Ka Nupepa Kuokoa, Volume LIX, Number 5, 4 February 1921 — Page 8
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
HE HOOMAIKAI NUI I NA KULA
SABATI O KALAUPAPA
ME HALAWA.
Solomon Hanohano, Esq., ke Kapena @@@@ Nupepa Kuakoa nana e hookele @@@ i na @@@@@@ like ole o kela ame @@@ ano i @@@ @ @@ Teritore nei; Aloha kaua a @@@ - E oluolu mai hoi aina he wah@ @@@@ @ hookomo iho hoi oe ma @@@ kaawale no kela poomanao malu@@ @@ @@ hoomaikai nui i na kula Sa@@@@ o Kalaopapa ame Halawa.
Ma@@@ o ka loaa pono ana mai o ka oukou mau @@@@ he $20 mai ka Rev. Samuel K. Kamaiopili mai ma o ka oukou kahu ia, Rev. D. P. Mahihila @ @ @ @@@keia mai na mahele ia'u elike me keia a'u @ hoike aku nei penei: Ku@@ Sa@at Siloama, $5 Ekalesia o Ka@@@@ Hou, $5: Kula Sabati o Kanaana Hou, $5: A@a@ui C. E. o Kauaana, $5; Rev. S. K. Kamaiopili, $2.50; huina, $22.@@.
Kula Sabati o Halawa, mai ia Jos. Kamano mai, ka huina o $25, ua loaa p@@@ mai i ke @omite nui.
O keia mau kokua i loaa mai i ke @@@@ n@ k@ makou luakini, me ka nana ia @ malamaia ana ka hoike hui @@@ Kula Sabati o Molokai nei ma ka @ @@@ @@@@ma@a, 1920, elike me k@ @@@@@@ ana a k@ Kahu Kula Sabati @@@ Molokai nei.
@@@ @ ka @@i maoli o ka ino, ua hiki @@ @@@mea apau i hoomakaukauia no ka @@@@, oiai ka aina e uhi pu ia ana @@ @@ a ka ua, a oiai o ka la Karisi@@@@ ma o makou nei, he la ia no mak@@ @ au ana iloko o ka wai ame @@ @@@ @ holopapa ana ia Kaunakakai @@@.
A hoike n@ ka ike pono i na ino a k@ @@ ame ka lepo o makou nei, o ia @@ Rev. S. K. Kamaiopili ame Peresi@@@@ @. W. Smith o ka L. D. S. Hawaii@@ Mission, ua ike pono laua i keia ino @@ @@@ laua i hoaumoe ai.
No keia mau Kula Sabati i haawi m@@@ ka lakou mau kokua ana, ame ka @@@paahana iloko o Kristo, Rev. S. K. Kamaiopili i haawi mai i kona lima @@@@ no keia hana kokua. Oia ka'u e @@@@ aku nei i na hoomaikai a nui loa @@ @@@ @ na Kula Sabati o Kalaupapa @@@ Halawa, a na ka Makua Lani e @@@@@ mai i k@ oukou mau waihona a p@@@ a ka me ka malu mai na Lani @@.
M@ @@ Mr. Lunahooponopono âme @@@ @@@@ keiki paahana ko'u aloha nui.
O@@ iho no me ka oiaio,
JOSEPH N. @AHINUI,
Ka@ Kula Sabati Nui o Molokai a ko@@@@ nui @ na Hana Kristiano o Ka@@kakai, Molokai.
@@@@@@@ 21, 1921.
HAINA NANE
Ka@ makemake ia Mareka,
@@@ w@@@oka i a ka ululaau i ka moana;
@@@@@@@Molokai poahi Lanai,
@@@a@@a@nahunahu a eha Molokini,
I@@@@@@hu ia e Puuolai,
I@@@me@ia@ke kuahiwi o Lihau
I Ka @@@@a@mau ia e ka ua ukiu,
Na na kahawai i hoopihi ia Olowalu,
Olowalu, olowalu, olowalu ka leo o ka makani ia Ukumehame.
P@ha@@na ka ihu o ka waa ia Launiu-poko.
@@@@@@@@Lahaina keikei i ka ua paupili,
@@pili aloha ia o Maunahoomaha me K@kaa.
