Ka Nupepa Kuokoa, Volume LIX, Number 6, 11 February 1921 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

POELE IHO LA NA MAKA O KE

KOOLAUWAHINE I KA NOU

HALAOLE A KA MAKANI KIPU

 

Auhea oe e Mr. Lunaho'oponopono, aloha:-Ua haunaele o Ewa i ka moaeku, ke kunahihi nei ka opua noho kuahiwi, a kaiaulu o na pali halii a ka ohu kakikepa, e kokolo ana i ka lua meki, a kaawale la kaawale.

Ua kaiehuia aku la ke komite kalana mai kona noho lunahoohana ana ma ka mahele he luna, e ka mana o ka luna alanui o ke Koolau nei, i hoomanaia mai e na poonui o ka aoao.

Auhea oe e Mr. Lunaonahooponopono, e alawa nui iho oe, wehe na piko la, hoohuli kua na alo, ke holoke nei na luna o ke kalapu o ka mahele ehu, apana koho balota elima, o ia aoao mana nui, aia no hoi ka mehele ekolu ke hoolapuu mai la, a hoolakee.

O ka'u e minamina nui nei o ka hanohano nui o ka apana i haliiia e kona mau aekai, aala lipoa, i hele a luhiehu a palahhalii na pono ame na pomoikai mai ke Akua mai, a na moi nui kapu ihiihi, a akua o na kamehameha V, aohe he haole, a owai aku mawaho aw, e hiki ke aeku i ke alo, i ka po, m@ha aole lelemanu, imua o na koa kiai e hele a palalauhala a moe i ke ala; e na'i wale no i na pono, aole e pau.

Nolaila o ka oihana aupuni he pau wale, o ka oihana mahihi me oe no ia a moe pu, a ala pu mai no a mao aku.

Wahi a Iesu, o Ko'u makua, aia no ke hana mau la oia, ma kona wahi, he ni na wahi e noho ai. Ina kakou e kupenu mau i na hana mahiai, hanohano mau loa, aole he hoa paio i@aila.

Ua ono kona hua i kuu ai ana, o ko'u puulena pilipono loa no ia, aole na ha'i, lawe ae no hoonuu.

O ke kanaka maa mahiai oia ke noho loihi i na hanalima o na mahio, maa, kupa, i na hanalima mahiai, nanea kona noho ana, elike me ka lahui Pukiki, aole he la e noho hana ole ana, na keiki pu, mahuahua ke loaa mai, a elemakula alaila hoomaha, loaa na homekomo i na hui hoahu dala.

Mr. Lunahooponopono, ma Kahuku aina lewa, ua hapaiia he hui hoahu dala ma ka banako o Bihopa e ku nei ma Kahuku i nohoia e na lunanui J. W. Keau Makahanohano, ia J. Baker i hope, Mose Kaaipuaa i puuku, ia W. Aikake Kanakanui i kakauolelo, a lunahooia.

Na kane, na wahine, na lala, hookahi dala kolalo, a ma na ano hana apau e holomua ai ka hui elike no me na hui e kukulu mai nei.

He o ia mau no ka hoonee @ala ole o ke kukulu mau ana o na home nani o na limahana o keia wahi mahiko uuku, me na halekuai lehulehu, o na Kepani, na Pilipino, a koe no kaua e na Hawaii ponoi no kaua ponoi o Hawaii, o ka ninau, auhea kaua he Hawaii

He mea maopopo maikai, me Adamu i kinohi, pela no ke Akua, o Kona huhu, ua mau loa no ia, i keia lahui ana i aloha nui ai i kinohi, a lawe mai e hoi i ka aina e kahe ana ka waiu ame ka meli, ka aina hemolele o Kanaana, mailoko mai o ka aina hooluhi o Aigupita.

Hanaia i kanawai mau loa, i mea e pono ai ka lahui e noho malalo o ke kanawai, a Iehova ma o Mose la.

Ua hoohuli kue ikaika loa o Iseraela lahui, a huli i na kii pohaku, laau, na manu, na i'a, ahiki i keia la. Eia no na Kalaipahoa, na akua hoounauna, anaaua, unihipili, na kahuna kuni, he poe pepehikanaka lakou, ahiki i keia la.

Me ia mau hana, mau loa kona kuhu ahiki i keia @ora ano, pehea ka mana o ke Akua!

Ma Aihubita imua o Palao, ma ke Kai Ula, ka mane mai ka lani mai, ka wai mai ka pohuku mai, ka leo o Iehova mai ka mauna mai, e hea mai ana ia Mose e pii aku i ka mauna, ka puaana mai o ka nani o ke Akua iloko o ka ohu pouli, ma ka mauna o Sinai, kahaawi aina i na kihi, na palena e lilo loa i aina hooilina nou a mau loa.

