Ka Nupepa Kuokoa, Volume LIX, Number 8, 25 February 1921 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

LEOLA DALE

a i ole

Mai ke Kulana Nele a i ka Waiwai - Na

Aloha Elua i ka Ipo Hookahi

 

"E kakau aku ana au ia Mr. Foda no kona manao no keia hana pohihihi," wahi a Leola, oiai no nae, o ka manao maoli iloko ona, e helo aku e ninau ia Kikila, ua huna nae oia i ka hoike ana ae i ka mea ano nui ana i makemake ai.

"Ina imua o Mr. Foda oe i makemake ai e ui aku no keia mea pohihihi ea, ua ahona kou hoike ole ana aku iaia. no ka mea aohe mea hiki iaia ke hana mai, ua elemakule kela kanaka, a he ulolohi no hoi kona noonoo; o ke kanaka kupono loa au e waiho aku ai i keia hana iloko o kona @@@@, oia no o Mr. Kinikele.

I kela lohe ana aku o Leola i ka inoa o kana ipo aloha. kulou iho la kona poo ilalo me ka hukihuki ana i kekahi pepeiao o ka ilie, alaila pana mai la me ka leo malie, me kona aea ole mai iluna:

"Ke manzo nei au, e hoea mai ana no oia i ke kakela nei i keia kakahiaka, no ka mea ua hoike mai oia i nehinei @ hele mai ana oia no kekahi hana."

"Ke hauoli nei au no kena pane e Miss Dale," i wikiwiki mai ai ka Lede Waka i ke kamailio ana. "Aole he kanaka e ae i hiki ke noii i na meahuna pohihihi e pili ana i ka holo mahuka ana o kela kaikamahine opio, o Mr. Kinikele wale no. No'u hoi ua nui ko'u mahalo no Mr. Kinikele, elike me ka mahalo o ke Haku Baumona iaia, he kilakila maoli ke kulana o Mr. Kinikele a he keonimana no hoi oia ma kona mau ano apua, o ka mea oi loa aku, he kanaka akahele loa oia, ma kana kamilio ana. pela hoi ma ka hooko ana i kana mau hana"

Ke lelele wale la no ka oili iloko o Leola, oiai na olelo mahalo a ka Le@e Waka, e kamailio aku nei no kana aloha, eia nae aia wale no kona mau maka ilalo kahi i nana ai a ke piiliki la no hoi i ka ilio.

"He keu o Mr. Kinikele a ke kanaka oluolu, aia ma kona mau maka ka hooponopono kahi i haia mu mau ai i kela ame keia manawa," i kokua mai ai no hoi o Mrs. Wekela i na olelo pai a ka Lede Waka no Kinikele.

"Mawaho ae o kena mau ano au e kamilio mai nei, o Mr. Kinikele kekahi o na kauwa hiki ke hilinaiia," wahi a ka Lede Waka, me ka hoopiha koke ia aku nae o Leola i ke hoopaukiuki no kela mau olelo kikoo la a kela wahine i kapa iaia iho he lede, o kona ku ae la no ia iluna, a nana aku la iwaho o ka puka aniani, me ka hele a pii ka ula ma kona mau papalina.

O Mrs. Wekela pu kekahi i piha i ka hoonaukiuki no kela mau olelo kohu ole a ka Lede Waka, me ka nalu okoa ana iho iloko on a, in a o Mr. Kinikele kekahi maloko o kela keena, aole loa e hiki i keia wahine ke kamailio ae i na olelo ana e haaliki aku la imua on a ame leola, oiai au ike oia mamua aku, i ka wa o Kikila pu kekahi, he noho mumule wale no ka hana a kele wahine, me ka hookokoe mau o kana nana ana mai ia Kikila, elike no me kela haawaine hookahi o ka lili i loaa aku i know kaikunane.

"Heaha la hoi ke kumu e hoea koke ole mai nei o Kikila i keia kakahiaka," i namunamu malie ae ai o Leola, iaia e nana la iwaho o ka puka aniani, me ka hookapalili ana aku o kona mau manamanalima i ke aniani, i ole ai e loheia mai @ana mea e hawanawana ana iaia wale iho no.

"Heaha la ke kumu o kona ka-ua ana mai i'au, e hunakele i ko malia hoopalau, a no kekahi manawa okoa aku, e hoike ia ae ai i kea akea a ua aneane no au e huli aku ima o keia wahine, a olelo aku imua on a, e lilo aku ana au i wahine ma@e na Mr. Kinikele/"

Ke noho hoola'i malie la ka Lede WAka maluna o kona noho, me he mea la e kakli aku ana, o ke kamilio mai o kona mau hoa iaia, a o Mrs. Wekela k i kamilio mai, ma ka ninau ana mai i ua lede ola wale nei:

"Aole no hoi au wahi mea i lohe mai new la, no ke ana o ko Pole holo mahuka ana? Ua nui kau mau mea i lohe, malia paha hoi ke hana mai new oe i ka mea oiaio ia maua!"