M@@ Lunahooponopono:--Nou ko'u @@@@@ ahonui e uwila ae ma kahi kaa@a@@@ @@ Kilohana Pookela o ka Lahui Hawaii, no ka'u haina o ka nane a ke @@ki o Uwahipouli, o ia no o J. W. K. Kakelamaluikaleo, in a i'o hoi i kulike me ka'u i iini ai, o ia ka haina pololei, a@@la, na hoi puolo ke keiki o Nawai@@@ B@@. Aka, i kulike ole no hoi, alai@, ua huhewa ia ke Kinau, a Kalaudi@a o huli hele nei, a penei ka hoonee ana o ka'u mau iliili pohaku:
Eia au la he kama, he kupa, he ewe, @ h@ keiki papa hoi nou e Hawaii kua-@@ nui a kea, o ke keiki a Kapukapu me Holei, o ke kiai pali o Panau o Puna i Hawaii@ no'u ua akaku like ole ekolu @ maai@ @@@, a pela au i heaia mai ai e @ ka honua holookoa, na aloha ekolu @@ a ipo hookahi.
Owai ke kama? Haina: Kuu.
Nona hoi keia mau huamele oi paana@@ i ka p@@ o ke au kahiko, penei:
Kuu aloha la e, kuu aloha,
Kuu aloha i ka pua o ka ohawai,
O ia pua l@hea wale mai no i kana@@@@
He ipo aloha na'u ke ala me ke onaona
Onana no oe e ia pua ke pili mai
@wau @@ hoa.
Haiaimu ua manu i ka pua o ka manane.
No ia nei ma mahele elua aia i ke @@@ a oia no hoi i ka aina nei, i kulike @ m@ ia manao o ka mea nana ka nane @ olelo ana penei: E kakali mahe iho @@ @ la'i pono ae@ka makani, aia ahiki mai o Mahealani, alaila, e manao iho @@au @ hea.
Owai au ia oe? Haina: Ipo
A penei e kohu ai na laina mele i ano paa@aau iki i kou kiu hanu meahou n@i penei:
Goodbye kana e kaula i Niihau.
Eia ae ka makani i ka mole olu Lehua,
Kahiko ia no Pihanaokalani,
E Kaililauokekoa e ua moe oe;
Aole au i moe,
Eia no au ke ala aku nei,
Ina oe he wahine, o ka'u wahine aloha o@ in a hoi he kane, o ka'u aikane aloha oe.
O ke kolu hoi@--He inoa au ua kauiana @puni na moku a loaa ae no au ia oe i ka moku o Manokalanipo i Kauai, @ hooipoipo ana i ka piko o Waialeale, ala@@a, e loaa ae no au ia oe i ka poli o Kanikawi. O wai hoi au ia oe@
Haina: Aloha.
O ia paha ka mea i holo ai o ia mau lalani e hula ia nei o ka poe @ahiohio okolehao o keia mau la e nee nei, penei:
Aloha no au i ko maka,
O ko ihu waliwali ka'u e honi aku,
Koe aku ko piko hene waiolu,
Ua kapu na ka ona waiwai.
I ka hoohuiia ana o keia mau iliili pohaku ouka o Alelele i Makawao, Maui, alaila, e loaa pono no ka haina pololei loa o Kuu Ipo Aloha.
Nolaila, e loaa pono ana paha ua keiki nei o ke Keena o Uwahipouli i ke Keiki o Nawaieha i Waikapu, Maui.
Nolaila, me oe no ko'u hilinai nui ana e Mr. Lunahooponopono o ka Nupepa Kuokoa, ame na keika hoonoho hua o kou keena ko'u farewell.
Kou oiaio,
O. K. PONIAULANI
Ua hu i'o no ke Kinau, ke huli hele nei ke Kalaudina, i kau a mea o ka hoaa. Pilikia ole no ke keiki o na keena o ka Halepaahao o Uwahipouli ia oe; hoao hou ia mai!-L. H.
HAINA NANE.
Aloha ia no o Puukohola,
Heiau kaulana a ua 'lii,
Alawa iho oe o Mailekini,
Ka waiho nani mai o Haleokapuni;
Maalo i ke Kai Hawanawna,
O ke one laula o Kawaihae,
Hoohaehae ana ka Waileia.
Ka makani hu'ihu'i o ka aina.
Mr. Sol. Hanohano:- E oluolu mai hoi kou ahonui, ina he wahi rumi kaawale kekahi o ka kaua hiwahiwa, o ia hoi ka Nupepa Kuokoa, ka elele lawe meahou apuni ka honua nei, i ike mai mai na loea huli nane, a ke keiki kae'ae'a J. W. K. Kakelamaluikaleo.
Eia au la he kama, he kapu, he ewe a he keikipapa no hoi au no Hawaii nui akea, e loaa no hoi au ia oukou, mai ke kai ahiki aku i na piko o ke kuahiwi, no'u hoi ua akaku like ole ekolu e maalo nei, pela hoi au i heaia mai ai e o ka honua nei, he ipo hookahi i aloha ia e na mea ekolu. Owai la au ia oukou! Haina: Puu.