Pehea oe i keia la? Ke huli aku i na pomaikai i kiloiia aku, a huli kua kue ino loa aku i ke Akua, o ia ke kumu i hooilihune loihi ia ai keia lahui kanaka.

Auhea ma ka honua, he onamilions, a pehea pu na kuhihewa kiekie loa, ke olelo mau nei. (He Uhane ke Akua o Iehova, aole he kino). E hoopau loa kela kuhihewa nui.

Ka Uhane, aole ia he mea kino o Sataua, ka hoku o ke kakahiaka o Diaholo, o Lekeona no ia mahele, aole lakou e uhiia ana i kino maoli ilalo ko lakou alo e kokolo ai, o oia poe ka i kakoo ia Satana.

Ina hoi kakou e mihi haahaa o kakou ponoi ka hale, a o na ohana he 12 a Tokoba e hoi hou mai no na pomaikai mau loa ma o aku, he aloha ke Akua, aole o na waiwai popopo o keia ao, ma o aku, na pa haneri 'o na ano apau, ke hiki mai oia i ka Ponono o ka piha ana o ka honua o kaukani makahiki eono, mai ka hookumuia ana mai @ keia honua ilalo nei.

O ko'u manao ponoi keia.

JOEL K. APUAKEHAU.

 

KAAWALE KO MAKOU

HOALOHA PILIPAA

Ma ke kelepona i loaa mai ai ia makou ka lono hoolele hauli i keia kakahiaka e hoike mai ana ua haalele mai i keia ola ana ko makou hoaloha pilipaa, Thomas Clark, o Wailuku, Maiu, a ua hoi aku la me ka mea nana oia i hana. Luuluu wale, me ka minamina makou e noho aku nei no kona haalele ana mai ia makou, oiai aole i upu mua ia pela ana oia e hele kohana aku ai mai ia makou aku. E hoomaikaiia na Lani. Nana no i hana a Nana no i lawe aka la.

Ua nalo, ua hala i ke ala hoi ole mai, ua imi aku la i kona hoapili he wahine i hala mua aku ma kela aoao maha mau ma o.

He makua o Kamaki no ka poe apau mai ke kiekie a ka haahaa, a o ke ku hookahi hoi mai ke ku ana 'o ka aoao kalaiaina Demokarata, ua pili aku oia me ia aoao ahiki i kona haalele ana mai la i keia ola ana, a oia kekahi alakai o ku aoao kalaiaina, a ua ike ia hoi o ka puuhana o ke Demokarata o ka Mokupuni o Maui.

E Lahaina e, ka Ma@ula o Lele, ua hala o Kamaki, ua pau kona haulani hou ana ma kou mau kuiaulu, ua pau kou ike hou ana iaia. E Molokai, Mokupuni Nui a Hina, ua hala o Kamaki, ua pau kona hehi hou ana ma kou mau kapakai, ua pau kou lohe hou ana i ko@@ lee e kalahea anu, "Eia ke ola o ka lahui."

E Makawao i ka Ua Ukiu, ua hala o Kumaki, na pau kona hiolani hou ana ma koi mau kualono, a ua pau hoi kou h@@pulu hou ana i kona ili i kou huna ua, a ua pau hoi kona hehi hou ana i kahi i ku ai ka halau onu i hoonaauaoia ai.

E Maui Hikina e, ua hala o Kamaki, ua pau kona kaalo hou ana ma kou mau alanui pali, a ua pau hoi kou lohe hou ana i kona leo waipahe e hoike mai ana i ka pono ou e ka lahui.

E na Wai Eha e, ua hala o Kamaki, ua pau kona ike hou ia ana ma na paia o ka hale hookolokolo, na pau hoi kou lohe ana i kona leo e kuhea mai ana, "Eia ae ka Aha," ua pau kona hookipa hou ana ia makou na malihini e halawai aku ana me ia, a ua pau hoi ko makou ike hou ana iaia.

He makua o Kamaki i ike nui ia iloko o na hana kalaiaina ame na hana no apau e pono ai o ka lehulehu apuni keia mau paemoke, a ua kamaaina hoi i na mea apau. He heahea, he puuwai hamama, he aloha hoa kanaka, he kanaka kupaa no ka pono o na hoaloha apau.