"Aolea'u mea i maopopo, aka nae e hoopau ia ana no ko kakou pohihihi, ke hoea mai o Mr. Kinikele. Pehea, ua olelo mai anei oia e hele mai ana i keia kakahiaka!"

"Ae, ke kakali aku nei au i kona hoea mai," i huli mai ai o Leola nana i ka Lede Waka.

"Ke hauoli loa nei au no kona hiki mai, a peha, e ae mai ana anei olua, owau pu kekahi e noho ahiki i kona hoea ana mai, no ka mea, aia maluna o Mr. Kinikele ka'u hilinai ana aku, no ka hoauheeia ae o na mea pohihihi a@@u i pili i keia hana nui."

"Ina he makemake kou e noho a hoea mai oia, i kou kuleana no ia." wahi a Leola oiai nae o ka iini nui iloko on a o ia no ka hoi koke o kela wahine oiaia aole on a hoihoi iki i ka Lede Waka, no ka hoomaopopo aku i ke ano o kana mau olelo, ame kona ano.

"I holo malu mai nei au i ke kakela nei me ka ike ole mai nei o Pilipo ia'u. aia paha oia ke hoaa mai la i ko'u wahi i nalowale ai." i pono kamailio wale ae ai no ka Lede Waka, no ka hoolalau ana mai ka lakou kumuhana mua kamailio ai i na minuke mamua aku.

I kela manawa nae i weheia mai ai ka puka o ka rumi aina a komo ana no ke kanaka kiai puka, a hoike mai la, ua hoea mai o Pilipo Daika: me ke komo ana aku o ua kanaka opio nei, a i ka ike ana aku i kona kaikuahine, pane ae la ma ke ano, me he mea la ua piha oia i ke kahaha, no ka loaa ana mai o ka Lede Waka iaia maloko o kela keena, oiai no nae he mea ia na laua i hoolala kahiko, no kekahi manawa loihi.

"Aole au i manao, ua hele mau mai net oe i ke kakela nei." wahi ana me ka hoopupuku ana ae i kona mau ku'e maka, me kona hele loa ana aku a kokoke imua o Leola a i aku la:

"O ke aloha kakahiaka no kou e Miss Dale, ua ku maoli ke@a hana ma ko maua aoao i ka mahaoi o ka hoike mua ole ana mai, no ka hiki mai i keia kakahiaka."

"O kena no ka'u mea hookahi i kamailio aku nei imua o Miss Dale, aka nae ua waiho aku nei no au i ka'u kumu. e huikalaia mai ai au, aka heaha kau kumu e hiki ai ke hu kalaia aku oe e Poilipo." i komo koke mai ai no ke kaikuahine, i ka papa olelo pu ana me kona kaikunane.

"I hele mai la au no ke noi ana aku ia Miss Dale, in a e ae mai ana oia e hoolimalima i iwakalua ek@ o kona aina mahiai i kekahi kanaka, o ka waiho ana mai i kona manao imua o'u."

"He wahi kumu palaueka loa kena e Pilipo, heaha no hoi kou mea o ka olelo ole ana mai nei, he nuhou kau i lohe e pili ana i ka holo mahuka ana o Pole Madena?"

Hoolalau wale iho la no o Pilipo, me ka hamohamo ana ae i na lima ma kona lae, a pane ae la me ka hookaumaha ana i kona leo:

"Ae o kela kekahi o na nuhou ano nui o keia kakahiaka." wahi ana me ka hookokoke ana mai ia Leola, a o ia ka Leola o ka pane ana ae.

"No'u iho aohe a'u mea i maopopo, o ko'u lohe koke ana iho nei no ia i ko laua nei kamailio."

"Aole he kanalua iki, no ka holo mahuka ana o kela kaikamahine, eia nae aole au i makemake e hoopilikiaia kou noonoo no keia mea, a ua ili iho ke ko'iko'i maluna o'u, o ka hele ana aku e hui pu me Mr. Kinikele, a huli aku i ka oi@ia o na mea apau."

"O ka'u no ia i hoakaka mua iho nei i ko'u manao." i pana ae ai ka Lede Waka me ka hilinai ana mai ihope o kona noho. "Ma ko'u manao, o Mr. Kinikele hookahi ke kanake kupono loa ma keia hana pohihihi."