Oia nei ka ipo a na aloha ekolu. Pehea i lilo ai o puu o ia ka ipo a na aloha ekolu@ O ka mua, e hoike kakou i na aloha ekolu, i hiki ai ia kakou ke hooiaio, ua lilo o puu i ipo aloha na ua mea ekolu.
Owai ka mua, o ke aloha@ Haina: Ko. E loaa no ia ia kakou ma na mokupuni apau o ke ao nei. Owai ka lua Haina: Ho. He malihini hoi au i ko alo, a kamaaina no hoi au i ko leo, a he mea hooko no hoi au i ko leo, a he mea hooko no hoi au i ka makemake o ke kauoha. Pololei, penei:
No ka mea, he huaolelo keia ua paanaau i na kalaiwakaa lio apau, o ka lio he malihini ia i ke alo o ke kauaka, a kamaaina hoi ia i ka leo, eia na leo a ua kalaiwakaa, e kamaaina ai na lio: Ho Ja@k, Ho Jim, Ho Charlie, a pela aku, a pela i holo ai ka manao o ka nane, milihini i ke alo, kamaaina i ka leo.
Owai hoi ke kolu o na aloha Haina: La. He inoa au ua kaulana apuni na moku, e loaa no hoi au ia oukou malalo pono, a ma ke kowa o na mokupuni: pololei hou no. No ka mea, o la, e puka mai ana ia malalo mai o na mokupuni, a ma ke kowa o na mokupuni, pela hoi i holo ai ka manao o ka nane, malalo a ma ke kowa o na mokupuni.
I ka hoohui ana ae ia Ko. Ho ame La, ua lilo iho la lakou na aloha ekolu i ka ipo hookahi, ua hoike ae nei kakou o puu o ia ka ipo i aloha ia e na mea ekolu. Pehea kakou e hooiaio ai Pela i hoio ai ka manao o ka nane, na aloha ekolu i ka ipo hookahi.
Ke manzo nei au ua lawa keia mau haina no ka nao, a ke keiki huli mea pohihihi.
Loaa pono aku la paha oe i ke keiki pahu ih@ o na pali nihinihi o Molokai, me oukou ko'u aloha, e na keiki hoonohonua kepau.
KEIKI I KA LEI I KA MAKANI O HAWAII.
Lihilihi pili aina ole mai la ka helena a ke Kilauea, i ka hao a ka makani Kona, a kikiipau. Hooia mai ka ike hookele o ke kapena i ka wa ino a nui. Eia iki iho no kahi eu ke pili ae la; huli hou ia mai!-L. H.
AHAHUI KULA SABATI O MAUI.
E halawai ana ka Ahahui Kula Sabati Ahahuina o na Mokupuni o Maui. Molokai ame Lanai ma ka Luakini o Paia, Maui, ma ke kakahiaka Poaha o ka la 10 o Maraki, 1921, ma ka hora 10 kakahiaka.
Ke kauohaia aku nei na lala apau o ua aha la e hiki mai ma kahi ame ka manawa i oleloia maluna ae, oiai, e kaawale ana au no na hana o ka lehulehu ma ka ahaolelo i ka manawa e malamaia ai ua halawai la.
Ma ka la 27 o Ianuari, 1921, ma Wailuku, Maui, i noho ai ke komite hooko a ka Aha, no ka hoopiha ana i na hakahaka o ka hope peresidena ame ka hoakuka. Ua kohoia o Hon. M. P. Waiwaiole i hope peresidena, a o Hon. R. J. K. Nawahine i hoakuka: a na ka hope peresidena, Hon. M. p. Waiwaiole e malama i ka Aha i oleloia maluna ae.
Ke kauoha pu ia aku nei na Kula Sabati malalo o keia Aha, e hoomakaukau i ko lakou Kula Sabati no na hana o ka hoike Kula Sabati ma ke Sabati o ka la 13 o Maraki, 1921.
JOHN W. KALUA,
Peresidena o ka Ahahui Kula Sabati o na Mokupuni o Maui, Molokau ame Lanai.
Wailuku, Maui, Ian. 27, 1921.
AHA EUANELIO O KA MOKUPUNI O HAWAII.
Halawai ka Aha ma ka Luakini o Haili, hora 9:30, Lunahoomalu S. L. Desha ma ka noho, a nana no i malama ka manawa haipule; hoomaopopoia na lala.