O makou o na hoapaahana o ka aoao kalaiaina Demokarata o Maui Hikina nei, ke komo pu aku nei makou me na keiki i hooneleia i ka makua, na moopuna i hooneleia i ke kuku, ka ohana ame na hoaloha e auamo pu i ka haawe kaumaha, a ke pule nei e hoomamaia ae ko kakou mau kaumaha apau.

O makou iho na o na hoapaahana o ka mea i hala, ma o ko makou mau alakai la, iloko o ke kaumah@.

G.P. KAUIMAKAOLE,

D.K. WAILEHUA,

J.N, HALEMANO.

Hana, Maui, Ian. 28, 1921.

 

KU I KA PILIKIA NA LIMAHANA

PUKIKI MA KAPALAKIKO

 

Ua ku a pilikia maoli kekahi mau ohana Pukiki lehulehu e noho mai la ma Kapalakiko i keia manawa, elike me na lono i hoikeia mai i Hawaii nei o ia ka nele i ka hana, a nele pu i ke dala.

He heluna nui o kela mau ohana Pukiki, he mau limahana no na mahiko, i ka wa i hoemiia mai ai ka ukahana ma na mahiko, o ko lakou wa ia i haalele aku ai i ka noho hana ana me na mahiko, a holo aku la no Kaleponi, me ka manao e loaa ana na hana maikai ia lakou malaila, me na ukuhana nunui.

Ua ike nae kela poe Pukiki i ko lakou kuhihewa, no ka mea mawaho ae o na limahana mai Hawaii aku nei, he mau haneri o na haneri o na limahana ma ke@a mokuaina, i nele i ka hana; a ua ku maoli i ka pihikia ka hapanui e lakou, me ke kauka'i aku na na ahahui kokua e malama mai ia lakou iloko o keia wa nele.

No ka huli pono ana aku nae i ka oiaio no ke kulana pilikia maoli o kela mau limahana, i haalele iho ai o Louis R. Medeiros o ka hui ka@ o Schuman, a peresidena hoi o ka Hui Pukiki Santo Autonio, ma ka mokuu@i Ventura ma ka auwina la o ka Poakolu nei no Kapalakiko, a ma kona manawa o huli hoi mai ai, e waiho nei ai oia i kana hoike, no kana mau mea i ike ai ma kela kulanakauhale, no ke kulana oiaio maoli o na Pukiki limahana malaila.

Maloko ponoi iho o ke kulanakauhale o Kapalakiko, ua hiki aku ma kahi o ka 15,000 mau limahana nele hana, pela no ka nui o na limaha@a nele hana ma kekahi mau kulanakauhale e ae o Kaleponi, a ma ko oleloia, he heluna nui o kela mau limahana, he poe Pukiki mai Hawaii aku nei, i noho hana mua ma na mahiko.

Ua loaa aku na kauoha ia Mr. Medeiros mai ka Hui Santo Antonio aku, a mai ke komite aku no hoi o na limahana o na mahiko, e haawi aku oia i na kokua apau e hiki ana iaia ke hana, i na Pukiki apau e makemake ana e hu@@ hoi mai i Hawaii nei no ka nohohana ana aku ma na mahiko.

KAKAIKAHI KA POE I HOEA

AE NO KA HUKI AINA ANA

 

 

Maiwaena ae o ka poe noi he 757 no na apana aina hookuonoono o Waiakea, Hilo, Hawaii, he 18 wale no poe i hoea kino ae, ma ka manawa i hukiia ai na inoa ma ka Poaha o ka pule aku nei i hala, o ka hapanui ua noho no lakou i kauhale, me ke kauka'i ana aku i ko lakou kulana laki, ma ka manawa e hukiia ai na inoa.

Ua kaa ia Mrs. Elizabeth Andrews o Hilo, ka helu ekahi ma kela huki inoa ana, o kona palapala ka i huki mua ia e Kiaaina McCarthy, nolaila oia ka mua loa e wae ai, a e koho ai i na apa?a aina, i weheia no ka hookuonoono ana.

He 33 ale no põe i kuleana i na apana aina i weheia ma Waiakea, eia nae he ehiku haneri me kanalima-kumamahiku ka nui o ka poe noi. Iwaena nae o ka poe i komo iloko o ka helu, a i kuleana i na apana aina hookuonoono, he 18 no Hawaii, he 14 no Oahu nei, a he @ no Maui.

O ka hapanui o ka poe noi ma keia huki aina ana o na Hawaii, eia ua@ hemau inoa no kekahi o na lahui e ae, a iwaena o ia mau lahui, he Kepani kekahi i komo iloko o ka helu.