"Ma ka aina hanai holoholona mau ae nei au, me ka manao e halawai ana me ia, aole nae i loaa mai nei ia'u a kuhihewa mai nei au, eia la i ke kakela nei."

"He keu aku ka kena a ka mea apiki, ke hele hou aku la i ka pohihihi,"i pane aku ai no ka Lede Waka, i na olelo a kona kaikunane, oiai nae, pela ke kui ana o na pua o ka lei a laua i hoolala mua ai, e hoopilikia aku ia Kikila, a e hoala mai hoi i na mea e komo aku ai ka manao hoowahawaha iloko o Leeola no kela kanaka.

"E hoea mai ana o Mr. Kinikele no ke kakela nei i keia kakahiaka," i komo mai ai o Mr.s Wekela ma ke kamailio ana.

"I ne pela i'o, alaila e lilo kakou apau i po@ kokua aku ia Mr. Kinikele, ma ka noii ana i keia mea ano nui loa. Ke ole au e kuhihea, ua kamaaina loa oia ia Mr. Madena ame kana kaikamahine."

Aole o Leola kamilio mai, aia no @ana nana mau ana iwaho, o ka ike aku i ka oili mai o Kikila, me ka nana ole aku nae no kona hoea mai, ua pane ae la no ke Lede Waka:

"Malia paha he mea ano hou kekahi au i lohe mai nei e Pilipo?"

"He liilii loa ka'u mau mea o ka lohe ana mai nei. Aia no o Ede lana ma ka hale inurama kahi i noho a, i a o Mr. Madena pu kekahi maloko olaila."

"Ina aia i'o o Ede lana ma Madena, alaila ua pau loa na hoohuoi ana, no ka holo mahuka o Pole me kana ipo kahiko," wahi a ka Lede Waka,

Luliluli ae la ka poo o Pilipo, no k@la noke mau aku o kona kaikuahine i ke kamailio no kela kumuhana hookahi no a o ia ka ua kanaka piha maalea nei o ka pane ana mai ia Leola:

"He keu aku keia a ke kakahiaka maikai maoli, pehea no hoi ina @ hele ana kaua i ka hololio?"

"Aole au i noonoo mua no ka hele i ka hololio i keia kakahiaka." i pane mai ai o Leola, me ka mau no o kona nana ana iwaho, aole hoi he huli mai a nana ai Pilipo.

"Pehea, ua huikala i'o mai anei oe ia'u e Miss Dale?" i mau aku ai no ko Pilipo kamailio ana.

"Ina no kela lio nana au i aha'i kau e ninau mai nei, ke hooia aku nei au, ua huikala kahiko aku au ia oe," me ka huli ana mai o Leola nana ia Pilipo, me ka hoao pu ana ae no hoi e mino@ka.

"Ina pela alaila me Mr. Kinikele wale no ka'u hana i koe Ke makemake loa nei au i hui pu me ia, a hoakaka aku i ko'u kuhihewa loa, ma ka'u mau mea i kamilio aku ai imua on a e pili ana i ko'u ike i ke ano o na lio. Ua piha maoli au me ka kaumaha no kela ulia i loaa ai ia oe e Miss Dale."

"Aole loa o'u kanalua iki no ka nui o ko Mr. Kinikele ik@ me ka makaukau ma na mea e pili ana i no holoholona." wahi a Leola, me kona pane pololei ole aku nae i na olelo a Pilipo.

"Akahi au e ike i ko'u kuhihea loa ma ka hoole ana aku i kona makaukau," wahi a Pilipo, me ka pupuku ana ae o kona mau maka.

Aole o Leola i pane hou aku, aka nohoalii iho la ka maluhia iloko o kela mau minuke, me he mea la aia iloko o ko lakou noonoo pakahi, ka nauki no ka oea koke ole mai o Kikila, eia nae ia lakou e kakali ana, o ka wa ia i weheia mai ai ka puka o ka rumi hookipa, a komo ana no o Mrs. Tibeta iloko, a i kona ike ana mai i ka hele oloko o kela rumi a piha i na maka malihini, ua kuemi aku la oia ihope, a o ia ka Leola o ka pane ana mai:

"O ke aloha no kou e Mr.s Tibeta," wahi ana, a i ka ike ana mai nae i ka hele o ka helehelena o ua wahine nei a kaumaha, pane hou mai la oia, i ka i ana mai:

"He pilikia anei kekahi i loaa ia oe. Ua ma'i anei kekahi o kau mau keiki?"

"Aole he pilikia o ka'u mau keiki, he maikai ko lakou mau ola kina, aka no Mr. Kinikele ka'u i hele mai la e hoike aku ia oe, ua hala aku oia no Ladana."