Kalapana, J. Kama, kahu, Mrs. Kama, elele; Opihikao, J. Kama, komite, Mrs. Kuamoo, elele; Puula, J. Kama, komite, Mrs. Kalawe, elele; Olaa, J. Kama, komite; Hakalau, D. Lonoehu, komite, Ane Kukona, elele; Laupahoohoe, W. Laeha, elele, S. Kohala Huiia, W. M. Kalaiwaa, kahu, Mrs. Lioe Kaanaana, elele; N. Kohala, C. K. Kamahoahoa, elele; Kekaha, J. Upchurch, kahu; W. Keanaaina, elele, Mokuaikaua ame Helani, O. K. Kamau, kahu, H. Komomua, elele; Lanakila ame Kealakekua, Z. P. Kalokuakamaile, elele; Konawaena Haole, D. M. Weller, kahu; Pukaana, J. Keala, kahu, J. K. Kaupu, elele; Kaohe, Milolii, J. Keala, komite; Waiohinu, J. N. Kamoku, kahu, J. K. Kekaula, elele; Kapaliiuka, J. N. Kamoku, kahu; H. Kapena, elele; Kona-waena haole, D. M. Weller, kahu; na keiki i laikiniia, Mrs. McDougall.
Na ka lunahoomalu i hoike mai i na kumuhana he 25 a ke komite imi kumuhana, H. P. Judd, J. Keala, J. Upchurch, a aponoia.
Koho ka lunahoomalu i na komite mau: Komite haipule, J. Upchurch, W. Keanaaina Jr., J. K. Kaupu. Komite o na papahe@u, J. N. Kamoku, Z. P. Kalokuokamaile. J. K. Kekaula. Komite o na kihapai, W. M. Kalaiwaa, D. Lonoehu, H. Komomua. Na palapala hoopii, J. Keala, W. Laeha, Mrs. Lioe Kaanaana; na keiki i laikiniia, D. M. Weller, J. Upchurch, S. L. Desha; hoalohaloha, J. N. Kamoku, Mrs. Kama, K. Kama.
Kumuhana 3, hoike o na papahelu: Na J. Keala i ko Pukaana, Kaohe, Milolii, na D. Lonoehu i ko Onomea, Hakalau; na ke kakauolelo i ko Kekaha.
Kumuhana 4, hoike o na kihapai: Na Mrs. Kama i ko Kalapana, Mrs. Kuamoo i ko Opihikao, Mrs. Kalawe i ko Puula, na ka lunahoomalu i ko Haili, Mrs. Ame Kukona i ko Hakalau, na ke kakauolelo i ko Laupahoehoe; na Mrs. Lioe Kaanaana i ko S. Kohala na W. Keauaaina Jr. i ko Kekaha, na H. Komomua i ko Mokuaikaua me H@lani; na Kalokuokamaile i ko Lanakila me Kealakekua; na J. K. Kaupu i ko Pukaana; na H. Kapea i ko Kapaliiuka; waihola i ke komite o na kihapai
Kumuhana 5, na keiki a ka Aha: Na Mrs. McDougall i kana, a na ke kakauolelo i ka J. K. Lawelawe.
Kumuhana 6, na palapala hoopii:
Na ke kakauolelo i heluhelu i ka palapala kahea kahu o Pukaana a waihoia i ke komite.
Ma ke kapaeia ana o ua rula, ua aoia o D. Lonoehu e hoike waha mai no na mea e pili ana i ka luakini o Hakalau, a aponoia. Ua loaa i ka ekalesia ka lakou hapa he $570, a ua hoihoiia i ke komite, D. C. Williams; ua aeia ko lakou komite e komo aku iloko o na ekalesia o keia mokupuni e noi ai i na kokua no ka hapa i koe; e ike mai i na ki@apai o Hawaii i na komite e komo aku ana iloko o ko kakou mau ekalesia.
Kumuhana 12, ka hoike a ka puuku o ka oihana kahunapule: Ma ka hoike he $2200 ka loaa, $755.35 na hoolilo.
Kumuhana 8, na kulahanai: Na S. L. Desha i hoakaka mai, me ka hoike pu ana mai i ka waiho ana o ke kumupoo i kona kulana, o ke Kula Hanai o Hilo, N. C. Lyman, ua paipaiia mai na lala e hookomo mai i ua keiki iloko o keia mau kula, a lohe ka aha i kekahi mau olelo mai ia Rev. Peter E. Huyler, kahu o ka Ekalesia Haole o Hilo, ame kana palapala hookuu mai kona Aha mai ma Amerika e pili me keia aha, a aponoia.
9. Kula Kahunapule: Aole.
10. Ke kulana oi aku no ka oihana kahunapule. Hoopanee ka Aha me ka pule a O. K Kamau.
Akoakoa ka Aha i ka hora 9:30; malamaia ka manawa haipule e O. K. Kamau.