Mahope iho o ka hukiia ana o na inoa a lawa elike m@ huki hou ia he umi inoa mawaho ae, no ka mea i ka wa e hoea ole ae ai kekahi poe i loaa ia lakou ke kuleana e koho ai i mau apana aina, ma ka manawa i hookaawaleia no ke koho ana, alaiila e haawiiaana ko lakou pono koho, i kela mau inoa he umi.

O ka põe i kuleana e koho i wau apana hookuonoono no lakou, iwaena o kela poe he 33, oia no na makaainana Amerika, a he poe hoi i uku i ko lakou mau auhau i ke aupuni, in a ua hooko ole ia kela mau mea ae la, alaila ua @ele lakou i ke kuleana e koho ai i na aina hookuonoono.

O eia malalo i ho nei, ka poe i loaa ia lakou na ulia laki, ma o ka huki mua ia ana e ko lakou mau inoa:

Elizabeth Andrrews, Hilo; Venanus Trizarry, Papaikou, Hawaii; Mrs. Keola A. Kuulei, Honolulu; Akiu Chong Ching, Honolulu; Mrs. Piilani Lum, Honolulu; Mrs. Malia Kapewa, Honolulu; George Tucker, Hilo; Mrs. Hannah Vierra, Honolulu; Alex K. Nawahi, Hilo; Thos. A. Honan, Honolulu; Santiago Pacheco, Hakalau, Hawaii; John de Guiar, Hilo; Frank M. Stillman, Honolulu; Salai K. Kahoa, Aiea, Oahu; Wm. Lai Hip, Hilo; Aikake Moluhi, Honolulu; Andrew O. Moler, Hilo; Sakaria Elissa, Laupahoehoe, Hawaii; Frant Amaral, Hilo; Jose Roque, Hilo; Tadao Oyama, Papaaloa, Hawaii; Jos. Kanahele, Hilo; Karia K. Low, Honolulu; Sarah De Mello, Hilo; Suna Tomoguchi, Hilo; John Amaral, Hilo; Mrrs. Maria Webling, Kaneohe, Oahu; W. K. Hutchinson, Honolulu, Joe F. Souza, Wailuku, Maui; Matilda A. Vogt, Honolulu; George Madeira, Honolulu; Xavier L. Helbush, Hilo.

O na inoa hoi he umi i huki hou ia mahope iho i ka lawa ana o na inoa he 33, o ia keia malalo iho nei penei:

Mrs. Wm. L. Kekuewa, Honolulu; Isabella Keane, Molokai; Mrs. Virginia Tex@ira, Pahala, Hawaii; Shuitus Sumida, Pahala, Hawaii; Bennett McClung, Honolulu; Mary K. Naope, Hilo; Malia Kailianu, Waiakea, Hawaii; Maleka Keawe, Hawaii; Laika Nawailau, Hilo; Frank R. Coelho, Wailuku, Maui.

 

NEW YORK, Feb. 8.- He iwakalua kemamaono poe i make a hookahi haneri ame iwakaluakumamalima mau ma'i o na ma'i hiamoe i hoikeia mai ianei i keia la.

 

KA MOKOU MOOPUNA H. I.

LUMAHEIHEI JR. UA HALA

 

Mr. Lunahooponopono o ka Nupepa Kuokoa, ke Kawalia opio nana e hoonee nei na ki o ka mokulele, Aloha nui kaua@-E oluolu mai hoi oe ia'u, in a he @umi kaawale kekahi o kou moku, ke noi aku nei ai ia oe, no'u hoi ia rumi, no kela mau hua e kau ae la maluna, a na kou ahonui hoi ia e hookomo iho iloko o ka kaua elele mama apuni na moku mai Hawaii moku o Keawe ahiki aku i Kauai o Manokalanipo, i ike iho na kini, na makamaka o makou i na meahou.

Ma ka Poakahi o ka pule i hala aku la, Ian. 24, hora 2 p.m., ua kii mai la ka anela o ka make a kaili aku la i ka hanu hope loa o ka makou moopuna i aloha nei ia.

Ua hanauia mai oia mailoko mai o kona mama Mrs. Luika Lumaheihei D. Kaaiawaawa ame kona papa Daniel Kaaiawaawa, i ka mahina o Sepatemaba, la 9, 1920, ua like me eha mahina me na la 15 ame 8 hora a make aku la.