Ua like pu kela hoike a Mrs. Tibeta me kekahi poka pa hu o ke kiola ia ana aku imua o Leola, aka no ka Lede Waka ame Pilipo Daika, ke hoolalau wale la no laua, oiai ua maopopo mua ia laua ko Kikila hala ana no Ladana, no ka mea na laua ponoi no i hoolala na mea apau e kaawale aku ai kela kanaka mai ke alo aku o Leola, a na ka Lede Waka hoi kela leka apuhi o ka hoouna ana aku i ua o Kikila.

"Ua hala aku anei o Mr. Kinikele?" i ninau mai ai ka Lede Waka, ma ke ano hoolalau wale no, e hoike mai ana hoi, me he mea la, ua lilo keia i nuhou hookahaha loa aku i kona noonoo.

"Ae, o keia ka mea oiaio loa a'u e kamailio aku nei, ua hala aku o Kilakila Kinikele no kahi okoa."

            "Ihea oia i hele aku ai?" i komo mai ai o Pilipo Daika ma ka ninau ana, aia no hoi o Leola ke ku maile la, me ke kalele ana o kekahi lima maluna o ke pakaukau o kana hana wale no, o ka hoolohe mai i na mea e kamailioia ana.

"O na lani wale no ka i ike i kona wahi i hele aku ai, he hookahi nae mea maopopo loa, ua hala aku oia ma ke kaahi o ka po nei."

"Ina o kena ka mea pololei au e olelo mai nei e Mrs. Tibeta, ua hala aku oia ma ke kaaahi o ka po nei ea, alaila ua hala aku o@ no Ladana, heaha iho la ka mea e hookaumahaia ai kou noonoo e "Mrs. Tibeta?" i komo mai ai o Mrs. Wekela, ma ka hoakaka ana i kona manao.

"He hookahi kumu o ko'u kaumaha, o ia no kona haalele ana mai me ka hikiwawe loa, me kona hoike ole mai ia'u i kona wahi e hele ana. Ua ike no au iaia ma ka po nei, aole nae on a wahi mea a kamailio mai e hele ana oia, a iloko o ka wa i maopopo ole, o kona kau aku la no ia maluna o ke kaaahi hope loa, o ka haalele ana mai no Ladana."

Ma ke kaaahi hope loa anei oia i kau aku ai? Ua maopopo anei ia oe keia mea au e kamailio mai nei?" i ku okoa mai ai o Pilipo iluna, me ka hele ana mai a ku iho la ma ka aoao o ke pakaukau.

"Ae, no ka mea ua hele okoa aku au e ninau i ka hale hoolulu kaaahi, a pela i loaa mai ai ka ike no kona kau ana ma ke kaaahi hope loa o ka po nei. Ho hookahi kumu o ko'u hele okoa ana aku e ninau i ka @ale hoolulu kaaahi, no ku'u hele ana aku no kona rumi i keia kakahiaka. aole oia i hiamoe maluna o kona moe, a manao iho la au aole he wahi okoa ae e nalowale ai oia, o ke kau wale no ma ke kaaahi, a holo aku no kekahi wahi okoa loa."

"Ina ua kau i'o o Mr. Kinikele maluna o kela kaaahi, alaila o kela no ke kaaahi hookahi i kau aku ai o Pole Madena," i komo hou niai ai ka Lede Waka ma ke kamailio ana.

Ke ku maile la o Leola me he kii la; aole i lilo na olelo a ka Lede Waka, i mea hookaumaha aku i kona noonoo, eia nae iloko o kela manawa i ala mai ai na hoomnao ana no na mea a ka Lede Waka i kamailio mua aku ai iaia no ka nuhou e pili ana no Pole Madena ame Mr. Kinikele; aole malaila wale iho la no pau, aka ala pu mai la no hoi na hoomanao ana, no kela ike pono ana on a ia Mr. Kinikele me Pole'e ku ana kamailio, a i kela manawa no hoi ana ame Kilakila i haalo iho ai ma kekahi a ua ike maoli aku no oia i ka hele o ka helehelena o kela kaikamahine a pii ka ula ke ano o ka mea i piha me na manao lili.

Oiaia no nae ua o Leola e ku malie ana me ka pane leo ole, ua kamailio hou mai la o Mrs. Tibeta i ka i ana mai:

            "Ina hje manao hoohuoi kekahi iloko o oukou no ka holo pu ana o Pole Madean me Mr. Kinikele, aoleloa he poolei o kela manao," wahi ana me kona nana pono ana aku i ka Lede Waka. "He nui na manawa a'u i ike ai i ka hookokoe aw i Pole Madena i ko makou hale me ka ninau nana mai ia Mr. Kinikele, eia nae ma na manawa apaua a Mr. Kinikele e hoi mai ai, he uuku loa kana mau olelo e pane aku ai i kela kaikamahine me he mea la aole loa he wahi liji hoihi iki iloko on a no kela kaikamahina.