Lunahoomalu S. L. Desha Sr., kahea inoa, heluheluia ka moolelo o ka la i hala a aponoia.
Kumuhana 3, hoike o na papahelu: Na ke Kahu S. L. Desha i ko Haili, na ke kakauolelo i ko Mokuaikaua i ko Waiohinu me Kapaliiuka.
Kumuhana 4, hoike o na Kihapai: Na @ K. Kekaula i ko Waiohinu, na C. K. Kamahoahoa i ko N. Kohala.
Kumuhana 11, na hana hooneemua i ua ekalesia: Ua kamailio mai o D. M. Weller no keia kumuhana.
Kumuhana 12, lulu no na wahine kanemake: Hapaiia ka lulu a loaa na lala he iwakalua.
Kumuhana 12, ke ola o ka Aha Paeaina: Ua maopopo i na ekalesia ko lakou mau haawina.
Hoopanee ka halawai me ka himeni ame ka pule a J. K. Kekaula.
Ma@amaia ka manawa haipule e J. N. Kamoku, hora 9:30.
Kumuhana 14, na elele i ka Aha Paeaina: Na J. Keala i ko ka Aha, a ua ke kakauolelo i ko na Ekalesia.
Kumuhana 15, na hana like ole: Na ka lunahoomalu i hoike mai i kahi ma@ao pokole.
Kumuhana 1, hoike a ke komite k@mau: Na Z. P. Kalokuokamile i ka hoike o na papa helu, na D. Lonoehy i ko na kihapai; na J. N. Kamoku i ka ke komite hoalohaloha, Rev. Z. Mahaiula me Hon. G. P. Kamauoha, a kauohaia ke kakauolelo e hoopaa ma ka moolelo.
Na W. Laeha i ko na palapala hoopii @ apono ana i ka palapala kahea kahu o Pukaana ia J. Keala, a aponoia.
Kumuhana 18, na ekalesia kahu ole: Opihikao, Puula, Olaa, J. Kama; Onomea me Hakalau, D. Lonoehu; Laupahoehoe, C. M. Kamakawiwoole; N. Kohala, D. C. Williams; Mokuaikaua me Kailua, O. K. Kamau; Kaohe, Milolii, J. Keala.
Kumuhana 19, lulu no ke kakauolelo, $13.21.
Kumuhana 20, hoike a ke komite ola: S. L. Desha i ka hoike: na ekalesia, $126; na Kula Sabati, $107.50; na C. E. $114; na hoaloha, $296; huina, $64@.50. He mau hoaloha e ae i haawi mai ma na waiwai, a hooholo ka Aha, o na koena e waiho aku na ka Ekalesia o Haili.
Kumuhana 21, kahi e noho ai o ka aha: Aponoia ma Kealia-uka, Ekalesia o Pukaana, S. Kona, i ka malama o Augate nei, a na ka lunahoomalu e hai aku ka manawa.
Kumuhana 22, Koho ana i na lunanui, J. Keala, lunahoomalu, W. M. Kalaiwaa, kakauolelo.
Kumuhana 23, koho ana i ke komite hoonohonoho hana me komite imi kumuhana, H. P. Judd, D. M. Weller, S. L. Desha.
Kumuhana 25, hoomaikai i ka ekalesia o Haili, na ke kakauolelo e hana, a lohe ka aha i ke kumumanao a D. C. Williams, ke kulana o ke kahu ekalesia.
W. M. KALAIWAA,
Kakauolelo.
HE WAHI MEAHOU MA KEOUMOKU LANAI.
E kuu Solomon Hanohano:-Ma ka la 5 o Ianuari, oiai ka makani e pahalaole ana mai ke kukulu akau mai, me na nalu e po'i halaole ana ma na kuaau, ua holo aku la o Lanai, aila ea o John Nakihei ka wiliki a kapena oia waapa, ame elua kanaka kokua; o ia holo no ia me ka maikai a komo iloko o na ualu nui e po'i mai ana, o ka moe ana iho la ia o ka mikini.
Ma ka eleu no o ke kapena me ka hoe ka a hoohuli ae la i ka ihu no ke awa, a kau mai la no me ka maikai.
Hana hou no o John Nakihei i ka mikini a holo no me ka maikai, manao no ka wiliki aole e pilikia ana, o ka hoopuka hou aku la no ia, o a holo no ia me ka maikai ahiki iloko o na nalu e po'i mai ana, o ka moe iho la no ia o ka mikini, hoohuli hou no iuka, iloko no ia o na nalu e po'i mau mai ana, ahiki hou no i kona pae ana.
Auhea oukou e ka poe e heluhelu ana i ka milimili a kakou, e ike iho oukou i keia kae'ae'a o John Nakihei, keia opio maka'u ole ia mea he ino o ka moana.
