ia e Uilama Waila e hele au i ka holoholo?" awhi a Haliaka me kona maopopo ole i ka manao o Mr. Waila e kauoha aku nei iaia e hele mailoko mai o kona rumi paahao no kaholoholo ana.

            "O ko'u manao maole keia a'u e kamailio aku la ia oe, a i hoike no ka oiaio o ia mea, ke hoohamama nei au i ka puka, o kou rumi, no kou hemo ana aku i waho," o kona wehe ae la no ia i ka puka, me ke ku ana ae ma kekahi aoao o ke pani puka.

            Holoholo iho la o Haliaka maloko o ka rumi no kekahi manawa, alaila hele pololei mai la a ku iho la mamua o ke alo o Uilama Waila, nana pono mai la hoi ma na maka o ua kanaka nei, a i mai la:

            "Aole he maopopo ia'u o ke ano o keia hana hou au e Mr. Waila. No'u iho, aole loa o'u wahi hilinai iki aia he mau ano maikai iloko ou, a ua loaa ia'u ka manao hoohuoi, he hana kolohe wale no keia au ia'u, no ka hoea mai i ka hookoia ana o kekahi manao lapuwale au i hoolala ai no ko'u poino."

            "Eia no ka hana kolohe a'u i hooholo ai, o ia ka hookuu ana aku ia oe e hele i ka holoholo, a e pau kou noho paahao ana i na manawa apau. E hoomanoa nae oe e Haliaka, aole no i nele kou hakiloia aku e kekahi mea, nolaila e ike iho oe, ua hiki wale no ia oe ke hele holoholo mawaho o na@alena kupono o kei ahome, aole hoi ma kahi mamao aku."

(Aole i pau.)