Ua piliia e maua ke kula mai ke Ehukai mai o Puaena ahiki aku i na kula loa e waiho mai nei a hala loa aku i ka Uakukalahale o Honolulu, pela no me ka hoi ana mai, aole wahi koe i ka piliia e hoonana ae ana au i na kaumaha ame na luuluu no ka mea aloha, aole e loaa, ua nalo huna na maka i ka polikua a Kane, pela i ko ai ka mea i oleloia ma ka Buke Nui: O ke kanaka i hanauia e ka wahine, ua hapa kona mau la, ua piha i na popilikia.

Ua hoihoiia aku kona kino lepo me kona mama i hala mua aku. Ke haawi aku nei au i ka mahalo i ka poe apau i hele mai a ala like me maua na tutu me ka lakou mau makana bo-ke pua, no ka maua mea aloha he moopuna.

E oluolu hoi oukou e lawe aku i keia mau hoomaikai mai ia maua aku, a na ke Akua e haawi mai me kona aloha, i na hoopomaikai he nui ia kakou apau, a ke noi ae nei au i ka'u leo pule i ke Akua e hoomama mai i na kaumaha ame na luuluu ma ko maua mau kino, a peia me na ohana.

Me ka Lunahooponopono ko maua mahalo, ame na keiki o ka papapa'i.

O maua iho no me ka ohana,

MRS. K. W. KANIHONUI,

H. N. KANIHONUI.

Waialua, Oahu.

 

HE HOOMAIKAI NUI

 

E oluolu mai e na sela o ka Nupepa Kuokoa, e pahola ae i kela poomanao e kau ae la maluna, i olino aku ai kona malamalama ma na aekai aloha ou e Hawaii.

I na lala o ka Ahahui Ke'a Ulaula, ka Ahahui o ka Hale o na 'Lii, ka Ahahui C. E., na hoahanau o ka Ekalesia Kalawina, ke hoomana o'u mau kupuna i hala e aku, ame na hoahanau o ka Ekalesia o Iesu Kristo o ka Poe Hoano o na La Hope nei, o ka Mokupuni o Kauai nei, ke haawi aku nei au ame ko'u ohana, i ka hoomaikai nui ia oukou apau, no na makana manawalea a oukou i pahola mai ai maluna o makou, ka poe i lilo i pio na ka waikahe weliweli, o ka la 16 o Ianuari i hala, ka waikahe nana i hoopuanuanu mai i ka holo ana a ke koko iloko o na puuwai o ka poe apau o Waimea nei i loohia i na poino a ka wai.

E lilo auanei ka oukou mau hana aloha i ka hoa kanaka i moto e o mau ana ia hanauna aku ia hanauna aku, a na ka Haku Iesu Kristo auanei e hookupaa ia oukou ame makou iloko o ka oiaia apau.

Owau iho no me ka oiaio,

U. M. NAWAI.

Waimea, Kauai.

 

E KUAIIA AKU ANA

NA AINA O WAIMANALO

 

Ua pau ke a@aia ana o na apana aina pili kahakai o Waimanalo ae nei e ke Anaaina W. E. Wall o ke Teritore i keia manawa, a i ka wa e pau ai na kii i ke kaha, a e aponoia mai ai na mea apau e na luna oihana o ke Teritore ame ke Kulanakauhale a Kalana o Honolulu nei, o ka wa ia e waihoia aku ai kela mau apana aina imua o ke lehulehu ma ke kuai, i mau home pili kahakai.

I kulike ai me na mea i hoolalaia @ ke Anaaina Wall, ua hiki aku ka nui o na apana aina pili kahakai ma Waimanalo i kupono no ke kukulu ana aku i mau home noho, ma kahi o ka elima haneri.

O na apana e huli pono aku @@a i k@ kai, ua hoomaopopoia, aia u@a kahi o ka hapaha eka.

O na dala e loaa mai ana ma ke kuai hoolilo ana aku i kela mau apana aina e hooliloia ana ia no ka hana ana i na @na kela mau apana aina o ke alanui mai Waimanalo mai a hoea i ke alanui holopuni malalo mai o ka pali o Nuuanu, e hanaia aku ana ia, ma o na dala i loaa mai, ma o ke kuai hooliloia ana aku o na bona, he manawa pokole wale ae nei no i hala, nona ka huina o $250,000.

No ke kumukuai o ka apana aina hookahi, aole i maopopo i keia manawa, aka nae, ma ka oleloia, ma na hoolilo i hanaia no kekahi mau apana aina pili kahakai ma Waimanalo, mamua aku nei, ua hiki aku ke kumukuai o ka eka hookahi ma kahi o ka elua kaukani dala.