            "Ua lohe au i e kamailio o na kanaaka i keia kakahiaka, no ka holo mahuka ana o Pole Madena ma ka po nei, aole nae o Mr. Kinikele i holo mahuka pu aku me ia in a ua hala aku oia no Ladana, mamuli wale no o kekahi hana ano nui, aole mauli o kela kaikamahina. Aole loa he manawa a Mr. Kinikela i hoike mai ai ma kona mau ano, a ma kana mau olelo paha no ke komo o ka manao hoohihi iloko on a no o Pole Madena aole loa!

            "Ina he oiaio na mea e kamailioia nei no ka holo mahuka ana o kela kaikamahine, alaila me Ede lana wale no oia i holo mahuka aku ai."

"Auhea oe e Mrs. Tibeta, i hooia noka pololei o ka'u mea i koho ai, me Mr. Kanikele o Pole Madena i holo mahuka aku ai, eia no o Ede lana ma kona wahi, aole i kau aku ma ke kaaahi o ka po nei," wahi a ka Lede Waka, me ka minoaka ma kona mau papalina.

"He oiaio, in a eia no o Ede lana, aole i kau aku maluna o ke kaaahi o ka po nei, alaila o ka'u e kamilio aku nei ia oe e Miss LEola mai manaoio iki oe, o Mr. Kinikele ka i holo mahuka aku me Pole Madena. Ma ko'u kamaaina ia Mr. Kinikele, aole loa on a ku wale aku e kamilio me Pole Madena, a i ole me ka nui ae paha o na kaikamahine, he keonimana maoli kona kulana, i na wa apau, i kaokoa loa mai ka nui ae o na kanaka opio i like aku ke ano me kona."

"O kau paha ia e kamilio mai nei e Mrs. Tibeta, aka ma na mea i hoikeia mai ia'u, he mau manawa lehulehu ko Mr. Kinikele o ka hoea ana aku no ka hale o Pole Madena a he hookahi ko laua inu ti like ana, ma na aluna ahiahi," i komo mai ai o Pilipo, ma ka hoinoino ana ia Kikila Kinikele.

"Owai ka mea nana i hoike aku ia oe i kena mau olelo hoopunipuni?" i huli ino mai ai o Mrs. Tibeta imua o Pilipo me ka piha huh.

"Ke kaumaha loa nei au, i ka hoopilikiaia aku o kou noonoo e Mrs. Tibeta no ka;u mau olelo, o ka mea oiaio no nae ia, no ka mea me kuu mau maka ponoi i ike aku ai au i ka haalele ana iho o Mr. Kinikele i ka hale o Pole Madena ma kekahi ahiahi, a ikuu ninau okoa ana aku ia Pole i ka Mr. Kinikele hana o ka hoea ana mai, hoike mai lo oia ia'u, i hele mai kela kanaka no ka inu ti like ana me ia," i kamailio mai ai no o Pilipo.

No ka lilo loa o Mrs. Tibeta i ke kamilio me Pilipo aine ka Lede Waka, nee aku la o Leola a ku ma kahi o ka puka aniani, e huli pono aku la i ka aina hanai holoholona, aia hoi na noonoo uluahewa like ole iloko on a, me ka ala pu ana mai o na manao kanalua, no ka oiaio o kana mau mea i lohe ai mai na lehelehe ponoi mai o Kikila ma ka po aku i h@@a, no ka nui o kona aloha iaia nei, a iloho no hoi o ia manawa hookahi, aole no e hiki iaia ke manaolo aku, no ka pololei o na mea ana e lohe la, no ka holo mahuka pu ana aku o Kikila me Pole no Ladana.

"I ka manawa hea kou ike ana ia Mr. Kinikele, ma ka hale o Pole Madena?" i ninau hou mai ai o Mr.s Tibeta, me ka mau no'o kela huhu iloko on a, no Pilipo Daika ame kona kaikuahine.

"Alia e noonoo ae au, oiai aole au i manao, e hoalaia mai ana kekahi ninau o keia ano; o kekahi kumu no hoi aole no au i manae, he mea ano nui, a he mea ano e paha, ma nei no ko Mr. Kinikele inu ti like me kekahi o kona mau hoaloha. Akahi nae a maopop mai la ia'u kela manawa o ko'u ike ana aku iaia i ka oili ana mailoko mai o ka hale o Pole Madena, ma ke ahiahi no ia o kela la, i loaa ai ka Haku Baumona i ka ulia o ke piholo ana iloko o ka wai."