Pau ka manao @ holo hou ma kona waa aila ea, o ia kona wa i ike ai i ke kumu o ka pilikia o kona mikini, mai ke kula aila mai maloko o ke paipu aila, paa mau i ka lepo, ehu hao, aole holopono o ka aila iloko o ka makini.
Nolaila haalele oia i kona waa aila ea, kau maluna o Mikioi, waa aila ea o C. Gay, o ka holo aku la no ia iloko no o ia nalu a puka iwaho, no Lahaina ka palena, mai Lahaina ae ahiki i Manele, kiloi i ka ukana ame ka ohua, a hoi mai ia ahiahi no Keomoku, he o ia mau no ka makani mai ke kukulu akau mai.
I ka la 15 o Ianuari, he Poaono ia la, nui loa mai la ka makani me na nalu ahiu, aole i holo na aila ea o ua aina nei, aohe he waa aila ea i holo i Lahaina e kii ai ame na mea e ae e pono ai na ohana o ua aina nei.
I ka la 17 ae, Poakahi ia, ua hoomanawanui aku la no ia poe e holo i Lahaina e kii ai na makou, a hoi mai me ka hoomanawanui, manao ae la ke ola @ na ohana o ua aina nei o Kaululaau.
Eia keia mea hoike aku i ka poe heluhelu o ke Kuokoa, eia ke pahola nei ka ma'i @u ma Keoumoku nei, na kane, na wahine me na kamalii, o ia kahi meahou e hoike aku i ka poe e heluhelu nei i ka milimili a kakou mai Hawaii ahiki aku i Niihau, o keia no ka ma'i o kela makahiki i hala, ahiki i keia makahiki 1921, o ka lako no o na kanaka i ka laau, ua hoolako no na kamaaina i ka laau huaale eha o ke poo, huale eha o ke kino, paakai inu me ka hoomalu i ka mea ma'i aole hele iwaho.
Me keia mau wahi meahou, ua lawa, ke haawi aku nei au i ko'u aloha i ka Lunahooponopono o ke Kuokoa ame na keiki lim@hei o ka papapa'i.
WM. BENI POKIPALA
HOOMAIKAI.
O makou o na lala o ka Aha Euanelio o ka Mokupuni o Hawaii, ma o ko makou kakauolelo la, ke haawi aku nei makou i ka makou hoomaikai nui i ka Ekalesia o Haili, na makamaka ame na hoaloha i haawi mai i na kokua, no ka hooluolu ana i na mea e oluolu ai ko makou mau ola kino.
Ke pule nei makou i ke Akua mana loa e haawi mai ia oukou i ke ola me na kino ikaikam, a e hoopomaikai i ko oukou mau waihona a piha pono.
W. M. KALAIWAA,
Kakauolelo o ka Aha.
Waimea-luna, Ian. 22, 1921.
MA KE KAUOHA
TERITORE O HAWAII
Keena o ka Puuku, Honolulu, Oahu.
Ma ka hana e hoopau ana i ka HAWAII KOA FURNITURE COMPANY, LIMITED.
OIAI, o ka HAWAII KOA FURNITURE COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o kela ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaoia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 21 o Maraki, 1921, a o kela ame keia mea e makemake ana e hooloheia aku maluna o ia mea, he pono o hoea kino ae ma ke keena o ka mea nona ka inoa malalo iho maloko o ka Hale Maua Hooko, Honolulu, ma a i ole mamua ae o ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka pala pala noi i oleloia.
DELBERT E. METZGER
Puuku, Teritore o Hawaii.
Honolulu, Ianuari 6, 1921.
6435-Jan. 14, 21, 28; Feb. 4, 11, 18, 25; Mar. 4, 11, 18, 1921.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka HAWAII COTTON COMPANY, LIMITED.
OIAI, o ka HAWAII COTTON COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopa@ ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 21 o Feberuari, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii.
Honolulu, Dekemaba 14, 1920.
6431-Dec. 17, 24, 31, 1920; Jan. 7, 14, 21, 24; Feb. 4, 1921.
O KA MAKOU LEIALOHA MAS. JOHN PULE JR., UA HALA
I ka Lunahooponopono âme na keiki hoonohohua pa'i o kou keena:- E oluolu mai hoi no makou kauwahi rumi kaawale o kau pepa no ka makou wahi puolo waimaka o ke alohja, no Mas. J. Pule Jr. i haalele mai i keia ola ana, a hoi aku la ma ka home mau ma o.