Mawaho ae o na apana @a hale i pau i ke anaia, e hookaawaleia ana kekahi mau eka, i paka no ka lehulehu, a he mau eka no hoi kekahi i hookaawaleia i mau kahua paani, aia nae a holopono na mea apau i ka hanaia, ia wa e maopopo pono ai kahi o ka paka e waiho ai, a pela hoi me na kahua paani.

Ma ka oleloia, in a e paa aua kela mau apana pili kahakai o Waimanalo i na kauhale, o kekahi ana kela o na wahi nani, no ka hoomaha ana i kekahi manawa o ka makahiki.

 

E HOEA MAI ANA KA

REV. LOYAL L. WIRT

 

Ua lohe mai au e hoea mai ana i Honolulu nei ma ka la 14 o ia keia Poakahi ae, ka Rev. Loyal Wirt, F.R.G.S. No kekahi mau makahiki lehulehu ko'u kamaaina ana ia Rev. Wirt. Ua paaia eia kekahi mau kulana hana ko'iko'i a ua lilo no hoi oia he mea kiekie mamua o ka lehulehu ma ke ano he mea haiolelo i ohohiaia. Ia kakou i komo aku ai iloko o ke kaua ua loaa aku iaia he hookohu mai ke aupuni aku me ke ano he komisina Ke'a Ulaula a he mea kakau meahou no ka Nupepa Boston Herald. Mahope mai ua holo aku oia e makaikai i kahi kokoke i ka Hikina, me ke kaahele ana maloko aku o na aina o Armenia i hoopoinoia maloko o Asia Uuku ame Suria. No kona lawa loa me na ike e pili ana ia mau wahi, a he ko'iko'i no hoi kona hilinai me ka hialaai nui no ka pono o na wahine ame na keiki i howhaehaia a e aneane mai la e make i ka pololi ma Armenia, ua haawi oia iaia iho no ka makahiki a oi ma ka haiolelo ana ma ka aoao e loaa aku ai ke kokua i kahi kokoke aku i ka Hikina. Ua pomaikai na kanaka o Honolulu ame na mokupuni ka loaa ana ia lakou o Dr. Wirt ianei no ke kokua ana i ka lakou hana hoeueu kokua no na lahui kokoke i ka Hikina.

HENRY M. KELSEY,

Kakauolelo o ka Papa Amerika no ke

Kapakai Pakipika.

 

NUI NA HIHIA O KE

SABATI AKU LA I HALA

 

Ma ke Sabati aku la i hala, o ke kahi ia o na la nui o na hihia, me ka nui pu no hoi o ka hana a na makai, e laa na hihia aihue, ka on a, ka hakaka, ka holonui ame kekahi mau hana hoohaunaele Sabati e ae.

O ka mua loa o na mea i hoike'a ae i ka oihana makai, ma kela la, ma ka hora umi no ia o ke kaka@iaka, no ke komo aineia ana o kekahi home ma ke alanui College; me ka loaa ole nae he hoike a ka oihana makaikiu, ahiki i ka hora umi ma kela po.

Ua hiki aku ka nui o na hihia ma kela la, i ka iwakaluakumamakolu, me ka hoopau wale ia nae o kekahi mau pilikia, ma ke komo ana aku o na makai e hoomalu a e uwao.

Ma kekahi paina luau o ka malamaia ana ma ke alanui Liliha me Kukui, ua ala ae kekahi haunaele malaila me ka hoea ana aku o ka makai, a hoomalu i kela haunaele, o kahi nae o ka iaki, aole he poe i hopuia.

Ma ke alanui hoi o ka Hale Pupule, he kiakaa otomobile ka i pepehiia e kekahi kanaka Hawaii.

Mauka ae nei o Kalihi, no ka pepehi ana o kekahi kane i kana wahine, i paa ae ai oia i ka hopuia.

Mai ke alanui Liliha mai no me Kukui i loaa hou mai ai ke kahea i ka halewai, no kekahi hakaka, a i ka hoea ana aku o na ka@@ka o ke aupuni, he hookahi mea i paa mai i ka hopuia.

Mauka ae nei hoi o Palama, i loaa hou mai ai ke kahea i ka halewai, no kekahi haunaele, pili ohana, a i ka hoea ana aku o na makai, ua hoopau wale ia kela pilikia, me ka paa ole o kekahi mea i ka hopuia.

Ma kekahi hoi o na wahi hoolulu o na kaa otomobile hoolimalima ma ke alanui Moi, i paa ae ai kekahi mea, no kona hoeha ana i kekahi luina.

He hoopaapaa kekahi i ala ae ma kahi hoolulu o na kaa otomobile, ma ke alanui Bekela, eia nae, ua hoopau wale ia kela pilikia, mamuli o ka hoea ana aku o ka makai.