"Ina ma kela la, alaila ke manao nei au, aole he kumu e ae o kona komo ana e inu ti, mamuli no ia o kona anuanu."

Minoaka iho la o Pilipo no kela hoao mau o Mrs. Tibeta e kupale no Kikila a o ia ka ua kanaka nei o ka i hou ana aku: "Ke mahalo aku nei au ia oe, no kou kupale ana no ka mea aole me kakou, a in a ua hiki ole ia oe kemanaoio mai i ka'u mau olelo, alaila aole no owau hookahi ka mea i ike i kona oili ana mai, aka o Ede lana no kekahi, a o kana olelo nui i ho la no ia i kamailio aku ai i kona mau hoaloha, no kona ike ana ia Kikila maloko o ka hale o Pole Madena."

Ua nohoalii i ho la ka maluhia no kekahi mau minuke, me ka pane hou ole ae o kekahi mea, a ua kaa aku la ma ka aoao o Mrs. Tibeta ke kamilio hou ana mai:

"Ina no ua nui na mea i kamailioia no Mr. Kinikele, aole loa e lilo ia mau kamailio i mea e hoopilikiaia aku ai oai. Ma na ano apau, he keonimana oiaio loa o Mr. Kinikele, a o kekahi no hoi, ua ike maoli aku au i ke kaumaha o kona helehelena i kuu wa i haawi aku ai iaia i kekahi leka; akahi mai la ka hoi a maopopo ia'u, no kela leka ke kumu o kona haalele awiwi ana iho i ka aina hanai holoholona a kau aku la ma ke kaa o ka po nei."

"Ina hoi ha, no kela leka, ke kumu i holo ai o Mr. Kinikela no Ladana, alaila, heaha iho la ke kumu o kou pihoihoi ana nona, a hele okoa mai la oe e hoike i keia mea ia makou," wahi a Pilipo, no ka hoohoka ana aku ia Mrs. Tibeta a no ka hoomahuahua ana ae i na manao hoohuoi no ko Mr. Kinikele mau ano maikai.

"He hookahi kumu o ko'u pihoihoi, o ia no ko'u naaupo, me ka maka'u wale." i pane mai ai o Mrs. Tibeta me ka halo'ilo'i ana mai o na waimaka ma kona mau lihilihimaka, a hoomau hou mai la i kana kamilio ana: "Ua nana aku au maluna o Mr. Kinikele me he keiki ponoi loa la ha'u i kau a mea o ka nui maoli o kona oluolu, kona akahai, ame na ano maikai e ae he nui," alaila hiki hou ole aku la i ua o Mrs. Tibeta ke kamailio, aku noke okoa iho la oia i ka uwe, alaila hele mai la o Leola, a kau iho la i kekahi lima, ma ka poohiwi o kona hoaloha, me ke kamailio ana iho i keia mau olelo:

"E holoi i kou mau waimaka, no ka mea ke manaoio nei au ua hala wale aku nei no o Mr. Kinikele no Ladana mamuli o kekahi hana @@o nui loa, a e hoi mai ana no ia i keia la, a i ole, ma ka la apopo paha. E kii ae au i kiaha waina nou!" me ke ku okoa ana ae o ua o Leola iluna, a kii aku la i ka omole waina maloko o kahi waiho waina. ninini iho la iloko o ke kiaha aniani, a lawe mai la a haawi aku la ia Ms. Tibeta.

Lalau mai la ua wahine nei i ke kiaha waina, a inu ae la me ka holoi pu ana ae i ko@ mau waimaka, me ka haawi ana mai i kana hookaikai ia Leola, o kona hele aku la no ia no kahi o ka puka, me ka ukali ana aku no hoi o Leola mahope on a, a ia laua i hoea aku ai no ka puka, ia wa i pane mai ai o Mrs. Tibeta me ka leo liilii, e lohe ole mai ai ka nui o ka poe maloko o kela rumi:

"E ae mai oe e hoi aku au noloko o kou rumi e hooluolu ai no kekahi manawa pokole." me ka haawi koke ana aku no hoi o Leola i kona ae, a hookuu aku la ia Mrs. Tibeta e hoi no ka hale maluna a iaia i nanai aku ai i ka puka a paa, hoi hou mai la oia iloko o kahi e noho aku ana kona mau hoa.