Ua hanauia oia ma Kaloko, Kona Akau, Hawaii, ma ka la 23 o Sepatemaba, makahiki 1904, a ua haalele mai oia i keia ao ma ka hora 3:30 o ke kakahiaka Poakolu, Ian. 26, 1921; nolaila ua piha iaia na makahiki he 16, 4 mahina ame 3 la. He mea kaumaha a menemene no hoi ia makou ka ike ana aku i na lima anaole o ka make i ke kii ana mai i ka uhane a waiho iho la i ke kino puanuanu na makou, na kona papa, kona mama, ka ohana ame a'u kona kaikuaana e paiauma aku i na ehaeha o ke aloha. Auwe ko makou menemene e!
Mamuli o kona kaa ma'i ana no hookahi makahiki, he mea hiki ole ia makou ke paa aku, oiai no hoi ua imi aku ko maua mama aloha e hooikaika ana i ka imi ana i ke ola i ke kauka me ka manaolana o ka hoomanawanui, ahiki i ka haalele ana mai o kuu pokii aloha.
He keiki aloha makua oia, a ua piliia eia me kona mama ame kona papa na hihipe'a o ka nahele, e imi ana i kahi e loaa ai ka pono o keia ola honua ana me ka hoomanawanui.
Ua lilo kona leo ame kana mau hana maikai apau i kiahoomanao nona a makou e poina ole ai.
Ua hoonaauaoia oia ma ke kula helela o Kalaoa, Kona Akau, Hawaii, a ua loaa iaia ka holomua o ka imi naauao ana. He hoahanau a he lala C. E. kuu pokii no ka Ekalesia o Kohanaiki, a ua paamau iaia na hana o ko ke Akua mahele a haalele wale mai la oia.
Me keia mau manao ke haawi nei makou apau i na hoomaikai i ka ohana ame na makamaka i hiki mai me ka boke pua a kanikau pu iloko o ke kaumaha. Ke waiho nei makou apau i ko makou mau manao luuluu o ke kaumaha na ka Makua lani e hoolana mai.
O makou apau me ka haahaa,
MRS. JOHN PULE,
JOHN PULE,
W.M. KEANAAINA JR.
Ma ka la 16 o keia mahina e noho mai ai ke kau mau o ka ahaolelo kuloko, a ke hoomakaukau mai nei na hoa o ka ahaolelo i ka lakou mau bila kanawai no ka hookomo ana ae ma ka la mua loa e weheia ai keia kau.
HOOMAKAUKAU NO MUA AKU NEI
E Hoaoa e Hoomakaulii Ano --- E Malama i ke Dala e wehe i Buke Banako Hoahu me ke
CHINESE-AMERICAN BANK
A NANA AKU I KA ULU O KAU DALA
NA PANU DALA $1.00 no ka Wehe Kihi o ke Alanui
no ka Hoolimilima Ana i ka Hoahu Moi me Nuuanu
_____________________________________________________________
LUAU
Na PA, NOHO, PAKAUKAU ame na HALELOLE no ka Hoolimalima
PEOPLE'S HARDWARE STORE
435 Alanui Moi Akau, Kokoke i Palama Settlement.
KELEPONA 2670
6348--8 wks.
_____________________________________________________________
T O Murata Furniture Store
(Na noho hoolimalima me lako pa maanei.)
Na Lako Hale Hou me Kahiko.
Hoolimalima me Kuai Hoolilo.
715 Alanui Hema, Honolulu, T. H., Kelepona 1695.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka HONOLULU FILM COMPANY, LTD.
OIAI, o ka HONOLULU FILM COMPANY, LTD., he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kelana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 28 o Feberuaru, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Mooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
DELBERT. E. METZGER,
Puuku, Teritore o Hawaii.
Honolulu, Dekemaba 18, 1920.
6432-Dec. 24, 31, 1920; Jan. 7, 14, 21, 28; Feb. 4, 11, 18, 25, 1921.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka THE WATERHOUSE OFFICE OUTFITTING COMPANY, LIMITED.
OIAI, o ka THE WATERHOUSE OFFICE OUTFITTING COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o kela ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 14 o Maraki, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii.
Honolulu, Dekemaba 29, 1920.
6434-Jan. 7, 14, 21, 28; Feb. 4, 11, 18, 25; Mar. 4, 11, 1921.
TERITORE O HAWAIIA.
Keena o ka Puuku, Honolulu, Oahu.
Ma ka hana e hoopau ana i ke KAPAA AUTO STAND COMPANY, LTD.
OIAI, o ke KAPAA AUTO STAND COMPANY, LTD., he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 28 o Feberuari, 1921, a o kela ame keia mea e makemake ana e hooloheia kau maluna o ia mea he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku Teritore o Hawaii.