Ma ka hapalua hoi a oi o ka hora eono ma kela ahiahi no, i hopuia ae ai kekahi kiakaa otomobile o H. Suzuki ka inoa no ka holonui, a i ka ninauia ana aku, in a he laikini kona, i maopopo ai, aole on a laikini, a he Kepani ohua kekahi e kau ana maluna o kela kaa, i pau pu ae i ka hopuia, no ka mea he mau omole okolehao ka i loaa aku malalo o kona malu, a i kiolaia nae eia, i ka wa i ike mai ai i ka makai.

Maloko hoi o ka hale kiionioni o Palama i ala ae ai kekahi hakaka, a o ka hopena i ikeia, o ia no ka paa ana o elua mau kanaka Hawaii i ka hopuia.

Maloko hoi o kona rumi, ma ke alanui Muliwai, i pepehiia ai kekahi Pilipino e kekahi poe koa, a ma ka oleloia, he kuai okolehao ka hana a kela Pilipino, a i kona hele ana e kuai i waimomona, a hoi mai, i ala ae ai kekahi hoopaapaa mawaena on a ame kana mau malihini, a o ka hopena i oili ae, o ia no ka pepehii@ ana o kela Pilipino, a maloko aku o ka halema'i o na uliapoino i wa hiia mai ai kona poo ame kona mau wahi i eh@.

O kela ae la na mea i hoikeia ae i ka oihana makai, a o kekahi mau pilikia e aku, i hoike ole ia mai, ma kela la, ua @alo ia mai ka ikeia ana ae e na kanaka o ke aupuni.

 

KUKULUIA KA AHAHUI KA HALE

O NA ALII MA KAUAI.

 

Ma ka hora 2 o ka auwi@a la Sabati nei, maloko o ka Holo o Kapaa, i kukuluia ae ai he Ahahui Hawaii hou, a he lala hoi no ka Ahahui Hale o na Alii o Hawaii o Honolulu nei ao ka lua hoi o na ahahui lala i kukuluia e keia Ahahui.

O ka ahahui lala mua a ka Hale o na Alii i kukulu ai, ma Hilo no ia, a ua kapaia aku kona inoa, ka Halau o Kalakaua, a o ka Halau hoi o Kapiolani ko Kauai.

Ma ke kukuluia ana mai la o keia ahahui hou, he hookahi haneri me iwakaluakumamahiku poe i akoakoa ae ma kela halawai a lawe ae i ka hoohiki poni no ka lil oana i mau lala no ia Halau, me ke kohoia ana o keia mau inoa malalo iho nei i mau lunanui.

Peresidena, Mrs. Samuel Keliinoi; Hope Peresidena Ekahi, Wm Werner; Hope Peesidena Elua, Mrs. Lucy Wright; Kakauolelo Moolelo, A. G. Kaulukou; Kakauolelo Ohidala, Mrs. Abbie Kaauwai; Puuku, W. O. Crowell; Lunahooia, Wm. Wright; Kahunapule, J. K. Kaauwai; Luna Poni Lala, C.L. Kelekoma; Ilamuku, S. K. Kaahu; Hope Ilamuku, John Hano; Kiai Loko, Mrs. Henry T. Sheldon; Kiai Waho, Pat Maluna; Papa Hooko, W.C. Achi Jr., S. W. Meheula, ame John A. Kealoha; Komite Ma'i, J.M. Kaneakua, S. K Kaeo, Chas. Keahi, Chas. A. Titcomb, Mrs. J.D. Cook, Mrs. S. K. Kaulili, ame Mrs. L. Mundon; Komite Lala, Henry Blake, D. K. Kaaeamoku, ame Mrs. S.W. Meheula.

Ma ke ahiahi o ka Poaha o kela pule aku nei i kau aku ai ke Kamaliiwahine Wahikaahuaala Kawananakoa, W. Hall, Andrew Bright, Chas. Lake, Kauka Wong Leong, ame kekahi poe e iho o ka Ahahui Hale o na Alii o Honolulu nei, Mrs. Lala Puhiula ame Mrs. Alexander Nawahi o ka Halau o Kalakaua o Hio, maluna o ka mokuahi Kinau no ke kukulu ana i kela ahahui hou ma Kauai.

 

PENEI KA BOOSTER @@@@

"Ma ka aia i lawelawela @@@@ o ke ao nei. Nawai hoi ka @@@@ me ke kuike wale no e uku @@@@ kahi i ke kui, aole ana e hi@@@@ o na kanaka ke hoomaka"

Pololei wale keia olelo. He kuleana ko kela ma k@@@@ paamau i ka hana e lawe ai. Ma keia halekaui, ua hiki i hana i kela pono kuai me no ia mea. Ua makaukau ma ma ko makou aoao.