Aia ke @@@ @@welo mai @@ na maka o ka Lede Waka maluna o ke helehelena o Leola, a o ia kana o ka pane koke @@@ mai: "Ke ole au e kuhihewa, no maopopo @ Mrs. Tibeta na mea apau e pili ana i ke kumuhana a kakou i kamilio iho nei, he mau olelo hoonalonalo wale no kela ana i kamailio mai nei, i wahi e manaoio ole ia aku ai k@ Kikila Kinikele holo mahuka ana me Pole Madena."

Nana pono loa mai la o Leola maluna o ka Lede Waka me ka piha i ka hoonaukiuki, ua hoomaopopo aku o Pilipo i kela ano o Leola, a o ia kana i kamilio mai ai ma ke an@ hoomala'e wale no:

"Ke manzo nei au, ua ikaika loa kau mau olelo e ku haku kaikuahine."

"Aole e hiki ia'u ke alo ae, mai ka mea a'u i hana aku a elike me ka'u i manaoio ai, o ka mea pololei maoli no ia, i pane hou ae ai ka lede Waka. "Malia paha ua ku ka mau olelo i ke ano ma kai ole i kamailio aku nei ia Mr.s Tibeta, aka nae ma ka'u koho, ua loaa no i kela wahine k@ manao hoohuoi, no ke kumu oiaio o ko Mr. Kinikele @@@@ wale ana, pehea auanei oia i hoea mai nei imua o kako@ i keia kakahiaka?"

Aohe wahi mea a pua'ileo iki mai ia Leola ae, ke ku m@ lie wale la no oia, me ka hoomanawanui ana i kona ma manao maikai ole apau, alaila paa okoa mai la ka Lede Waka ma ka lima o Leola, me ka honi okoa ana mai, i k@ honi kumakaia, a i hou mai la:

"Aole no au e ahewa wale aku ana ia oe e Miss Dale, @@ oe e huhu mai ia'u no ke ku o ka'u mau olelo i ka loko @@@ ke kamilio wale aku nei no nae au, mamuli o na mea a i kamaaina. He wahine au i nui ko'u mau makahiki, a @ ike i na ano o ke ao nei, a he opiopio loa oe i ike ole i @ ano o na wahine ame na kane, aka e hoopau ko kakou k@ mailio ana no keia kumuhana, malia ua kuhihewa kakou. kakali malie kakou pela, ahiki i ka huli hoi ana mai o Mr. Kinikele, oia ka mea nana e hoopau ae i ko kakou m@ pohihihi apau. I hoike aku no au ia oe ea, owau ke m@ i makee loa no ka pono o kela kanaka opio, a ke lana nei @ hoi kuu manae, aole loa e kau aku na kikohukohu o @@ hoohuoi maluna ona."

I ka pau ana o kela mau olelo a ke kaikuahine, o ka wa a Pilipo Daika i hele mai ai, a hopu mai la i ka lima ak@ o Leola, me ka hoopili ana a ma kona mau lehelehe, a@ mai la: "O ke aloha no kou e Miss Dale, ke kaumaha l@ nei au no kou lohe ana i keia mea ano nui, a ke lana n@ k@u manao, aole e lilo kou hilinai a paulele piha maluna Mr. Kinikele i mea no kakou e mihi ai ma keia hope aku.

Aole no he pane a Leola, no kela mau olelo a Pilipo a nana mai la oia ma ka helehelena o kela kanaka, in a pa@ e hiki ana iaia ke ike mai i kekahi no maluna on a, no ko@ piha lili ia Mr. Kinikele, aole nae on a wahi mea a ike m@ he hiona kekahi o ia ano no ka mea he kanaka o Pili Daika, i piha i ka maalea ame ke akamai, o ke kumu iho ia i ike ole aku ai o Leola, i ka moe lapuu mai o ka m@ nahesa iloko o ke koloka o ka hoomani.

 

MOUNA XXIX

 

I ke kaawale iki ana aku o ka Lede Wakea me kona k@ kunana mai ke kakela aku, ma kahi e lohe ole ia mai ai laua mau olelo, ia wa i i aku ai ke kaikuahine i kona k@ kunane:

"Aole anei ou manao, ua holopono maoli na hana kea o keia kakahiaka? Aole anei ou ike mai i ka hiki ana i@ ke paani ika'u mahele o ke keaka, me ka miomio maoli

Alawa mai la ka nana ana a Pilipo i kona kaikuahine. mai la: "Ae, ua nui ko'u mahalo, i ka nui o kou maale@ kuu kaikuahine ma kau mau mea apau i hana aku nei @@ malia paha, ua oi loa aku kekahi mau olelo au mamua o mea kupono."