Honolulu, Dekemaba 18, 1920.
6432-Dec. 24, 31, 1920; Jan. 7, 14, 21, 28; Feb. 4, 11, 18, 25, 1921.
KakelameKuke
(Kaupalemaia)
Poe Kalepa ma ke Komisina
-A HE-
Poe Agena no na Mahiko Lehulehu
Teritore o Hawaii, )
Kulanakauhale a Kalana )ss.
o Honolulu )
O W. H. Campbell mamuli o kona hoohiki pono ia ana, ua hoike ae me ka olelo ana he Mea Uku Dala oia no ka First American Savings and Trust Company of Hawaii, Limited, a o ka papa hoike malalo iho nei, he hoakaka oiaio a pololei ia o na waiwai o ka Fist American Savings and Trust Company of Hawaii, Limited, ahiki me ke komo pu o ka la 31 o Dekemaba, 1920; o ua papa hoike la, ua koi ia mai ia e ka Pauku Helu 3327 o na Kanawai Hoohuihuiia, o 1915, o ke Teritore o Hawaii.
O ke kumuwaiwai i hoamanaia o ka Hui he $200,000.00, i maheleia iloko o 2000 kea no ka waiwaiio o $100.00 pa kaia he 2000, o ke kanahiku pakeneka o ia mea, ua like pu me $14,000.00 ua ukuia, e koe ana he $60,000.00 no ke kauohaia aku e ukuia mai. O na loaa aie o ka hui ma ka la 31 o Dekemaba, 1920, elike me ia i hoomaopopoia, o ia keia malalo iho nei:
Kumupaa i ukuia mai….$ 140,000.00
Mookelu Oi …………… 25,000.00
Puka i mahele ole ia ……. 42,243.00
Na hoemi ……………. 904.04
Na hoahu dala …………. 1,010,425.88
_____________________
$1,227,572.92
Na loaa o ka Hui ma ka la 31 o Dekemaba, 1920, o ia keia malalo iho nei penei:
Nahoaie âme hoemi ………. $ 919,584.10
Na kea, bona ame hoopukapuka ………. 192,856.25
Na waiwai paa ………. 22,048.85
Na waiwai paa aelike kuai ………. 2,400.00
Dala ma ka banako ………. 85,134.77
Ukupanee e loaa mai ana ………. 5,548.95
________________________
$1,227,572.92
W.H. CAMPBELL,
Mea Uku Dala.
Hanaia a hoohikiia imua o'u i keia la 14 o Ianuai, 1921.
J.H. ELLIS,
Noteri o ka Lehulehu, Apana Hookolokolo Kaapuni Ekahi, Teritore o Hawaii.
_____________
Ma keia ke hooia aku nei au, o ka papa hoike maluna ae, he kope oiaia a pololei ia o ka papa hoike kumu i waihoia aku maloko o ke keena o ka Puuku o ke Teritore o Hawaii.
J.H. ELLIS,
Noteri no ka ehulehu, Apana Hookolokolo Kaapuni Ekahi, Teritore o Hawaii.
6435--Ian. 21, 28; Feb. 4.
___________________________________________________
Kela Laau Kaulana
__________________________
B.B.C.
__________________________
He laau i hoohuiia o na launahele, laau e hana pu ana me ka hana a ke Akua, he hoomaemae a hooikaika ae i na mea paahana hoolokoa o ka kino, e kipaku ana i ka ma'i kino ame na ma'i ili wale mai, e haawi ana i ke kino i ka ikaika, ke ole ame ka mana i na aalolo.
E hoopiha ana ka B. B. C. i ke kino me ka ikaika hao o ke ola ame ka ikaika o na la opio. Ua hoo@aia na poe na waliwali ma na manawa lehulehu mahope o ka inu ana he mau pule wale no. Ua a ponoia e na kauka kaulana he nui ame na kanaka iloko o ke ola lauhi ap@. O ka B. B. C. ka laau kamahao loa ma ke ao.
KUAHA MA NA WAI APAU.
Keena kuai Laau B. B. C., 161 Alanui Moi,
Honolulu, Hawaii
___________________________________
NUPEPA KUOKOA
No ka makahiki (one year) ………. $2.00
No eon mahina (six months) ……….. $1.00
O na Dala ame na Hoolaha Apau @ hoouna pololei mai i ka ADVERTISER PUBLISHING COMPANY , LTD., wale no, P. O. Box 208, Honolulu, T. H.
217 Alanui Moi, ma ke keona o ka Nupepa Advertiser.
Entered at the Post Office at Honolulu, T. H., as Second Class Matter
CHARLES S. CRANE LUNA NUI