 

E WEHE I MOOHELU@@@@

THE Model Cloth@@@@

"Ka Halekuai Hoo@@ H@@@@

1139-Alanui Papu@@@@

 

HALEKUAI O NA HAWA@@

LEHULEHU.

 

E naue ae ma ka Makeke na ma Alanui Maunakea m@ keke, in a he makemake m@ kou e ola ai ka ohana, me @ ke kumukuai makepono i@@ ke kipa ana aku i@ PAKE m@ ma, oiai aohe no hoi i @@ Hawaii i ka hoolako ana ak@ oukou mau home.

Kumukuai e pau ana o @ ma ke dala kuik@ wale no.

Kopaa helu 1, 12 pao@@, @ lu 1, 15 paona, $1; uala ka@@ 30 paona, $1; waiubata on@@ 60c; Kona kope, 1 paona, (

naval), 1 kakini, 60c; kopa no $1; pipi paakai, 1 paona, salmon, 1 kini, 25c; eke pal@ on a, $2.85; eke kulina, 100 @@ 50; pahu aila mahu, $3.25; k helu 2, 15c; 2 no $25c; kini kini sardine, 10c; kini waiu @@ 2 no 23 (Hebe)e kini kele, 45c (1XL); omole e@oweh@ 50c; omole catsup, 25c; o@@ ava, 20c.

He nui wale aku na mea @@@ no oukou na Hawaii aloha @@  kulaiwi o na kupuna o ka@@ aku ma kela ao, pehea e nan@@ ana no anei oukou i na Haw@@@ nei ma na ano apua e ke n@@@ iwaena o na PAKE me na K@@@ HALEKUAI O NA HAWAII LEHULEHU.

Makeke o ke Kala@@, Kele Alanui Maunakea.

Aala Makeke, Helu 8, Kele@@ Alanui Moiwahine.

 

I ko lakou hoea ana aku n@@ paholaia mai la he paina @@@ na malihini ma ka home o k@@ nawai ame Mrs. W,. C. A@@ Niumalu, Lihue, me ka piha @@ o na mea apau i akoakoa ae @@

O ka Ahahui Hale o na A@@ noll nei, o ia kekahi o na a @@ waii ikaika ma keia teritor @@huina nui o na lala i anean@@@ kaukani, he ahahui hou hoi @@@ he elua makahiki i hala ae@@

Mahope iho o ka pau @@@ kukulu ahahui a ke Kan@@@ ame kona mau hoa na holo@@@ aku lakou ma kekahi mau @@ Mokupuni o Manokalaaipo, @@ ahiahi Poalua nei i kau ma @@ ma ke Kinau a hoea hou m@@ kaona nei i ke kakahiaka n@@ nei, me ua olu kino maikai.

 

AHAAINA A KA HAKU @

NAPOOPOO, K@AL

 

E Mr. Lunahooponopono o @@pa Kuokoa, Aloha a nui:-@@ ahi Poalima, la 4 o Feber@@@@ hiki mai la o S. L. Desha i nei ke komite i kohoia no n@@ Huiia o Lanakila ame K@@ Kahikolu, a ma ke Sabati, la @@ aina berena: he poe kekahi @@ moia he mau luna ekolu.

Eia na luna: Miss Mab Moses Moku ame Zapena P. kaimaile. Na hoahanau, Mi@@ Nawaa, Miss Malaole Kaolu Nawaa ame Iwikauikaua, o  hope, he kanaka makua oia, no hoi i noho ma ka w@ ia @@ Polepe mai, Paris a he nui kahunapale, aole loa i komo hanau.

Mamuli o ko'u hoopapa m@ kuu olelo aku e komo oe i @@ e komo au i luna ekalesia; @@ nawa loihi keia hoopapa ana iho la i ko mana komo like: he mea la ua hiki aku no makahiki i ke 9-, oiai, hiki @@ @es i Hawaii nei, ua nui oia, kapo oia e hoohilahila aku poe mea maka; a eha poe i @@ a ua piha no ka luakini.

Mamua o ka pule ana o kamailio mai la oia e hele hanau e lululima pu me na @@ sia hou, a i ka'u ike ihe, he oli, o ia no oe me he pual@@ mai ka lani mai.

Me na keiki hoonohohua @ o kuu aloha me kae @@@@@

Z. P. KALOKUOKA.