"Pehea auahei e hiki ai ia'u ke alo ae, mai ka noke @ aku i ke kamailio i na olelo hoonuinui no ka pili o ka h@ ia Mr. Kinikele, no ka mea ua ika maoli aku oia i ka h@@ hia ana o Leola i ke aloha no kela kanaka opio, nolaila ka pono a nui aku ka hoinoino ana no ke kanaka ana i a ha ai, malia, o komo iho ka manao hoowahawah il@ on a, o ka hookoia no ia o ka papahana a kaua i hoolala no kou pono e kuu kaikunana."

Pii ae la ka ula ma na papalina o Pilipo Daika @ hiki iho  ai ia kaua e ka makamaka heluhelu, ke kanalua, no hoalaia ana mai o na manao lili iloko o kela kanaka no olelo a kona kaikuahine, no ka haulehia ana o Leola i aloha no Kinikele, a o ia ka ua kanaka nei o ka hoopi ana ae i keia mau olelo:

"Ua pono aku la no kou kamailio ana i na olelo h@ino no kela kanaka ino, a in a ua lilo ia mau olelo i mea e h@@ chaia aku ai o Leola, ua hiki no, o ka uka ia o kana h@ hoohoka ia'u."

Noke okoa ae la ka Lede Waka i ka akaaka, no na o a kona kaikunanae, me ka pane ana mai:

"He keu aku maoli no ka nani o keia keaka a kana i l@ aku nei i keia kakahiaka, a he keu no hoi ka holopono o hooikaika ana a Miss Dale, e kuoo ma no ano apau e ole ia aku ai i ka meahuna iloko o kona puuwai aka ua a wale nae ia imua o'u. Anuhea nae oe e kuu kaikuna@@ aole e holopono ana na mea apau a kaua i hoolale @@ @@ e loli ae ana keia hana, a lilo i mea ano nui loa, e ili ma ka auamo ana o na ko'uko'i maluna ou a maluna hoi @ @@ like a elua. Ua ike au, aole o M. Kinikele he kanaka ke pulapu wale i a in a nei no kona hoea hou mai i @ la, pehea iho la e holopono ai kau papahan?"

"Aole loa oia e hoi mai ana i keia la, no ka mea in a i@ i kela leka mua au, ke pulapu aku iaia, ahiki i kona l@ okoa ana no Ladana, alaila na kau leka elua aku, e l@ loihi i kona noho ana ma Ladana no elua a ekolu pahu mamua o kona@ huli hoi ana mai; ma ia manawa a@@@ holopono ai na mea, apau i hoolalaia e a'u."

"He keu aku maoli no paha ka naaupo o Mr. Kinike o ka puni wale ana mai no i na mano o kekahi leka k@ he," i namunamu iho ai ka Lede Waka. "Ua kulike @@@ no ka limakakau maloko o kela leka, me ko @@@@@, o ke kumu i kuhihewa loa ai o Mr. Kinikele, a punihei alakai hewa ia no kona poino."

"Ke haawi aku nei au i ko'u mahalo ia oe e kuu kai@@hine no kou piha maoli no i ke akamai ame ka maalea@

"Ina nei no kona hoea i Ladana, a hoouna mai oia @@ kahi leka ia Leola e hoakaka ana i ke kumu o kona ana i kela kulanakauhale, pehea iho la ia?" i pane ma ka Lede Waka, mahope iho o kona noonoo ana i kana e kamailio mai ai i kona kaikunane.

Minoaka iho la o Pilipo Daika, a pane ae la: "Aohe mea e hopohopo ai e kuu kaikuahine, no ka loaa o @ leka ia Miss Dale, no ka mea ua imi mua au i ke alah@ hoea ole aku ai kekahi leka mai iaia mai imua o Keola.

"E akahele loa oe e Pilipo, aole e hiki ia oe ke paa i kela kanaka e noho ma Ladana, e hoea mai ana oia manawa au i maopopo mua ole ai, a e hoike ae ana na mea apau imua o Leola, o ko kaua ku no ia i kahi hoka."

"Aole he kanalua no kona hoi hou mai, aka nae a@ hiki iaia ke hoakaka mai i na mea e manaoio aku Leola iaia."

"No keaha mai hoi ka ole, no ka mea ua nui no n@ oiaio ma ko kaua aoao, i kamilio aku nei imua on a, @@ holo mahuka ana o Mr. Kinikele me Pole Madena , aole he wahi mea a puni mai kela kaikamahine ia kaua."

"Ua hiki iaia ke kupaa i keia la aka ma ka la apo loaa mai ai kekahi hoike oiaio loa, no ka holo ma@@@ ana o Mr. Kinikele me Pole, ia wa auanei e hoolilo, a oia ia Mr. Kinele i kanaka ino loa, o @@ pau ana ia manaolana iloko o kela kanaka no ka lilo o Leloa n@

(Aole i pau)